2007 年 6 月 24 日 星期日 【微雨】

今日好憫憎呀，真係千祈唔好激嬲我，我一定會殺人！

有時真係唔明，點解我又係女人，人地又係女人，點解世界上總係有d特別麻煩既女人架呢？真係唔係讚自己，又唔見我係咁麻x煩架喎！今日我真係比我個麻煩老闆玩野囉，我真係除左粗口之外，什麼都唔想講野，好無奈好激氣囉，仲係要成肚都係果隻呀！！！

唉，不過學A仔話齋，都冇咩時間要我忍架啦，咪當BONUS送比佢囉，係咪？呢D心理唔平衡既女人，缺乏愛情既滋潤，係枯燥一點架喇，係要係工作上搵D野去發洩下先至得既，我十分明白架．．．所以，算啦，當自己唔好彩囉，撞正人地可能姨媽到發癲啦！

今日好忙好辛苦呀！朝早比老闆玩完一輪，又比另一個同事玩死，唉．．．而呀！點解明明一D可以好順利完成到既野，總係事與願違架，總係咁多波折咁，有時真係令人好氣餒架．．．唉！！！！希望天使社群既朋友可以幫到手就好喇．．．天父神呀！我真係好擔心呀．．．雖然我成日都好似做到唔係好擔心，好似唔係好著緊咁，之但係始終我都係對事唔係對人既，我都想件事攪得好好睇睇，有聲有色咁既，始終都係我第一單大野，都唔想咁就胎死腹中架．．．但係都唔知點解，往往好似好多人都總係唔同我合作好咁，往往都好多麻煩野會出現，真係越來越叫人擔心，唔知仲會有咩事會發生架，唉！希望天父神你真係可以幫助我，保守住我地，希望讓我地既活動可以順利完成啦．．．加上我知道當日天氣將會麻麻地呀，我都驚驚地，而家又話唔夠義工，都唔知點死好．．．唉．．．好煩好煩呀！！！！

近排真係成日令我心情不佳呀！總係有好多野令我好煩好唔開心架．．．好在，我身邊還有他．．．沒有了他的支持，鼓勵同開解，我真係唔知點好了．．．多謝你，A仔！這相信亦是我昨天講既．．．幸福了！呵呵！

>>June 25, 2007 at 3:07:30 PM GMT+8

2007 年 6 月 23 日 星期六 【晴】

已經有一段時間冇返過教會了，今日終於”的”起了心肝，同爹地兩個一齊返左教會．．．因為琴晚太夜訓了，所以今日超級眼訓，搭車成程都訓著左，直至落車為止．．．不過，返到去教會我又成個人精神晒喇！

今日牧師講道既主題係”豐盛生命之路”！而今個主日既金句係：”我來了，是要叫人得生命，並且得的更豐盛”（約翰福音第10章10節)；當中，牧師提到何謂豐盛？豐盛亦即是中國人講既幸福！其實，好多人對於”幸福”有唔同既解釋！有d人認為，只要可以得到自己想要既東西，就係最幸福既一件事！亦有人認為，能夠對現有的感到滿足，以及懂得知足，明白一切都是由神而來的，便是幸福！亦同時有人說過，懂得與人分享，為人設想，這亦是為幸福！．．．真係好深的體會吧！

一個人既態度，無論係對生命既態度，對神對人既態度，對世上所有東西既態度，對於我們能否得到幸福是十分重要的．．．如果，我們唔懂得對現有的知足，不明白所有一切一切都是由神而來，即使是貧窮，生病，痛苦，生離死別．．．我們必定得不到幸福！正如，面前有一杯只有半杯既水，有些人會覺得：”嘩，得半杯咁少咋，點夠飲呀？”，但係亦會有d人覺得：”嘩，真係好，仲有半杯飲，都好過冇丫！”．．．你會係邊一類型既人呢？係一d唔懂知足既人丫，定係會好感恩每一樣由神而來的東西呢？．．．

曾經有人玩過一個遊戲，佢話，如果我地將A-Z這26個英文字母，將佢轉化成1-26分，即係A係1分，B係2分，C係3分．．．如此類推！例如HARDWORK呢個字，好多人都認為一生人之中努力係十分重要既原素，而我地計算一下既結果出黎就係98分；而KNOWLEDGE呢個字，當然知識都十分之重要，反之會有96分；而金錢MONEY，好多都認為很重要吧，不過原來只有72分；反之，ATTITUDE態度，計算出來會是100分吧！其實，一生人之中，態度是最重要的一環，如果一個人在對人生，對人和事的態度不良好的話，什麼都沒有意義，更不用說可以得到幸福了．．．

今日的講題真係十分深感受，所以我很努力的把它記著於心．．．希望緊記住個人的態度，會使我會否得到真正的幸福！所以，有時候，未必是得到很多便是幸福，反之放棄或者失去一些東西，亦可以同時得到幸福！正如當我們放棄工作既時間，便是可以得到輕鬆的心情，開懷的情緒，舒暢的享受，與家人朋友聚首的日子．．．這不又是幸福嗎？

所以，真係希望各位共勉之．．．希望我身邊所有人都可以得到真正的幸福！因為，幸福不是必然的！

放完了一天的假，明天又是要開始博殺的日子．．．星期六，來緊的星期六，就係大型活動當日．．．其實，說我唔擔心？一定沒有人相信呢！因為當中實在有很多UNKNOWN的事隨時會發生吧！唉．．．真係一個令人感到困擾既事．．．真係希望可以做得好好睇睇啦．．．在此我向神祈求，希望神你可以保守我地今次既活動可以順利完成，亦都可以達到我地攪今次活動既目的！希望神真係可以幫助我地啦，以上係依賴主耶穌基督而祈求，阿們！

>>June 24, 2007 at 2:03:26 PM GMT+8

2007 年 6 月 22 日 星期五 【晴】

嘩~ 今日完全係一隻眼訓既豬豬呀，因為琴晚同A仔成兩點先至訓覺，今朝又要七點三起身，所以真係連眼都爭唔開呀，好眼訓眼訓．．．Zzzzzzzz．．．．

返到中心，完全係我有史以來最早返到去，只得八點九度．．．嘩嘩．．．好少有．．．返到去就好努力去開館，好快手，三個字攪掂晒．．．不過．．．仍然係好眼訓．．．！

朝早頭一個鐘都係眼訓之中，所以完全冇心機工作．．．係後來真係”的”起心肝有野一定要在早上完成，所以先至好努力咁爭開眼睛同腦袋去工作．．．成朝早我都係度度劇本，唉．．．好叻架喇，只係用左一個朝早攪掂，因為，我並唔係詹端文嘛！

到左下午，兩點先至食飯，去左大快活買下午茶食．．．好似好耐冇幫襯過！不過．．．真係今日特別唔好食，而且，食完仲好似有少少攪肚痛添．．．唉！食完飯又係好冇心機咁繼續去計數，計下我而家為止共預支左幾多錢出黎買月尾既活動．．．嘩，成千幾蚊喇已經．．．好肉痛呀！都唔知幾時先拎得番．．．而且，仲有野未買添！今日本來想出去買既，之但係都係冇咩時間出去，而且又熱，又冇人幫到手，一個人點去呢？琴日都拎到我死死下喇．．．唔好攪啦！

放工搭車，好似有種好陌生既感覺，計一計，好似已經有個多個星期冇搭過962放工返屋企了，因為呢個幾星期唔係夜晚上堂，定係放左假冇返工，所以真係久違了，962號巴！唔知係咪真係太耐冇搭過佢，今日搭果陣時好辛苦，成日好想嘔咁．．．後來訓著左覺，我好似依希feel到自己有幾次訓左落隔離個男人度，壓住左係人地既手臂上．．．哈！益晒隔離條麻甩佬添！o．．．

星期四去攀石，到左今日我同A仔先識得感覺到D肌肉酸痛，嘩，真係好累好痛囉．．．而家雙手好似唔係自己咁，個膊頭又梗晒喇，好怕呢種感覺，好似成個機械人咁，郁一下都”辟力拍肋”咁，好辛苦呀！好討厭呀！A仔仲慘，今日仲要去攀石添呀！真係辛苦了！一定痛痛死佢喇．．．佢就肉痛，我就心痛呢！

有個好消息！之前話星期四有單麻煩野既．．．而家總算係攪掂左個頭先，唉！真係好感謝神呀！如果唔係都唔知點收科好喇．．．聽日，我會返教會，我都諗緊應唔應該話下果個社工．．．之但係就係因為大家熟，多機會見到，我又唔想好似攪到咁僵咁，所以都好兩難下．．．爹地又建議我同牧師講，唔．．．我都未決定！不過，我一定會親自話一話佢囉，至於會否同牧師講，真係要考慮下先喇．．．聽日我會睇下班青年人試排我寫既短劇，哈．．．我都好少自己寫劇架，其實以前都有寫過，不過始終唔夠成熟．．．今次加上寫得咁急，只係用左一朝既時間寫，都唔知好唔好！所以聽日都隨時有機會改一改D野喇．．．不過，咁先至可以有進步架嘛！

>>June 23, 2007 at 2:33:05 PM GMT+8

2007 年 6 月 21 日 星期四 【晴】

今日如我所料，係十分之忙碌．．．朝早雖然我返十點，之但係超級塞車，攪到我遲左到．．．好在我返到去果陣，黎參觀間學校剛剛到，都唔洗咁麻煩！

帶完個團之後都好累了，因為今日個咪死左，攪到我好麻煩！之後到左下午，我同左一個女同事出去灣仔果頭，我地要出去買活動物資．．．我地行左好耐好多地方去搵，因為我地要買一d又平又唔太cheap既禮物．．．真係麻煩，又要平又要cheap真係好難搵，老細真係睇得到起我地喇，比d咁難既難題我地去解決！！最後，雖然我買左成七百蚊野，之但係都未買晒要用既野，我聽日都仲要去呀！可憐既係，又晒又熱．．．我買完野返去，又重又熱成身都係汗．．．好辛苦囉．．．

返到去中心都已經係五點半有多了，完全係唔想郁囉．．．本來有野要拎番上30/F，都叫左個同事幫我算，哈！等到放工，又是出發去上堂既日子，今日約左A仔係旺角等，我地係旺角行左一陣，陪左A仔買左D野，跟住去左食野，食完野就去返學．．．今日係教有關手技同口技．．．唔，我都覺得幾特別，都學到野既，哈！但係．．．是否會運用到就唔知喇．．．不過，最大開眼界既係，我終於知道什麼是”潮吹”．．．我估唔係好多人知係咩，不過．．．我都唔打算係度解釋喇，只可以話係指女性達到高潮時都會好似男仔咁”射精”，會有一D既分秘物噴出黎，但係好少亞洲人做得到，而導師亦話好多4仔果D都係呃人架，所以唔好信佢裡面做既野係真同真係做得到囉．．．

>>June 22, 2007 at 4:15:46 PM GMT+8

2007 年 6 月 20 日 星期三 【晴】

今日係放左幾日假後第一日返工既日子，其實都幾辛苦下，一來係個病仲未完全好番晒，成日都流鼻水同鼻塞，二來係都唔係咁習慣咁早起身，三來就係又要對住d好沉悶既工作．．．

今日返到去都幾忙下，上午又忙住用三十分鐘既時間去做左admin work先，之後十點前就落左中心，因為今日有tour帶．．．本來今日話有個政府官員會來中心參觀，點知又改左期，攪到十分之麻煩！唉，呢度就咁，政府講既野真係唔好信，連d官員講既就更加唔好信，話左黎而家又話唔得閒唔黎，嘩，你當我地呢度係超市呀？鍾意幾時黎就黎，佢都傻架，佢都唔知係佢黎之前我地要做幾準備功夫．．．真係好激氣！

講起激氣，今日好多激氣事．．．第一樣係我六月尾既活動，本來搵左我教會既社工朋友幫手，諗住叫佢幫手帶班青年團契既青年人做一個二十分鐘度既話劇．．．我一個月前聯絡左佢，佢一直都表示ok，點知今日佢無啦啦打比我話做唔到喎．．．我果刻除左想講粗口之外，真係唔知講乜好！之前大家傾得好好地，而佢又話okok，點知而家同我講唔得？唔係丫嘛？咁就一腳q起左我喇．．．真係煩到我死，所以我即刻打比教會負責主日學既弟兄，睇下佢幫唔幫到手收科．．．唉，而家都未知會點架，都係要聽日打比佢等佢消息！我都唔敢比我老細知呢件事，如果唔係真係大件事喇．．．唉！！！

第二件事．．．唉，其實都唔係好想講，只係．．．突然間有一種感覺．．．唔知大家試過突然間好憎一個人未呀？而係好突然果隻，你一向都冇點憎呢個人，但係唔知點解見到或者想起呢個人，你又會由前面憎到佢後面咁，完全係我都唔知點解．．．好莫名其妙既感覺！！原來，當自己發現那一個人越多既弱點同不滿時，除左充滿討厭之外，仲會有一種幾驚既感覺架．．．唔，不過，後來又冇左呢種感覺喇！

今日上運動攀登實習第一堂．．．嘩，超累！可能唔識得運用自己既手腳力，只係識係咁用手力，所以而家對手好似斷左咁，好累好累．．．唔，希望明天唔好累死我啦，因為聽日仲有大把野要去做，好忙好忙．．．好在聽日返十點，可以訓晏少少．．．

>>June 22, 2007 at 4:02:18 PM GMT+8

2007 年 6 月 19 日 星期二 【乍寒還暖】

嘩嘩~ 今朝訓到成點鐘先至起身呀，哈．．．A仔佢一直比我訓，都唔敢叫醒我．．．

起身之後食完野，我地就出左去千色店行街街，後來買左一件泳衣，好平，一百蚊咋，不過個款都唔差，係我至愛既夏威夷花，哈哈！

買左泳衣就梗係就去左游水，我地去左會所度游水，順便做左一陣STEAM，嘩．．．好舒服呢！加上近日病左，所以STEAM下個人都舒暢左少少，真係好正既感覺．．．不過，我唔敢STEAM太耐，因為始終唔可以STEAM得太耐，對身體唔好外，我都怕我都未好番晒唔係咁好啦．．．所以STEAM左十分鐘就好唔捨得咁離開！其實，都好耐冇游水喇，哈，講到咁人地真係以為我識得游，之但係其實我係一D都唔識得游，只係可以浮到下，游到幾下咁啦，可能掉左落水都有幾秒死唔去果隻咁囉，哈！不過，都好開心，好舒暢．．．

之後就返左屋企，又可以食媽媽飯了．．．呢個星期因為晚晚都好忙，唔係約左人，就係要返學，所以都冇食過媽媽飯．．．除左琴日做節可以食到之外，真係好耐冇喇．．．所以好開心！

唔，聽日係我病假加兩天假期之後返工既第一天．．．感覺有點怪，都有點怕人地會背後講我壞話，唱我係咪有心放左兩日病假連埋個假期．．．唉，不過真係控制唔到，把口生係人地度，我又唔係真係有心既，我又有晒醫生紙證明，我光明正大，佢係要CHECK我既咪打去醫生度問囉，咁人地真係發左兩日燒丫嘛．．．唉！有時我都覺幾矛盾，咁人地真係病左，真係返唔到工，之但係有時屋企人或者公司既人都總係好多閒言閒語咁對住我，真係幾難受．．．我知要所有人完全信任你係十分困難，何況係體諒丫．．．真係好難受！病已經好慘，仲要比人誤會，受人閒言．．．有時真係會問神，點解會咁？係我自己問題定係咩野？妹妹曾經問過我：”家姐，你係咪真係好討厭返工呀？如果唔係點解你成日都唔返工既？我病都頂住返工啦，點解你唔可以？”其實，聽到都真係有點難受．．．不過，我明白妹妹都係關心我，唔想我因為成日病左冇返工而受公司或者同事既閒言O者，我明既．．．

唉，睇黎我真係要好好咁養好身體喇．．．要努力做運動先至得呀！！！為左出年六月可以同A仔去四川映相同爬雪山，我一定要努力！快D養好身體，之後去考一二級山藝．．．加油呀！

>>June 20, 2007 at 3:06:44 PM GMT+8

2007 年 6 月 18 日 星期一 【綿綿細雨】

琴晚去左A仔度，同成班朋友一齊玩；十一點時去左食宵夜，一路傾計一路食野，真係幾開心！不過，因為我食左藥，所以十分之眼訓啦．．．食完野我地接埋另一位朋友，就一齊返左屋企，返到去各人都梳洗乾淨後，我地就開始煲DVD，我地睇左”鬼域”．．．我之前都冇睇過架，只係知道呢套戲背後係講一D環保既意識，好多人話入面好恐怖，連我即場睇既朋友都係度好驚，不過．．．我真係冇點驚喎！可能我從來都唔係太怕睇恐怖片啦．．．

睇完DVD都已經係三點喇，A仔就一早已經係我既懷抱裡訓著左，只係得我地三個女仔繼續完成套片去．．．嘩，睇完十分之眼訓，大家都即刻訓了，因為第二朝要成八點幾九點起身呢．．．

到左今日端午節喇，我地個個都一早起身，雖然都好眼訓同疲累，不過大家都期待住今日去踩單車玩既心情去迎接今日．．．我今日雖然帶病上陣，但係都可以樂在其中架．．．

我同另外兩名女朋友先到西鐵站接另一名女朋友，而A仔就去了酒樓開定位先，我地先去酒樓飲茶，但係因為我胃口仍未太好，所以只吃了一點東西．．．跟住我地就走左租車．．．唉，真係好事多磨，大家好地地揀好想要的車準備出發時，點知就落起大雨來了，仲係要打雷閃電．．．當時大家都好擔心呢．．．不過好在後來雨細了，大家都見到雨帶都不會往我地要去的目的地走，所以決定了出發．．．

出發時天都仍落著雨的，不過反而這較好，因為起碼唔洗咁熱同晒，而且D風仲好似冷氣吹出黎咁，好爽架．．．所以大家都好積極咁踩落去．．．我地先由朗屏出發，行經元朗工業區及元朗西鐵，再繼續一直往，向著錦田方向踩．．．去到錦田，天氣開始好轉了，亦開始見到太陽出來了．．．我地因為開始肚餓了，所以先到吉慶圍外參觀及拍照，之後再到市中心一間茶餐廳吃LUNCH，食左個蝦子炒飯，都唔錯，而且都唔係貴．．．食飽飽之後再次出發，我地今日簡直係一個元朗古蹟遊呀，我地去左參觀好多名勝架，什麼鄧公祠，長春堂，樹屋，便母橋等．．．真係好開心．．．之後，我地就一直踩往南生圍，雖然路途都幾辛苦，又晒又熱，不過，真係好正既感覺．．．

我地沿全南生圍路踩，個VIEW真係好正，後來，我地份左一條山路，原來裡面都好多人來參觀的，有人在這裡映相，玩搖控飛機咁，真係好特別呀！我地行山路時因為之前落過雨，所以D路都變成泥漿了，十分難行，而且很核突，我有個朋友不小心幾次都踩了上去，O．．．我雖然冇踩到，但係好多泥漿都飛晒上我隻腳度．．．雖然好核突，不過．．．都幾FREE幾HIGH既感覺，完全進入忘我！

後來，我地仲好特別，見到一個渡頭，見到個伯伯，原來佢係負責每天用橫水渡接客人來往南生圍及元朗的，所以我地亦都問佢可否送我地連車過，佢又OK喎，而且每人都係照價收五蚊，都OK丫．．．哈，好好玩既經歷呀！我都好似未搭過呢D橫水渡的，雖然路程只係兩分鐘，但係都十分之興奮喇，我地係咁映相留念，心情亦十分興奮．．．

完庐左呢個創舉後，我地就好積極咁一路踩番去交車，咁就完成左我地一日既旅程．．．真係好愉快既旅程，　大家都十分滿意今日既旅程，亦都希望再有機會再來呢．．．今次同行五個人，都係我第一次同佢地玩既組合．．．真係唔錯．．．有機會都想同呢個組合再有接二連三既活動呀！

搭完單車，我地就返左A仔屋企，有些朋友就先走了，我地梳洗好了，我同A仔努力執拾好房間後，都再出發去我屋企做節食飯．．．返到屋企，嘩，今日超多人係我屋企，因為連隔離UNCLE AUNTIE都過了來吃飯，十分之熱鬧既場景呀！大家都吃得十分愉快．．．後來，我同A仔都返了元朗，本來打算睇DVD，不過都太累了，很快便訓覺了．．．

>>June 20, 2007 at 6:09:44 AM GMT+8

2007 年 6 月 17 日 星期日 【晴】

added....

wow...唔知係咪我話醫生聽琴日d藥唔係好得，所以發左成一日幾燒，所以醫生頭先再比再d勁少少既藥我呢，醫生話我今次既菌好勁呀！唉．．．

而家食左藥好辛苦，可能頭先冇點食野就食藥，而家好想嘔，d藥好散下，而家個人好wing好虛呀！o．．．

死啦，今晚仲要去A仔度，因為好早前其實已經約左班朋友係呢個假期度玩架喇，而家咁樣都有點兒掃興．．．不過我會努力要自己快點好番架，因為呢幾個朋友真係好耐冇見架喇，唔可以咁掃興架．．．聽日出去踏下單車晒下吸下新鮮空氣，希望可以好一點啦．．．

>>June 18, 2007 at 9:41:01 AM GMT+8

2007 年 6 月 17 日 星期日 【晴】

琴日點解冇寫日記？唉，好可憐的我呀，因為琴日發左燒一整日，到左而家，即係第二日既下午，我先至完全退到燒呀！幾慘呀！琴日朝早起身已經十分之唔妥，成個人好似就黎死咁，一探熱，嘩．．．一百零二度呀！好驚呢．．．因為已經好耐冇試過發燒發到咁高度喇，對於一個成年人黎講，發到一百零二度係好高架喇．．．唉，超辛苦！琴日一整日真係好難過既日子．．．朝早去左睇醫生之後，仲要係一條友拖住咁行去睇喎，好可憐！返到屋企自己煮左個公仔麵食，食完之後就訓，訓到屋企人返完教會返黎為止，都訓左成五個幾鐘喇．．．雖然起到身，不過個肉體好似唔係自己咁，好似三魂唔見左七魄咁，好累好累．．．成個人都攤左係個梳化度，邊恰眼訓邊唔知自己做乜．．．後來六點幾媽媽煮左d通粉過我食先至個人醒神左少少．．．

到左琴晚半夜兩點幾，係最辛苦既時候呀！我訓到半路辛苦到醒左，個人好熱，個頭仲痛到好似就黎爆咁呀，好辛苦．．．後來都係起左身，叫左媽媽起身話佢知好辛苦，媽媽就幫我用濕毛巾敷個額頭，仲比野我食，睇住我食藥．．．好耐冇感受過媽媽既愛同偉大了，真係好溫暖既感覺吧！最後好辛苦咁渡過左一晚，今朝起身再探熱，都仲有燒呀，都成一百度，所以都決定唔返工喇，因為都唔知幾時先退到燒．．．唉！

訓左一個朝早，食左藥，而家好左好多，仲退左燒添，好在．．．不過呢個菌都幾勁下，令我發足整整一日半既燒呀！唉．．．真係人都傻左．．．好辛苦好辛苦．．．咁樣病一病，令個人一d胃口都沒有了，什麼都沒有味道了．．．琴日食藥都食到個口"wear"晒，突然見到個萍果就好想食，點知食落去都好似係冇味咁，唉！好在媽媽醒，用羅宋湯煮通粉過我食，酸酸地咁，可以醒胃d啦．．．而家個胃口都係麻麻地，頭先磅過真係又輕左成磅幾喎！

跟住又會連續放兩日假了．．．有人可能會諗係我咪我特登請假令自己可以一連放幾日．．．哈，係都唔錯丫，不過．．．唔洗病就好d囉．．．如果係病得咁辛苦咁去為左放假，我寧願唔放喇．．．而家咁難先至叫做退左燒，我真係唔想又病喇．．．唉！

>>June 18, 2007 at 6:45:30 AM GMT+8

2007 年 6 月 15 日 星期五 【綿綿細雨】

嘩~ 剛剛係大陸返來呀．．．完全係玩足全程呀！琴晚放工之後就去左上堂，上堂之前去左太子冰室度食野，我地食左一餐好豐富既晚餐先至去上堂，我地食扒呀，好飽呢！

今堂既內容都唔錯，係講一d關於調情既技巧．．．其實，佢講既野我有好多都已經聽過，所以都聽時都好特別既感覺．．．其實全程都唔錯，只係過程中有某d人有好多既言論出現，令到成個場面好似好比佢dominate左咁，都幾想打呢個人架！

上完堂之後我地係旺角行左一陣，買左幾架好得意既車仔，其中一架係goofy既車仔黎架，A仔送左比我，佢自己都買左幾架比自己，仲有買左一架比一個又朋友既同事既人．．．我地約左十點幾十一點係上水度集合，跟住就一齊上去喇．．．全程都好開心，好好笑，好好玩．．．其實大家都可以好放開懷抱咁去傾計，去玩．．．真係好開心，好free既感覺！

今次我地一齊dup泰式呀，都唔錯丫，我覺都幾爽下架，真係完全地幫我去拉根，而家成個人都鬆晒呀，真係好正既感覺．．．下次再去都想再做泰式．．．其實以前都有做過泰式架，而且之前去泰國玩果時都試過正中既添，不過就係知道做呢一種係要拉得好勁架，有時擔心自己頂唔順所以有一段時間冇再試玩了．．．不過今次再試都唔錯．．．

我地今朝十點半就起身喇，我地都dup到今朝既五點左右，所以都係訓左五粒鐘左右咋，所以而家超累超眼訓啦．．．起身後我地去再對面一間去開既印度餐廳度食野，最衰啦，我今朝起身已經好唔舒服，又有點喉痛同流鼻水咁，都唔知咩事呀！所以食野都總係就住就住咁囉，唉！食完野，我地就去移街，我地第一站去左我地未去過既”琛圳書城”行，係新開既，要係地鐵站”少年宮”落車架，我都係第一次去果頭咋．．．果度都幾大幾正，最正既係佢有一間特別只係賣所有關於art既書，真係好正．．．下次有機會真係要帶妹妹去睇睇先得喇，肯定到時買到唔停手，睇到呆晒啦，哈！之後，我地再搭車，點知去錯左地方，最後去左萬象城，本來打算去walt mark架．．．算啦，邊度都ok啦，最緊要開心！我地係萬象城既supermarket度狂掃野，真係買到冇晒錢咁滯，哈．．．佢地傻架，入左好多杯麵囉，而我就一個都冇！

跟住，我地係萬象城既味千度食．．．係大陸既味千叫野，係從來都唔需要睇價錢乜滯，因為佢一定會比香港平好多，所以一見到menu就係咁點喇，最後都係$130，都幾平啦，四個人食，每人都係三十零蚊．．．食完野我地返番去火車站果頭，作最後衝刺，再去睇書店睇下有冇書買，之但係最後都冇咩收穫！我就買得最少野啦，係臨走之前買左枝紅酒比爹地做父親節禮物，哈，而其他人都一袋二袋咁，尤其A仔，佢買左成盒”特倫蘇”，重到佢傻左呀！慘慘．．．

而家超累呀，我仲慘，今日成日都喉痛流鼻水，個鼻又超癢，唔知係傷風定鼻敏感了，好可憐！聽日仲要返九點呢，好慘．．．今晚都係早點訓了．．．不過最極都有限吧！好在明天冇咩重要事要做，所以即使恰眼訓都唔係好怕，哈！

>>June 16, 2007 at 2:42:49 PM GMT+8