2007 年 3 月 26 日 星期一 【颱風】

哈，今日係媽媽生日，先同佢講聲生日快樂！同埋祝佢身體健康！越來越靚啦．．．

終於到左台北，而家係酒店既電腦區用緊電腦呀，哈．．．

今日係第一日既旅程，好似一開始就唔多順利咁呀．．．真係初頭有點唔開心！先係去到機場，約左A仔八點，等左好幾個字先至見到果個派機票既人，佢好似遲左到囉，又叫人八點十分好到，點知佢成十五定二十分之至出現囉，討厭．．．好啦，D野比左佢喇，又要等喎，又叫人地八點九返到去拎番D野，好啦，我地唯有周圍行下啦，但係又唔入得去離境住喎，大家去過機場都知果邊係冇野好行架啦，而且同A仔又未食早餐，真係好肚餓囉．．．好啦，好經辛苦拎晒D野喇，入埋去，一心諗住：好野，可以去食野喇，諗住去HAMBURGER KING度食，點知睇黎睇去D價錢又好似好貴咁，唔捨得食，所以行黎行去睇下食乜好，最尾都係去番果度排隊，點知排到半路又發生左一點小事，所以最尾我地冇食到．．．唉，當時我同A仔都好唔開心，我知道佢好嬲架，不過，真係冇辦法．．．最後我地去左大家樂，只係我一個食，A仔佢冇心機食野，連我心情都冇埋，唉，最後大家都冇食乜就上機．．．

好啦，終於落機，點知．．．唉，落大雨呀，真係衰呀．．．好在我有帶遮咋，如果唔係就大鑊喇．．．不過，今次搭左架飛狗巴士，又真係唔錯，幾舒服呀，從而令我地既心情又再次回來了，真係開心，我地係車上又玩又笑，未差在比人話我地嘈咋，哈！之後，好快去到酒店就開始我地今日既行程喇．．．

我地先去左台北車站附近，去行”光南大批發”同地下街，之後就搭車去左”光華”，同A仔買佢至愛既漫畫書啦，哈！不過好唔開心，果度舊既光華原來上年已經執左，而家開左一個新既鐵皮屋，但係．．．是日原來係”公休”，佢地係逢每個月第二同第四個星期二公休架，好唔開心．．．好在，出邊間果汁店靚姐姐講比我地知咋，佢真係好靚女架，哈！

之後，我地行左出邊既漫畫店，都買左好多書呀，真係傻左，我估起碼有成四十本書囉，嘩嘩．．．到左夜晚，我地返左西門町，去左食”三商巧福”既牛肉麵．．．我地太貪心了，每人叫了一碗大既，攪到食唔晒，之後仲係西門行街街．．．

>>March 30, 2007 at 2:02:15 AM GMT+8

2007 年 3 月 25 日 星期日 【陰】

嘩~ 今日全日完全係冇心機工作啦，因為係十分之holiday mood囉，哈！成日都好似遊魂咁呀，哈，不過當然，我都有做野架，只不過係做一d比較麻煩同簡單既野，咁樣可以好過一點嘛．．．

好經辛苦到左五點放工喇，之後急不及待就走左去搭巴士去荃灣．．．由於車程需時，而且人又好累，所以都一上車就訓覺，好在終站落車，差d唔識得落車添，哈！

去到荃灣，去左荃灣廣場，因為約左班mto好同事去食飯啦，我地去左一間食泰國餐廳度食，好好味丫，價錢都ok喎，不過個場好似就靜左少少喇．．．但係，靜都有好處既，我地可以傾得開心d嘛．．．之後，我地去左一間叫”小樽”既甜品屋度食甜品，今次第一次去，都幾好丫，下次可以介紹比d朋友試下先，真係唔錯．．．

跟住，快樂不知時日過，好快就十點喇，所以都係返屋企既時候，再唔返去聽朝就死得架喇，所以好快咁趕番屋企，再次chk多次執既野有冇錯漏，之後攪呢攪路，都成十二點先至訓覺．．．哈，聽日就出發喇，要六點起身呢，而家心情十分之興奮開心呀，哈．．．希望可以有個開心愉快既旅程啦，亦希望天父神可以比一個良好既天氣我地，可以讓我地有個安全且順利既旅程．．．

>>March 30, 2007 at 1:49:43 AM GMT+8

2007 年 3 月 24 日 星期六 【微雨】

hehe~ 今朝早好早起身呀，因為要陪A仔一齊返工囉，所以陪佢一齊早起身．．．哈！我地真係眼訓到傻左，不過都堅持住啦．．．去到佢中心附近時，我地一齊去左M記度食早餐，之後，我就送佢返工我自己就返屋企喇．．．返到屋企好眼訓，所以訓覺，一訓就訓到十二點，哈！訓到個人有少少頭昏腦脹呀！

睇埋個特首選舉之後，知道左結果，我就開始今日既大工程，就係．．．執行李喇！因為下星期二出發架喇，聽日又要返工，而且夜晚又約左D朋友食飯，所以冇時間執架喇，唯有今日放假好好咁執拾一下啦．．．嘩，一執就開始好頭暈頭痛，又大塵，又多垃圾野，唉，真係執到傻左，好似執黎執去都好似好多野未執咁，又好似成日執少左野咁，跟住又發現到有D野又缺少左咁，於是下午就搵左爹地媽咪一齊去食TEA，之後我同佢地去左市中心一陣，因為佢地話要買個熨斗喎，行左一陣之後就返屋企附近商場，我就再做番我今日本來要做既野．．．而家終於叫做執好左D野啦，希望冇野執漏野啦．．．我仲提埋A仔要帶乜野添．．．唉，我就係咁架喇，一做起野黎我就要好有計劃同程序去做架喇，一定唔可以有乜出錯架！所以有時有D朋友或者家人都覺得份人簡直係一個完全切合處女座性格既人，往往令人感到有壓力同辛苦，因為我成日太完美主義，要求身邊人要做到最好．．．

唉，而家心情越來越興奮喇，好想快D過埋聽日去呀，哈！完全係HOLIDAY MOOD囉．．．原本聽日我都想放埋假去架，不過後來話有野要做我先返咋，但係最衰再後來又話唔洗喎，唉，真係麻煩囉，攪到我無理由而家又話拎埋聽日假去架，真係討厭囉．．．所以聽日我都估到自己冇咩心機做野同返工架喇，之但係聽日最衰老細又係度丫，如果唔係HEA左去都冇人知．．．

真係好希望今次既旅程會係一個又開心又愉快又浪漫又甜蜜既旅程呀！大家都祝福我啦．．．

>>March 25, 2007 at 2:27:37 PM GMT+8

2007 年 3 月 23 日 星期五 【暴雨】

今日既天氣真係麻麻地，成日都落住雨咁，攪到人既心情同情緒都差！今朝要帶我以前預科時間中學既tour，都幾有親切感．．．帶完之後就hea左一陣就食lunch，今日走左去試M記新出既至尊漢堡，講真，真係幾好食，尤其係佢既醬同塊扒，真係好正囉，個包大到我都食唔晒呢，哈！食完之後成個下午都頂住個肚呀！

呢個下午都冇咩心機做野，成日都係HOLIDAY MOOD啦，哈！得閒又睇下台灣既野，得閒又做下正經野咁，真係幾開心下架，哈！好快就過左一個下午，五點就準時走人啦，A仔後來打比我，約我今晚見面，HEHE，好開心呢，因為我知道大家都好掛住大家囉．．．所以搭車好快就去到市中心去買蛋糕呀，因為今日同媽媽妹妹慶祝佢地既生日，因為下星期佢地兩個生日果日我去左台灣．．．我地一家人既生日好特別，媽媽同妹妹都係三月，而且日子係連埋，而我同爸爸都係八月，日子都同樣係連埋架，係咪好得意呢？好多朋友都問我係咪我爹地媽咪特登夾定日子生我地喎，哈！邊有咁攪笑丫，真係咁o岩得咁Q架咋．．．

今晚阿哥同未來阿嫂都有黎，我地去左新星酒家度食，大家都食得好飽，一來叫多左野，二來酒樓有個阿姐無啦啦送左‘半打流沙飽過我地食，攪到差D連蛋糕都吃唔落呢．．．好經辛苦先至食到，仲最後要打包走人添，哈！之後，我就去左元朗搵A仔喇，本來佢打算落黎接我既，因為我上次比人騷擾件事．．．不過後來因為佢唔舒服，佢好擔心我一個人行番去，所以係咁叫我搭的士咁．．．不過的士？太貴喇，所以我最後都係走去搭巴士算，好快咁夾到時間去到佢度．．．我地又係度傾計，講開有個朋友下年結婚了．．．

唉，其實，我相信我同A仔都好想快D有機會走到呢一步，之但係錢係一個好大既問題呢！天父神呀，求你可以幫助我地解決得到呢個問題啦！講真，我就快三十了，相信每一個女仔都希望自己三十歲之前嫁得出既，我都唔另外啦．．．表面好似冇咩咁，其實．．．都唔知要等到幾時先可以同自己喜歡既人永遠係埋一齊？其實，而家既生活．．．我唔係唔喜歡，之但係，始終同結婚係有分別，我都希望自己早日有個名份既，名正言順做乜太架嘛，哈！好似恨到流口水咁呢．．．但係，我都明白，冇錢又可以點呢？琴日當我想好正經談及呢D事時，真激氣，A仔又係度玩喎，我真係比佢激死．．．我感覺到佢好似仲未READY咁呀！唉．．．究竟，係佢仲未清楚自己係咪選擇左我？定係真係因為冇錢既關係而唔想去諗？

>>March 25, 2007 at 6:54:53 AM GMT+8

2007 年 3 月 22 日 星期四 【暴雨】

嘩~ 今日好死呀，下午連踩兩團，一團兩點至四點，另一團四點至五點半．．．真係人都癲呀！帶完之後個人好似冇晒氣咁，完全係冇晒力．．．之後果幾個字都係同d同事hea埋d時間去就算喇，因為真係好辛苦．．．上午時間就唔知點解忙到七彩，好多野要跟進同交代，尤其係某個同事今日係last day喇，佢有好多野要handover比我呢，哈，簡直係出其地佢竟然會係自己自動自覺去handover囉，我仲估要我出手佢先肯交低d野添．．．

放工之後帶住好疲累既身體離開，上到車之後A仔打電話比我，佢原來本來想打比我約我陪佢出去睇野，因為佢今日工作上有好多唔開心同煩惱既事呀，所以想好好咁出去走走，行下街，亦唔多想返屋企，因為佢聽日放假！不過最衰我當時已經上左車啦．．．不過講真，果刻我都好累呀，都唔太多想出呢，HEHE~

返到屋企，食完飯，今日係食我很愛吃的上海年榚，很好味的，媽媽十分拿手架！之後，A仔就成日打電話比我同我傾計，哈，好開心呢！後來，都好累了，所以十一點左右都想訓了．．．好啦，要訓喇．．．

>>March 25, 2007 at 6:38:26 AM GMT+8

2007 年 3 月 21 日 星期三 【晴】

今日好累呀，因為總係好似好多野要做咁，走黎走去，朝早帶完個tour之後，下午又有一個tour喇，真係人都死呀，氣都咳埋呢！

今朝已經係好慘，無啦啦架車爆晒，從來都好少係我上車個站度發生咁既事，攪到我一直企出去，十分之可憐，仲要著住對兩寸高既高跟鞋喎，真係死左咁，腳仔都軟埋先至出到去金鐘呀！都不特止，放工果陣又好衰，都係要我企住搭車，仲要塞車添，真係．．．頂！跟住帶tour又係企，就咁今日就企左大半日喇．．．

族工之後好急不及待咁入元朗喇，因為今日約左A仔，雖然塞車，但係A仔都好好，一路等得架車到為止，再載我返屋企．．．可能因為上次我一個人過去時，途上曾經比一個外賣佬出言性騷擾過啦，上次A仔都好氣憤呀，仲話比佢再見到果個人一定追住佢黎罵．．．唉，比我都唔想再見到呢個人喇！返到去，真係好歎記，因為A仔去親手煮野比我食，實行做一餐愛心SWEET餐比我吃．．．雖然只係一d公仔麵同罐頭煮成既野，不過已經令我甜到入心喇，哈！之後佢就乖乖地洗碗，我就乖乖地睇亂世佳人啦，哈！今日成日都好sweet啦，yeah~

真係好期待假期呀，快d到下個星期啦，可以去台北喇．．．好想快d．．．

>>March 23, 2007 at 12:12:56 PM GMT+8

2007 年 3 月 20 日 星期二 【晴】

HEHE~ 今日十分之開心，因為．．．總次係開心啦．．．

我地今朝訓到成十一點先起身呀，真好，可以訓番覺好既，今朝起身個人都精神左好多呀，個病都好番好多添，真係好．．．之後A仔仲煮早餐我吃添，真係SWEET到暈．．．十二點我地就出發去荃灣，出到去兩點鐘，佢就去開會，我就係荃灣一個人行街，都好，有收穫，買左兩件平平地既衫，冇所謂啦，平平地著一季咪算囉！

等到三點半，即刻走左去LIFT口諗住一心等A仔CALL我時可以有個驚喜比佢，點知佢打比我話佢要五點半先走得．．．唉，果刻真係有少少失落既，不過後來把心一橫，不如行多一陣先至再出去旺角啦，因為今日要出去旺角交埋旅行既尾數去．．．點知行到半路諗住行去MTR時佢就打黎話唔開會喇，果刻真係有少少自私咁有點開心，不過再想一想又覺得好似好衰咁，成日掛住玩，連正經事都唔做！但係．．．最後我即使點勸佢都決定左唔去開心喇．．．O拿，唔關我事架，哈！之後我地出去旺角，行左好多地方，當然，最開心既一件事係．．．A仔陪我去左朗豪坊西武度睇ANNA SUI既野，佢仲送左成五百幾蚊野比我添，真係好開心，D野好靚呀，真係好開心．．．我知佢係好錫我架．．．真係好多謝佢呢！

我地又約左聽晚又見面了，真係開心了．．．而家不斷係度欣賞緊份ANNA SUO禮物，真係越來越開心呢！

>>March 21, 2007 at 1:56:33 PM GMT+8

2007 年 3 月 19 日 星期一 【晴】

hehe~ 今日夜晚去左接A仔放工．．．其實自從之前同佢分開之後，我都一直冇再去過佢中心喇，諗諗下都有半年時間了，今日可以去佢中心度入埋佢OFFICE等佢放工，感覺真係好唔錯啦，哈！有少少好似走番去以前既時間咁，好開心既感覺，總之唔識得形容啦！

跟住我地一齊去左食我地至愛既壽司，不過因為我唔係咁舒服呀，所以冇咩胃口咁，而佢就好有胃口呀，食左好多野，哈！之後我地去左千色度行左一陣，元朗真係元朗，九點半D鋪頭就開始閂門喇，真係老土．．．

返到屋企，我都急不及待要睇呢個亂世佳人，好在A仔佢一早D/L晒，我可以慢慢追晒佢，YEAH~

因為今日好唔舒服同好累，所以早D訓啦，聽日我會陪A仔出去荃灣，因為佢要去聽展翅既簡介會，之後我地可以行下街，等到佢夠鐘先至再出去深水步度見CASE．．．聽日可以遲D起身，YEAH~

>>March 21, 2007 at 1:42:18 PM GMT+8

2007 年 3 月 18 日 星期日 【陰】

嘩嘩~ 今日好凍呀，不過我都唔係著得好多衫咋，因為．．．貪靚囉，哈！

今日十分之充實呀，好似好多野做咁，又走黎走去，好似有好多野未做晒咁，而且好多野要跟進呀，好煩！仲有我下星期就放大假喇，去旅行呢，而家好似仲有好多野未攪掂咁，好煩好煩．．．頭先臨收工前一個鐘係咁諗清楚我放假期間有咩野要交代番比同事去跟進，同埋我仲有d咩野要係我放假前完成．．．死啦，真係好死多野要跟呀，點好呀！度黎度去都好似唔多掂咁囉，唉！死啦．．．

放工果時一路同A仔傾住電話一路搭車，哈，好開心既車程啦，之後仲同個好姊妹傾電話，知道佢近日係工作上有唔開心既事，真係為佢頭痛呀！希望佢既工作可以順順利利啦，願神可以繼續保守佢，眷顧佢．．．頭先媽媽無啦啦問起我關於買保險既問題．．．其實，我一直都唔多鍾意保險呢樣野，應該係我唔多信，因為我成日覺得D保險公司分明係呃人架啦，每個月供果少少錢，突然有咩三長兩短呀，你估賠得幾多丫，叫你買果時就講到天花龍鳳，真係要賠果陣就樣樣都話唔得，又一路拖住你條數．．．我有個朋友咪就係咁囉，三個月前話左可以拎得番D錢架，點知個保險經紀一路拖住佢條數到而家都未拎得番，真係濕滯．．．如果真係等住D錢救命既都唔知點算好囉．．．所以我從來都冇打算供保險！

唉，姨丈姨媽聽日走喇，真係好唔捨得佢地呀，佢地上年十二月已經返黎香港架喇，足足三四個月喇，越見得多同耐，就越唔捨得佢地呀！ANYWAY啦，在此祝佢地聽日一路順風啦，仲有返到美國生活愉快啦！

>>March 19, 2007 at 12:07:26 PM GMT+8

2007 年 3 月 17 日 星期六 【雨】

哈，今日真係超HEA囉，我成日基本上係冇做過一件正經事，我不斷上網睇台北既資料囉，仲做左個TOUR PLAN出黎添，諗住今晚比A仔睇丫嘛．．．不過A仔佢之後呢個星期都非常之忙呀，所以我相信佢都冇時間同我一齊去:PLAN架喇，唔緊要啦，只要佢信得過我就OK啦，哈！

放工之後諗住去搭車，點知遇著遊行，D車根本都埋唔到站，所以我最後都係搭MTR去旺角先再轉巴士返屋企，車費係貴左，不過好似時間快左少少囉．．．返到佢都係十分之累，休息左一陣就再出門口喇，約左A仔．．．佢好慘，唔見佢一個好心愛既指南針呀，唉．．．個指南針係佢以前讀中學時，即係十幾年前，唔食一個星期飯SAVE番黎D錢買架，所以十分有紀念價值．．．唉，我知佢好唔開心架，但係又唔知點安慰佢好，所以唯有頭先請佢食大餐啦，希望佢開心番啦．．．

我都知佢今日好累架喇，但係．．．大家又想見到大家喎，所以．．．我都今晚留係佢度啦，陪佢多點，可以見多一面嘛，哈！

>>March 18, 2007 at 2:38:37 PM GMT+8