2007 年 8 月 9 日 星期四 【驟雨】

wow，估都估唔到今日又打風呀，仲係要八號風球添，係琴日個風球吹番轉頭呀，真係厲害呀！聽爹地講因為有另一個風球叫蝴蝶，佢既氣流令到今次個風再倒轉頭走架，真係勁．．．

今日上午過左之後我點半打算食飯時已經掛左三號，同同事講到如果打八號便好了，當時仲吃緊飯既我聽到同事話快將打風時，我係咁快手食完d飯去，因為唔想蝕，連食飯既時間都蝕埋比公司，哈！之後，問左老細意見，佢決定比我地住得較遠既同事走先，我係其中一個啦．．．我最後兩點四走，最後兩點七先上到車．．．最後我成三點十一先返到屋企，真係坐到傻左，因為d車又慢又塞車呀！

返到屋企，點知係我呢個返工返得最遠既人先返到屋企，爹地妹妹都未返到．．．至於媽咪，真係初時令人十分擔心，因為唔知道佢班機會否因個風而延誤呀，又擔心佢返唔到香港喎，send晒sms比佢又唔reply，打比佢又冇開電話，真係又擔心又激氣．．．唉！最後，媽咪六點幾打番黎話已經落左機，我地先至安心d咋，真係激氣，真係無尾承駝架，唉！莫非妹妹都係受佢既遺傳所致？哈！

後來，爹地煮左野比我地食，基本上d野都係我琴日買定係度，真係好彩，咁o岩打風，可以唔洗點買野都有得開餐喇！我地一路食一路睇dvd，神奇四俠第二集，都．．．ok好睇啦！睇到半路媽咪就返到黎喇．．．佢買左好多手信，尤其係買左一隻正宗99.9既純銀手扼比我，聽媽咪講都成三百蚊．．．嘩，真係好開心媽咪咁錫我，我初時只係諗住叫媽咪買d平平地既cheap就ok，點知佢買到咁貴，我都有點不好意思呢，呵！因為妹妹反而冇咁貴既禮物呀，連爹地都有枝black label johnnie walker．．．哈！

今晚本來係book左場打羽毛波架，而家冇啦，唉．．．本來可以約埋堂弟堂妹去玩，真係失望了．．．聽日要去問下有冇得refund呀，嘩，成六十六蚊架，錢黎架．．．由於冇得打實在令人太失望了，所以再book了21號．．．希望到時順順利利啦，我都已經約了堂弟堂妹了．．．A仔就去唔到打了，因為到時佢已經身在福建呢，佢下星期日又再次出發去交流團了，今次去福建呢．．．希望又可以順順利利啦．．．

後來，我搭的士去左A仔度，因為突然好掛住佢，而且知道佢琴晚發生左d好唔開心既事，所以都要去睇一睇佢，安慰一下佢．．．唔洗二十分鐘就到左囉，真係快！順手將媽咪買既手信帶埋比auntie啦．．．聽日我同A仔都放假呀！唔知．．．有咩好做呢？

>>August 10, 2007 at 3:29:38 PM GMT+8

2007 年 8 月 8 日 星期三 【驟雨】

今朝起身超級失望啦，因為只係得個三號風球，唉．．．仲諗住起身時如果有八號既話可以訓多一陣添，因為琴晚夜訓呀．．．琴晚好好笑，同A仔突然搵番晒好多以前既舊歌出黎唱，連兒歌都有添呀，哈，笑到傻左，好好玩呀！我地一路唱一路玩，好攪笑．．．

所以，今朝好眼訓呀，琴晚都玩到好夜呢！今朝出門口時都好大雨呀，都好麻煩囉，唉，如果八號咪幾好囉！失望．．．返到公司，做左半個鐘野就落左去中心喇，因為唔夠人呀，要看LIBRARY呀，其實都幾OK架，我都喜歡看LIBRARY，因為夠靜，可以真係做下野．．．當然，實質我而家真係冇野好做架，好在有人黎借書，我先至有野做下，仲有，順手咪搵下工咁囉，同埋睇下報紙咁，哈！好HEA咁過左一個早上．．．

到左下午食LUNCH，哈，好開心，今日食琴日自己整既冷麵呀，好好味，真係唔係讚自己架，都OK架！之後就一條友去左百佳行，買左少少今晚既野食．．．今晚打算煮飯吃呀！好豐富．．．今晚返到屋企就O拿O拿聲煮飯，我煮既飯係有落料架，好好味．．．仲有煮左瑞士雞翼同菜，完全係家常飯，不過最正既係D飯，哈，落左咩料？其實唔係我整既，係一D日本仔野，整黎特登落去D飯到一齊煮既，等D飯有味有料咁，十幾蚊一盒，可以夠三個人食，都OK喎．．．頭先煮多左飯添呀，因為諗住唔好晒嘛，橫掂媽媽聽晚返來都煮唔到飯架啦，咪留定D比邊個食都好啦，而D"送"都冇咩剩囉，剛剛夠，真係好．．．

今餐都食得好開心，因為太豐富了，而且聽日又可以帶飯呢．．．其實．．．唔得喇，真要”的”起心肝了，要好好的實行番之前同A仔既承諾，就係一個星期要煮兩至三餐飯比佢食呀！哈！因為都懶左好耐冇整過了．．．HEHE~ 已經比A仔問起了這件事了，所以要積極起來了！哈！希望佢見諒啦！

聽晚約左妹妹，堂細佬，堂細妹去打波．．．其實都好耐冇打過波喇，真係擔心自己唔夠力氣去打呀！所以叫多少少人都好，唔好晒左個場丫嘛，話晒都成六十六蚊架，都唔平呢！初時諗住同妹妹兩個人打，再唔係叫埋A仔黎既，不過A仔佢星期六去CAMP呀，都係唔好要佢累了，因為跟住幾日既天氣都麻麻地，都知一定好辛苦的了，所以都係要佢好好的休息好了．．．

今日上網睇過有冇工，唉，而家越來越冇D好少少既工，一係就話要DEGREE先請，真係開始有點氣餒了！神呀！我好想快D搵到份好工呀！希望神你可以保守我，讓我可以終有一天找到自己既伯樂啦！

>>August 9, 2007 at 2:28:33 PM GMT+8

2007 年 8 月 7 日 星期二 【晴】

今朝十點幾就起左身喇，真係乖乖呀！哈！不過因為琴晚都夜訓，所以今朝都好累下．．．今朝起身先至得閒睇一睇個AD既細節，費時都時去到比人問到口啞啞丫，哈！

跟住我十一點十就出門口了，因為約左妹妹今日係長沙灣食LUNCH．．．妹妹叫埋佢一個同事一齊，我地去左一間出名食紅米飯既地方，都唔錯既．．．不過地方較細，人又好多．．．但係係長沙灣返工都唔錯丫，好多地方可以食野，又有好多唔同類型既野食，都幾開心呀！反而我返工果度係金鐘，食既野又貴，而且選擇又唔多，有時都唔知食咩好，多數都係幫親M記！所以，我都係喜歡帶飯多，一來可以慳錢，二來又唔洗煩食咩，幾好！

今日見工，一個字，死左！哈，尤其係人地叫我用普通話講下我對於中國發展有什麼睇法，同埋對於中國農村既看法時，真係完全地啞左．．．哈！真係好尷尬同樣衰囉．．．而且，佢D WRITTEN TEST都幾深下，我估佢地既要求都好高下，所以．．．我都打定輸數架喇！算啦，當係比自己一個機會試下囉，都幾好既．．．

見完工我就去左屯門市中心，諗住去吉吉島買野．．．嘩，無啦啦天氣越來越差，今朝已經一號風球，聽講可能會掛更高添呀！！哈，希望聽日八號就好了，可以又放一日假啦．．．打工仔，一年之中都係等呢幾日打大風可以承機放下假，或者遲多兩粒鐘起身架O者，唔通真係咁博殺做咩丫．．．之後買晒野，拎到個人傻左，返左屋企就大把野做，又收衫又洗衫，死左，之後仲要煮飯，因為A仔黎我度呀，今晚得我一個人食飯，佢放工就過黎陪我啦，哈！我就煮左冷麵，壽司，同埋鰻魚佢食．．．都唔錯丫，我仲整埋妹妹同爹地果份添，哈！聽日又有飯帶了，好開心！雖然媽媽唔係屋企，不過都可以食得開心！哈！不過，頭先聽媽媽一個朋友講，媽媽去旅行個地方既機場水浸呀，我都唔知咩事！我琴日都有SEND過SMS比佢，不過佢冇REPLY過我呀，所以都唔知佢而家點，真係有少少擔心呢！不過．．．我估冇事既，因為神會看守佢地既．．．相信神吧！為她們祈禱！

今日A仔放工之後黎左陪我食飯，仲食我整比佢食既冷麵，好在佢都話幾好食，都好味．．．我自己都覺唔錯架，哈！食完飯後，我又去左A仔屋企，同佢一齊出發．．．中途去左天水圍站，因為要會合我既細叔叔，幫佢手做少少野．．．哈，今次係細叔叔第一次見A仔，唔知有冇少少尷尬呢佢？哈！不過，A仔話細叔叔同爹地真係極度似樣，真係除左冇帶眼鏡之外就係完全似，一定知道佢地係兄弟呀！哈，好好笑！

>>August 9, 2007 at 2:30:39 PM GMT+8

2007 年 8 月 6 日 星期一 【陰】

今日朝早帶左一團好特別既團，呢一班參觀者係一班失明人士，所以帶果時都好唔同，要好切合佢地既需要，而我亦主要講野多．．．不過呢一班人佢地真係好nice，並冇因為佢係有殘缺而有咩既特別．．．所以今日帶呢團都好開心呢．．．

之後下午，都好無聊咁渡過左．．．今日食晏果陣，行開百佳，見到有雪榚特價，所以都好好咁買左d請同事食．．．冇既，都走啦，對同事好d都應該既，話晒人地係呢年都幫左自己唔少．．．當然，我又唔會咁沽寒，只係得一杯雪榚既，遲d丫，我會再買盒西餅請佢地食．．．

好經辛苦到左放工，放工之後又再去左百佳，因為要買定d食糧丫嘛．．．近日媽媽去左旅行，屋企簡直係．．．唉，嚇死人咁亂．．．尤其係妹妹，唔執野都算啦，唔好再整到更加亂丫嘛，天呀！我返到屋企都冇咩心機整野食喇，只係叮左d點心食左就算，之後九點幾就去左接A仔放工啦．．．

聽日要去宣明會見工，不過都冇準備到咩野，哈，死得啦！我最驚係佢考我D普通話囉，哈！

今日同好姊妹亮宜決定18/8去HOLIDAY INN度食HANGEN DAIZ既下午茶BUFFET，哈，好期待呀！希望好食啦．．．之後夜晚可以去佢度睇佢新買隻狗狗，MOHCA，我見過張相，好可愛架！希望快D可以見到佢真人啦，唔係，係真狗呀！

>>August 8, 2007 at 3:06:37 PM GMT+8

2007 年 8 月 5 日 星期日 【雨】

嘩嘩，今日出邊天氣好差，剛才係旺角行街就完全係落狗屎咁，我對鞋完全地濕晒，因為係布鞋就更加死得快，而家對鞋污糟晒，好唔開心呀！！

今日返工都係一樣如是，朝早好一點有團帶，不過係小朋友團，所以都幾晒力氣同精神．．．不過，好過冇丫，起碼有D野做下丫嘛，哈！

到左下午，終於比左份APPRAISAL個同事，佢睇左好耐，最後都係簽左．．．咪好囉，唔好煩啦，O拿O拿聲攪掂佢咪算囉，唔好攪咁多野喇．．．下午我由四點開始就幫我叔叔TRANSLATE一份文件，嘩，好難TRANS，我既英文其實真係唔係太叻架咋，不過．．．盡TRANS啦，希望Ｏ岩佢用！

放工之後就即時出左旺角會A仔，我地行黎行去睇左好多間電話公司同電器舖，不過最終都係睇唔O岩．．．冇買到任何野．．．其實都好既，當係睇定少少先囉，如果真係有興趣買既，到時過一排或者會仲平D呢！咁呢D係消費者權益黎架嘛，仲有，咪當而家慳番D錢錢先囉，都係好事黎架，唔好唔開心啦．．．

唉，A仔今日打比我話佢係元朗踩單車比警察捉佢係行人路踩，發左張告票比佢呀！唉，真係衰喇，點解會咁架，咁O岩比警察見到，真係激氣喇．．．應該要罰款喇，真係衰．．．近日A仔已經不太如意，又病左又工作不太順利咁．．．唉，希望佢今晚訓醒之後可以咩衰氣都走晒啦．．．佢而家既心情我好明白同了解，因為我先排都同佢一樣咁黑仔，我上兩個星期既心情都係好差，所以頭先我都知道佢係好唔開心架．．．我都好擔心佢，我想同佢講：”我好明白你而家既心情同感受，我亦知道我唔應該再比任何壓力你了．．．你鍾意點就點啦！你唔想提既我就唔提啦，當然，如果你有興趣去傾時我都好樂意同喜歡同你去傾任何事架，知道嘛，傻豬！”

好啦，最後希望A仔既衰氣快D走晒，仲有希望A仔快D開心番啦．．．．願主祝福，保守，看顧A仔！為A仔你祈禱呀！

>>August 6, 2007 at 3:17:36 PM GMT+8

2007 年 8 月 4 日 星期六 【晴】

哈~ 今朝早成十二點幾先至起身呢，真係好，可以訓多一點，因為近日經常訓得唔夠好呀，不過琴晚有A仔在身邊，自然就會好夢入睡了，呵呵！

今日同A仔在家做了一點家務後就出了去，我地先去飲茶茶，兩條友都可以叫左成六碟野，真係食到好飽，最終都係食唔晒，成籠雞包仔都冇食到，拎走左．．．不過之後夜晚都食左囉！跟住飲完茶茶，我地去左行街街，我地去左睇電話呀，哈，其實呢個動作都已經好耐冇做過了，因為我地都已經好幾年冇買過新電話了，哈，因為A仔係一個好專一既人黎既，唔單止對人啦，對物件都係一樣，所以今次去睇電話都心情幾開心下架！不過，最終我地都係冇買到，因為都係考慮當中，當然最大考慮既係．．．$$$，哈！

行到成日，本來打算今晚煮牛扒食既，浪漫一番丫嘛，點知行完都已經成六點幾喇，D牛扒又仲係雪櫃未解凍，所以都係算啦，下次我再去佢度時先再煮比佢食．．．今晚都係求其食D即食野就算啦．．．

今晚我返屋企時真係死左咁，因為A仔買左好多手信番黎比我，其中一套盒係”規零Ｏ”（龜零膏）套裝，內裡有幾隻不同味道；跟住仲有四盒桂花榚，一樽咖啡，我自己就買左一盒PIZZA同一盒粟米湯，最後係超重咁返屋企，拎到我傻左，好慘呀！其實A仔叫左我拎個新背囊過去架喇，不過自己又貪靚唔肯拎，哈！最後就係令自己拎到傻左喇！！

返到屋企，爹地都未返來，因為佢今日公司攪FASHION SHOW．．．聽晚，我同A仔又會再約，因為我地決定想買電話呀！哈，真係開心，可能會買情侶電話呢．．．唔，不過真係要睇真少少先可以買，因為都未知部機既FUNCTION係點．．．不過聽日又可以見到A仔係好開心既事呢！哈！好期待！

>>August 6, 2007 at 3:05:19 PM GMT+8

2007 年 8 月 3 日 星期五 【晴】

今日係中心同樣地好悶呀！不過好在得閒都要播下片，看下counter咁，可以好快過左d時間去．．．

今日lunch去左食m記．．．原來而家已經冇左套餐轉粟米了，真係唔開心，因為要硬食薯條，太熱氣了．．．其實真係唔知食咩好先至揀食m記架咋，唉！

放工之後就好快手走人，因為今晚約左二叔佢地成班人食飯呀！二叔佢地星期一就走喇，所以都要食埋個”最後的晚餐”．．．今次既晚餐好豐富，好多野食呀！食到個個都飽飽呢．．．不過今日唔知點解同堂弟堂妹好似都少d傾談，因為佢地都只係同時下既青少年一樣，只喜歡手拎著部NDS係咁打機吧！哈，真係唔明白佢地而家d細路既心態架！莫非我真係太老了，哈！至少比堂弟都大十年吧！其餘同一個堂妹相差七年，一個相差十六年添呀！o．．．好可憐的我，真係好老呢！

食飯之後，我地就好依依不捨咁各散東西．．．不過，今個星期五會約埋堂弟堂妹去打羽毛波，都係時候要好好聯宜一下了，哈！做家姐就係要咁樣架啦！跟住我就返左屋企執拾d野，因為今晚會過A仔度嘛，要睇下佢病成點呢！

去到之後見到A仔都好似好左少少咁，希望佢繼續快D好番啦，我都好擔心佢架！見到佢之後真係好開心呀！因為真係好掛住佢．．．不過．．．佢都好似冇咩回應咁，又唔見佢有咩感覺好似好掛住我咁既？！或者．．．佢仲未病好啦，個人都冇咩心情同心機了．．．所以都明白的！唔，希望佢早日康復啦！

明天同佢都放假，不過，都盡量希望佢留在家多一點，好好的休息一下啦，咁先至可以快D好番架嘛！頭先A仔佢送左好多從廣西帶回來既手信比我，嘩，聽日拎到我傻了．．．真係好多野呀！都幾開心佢都好有我心啦，哈！

>>August 4, 2007 at 5:33:26 PM GMT+8

2007 年 8 月 2 日 星期四 【晴】

A仔終於回來了！今朝早八點幾A仔打過電話比我，不過留言呀，我聽唔到電話，真激氣！後來，佢再打多次比我，真係好呀！初時我都不知當時幾激心聽唔到佢既電話呀．．．．，不過佢係電話度話我知佢病呀．．．真係十分之心痛佢呀！佢發燒了好兩天，而家又傷風又喉嚨痛又發燒添．．．好心痛，好擔心佢呀！因為佢係大陸病丫嘛，都唔知會係咩細菌黎既，所以如果佢仲未退燒既話，就一定要去睇睇醫生喇，因為真係好危險呢！

而家都唔敢打比佢騷擾佢了，希望佢可以早點休息一下，快點好番就好了，因為我地明晚會見面的，希望佢到昤精神可以好一點就好了．．．星期日我同佢都放假，希望可以好好咁享受呢一個假期，因為大家都成個星期冇見，我真係好掛住佢呢，哈！佢今朝同我講話琴晚發夢見到我，佢都好掛住我時，哈，雖然個口就話”你係咪TUM我咋"，但係個心就不知幾咁LUM呀，哈！好甜好SWEET呢！HEHE~

聽日繼續要返工，今日係中心度好悶咁渡過，朝早同個同事做APPRASIAL，真係好Q煩既同事，往往都喜歡同你去爭論，真係好討厭！完全講任何一丁點缺點都不可以接受得到，咁一個咁既人點可以做大事呢？一點批評都接受唔到，真係太差了！講真，如果真係咁好，又洗乜我同佢做APPRAISIAL呀！個個都拎A級囉，唔洗做啦，佢都傻架！真係好勞氣好激氣．．．不過，唔好因為呢D咁既人激親自己呢！我仲有大把野要去做架！真係冇佢咁得閒，聽日攪掂埋D手尾就比佢簽，佢唔簽咪唔簽囉，我唔會再改架喇，有佢囉！拖落去囉，我又冇所謂既，O車！

聽日又係約左二叔同堂弟妹既日子，唔知佢地聽日會去邊度玩呢？爹地媽咪特登拎左假陪佢地去玩呀！妹妹都下午放工都去埋一份，而我就竹冇得去喇，因為我要返工呀！中心超級唔夠人手呢，我一定要返呀！仲要放六點．．．到時唯有JOIN佢地食飯啦！！之後，我都會去A仔度架喇，一來要睇下佢病成點，二來都要好好同佢見見面呀，因為好掛住佢呀！！

>>August 3, 2007 at 12:03:04 PM GMT+8

2007 年 8 月 1 日 星期三 【晴】

~ 沒有A仔在身邊的第五天~

今日係公司完全係一個字可以形容，就係悶！真係好悶！！

而家除左要帶TOUR之外，基本上我都冇野好做架喇，而且我都唔會幫佢再做任何野啦．．．所以真係冇野做好悶囉．．．都好在都仲有TOUR要帶，可以SPEND下D時間，如果唔係死左喇．．．今日都好處渡咁過，都係上下網，玩下MSN喧 渡日咋．．．好在世界上有電腦呢一樣野咋，哈！

聽日會同一個‘同事做埋個APPRASIAL去，其實都冇咩好講啦，都走人囉，不過，我又唔會話對佢手軟架，有唔O岩既我都會講，都係對事唔係對人既．．．講真，要走都要有晒台型咁走啦，點可以冇左做SUPERVISOR既風範架，哈！不過聽日冇TOUR帶，所以下午都唔知點過了．．．好可憐！

今日放工，約左妹妹去尖沙咀移街，陪妹妹買野．．．都行左好多地方．．．妹妹同樣地遲到，我一條友行左一個鐘等佢！我地後來去左食北海道拉麵，哈，去唔到都要食佢地道野丫嘛．．．好味啦當然！之後繼續行左一陣，去左睇新開既AGNES B SPORT，都唔錯丫，好多野睇，D野都好靚，我就睇中左一金條頸錬，妹妹話會送呢條錬比我做生日禮物喎．．．哈，希望真係有啦，我都幾鍾意架！佢唔會呃我卦．．．哈！

不經不覺A仔去左廣西五日喇，真係好掛住佢，聽日働終於返黎香港了，唔知佢點呢？黑左？肥左？開心嘛？好期待呢．．．．快D到聽日就好了，好期待佢既電話呀！好想即刻見到佢呢！

>>August 2, 2007 at 3:11:26 PM GMT+8

2007 年 7 月 31 日 星期二 【晴】

~沒有A仔在身邊的第四天 ~

今日好忙呀！一朝早九點，本來可以訓晏少少，點知媽媽話二叔佢地打黎話想約我地十一點幾去飲茶．．．好啦，都要早起身了，雖然十萬個唔想．．．我又向來都算對長輩算係幾識做既人，我一定好識得尊敬長輩，唔會唔識得做人既，所以一定會去啦，我仲諗住請飲茶．．．後來，知道左個消息，原來我一向行蹤飄忽不定既細叔原來都係香港，而且仲已經定左居係香港差唔多三年了，真係好奇怪！佢從來都冇聯絡過我地，而家仲話二叔原來返來都係住係佢度添，真係幾好笑下．．．所以今日好大班人去飲茶，有二叔，二妹，細叔細嬸，細佬細妹，媽媽同我！呢個組合係有史以來未試過的呢，哈！

大家一路飲茶都好多講不盡既話題，不過，我好似比較多同細佬傾計多，雖然二妹年紀同我相差近點，不過．．．因為大家有言語上既問題．．．佢只識講普通話，而我果d所謂煲冬瓜又點可以見人呢，所以．．．真係極少講野，而細佬同細妹因為黎左香港都三年，所以廣東話唔差，加上細佬今年升中七，佢有好多升學就業既問題問我．．．而我做邊行大家都知啦，我又點會唔幫佢唔教下佢路丫，哈！我呢個大家姐都算幾稱職架，仲約左佢地下星期五去打羽毛波添．．．哈！做大既就係咁架喇．．．

雖然，突然間好似老左好多，真係有點唔習慣，不過．．．都開心既，好似好突然間多番好多親人，由一d以前從來覺得好遙遠既人，突然變得好親近．．．係完全好事黎架！真係幾好架！哈！唔知係咪個人大左，而家都開始越故念親情，哈！唔似以前細個咁，唔會理人感受，唔會理什麼親情！因為始終而家知道，親情係冇野可以取代架，亦都會係一生一世都會係度同我地一齊渡過所有歲月，咁先至係難能可貴嘛！

今個星期六，大家又約左一齊食飯聯絡了，但係因為我要返工，所以睇住堂細佬妹既責任就要交比我妹妹了．．．不過真係有點擔心，因為妹妹係一個完全不善於交際既人，加上又怕事，又唔敢同人溝通，所以真係令人擔心佢如何表現佢身為一個二家姐既角色呢？哈！不過，妹妹都係時候要去學習同唔同既人相處了，因為始終佢都要有成長既一天呢！妹妹，加油呀！

唉，A仔，我好掛住你呀．．．如果你可以再SEND個EMAIL比我就好了，好唔開心收唔到個EMAIL呀！唉．．．真係想快D到星期五晚可以真真正正聽到你把聲．．．雖然琴晚已經聽到，不過．．．唔夠呀，得果兩分鐘．．．唔制呀！不過算啦，佢都係做野要緊，最緊要係祝佢旅程順利愉快平安！

>>August 1, 2007 at 9:11:49 AM GMT+8