2009 年 9 月 20 日 星期日 【酷熱】

十萬個瘀加十萬個樣衰



我發覺當女友一要返工，我就會無飯食，睇怕冇佢我會餓死
街頭，今日放晏食飯，因女友冇飯比我帶，我唯有一餐出去
食，元朗開左一間新既越南式既餐廳，我今日就一個人去試
下，我入到去叫左個越式唔記得咩咖哩雞紅米飯，諗住收我
成40幾蚊，點都好好好睇睇吧，點知......飯來到，果D只係超
普通既茶餐廳咖哩雞飯，骨多過肉，最多肉果塊就係雞亦，都
只係得一舊，D肉仲要好乾，好似放左幾日咁，都算了，佢真
係多骨到我食到...哽到骨，卡住喉嚨唔上唔落，諗住飲佢杯芒
果梳打冰，點知杯野一粒芒果肉都冇，就反而有罐頭菠蘿肉，
飲品味道就有的屎咁多芒果味，都算了..救命要緊...我諗住沖走
我卡住既骨，點知我沖唔到，攪到我喉嚨好唔舒服，同佢投訴，
佢只係唔收我錢...!!!我因為要返工準時接車關係，費時週旋咁耐
，況且死纏爛打都唔係我風格，我只係會呢一世都唔會再入佢門
口就算了，而最麻煩係呢段時間我就卡住好唔舒服好唔自在，點
都好我都忍到放工，我都仲係卡實!!!放工去診所睇醫生，醫生叫我
入急症，因為果度先有儀器幫到我取出，而且要有麻醉先做到，於
是我入去急症又要等.......等左成個鐘，先有得睇，入到去就比醫
生照一照，確定位置，落少少麻醉藥去喉嚨，放支喉入去...再放
多一支入去，這刻....我好鬼想嘔，不斷流口水....因為我吞唔返入去，
焗住流出來....超樣衰...仲要比D女護士見到，Shit.....!!!仲要著住制
服的我......樣衰加極度樣衰...!!!!!唔使五分鐘完成"小手術"，之後我兩個
鐘頭都食唔到野，都算了，因為我食到都唔會有心情.......，但我腦海中
只知我好瘀好瘀好瘀好瘀......攞藥後...飛出急症室衝去的士站搭的士走
都走唔切.......，我只求今生今世都唔好比我遇返今日見過我咁樣衰咁瘀
的人.......，現在的我.....越諗越想了斷自己....!!唉......

>>September 20, 2009 at 10:43:57 PM GMT+8

2009 年 9 月 19 日 星期六 【酷熱】

睇煙花


傍晚同女友去左Cathay City睇煙花，雖然係隔岸觀火冇現場
砰砰得咁大聲，煙花又冇現場見咁大朵，但可以唔使迫，舒
舒服服咁上天台睇，仲有點點涼風吹下，感覺真係唔差架，
佢地有D同事仲帶埋望遠鏡去睇，簡直係強呀..!!不過D煙花
唔係太靚，如果我係迫去睇..我諗我會好失望，唯一一次我
覺得係勁勁勁好睇壯觀既係，有一年響青馬大橋放果次既煙
花，果次真係最靚.....!!好難忘....!!

睇完去左Canteen食晚餐，D味道Ok咁啦，又唔係太好食，
但又放得入口咁，算啦...好一餐唔好又一餐，最緊要係佢
夠平嘛，食完走去巴士站等巴士果時.....，見到個阿婆響巴
士既車轆唔使仲咩，總之就響度攪攪振咁，唔知攪咩，最
後見到佢排好一列鋁罐響轆前，過左一陣巴士開走，一串
好似炮竹聲咁.....，D鋁罐壓到完全扁哂，之後..阿婆好瀟灑
咁去執返咁D鋁罐，嘩.........連踩都唔使踩，阿婆真係有諗頭
，有巴士開車，我地一上車就訓足一程，架車返到屯門時，
屯門勁多人，好彩我地冇去迫..哈哈...!!!有好有壞啦，你要
迫就有得感受現場氣氛，我唔迫就只可遠望咁睇，不過都叫
現場丫.......，我當睇左架喇....

>>September 19, 2009 at 11:13:00 PM GMT+8

2009 年 9 月 19 日 星期六 【酷熱】

醉在家中



昨晚食完飯後，一班人打完機後就傾左一陣計，過左冇耐
就各自回家喇，話哂人地係女仔，問人借左部車，車返佢
地返屋企，五個人一齊坐..講真..架車唔係大架，後四個做
沙甸魚，只有坐車頭果兩位坐得比較舒服，不過，有一個
唔係住得好遠，響新元朗中心就落車喇，但其兩位女仕，一
個住佐敦，另兩個就住大埔同上水，我呢D人好日都唔開車出
去既，當堂比條路考起，我除左最熟係行屯門公路之外，其他
就勉勉強強啦，送完佢地後同女友遊左一陣車河先走，反正我
都要打返半缸油比佢，咁就不如用盡佢喇，我地遊左去吐露
港、上埋荃錦公路..即係大帽山，又行埋汀九橋一轉，最後唔
行屯門公路，走左去行青山下路入屯門，沿途落左車響青龍頭
、黃金海岸hea左一陣間，吹下風，最後最後先返去屯門回家，
有一刹那覺得，自己有部車都幾好喎，學阿Philip咁自己出部車
，我真係好羨慕Philip，自己可以擁有一部Dream car，而我就真
係名副其實Dream car即係發夢先會有既車，吃不到的葡萄是酸
的，一路同自己講又要比車位錢、保養、保險、油錢、牌費......
，傻的才會出架車吧.....!!!不過....我諗Philip會諗，『我同你排埋一
齊，你就輸左啦.....!!!』當然..講笑啦....Philip冇咁小氣既.....!!

回到家之後，我同女友都冇訓到覺住，因為我地兩個明天都唔使
返工，兩個人就諗D野玩下娛樂一下，開初我地玩下紙牌、之後
又玩大話骰、幸運骰，玩到我地要開左一支百佳買既Cheap Cheap
紅酒玩，越玩就越癲，可能大家都開始有點醉醉地咁，女友仲飲
到面都紅埋 ，玩到頭髮仲散哂咁滯，成個癲婆咁，嗱...呢D情境真
係只會在家先見到，要聲明在先呀，平日佢係好有儀態架，但之後
玩係邊個輸多邊個贏多，連我都唔係好記得，只係正話起身去洗手
間先發現，原來我地開左兩支半既紅酒玩，而枱面仲剩低細半支，
咁即係証明我地昨晚都玩得好癲下，不過我估應該係女友飲多我好
多，因為我而家醒左都冇咩事，而女友到而家都係仲撻左響床瞓得
好甜...!!!只不過真係少有，平時上床訓，女友一定一定要人沖完涼先
可以訓上床，而昨晚我地不單止冇沖涼，而且連出街果套衫都冇換，
我睇怕女友一起身就立即換返新洗淨既床被單....!!!佢大概有潔癖吧...

和她一起的日子，我地從未試過一齊咁飲咁玩，平時呢D活動只會同
我D好兄弟C4一齊玩，試過今次我先知，要玩得開心，在家都可以，
而且還不一定係好兄弟先咁玩得，同自己女友兩個人都會玩得好開心，
昨晚....我地簡直好似去左bar玩咁，更方便係飲醉都唔使辛辛苦苦轆
回家中，名副其實飲醉就埋面........訓啦...!!!好喇好喇......雖說冇咩事，
但仲係好想訓下，去訓多陣先.....


***sor呀，呢幾天有點忙，所以未能回覆我的日誌既email留言，今天我
會盡量回覆大家...thank you"

>>September 19, 2009 at 11:05:13 AM GMT+8

2009 年 9 月 18 日 星期五 【酷熱】

略計損失.....!!!



今日同女友一齊煮飯，三餸一湯，有椰汁咖哩雞、西蘭花炒肉片
、蒸左一條魚、什菜湯，哈....今次我有幫手，我有洗切菜、切雞
、切薑花蔥花、批薯仔、睇火......。其實因為今日有女友既同事上
來食飯，開初仲以為三個菜會唔夠食，點知份量啱啱好，兩位女仕
唔知係唔係真係咁細食定點啦，真係半碗飯就夠，只不過之後佢地
食生果先恐怖，六個橙三隻蘋果一碗西瓜比佢地四個女仔清哂，嘩
....係人唔係人呀..??難得佢地上來，佢地同女友一齊玩Wii，四個一
齊打網球，我響裡面洗碗都聽到佢地依嘩鬼叫，好似打到好興奮咁
，我幾驚佢用個手制打碎我部電視呀...!!我知呢排好黑嘛，我唔想又
壞多樣野，我好窮嚕........!!

今日打去問濾水器間公司問，原來要配返個外殼，要成600幾蚊，唔
打開個濾水器都唔知內面已經好多污濁雜質，共六條濾水芯，換哂要
1300幾蚊，加埋果600蚊，即係2000找幾十蚊...!!好....我仲未計相機，
今日都問過，打開驗驗都要250蚊，我仲要人為損壞，又比佢劏多幾舊
水，天呀.......................我已經冇左二萬蚊喇，可憐下我呢個死窮鬼啦，
唔好再搶我錢喇，我全身都所剩無幾，我怕我都要比女友養返我轉頭
先得喇，唉......今期自己都養唔掂自己，真係失敗中既失敗再失敗呀....!!!

>>September 18, 2009 at 11:06:26 PM GMT+8

2009 年 9 月 17 日 星期四 【酷熱】

Sorry呀..我的親愛女友


唉....女友放工聽到我壞整爛野，佢第一個反應係
『又』爛屋企野...!!!!雖然女友話算數啦...，只不過
我見到女友個樣子係顥得好無奈，我估女友果刻
一定係諗『真想將你連人帶椅一齊掉我出去』我知
我講咩、怎樣去道歉都冇用，畢竟我在家做左破壞
之王，掂乜爛乜，我真係無話可再講，只能對妳再
說多次『對唔住』......!!!我應承妳..我下次會小心、留
心、當心多點....希望我真係會冇下一次啦.....

>>September 17, 2009 at 11:37:04 PM GMT+8

2009 年 9 月 17 日 星期四 【晴】

我係頂級既『破壞之王』


我又整爛野喇，頂....呢排真係攪咩飛機呀?掂乜壞乜，本
來只係想煮個麵食，我只係打開個水喉連濾水器，可能
我開大左個水喉，令到濾水器受到好大既水壓，呯....!!!
一聲，就爆開左個濾水器個外殼，連水連膠片碎一齊彈
出來，當堂成個人嚇左一大跳，第一個反應係...唔識反應
，第二個反應係...又發生咩事??第三個反應係.....妖!!!有冇
咁黑呀??又係我整爛野...?唉.........今晚女友放工返到屋企一
定激死佢，我真係住咁耐，洗衣機又整壞過、冷氣機又整
到佢燒左、相機又整凹埋、家下又整爛個濾水器，我今期
唔比人趕走就有鬼喇...!!!唉.....今日返早唔返晏咪好囉，返
左早我就唔會煮野食，唔煮野食我就唔會整爛個濾水器啦，
我諗....我呢排成日都整爛野，女友都已經忍左我好鬼Q耐喇
一定，今次佢仲唔鬧死我打死我????唉......放工我真係唔敢再
返屋企呀....!!!

>>September 17, 2009 at 11:25:23 PM GMT+8

2009 年 9 月 16 日 星期三 【雨】

間中既一餐


今日睇到女友本相簿，相中既係佢地另類的畢業相，影得女友
幾靚女架，尤其果張七個女仔一齊打開手掌show粒士多啤梨，
真係好特別，估唔到妳地呢D都會有畢業禮，而且我仲好羨慕
當中唯一的男生，真係.....豔福無邊啦!!但我亦都看到另一樣野
，比起相中的那個妳，妳的的確確係好明顯消瘦左，我諗是工
作太辛苦使到妳咁，不過可以放心呀......妳依然係咁靚咁可愛既...

放工同女友一齊出去行左一陣，諗來諗去都唔知食咩好，最後
我地竟然走去食麥當奴，真係估都估唔到，妳我仲唔理膽固醇
係咁食薯條、食雪榚、蘋果批、仲有個飽添，妳眼望我眼，其
實間中一次...麥當奴都好似幾好食，而且仲有好開心既感覺，唔
知妳又感唔感覺得到呢...??

>>September 16, 2009 at 11:50:51 PM GMT+8

2009 年 9 月 16 日 星期三 【颱風】

『黑』氣強人


丫....................救命呀，呢排仲咩事呀，唔係衰呢樣
就壞果樣，正話想攞部相機出來諗住明天用，點知..
部機個鏡頭外個不锈鋼外圈，唔知因咩事凹左，應
該係有野壓親佢先會凹左，唉.........!!!呢排食左咩屎
呀..???我正話先平伏我冇左兩萬既心情，而家又要唔
知比canon搶我幾多錢喇，人為損壞....一定比佢劏錢啦
，而最緊要部機係我女友架嘛，我頂....呢排真係掂咩
壞咩，我就黎精神崩潰，而家我一聽到有關我將會唔
見錢的事，我都會血壓狂升，EQ狂跌，見貓咬貓、見
人咬人、見神刺神、見佛殺佛、總之我有殺冇賠，一睇
就知我已經發Q左癲啦，我已經叫青山留定位比我添喇.....

總之......我憎死你....我憎死你全家....我憎死你全家住果區!!
我但願渣打銀行永遠擠提....有渣打既分行果度永遠都塞
車、水浸、跌招牌、路冚、爆屎渠、漏煤氣、塌天花....
我已經瘋了.....!!!不過......還未衰完，五分鐘前我又見到
部LCD電視插住駁去電腦條線，唔知幾時佢入面又凹左，
即係個插頭果D插針又係個外圈凹左，攪到果一端個插
頭插唔入部電腦，好........仲有冇野要壞，一次過比我知
好嘛...???合指一算我咁壞一壞D野又要差不多成千蚊，家
下我發左達嗎....???講真今個月已經有點手緊，其實都唔
知近呢排點解..??兩個人搵錢都好似唔夠用咁，覺得D錢
好似會自己飛走咁，不知不覺間好似冇左好多好多，有冇
人可以講我知，我呢排發生咩事，我得罪左邊個??我踩親
邊個條尾??因乜解救今日全部壞既野都係凹左....???我開罪
左"凹"神呀....??我究竟發生咩事??我覺得自己好似慘過比雷
劈囉.....damn!!!!!!!!!!!!!!


妖那星丫...正想Post呢段文章上去時，又入唔到我個日記，
又顯示比我知『500 - Internal Server Error』，到底想點呀..?
我而家真係好想好想抱實女友大喊一埸呀，我真係頂唔順
呢一排既不愉快、不幸運、超倒楣、勁黑仔的事喇.......!!不
過唯一令我安慰的是女友還會在身邊支持我、逗我笑、除
了女友我諗想找多點人支持我都好難喇，諗諗下......呢排有
冇人攪喜事呀，有冇人攪D唔使我比人情既喜事呀...?等我去
一去，幫我沖喜一下啦，我真係黑得徹底的透徹呀....!

臨返工先Post到上個Diary度，真係"整佢個計"丫.....!!!

>>September 16, 2009 at 4:25:11 AM GMT+8

2009 年 9 月 14 日 星期一 【寒冷】

強橫烈風的八號颱風....


呢個風好勁呀，名副其實D風好勁，不單止係咁，
就連D閃電都好勁，今日開工時，一個閃電劈到條
電纜斷左一斷電，成架車冇左兩秒電，真係比佢嚇
死，不過呢個八號風真係唔係浪得虛名，勁勁勁大
風，在家中望出街只係見到D樹吹到搖擺不定，而街
上一個人都冇，唔知呢D天氣係唔係都會吸引貓去望
，我發覺每次打風果隻肥貓都會走出窗邊望下望下咁
，好鬼攪野.....!!!唔知佢諗咩望咩呢...??

好彩女友唔使返工，如果呢個時間佢要返工，我都唔知
點好，風雲變色兼橫風橫雨，一個大男人都會比風吹走，
更何況一個女仔呢.....!!

哈...現在每天都叫自己看開點，睇開D，唉....算啦...錢...
我都相信我都會搵得返，估唔到教訓都會跟得上通脹，
會越來越貴，我都無話可說......!!!係時候要學下黑色幽
默先得喇.....!!!

>>September 15, 2009 at 12:47:16 AM GMT+8

2009 年 9 月 13 日 星期日 【酷熱】

火上加油...!!


昨日既事心情已經不太好喇，今日還有人辣我，火都
黎埋..!!今日下午臨12點半前，帶個妹睇醫生，睇政府
診所果D醫生，約左時間去睇，由於時間好趕，所以我
地搭的士去，果然天公造美，沿途交通燈都好順，過親
都係綠燈，但係臨門一腳，去到診所停車場，先有部車
等入閘，後到我地部的士，過左幾分鐘，前面架車都入
唔到去，望真D....原來個亭係冇人，前面司機呆等，而我
地就係咁跳錶比錢係咁等.....，終於有個女人來，比前面
架車入，好喇...我地諗住跟住入，誰知個女人突然拋個"雪
榚筒"出來，阻止我地部的士入，我先好言相對咁講，我地
係搭的士睇醫生，入去落客的士就會走，點知個女人串串
供咁話，呢度係政府地方，唔係咩車都入得去，要我地掉
頭走，的確...如果可以掉頭我都算，但後面已經有三部車等
緊，的士跟本掉唔到頭，唯一方法就係入去裡面掉頭，點知
個女人都係死都唔比我地架車入去，我已經越來越滾，我大
佢話你唔比我入我就塞住係度，丫...點知佢仲串，你咪塞響
度囉，我見大佢唔到，自己又火滾，我知講都無謂，一腳伸
開個"雪榚筒"，打手勢示意的士司機入去，個女人就係咁鬧我
，我就用手機扮野拍佢片，講你繼續鬧丫..!!果然咁做個女人
就收斂左好多，不過而家到我唔會就咁算數，我要佢比個職員
証我抄低，我話指住佢話，我明天就即刻點名投訴你...!!!

頂佢個肺.....，有咩理由唔比的士入去，如果你話私家車入去就
話唔比掉頭，就話講得通，唔通我有事行唔到，我要坐的士去
停車場門口..落車行入去呀???難道真係只有白車先入得嘛..??昨日
的事同今日的事，一次過用語言發洩哂出來，尤其係果腳，真係
踢得好爽，之後去到簽名Cut保險時...我都無咁滾，真係發完果癲
舒服左好多，哈......算你呢個女人不好彩吧...!!!不過，我明天真的
一定會投訴佢，我要知道點解的士都唔入得去落客比人睇醫生，
我就睇下佢點答我...!!!!

>>September 13, 2009 at 6:38:45 PM GMT+8