2007 年 1 月 3 日 星期三 【晴】

今天都是沒有什麼特別的假期，都是下午時陪媽媽出了街，約了姨媽去了旺角行街咁．．．大家都知道，通常陪得一班媽媽級的人行街，都不會太豐富精彩的了，不外乎行花墟，同食下午茶，哈！算吧，沒有幾何陪他們，既然放假的便陪陪他們啦，做下乖乖女呢！

今日終於係五日假期的最後一天了，真係有點幻得幻失吧．．．

哈！無奈的是，在這個五天假期中，好像沒有做過些什麼叫做有點意義的事，大多是吃喝玩樂吧，哈！不過，我覺得都不錯嘛，起碼可以完全放下工作，好好的享受人生及休息一番啦．．．

而另一方面，在這個假期中突然出現了一些”曙光”似的，在我新的一年開始中出現了一個新的機會，要我好好的去面對，把握，珍惜它，好像要告訴我一些東西或感受似的，讓我知道這個世界並非是想像的那麼差．．．雖然當中仍然有些東西我未能了解或解決，但我相信只要曾經努力去爭取過，做過一些東西，事情總會有一個更好更合適的結果出現．．．其實，我不敢說是我突然多了點信心，只是．．．我近日好像想通了一點東西似的，我至少對事件，對他，同對自己多了一點交代及交託吧．．．我會很努力去面對是次的機會，亦會認真地做到最好，希望可以找出那個”真相”．．．

黎曉寧，你要加油努力呀！！

>>January 4, 2007 at 10:55:17 AM GMT+8

2007 年 1 月 2 日 星期二 【晴】

wow...今日又係訓到成十一點先至起身，哈．．．不過可能近排比之前返工時訓得多左，所以訓黎訓去都係好似好累咁，個黑眼圈仲死跟爛跟都唔肯走添，真係衰呀！可能平日訓覺既時間好定啦，基杠上夜晚十二點度都訓，第二朝七點都起身喇；但係近排唔到兩點都唔訓，第二朝唔到十點半都唔起身啦，哈，成個習慣都改左呀，所以真係會越來越累啦．．．

今日下午約左個好兄弟行街，順便去食tea傾下計．．．我地傾左好多野呀，都知道佢係工作上有好多好激氣既事．．．但係，知道佢份人好快會冇事既，加油呀，積夫，只要堅持自己既信念行事，好多野都自然迎刃而解架喇，努力！支持你的．．．

進入了一月，我將會有個好特別既”行動”要實行，就係要做番我八年前既一月曾經做過既事．．．點解無啦啦要咁樣做？當然當中有一定既原因．．．其實，咩原因都好，我只係想比個機會自己同大家，如果當中大家真係有所謂既緣份既話，而且亦係神所安排左既話，我很願意接受的；但無奈的是，我心中仍有很多擔心的東西同問題．．．可能．．．我真的開始怕了，怕什麼？怕再次面對受傷害；怕再次面他；怕面對我們之間的問題；怕．．．很多東西都好像很可怕似的．．．我開始很沒有信心了！但為什麼我仍然要”冒這個險”？可能就是我想找出那個一直被隱藏著的”真相”．．．就是我們之間是否仍有緣份呢？以或者可能係一個完全令我可以死心的理由吧．．．但係，我是十分之認真去面對這個機會的，所以我也很希望他同樣地認真．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

昨晚，有位好好好．．．朋友與我分享了一篇來自道德經第廿五篇的文章，而當中內容是：

有物混成, 先天地生
寂兮寥兮, 獨立不改
周行而不殆, 可以為天下母
吾不知其名, 強字之曰道
強為之名曰大
大曰逝, 逝曰遠, 遠曰反
故道大, 天大, 地大, 人亦大
域中有四大, 而人居其一焉
人法地, 地法天, 天法道
道法自然

由於我的中文不太好，所以邀請了他為我解釋內容；他表示他以二零零七年的域時代方式解釋就是．．．

「有物混成, 先天地生, 寂兮寥兮」即係，未有天與地，寂兮寥兮的時候，已經有一樣東西存在著
「獨立不改，周行而不殆，可以為天下母」即係，他是永不改變的，就好像大地的母親一樣，親切而可依附
「吾不知其名，強字之曰道」係老子的說話，他也不知怎樣去解釋，所以只叫這種境界為「道」，但我會用一個字去形容，就是人間的「愛」
「強為之名曰大，大曰逝，逝曰遠，遠曰反」會解釋為：大即博愛，但太博愛，就冇左一個中心，所以就會「遠」，太遠就會物極必反；所以人應該愛身邊其他人之餘，亦應該有一個「主體」的愛
「詭」就代表男女之間的愛
「故道大，天大，地大，人亦大：博愛是好，天大，地大之餘，人的愛亦十分重要
「天大」是人天生出來不能改變的愛的關係，即應該對父母有愛
「地大」是人與身邊其他人接觸時所產生的人際關係，是自己自由決定的愛
「人亦大」，就是男女的愛
「人法地，地法天，天法道」即是男女的愛可以好似摰友之間的彼此投契，亦可以像摰友之間的感情之餘，像父母之間的愛咁偉大，就如聖經的教導一樣；父母之間的愛就像對全世界的愛護咁偉大，從聖經的角度說，就是神的愛
「道法自然」：神的愛就是一種自然流露於人內心的真愛

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

當我聽完之後，頓時有一點點的感動．．．我真的不知道自己為什麼有這一種的感動．．．或許，我被他的分享及想法所感動了．．．是的，愛，真是一件很偉大的東西，他不但可以豐富一個人的一生，亦可以改變了一個人的一生．．．愛，同時亦可以推動人作出很多行為；尤其是神的大愛，是多麼的奇妙多麼令人感到莫名吧！所以，大家可以的話，真的要好好珍惜身邊的人，好好的去愛他們哦．．．

>>January 3, 2007 at 3:15:14 PM GMT+8

2007 年 1 月 1 日 星期一 【晴】

琴晚成點幾兩點先至訓，因為有個好兄弟佢係工作上有點煩惱同唔開心．．．好兄弟，我都好明白你既心情同感受，如果比起係我，我都會好嬲，覺得好唔抵．．．但係，都係勸你一句，都係唔好攪咁多野啦，因為真係唔知d同事會點睇架，尤其佢地一向都覺得你老細係錫你多d架啦，而家你仲咁大件事咁去嘈，佢地會覺得你持住老細錫你就話佢地架喇．．．所以，都係多一事不如少一事喇．．．

所以今朝個鬧鐘十點半叫我，我都唔願起身，直至成十一點．．．之後，發現電話響過黎，知道朋友A仔搵過我黎．．．之後，A仔約左我落街同佢一齊食LUNCH，因為剛好佢在我家附近位置，所以我就陪了他一起共渡午餐！之後回了家，感覺十分眼訓不適，所以都係走左上床訓喇．．．

唉，本來今晚可以去dup骨骨的，但係因為一d原因冇去到，取消左呀．．．好失望！希望下次可以再夾到時間去啦．．．不過，我都唔會放過梁芬芬架，約左佢食宵夜啦，哈，好好的同佢傾談．．．我地傾左好多野呀，哈，真係好感恩可以同佢分享左好多．．．好開心呀，希望可以再約啦．．．

>>January 2, 2007 at 4:38:42 PM GMT+8

2006 年 12 月 31 日 星期日 【晴】

續．．．

雖然琴晚成三點幾先訓覺，但係今朝早十點半就比爹地媽咪嘈醒左，仲要我起身陪佢地去食早餐．．．好經辛苦起左身，眼訓到爆呀！十一二點鐘食完早餐之後，因為今晚姨媽二舅母佢地入黎食飯，佢地話一點鐘入到黎屯門，要去飲茶，所以，我一點鐘果時又再食野，去左飲茶．．．嘩，超飽囉，完全食唔落呀，因為根本d早餐都未落格，點食呀！所以輕輕食左少少野就算喇．．．之後，朋友A仔佢打比我，約左我下午去屯門市中心行街，咁預期係屋企悶對住班大人既，不如出街行下啦，所以赴左A仔既約．．．

其實我知道A仔今日約我係因為佢關心我近日心情不佳，我多謝佢對我既關心．．．我會努力的，相信我啦！我要改變，07年將有一個新既黎曉寧！雖然，直至剛才見到A仔時我既心情都不是十分好，但係我知道佢好努力去令我感覺好些，仲最後送左份禮物比我添，令佢今日大出血！再次多謝佢．．．

明晚，約左些好朋友去玩玩，希望可以有個開心愉快既時間啦．．．芬芬玉玉，期待我地明天既活動呢！我地又見面了，YEAH~

>>January 1, 2007 at 1:44:27 PM GMT+8

2006 年 12 月 31 日 星期日 【晴】

Happy New Year 呀！祝大家新年進步！身體健康！事事順利！心想事成．．．．

三十一號晚同左班朋友仔係電車渡過左兩個小時既時間，我地又不斷映相，食野，傾計，交換禮物咁．．．仲有就係同其中一個人慶祝牛一，哈，十分之開心同high呢！真係確實威喎，架車車好靚靚呀！哈！

玩完電車遊之後我就返左屋企，因為屋企同朋友攪左新年派對，我當時趕番去玩埋一份啦．．．我地臨count down前一人拎一個拉炮，一邊倒數，之後拉炮，哈，好happy呀！好high！我仲貪飲，飲左好多紅酒，哈！飲到好high，仲最後好眼訓．．．好耐冇試過飲到咁喇，唔知點解．．．果一刻只係．．．好想飲，知道飲完可以好好的訓一覺，什麼都不用再去想了．．．

最後，到左今日元旦，我成兩點先至完左我既節目．．．旁人覺得好似好豐富咁，但係．．．或許．．．我係想令自己好像時間，人生豐富一點吧！．．．但係．．．我臨訓之前曾經用心去祈禱，我向神訂立了我來年既目標及計劃，我不斷在祈禱，希望可以神真的可以幫助我”立志自新”，我決定了要重新開始！重新做人！唔再要好似二零零六年既黎曉寧咁，我要有一個全新既黎曉寧．．．黎曉寧，你要加油呀～我知道及相信神一定會幫助我，為我安排同選擇更好的給我，要多點親近神呀！

>>January 1, 2007 at 4:44:35 AM GMT+8

2006 年 12 月 30 日 星期六 【晴】

而家係零晨既十二點五十五分．．．已經正式踏入十二月三十一日喇！仲有唔夠一日既時間就到二零零七年了．．．

回饋二零零六年，真係好似發生左好多事係我身上咁．．．無論開心過既，悲傷過既，令我造成好大既衝擊既，令我整個人生好像墮入了谷底咁既．．．真係相信好難忘記得到在二零零六年裡所發生過既事呀！尤其係我人生既一個極大既轉捩點．．．同佢分開後，好多野都要重新開始，好多野都唔同晒．．．好難過既一段日子！

回想起同佢既相識，我地係九八年既十二月三十一日晚認識架，認識我地既朋友都知道我地既認識，偶遇，係十分之傳奇，浪漫的．．．唉！每逢聽過我地呢個傳奇故事既朋友都覺得好浪漫，更覺得呢個咁童話式既故事必定會有一個好美好既結果．．．但係，事與願違吧！

到左今年，係我地既相識八周年了，同一個人可以由相識，相知，到而家大家只做回朋友，這八年裡大家亦曾經歷很多很多．．．真係令我有點兒感慨吧！上年既十二月三十一日，我當時沒有好好咁珍惜這個周年紀念日，不但沒有陪佢，仲後來大家嘈交收場．．．想起真係有點遺憾吧！到左而家，要再怪自己怪什麼都已經是沒用了．．．到左呢一刻，佢竟然可以好豁然開朗咁同我講：”向前看啦，朋友！”．．．是我仍然未能夠放得開放得低？係我太過執著同沒用？還是我實在想得太多呢？又或許是．．．我心內原來仍然是很愛他吧！！

我知道再係咁落去對自己唔係一件好事，對自己同對方黎講亦唔係好公平．．．但係．．．我其實可以點樣呢？真係唯一是．．．”向前看”是唯一的出路？

神呀，我近日心中實在好亂，是什麼令我這樣呢？是我想得太多？還是有其他原因呢？希望神你可以幫助我豁然開朗去面對事情，亦可以更快找回自己既方向，不致令我繼續迷失下去．．．我願意將一切都交到神既手中，好讓祢為我去安排一切．．．阿們！

>>December 30, 2006 at 5:11:11 PM GMT+8

2006 年 12 月 29 日 星期五 【微冷】

今日起身果陣個喉嚨又沙又痛呀，好可憐．．．可能係因為琴日一日裡邊講在成十幾場talk啦，所以攪到咁樣．．．琴日真係傻架，比人昆左，初時又話一日內都係得四場talk，點知淨係一個朝早都已經講左成七場喇，痴線架，真係講到想死，好似機械人咁．．．早知播帶算囉，哈！

今日返工完全係holiday mood囉，成日係度等放工，哈！完全真係冇做過咩正經事呀，yeah~ 一朝早返到去就食左個mc當當早餐，嘩，好飽．．．到左兩點幾先至再有胃口食lunch，走左去大快活買下午茶食，點知果度個職員態度又差，做野又亂晒龍，又慢喎，我足足等左成十分鐘有多先至拎到d野走，真係衰．．．排我前面個女仔嬲起想黎問果個職員點稱呼，打算complaint佢．．．

終於放工，返到屯門後直接去左海趣坊，行左一陣再join埋媽咪爹地去左食飯，跟住o拿o拿聲食完就趕番屋企，因為今晚一公升眼淚大結局呀！好慘，睇到我眼濕濕呢！唉！

>>December 30, 2006 at 3:01:41 PM GMT+8

2006 年 12 月 28 日 星期四 【晴】

WOW...今日去左童軍大都會露營度做野．．．真係超死呀，佢果度真係沙塵滾滾架，今日都不知食左幾多沙落肚喇．．．仲攪到我d鼻敏感狂發作，都不知流左有冇一公升既鼻水呀，唉，好辛苦囉！

不過，好在都有點安慰同開心既係，可以見番兩個好朋友，積夫同dino．．．哈，當我做做下野時見到個肥仔朝住我既方向走過黎，笑咪咪咁，我望就知係衰人積夫喇，哈！不過真係好開心架，做野之餘又可以見到朋友仔，仲可以同佢地兩個食lunch，一邊又係度傾下計咁，真係唔錯．．．不過積夫真慘，仲有四日捱呀，唉，都唔知佢點攪架，要人去足六日五夜，傻架！積夫，加油呀，捱埋佢啦！支持你的．．．而至於dino，哈，一見到佢就覺得，呀，呢個死仔點保養架，點解冇見咁耐都可以仲係咁靚仔既？唔通有愛情滋潤既人真係唔同d既，個樣都會靚d既？真係羨慕死人啦，佢都出晒名錫女友架喇，見佢一講起女友就甜絲絲既樣，真係好羨慕．．．佢個女友呀！哈！希望佢地越來越sweet啦！仲有呀，積夫，勸你一句．．．唔好諗咁多啦！！

今日真好，四點半我地就完，開始執野走喇，攪掂晒剛好五點去到巴士站等車走人．．．哈，承機早左成粒鐘走人．．．唔怕啦，因為老細都一齊走既，佢默許左我架，yeah~ 咁就可以早左成粒幾鐘返到屋企，happy！

聽日要返工，但係極度之holiday mood呀，因為返埋聽日就可以放假放到4/1喇，yeah~ 開心，等放假．．．仲有，31號電車遊，同埋2號同3號芬芬同玉玉既約會呀，yeah~ 期待呀．．．不過31號完左電車遊之後八點鐘冇野好做添，好似有點古怪咁，冇得去count down．．．唉，以前就話會有個好甜蜜既new year eve，而家都冇囉．．．唉，算啦，都係時候要習慣喇．．．

>>December 29, 2006 at 11:58:20 AM GMT+8

2006 年 12 月 27 日 星期三 【晴】

哼，今日個鬧鐘佢幾叻仔呀，佢真係如常咁七點鐘叫醒我喎，不過．．．當我抬頭再望望牆上既掛鐘時．．．頂，七點四喇！哈，遲左四個字先至叫醒我，因為知我琴晚訓得唔好呢，所以比我訓多陣呀？哈！今朝真係趕死我呀，不過好在最後我都可以如常出門口，搭到平日搭班車，仲早左少少返到公司添，真係神奇！

今朝早係咁係度dup個農曆新年活動既proposal，真係好死．．．其實寫真係唔難，麻煩在有好多technical既野，好似人手呀錢呀咁，呢d先至係最煩呀，一講到人手，我真係怕怕．．．大家都知我中心果度d同事佢地”幾咁勤力”架啦，唉！要推得佢得做野既，都一定要有番咁上下功力先至得．．．所以我而家都好頭痛呀，都唔知點好．．．可能到時要搵天使社群幫手先至得喇．．．或者，想動用埋教會班年青人添呀！真係煩死．．．不過，我相信神只有安排的，佢一定會幫我渡過麻煩，為我找一條更好既路比我走的．．．

今日返到工作台，感覺十分之特別．．．其實係好奇怪既感覺．．．因為，我被掉了位呀，而家去左個我好唔鍾意既位度，真係好唔鍾意，係正條走廊口度，d人出出入入，行出行入都經過我個位，果ｄ所謂既partion都係廢架，真係十分之唔想坐係果度．．．今朝返到去就係度執番晒d野，真係十分之污糟囉d野，好討厭！臨收工時真係黑仔，諗住print野啦，點知無啦啦jam紙，大打開部printer，竟然我見到有隻甲由仔係度好自由自在咁行黎行去．．．頂！已經jam紙架啦，仲趕住print野，而家仲要我去處理隻死野，超麻煩．．．好啦，終於攪掂隻死甲由喇，但係張死人紙就整黎整去都整唔到出黎，後來叫左個男同事幫我手，但係都整唔到，最後都係要換過部機比我頂住先，好麻煩！唉，都咪話，政府d野有時比我起NGO既仲廢仲cheap呀！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
為何要憂慮呢？

你為什麼要憂慮呢？
人生的歲數由不得你決定，但是，
人生的廣度和深度，可以由你決定．
臉的長相由不得你決定，但是，
臉上的表情，可以由你決定．
每日的天氣由不得你決定，但是，
靈魂的氣象，可以由你決定．
每天為自己必須作主的事就夠忙碌了，
哪有閒暇為自己無力作主的事憂慮呢？
親愛的朋友，
希望你每天抱持積極肯定的態度，
為自己創造遠大的夢想．

>>December 28, 2006 at 1:34:39 PM GMT+8

2006 年 12 月 26 日 星期二 【晴】

今日終於放假喇，可以訓到十點半先至起身，真係開心呀！哈．．．訓左一個大覺，個人真係精神左好多，機乎有精神病咁滯呀，哈！講笑o者．．．

今朝早起左身之後，跟左媽媽去飲茶茶．．．好耐冇試過一朝早去飲茶茶喇，所以都有點兒吃不消呀，因為d野好似肥膩左少少啦．．．（其實都唔係好晨早，都成十一點幾，哈！）不過一朝早我地都叫左好多好好味既野，因為都成六個人去飲茶，可以叫多好多好味野食．．．死啦，今日磅過重黎，重左呀，好可憐！唔得呀，近排成日出街食，要努力keep番fit fit呀！唔可以肥肥的．．．

由於今朝好晏先食早餐，所以都晏左先落街食lunch，我地又去左食mc當當呀，又係好肥呀！o．．．慘慘！唔可以再係咁食落去喇．．．！！

>>December 27, 2006 at 11:11:42 AM GMT+8