| 日記 | 日記主簡介 |
||||
2009 年 11 月 5 日 星期四 【微冷】 既早知道....等又如何? 放工喇...天都黑齊喇!! (同人調架..為左要接女友返工....我梗豬頭骨...) 回家路上見唔到人來人往既街 唯獨仲見到係便利店仲有人、老麥亦都有人 (所以就入去買個飽食) 一個人行返去 有點唔想返去的感覺 因為家中實在太安靜喇 有諗過返娘家 (陪下個妹都好丫) 但因為怕餓親肥貓 (有個好強既媽咪射住..好有背境架..嘿嘿..!!) 所以始終我都係返去餵佢 (餓親肥貓係死罪...立斬無赦) 冇她在家中真係好寂寞 可能我真係好怕悶關係 有時真係好自私咁諗叫佢轉位做 (做Ground都好丫...日日有得返屋企...) 但我又會即刻諗..我同佢一齊之前已經知佢做乜架啦... 我冇權利去唔開心同覺悶架喎.... 況且好早已經聽過她講"我好鐘意份工作".... 所以.....我決定都係會耐心等待 (有懷疑全屋既鐘都壞左...) 其實倒轉諗.....她的假期已經比打寫字樓工作多好多.... 她和我一起既時間一定比其他打工一族多 我係唔係應該要知足一點呢...?? 大家講明會遷就大家嘛 我點可以有不滿喎....!!! 仲有.... 我而家又冇本事養得起一頭家 (一諗到呢度會好Down.."行雷中") 咁試問自己仲點可以要求乜乜物物呢... 其實我都捱過左一半時間有多啦 (四日啫...好快過...劃日曆劃多兩格先...!!!) 好快她就會返來 好期待等到佢出來果一刻 幫她由B區拉行李直到上巴士果刻係好開心 (走喇....追巴士嚕...!!) 因為我知我將會聽到她講...佢呢一躺既有趣事 講佢遇到既客呀、ISM、老總既事 有時聽到佢講開心既、亦都有時聽佢講唔開心既... 我諗女仔都喜歡身邊個男友可以聽下佢講任何事 (呢句話係一個女仔話我知) 就算唔講.....她伏在我肩上小睡我都會開心 點講都好，她叫放工...她都會攰 其實我點解會好想接佢同送佢返工呢.... 其中個原因係....(兩個親身經歷..) 有次我在巴士，那天係送完女友返工 自己搭巴士回家 回程時...我見到有個女友的同事上左我坐既巴士 一上到去佢就坐在我既前面果一行位 可能佢都係放工好攰吧都係 全程係咁"中"眼瞓不特止 佢仲要不斷咁撞向塊車窗玻璃度 (玻璃窗都穿咁滯..) 呯..呯聲...撞到真係 (聽到都替佢痛...) 我諗如果有人肯比佢挨一挨 佢就唔會咁啦 還有另一次又係....同樣都係佢的同事們..亦都係坐我前面 (其實我係我坐佢後面至真...!!!!) 佢一上巴士係咁瞓係咁瞓.... (好鬼好瞓...完全不受環境影響...!!) 瞓到去空運中心都唔按鐘落車 我諗我拍佢個身又好似唔係幾好咁喎... (一陣叫非禮我仲得了既....?!!) 我突然想到個方法... (好似有個燈泡著左咁個腦...) 我扮講電話....大聲講 (好不自然...好驚有人打比我突然...) "係呀....就到喇....我架車差唔多就到國泰城站喇" 果然...佢真係立即彈起身按鐘 (如夢初醒咁....) 慶幸佢可以趕上吧.. 假如她身邊有個人可以提下佢 (喂...到喇...落車唔好瞓喇....) 佢就唔會差D唔識落車啦.... 好多朋友都話我寵慣姿勢 (我係男性眼中的其中一個失敗者.....罪名係"就女人") 但我又唔覺得喎....... (哼.....不認罪...!!點丫...?!) 其實她從來無要求我咁做 二來我硬係覺得佢一個人咁行會好危險 (好怕佢比人夾走左....唔知點解我會咁諗...) 既然自己有時間陪下女友又有咩所謂喎 我有時夠覺得她坐我幾個鐘頭車好傻啦.....(妳不頭暈架咩...?我已經暈眩中喇...) 但佢都冇怨言 我覺得我地彼此感覺都係一樣 都係想對方開心同快樂 所以..... 我都會繼續"等"下去 不要去怨言... >>November 6, 2009 at 3:47:52 AM GMT+8 2009 年 11 月 4 日 星期三 【微冷】 自己的睇法 我都女友都係多病人仕(藥煲兩名...) 好彩我同女友都有公司醫生睇 (20蚊一次果D) 所謂的員工利就係有呢度好 因此我有少少頭暈身熱都會去睇 (是否有點小題大做哩...?!!) 家中有一大堆吃唔哂既藥....(係...我有諗過開藥房架..) 我同女友都有個毛病 就係有病都唔會主動去睇醫生 (有白色恐懼症...!!) 咁大家會問..... 問.....咁個個唔肯郁，咁點樣睇醫生呢? 答案係.... 我有病...女友會一定會"的:我去睇醫生 相反... 如果女友病我話，我就會"的"返佢去睇醫生 但不同係.... 我一"的"就會肯去 而她就.... 扭計死都唔肯睇!!!!(我是小朋友嘛...!!!) 所以當我見佢唔舒服時 我都要諗方法氹佢出去睇 個個都話...女仔要氹，真係冇錯.....(現在先知嗎..??正費話..!!!) 就連睇醫生都要氹..... 問你死未...!!! 但係面對自己女友 氹多兩句又何妨丫.....(唔氹即係唔愛我...女友心內大概就會咁諗..!!!) 佢開心時...你都會快樂 但氹女友的"副怍用"係 當我班老死知道我咁遷就女友時就會話我...(我知班人暗地講我"冇鬼用"...唉~~) 你點可以比女人食住架.....咩都就佢，他日我一定冇運行 唔好比女人強過你先得架...!!! 其實邊個食住邊個就見仁見智啦 我真係冇呢D感覺 如果要計較咁多 我同女友就分手左九世喇..... 我只希望這感情可以繼續維持下去便已經足夠了 期望不要太高 拍拖才會開心嘛.... >>November 4, 2009 at 11:03:29 PM GMT+8 2009 年 11 月 4 日 星期三 【颳風】 攞命的報答
早前托人買既相架終於有喇...太好喇，我諗佢見到應該會好開心 要去買都太困難，因為要碰正佢地去既地方先有得 今次Annie有運Swap到班機返來... 完我想買既野..... 請食一餐飯在所難免既 但估唔到仲有條件..就係幫手搬野...!! 真係服左佢地..點解可以兩件行李都滿哂返來 仲要唔輕呀....!! 今日搭果架E41......個可惡司機到站竟然唔開鈄板比人拉行李 雖然現在好多都係特低地台巴士 但始終都有個高度 況且....開鈄板唔係好辛苦佢吧..... 攪到個個都要拉一級先上到巴士 Annie果兩件"大黑"、"小黑"再加上個"Gament bag" 連我搬都覺得重，最慘係下層個行李架已經冇哂吉位 要放既...真係要托上第二層度 我同Annie一齊夾手夾腳先攪到佢上行李架... 坐定喇....Annie話..如果今日唔係你來 我都唔知點托上去...(香港人冇咩善心，想有人幫手??好難喇...!!) 問道點解咁重... 原來行李有一大半都係載滿書..!!!(開圖書館呀...?) 全部都係朋友親戚托佢買的.... 再問妳做義工架....??(奸笑......當然唔係啦..!!) 真係識賺外快呀....(仲搵我笨去托添) 算啦......!!!見妳係女友既好朋友....無計啦..!!(快D找個男朋友啦，可以點佢做野嘛..) 本來話送到佢落車便算.... 但係兩件咁重又天又黑.... 好似就咁放低人唔係幾好咁...... 咁對佢好似有點過橋抽板既感覺...(好似好唔人道咁) 點知發覺真係又係搵自己笨..(做好人丫嗱...) 我幫佢抽住大黑小黑上天橋.... 在天橋下我諗抽樓梯定上鈄路好呢....?(兩個方法都死) 因為條鈄路好長又繞圈既....(搵笨實的設計) 最後我選擇抽樓梯.....(抽到氣咳兼斷氣) 好不容易到佢條屋邨.... 送佛送到西.......(上埋佢家門口) 佢家人還以為我係"邊個" 叫我入去坐坐...(其實都抽到拉到好攰) 坐左一陣走.....感覺始終唔係幾好..(我見到佢個大家族我顯得好唔自然) 由她家我唔識路搭巴士..(要臉子累事....死都話我識路走) 好彩有鐵路搭...... 搭唔知咩小巴(見到去鐵路站就上) 搭東鐵轉西鐵.... 話咁快返到去.....仲趕得切買糖水添... 回到家開機已經見到女友Online左 同女友傾左一陣就Offline..(佢那邊上網很貴原來) 同肥貓玩左陣..我都去瞓喇 天氣凍左..... 瞓覺既意欲都強一點 我相信今晚會比昨晚好瞓一點吧...!! ***************************************** 原本呢篇文章昨晚已經打好 點知呢排個網都唔知仲咩 成日都Load唔到...(火都滾) 夾硬要等到今朝先上得返..........(無奈+激氣....!!!) 唔知係唔係天氣變得勁過頭 我起身好喉嚨痛、係咁流鼻水(成朝係咁索鼻..) 雖然我怕熱.... 但一時間天氣變得咁極端我又好似受不了.... 怎病都好...過兩天都要好返呀!!(可不想放飛機呀我) 嗯.....!!! 不知呢個時候妳做緊咩呢...?(妳果邊凍嗎..??) >>November 4, 2009 at 9:38:07 AM GMT+8 2009 年 11 月 3 日 星期二 【颳風】 等到妳...電話喇 下載左一整天終於都Download到想玩的了 天氣係凍....但部電腦都係滾過火屎咁 要用部風機係咁吹佢涼佢 早排睇過節目講環保省電 原來長靜止Run部電腦都用好多電呢 更何況我係Download運作中?(我大概係環保份子既公敵吧) 如果她在家一定會"哦"我叫我慳D啦.....(即係慳電一D啦....唔使叫我收皮呀) 但始終我行我素..!! 回到家中一望個Msn總會有Msn Message閃閃下... 內容係....你不用返工咩...?
其實本人已不在電腦旁架喇..!!(人去椅空....) 間中啦...如果大家有幸的話會遇到我女友代我應答大家的..(有幾個人就係咁響網上認識到佢..收落自己Msn個List度) 太過份喇....!!(知道咩叫名花有主呀..?) 昨晚..我等足一夜都等唔到妳Online.... 等到我伏在電腦前"恰"著左....(ZzzzzZzzzz...) 最後係電話響醒我.... 才知妳那邊上網出現問題...好不容易才打到長途電話過來...(太感動喇.....還得我呀..!!) 而且開頭仲唔知打咩字頭號碼....(哈...傻傻的...話我唔記得打咩字頭嚕..!!) 可知妳等我我發酵兼發霉喇....(再下去會發臭添喇...) 但係接到妳電話就放心喇....我知那邊龍蛇混雜的鬼(佬)地方呀 妳一個女仔...(知道妳又唔喜歡出走這個地方....) 妳一定會收埋自己響房間... 早一天已見妳帶左幾本書收工睇..就知妳唔會出去那度遊遊逛街啦....(懶係很了解妳咁啊...) 當然啦...如果係去NRT、CDG呢D地方.....妳仲唔仆到出去咩...(真係好似好了解妳咁...哈) 但鐘意出去與否任妳喜歡啦..(有人話自己大個女咁話..) 至緊要小心啊.... 明天...妳又會去另一度地方......希望明天會見到妳Online Msn啦 兩分鐘既電話要九十幾蚊...一點三毫先得一秒...(貴過得173173呀...=.=) 兩分鐘真係好短暫...等了整晚才換來兩分鐘對話...(不公平呀....!!!!) 要讚下妳呀...想盡方法報平安....(叻呀!!) 女孩子真係比較有交帶...(所以我鐘意生要似妳既BB女囉...) 似我的話..!!!(阿媽問去邊呀??出街囉....!!!同邊個呀...朋友囉...!!"呯"....關門) 嗱...生仔似我會係咁呀...!!(想吐血吧..) 好喇.......我都要瞓喇 我知嘛...整晚等妳電話..瞓都冇瞓就返工喇我....(搵命搏呀我....!!哈哈) 見係妳...(唔同妳計較啦) 香港天氣凍左好多.....(連我都係咁打噴嚏、流鼻水...) 妳返來一定受不了呢D天氣... 妳要睇到我呢篇文章才好呀....!!(我可不想又IDD呀......很貴呀.!!) 我呢.....一定會接妳放工呀...!!(放心啦..我唔會好似果次咁要妳白等一躺呀) 仲會攞定件褸等妳，妳怕凍嘛....(我真係好似好了解妳咁架..) 好眼瞓...現在我可以放心瞓喇...!! >>November 3, 2009 at 3:09:08 PM GMT+8 2009 年 11 月 3 日 星期二 【微冷】 等
不知妳現在做緊咩呢? 出到去我擔心妳會冷親，不過妳說我識自己照顧自己喇...(反叫我放心呢) 其實有誰可以明白我，掛住妳既心情丫.....話返工返工!! 妳遠走到我都不知什麼的地方，不是新界同港島之隔呀!!(好似掉底左一個人咁..很不好受呀!!) 少了一個人在家中很空虛呀...!!但我又可以如何??能怨嘛?? 不可以囉...!(和妳一起前已經知道妳做咩....!!) 而且要為遷就自己而犧牲別人既擁有...!(我辦不到..!!) 到現在都瞓不著...只因妳Msn仲未Online.....(妳答應會Msn應我架..!!) 是否那處冇得上網? / 是否電腦壞了..? /
妳很遠..我不可以隨心所欲話來就來...!!(有多啦A夢的隨意門多麼好啊..!!) 現在我無咩可做....(家中靜得耳會聽到鳴鳴的叫) 拿出妳整叠書信，由頭睇到尾..!!(太多字....頂唔順一次過咁多真係會睇到盲) 只是數數數量，不覺間已有六十四封共二百零四張頁紙...!!(每望到妳字都會好親切....怪不得妳堅持著寫信) 妳知嘛..我話比人知妳咁做，有五成人都話"痴線"，左手交右手寫咩信...!!(多乜餘啦..) 另外五成就讚嘆妳咁暖烘烘的.... 真的好耐冇試過見妳咁"精華遊"(返到來不知妳會變成點...殘花敗絮的容貌?!) 此時此刻只知妳未Online，都不知擔心妳還是著緊妳...(我都分不開喇..!!) 我能做的.....只有繼續"等" >>November 3, 2009 at 3:24:25 AM GMT+8 2009 年 11 月 3 日 星期二 【微冷】 等
不知妳現在做緊咩呢? 出到去我擔心妳會冷親，不過妳說我識自己照顧自己喇...(反叫我放心呢) 其實有誰可以明白我，掛住妳既心情丫.....話返工返工!! 妳遠走到我都不知什麼的地方，不是新界同港島之隔呀!!(好似掉底左一個人咁..很不好受呀!!) 少了一個人在家中很空虛呀...!!但我又可以如何??能怨嘛?? 不可以囉...!(和妳一起前已經知道妳做咩....!!) 而且要為遷就自己而犧牲別人既擁有...!(我辦不到..!!) 到現在都瞓不著...只因妳Msn仲未Online.....(妳答應會Msn應我架..!!) 拿出妳整叠書信，由頭睇到尾..!!(太多字....頂唔順一次過咁多真係會睇到盲) 只是數數數量，不覺間已有六十四封共二百零四張頁紙...!!(每望到妳字都會好親切....怪不得妳堅持著寫信) 妳知嘛..我話比人知妳咁做，有五成人都話"痴線"，左手交右手寫咩信...!!(多乜餘啦..) 另外五成就讚嘆妳咁暖烘烘的.... 真的好耐冇試過見妳咁"精華遊"(返到來不知妳會變成點...殘花敗絮的容貌?!) 此時此刻只知妳未Online，都不知擔心妳還是著緊妳...(我都分不開喇..!!) 我能做的.....只有繼續"等" >>November 3, 2009 at 3:13:38 AM GMT+8 2009 年 11 月 2 日 星期一 【微冷】 超級黑仔 今日唔知發生咩事，係咁比東西"困"住 仲要攪到我比人查身份證.... 好瘀呀.... 事原係咁..... 我想買對耳環送比女友 因為之前應承左送比佢 對耳環價值二千幾蚊 咁我去ATM㩒錢啦 我唔想用VISA比錢亦都唔想用EPS比錢 現金比好似好一點...直接交易嘛.!! 好啦..我去都HSBC ATM面前 如常攞錢...但係 佢吐錢時吐得好衰 正常應該吐出D錢係令你一攞就攞到架嘛 但佢今次吐得好入 入到要用指甲夾佢D錢出來 就係咁我同架ATM拉鋸緊 始終都比我夾到佢出來 可能就係咁....人地以為我偷錢(我使要偷...???) 咁啱又有警察巡... 見到我咁....我就係咁比龜逗 唉....... 人來人往既長街上比人查 我真係瘀到要死咁滯 查完我..我又解釋完...我先有得走 我塊臉都唔敢望人.... 好驚比人點相....因為旁邊就係輕鐵站 走都走唔切(閃呀跑呀衝呀走呀) 呢對耳環真係...買得瘀(早知係咁我簽咭啦...!!!) 好了買完我搭巴士返屯門 巴士到站佢竟然飛站..(喂...我有按鐘喎) 司機當我死既.....(我大叫..司機..唔該開門呀) 我叫極佢都唔開比我 卒之行到一段長距離佢先肯停車比我行返轉頭 點解我又要比人困在巴士內呀...??? 今日食左屎嘛....??? 真係激死我喇.......!!!! 女友返左工.... 我好似冇左粒幸運星咁....頭頭碰著黑...!!! 嗚嗚........我好掛住佢啊...!!! 我諗有她在我身邊我會冇咁黑囉!! 總之今日就 黑啦...!!!!
>>November 2, 2009 at 11:47:26 PM GMT+8 2009 年 11 月 2 日 星期一 【微冷】 十五分鐘速打...
很耐都冇試過凌晨四點幾去送女友返工喇.... 真的感覺到天氣涼左...太好喇 我最怕熱啊呀!! 反觀女友佢..... 凍到縮埋我身後..要我做人肉擋風 雙手仲要插埋去我衫袋裡面.....叫嚷著....!! "點解今次架的士咁耐都唔到架....?平時係佢等我架嘛...!!凍死我喇!!!" 卒之等到十分鐘，相熟的士先到... 伍先生.....呢個的士司機，原來都車左我女友好耐 由佢返呢份工開始..第一次出凌晨Long Haul就搵左佢做指定Call返工既的士....(其實聽女友講個司機都係同事介紹既) 同佢一上車，司機全程都同我地傾計 嘿...佢把口都幾識講野 難怪有好幾個女友既同學仔都係幫襯佢 唔止把口好，仲好主動落車幫佢地放大大件入車尾箱 無論你係大件件細細件..一件定兩件...佢都會出手(心諗...呢D係我做架喎...當我透明嗎...?) 還會開埋車門比佢上車....總而言之 你只係坐..咩都唔使做，服務係好到不得了(你應該去做劉華個旅遊廣告個主角) 其實車費仲唔算貴..只係二百幾蚊....女友話!(唔貴...巴士同鐵路都係十幾蚊....?!) 半個鐘多D就到....!!(梗係...全部開過百咪....!!!) 沿途係咁傾..有講又有笑...(司機唔該睇路好喎...!!!) 我亦都多口問左句，我問佢車佢地返工佔你幾多生意...? 雖然佢冇講實數..但聽佢口吻都聽得出，佢地呢班人係佢其中一個定期收入... 難怪司機要出口術..做好人...咁殷勤啦!! 據女友知起碼有八個同學都係搵佢 當一星期有一個呢D客仔，一個月最少都四單 還未計其他收入喎 人地話的士唔搵錢，我覺得都係睇你識唔識做生意吧 遇著呢班女仔，凌晨時份..的士係佢地唯一選擇 好多女仔都一個人都為左自己安全都係Call相熟的士返工 試問一個女仔...你敢唔敢凌晨坐住一架陌生人既的士上瞓覺呢...??(唔車妳去大嶼山...車妳去飛鵝山...問妳死未..!!!!) 她同我講..如果平時一個人搭 佢係會叫司機到先叫醒佢.....還有一個好處係 可以記住數先..(因為有次女友冇帶足夠錢就出左來搭車) 比著其他唔識既...段估都唔會比你記數吧(妳運吉的嗎..?靚女大哂呀..???) 之前...我都唔係好放心女友一個人天都未光就返工 但睇過呢個司機都叫幾老實，我都可以唔使咁擔心(其實我一早見過呢個司機啦...我咪又係跟去...多餘) 畢竟要我等頭班巴士回家係一件好痛苦既事 果度又冇野行，我真係只有在街上一路恰眼瞓一路等巴士返去..好流浪漢Feel架!! 我估如果我著衰D...分分鐘有人會擲錢比我添...!!(著衰D都可以搵到食..你會幾勵志呢.!!!) 但間中有時都唔會得我一個人咁等..... 間唔史.....都會見到有D好似我呢D男人等頭班車... 我估都係送完女友返工吧(又係同一類的傻佬...!!!嘿嘿做個朋友..!!!) 我覺得巴士呢班頭班車係為我地而開 因為我試過真係架巴士全程都冇人上....13.6可以包廂 巴士公司呢轉真係連水錢都蝕呀...哈哈!!
好不容易返到屯門，食埋早餐先回家 呢躺係女友既"超級精華遊" 我會冇得見女友四日..... 冇左一個人響家中 家中會變得好清靜.......真係好唔習慣呢D感覺 唉.......呢四天有冇人肯陪我食下飯呀....? 試徵朋友出來飯局，誰來賣單見到才另議吧......
哈哈...今日一早就走去打左日誌.....無法啦!! 如果要再瞓我一定唔願醒 一陣攪到返工遲到..咁就無謂啦.... 所以...我寧願唔瞓 打下Daily都好丫..... 去盡D....咁樣今晚可能仲更好瞓呀....! >>November 2, 2009 at 11:38:26 AM GMT+8 2009 年 11 月 1 日 星期日 【微冷】 儲蓄的方法..其一 正話同女友一齊出街食粥 嗯....近排太窮喇，要輪到餐餐都食粥..... 真係冇法喇!!!為左要儲蓄打算未來生活 真係要省儉一點兒呀!(真係有需要呀!!) 下次應該在家煲粥好喇....!! 但經過正話見到件事後......當我一諗起粥(我想嘔..!!) 我就諗起條死核突佬....!!真係正一契弟.... 邊有人核突到佢咁仆街架...(唔爆粗都唔得呀...!!) 因為真係離乜哂譜.....超賤人中既賤人......嘔呀!!!!! 夜晚如常我地去左間海皇粥店食粥 我地每人叫左碗皮蛋瘦肉粥、炸兩、牛脷酥、咸煎餅各一 我地是但揀左一張四人枱坐(因為呢個時段已經冇咩人) 正當我地一邊食一邊傾計時，已開始發覺有個50幾歲既男人係咁咳.... 又唔掩口咁咳....!!(我地已經好唔鐘意) 佢又咳得勁大聲，又係咁打乞嗤....仲要有打得好大聲(我唔明點解D人可以打得咁大聲) 又咳又噴口水打乞嗤.....已經頂佢唔順(我地都想轉枱...搜尋最遠既枱中!!) 極度不衛生....!!!最恐怖核突係... 佢吐啖落D碗度..!!!!(Shit......我用緊個碗同佢係同一款) 我唔知佢係唔係冇紙巾定點..... 當一啖上頸佢就大大聲"卡吐".......落個碗度...!!!! 我當堂想嘔....(我D粥都係同佢D啖一樣都係結撻撻架咁既物質) 我完全食唔落.....我又唔敢出聲(目瞪口呆..無野好講) 因為我怕講左比女友知..佢都會反胃(當時女友係背著佢坐，聽聲不見樣) 我叫著她唔好向後望.....我地並且立即動身坐遠D食....(有咁遠得咁遠) 而有好多人同我一樣都怕左佢...唔係彈開就走人 店員最後攞左好多紙巾同個膠袋比佢.... 佢份加料餐具店員掉左落垃圾桶仲打包埋....!!(我諗要做比客睇...我地唔會用佢用過既餐具吧) 公眾地方又唔可以趕佢走...(佢的確有買到野食嘛...始終係客) 店員又唔敢叫佢過主.....(但我諗果時個個都想佢滾) 佢之後咳完一輪吐完一輪...佢終於收聲!!(好似又回復平靜) 但佢個樣好似死左咁合埋眼，塊死人臉貼住張枱...!!! 最後...我成碗粥食剩大半碗(嘥哂D食物) 只係食左果幾件"油器" 一見到女友食完後...... 我立即出手拖佢、拉佢、的佢.....搵路繞枱走 出到去我先講比女友知正話佢背脊發生咩事....! 女友立即話我.."點解唔立即打包走呀...?" 佢噴到成間鋪都係細菌呀...!!!都唔知佢有咩病呀...!!! 正當我地一邊行一邊諗住找其他野食時....女友又向我講左佢一個經歷... 佢當時派完餐後，每個客個餐上都有一個紙杯盛放飲品... 有個客又係係咁吐啖 今次佢果個就吐落個紙杯度... 吐到半滿佢叫我女友收走佢..... 她當時還不知道杯中是什麼野?! 冷不提防地一望個杯內 佢話差點嚇到飛左個杯去第二度.... 最後佢冷靜地擠出笑容...."好呀!!" 佢話當時好驚會有氣流倒左杯野落自己度....(如果真的發生..我相信佢會發癲) 佢亦都話係仲危險過攞熱滾水....!!!自始...女友學精了 現在佢話每次都一定帶個托盤同餐巾出去巡.... 因為佢亦都有聽同事講過有D客係包啖製造既雲吞放落佢地手度要佢唔該幫佢掉左去...!!!(嘩...諗起手都會爛呀...) 最後...我反而開始發覺女友係唔係好驚呢D事.....我諗佢有經驗並且身經百戰吧(但好肯定的是我還比佢更怕呢D核突事情) 因為佢係咁講有關呢類既"戰績"...仲越講越多...越核突...!!! 本來我都想出來再食過點野再醫下肚.....(因為正話我嚇到食唔到) 但再比佢講多講..嚇都嚇......(OK.....慳返) 真係可以唔食去儲錢喇...!! 如果係靠咁而令我去慳錢..... 你叫我死去好了...!!!! 遇著呢D人..... 點樣去忍呀...?? 比著你又會如何丫....??? >>November 2, 2009 at 3:52:17 AM GMT+8 2009 年 10 月 31 日 星期六 【晴】
今日大家都瞓到黃朝八晏，除左女友較左鬧鐘起一起身"開舖"外， 基本上"三點不露".....(下午三點都唔起身呀) 到一起身我地準備去食飯時已經可以去食下午茶 如果早十幾年前我咁生活的話.... 阿媽唔打到屁股開花再結果...!!!(咁果一定唔係我阿媽囉) 搬左出來住有度自由，就係可以想幾點開身同瞓覺都冇王管.... 咁都有代價既.... 呢個代價就係要自己照顧自己....以前我邊使去超市掃貨丫 而家..簡直係每月必去的地方，還要每一次都接近千蚊 都唔知買咩買成千蚊，總之 我們每人會推一架購物車，到比錢時兩架車都會係滿滿的 係滿到成座山咁，好嚇人架都...!!(嘿..邊個比錢時排我們後面....佢就不幸喇!!) 其中水貨佔50%、30%係煮飯既材料、15%係零食、5%係衛生個人用品及其他..如貓糧等等.... 還有要自己動手做的係交水電煤、上網費、之前就連上網費都係自動過數 但PCCW真係成日厄人錢，係唔係都扣，女友果次響電話發完癲後就Cut左個自動過數 而家係自己去交，一係用PPS交 講係PCCW真係好PK...佢厄完你錢後比人識破後，佢唯有回水啦(你就想啦...回水.!!!) 佢地只會肯用收多我們的錢，用作預繳，即係個個月唔使交費用，一直扣到扣完預繳止(所以我好憎"李食雞")
不知所謂...!!!!!! 但我地星斗市民可以點丫，鬼叫我唔識投胎咩...!!!! 好喇...講得太遠喇...講講下講到上月球，返番落地球先!!(鬼咩....我大概對世俗不太滿意嘛....) 雖然如此...... 我係好佩服佢老豆白手起家既精神， 講到尾都係自己唔爭氣啦..!!!(中學時代無心向學) 得中五畢業，食得屎啦...唉(細個唔去讀書..大過咪做運輸囉) 如果我能夠好似女友咁...有佢咁既學歷!!! 我就唔會咁慘情收場啦 而家以買樓做目標喎......講真我真係怕達不成 始終還要女友份糧加上去，才可以達到我們每月儲蓄的目標 不知道....做女仔既...會不會介意呢..??(問妳們..妳們梗話不介意架....) 但作為男既我...我有點點囉... 不過...冇左女友果份.....買樓真係遙遙無期呢....!!!(唉...27歲喇....冇幾多年架喇..!!) 好多朋友都話，你們住屯門呢度不錯丫 交通方便又有個市廣場，住既樓層望既景都唔錯丫... 事實上.....係唔錯既....!!在睡房中仲可以望到少少海景添 但女友呢間始終不能長住丫，始終都不是屬於我們 而最緊要係我地都睇中同一地方同一位置同一單位嘛(好似懶係心有心有靈犀咁..!!) 有諗過問家人借....但又好似唔係幾好咁 我們兩人的事要驚動人地...唔係我們所如願 現在望的只係......股票會好一點...個市會好一點 女友唔使好似早排咁要放冇薪假....祈求我唔好比人炒就好了 原來..... 人漸大......煩的事真的很多....!!! 如果能一直停留在廿二三歲咁就好喇.....(妙想天開喇) 這年來自己轉變很多，真的會認真打算將來 對女友一切的承諾....買樓之後結婚之後生BB 背後都意味著一樣野......佢就係 錢.....!!(所以話佢係萬惡冇錯呢..!!) 好..!!!為自己打打氣先 為我將來要做一個好老公再行出一步... 將來點都好.... 我都唔可以餓親我個老婆嘛.... >>October 31, 2009 at 8:47:43 PM GMT+8
|
|
>我期望著的未來
無事嗎?irene佢而家情況如何