| 日記 | 日記主簡介 |
||||
2009 年 11 月 24 日 星期二 【晴】 不知不覺的犯錯 今日早上如常返工 其實每日返工我都會遇到一D事 問題係大 定係.... 細到都講都費時講..提都嫌哂氣既事 但今日出到街食早餐、甚至在駕駛室內 我都不難就會聽到有人講一個話題 就係藝人陳鴻烈去世 我收到消息係我聽收音機既時候 那時候我還以為佢講緊"畢打"既劇情 想不到係真.... 其實真係好突然... 估唔到...其實有誰會估得到丫 以前....羅文、肥肥、梅艷芳..果D 你會預計佢有離開的一天 但今次真係....有誰想得到 人真係好脆弱呀 好多事都不由人 有誰可以保證下一分鐘你仲生存...? 人一出世就要面對死亡 每過一天即係你步向死亡又近多一步 有人說人生太短 想盡方法活長壽下去 有人則覺得生命太長 想方法了結自己 我經常都會話...我從不會可憐自殺的人 因為我覺得死係要好大決心同勇氣 話雖如此... 但自殺呢個Idea...我想過好多次... 每當我有事真係想不通時 總會諗....死去一了百了 人生實在太煩惱喇 但諗下去我又會擔心 我家人、我女朋友、我怕佢地會傷心 因為死亡係冇得返轉頭 我更加會諗死左我會去邊...?? 寂寞地一個人離開塵世上... 留下所有朋友同家人..還有女朋友 咁我死左咪仲唔開心仲寂寞 假如死左後真係好似"人鬼情未了"咁 只得你見到她...她又看不到你 每日見到她傷心時.... 我定必覺得會好後悔... 自己點解要選擇條令人傷心的不歸路 死左雖然係一了百了 但同時都會失去自己一生人所經營的一切 再者...死亡係人生必經之路 時間一到...任你幾不願意 死亡就會找你...怎避都不會避得開 我還有必要自己去找死亡呢...? 唉..... 其實人生多煩惱係因為我地唔知自己幾時死 如果你知道自己明天會死 你今日必定會盡力把今日活得最好最開心 將一切煩惱拋諸腦後 目標係好清晰的 但而家係冇人會知自己幾時會死 所以我覺得我們應該好好地咁生存下去 想做的事應該把握時間去做 要關心家人就要趁在生的時候 對自己最愛的人 一定要好好地咁愛佢...痛鍚佢 因為下世就未必有緣再會一齊 假若不幸下一分鐘就離開 咁自己所愛的人最起碼之前一分鐘都得我付出的愛丫 自己都會無憾一生吧...走得安樂!! 我到左那一刻...就講女友今次返工!!... 離我而去出去前我都仲係咁諗 不用每次出門都要抱一抱吧 妳又唔係出去長既日子 妳又唔係不回來... 過幾天會返來吧 而且我們都一齊住...成日都相見到對方 其實女友總喜歡臨返工前總要抱一抱 不論我那一刻..我會不會抱時挽著她頸、背脊 她總會緊緊地抱一抱我 女友每一次出走臨分開臨走前一刻挽著我頸背抱一抱 我之前仲有咁同女友講 冇需要每次臨返工前要抱一抱吧....(妳不是不回來呀...!!傻瓜..) 曾經.... 女友話....."如果我返不到來呢...??" 咁點呀...??(呆了....怎會喎...?) 女友話自己工作若有意外話...生存機會都會好渺茫 更悲的可能到是連身軀都找不到粉身碎骨..! 可能今次係最後呢...!!! 果陣..我只係話....別亂講啦!!(那刻好忟點解佢要講呢D咁假設的話...) 現在我開始覺得明白她的感受 女友所做的都不是冇原因 臨走的一刻最親密的動作 可以只係得擁抱 雖然冇人想有意外 但的確呢個擁抱可能真的係最後....(無人可以保證是否最後) 之前我還覺得嫌多此一舉.... 因為有時在街上、公司大堂擁抱對方... 我覺得有人會見到唔係太好 我總是覺得很尷尬.... 所以無真真正正甚至只係敷衍地去抱緊過她 回想起早之前我還會"不怕尷尬"咁...在她返工離開前抱她 後來我覺得....很例牌呀、返工前抱抱已經好多好多次喇.... 而且好似眾目睽睽下咁我覺得唔係幾好... 漸漸地覺得不用次次都抱緊吧... 同時感覺到呢個"擁抱"得來太易...來得太多 我嫌太過"公式化"...每次都係咁做...!!! 但靜靜地想真.....如果真的有不幸事發生 我一定會好後悔我冇真真正正咁抱過她 計起來..講起來 之前我還不斷講..我很關心、很愛她 原來我不覺不覺咁將容易得到的東西 顯得好不稀罕...再不珍愛 簡單的一個擁抱 由我開始真係會抱緊她...直到現在只係得她會抱緊我.... 而我手都懶得挽著她背....甚至有時我會覺得ok夠喇還輕輕咁推開她.... 講起抱緊時....真係好似只得我會輕輕咁推開她.....(呢一刻我才留意添..) 靜靜諗下自己所做先知原來自己係幾咁唔好幾咁差勁...... 枉每次她出走前總會問我想食什麼...關心我要什麼...要什麼.. 我想要求什麼她能夠做到都會去做 為我經常準備生活上所有一切.... 原來我連一個簡單輕輕的擁抱我都推開左佢...(真的很欠打呀我...!!!) 女生係很敏感的動物 我知她一定會感覺到我的轉變 我諗只係女友默不作聲地容忍吧 女友經常笑著說我不細心....(其實那時我心中仲諗緊我點唔細心呀..?很多人已經話我做得好好嗱喎...) 原來我都真係幾.....!!! 現在只想她能今日快點回來 我很念掛....很想真真正正給她一個擁抱 我應承不會再推開妳 原諒我的不細心 但我發誓我仲係好喜歡妳.... >>November 25, 2009 at 3:10:42 PM GMT+8 2009 年 11 月 23 日 星期一 【微冷】 各自各.....開工 今日女友同我晨咁早...天未光就要返工.... 早到要清晨五點半就去到樓下等車喇....(等架Call的....!!) 但我今次一送到佢去返魚翅城門口 我就立即坐巴士返去屯門喇....(輪到我趕返工喇...) 之後我仲要立即返去兆康接車開工 時間果然啱啱好.... 我仲可以有時間去個廁所添 放工後約左光記去滾....(係打邊爐啫..!!!) 女友今天不會返來... 要明天下午先返.... 女友之前個Roster太好喇.... 正所謂有咁耐風流..有咁耐乜乜 家下女友個roster編得密密麻麻 我見到佢個roster好多都係要留一日先返 我見到都辛苦呀.... 希望她今次來緊返既日子都會無驚無險啦..開開心心啦 昨晚同女友出街時見到D我地唔想見到既人 講真......一見到佢咩心情都冇哂(仲立即有想食人既感覺....!!) 女友不願見佢之餘 我更加想佢消失 無可奈何地佢都比左一D我唔鐘意既說話我聽... 之後我回到家自己漏夜打左篇文章發洩 好嬲既心情時打.... 昨日....網絡問題冇法Post出來 夾硬留到今天 好喇...到今天睇返自己昨日打既文章 我又覺得自己昨晚好似過於偏激咁 想了好久....諗緊放唔放黎比人知好 最後..我都選擇post出來..(反正都打左出來...!!!) 讓你們感受下我果刻好嬲既心情啦... 文章如下.... 狹路相逢 佢真係咁有權威嗎...? >>November 24, 2009 at 6:41:45 AM GMT+8 2009 年 11 月 22 日 星期日 【微冷】 感情生意.... 11月23早上.... 昨晚十一點左右 家中電話響起 本來已經想瞓覺既我地 都好奇邊個會夜晚仲打來呢? 電話筒另一邊原來係女友既同期訓練既同學 雖然我開頭都唔知女友講咩 但八掛的我聽下又估下 我諗對方是失戀吧 還要係剛剛的事添 女既本想出來挽救但男既就不肯妥協...堅持要分開 女友最後出左去搵佢(我諗怕佢睇唔開掛..!!) 而我又同佢個朋友唔熟 所以我都冇跟埋去..只提提女友 夜喇...小心一點喇 我還以為女友會出去好耐 點知二十分鐘都唔使就返到來 仲帶埋呢個朋友上來 第一眼見她... 我除左覺得她很眼紅又憔悴之外 還覺得她應該不太差丫 無論個樣、身材...各方面我都覺得好好喎 我果一剎那只係諗....咁好條件要找另一個都不難啦 使唔使喊到要生要死呀...? 雖然我冇坐定定睇住佢地傾 但我隱隱約約聽到大概..(無間道咁....表面上我玩緊電腦...實則係好留心八掛佢既事...) 應該係男既趁女既返左工就走去識另一個 而且仲蒙在鼓裡三個月有多 女既覺得自己好蠢啦....有第三者介入三個月都唔知喎 不單止咁.....正話出到去求佢覆合...男既都唔肯 四年幾感情...就今晚咩都冇哂..(輸左個男友輸埋自己青春同時間..) 其實男女思想有別..... 男既總覺得愛情最緊要新鮮.... 識左四年既點及識左四個月既咁正呀?? 好喇...找到個識左四星期又會覺得識左四個月果個已經厭 找到個識左四日既...又會覺得識左四星期果個悶 當找到個識左四個鐘...呢個最好啦...最新鮮 無錯......作為男既不得不認自己係花心喎 但自己內心的天使與魔鬼會鬥爭你自己應該點做 天使贏........男既就會覺得應該要對女友忠心一點 相反.....就會成為一個玩玩下既花花公子 不過有D男既天生得俊俏無比....又或者有錢...會覺得唔玩多D唔試多D就係對唔住自己 但有D天生得其貌不揚既....找到愛情會安份守己一點(我係呢類人喇...!!) 所以....靚仔冇本心呢個話我係認同既...(有本錢有邊個唔想試多D玩多D...) 講到女既 大多數我認識既女性朋友中都比較從一而終 對感情認真 因為女既只會有一個"第一次" 而所以女性對愛情既要求就係保鮮 即係要求同一個對象保持新鮮.... 識左呢個男仔頭一星期.....男既會開盡佢一世人最浪漫既Turbo 做盡佢來緊四星期、四個月、四年之後都做唔返既行為 所以....男女一齊頭兩三個月一定係最開心最甜 日子耐左女既會諗....點解個男既做唔返佢之前做到既野呢...??(佢唔係唔愛妳喎....女既唔好攪錯左..) 咪就係因為佢副浪漫既Turbo已經開到盡頭啦嘛..... 所以女既要保持一段幾年既愛情新鮮都係可叫困難 保持唔到...咪會失戀囉.... 當然啦..... 呢段愛情新鮮與否.... 男女兩方都有責任啦.... 因為世界上最冇保証就係愛情嘛..... 如果唔係就會有愛情保險買啦.... 因為冇咩保險公司會做高風險生意吧....(愛情保..分分鐘賠到公司破十次產..) 好得意喎 如果子女同父母嘈完交甚至打完你一身 可能父母都會仍然幫你洗衫、煮飯比你食、幫你解決問題 如果朋友之間嘈完交 男既可能打返一場波...打返一場交...發洩下冇事又會再friend過 女既可能大家不睬幾天....為了一個小小話題又可能會friend返... 但男女朋友之間一吵鬧.... 往往要做返朋友...都唔係易事...(咁再見分手亦是朋友又唔係話冇可能...) 可能友情同愛情感情始終不同吧 其實兩個人一齊真係不容易 由相識....到追求呢段日子已經不容易啦 表白都要好大勇氣呀 好了....大家表白完可以起埋一齊 又要親手破壞自己之前辛苦經營既感情 即係話.... 感情比作一埸生意 咁愛情就係"利潤" 咁有冇人做生意唔要利潤丫? 不知道別人怎諗啦.....我又唔係別人佢地 我覺得我自己應該係安份地守好自己既愛情 再做不必要投資只好損手爛腳 得不償失 希望佢個朋友可以好快咁企起身啦.... 我覺得以佢條件絕對可以找到個更好 回憶點解我會記得鐘意呢首歌....唔係佢歌詞特別，本身亦都冇咩特別 但呢首歌係我同女友有一次坐車時..兩一Share一隻耳筒聽既歌...< 當日情景係點有咩時發生....我仲好記得啊.... >>November 23, 2009 at 3:50:05 AM GMT+8 2009 年 11 月 21 日 星期六 【晴】 我原來真係冇耐性的..
我地黃昏時份兩個走左去BBQ.....(人地以為我地痴痴地線...) 冇錯.... 只係得兩個人去(笑死人...兩個去燒....!!!) 我地去左D唔使自己執手尾既燒烤場....(乾手‧淨腳...) 不知係唔係心理作用呢.. 大家.....??(大咩家丫...得你兩條傻既茂利乍...!!) 對住個火爐坐真係好鬼熱.... 而個傻瓜竟然好似想BBQ埋自己咁....係咁靠住個火.... 係咁話...好暖呀..!!好暖呀..!! 而我就係咁叫"好熱呀!!、...好熱呀!!..." 而妳有冇發現我地其中兩個不同的地方係 就係...妳怕凍..我怕熱 妳怕凍又唔係講假喎.. 當我觸摸妳個包包臉時...(真大膽...響呢度咁講..嘿..!!!) 我感覺到妳真係好冰凍... 唔單只係臉頰兩邊... 雙手、鼻、雙耳、頸都係...(係冰凍....!!!) 所以我早排天氣凍時沖涼 因為妳呀...妳沖先既關係呀 妳自己就調較到D水...較到好鬼熱 當妳沖完到我沖喇 我又唔知就照用妳果個溫度 我就慘叫大叫....哇.....好熱呀!!(熱到差D要打999叫白車呀...) "殺菌咩..?熱死我喇...."(我第一次中招時真係有咁講...在浴室內真係咁大叫...記得嗎??) 最慘當時係洗濕左個頭成頭泡泡...(名副其實洗濕個頭...) 我根本冇法調較低返個熱水溫度... 咁當然啦...下一次 我會醒目..睇下妳開咩溫度先開水沖涼啦 雖然話妳沖咁熱水既涼 但沖完妳出到來都係一樣咁凍成條冰條咁..(咩構造呀妳..??) 妳會第一時間就開暖風機..再蓋棉被包實自己....(好似一舊俑兒咁...!!!) 但妳都係仍然唔會瞓得暖張床....(真係畸形....妳冇體溫嗎...??) 記得有日....我瞓左妳床既位置睇電視 睇完我走開去搵野食... 妳就立即鑽入我正話瞓過的被窩中...(妳明顯係有預謀架啦...!!!) 大叫..."好暖呀"..."妳舒服"呀 自此.....之後..... 每當妳要瞓覺時我都要幫妳整暖佢先得....(做人肉電暖氈...) 嗯....妳話呢D咩人黎丫..咁都得!!(哈哈......認真冇妳收喇...!!!) 而講真平日最無奈係我.... 我真係一D都唔覺得凍 之但係當妳見到我著住咁少衫時 妳就會強迫我著多D..再著多D 之所以貓咪咁快有暖風機都係咁原因.....(妳怕凍親佢...!!) 而當呢幾天天氣凍既日子我返早時候 妳總會要我一定...最少都要帶住條頸巾先走得出門口 理由係.... 我唔可以病.... 因為我一病會比較麻煩... 咁其實我知妳都係出於關心關愛....(我心裡好清楚明白...) 我不是在投訴妳強迫我著多D 我想話我知妳真係好關心我..為我好 即使我個樣顯得萬分唔願著多件衫時..我知我比妳感覺係..."妳好煩" 但妳都冇嬲我...(妳係絕對有理由嬲我..!!) 我認我態度有時真係幾衰.....(唔係幾衰..係好衰...!!) 當回頭落樓時我又會諗..覺得我正話仲咩要唔鐘意呢...?? 叫我著多件衫妳冇做錯吧...!!(我仲要語氣唔好話...得喇、我夠喇、唔要喇、唔使比我啦..!!!) 回頭總會後悔之前咁唔好語氣對妳...(但每次我都會重覆咁"嫌妳煩、長氣...") 不過...真的!! 我真係感覺到妳對我好架.. 有時當著住咁多落到樓下 我又會覺得妳冇錯... 因為D風打埋來真係好凍.... 冇妳正話迫我帶條頸巾遮遮我可能真係會凍親.... 以後 妳還會願意不厭其煩咁叫我著多D嘛...? 如果我還"嫌妳煩"話妳好長氣係咁叫我著衫? 妳會嬲嗎....?? 其實講起真係我都幾衰 凍凍天氣我返早妳還願意整早餐比我..(比我更早起身..) 而當我叫唔使日日都整喇 妳就會話"每日早餐好重要呀..." 講到尾我都冇為妳做到什麼...(我真的數不出..我為妳做過、付出過什麼...) 就算有..同妳比相差一定係好遠好遠 在呢幾天咁凍日子裡... 發覺我可以做到係..幫妳只係瞓暖張床 出街時等車可以幫妳擋下風 還有捉住妳凍凍雙手 我諗我在冬天比較有價值一點 可以做妳隨身既"暖蛋"... 一隻會間中因迫我著多D衫"嫌妳煩"、"嫌妳長氣"隨身既"暖蛋"..(我咁衰...大概叫混蛋較適合吧...) 有好幾次我知我係態度真係十分唔好..(妳大概都心中有數是何次吧..) Sorry呀...!! 我會留意改的..... 原來男人始終擺脫不到呢D性格....唉! 2009 年 11 月 20 日 星期五 【颳風】 流蚊飯.... 放工後....好攰呀..... 回到家後連糧得唔記得比貓咪食...(貓咪話...我實報串呀...!!!) 我就已經沖涼瞓左覺 可能天生我真係好怕熱 即使天氣冷... 我都要開風扇...(我絕對係一個環保份子...大敵...) 那管風扇吹去不知所謂既風向 總之..開....!!! 我先會覺得安心瞓 突然... 一個夢發完...驚醒左..!!(我而家唔記咩夢喇....!!!!) 看看鐘....還好..!!! 未過接她時間...但都差不多要準備了 我再洗多次頭...!! 出來見到肥貓咪望住我....(啤咩呢....啤...!!!) 我好似唔記比野佢食呀...(有點恍然大悟之感....唔怪得啤我啦..!!!) 即刻去攞野比佢食.... 唉.....餓親我唔緊要呀 餓親你我可有得受呀....(你背景好大好強呀....怕了你..!) 雖然係咁..我都冇比返多D佢食 咁肥.....減肥吧.!! 整好哂所有野落到去出去接女友放工啦 落到下面又唔記得做樣野.... 唔記得關掉貓咪部暖風機..(新買唔慣要開要關....) 又要上多一轉關機.... 去到諗搭巴士定搭鐵路 諗諗下...早好過遲喎...(唔想要她無聊一個等我呀...!!) 搭西鐵去南昌轉東涌線去青衣再轉機鐵啦(唔計的士在內...佢最快啦應該....!!) 一個鐘唔使去到...(結果早左成半個鐘有多...) Terminal 1開左間Delifrance.....(新野喎...試下喇心諗..) 走左去試下.... 都OK........貴喎!!!!! 入一入去冇左50幾蚊.... 咁咪同Starbucks差唔多...!!! 不過Delifrance有得好好地咁坐低食....(裡面仲有好多靚女坐響度添呀.....) 響Delifrance坐左半個鐘先走... 去到我們等的地方....Arrival Hail B 對出既排椅等.... 好難認..... 平日好多封"利是"出來 今日個個都做Mark哥咁 個個出來係一件黑色大褸....(一D都唔起眼...) 包到實....仲要全身包哂...只係露雙腳出來 露出的隻腳長度離地不多於20吋左右....(好鬼長件大褸真係...) 好啦....睇來今日都係她領我 多過我領佢喇 果然..... 她在我眼前視線6米左右距離我先見到佢 仲同左一個同事一齊出來 看來呢躺她都幾開心順利啦.... 原來對方果個同事亦都有男友等返工 而且人地男友仲有自己車接添.... 還叫我地一齊坐 女友婉拒左而且仲講我地兩個要去買點東西啊... 佢地兩個大家一句See you later喇....(因為不知何時會再遇到嘛....) 就佢有佢走..我地有我地走 行緊去搭車我問她一陣有咩買...? 冇呀..冇野買呀... 咁妳又同人講有野要買..? 女友話..我都係鐘意坐巴士多D...(我知女友為我著想吧...) 在巴士上我問今次Ok嘛...? 嗯....幾好啦...!!!(睇得出...!!!) 因為人唔多坐唔滿好好做 仲話買左好多煮餸用既調味汁同醬汁...(哈...又係關於食既...) 回家一看...有D之前食過..有D係新既我都未試過咩黎 亦都唔知咩黎.... 我不曉得日文呀... 唔單買左呢D.... 仲買左D日用品返來....我都有份...哈哈!!! 其中一樣就係.....曼秀雷敦薄荷味既用唇膏..(突然條舌打結..."潤"講成"用"....指住她頭.笑死我...) 結果比她打左兩野....雖然唔大力...(我話小心呀..睇住比人拍妳片上Youtube呀..."XX公司職員巴士上喪打男友") OK...講返支用唇膏....唔係..係潤唇膏 其實同香港買既係一樣... 只係多左我一兩行我唔識睇既字 不過據聞係果邊買係平D....(因為我妹都去過買...) 大概知我成日唔見又唔記得帶所以先入貨吧 因為次次都食忌廉椰絲包係好肥既一件事...(雖然好好食...) 至於她今躺行程都不用多問吧 見今次她咁開心.... 回家不久我地去左超市買野 返來用今日帶回來D醬汁整意粉.....(好好食呀...好似出左去意粉屋咁....) 煮意粉時我們發生左一D小插曲 我幫手切蕃茄果時突然發覺砧板有一滴一滴血滴出來 我好有反應立即掩鼻走..我知我一定係流鼻血...(太有經驗喇我...) 女友可能見我反應太大留意到我 知我流血女友好緊張好緊張....(因為我係好難止血既人嘛....) 放心啦..... 我話流鼻血係其實係好少事....(不會流死我架傻瓜....) 雖然我知流血係我會較麻煩一點.. 其實只要唔係大意外我基本上係止血比常人耐多倍至兩倍時間吧 今次我要20分鐘左右先叫止到血... 之後....我切果盤野..唔要得(血染的風采呀...) 我亦都唔使幫手....(我好知呢個係命令...我冇得說不.!!!) 全程都用紙巾塞住仲要唔比我週圍走 最後都冇事啦...(冇血流如注..血流成河...) 我亦冇流到頭暈... 看到她正話很緊張都不知開心好還是不開心好 開心係....我感覺到女友真係好緊張同關心我 不開心係.....我又要比佢擔心同麻煩 本想她返來咁攰我可以幫下手煮野 而家我又係咩都幫不上之餘仲要比多點麻煩比佢 作為男友總覺得我自己係....比女友照顧多 我似乎很差勁呀..!! >>November 21, 2009 at 2:27:54 PM GMT+8 2009 年 11 月 19 日 星期四 【颳風】 各自返工既一日.. 今朝我未起身... 她已經起身...(望望佢較既鬧鐘..6點鐘已經鬧醒起身...!!!!) 不知是否我爛瞓定係她間中懂得"輕跳落床既功"呢...?(擺明係我爛瞓啦....!) 有陣時我真係就算瞓響她身邊 都感覺不到她起左身...(咁肯定係爛瞓得很嚴重啦....!) 呢幾天我都同她講......喂喂!! 天氣咁凍...妳怕凍就瞓耐D啦!!(賴下床嘛....) 但係她都唔係好聽我話... 就今日咁丫... 一陣都要返工喇... 都要凍冰冰咁走去煮個早餐.....(好似係慣性動作咁...人在家..早上就要做!!) 今天都好D喇...只係煲粥(皮蛋瘦肉粥呀...簡簡單單!!!) 比較簡單...(但聽聞都要間中睇火喎...!!) 在家中有時見她又煎又煲...整到廚房一頭煙 就係為左整兩個早餐.....(她口中成日都講每日早餐好緊要呀...唔可以唔食!!) 而當我地兩個都食完她又唔會叫我洗碗洗碟(她自己走入去洗...!!!) 我見到咁有時都覺得自己唔好意思....(當女友係工人嗎...我..?) 總覺得自己好似當左家中既家務助理咁....(唉...家務助理都仲有人工收丫...她邊有喎...!!) 而家天氣仲咁凍... 打開水龍頭D水好似冰水咁 即使帶左手套都係咁話啦 今日真係又再次忍不住..... 著她快D梳洗下休息下準備一陣返工仲好啦..!!(其實她已經一早梳洗好哂啦...!!) 80年代咩...咩都係女人做....做瓜妳架咁會..!!!(如果妳有事...咁我以後點算呀..?!!) 一陣返工大把妳有得做喇...(家中唔好咁落力啦....) 我洗完碗後見到她已經換好制服返工連妝都化好髻都紮好..(我想講好耐.....她紮髻紮得好快....三兩下將一把長髮變成"一舊野"...強呀!!!) 由於時間尚早 我叫她不如恰一陣又好...瞓一陣都好丫 點知她又講...如果我一瞓左就會整散個髮髻架喇....!!(怕咩丫...妳紮都咁快..咁神速!!!) 但始終我夾硬推左佢出梳化坐叫佢瞓下先..(監粗 Lee 亞...) 唔瞓唔瞓..最後咪又係瞓著左 跟本自己本身係攰又眼瞓... 望住佢時我覺得自己好似好懶咁...(唔係好似...跟本就係...!!) 可惜果陣只得45分鐘比佢瞓 我有諗過不如等佢瞓多半個鐘 一陣飛的士出去啦...(發左達嘛...??) 但又好似好貴咁... 明明有巴士搭嘛 最終我都拍醒她搭巴士返工 等佢巴士度繼續瞓...心諗巴士瞓都可以丫 雖然今次"小黑"唔係好重... 唔使兩個都要帶...顯然係冇咁重......(我抽得好輕鬆呀今次係....) 比起上次果個重量真係差廿萬九千海里.... 早上.... 巴士好多人搭 因為好多都係打工仔返工時間嘛 每次返早都係咁..(見怪不怪已經...!!) 我地一定要出市中心搭車先會有位坐有位揀 如果出豐景園先上巴士....你聽企返工都得喇..(我比錢都要我企....笑話呀簡直...!!) 一上巴士...巴士都未出到屯門泳池... 她已經瞓得很甜喇 不知係唔係太甜.... 她個頭不時都撞向我同時又會撞下玻璃窗..(嘭嘭嘭聲...) 早上既巴士好得意同有特色.. 特色就係通常都有D好特別既聲..... 咩聲..??? 打鼻寒、頭撞玻璃窗既聲呀..(瞓覺交響曲...!!) 與此同時車廂係好鬼死靜...冇人會講野.. 靜到有時你會聽到人地個MP3聽咩歌都知....(好明顯果個人係失聰架啦..開咁大聲...!!!) 一個鐘頭左右我地到站落車 很熟悉既地方.... 而家我恰埋眼都識行....(恰埋眼..?!!...因住睇車呀!!!) 我最多只能幫她送到去佢要過咭入既地方外面 講完拜拜後...我就要一個人走 首一個選擇係搭巴士去Terminal 1 或都係Asia Expo度轉Express..(好快而且最慳錢...) 次一個就係出返魚翅城門口等回程巴士(好慢仲要盛惠13.6) 第三個就係搭的士....!!!(最爽最快....發左達我會考慮....) 通常我都會揀第二選擇(唔使行咁死遠...!!) 因為我覺得舒服一點嘛 每次回程車係會比去果程快一點點....我都莫名其妙..唔知點解 返到去家中得返我同肥貓咪..(你眼望我眼..!!) 好喇..到我都要準備返工喇 不知她今躺會開心嗎...?? 不用心急丫... 明天傍晚接她時.... 她一定會話比我知係開心定係唔開心既 好...!!!! 精神一點... 返工要精神啊.... 我地各自各努力做工份工呀.... **(以上於14:16分寫...)** >>November 20, 2009 at 4:10:59 PM GMT+8 2009 年 11 月 18 日 星期三 【颳風】 當年今日....11月19日 講起搵錢... 早幾年仲係做兼職7仔時 已經諗緊點樣去發達...(好妄想呀...呢D唔係想發達..呢D係叫想發癲!!!) 而家諗返起真係白痴....(錢邊有咁易賺呀...?) 果陣做7仔... 辛辛苦苦做左一個月又做收銀又要清潔又要上貨....(哼...老闆話..唔使你做呀..?!!!) 收錢...要冒住收少錢收錯錢..收假錢既危險...仲有就係新同事的誠信都好緊要... 當年都算好彩... 我最多果次都係衰左百二蚊 但有一次我差D以為自己哀左四千幾蚊...(果陣真係想喊咁滯.....) 好彩因為數目太大... 而且我老闆都知我好少收錯錢 所以都幫我搵原因... 點搵...? 就係睇回當日既CCTV(閉路電視呀即係...) 原來當日我拍既新人 趁我出去買飯盒時(買麻婆豆腐白菜飯....我好記得...!!!) 開我部收銀機機收錢...!!! 事情係咁.... 當日我出去之後 新同事就搵左D同黨"裡應外合" 同黨用50蚊買煙仔 但佢找返4000蚊比對方...(咁都得喎...唉..!!!!) 就係咁..我埋數就少左好多錢(晴天霹靂呀....點會咁架!!!!) 第一次以為自己數錯錢 第二次都以為係 再數.....開始擔心 再數....接受現實 當晚我真係咩心情都冇.....(直頭想衝出馬路比車撞死我吧...!!!) 腦中只諗我點會找錯錢達4000蚊之多..??(我真係咁低能咩...?) 第二日.... 老闆打比我....問我有冇離開過自己個收銀機?? 我話有....(買飯時囉) 之後老闆就收左線(好似知道一D事咁...) 奇怪係當時老闆又冇叫我賠..又冇鬧我一餐 到我當日返中更時 老闆叫我入去... 開電腦Check當日收銀機既數同埋打開CCTV我睇.... CCTV找錢時間同電腦出數時間係顯示架機係突然冇左4000蚊 我先知比人偷錢 而當日偷錢果個同事係放假.... 老闆要捉人就要佢自己返來 我叫其他同事打比佢話舖頭有人請病假 而家冇人...要佢返來頂一頂更.. 丫.....佢又肯喎(大禍臨頭都不知道佢...嘿嘿...!!) 咁當然啦....老闆房內已經有差人等緊佢啦(老闆好狠..真係報警捉人..) 人贓並獲....仲捉埋佢個同黨 記得...仲要攪到偷錢同事個阿媽出來求情....(其實我都想不如算數啦....見到當時佢阿媽又喊又求..好心酸呀!!!) 當時佢得17歲乍..(最後都好似係冇情講..) 不過當時佢未成年... 影響冇成年人咁大 但講真....開File點都有個記錄...咁就一世... 教訓都算好大喇... 事情告一段落.... 我果次真係算好好彩....(其實都不知好彩唔好彩...我好似親手破壞人地前途咁...) 亦都係咁由當日開始收銀機唔可以比另一人用 要自己管自己架機 咁我仲想講老闆當時真係好勁啦 當年CCTV仲係黑白片 佢都可以Check到...(老闆眼睛雪亮都有好處既....) 點解咁講呢...?? 因為我地打工既總係發覺 我地吞pop...老闆一定睇到 我地勤力...老闆一定睇唔到嘛... 由果時開始老闆教我用房電腦Check資料Print後備單 當時很巴閉喇... 因為唔係唔係人人都可以咁做...(事關涉及電腦Password....) 電腦可以改走好多野... 咁即係話我得到老闆既信任啦.....(嘿嘿嘿....) 亦都係咁...因為我識得多野過其他人關係 我要做多好多野....(後來先知老闆係搵我笨實....唉..!!!) 教我用公司電腦原來係想幫佢做多D 但人工又唔加喎....(乞人憎呀..) 雖然係咁...我做左7-11都做兩年幾 我覺得最開心係呢兩年幾 去返工好似去玩咁.. 鋪頭雪榚任食...汽水任飲...魚旦任拮....返工仲會輪住訓覺不過就只限中更..(膽大包天哩....) 我亦都係咁識到女朋友.....(亦都係咁差兄弟決裂..) 識到一班好好既同事...(而家係朋友啦....) 有過好開心好快樂既日子..(可以叫無憂無慮...經常一起高歌吃喝玩樂..不會寂寞) 雖然咁多年...各人已經有自己發展 有D已經結埋婚....(自己就..唉...!!!!) 不過....人生豈能盡如人意丫 我覺得自己快樂同不快樂參半啦..(其實認真諗.快樂係佔多既..!!!) 不過諗返起當時我可以"搶"到當時最可愛最靚既她.... 哈....都唔知點解當時佢肯揀我....(到而家都係個謎...) 不知佢近況如何呢....?? 點都好啦.... 佢選另一個都無可厚非既... 我同果個對手跟本冇得爭.....(對手太強...) 無論事業....長相都係....(差好遠...) 女人都係想揀一個可以比自己幸福既人吧 開初的確有嬲佢..但後來我都覺得唔怪得佢(女人都要為自己未來爭取最好嘛...) 所以..... 而家我有女友肯陪伴我 我已經覺得呢個係我人生一大既幸運 雖然我真係幾倒楣....(黑起上黎真係.....好黑架...!!!) 但感情路上我都算係平坦(反轉講可以話叫不算畸嘔...) 起碼... 有人肯要我先丫.......(真係太幸運喇...有女仔係認投喎...) 人地話上天攞走你一樣野就好比返樣野比你 我覺得都係架.... 好似我咁... 上天比左我"頭頭碰著黑..."、"又比左個怪怪遺傳病比我" 我係一個好容易流血不止既人..(所以我一流鼻血我就好麻煩...) 所以每次女友見到我流血都會好緊張.....(嘩....仲未止到血呀...點算呀..??!!) 但上天比返一個好好既女朋友比我....(她懂得幫我手去止血...!!!) 我諗係上天派來照顧我的吧 如果唔係我女友點會咁好喎....(係呀...我讚妳呀...!!!) 唉...... 打下打下字不經不覺又要準備返工.... 今日都好....(我鐘意做"雞") 明天一早女友要返工喇(凍冰冰天氣啊...) 會見唔到兩日..!! 之不過我可以就到時間管接同管送(都話我做到既實會做既....) 應承得過妳我一定會做嘛...(拍一拍我心口先...嘿..!!!) >>November 19, 2009 at 5:04:44 AM GMT+8 2009 年 11 月 17 日 星期二 【乍雨乍晴】 大細超 今日我地兵分兩路.. 各自各精彩...(其實得女友自己一個去精彩..!!) 因為今日女友去做左婚禮既姊妹 一早已經起身梳洗化妝.... 嘩....五點幾佢她已經起身...(今日對佢來講係好凍好凍..) 我見到佢果件"姊妹裙"... 露膊又少布.. 見到都凍... 但好得意喎...點解...?? 原來一個平日怕凍得要死既女仔 可以為左靚.....甘願去吹吹風(實踐女人要靚唔要命既真理....!!) 之前可惡既我因為燙傷佢膊頭....(見到就令我唔開心...內疚到極點.!!) 令到佢唔可以著得"完美"一點... 不過唔知係唔係有D野"整定"咁 早排女友試呢條裙係好熱既天氣....(30幾度果陣時) 所以條裙露膊都冇所謂...因為天氣熱嘛 早排...女友為左Cover遮住個受傷位置 就去買左件毛毛披肩 當時仲擔心天氣咁熱仲披披肩會攞自己命搵自己笨... 點知.....今日天氣咁凍 啱哂...... 披披肩唔單止可以遮蓋到個受傷位置仲可以保暖......(靚得實際喎呢D叫...!!!!) 呢次天氣可以話係凍得合時。 另外....... 仲有我想講有個人好大細超 今朝有個人臨出門口時放低左五百蚊... 留言寫住買部"迷你暖風機"....(名係我改......只因部暖風機好鬼細部..) 有咩用途?? 我諗認識呢個人既朋友都會心中有數 咪係比肥貓用囉....!!! 家中有邊個最錫肥貓咪丫....!!!!(得佢之嘛....) 唉.....仲要我放工買完抽返去... 果然開左部機後...肥貓咪真係寸步不離咁守響有暖風吹到既範圍 早排之前既日子我成個人楝響度一直都話怕熱又冇人會買部冷風機比我既...(擺明係有微言啦...) 而家天氣凍左都冇一星期....肥貓咪就可以有禮物 大細超得好緊要呀.....(有冇攪錯呀...!!!!!!) 我就黎出錢再親手遣返肥貓返原居地架喇...!!(十分不滿呀我...) 嗯.......太可惡喇.....!! 而家肥貓咪好似做皇帝咁....(連我都要為佢服務....) 唉....世界變喇.....見到嘛...太陽從西邊升起左啊....!!(好明顯啦...我已經押醋到痴左線喇...) 無眼睇..我瞓個晏覺算了... 夜晚起身.... 夜晚十點半左右問Philip借左架車用(就係我買唔起既私家車....) 接女友返來.... 係呀.....妳著成咁我仲怕過妳驚過妳呀.... 點知......妳D姊妹.... "豪"不客氣咁迫滿我架車....(車埋我啦...車埋我啦..!!) 口中問順唔順路... 但個身已經塞左入車廂....(咁妳問我順唔順路把鬼咩.....無奈...!!) 無端端做左"萊溫司機"定"柴可夫司機"咩都好啦.....(總之做左的士司機啦) 一個住小西灣...(過海...仲要係唔識路....住果個又唔識帶路..我頂...) 一個住沙田 一個住元朗 一個住太和 無錯...心水清的話..合指一計我架車係超載... 仲要冒住抄牌危險....!!!(可知呢架車好易引起差佬注意啦...!!!) 拿拿臨去沙田放低個最近既先...(等自己唔好超載先丫起碼...) 我架"的士"行左一個半鐘先返到自己家 本來諗住行一轉奧海城都唔會用好多油 而家要打爆返缸油比人..(賠了夫人又折兵咪係我呢D囉...) 幾舊水架...好慘呀....!!! 踏入門口女友立即睇下我有冇買野比貓咪...(唉....!!!) 喂喂喂....好似係我送妳返來喎.....(點解一入屋要抱佢先呀...?) 可能我食左玻璃唔知啦.....(喂喂喂...我響度架....See..?) 我話有對手搶我女朋友係真架.... 古巨基我明白你首歌既真諦喇 你講得冇錯.... 做隻貓..做隻狗...不做情人..做隻寵物...可會迷人...!!!! 哼.....!!!!! 我點會妒忌押醋....(好明顯係死撐....!!!) 我只不過係有意見之嘛.... OK.... 以上純粹笑下啫....(唔寫點有得笑喎....!!) 咁夜我都會主動車返D女仔返去既....(幾舊水一次半次我比得起仲.....) 女友鐘意同錫貓咪... 我一早知架啦...(好出奇咩...?!!) 睇完不要太認真噢....!! >>November 18, 2009 at 6:23:08 PM GMT+8 2009 年 11 月 16 日 星期一 【乍雨乍晴】 我們之間....... 在我衣櫃內.... 有一個"多啦A夢"既紙盒放左響裡面..(嘿....扮細個..明明我個時代叫"叮噹"架嘛....) 而紙盒內放裡住係一封封既信.... 全部信都係我女友寫既... 當中有D特別係好多不同既郵Chop同郵票啦.....(可惜我冇集郵呢個習慣...) 咁當然唔止係咁啦... 之所以話我呢D信都係女友寫 係因為有個八卦朋友問我 喂....!!明明你地兩個都一齊住 差不多都可以日見夜見... 仲寫咩鬼信呀.....!!(語中帶D話我多乜餘既言氣...!!) 其實我開頭都覺得好多餘(原諒我曾經有咁諗..!!) 我都有向女友暗示過 有事咪大家開心見成..開門見山講囉 但書信來往咁多次 我又覺得又有佢既好處 可能女仔天生都係特別喜歡與人分享瑣事啦 所以好多野都會想同人講 我曾經睇過本書 書本話每一個女性都有一萬唔記得幾多個聲頻 而男性就得幾百個 Anyway...數字我真係唔記得.. 重點係男女兩者聲頻係差好遠 咁即係話女既天生真係多野講D.. 天性如此..不如索性聽佢講吧 但有D事... 真係好難講出口 尤其係兩者之間感情問題 有些事情同說話可以講係開不了口 但用筆寫出來就會容易一點 如果細心一點你還會睇到佢當時寫既情緒係點 曾經我收過封係... 信紙上的文字係化開左..(我想應該是眼淚吧...) 因為我記得當時封信係女友最唔開心時候寫的...(總共有六張紙....密密麻麻的文字...) 果陣可以話係我見她最情緒低落既時候 電話唔聽、講多兩個都唔肯、又收埋左自己 第二日女友返工我都唔知幾擔心... 那次又係一去幾天都唔返來 一個人...佢做乜我都唔知 而我記得當日收信果天亦都係佢回來果日 女友既事我無向任何人交代過詳細 極其量都係知大概係咩 點都好啦... 我一口氣睇哂六張紙..... 睇完....我明白她心中想是什麼....(我果時諗...女仔諗野有時都幾"深思憂慮") 但看完信後 當見到她.......我知我應該怎做怎講..(其實想點同女友講我係諗左好耐....) 亦都係當日我氹到她肯講出自己所想說 雖然講完之後唔係話即刻冇事 但係對我們之間起左好大幫助 咁可見用文字寫出想講的都不是多餘吧... >>November 17, 2009 at 1:32:33 PM GMT+8 2009 年 11 月 16 日 星期一 【颳風】 兩個混吉的傢伙 今日好凍...? 我唔覺.... 但女友話..(好....好....鬼....鬼....凍...呀....!!!) 仲凍過落雪既地方咁..(有冇攪錯...??) 不過又唔係冇道理既 因為香港D天係凍得來係"刺凍" 而別的國家..果D先叫凍... 凍得舒服...(都唔知講咩..凍得來又舒服...?!!) 凍又好...熱又好.... 我都要返工(仲要係返早呀...陰公..) 而女友都要返公司上堂..(好揀唔揀..揀咁凍既今日....) 一上要上8個鐘.... 而我放工後啱啱好就可以接放學 放學後同女友一齊去左Terminal 2 行街食野 Terminal 2 內有一間好大既化妝品專賣店 女友響裡面試盡人地店內既Tester......(身邊的我很無奈...) 我很有理由相信將會比店舖老闆用掃把打走我地......(混吉既你兩個...) 女友一於少理.... 怕什麼呀..?(我又冇著住制服...!!) 放得Tester出來就比人試啦... 你都試D啦.... 話口未完....女友已經攞支香水一噴.....(嗚........肯定比人Black List喇....) 最後女友只係買左兩包化妝棉....(店員心諗.....走呀!!!!唔做妳生意呀..!!!!) 之後去左板長食壽司.... 食左一個鐘就走去搭巴士 由Terminal 2 條路直行去巴士站 出到去冇蓋位置先知落好密既雨 我攞出我身上唯一一把縮骨遮出來一齊遮.... 女友問...你記唔記得你第二次接我都係落雨架...?(唔記得lu...) 你都係咁樣遮我呀... 不覺..我地都有年幾喇... 女友叫我不要想太多無謂野..(我明女友想講咩...) 你唔開心會令我都會唔開心 嗯.....(點頭...) 那刻一時間唔知講咩好..... 上到巴士好暖呀.... 女友不消一會就恰著左 從車內望出車外漆黑一片 只望到自己倒影 心想....我都想自己能夠唔去諗... 但塵世上有樣野叫"不自控" 所以我只可以講....我盡力盡量不去再想無謂野... 望妳會體諒明白 得架喇.....我知我應該點做大家才會開心同放心 所以...妳都不用太過擔心喇....(咁大個人我知自己做緊咩既....!!) >>November 16, 2009 at 4:04:50 PM GMT+8
|
|
無事嗎?irene佢而家情況如何