2009 年 12 月 25 日 星期五 【微冷】

聖誕大掃除

為左今日間屋要見人

漏夜執屋....

其實我覺得間屋好見得人丫

執咩喎...!!!

但係家中最高權力命令....

一定要執...(咁咪執囉...唉!!)

仲要好似新年"大掃除"咁

我地足足執左三個幾鐘

執左八大袋黑膠袋垃圾

話就話垃圾....

其實好多野都用得返

淨係D化妝用品...已經一大袋(平時買就千幾蚊...而家就當垃圾掉..!!!)

我諗如果有人肯拆開我地D垃圾睇下

分分鐘好多野都執得返來用...甚至係賣

但係...最高權力話....掉哂佢!!!

唔好再心軟...(咁妳當日就唔好心軟買啦...!!!)

要先再買吧

呢D我三年都唔一次呀....!!(咁妳又買...??)

執左咁多袋垃圾

我地放出門口垃圾桶都唔夠放...(頂..!!都唔知有冇人收垃圾....半夜個垃圾桶可以係滿既..!!!)

要兩個人推車仔去樓下垃圾堆

想像下...

夜半三更....推住八大袋黑膠袋

人地會以為你仲咩...??

棄屍嗎..???

唉......

雖然大家明天唔使開工

都唔使咁折磨我架嘛..(立即比人鬧...間屋係唔係你冇份住丫??)

做死我喇!!

而家家中好"吉"

開初我講好空呀間屋

點知比人打左我頭一野(好痛唷...死婆!!!)

咩好"空"(凶)呀....(間屋冇死過人架..!!)

作死妳呀半夜三更亂講野...!!!(妳唔係平時百無禁忌嘛...??)

好喇....勞累後間屋而家..

好乾淨..好少野...好整齊

今日朋友來一定知道妳係超潔癖的...!!!(唔係....朋友應該早已知道吧...!!)

放心吧...

今日呢間屋一定會帶給朋友們好的印象

話哂我地都執到叫"救命"呀...!!

2009 年 12 月 24 日 星期四 【炎熱】

聖誕節的手信

下午去左二號客運大樓..Sky Deck睇飛機升降

諗住睇完先慢慢等女友放工

點知..女友班機唔聲唔聲咁遲左兩個鐘....(我又唔知先慘...自己又冇睇個顯示板...!!)

其實都估到喇

我去睇飛機時見到能見度好低

飛機好明顯比平日少左

今日真係大霧到真係只係望到八分一條跑道既長度

大霧得好跨張...

我睇到天黑先走....

見到電話冇響我都知女友應該會遲

卒之我多等左一個鐘頭十個字...!!!

夜晚喇..天都黑齊喇...!!

唉....我先接到女友放工呀....!!!

幫佢拉個大黑時

我諗住仲會好重添

誰知....輕到妳似冇野咁

我即刻話..."妳好呀好...又話買手信比我"

倒頭來都係冇買

女友話..."我有..!!"

就係響呢度....(指住自己個裙袋度...)

我問...咁咩黎架??

咁細件既..可以放入口袋中..??

登...登...登...登...!!(女友自行配音中....!!)

就係一支迷你潤唇膏

再望清楚一點....

係一支電話繩設計既潤唇膏

好鬼死Cute....

潤唇膏仲真係可以用得架....

女友話我成日都唔記得帶潤唇膏

今次綁住電話度....

睇怕都唔會再唔記得帶啦....

除非我連電話都冇帶啦...!!(放心...我一定有機會唔記得帶...)

嗯.....!!

雖然禮物好細件

但我好鐘意呀...

真係好鐘意呀

上到巴士急不及待試用一下先

同平時既冇分別....都係咁好用

所以話女仔真係會有心思D

真係好多謝妳呀....

愛死妳呀Irene.....

夜晚..我地去左食左一餐很好既.....(其實係好貴先真...!!!)

氣氛好正呀...!!(呢D地方求婚真係首選呀...哈哈..!!!)

雖然係貴...肉痛左一點..(兩個人食左八百幾蚊呀...!!)

但一年一次算啦...!!(我們那刻開心就已經足夠喇....!!)

其實只用有妳在我身邊已經係我呢一生人最好最大既福氣呀

芯芯叫我應該稱呼妳做"老婆"先啱喎....

妳會準許我咁叫妳嗎...??

2009 年 12 月 24 日 星期四 【微冷】

聖誕返工夜...

好攰呀....

返通頂真係好辛苦....(哼...公司話不用你做嘛難道..??)

見到人玩就更加唔使講

自己望住人玩多麼可憐呀....(女友仲要不在我身邊...!!)

下半場比人調左落去屯門

好少行果邊D線

有點唔習慣同時又有點新鮮感

不知女友在另一邊做緊咩呢...??

明天還要去NRT才返來(妳話會買得意既聖誕節手信比我架....!!)

講返轉頭....而家的我真係散哂

好似比人強暴完咁....(真係冇誇張架.....!!)

仲要比我載到D極品(死發癲酒鬼...仲有疑似食完"糖"的少男少女...)

我真係受夠呢D人喇....

差D連車門都比佢地班傻既撞爛

香港人真係咁大壓力嗎...??

定還時在青山走失的發瘋子呀??(等我車你去青松站吧.....送你地返去...!!)

不得不遙頭歎息...為什麼我們兩個仲要大時大節都要開工

比人講我們兩公婆都係天生一條"辛苦命"呀!!!

阿芯在Email裡話我不應叫妳女友前女友後呀響呢度....

應該叫妳做"老婆大人"先啱喎...(唉..!!我又不知人地肯唔肯咁比我叫佢架嘛...!!)

我不管呀....

妳回來那天

我地一定要去食一餐好架....

等妳呢個老婆回來呀我....聽到嘛...?

仲有呀...!!

老婆大人.....聖誕節快樂呀!!!

2009 年 12 月 23 日 星期三 【晴】

大家捱通宵吧

一陣要返工喇....

好喇都冇試過Over Night

好耐都冇攪過 EUM

唔知有冇問題呢...?

要衝出尖東殺入紅磡

今晚應該幾多靚女睇....

哈哈....

女友不在要作反喇.....

說笑吧...我點敢丫

況且...都冇時間去睇女仔

睇下有冇醉酒佬攪攪振好過啦

講起今日真係"害羞"死我喇

想不到妳會夠膽死響魚翅城外

仲要比"食蕉"見到...

我仲點去見人喎入去

妳句Merry Christmas 真係來得突然呀....

雖然....

聖誕節、平安夜冇得一齊過

但大家有得一齊Over Night 返工呀

妳同我都要捱呀...

我地都係去睇人玩吧......

返工喇...!!!!

大家都要比心機呀!!!

2009 年 12 月 22 日 星期二 【晴】

喜歡我去學嗎..??

聖誕節....女友無得放假...(還有咁好丫...放到24、25號...)

呢個節日大家將會相隔兩地渡過

雖然如此....我們都係望同一個月亮丫...(懶係詩意咁...!!!!!)

況且我覺得返工比拍拖出街重要....!(女友話....你講咩話...??夠膽講多次..!!)

因為我需要錢呀...我要出糧呀!!(我結婚都唔夠錢呀而家仲...!!!)

所以我們決定今日去提早過聖誕(拖著手一齊睇燈飾...)

今日我正正式式咁送左一束自己做的玫瑰花...(好核突呀整得...到!!)

雖然包得唔好...摺得唔靚

但我盡哂力喇...

趣趣地收下啦.....比下面啦....(女友說...我還有選擇嘛...???)

真係摺到都手痛....捱左幾個夜晚架

有一天我仲帶返工....響休息時候摺架..(攪到有幾躺廁所都冇去到...摺到冇時間去....)

我仲要比班學生妹放學時見到我呢個司機..響度摺花呀......!!!(我頂...!!)

比佢地見到...我知我已經前途盡毀喇..(千祈唔會認得我先好呀...!!!早知咁帶住副超先遮遮啦..)

一個男人響駕駛室度摺花.....唉..!!!(你個死娘腔丫....!!!!)

攪到我第二日都唔敢再攞出去摺喇

而D花真係...我摺完又拆又摺完再拆好幾次...

因為總係覺得整得唔似玫瑰花....

等我話妳知啦....其實我想學織頸巾架

但又怕比人話我女人乍

妳咁怕凍.....

如果我可以識得織一條比妳用

我會好滿足開心同有成功感架...

找天吧.....

可能我會偷偷地咁去學..(其實都係搵妳教我..何來可以偷偷地呢...??)

聽聞....係D女仔講我知....織頸巾係最容易...(女仔..????邊個女仔呀....??女友懷疑地問道..!!)

如果我真係可以織到一條比妳返工帶....

多麼的好呢....

那麼....!!!

妳會喜歡拖著一個會識織頸巾的男友嗎...??(一個似是娘娘腔既男朋友...!!!)

2009 年 12 月 21 日 星期一 【微冷】

執拾的回憶

今日回娘家執下自己房D野...(早已不再係我房..!!)

所謂自己房已經比我妹霸佔左....(正衰妹黎架..!!枉我比錢妳讀書...妳咁對我..!!)

放哂佢D書、筆記

像圖書館一樣咁

但冇一本我係鐘意睇(9成英文書..我點識睇...??)

還好的......我還有一小角落放自己野仲可以

內裡有模型、CD碟、VCD碟...電腦CD碟

我仲可以找到Window95、2000、ME版本的安裝光碟

你可想而知係幾咁多垃圾

還有當年既電腦書、電話雜誌

現在看返很有趣

內容介紹NOKIA 8310既功課有幾好...64和弘鈴聲...!!!!!

現在...和弘鈴聲...??用MP3喇.....

我仲找到以前入愛立信、NOKIA既入電話既歌書(當年係冇SONY ERICSSON)

當年用鈴聲...如果係可以響到流行曲三句已經係好威....(哈....邊個夠我勁...聽下我首"不老的傳說"啦!!!)

我第一首自己入既歌係..張學友..不老的傳說

我仲搵到當年手電既說明說....(按2制3下...按4制2下...按#制降半音..........)

我第一部電話ERICSSON T18s....當年劉華買廣告架...電話廣告歌仲係"回頭便知..我心只有妳......"

呢部電話當年勁囉...3000幾蚊呀.....!!

我果時得17歲...仲要阿老豆簽名...!!!

嘩...T18s首創...聲控打電話功能、又入到三首歌...GSM制式雙頻機、舊電可以一次過用兩個鐘.....(勁哩...地鐵都收到呀!!)

但而家要返部電話屍骸就唔知去邊喇....

打開另一本書睇多兩頁....

嘩.....3000幾蚊部..SONY..200萬像相機呀...!!!!

可以即時有相睇...送64mb  Memory Shick(最長最舊果隻..)

但個MON細到...!!!(1吋乘吋半咁上下..)

但果時真係無敵呀....!!!!!(你有冇丫.....冇哩.....入菲林影啦..望!!)

再䏲下另一本......

嘩..MP3機超大容量128MB...1500幾蚊....(當年仲係有人用緊1.44磁碟片...)

128MB...真係好大...

但而家....

我果D所謂128MB 咭....全部用來墊我果D "16GB"咭底

真係好有趣....

又見到CDRW...燒CD...650MB....

當年燒碟..邊有架

同人講燒碟...

人地真係以為你用火來燒.....加多句你白痴架...??

CDRW一隻碟98蚊....CDR...8蚊隻(所以當年燒燶碟係好心痛架...)

而家咩價...??(CDRW一隻碟8蚊隻....CDR...8毫一隻..)

再找找其他野....

我仲有幾件CK鼠既盒

原來當年...(即係上年呀)我仲未送哂比佢

而家都唔知要來仲咩...??

當時我為她300幾蚊買一把CK鼠遮

幾百蚊一個CK鼠手飾盒

差不多一百蚊買一套CK鼠餐具比佢返工食飯用

我仲夾仲好多買野比佢既單據...

其中一張係買手錶既單

很有印象....當日佢話隻錶係佢當年第一次做野出糧買

用到很舊很殘...跟住我地去睇錶....當時佢睇中左一款

我話都唔靚既....走啦

其實...我轉頭就走左買來送比佢

很開心呀當時

還有好幾張MaBelle既手飾單據

當時只要話佢想要....,而我又負擔得到..我一定會轉頭或隔日...甚至立即就買比佢

還有兩張手袋單據

都唔知係唔係我錯....

是我教佢走入名牌世界

識佢第一天....佢連Patrick Cox都唔知咩

好笑得對我講...."好似童軍logo架果個.."

是我帶佢入去睇....

買了第一隻比佢Patrick Cox手袋比佢..(在我心中..我覺得女仔起碼有一兩個名牌袋係好理所當然...)

之後....就越買越高Level....

高Level到有d我都唔知係咩牌子....!!!

總之臨分開前佢仲自己走去買左個Burberry銀包...1800幾蚊

而家間中碰面見佢....全身都係牌子...唉..!!!!

是我錯嗎...??

佢攪到咁公主病是我過於遷就佢嘛...?

是我寵得佢太厲害嗎...??

當時我每事都不出聲

佢做錯我都容忍....還氹佢係妳啱

攪到佢咁....是我做成的吧

我又諗起舊居....

我一個鐘前執好

佢一個鐘後打回原形

我又唔叫佢執...又係話...我執我執..妳訓啦!!!

廚房一堆碗....唔洗....

水好凍呀、整差我D皮膚呀

好好好...都係等我洗埋佢啦

當時我咩都就佢由佢隨佢

諗諗下....可能係我變成佢咁....(以前佢好乖巧呀...)

當我覺得佢咩都唔理...到我真係要出聲時

佢就覺得..."係我變了"

挑剔佢左右

已經係不再愛佢喇...

問題從呢度開始吧...

我實在頂唔順又返工又要顧個家

磨擦開始....

很感謝上天給我們雙方美好的完結

她天生很甜既胚子.....笑得好靚(個個都咁講...係...佢真係笑得好靚..)

人人都話佢生得很標緻...

佢要找男人要她...真的不困難

而且又有份好工.....

呢D女仔都不太多吧

對.....!!!當年人人都話我執到啦

執到個咁靚既....

係...我都覺得係"傳奇"

亦都証明...世上係不公平既

C4...中..四個都高大英俊過我9000倍

係我最快搵到...拍得拖最耐的一個

太神喇....哈哈

現在....我不太清楚她近況了

但起碼上次見到佢同佢食飯.....佢都很開心丫

我都想佢可以開開心心既

而家....

我很喜歡Irene

她比到我有夫妻的感覺

她在家時...我會有三餐飯食

同佢行街買野

佢會格價唔會亂用錢..(難聲D就係"師奶"...唉..!!!講咩價...比佢啦幾蚊..!!!)

佢鐘意入廚房.....其實做"白老鼠"係好幸福既事

家中有她會井井有條....

佢會幫我熨定明天著既返工衫

我真係好感到滿足有個好女友咁好既未來老婆

以前人地會羨慕我有個好靚既女朋友

而家都係

唔單止有人話佢靚....

仲會比人羨慕我有個"好飯盒"(你個飯好靚好香呀...!!)"

同妳一起.....我真係感到有點怕羞..(很認真呀...!!)

因為我真的覺得冇咩地方襯得起妳

尤其係送妳返工放工既時候

我到而家都總係覺得有千萬對眼望住我

佢地眼神係咁講..."有冇攪錯..!!"....

大家心中大概想著"鮮花與牛糞的故事"吧!!!!

C4..到今天都係話世界係冇公平....

係..我都覺

點解你地可以咁高大靚仔呀...?????

2009 年 12 月 20 日 星期日 【颳風】

邊個最"毒"?

女友今日帶貓咪回診所

其實呢幾天牠已經都冇好好咁食同休息

睇得出佢好不自在

我諗係應該係太痛楚吧

但呢段時間只有捱住等佢傷口好

冇其他方法....

貓咪要比心機呀..!!!!

但今日發生左返工咁來最火滾既事

我比阿伯問候阿娘

其實我覺得咁多粗口中...小人地阿娘係最難聽

你小我老豆都冇咁火滾喎

事源係....

於比較人多...但又冇上班時間咁多人既時候發生

總之迫唔滿人.....但又叫多人果隻

總之就係大半滿人啦

咁在唔知咩站有個客推左兩大架買餸車入來

架買餸車仲放住比買餸車大兩倍既紙皮上去

照道理係唔比上車

但係呢D事隻眼開隻眼閉...我都會算數既通常都

咁佢將兩大架車既紙皮用繩綁住響輪椅擺放既地方

我諗怕架買餸車跌走掛...所以用繩索好左

若果冇輪椅上車..我會由得佢

但今日就係有兩大架輪椅上車

就係因為佢...兩架輪椅都上唔到

我唯有叫咪....叫架買餸車主人攞走佢或等坐下一班車...

畢竟人地係輪椅優先

我叫咪....冇人認頭...

再叫冇人認都係...

我出來好似傻仔咁...係咁車頭掃住落車尾問"邊個架..??攞走佢啦...!!!"

都仲係冇人肯認頭

我唯有叫咪話若仲冇人認領我會叫人收走佢

仍然都仲係冇人認我

好無奈..又浪費我時間....

我Call上OCC.....等指示

OCC叫我開車走....叫輪椅坐下一班

而同時都會過兩站有人上車處理

過左三個站有同事上車攞走佢時候

今次有個阿伯認頭喇....(喂...!!!我架攞去邊...!!我坐響呢度呀!!)

大叫....D野我架...你攞去邊..??

雙方口舌磨擦中....

在車又嘈左好陣子....

職員係都唔比佢攞走....(佢好想搶走....係咁搶..係咁搶..)

因為之前冇人認...而家又突然有人認..都唔知係唔係真係你既....(雖然睇個衰樣都知一定係你..)

就算係你都唔好得好多....因為你

將會被檢控....

因為帶大件行李上車

我同三個職員都唔比佢攞走

阿伯發爛渣...係咁小人阿娘

又話我地玩野

職員多次警告佢再講粗口就控告多一項規則

阿伯照小可也...(我X你老母臭X....你地係度玩X野...想玩X我呀...!!!)

仲指住我...小我阿娘....話我麻X七煩....告咪告X飽佢囉....玩X野嘛你地鐘意

我好火滾...(我果一刻好想一拳打死佢...!!!)

我最憎人問候我娘

我怒啤佢....(佢都仲係係咁小我阿娘)

同事叫我照開車先....等佢攪掂(唔想阻到其他車...)

最後佢地響其中一個站的左阿伯落左車..(真係兩個人半推半夾佢出去..)

之後點..我唔知喇...

事後問返同事

原來都要差佬來攪掂佢

最終都罰佢傳票...因為佢犯左兩項條例

當堂心都涼哂...(抵死....死得好..死得十分之好....!!!)

死老坑.....

聲大夾冇準

嘈...!!!!

粗口有邊個唔識講呀...???

講得大聲就係惡嗎...??

其實我都唔知幾想你親手打我呀..(等我有藉口告你....)

我一定立即仆底....等我可以告到你入冊

食古不化

輪椅位係比輪椅用

只係平時冇輪椅入...我先由你入

其實當時架車唔係多人到入唔到

只要佢肯執下佢放離開個輪椅位....放其他位置

大家都入到....

就係佢阻左....(我又費事郁佢D野...一陣有咩又入我數...)

明明係夠位入..都變到入唔到

呢D老坑...唔死都冇用

攞D紙皮賣錢執藥啦....

執死呢世紙皮吧....!!!!!

女友話我...."你真係好鬼死毒呀...!!!"咁話人咒人

咁係嘛.....

比你係我....你果刻都火滾啦..???

老人家係要尊重...但呢D我覺得唔使同佢客氣囉

我不同妳呀....怎都擠得出個笑容出來..!!!

我仲未去得到妳個Level呀...

其實我呢D咪等於妳平時機上果D超級麻煩客...!!

妳都同我講過啦...

妳都好想將佢連人帶椅掉佢出機啦

妳仲毒呀....

我最多都係要佢入冊乍....冇攞佢命..!!!

妳三萬幾呎連人帶椅踼佢出去..佢"死無全屍"添呀

邊個"毒"D先...??

2009 年 12 月 19 日 星期六 【颳風】

整估賊仔

今日放假同左C4北上食野

無聊的我們玩左一個遊戲

聽說上面扒手好猖狂

而且仲好職業同專業....

偷銀包於無形

所以今日阿毛攞左一個超舊既銀包

內放十幾張陰司紙

幾張隻刮花磁帶兼裂左既VISA

其中一張VISA背面仲隻著"死仆街賊仔....食屎啦..!!"

銀包內隔仲塞滿D日曆咭....咭片...唔用既遊戲咭...(我都有份捐出部分咭架!!!)

最後銀包係脹脹既.......幾可亂真(有好多錢咁)

由阿毛身先士卒張佢放入自己衫袋

故意唔拉衫袋拉摙

特出個銀包出來

去過關冇事..仲響度

去搭地鐵都冇事...都仲響度

到出左地鐵....冇左

真係唔覺咁比人偷左

哈哈.....

遊戲成功.....

唔知條友偷左會有咩感覺呢....???

我諗一定滾到出煙吧...偷陰司紙喎...!!!

實驗証明左...

上面好多賊

無聲色咁偷..冇人會知..完全冇感覺比人偷

大陸真係好危險..我地四個男人都敢偷我地野

我地都立即醒定D.....

貴重野放胸前抱住

大家都好小心

無風無險咁過左半日

開開心心食左半日

回來同女友講....

女友話我地好大膽

話我地碰正D係唔好老皮既

見到我地玩佢

攞我地命都似呀....

嗯...!!

我地又冇諗過喎....

點都好啦...

我地安全回來....

仲買左幾本書比妳呀....

我今天放底了妳...

明天放工陪妳行街吧

感謝女友放我半天假比我北上消費...

所以...我先話妳永遠係最好架.....

2009 年 12 月 18 日 星期五 【颳風】

聖誕節禮物...

放工時..想起點東西想買比女友

早排女友部電話傻下傻下咁

看來都捱不了多久

在女友放工前..我收工後去買左一部給她

雖然唔係最新款...而且價錢仲....hee....!!

但我諗妳會不介意吧

妳話喜歡粉紅色的

妳又喜歡聽歌

買部聽歌好既...粉紅色既..而且影相都320萬像數

呢部係最好不過

我不是睇價錢買架...

我去到問店員....問"聽歌、粉紅色....."

佢就比呢部我喇....

怎樣都好啦

一束鬼五馬六的花...加一部電話..送給妳

當作妳的聖誕節禮物..好嘛...??

若然妳想食多一餐...

我都不介意既.....

只要妳喜歡、開心

做到的我都會做.....

但.....

我覺得妳對今次我的禮物滿意吧

下次....

可否在少人D的地方才抱我呀...?

有幾百對眼望住...

我很怕羞呀

我仲要響那處出現架....

比人認得我怎麼辦呢...??

現在諗返起正話....我都覺得有少少面紅呀...!!

Irene....聖誕節快樂呀!!

2009 年 12 月 18 日 星期五 【颳風】

我究竟包緊咩...??

如果摺花係A級難度

咁包花肯定係S級吧....

原來包花比摺花難十萬倍

我足足砌在佢兩粒鐘

又拆又包又剪又綁又貼又釘

以上又乜乜乜...我重覆左無數次

我發覺我真係無呢方面的天份

唉......

如果明天可以的話....

或者再買過全部花紙再包過

我而家望住佢都唔知似咩

四個字

"鬼五馬六"

對唔住呀..Irene.....我真係唔係好攪得佢掂呀!!

我明白點解D花咁貴都會有人肯買....原來係咁難自己DIY.....我而家好似DIE緊自己吧....!!!