2009 年 8 月 23 日 星期日 【酷熱】

親愛的倒楣鬼:


頭尾約一個星期左右，我可以坐中兩架壞巴士
，第一次都好D，捱到響巴士站先跪底，今日呢
架真係麻煩，響高速公路上爆軚， 其實架巴士
可以捱到去青衣城附近停車，但樓下D人話爆軚
個車轆發出D聲"嘭嘭"聲好恐怖....，死都要等下
一班車到接走我地，但沿途只係得呢一條巴士線
，仲要二十分鐘一班車，個司機又叫我地出馬路
等，但當隧道管制區既車來到，又指示我地上返
巴士等，卒之又上又落，不過好在佢唔係壞冷氣
，如果唔係等車期間大把人焗死呀，等左十七分
鐘終於有車到，明明我地有位坐，而家要上車罰
企，喂...大佬.....你收足我錢要我企...咪玩啦，但
又冇得選擇，人人都上...唔通我唔上咩...!!

真係唔係講笑，邊有人個咁黑咁倒楣架....!!但黑仔
起來真係黑開有條路，究竟..我幾時先黑完呀..!!!


一班人去哂高速公路排排企..等下一班巴士..!!


好在唔係日光日白....陽光普照乍...若果唔係我中硬暑.!!


>>August 25, 2009 at 12:56:53 AM GMT+8

2009 年 8 月 22 日 星期六 【酷熱】

放虎歸山


今日腳傷都好得好多喇，可以跟女友一齊出下街走走，
但又遇到D令人激氣既事情，事情係今日我同女友響巴
士分站等車的時候，剛剛又有一年輕父母,子,女四人一齊
等，男的約5-6歲女的約7-8歲咁，等等下車時佢個仔扭計，
大概話天氣好熱唔出街，要回家咁啦，經過一番抖纏，個
仔就自己一個人走左，真係走到消失人群中，我同我女友都
暗地滴咕滴咕說佢父母不是，點照顧D仔女架，最後，佢地
叫佢個女去搵仔，個女就係咁似搵下，話唔見細佬呀，佢父
母話"佢自己返左屋企喇，唔使理佢喇，女呀..有巴士喇....過
來上車!!"，我地看到眼都突...........真係走左.......!!!點知話口
未完，個仔唔知去邊度跑住喊咁口出來，大叫"媽媽走左...上
左車呀"，女友上前安撫佢情緒，叫佢唔好喊，又問佢有冇媽
咪電話呀，點知佢比個電話係錯既.....，跟本找唔到佢家人，
只知佢搭左咩車走左，於是問下佢小朋友住邊，我提意報警，
但又怕呢D父母返來..知佢報警回家打佢一大身，況且要小朋友
嚇驚亦唔係女友所願，所以報警呢個念頭暫時打消左，我地盡
量叫小朋友帶路回家，但小朋友唔知係唔係太驚，跟本咩都唔
識答，於是帶左個小朋友去買左少少零食，等佢冇咁喊時問佢
，叫佢帶路回家，幾經辛苦終於找到去佢家，入大廈又唔知佢
樓下密碼，好彩佢個管理處看更認得呢個小朋友，我地都放心喇
，起碼知冇搵錯樓，點知去到佢家按門鐘又冇人應，家中冇人...
我地異口同聲"有冇攪錯呀"，於是帶個小朋友去樓下叫看更找佢
家人電話，點知佢又只得家中電話，即係冇人聽，就係咁...我地
就帶住左一個唔識既仔...一齊行街食野，到左下晝五點幾，再打
佢家中先有個老人家聽電話，唉.....我地終於都功德圓滿，但始終
未見佢父母要搵仔，女友問佢家人知不知佢唔見左個仔，佢地冇
人知，打比佢父母...女友同佢講，你個留底個仔響街度呀，你知
唔知呀，對方話以為佢自己返左屋企，其實事後女友話好想講我
要報警三個字，但又怕呢D父母知道唔知點對付個仔，只好忍氣吞
聲，其實由巴士站行返佢家都要十分鐘，一個五歲小朋友跟本冇可
能做到，仲要過幾條馬路，就係咁...好好地一天.....就幫人湊仔...，
我地都替呢個小朋友甚至佢個女擔心，其實事後想想，報警都未必
壞事，呢D父母都要比D懲戒佢先得.....!!!我地今次可算係"放虎歸山"喇

>>August 23, 2009 at 3:42:01 PM GMT+8

2009 年 8 月 21 日 星期五 【晴】

上一生拖欠了誰呀...?


唉...都唔知點解今年咁多病痛，無論係大病細病
，都有我份兒，雖說自己唔係好運之人，但都唔
會真係黑到咁嘛，難道我前世葬左去三衰七敗穴﹖
今世要黑到貼到落地..??其實我不是要好運到要
中六合彩頭獎果隻丫，只係求平平淡淡無驚無險
咁罷......難道都要咁困難，上天是看得我不順眼
還是給祢面目可憎得咁緊要呢...??我知人生在世
不可以怨天尤人，但有時真係唔輪到你不氣餒呀
，可知道有病不是一個人的事呀，往往要造成身邊
的人麻煩同擔心，唉.....講咁多都係無補於事吧，
只能寄予希望在於明天吧，不求明天會更好，只求
平平淡淡安安靜靜地渡過吧...!!

>>August 22, 2009 at 3:39:34 PM GMT+8

2009 年 8 月 19 日 星期三 【酷熱】

非正式統計...


今日勉強能夠行出街，感覺不錯，因為已經
有幾天冇出過去喇，雖然唔係走離家中好遠
，但至少都有見過個太陽丫，我覺得自己康
復進度都算係咁，照咁睇我應該過多幾天就
會自己行返，好似以前咁.....!康復之期，指日
可待...!!!

下午同女友出街，其實好耐之前已經想暗地
裡計算一件事，但成日都唔記得，一係就記
得但係就唔到行動時間，但今日我有時間之
餘仲有行動...哈哈!!!而今次行動係數下女友一
天共照左幾多次鏡，唔留意都唔信，女仔真係
咩都可以當鏡照，就連西鐵車站月台的圓柱站
名牌，都可以靠佢個牌的反光作用而去照，在
車站晚上的月台幕門又得，屋企地下大堂升降
機內的鏡又照，自己化妝袋內的鏡又照，還有
好多好多鏡，總之能反射自己個樣都會照一餐，
而照鏡都係不外乎補妝、撥頭髮、整一整自己既
衣服等等，真係看得我讚嘆不已，女仔真係好厲
害呢...響呢方面，果然樣貌比一切重要，問到會
不會感到煩呢...??女友就答...塊面花左就煩喇...!!!!
我有點想倒地感覺.......!!

開估啦....女友一天共照左最少60次鏡，呢個數據只
係計我眼見到的，還未計去洗手間果D，但60次已
經係跨張吧.....!!!


整佢個計丫...成日都上唔到呢個網.....

>>August 20, 2009 at 4:54:43 PM GMT+8

2009 年 8 月 19 日 星期三 【綿綿細雨】

眼光光望天光


失眠左兩天喇，都不知攪什麼鬼，很辛苦呀
，還連累身邊的人冇得好訓，我又無時差既
問題，點解會咁..?但偏偏在搭車途中會眼訓
，唔通我要遊車河去訓覺嗎...??唉.....我連隻
貓咪都嘈醒埋，好了..女友又醒埋，呀.....!!!!
妳們起身乾脆用刀砍了我吧....!!真係煩得要命
呢!

>>August 19, 2009 at 11:07:38 PM GMT+8

2009 年 8 月 16 日 星期日 【酷熱】

溫柔與巴辣..!!!


很久都冇同貓咪一齊玩咁耐喇，不抱上手都不知，
佢真係重左好多，咁又係理所當然啦，呢度好食又
好住嘛 ，唔好話貓咪丫..我都肥左啦...!!!在家中，女
友今日整左好多七色啫喱同芒果布甸，又整左一大
盤沙律，如果有埋菠蘿腸仔的話，我真係以為慶祝
我放病假的派對呢....哈哈，當然說笑啦，我知她只係
怕我悶冇野好食，先會整一堆小吃出來吧，她所做的
一切都是出於關心，我完完全全的感覺到.....

可能是放假又出不到街的關係吧，今日我們check返
D月結單，一看下，原來我們的上網費無端端比人收多
百幾蚊，打去查問下，又係網上行做的好事，騙我們錢
，不.....應該係銷售手段有問題才對，女友最後打去理論
，我知道一定會"火山爆發"...所以我都迴避左一陣子，果
然女友惡到隔住對門都聽到呢，又難怪她嬲既，足足被騙
去二千多元，不火才怪呢，最後週旋好幾小時，電話公司
睇怕都頂佢唔順，最終都退回有關款項，事件叫告一段落吧...

所以多麼溫柔的女子也好....都會有可怕的一面，所以女人都
係唔可以亂咁得罪呢....

>>August 17, 2009 at 3:11:12 PM GMT+8

2009 年 8 月 15 日 星期六 【炎熱】

辛苦了身邊的人



朝早起來不知點解會越來越痛咁，最後真係捱不了，女友建議我
去急症室睇睇，其實之前已經勸了我好幾次，但係我都諗住忍下先
啦，看下情形點先啦，卒之都係要搭的士去到急症室比左一百蚊趕
等睇醫生，女友陪我等了兩個鐘左右，之後我又照多次X-Ray，結果
好似仲裂得深過昨天，怪不得我痛到要命啦，最後去左見骨科醫生，
要找一些小儀器固定幾天，過幾天才可以拆，再食一D比較強勁既止
痛藥，攪到大半天，女友扶住我行上樓搭Lift可真不易事呀，我本身不
輕，加上我用不到力，短短由地下大堂到家門口，真係攞佢命咁滯，
在家中我坐住張電腦椅當作輪椅咁，係沖涼麻煩一點，要左就右就，
好唔方便，我知道呢幾天要辛苦女友呢....!!真係估唔到在街中拐一拐
會咁嚴重，下面個地盤真係累人不淺呀，唉...又怪得誰丫，是自己倒霉
到貼地吧，這幾天要辛苦女友真係覺得有點唔好意思呢，女仔本身體力
有限，要扶起我照顧我可真不容易，感謝女友一點怨言也沒有，那點燦
爛的笑容顯得我很內疚，因為我深深知道她係好累，還要厚著面皮同同
事們調返工時間，之後調回來的全部都係大家不願做的爛時間同更期，
為的只係換來幾天照顧我...唉........害人不淺...不是....是...害人很深..才對...

都別無他法了，我現在可以做的是盡快養好自己既病先，今次真的要聽
女友話....這幾天要切底地戒口，我要用最短的時間好返先得呢...!!

>>August 16, 2009 at 6:40:27 PM GMT+8

2009 年 8 月 14 日 星期五 【晴】

扭親


今日頂人早更，好耐都冇返咁早喇，真係有D唔習慣，
不過都係間中的事，唔打緊啦，回到公司大房就每一
人收到一份通告，大概都係叫各同事小心，唔好再發
生今次呢D意外，其實呢一方面我一向好小心吧...!!!!

回家時候，家樓下掘路中，路面凹凸不平，就係咁我
就差少少仆底，雖然未致於跌親，但都唔好得好多，
我都扭親隻腳，痛到眼水都出呢，而且仲越來越痛呢
，最後都頂唔住去睇醫生，去左醫院照X光，先知有少
少裂左骨，雖然好輕微，但由於係用力位，所以現在
要行都不太方便，不過醫生話佢會自己好返，過多一星
期後會好一點，醫生亦都開左10天假比我休息，看來
我都有排休息呢.....!都好既，趁呢段時間我都好好咁做
自己想做的事吧...!!!

>>August 15, 2009 at 3:25:17 PM GMT+8

2009 年 8 月 13 日 星期四 【綿綿細雨】

手拖手..


今日我同女友去左赤柱行街，其實真係好耐無認真地
一齊手拖手咁行咁耐街，不是說我地冇拍拖，而係冇
做到拍拖應做的事，畢竟大家都太忙，時間大家又難
就，而我又要讀書，好難得女友放幾日假又撞正我又
放假去玩，講真果度真係冇咩野行，我只係想好好地
捉緊佢手去走過長街，走到倦她可以倚在我身邊，已
經對我來說很好了，愛情開始得久了，不能像開初咁，
咁激情吧，現在的愛情係細水長流.....，我知道女友都
會係咁諗，所以已經乖左好多，少左扭計，當然少少
扭計撒嬌係要的，講到尾對方都係女仔，呢D係女孩子
的天性，而且間中一次我蠻覺得很可愛呢，在我女中
，女友都係好體諒我的，左計右計...我欠她的反而仲多
，我知女友身邊的朋友開始一個一個咁結婚，女友雖然
冇講到出口，但看她的眼神，她真的很想披嫁衣，其實
我都想給妳呢，總之我有足夠能力，定必娶妳回來，應
承妳呀.!!

>>August 14, 2009 at 3:55:16 PM GMT+8

2009 年 8 月 12 日 星期三 【暴雨】

叫救命呀....我


呢幾天一有時間就要溫書，唉....溫到我恰眼訓之餘，
仲唔小心將個頭撞向枱面度，頭又痛...果頁書又撕爛
左一小角，果然....由細到大我都唔鐘意讀書，唔鐘意
面對D書本，我出來做野都係諗住唔使讀書又考試吧，
點知....!總之就身不由己啦....!!!可笑係我經常叫我D表
弟妹比心機讀書，但自己就..哈哈哈....!!!算吧啦...我已
經好正正經經溫左兩日有多，算係好交代喇...!!放過我
，讓我休息吧，我不想有個女友補習Miss係咁捉我讀書
喇，我夠啦.....比我抖兩天...就兩天啦...好嘛...!!

>>August 13, 2009 at 4:11:01 PM GMT+8