| 日記 | 日記主簡介 |
||||
2009 年 12 月 8 日 星期二 【微冷】 內心的說話 放工陪女友一齊去左尖沙咀... 之後兩丁友走去左食Buffet 價錢真係唔平...成200幾蚊位 兩人賣單要500幾蚊 不過...間中一次唔打緊啦... 其實同女友食Buffet真係唔係好抵.... 因為女友唔食得唔多... 仲好多野都唔食添... 之但係....間酒店既Buffet真係有佢既價值既 好多野都有得食 而且仲好新鮮添呀D食物 我地兩個不停咁飲紅酒....(飲左好多好多) 最終我地兩個賣單走時都"啤啤乎" 酒醉我仲有"六分醒"...女友就已經傻下傻下咁 但慶幸我地仲識行街、睇路.... 我食完都成9點幾10點... 之後走左去搭地鐵過海去中環IFC海旁條天橋... 睇下夜景同霓虹燈飾... 每一次我望呢個香港夜景 我都會覺得自己好幸運響香港出世 可以幾時都欣賞到咁靚既夜景 可能大家都醉醉地啦 我地最後坐左響中環港外線碼頭外D石櫈度 我地傾左好多好多好多既計..... 遠至我們一起讀書時代近到我們呢一刻 咩野都講.... 傻瓜可能真係不勝酒力 講左好多好多傻瓜野出來... 我不知女友知不知自己講緊咩...? 但比我知道原來女友係...內心唔係太開心 原來我還真係冇好好真正咁了解她 有時覺得自己做得好足夠 原來今日先發覺...女友根本唔係要呢D 女友一直都不作聲... 每事都向我笑笑說 一直都作出開懷開心既樣子 今日比女友唔覺意咁講出來....我先真正發覺到....我係幾咁...唉..!!!! 在海旁我們一直坐到成2點先至回家 其實個傻瓜12點幾已經挨向我度瞓著左 我真係好耐都冇吹過海風同真真正正咁睇個夜景 見她熟睡著我又不想弄醒她....(好在我地帶夠衫..如果唔係一定凍死!!!) 酒醉的她臉泛紅紅咁....真係有點迷人呀 不過見個傻瓜真係冇起身清醒既跡象咁... 挨到成2點都唔起身.... 我唯有拍醒她... 濛濛中的她第一句就同我講.."好凍呀" 她今次起來情況冇之前咁啤啤乎喇 能夠自行行到巴士站等通宵巴士 上到車個傻瓜又瞓過 一直瞓到落車 回到家後.... 現在的她衫都未換就撻左落床...繼續瞓 望著她酒醉的樣子真係好可愛 嘿.... 不知個傻瓜朝早會起身先丫...定我起身先呢...?? 不知佢又知唔知今晚自己講過咩呢...?? 一切都不重要喇 我都好攰呀.... 現在的我用緊最後僅存的精神打呢篇日誌乍.... 不行喇...我要瞓喇 不過好彩明天大家都放假啫...!!! 唔打緊啦... >>December 9, 2009 at 8:25:15 PM GMT+8 2009 年 12 月 7 日 星期一 【暴雨】 禮物 女友今日帶左貓咪出去做診所(做手術前檢查...) 放貓咪去診所之後來接我放工 搭左我尾一轉車..... 我從駕駛室開門出來時... 女友從手袋中比左件野比我 嘩........ 係部新既Mp3機呀.... 雖然女友成日都話我破壞王 買咩都會整爛咩.... 但一見我部機壞左就去買部新比我 女友..妳真係對我好好好好呀.... 嗯嗯.... 真係好多謝妳呀... 呢部就係...新既MP3機呀..!! 
>>December 8, 2009 at 1:52:57 PM GMT+8 2009 年 12 月 6 日 星期日 【暴雨】 破壞之王 唉...... 跌爛左部Mp3機呀 很心痛呀 雖然用左好耐亦都有點規規地咁 但用習慣左嘛 講比女友知我跌壞左部機 女友很幽默....咁講 很好丫...唔係比人偷左....架機係死響自己手上 點都較比人執左....而激心丫 ........好似有點道理....!!! 算啦....其實唔想算都唔得啦 我還可以如何喎...!!! 女友最後還贈多我一句 "你成日都整爛野架啦...!!!" @%&$=+/@#@*@ >>December 7, 2009 at 3:59:21 PM GMT+8 2009 年 12 月 5 日 星期六 【晴】 等待將來臨貓咪的Operation 今日女友一放工屋企都唔返住(拉住個小黑走真係好唔方便呀....!!!) 就已經立即接返貓咪回家 咁我當然都在旁一齊啦(我拉小黑..女友抱走貓咪..) 住左兩日連治療 要成兩千幾接近三千蚊(Over左12點又當一天......!!) 我不知貴定係平 但摸摸貓咪頸處粒腫瘤已經細左好多好多...(我比得好心甘命抵...) 貓咪回到家亦都肯食返野 就咁睇....真係點睇都唔似貓咪係有事 有需要做手術.!! 同女友今日去左另間診所 呢間係女友同事介紹既 據了解佢都係唔錯既一間診所.... 因為女友同事D貓貓狗狗都係睇佢 而且仲係好多女友同行既職員都係睇佢 去到診所攞左張X-ray片比醫生睇 醫生估計應該係"橡筋" 睇個"橡筋"Size似係女友紮頭髮用果D 而且仔細地睇...應該係兩條重疊左添 女友問手術有幾大風險 醫生話那個位置都唔算好困難 如果貓咪本身係健康強健的話... 呢個手術佢絕對承受得到 我們決定比貓咪做呢個手術 由於要做手術 手術前要做好多事前檢查 而且還要等幾日先有得做....(要排隊...因為不止我一隻貓要做手術...) 醫生話如果位置不移位....貓咪會同正常冇分別 醫生亦斷定非太緊急手術 咁我地都願意等多幾天 呢幾天醫生叫我地最好比流質食糧 而手術前10幾小時都唔可以比佢食野 不過我地都唔使擔心住 因為手術前一天我地會放佢入住診所 今日抱回牠回家 女友同貓咪講.."你要做手術呀...!!"(牠聽得懂嘛...????) 哈哈.... 不知到貓咪知唔知道將要比人麻醉開刀呢...?? 我都不知對牠公平嗎..?? 貓咪都冇向我們講想定唔想 一切都由我地決定.... 我自己都曾經比人開刀做手術 頭十幾天簡直痛不欲生..... 要貓咪受苦.... 我都唔知我地為佢做詳細檢查 比我發現到佢有事 係好事定壞事 好事......佢可以響出事前比我地及時先發現 壞事.......要貓咪捱一刀.....但又有可能就算唔開刀做手術...佢都會一世唔會有事呢...? 咁佢咪白捱一刀...?? 我有後悔比佢做詳細檢查 女友又有點自責自己D橡筋亂咁放.... 其實都唔關妳事既... 而家都係估計係橡筋.... 就算真係.... 妳有唔係有心比佢食 只係一個意外.... 好喇.... 辛苦左一天....左撲右撲今日去為貓咪 大家都辛苦喇 既然都決定比佢做手術 我們只有祈求手術順利啦 其實醫生都話手術唔太困難 唔係切走D野.... 只係取出異物.... 只要貓咪本身健康..風險係一D都唔大 我知妳比我更愛錫痛錫佢 只係今日在診所聽妳向醫生講呢一句...."錢唔係大問題...最緊要有冇得醫好佢......" 醫生都怕了妳喇....(連忙話...手術唔會好貴...係合理既...) 醫生還要立即澄清..我係醫好佢..唔係搶妳錢..放心啦...!!!(我有點不妳意思呀...) 其實貓咪...本身我先係佢主人 是不是我冇愛心呢...? 妳真係緊張得比我還緊要呀 難怪...貓咪會咁親妳啦.... 嗯.... 事情總算有了一個解決方法 我今天可以安心瞓一覺喇 妳都不要太擔心喇 貓咪知到妳關心佢架... 我相信貓咪都會乖乖咁 聽妳話....等待手術日期來臨 在此... 我要祈求天主要守護著貓咪健康呀... 守護佢今次手術要成功 平安地大大步跨過今次呢個困難 看來我真係要學女友咁 早，晚、食飯前都向天主禱告喇 >>December 6, 2009 at 3:15:35 PM GMT+8 2009 年 12 月 4 日 星期五 【晴】 循環的預感 12年前... 我在學校成為"食物中毒"一員 集體坐白車去瑪麗醫院... 到個個同學仔都可以走得....偏偏得我冇得走 一個醫生發現我肚內一個不尋常的腫脹 結果那年我要做手術切除它 手術成功 但得來第二隻病出來 驗出才知係先天性遺傳病 自此... 我一流血就好大件事 分分鐘會流到我死為止 今日 我帶貓咪去睇淋巴炎 驗出又係肚內有異常物 我心中總覺得事情好像在重覆咁 我好怕手術後對貓咪有冇不良影響 我總覺得事情又會轉在其他生命體上 我不敢拿主意做定唔做手術 我怕行出一步..行錯會令佢痛苦 活活受罪真係一D都唔好過 我真係好擔心 事情會唔會循環再演 呢D事.... 我試一次已經好足夠喇 我不想其他生命體再試呢種活生生的苦呀 >>December 5, 2009 at 3:28:50 PM GMT+8 2009 年 12 月 4 日 星期五 【微冷】 意外結果 今日獸醫診所打電話來 做左個詳細檢查後... 有好消息...又有壞消息 好消息係証實較嚴重既淋巴炎 打針治療後係可以好返 壞消息係....X-ray詳細檢查 發現貓咪肚內條腸道有異物 有兩條...條狀物體留在腸中 不知已經留在牠體內幾耐 醫生話好幸運佢冇塞腸.. 如果唔係有機會會有生命危險 但問題係現在好似對佢冇影響咁 醫生又話若果佢跌入D....塞住就麻煩 而家只係幸運地發現到 我問可以點做.... 唯一就係做手術攞返出來... 但手術價錢真係一D都唔平 仲好貴.... 我現在拿不到主意 現在又找不到女友商量 手術始終有風險 而且佢而家仲係病緊 想做手術都唔可以做住.... 不知是禍是褔...!! 唯有繼續比貓咪住多一日 等女友返來商量下一步點做 我自己十五十六咁 唉...... 我好煩而家...!!! >>December 5, 2009 at 1:01:59 PM GMT+8 2009 年 12 月 4 日 星期五 【晴】 今天早上 (尚未有消息..) 瞓得不太好.... 因為大家都擔心著貓咪 好似自己親生兒子咁 擔心佢而家會點....會唔會好辛苦呢? 佢會唔會好似人咁要插針吊鹽水呢..?? 最緊要佢有冇check到咩出來..? 今日女友著我不用送她返工 要我在家中等消息 等待獸醫打電話來 因為我地吩咐左獸醫無論驗出有咩事都通知我們 在那間診所內.... 我昨晚所見的都不少動物去睇獸醫 所以要照任何野都要排隊.... 似足..我們既政府醫院咁 要..等等等...!! 女友等不到消息就要返工 而我如果下午時間都未收到消息話 咁到時就算攪掂..我都接不到佢走 又或者要做手術都過不到來簽同意書 所以女友昨晚在床上輾轉反側就係為左呢件事 我們都傾左如果真係要做手術的話... 金錢方面都會唔平 但牠都有生命... 又冇理由就因為佢只係貓就放棄由佢死.... 咁注定呢D錢都唔慳得 女友同貓咪相處左年幾 每次在家或放工後見到都陪佢玩..抱佢... 她與牠呢份感情真係好深 我諗....如果真係發生最壞的事 女友定會好傷心 所以只要用錢可以醫返好佢.... 我同女友都會好願意付出金錢 希望在留醫檢查既貓咪會堅強一點 我亦都希望女友今日返工唔好因心情唔好而做得唔好比人投訴 明天妳返來先再算...而家我仲可以睇住 好好在那邊休息一天吧...
>>December 5, 2009 at 2:04:19 AM GMT+8 2009 年 12 月 4 日 星期五 【微冷】 為貓咪睇夜診 正話....(夜晚12:15左右) 我地兩個都好醒瞓 嚴格來講簡直可以話冇咩瞓過 隔一陣又睇下貓咪有冇異樣.... 咁都係為左貓咪有事我都可以第一時間知 好矛盾..... 如果人係病的話... 大家係同人類.... 你有事..我識講..你識睇 大家可以用語言溝通 而且有急症室比你去 你可以得到最好最快既治療 但貓唔同 佢唔識講人話 佢瞓著..我都唔知佢係唔係..."咩左"....唔知!! 拍醒牠...又怕騷擾佢休息... 難得佢可以咁辛苦..病著仍可以捱去瞓著 但唔拍醒佢又怕佢...."真係唔識醒" 因為貓咪已經唔肯點食野一日差不多 就算食都係食得好少...食物簡直原封不動咁 我不知係唔係個腫瘤令佢好唔舒服 攪到佢唔肯食野 我們已經越諗越擔心.... 那個會不會是腫瘤??..而唔係淋巴發炎?? 如果真係的話 會唔會好似人類咁分..惡性同良性?? 最終會唔會得到最壞結果.... 最後女友上網Check 到有動物夜晚診所 夜晚12點幾都要嘈醒Philip問佢借車比我用 我用左唔使半個鐘由屯門出到旺角替貓咪睇夜診 我已經開得好快...因為今次不是遊車河 而係做救護車司機 一去到我車都係是但放埋一邊... 就入診所登記 等左約15分鐘就有得睇 醫生診斷不肯定是不是淋巴炎 因為個腫瘤都唔細 已經壓到佢食道氣道 佢應該而且呼吸較困難...獸醫話 唔食野原因是腫瘤令佢吞嚥不舒適..甚至痛楚 獸醫話有需要check清楚 所以我地決定比佢留醫.... 況且明天我地返工冇人照顧到佢 我地問獸醫會有咩檢查幫佢做 會照片...睇下有冇壓到其他位置.. 同埋是確定佢係咩野...係腫瘤定係淋巴 如果係淋巴就打針做幾日治療會好 如果找不到原因就要照其他野去找原因 但不幸係真係腫瘤就比較麻煩 獸醫向我地解釋左一大輪後我地都明白有咩風險、機會、後果、最壞係點..... 但點都好啦.... 貓咪入左去有獸醫照顧 我地盡左做主人既責任吧 臨走埋單已經要千二蚊.還未計留醫的費用 以前我會笑人為左隻動物比咁多錢去醫...一定係瘋了吧 估不到今日我就係做"瘋了"的事 其實係女友主動埋去比錢 的確生命比錢重要 貓咪雖然唔係太親我 但在錦田的日子裡..... 同前女友分開後...牠的確陪著我身邊 我覺得佢知道我們的事情似的 牠不是無思想 牠都會了解我的 我真的不想牠有事 我知道生、老、病、死係...係永恆不變的定律 但我針拮到埋來時...我真係唔想佢有事 正話獸醫講貓咪會有咩最壞後果時 我知女友很想流眼淚...但強忍聽著獸醫說 我們都改變不到什麼 一切都交給祂決定吧 Irene..不要這樣吧.... 情況可能不同咁差的 怎麼說...我們都盡左全力幫牠.... 我知道...貓咪會感覺得到 我們始終都要返工..要工作 現在貓咪已經有最適當的治療... 我們應該要放心才對 明天... 妳我都要提起精神工作呀..... 現在都凌晨三點五十分喇....我們真的要休息一陣子吧.... 對嗎...?? 妳都要乖呀..知嘛 >>December 4, 2009 at 7:49:56 PM GMT+8 2009 年 12 月 3 日 星期四 【微冷】 要堅強呀...貓咪
放工回來貓咪都仲係唔係好妥 好冇精神 只係軟軟咁伏在地下 逗牠玩...引牠食都冇大作用 還發燒中...? 現在女友抱著貓咪....而貓咪伏在大腿上... 不幸是女友明天已Swap左一班Over night機做 千算萬算都算不到貓咪會突然有事 而明天女友要返工..我又要返工 有四個小時真空期...(我諗我會想方法解決...) 貓咪要自己照顧自己..(不太可能的事吧...) 我們都不知怎算.... 已決定明天帶多次佢睇獸醫.... 其實錢都唔係大問題 問題係好似貓咪打左針都好似冇咩起色咁 頸內的腫塊還在 看見牠好似好辛苦咁.... 佢又唔似講人話... 就算我識聽貓咪話...都冇用 貓咪連....喵喵都不叫.... 很心急點算好 獸醫又冇急症睇 要牠捱多十個鐘..很殘忍吧 但又有何法...?? 我地可以如何...??? 有冇人知而家仲有冇醫生睇....?? 作為主人的我們 郤無能為力.... 很無奈... 祈求天主會幫助貓咪渡過今晚..... 明天我定必要醫生查清楚佢咩事 No matter what......!!! 貓咪...你要乖乖...要努力支持住呀...!! 我們在你身邊呀.....
>>December 4, 2009 at 3:31:38 PM GMT+8 2009 年 12 月 3 日 星期四 【晴】 貓咪病左
昨晚見貓咪唔係點郁 都只係以為佢懶得郁 點知...今朝先發覺佢連昨晚既糧都冇食到 仍然伏在地上 女友摸摸佢全身 發覺頸度腫起來...約五毫子般大 而且一掂貓咪就好唔自然 好想逃走咁 女友叫我摸摸... 的確好似腫起左 拿拿臨早餐都唔食去等醫務所開門 女友吹在半個鐘頭風都要堅持去等 因為想第一個症就可以睇貓咪 醫生到左 入左去之後檢查發覺 係"淋巴發炎" 醫生幫佢打左消炎針後... 就帶佢返去 回到家貓咪反應好鈍....眼又想閉想閉咁 目光好似唔知望左去邊咁... 女友擔心又打比醫生問點算 醫生話...如果持續係咁...要再立即睇多一次 再試用其他藥 女友....成朝到而家都望住佢 連飯都冇煮到..!!! 不過由他啦 我知佢已經好擔心 點講隻貓陪左佢有一段時間 又咁主動喜歡親近女友身邊 女友很痛愛佢.... 我期望貓咪要快D冇事呀 貓咪.....媽咪咁鍚你...你要爭氣唔好有事..咪要媽咪傷心呀 要快D好返呀 我一陣要返工喇.....我真係有點唔放心她 放心啦....醫生都話好大機會好返架....唔好咁擔心住先啦 好唔好呀...?
>>December 4, 2009 at 2:36:42 AM GMT+8
|
|
無事嗎?irene佢而家情況如何