2007 年 8 月 19 日 星期日 【溫暖】

今日都係好平靜咁渡過一日既工作，朝早就帶團，又係小朋友，都幾吃力呀！不過都幾開心，始終對住d天真無邪既小朋友都幾開心既．．．之後到左一點就食飯，食飯果陣就順便執下公司既野，因為計計下，我返埋今個星期走人架喇，而且都之後會冇咩時間執野，同埋有好多野要斤拎，所以今日都決定執咁d，拎咁d咁啦．．．嘩，都唔少野，好重呢．．．

到左下午，一個幾開心既一個鐘時間，就係同一個同事傾計．．．因為佢就黎入讀city既soical work，所以話晒都係我既師妹呀，佢有好多關於大學生活同科目上既野問我，仲有問好多做社工既前景等．．．同佢傾得好雀躍，仲有有無窮既話題．．．可能大家就黎係同行卦，哈．．．

跟住，我就拎左本曼谷既旅遊書睇，希望可以增取時間睇多少少，知多少少，唔洗到時太"呢hea"啦．．．而家最後都大概知道自己會去邊幾區遊覽，亦都暫時安排會book邊一間酒店．．．我同妹妹諗住星期三就去銀行虴果頭book package，希望到時可以問多d專業人士啦．．．

今日收到一封信，係公司比我既，係講我份grautity既野．．．我唔知點解睇極都睇唔明呀，仲比我之前計既少左好多好多添．．．真係有點失望．．．初時都有打算想去find out一下佢係點計出黎，不過媽媽話政府既野幾時會錯架，而且政府咁沽寒，一定唔會多亦唔會少呀！．．．咁又係，所以都係算啦，相信啦．．．由於突如其來少了既grautity，所以初時都有d唔知點計算我今次既旅程費用好，而且，我既儲錢大計又可能會受到影響．．．不過，唔理喇，一於要去，要好好咁去享受生活呀！之後我會再接再勵既．．．好好咁充充電先啦．．．yeah~

頭先收到A仔打黎既電話，佢今日已經一早出左發喇，初時我都好擔心佢既情況，我不時都有上網睇下佢當地既天氣狀況．．．不過，我睇到既都係講開始轉好，所以都好安心．．．直至佢打比我同我報平安時，我先至安心一點，佢話已經到左汕頭，果邊除左朝早有落雨之外，而家都好平靜．．．佢地聽日會去福建喇，希望天氣KEEP住的好落去啦．．．佢最後會係廈門走，所以會花上更多既時間去搭車．．．A仔話，到時可能要成十一二點先返到黎呀！不過，雖然夜左返，不過咁樣既行程係已經最好既安排架喇．．．所以，希望佢今次既旅程開心愉快同平安順利啦．．．

哈，聽日約左細佬妹打羽毛波呀，係我地見番後第一次既活動呀！希望會係開心既過程啦．．．希望將一切交托比神．．．

>>August 20, 2007 at 2:05:12 PM GMT+8

2007 年 8 月 18 日 星期六 【微雨】

哈~ 今日返工都幾hea下，朝早都係度睇下一d旅行既資料，初時都有諗過想去東京架，去番四日只係購物都唔錯架，不過．．．d package都唔太平，都差唔多要四千幾蚊，但係得四日．．．而且近排d日元又貴左呢，所以．．．都係唔考慮喇！不過，後來終於有左決定．．．

決定一，妹妹終於肯陪我去旅行了，因為佢話佢有成十日大假可以拎，所以梗係要陪我去旅行啦！

決定二，我地決定左今次係自由行，唔會跟團；

決定三，我地決定今次旅行既地點係．．．thai，泰國呀！

其實，我好幾年前(2002年)同A仔跟團都去過，再十幾年前(1990年)度都同屋企人去過．．．不過今次只係我同妹妹去，仲係自由行，都有點兒又驚又喜，因為始終泰國呢個地方我都唔係咁大信心架，一來治安問題，二來溝通問題，三來我對呢個地方都唔太熟悉，雖然去過兩次，但係都係跟團嘛，邊識呢．．．不過，我相信做足準備都應該可以既．．．而家決定左去四日啦．．．因為只係BANGKOK，唔洗咁多口了．．．

今日放工之後，我同妹妹去左市中心間商務睇下D去Bangkok既書，最後買左一本，跟住再上埋d旅行社度拎埋d資料參考．．．頭先終於決定左join邊一個package喇．．．初時，媽媽都話跟埋我地一齊去架，不過後來佢又怕熱喎，所以．．．唔知佢啦！我估計今次大約成個行程要洗五，六千蚊度啦，都係預期之內的消費！唔，好興奮呀！好似充滿希望咁既感覺．．．

唔，聽日A仔就要出發去福建了，聽A仔講，而家佢地改左行程，將成個行程既路線倒轉了，即係由原本的第一站福建及最尾站汕頭，改為第一站汕頭，最尾站廈門．．．因為咁樣，希望可以避一避個”聖帕”風先丫，可以安全一點呀！今日A仔仲要返下夜呀，佢個老細都有問題架，聽朝佢地幾個同事都要一早五點幾六點起身架，仲要人地返下夜，而且之前A仔話要延期，佢個老細就死人都唔肯，仲想要A仔揹飛添，真係實在太cheap既老細了．．．不過而家唔理得咁多，希望而家個行程咁樣安排後會係一個較好的安排，亦可以減到最少既危險啦．．．

在此，祝福A仔今次既行程順利平安愉快！亦願主保守看顧佢地啦．．．

>>August 20, 2007 at 2:07:12 PM GMT+8

2007 年 8 月 17 日 星期五 【溫暖】

嘩~ 呢兩日真係好似好古怪既心情咁，完全係大起大落咁呀！琴晚我同A仔都成兩點幾先訓，因為我地一路傾計，傾左好多好多既野．．．尤其係大家對於工作既野！我會真係好好咁反醒一下啦！後來訓覺喇，我就突然之間好擔心A仔跟住落黎一個星期去福建既情況，真係又唔捨得，又擔心呀！後來仲喊起上黎．．．A仔都知道我喊呀！真係醜死！不過唔知點解，今次比起上次佢去廣西時仲更加擔心同唔捨得呀，可能係因為天氣既關係，好擔心佢既安危啦！唉！學A仔話，好多野都係神既安排，如果係安排左要你遇到一D事既，你點都避唔到架！我都知，但係．．．算啦，要對神對A仔有信心先得呀！

今日好早起身，因為約左個姊妹去帝京酒店食lunch buffet．．．唔，都唔錯丫，都幾多野食．．．我都幾欣賞佢d甜品，都幾多款同幾好味！原來平日去仲會再平d添呀！下次有機會真係要同A仔去食下先得喇！本來A仔都有打算過同我一齊去食架，因為佢想陪我多一點．．．不過，因為一來我個好姊妹想只係我地兩個好好聚聚，二來A仔都想慳番d$$呀，所以．．．都係唔好去啦．．．

後來食完野，我地去左行街，不過並冇特別收穫．．．跟住剛好妹妹都係旺角，所以約埋一齊返屯門啦！跟住，又剛好夾到爹地放工時間，所以，最後係我地三個一齊返屯門，真係好笑！我地之後去左食飯，而媽媽今晚要去飲呀！食到中途，媽媽打黎話出邊落雨落到好似落狗屎咁．．．因為我地一直都係室內，所以完全唔知情．．．當一離開酒樓時見到出邊仲落緊雨，而且四周圍都好似打完十號風球咁既樣，周圍都係落葉，仲有d好似我隻手咁粗既樹枝飛晒落地添，嘩，可想言之頭先落雨落得好勁．．．之後返到屋企，哈，惡夢終於出現．．．

哈，一打開門，嘩，屋企同樣地好似打完十號風球咁囉，成地都係水，好似水塘咁，d家私電器都入晒水，最驚既係連d插頭都入晒水，勁驚漏電爆炸呀！仲有，我間房又窗口漏水，我書台既野全部濕晒，部priner都濕埋，好在部電腦冇事咋，唉．．．最後，仲要比我發現埋就連廚房都已經淪陷埋添，d衫完部吹到亂晒，要重新再晾過，同時又唔知點降爐頭後邊全部都係一d油水，相信應該係由抽油煙榣度漏出黎架．．．嘩，簡直係想死．．．我同妹妹爹地好努力咁清潔，最後足足整左兩粒鐘先至叫做攪掂左，但係仲有好多野都係好濕，要開行晒部冷氣去吹乾d野囉，唉！個媽媽又衰，顧住去飲，什麼都唔知，什麼都唔理，唉！真係激氣呀！嘩，整好晒d野後，我好似成個人散左咁，好累好累．．．辛苦過大掃除！妹妹話，今次清一清潔下，相信短期內都唔洗再有什麼大既清潔架喇，因為我地都已經好徹底咁清潔過，好多野都好似大掃除咁清潔過晒喇，哈！

唔，近排成日係度諗，好想九月果時去旅行玩下．．．之但係有好多問題要諗，一來係錢啦，二來係A仔又唔得閒陪我啦，三來我又唔想去咁遠既地方．．．真係好頭痛！我都曾經諗過自己一個人去就算，不過，又好似好悶咁，都唔知去邊好！一個人懶係好似去流浪咁呀？我真係冇咁大膽呢，哈！有人陪我都可以既！唔，都唔知點好．．．聽日又要一早起身返工，返九點呢！唉！而家見到個天氣咁，真係越來越擔心福建既情況．．．希望跟住兩日既情況都有好轉，A仔既行程可以順順利利啦！

>>August 19, 2007 at 2:55:27 AM GMT+8

2007 年 8 月 16 日 星期四 【乍寒還暖】

今日好慘，琴晚咳到傻左，今朝起身果陣把聲已經沙晒，好似唔係自己咁．．．返到公司，仲比同事笑我做乜今日把聲咁sexy添，唉～　今朝仲要帶團，不過好在今日有個義工黎幫我手咋，如果唔係死左喇．．．哈！

好經辛苦捱到去十二點完左個團，我十二點半就食lunch喇，食到一點半又要看counter．．．本來，下午有一團會來的，初時我都好擔心以我把聲既狀態是否頂得住，雖然有咪用o者，但係都唔知班細路係咩情況．．．不過，都唔知話係好彩定唔好彩，我等左呢一畤足足一粒鐘先知道佢地原來唔黎，唉！等又白等了，不過就唔洗帶，可以養番把聲囉．．．

唉，不過臨放工前，三十樓有個同事話要黎我地個互動影院度整d野，一整就整到over左6點，唉，冇計，都放左個同事走先，我一條友等佢啦．．．我當時仲約左A仔添架，真係心急死我．．．後來終於六點三走丁到人，打比A仔，佢原來仲未上到車，好在o者．．．呵！後來，我地約左係南昌站等，我就反而仲遲過A仔少少咁啦．．．返到元朗，我地去左新元中間RED FOREST度食．．．唔，D野食好似麻麻地咁囉，杯特飲都麻麻咁啦．．．

今日A仔佢一次過買左好多褲，哈，因為佢要帶交流團，加上近日福建天氣十分差呀，而家佢個團都要postpone一日出發呀，因為當地既天氣實在太惡劣了，聽聞果度既天文台長都高度地進入介備狀態呀！A仔話到時都唔知山區地方會點，可以山泥傾瀉，爛路，塌山，水浸．．．唉，我而家聽落都好擔心佢既行程會相當危險，但係拎左人既funding唔去又唔得，唉！真係好矛盾無奈！希望神可以保守同看顧佢地，給予佢地一個好些既天氣啦，可以讓行程可以順利些，安全些，平安些．．．

今日係佢出發前最後一次陪佢了，真係又擔心又唔捨得佢．．．跟住又係一星期多時間冇得見佢了，唉！希望佢既行程可以順順利利就好了．．．我都好怕擔心佢既情況呀！

>>August 17, 2007 at 1:13:39 PM GMT+8

2007 年 8 月 15 日 星期三 【乍寒還暖】

嘩~ 今日極之無聊咁浪費左一日既時間，點解？本來今日請左病假，因為今日本來係去一間公司度見工既，點知後來我今朝再睇下呢間公司既網頁，我再睇多一次佢既ad係寫d乜，點知比我發現佢website內寫既同出報紙寫既係有出入囉，報紙個ad係冇左好多資料，而且最重要既係佢冇寫明個合約期係幾多．．．原來佢只係請一個人負責一個短期既project，而個contract只係去到出年既二月，即係話當個project完左之後就要拜拜喇．．．講真，我都唔會做呢d工啦，就算係急想搵到份工都唔洗咁丫嘛？

所以最後今日係晒左一日既病假，仲要蝕埋一百蚊去睇醫生．．．不過好在，剛好我都真係有點唔舒服，我今日都咳得好勁呀，條氣開始有點唔係好順暢呀．去睇醫生時醫生都叫我星期六要去再覆診，因為驚我情況唔係太好！其實我都冇諗到真係變左睇”真”既醫生囉，哈！

不過好在今日都唔係好浪費時間，因為點幾鐘陪左媽媽出去荃灣，因為佢又約左二舅母同一個朋友飲茶，我就梗係跟住出去飲啦，之後陪左媽媽行荃灣，不過都冇咩買到，只係買左條牛仔褲．．．其實之前想買一條好耐，不過一直都睇唔o岩心水o者，今日終於搵到一條o岩心水架喇，真係好．．．最緊要係買到心頭好丫嘛！而媽媽都冇收穫呀，之後因為天雨關係都好快返屋企了．．．

返到屯門就去左拎con，同埋去左日本城買鬧鐘，因為我個鬧鐘死左唔識得叫呀，好在今日唔洗趕住返工o者，其實先幾日都已經係咁架喇，好在我多數而家係一定既時間都識得醒o者，好似先兩日咁，好在我七點三曉起身咋，如果唔係遲到就大件事！所以都要買過個新啦．．．

唉，距離A仔離開香港既時間得番兩日幾了，其實都幾擔心佢今次既TRIP，因為佢上次就病住咁返黎香港，而且當中又發生左好多唔開心同唔順利既事，唉．．．真係好為佢擔心呀！頭先仲聽左佢講好多一個同事既不盡責既事，都好怕呢個同事會影響到今次呢個TRIP呀，唉．．．仲有，個死人風球呀，而家吹緊去台灣，即係對福建都有影響呀，都唔知點算好，可能會延遲一日出發都唔定，唉．．．我知道A仔佢而家好激氣同好煩惱！真係唔知點安慰佢好，因為佢而家好矛盾，好兩難呀！唔知應該包容或是包庇同事好．．．唉！我都好明白佢而家既感受同情況架，不過．．．真係唔知點幫佢好，要比既建議我都比左佢喇，希望件事唔好攪到咁大就好了．．．在此，為A仔祈禱，希望神可以幫助A仔找到個適合既解決問題方法，仲有希望天父神可以保守看顧A仔，讓佢今次既TRIP可以順順利利完成去．．．

>>August 16, 2007 at 3:19:23 PM GMT+8

2007 年 8 月 14 日 星期二 【雷雨】

haha~ 今日去左好多地方呢．．．今朝十一點幾先至起身，之後就煮左早餐過A仔食，哈，都好似好耐冇煮過早餐過佢吃了，都幾OK丫，哈！尤其係D包包，我覺得幾好味喎．．．之後，我地就出左街，我地去左好多地方呀！

首先，我地搭西鐵出到去南昌再搭K16出左去尖咀，行左一陣之後，我地就買左好多蝦條薯片，諗住搭船過海時吃，哈，真係好耐冇咁放肆咁吃咁多熱氣野了，呵！跟住我地搭船過左灣仔，我同A仔去左298度買野，買完就去左東方188行．．．行完灣仔，我地就搭左丁丁去左A仔家姐屋企，因為A仔要去拎D野，我地係佢家姐屋企HEA左一陣，跟住就去我地今日重點要去既地方，就係MAIDS CAFE．．．呢間CAFE特別在佢既WAITRESS係著晒LOLITA衫，對住客人係”主人”前”主人”復咁叫既．．．而D食物質數就．．．真係麻麻地，佢個賣點都係”女樸人”O者，希望滿足男仔既心態，哈！睇得AV多，D男仔都係喜歡見下呢類似既女仔．．．不過，呢間CAFE既WAITRESS質數就真係．．．哈，唔係我什麼羨慕或JELOUS什麼，只係．．．真係太差了，無論係外貌，態度，投入程度，專業程度．．．都係唔掂！講真，真係純粹黎感受一下架咋，食完個DINNER都唔係覺好飽囉，哈！

之後，我地去左TIME SQUARE行，我仲買左一份禮物比亮宜個囡囡添，哈！星期六可以送比佢囡囡了，真係好．．．希望佢地喜歡啦！嘩，係CAUSEWAY BAY就落雨落到好似狗屎咁，但係返到黎新界就一點雨都沒有，真係過份，攪到我地係出邊果陣幾”呢HEA"呀！討厭！而家返到屋企，仲因為太早吃飯而肚餓添，哈！又要吃野了，肥肥呀！

>>August 15, 2007 at 3:39:09 PM GMT+8

2007 年 8 月 13 日 星期一 【乍寒還暖】

哈~ 今日好free，因為今日放半日，上午基本上都係拉記過，一路上網睇報紙，一路打下機，一路又搵下工咁啦，完全係度hea．．．跟住到左十二點幾，有個同事話請我地飲野，嘩，我梗係唔會執輸，飲左一杯仙跡岩既芒果紅茶，仲要係重量級size添，所以最後飲到好飽，仲成肚都係水添．．．捧住個肚仔走呀！哈！

之後，我去左旺角，因為今日約左美容院兩點做facial．．．嘩，足足訓左係度三粒鐘呀，不過做左好多野，哈！抵呀！其實我都覺呢間都幾老實，而且都幾ok，比起出邊價錢又公度，所以我估我都會繼續係呢度做落去，起碼都直至結婚為止先再打算啦．．．而家好想快d整靚番塊面呀，好多野好想做，例如想去晒d雀斑，塊面再firm番d，可以同對黑眼圈say goodbye，仲有．．．好多好多．．．仲有有樣係一定要既，就係要keep fit啦，唉，近日肥左好多，琴日先比妹妹話我背肌開始肥左好多，嗚．．．好慘呀！而家個肚dum都已經不可以再見得到人了，千祈唔好叫我著三點式囉，死得架！仲有對麒麟臂．．．ｏ．．．簡直係fantastic啦，呵！之前上星期五book左打羽毛波架嘛，諗住好好運動一下，點知又打風喎，真係衰．．．而家再book左下星期二再打，唔得，一定要積極d去運動呀，要keep fit fit呀！

做完facial之後就趕返去屯門join呀A仔喇，因為佢放工等我，之後一齊去元朗．．．我地先返左我屋企，佢hea左一陣，仲食左我之前細叔叔買黎既日本白桃o者喱，係八十蚊一個果d，係，你冇睇錯，係八十蚊一個，佢仲要一次過買左六個囉，嘩，我先兩日係sogo見到個價錢時我都呆左，真係好貴囉．．．仲有一盒龍島既朱古力添，嘩嘩，傻左，都幾百蚊啦．．．細叔叔真係有錢錢，上黎我地屋企o者，真係厚禮．．．食完之後，我同A仔就返左元朗，我地好浪漫咁煮牛扒食，當然係我煮啦，好在都冇失水準，都OK啦．．．洗碗呢樣野就梗係佢做啦，呵！

琴晚勁攪笑，好夜果陣收左個電話，係一個叫jessica既朋友打比我．．．其實呢個人係我city既同學，不過在yr. 1時因為佢懷孕，所以最後停左學．．．嘩，大家都有成七年冇聯絡了，佢無啦啦打比我，真係好奇怪．．．後來佢話我知佢轉左行，我當時都心知不妙，我估一定係同保險有關，哈，點知比我估中左啦，唉！如果唔係邊有咁好死無啦啦搵番d成七年冇聯絡過既朋友丫，而且大家都唔係太熟添架咋！不過咁o岩得咁q，佢竟然都係住係元朗，仲要係A仔個屋苑添呀．．．哈，點解我好似從來都冇撞過佢既，唔，我知喇，咁證明大家根本冇咩緣份了，呵！其實，佢係咁話：搵日出黎飲野傾計丫，我都知佢一定係想sale野架喇，不過我都好醒好識得打完場，我主動問佢拎左個電話，我話如果得閒去開元朗果頭就call佢，哈，我真係冇咁傻自投羅網啦．．．不過，無可否認，當收到電話果一刻都幾shock，一來果一刻真係停左一停，諗下究竟邊個係jessica，哈，我果刻真係唔記得囉，好在後來諗番起o者，如果唔係真係爛晒gag喇．．．二來，都同對方傾左唔少以前同而家d同事既事，都有點回憶起以前既，都幾開心架！不過，我同佢好唔同，佢而家有家室有個六歲大既女架喇，點同我丫，我就仲要捱，佢就算係呀，都有個老公照丫，而家賺錢都係買花帶架o者，不過，都唔係羨慕架，始終佢而家呢一行都好飽和啦，我覺得無乜好做，而且都唔好做，可以不斷六親架喇，你話丫，連一個七年冇聯絡過既朋友佢都要打電話既，起頭果陣真係幾辛苦架！

不過anyway，都好開心同呢個朋友傾左電話既，其實，如果去除買保險既野，我都有興趣同佢聚一聚既，哈！話晒朋友呢d野識得多又冇壞既，而且識多d唔同行業既朋友，又可以有著數添．．．不過，我估都係遲d先再聯絡佢啦，而家咁快就好易令人誤會我有興趣同佢買保險架喇，哈！

>>August 14, 2007 at 3:06:45 PM GMT+8

2007 年 8 月 12 日 星期日 【陰】

wow．．．今日十分之唔願起身，因為琴晚又訓唔好喇，而家周身骨痛呢，尤其係背脊手臂間既”雞翼位”．．．好痛呀！嗚．．．個膊頭同條頸其實一早都已經硬到bi li bar lar架喇，而且都已經痛左好長日子架喇，起碼都有成兩年喇，唉．．．但係往往都係處理唔好個情況！好可憐！唯一可以暫時克制或者舒緩個情況，就係去大陸du骨骨喇．．．不過，始終唔係成日可以去，我又唔會一條友去既，所以又要夾到A仔或者朋友既時間先可以上，加上又唔係十分平，上一次去起碼都有點錢要洗下啦．．．所以．．．唉．．．唯有忍下啦！本來，聽日會放下半日，同星期三都放假，想約A仔一齊上去dup下骨架，不過，A仔話想save下d錢錢，同埋星期三朝早A仔有野做呀，所以陪唔到我去喇．．．唉！都係唯有忍下啦．．．我已經經常做好多伸展運動幫自己舒緩下個狀況，但係始終都唔係好得呀，嗚．．．好痛痛哦．．．

今日朝早係女幾HEA下，下午就有團帶，咁就過左兩個鐘，真係好．．．今日係個實習學生既last day，所以我都承機買左幾件蛋糕請埋呢個學生同其他同事食，當係我走之前最後一次請同事食野啦．．．由聽日開始，我上司會去上堂，所以足足一個星期見佢唔到了，真係開心！

今日有間公司打比我叫我去見工呀，佢約左我今個星期四．．．我本來要返工架，不過．．．哈，而家自動請假，哈，即係．．．請病假囉，唔理喇，有機會in做乜唔去喎，最多晒一百蚊睇醫生囉，唔好晒左個機會！

>>August 13, 2007 at 12:17:50 PM GMT+8

2007 年 8 月 11 日 星期六 【雨】

今日要返工呀，今朝超級唔想起身，因為太眼訓了，琴晚好夜訓呢，而且初頭有點訓唔著呀！唉．．．今日上車諗住訓下覺啦，點知班賓賓一上車就嘈住晒，唔係bilibala傾計，就係度大聲笑，真係好騷擾！其實每一個星期日搭親車出去港島區都會遇到咁樣既情況，有時真係好想叫佢地唔好嘈囉，因為香港人通常都習慣早上搭長途車多數都會訓覺架啦，唉！嘈住晒真係唔訓呀想休息下都唔得囉．．．討厭！

今日一落車就突然好大雨，我都攪到好"呢hea"．．．後來我去左M記買早餐，今朝食到好鬼飽．．．朝早成朝都係”拉記”看counter，因為今日得兩個同事加一個實習學生，所以連我都要坐埋counter．．．到左lunch，我成下午兩點先食得落飯，因為太飽了．．．跟住繼續係”拉記”，到左五點，有個同事走人喇，就得番我同個實習學生，最後得我一條友閂晒成間展覽館既野，走黎走去，死左！好在都可以六點一就走到人o者．．．

上左車又係好累，訓了一會，連眼鏡都除埋準備充足地訓覺．．．回到屯門就去左商場配con，因為用晒喇，而且之前配眼鏡時果個哥哥話我右眼既近視深左，所以都要親身去再配過對con喇．．．跟住我就去左大昌行左陣，因為想買定d材料整冷麵比A仔食，我答應左佢會再整冷麵比佢食呀，因為佢好鍾意食，佢覺得好好味．．．HEHE，我聽到都好開心呀！我決定星期二放工後做完FACIAL返屋企就整比佢食，比佢帶飯返公司食，哈！

聽日又是上班日，但係．．．又好似冇野好做了，根痛苦地過時間．．．今日都已經好好，上午就係度搵工，下午就打信，時間都尚算OK過到．．．但係聽日都唔知點好了，唉！雖然聽日下午有團帶，不過．．．近日好多團都因天氣關係而取消．．．希望聽日果團都會黎啦，如果唔係我又冇野做架喇！！

>>August 12, 2007 at 2:05:38 PM GMT+8

2007 年 8 月 10 日 星期五 【雨】

今日訓到成十一點幾十二點先至起身，真係好．．．之後，約左A仔個家姐，我地下午去左佢家姐屋企玩，跟住約埋夜晚一齊去左GRAND HYYAT度食甜品BUFFET．．．係去之前，我同A仔兩個去左銅鑼灣同灣仔行街街，A仔仲買左一套漫畫，終於還左佢心願，可以買到呢一套佢等左好耐既漫畫喇，都戥佢開心既．．．

買完野我地就去左GRAND HYYAT喇，嘩，我今次第一次去架咋，真係幾好VIEW，我地坐正果度係落地玻璃位，仲係坐係好舒服既梳化度．．．真係嘆！今次既甜品BUFFET食既野真係唔錯，個環境又幾正，不過．．．始終覺得DINNER果餐食甜品好似唔係太O岩口胃咁，始終覺得有D咸野有D熱盤咁會更好，夜晚只係食甜品又好似好寡咁囉．．．哈，真係一次好喇，下次都唔會再係咁食．．．如果係甜品TEA BUFFET或者LUNCH BUFFET就好OK囉！食左兩轉都已經”溜”到爆，已經唔想再食喇，大家都停晒手同口，哈！越坐就越想訓添，因為太舒服了，呵！

食完之後都本來想再去食D熱野，本來想食雲吞麵，不過後來見時間太夜了，我同A仔聽日都要返工呀，所以唔食喇，都係走人．．．死啦，今日食左咁多甜野，又要減肥肥了．．．A仔已經笑我近排個肚DUM．．．嘩下．．．驚驚呀！

>>August 11, 2007 at 4:41:08 PM GMT+8