2007 年 8 月 28 日 星期二 【晴】

哈~ 今日十分之充實．．．琴晚我都dup骨dup到四點先黎訓，而A仔就三點半度已經完左訓緊喇，我就捱多半個鐘先有得訓，所以好眼訓呀！

今朝A仔九點起左身，佢話訓唔番呀，我又好眼訓喎，唯有佢陪住我去到九點八先至起身．．．真係好眼訓呀！攪掂晒之後我地十點半去左飲早茶，食左好多野，都食唔晒呢，跟住就開始左我地今日既長征．．．我地去左好多地方又食又玩，其中我地去左食HAGENDAZ食雪榚，好好味呢．．．

我地今日去左好多個地方，我地數過足足係八個地鐵站上落過，哈．．．我地行左好多地方，亦發現一D新既地方可以玩既，下次可以有新地方再去玩了，YEAH~ 我地買左好多野，大多數係食得既野，有杯麵有方便飯咁，真係十分多，拎到A仔都傻左．．．重死個傻豬A仔了，辛苦晒~

今次既旅程十分之開心，真係好多謝A仔既安排！其實我覺得去那裡都唔係一個重點，最重要的當然係．．．同邊一個人去啦！今次A仔真係好傷呀，咁就梗係個河包傷啦，今次兩日既所有費用都係佢比架，真係好傷，聽佢講足足洗左一千蚊有多．．．痛痛呢！不過，我都知道佢都覺得今次好玩好開心呀！咁都好D，哈！

之後我同A仔返左元朗呀，因為佢聽日返下夜，又可以陪多A仔一陣喇，真係好！聽朝陪佢返工先．．．

>>August 30, 2007 at 2:49:17 PM GMT+8

2007 年 8 月 27 日 星期一 【晴】

哈~ 而家我係大陸呀！我今日同A仔上左大陸玩．．．我地先係羅湖過關，之後係東門行街食飯，食完飯我地過左萬象城行街，行完街我地再搭尾班地鐵去左皇崗福田口岸新開果間”德興城水療會”度dup骨．．．今次係第一次去呢間咋，係見佢新開先至過黎睇睇．．．而家我就係呢間野既網吧度上緊網喇，哈！

琴晚因為成四點幾先至訓，所以今朝都成十一點幾先至起身．．．起身後就食左d野，一個人係屋企上下網咁，過下過下d時間就差唔多四點幾，跟住就去左接A仔放工，佢今日放五點呀，之後我地就一齊出發上大陸了．．．

今日A仔同我補祝生日呀，我地去左鼎泰豐食飯，行完街又去左STARBUCKS度飲咖啡同食NEW YORK CHEESE CAKE，我地映左好多相相呀，哈！頭先按左個頭，而家舒服左好多，因為呢兩日都喊得好勁黎，個頭超痛，而家按完就舒服好多喇．．．

一陣我地打算做中式按摩，唔知呢度O唔OK呢，試試啦．．．

明天我地會再出街行，不過相信福田區呢頭都冇咩好行架喇，都係去番其他地方行好過喇．．．我今次既行程都唔理架喇，都係跟住A仔行，佢話只要跟住佢就OK架喇，所以唔理囉，哈！

期望聽日有個愉快既時間啦．．．

>>August 28, 2007 at 5:21:07 PM GMT+8

2007 年 8 月 26 日 星期日 【乍寒還暖】

~ added ~

生日總結．．．．

是的，我是應該感恩，感謝神很多東西，包括：

1) 今日有媽媽陪我過了一整天生日的日子，媽媽，多謝你的晚餐，仲有我知道我人生中”至少還有你”
2) 雖然過左十二點，但爹地媽咪都不忘為我切蛋糕慶祝生日，多謝你地為我安排蛋糕，讓我可以完完整整的許了一個生日的願望．．．我亦感受到家人永遠是最愛我的，無論什麼人都不及他們！
3) 妹妹佢今日在揚州打長途電話比我，同我講左句”生日快樂”！真的很感動．．．在遙遠的她，都仍然記著我．．．多謝你，我知道你很愛我！你心中有工作之餘都仍記掛著我！我感受到被人記掛的情意，很感動！這不是在於PRIORITY，只在於那個人在你心中有幾多的地位．．．我知道妹妹很重視我，很重視我的一切！
4) 今日不能與自己最愛的人一起渡過，而且對方亦講了很多傷我心的說話，亦讓我流了很多的眼淚．．．或許，這些眼淚又是否流得有價值的呢？我這些眼淚可以換來一點的希望嘛？可以解決我們之間的問題同疑慮？可以有人因為知我不開心，而會真的願意給予我一點施捨，去嘗試記掛著我多一點？關注我多一點？體諒我多一點？重視我多一點？甚至是．．．愛我多一點？．．．其實，你不是每個人都懂得什麼是”愛”嘛？懂得怎樣去”愛”人！但願你能了解及知道．．．而我卻從家人中很清楚知道及感受得到！這還是值得我去感恩嘛？因為我們之間的事情可以讓我清楚知道一點人和事．．．但這不代表了我沒有勇氣面對．．．我只知道我已經再沒有力氣去面對我們之間的波折了，因為．．．我真的很累，已經趺得很痛很傷，心已經碎得不能再碎．．．反之，讓我反醒了自己應該怎樣再重新分配我對人的愛！感謝神！
5) 感謝神讓我再次經歷類似上年的情況，哈！真的感恩嘛？又是哭了一大場，又是嘈了一大場．．．很可恥或是可悲呢？但亦是回味的．．．感謝神！

總結，雖然心情很差，可以說是唔開心的一個生日！但係．．．我至少知道家人是最愛我的人！永遠是沒有人可以代替得到！爹地媽咪妹妹，好多謝你地比左一個值得我去感恩的一天生日．．．我亦感謝神的安排，給予我一個難忘的07年生日！

最後，希望加多一個生日願望，就是．．．
我唔想再哭了，因為．．．真的很辛苦，真的心很淡很灰！我很怕所流的眼淚會是白費．．．唔想再受到傷心的折磨，好想開開心心去愛每一個值得愛既人，很希望亦可以被人所愛！

>>August 27, 2007 at 7:33:26 PM GMT+8

2007 年 8 月 26 日 星期日 【乍寒還暖】

今日係我既生日，在此我都祝自己生日快樂！心想事成！啦．．．

唉，琴晚去左A仔度，同佢發生左一D事，攪到大家嘈左幾句，心情都好差．．．我琴晚喊左一晚，令我又想起舊年既今日，我都係喊住咁渡過．．．所以琴晚同佢嘈交時，我真係好驚又再次重蹈覆轍，發生上年一樣既結果．．．講真，我好明白作為佢既女朋友，甚至係未來老婆，我明白我係好應該同男朋友或者老公分憂，但係，或者我自私啦，在我生日既日子，你對我有要求希望我可以體諒你，但係我都好希望有人可以體諒我，只係一句”生日快樂！”我都已經好滿足了，我都沒有什麼要求了．．．不過算吧，我都明白佢都好多工作上既麻煩事，我都好擔心佢今日唔知最後攪成點呀．．．唉．．．希望冇事啦，祝福佢呀！加油努力啦．．．

今日生日大多時間都留在家中，朝早係A仔度返左屋企，九點鐘再走番上床訓，一訓就訓到十一點幾．．．起身後十二點幾同左媽媽落街食野，食完野就行左一陣就返左屋企．．．返左屋企後就捉左波波貓去沖涼涼呀，因為佢太污糟了，我都忍唔住喇，一定要同佢沖涼涼．．．攪左一大輪，我超累呀，跟住我就係度HEA喇，因為冇野好做呀，直至媽媽去左做gym，我先可以用下電腦，我上網chk左一d關於落馬洲支線同深圳灣新口岸既資料，因為A仔話想聽晚帶我上去玩兩日呀，但係佢要我帶佢行呀，我好驚會唔識路呢，哈．．．之後五點鐘覺好眼訓就訓左一陣，五點九再起身換衫，因為媽媽約我今晚去市中心食飯．．．

去左市中心我就邊行邊等媽媽，我就去左2%行，買佢d季尾貨啦，我執左條平褲，可以去泰國著，好野．．．跟住我地去左”茶軒”食，嘩，而家果度d waiter既態度又差，食物質數又差，又冇野好食，而家越來越差了．．．真係好似感覺入左黑店咁，下次都唔會再去了，太差了．．．食完野，我地去左行”聯達”寵物用品店，買左個水樽比波波，因為之前爹地唔小心踩爛左波波個樽樽呀，所以就買番個比佢啦．．．好靚架，黑色，呵呵．．．不過媽媽話好似．．．型左少少囉！哈！

今日消委會果度打比我，叫我九月十三日去面試，我今次醒左，問清楚先，費時又發生上次攪錯野既事，呵！好在去完旅行返來先面試，真係好喇．．．比足時間人地去準備，真係唔錯呀！雖然呢份工既人工同我剛完左果份一樣，但係佢講明有得加人工，而且我相信晉升機會多，所以都想試一試架．．．都對呢份工有點期望既，希望可以得啦，咁就證明左自己係有能力離開社工呢一個行業架．．．　

>>August 27, 2007 at 2:24:42 PM GMT+8

2007 年 8 月 25 日 星期六 【晴】

今日係爹地既生日，在此我祝佢生日快樂！身體健康！工作愉快！心想事成．．．

今朝早好早就醒左喇，因為妹妹個死人鬧鐘交左時間制架，每日同一個時間都會叫，今朝就係七點半比個鐘叫醒左我，之後我請波波食野，佢又跳埋上我張床度一齊訓，但係我都唔係好訓得番，展轉反則下到左十點五就起身喇，因為今日約左同爹地去市中心睇戲，我地去睇”導火線”．．．聽媽咪講呢套野好多場面都好殘忍下架．．．哈，真係講得o岩，我成個過程睇到目定口呆，真係好恐怖下．．．不過真係幾正既，因為真係睇得出所有野都係硬橋硬馬去打架，真係好勁囉．．．睇完戲就返左屋企，hea左幾個鐘！

到左六點幾，A仔黎左我屋企度，佢帶左好多手信黎呀，真係好多包野呀，都唔知幾時先食完了，呵！不過都好開心同多謝佢架．．．之後我地去左酒樓食飯，今日叔叔嬸嬸堂弟堂妹都黎食飯，佢地帶左個好大既蛋糕黎呀，我估都有成四磅呀，嘩！食唔晒呢．．．仲有一份禮物添，我都好鍾意呀，尤其其中一份係一個袋，呢個袋係之前有個名牌出環保袋，D人排晒長龍去買果個囉，我都估唔到可以收到架．．．仲有一條水晶錬．．．真係好多謝叔叔．．．

食完飯之後，我同A仔偷左少少時間出左去海傍行左一陣，承機拍下拖！多謝佢比我都尚且浪漫一番呀，哈！之後，我地再返左屋企，A仔佢好忙，因為好多工作上既電話來來往往．．．我都知道佢真係好心煩工作上既事，唉，希望件事可以好好咁處理好，仲有希望D人唔好麻麻煩煩，攪到件麻煩晒啦．．．

仲有十五分鐘到我自己生日喇，在此我都祝自己生日快樂啦，呵！明天生日沒有特別節目，亦沒有人約我．．．呀，有，媽媽佢話請我食LUNCH喎，唔知食咩好呢，哈！而A仔明天就要好慘返三節呢，慘慘．．．

>>August 26, 2007 at 3:47:18 PM GMT+8

2007 年 8 月 24 日 星期五 【乍寒還暖】

哈~ 終於完成左成個工作喇，今日係last day呀，不過．．．都冇咩特別感受呀，超樣好似平日返工咁，一朝早九點唔夠就返到去，成個展覽館都係我開門，哈，當係最後一次咁啦．．．整完都係九點三咋，真係快手呀！跟住就慢慢嘆我份早餐，食完就係度hea喇，話咁快就到左十二點，有個同事出去食飯，我就去左拉記頂更．．．到左一點就到我食飯，今日都唔知食咩好，只係好想食下其他野，唔想再食番平日食既野，同埋想豪少少啦，所以最後去左仙跡岩，買左一個煙三文魚冷麵食，仲有一杯熱蜂蜜綠茶，不過，佢收少左我六蚊囉，哈，今日都幾好，無啦啦懂慳左六蚊．．．

到左下午帶左個小女童軍既團，因為而家佢地有一個章叫做”防止濫藥章”，我以前都冇呢d既野架，而家既童軍好玩過我地以前既好多啦，又多野玩又多野學，真係好．．．帶完之後我都繼續hea，睇左本曼谷既旅遊書，嘩，好想快d到出發果日呀！

今日放工之後直接去左市中心，交左剩低既package尾數，同佢講埋d 文件transfer埋過黎屯門拎啦，而家只等佢打比我叫我去拎o者，真係好，安心晒，安排好晒喇，而家只係未好好plan下我地既行程同要去買野既target place，仲有要幫咩人買什麼既list，哈！真係越諗越開心呀！！！

頭先出左去食飯，A仔打比我話佢果刻已經到左琛圳喇，真係快呀，果時都未夠八點佢地已經食緊個晚飯喇．．．佢話佢買左d老鼠乾返來呀，嘩．．．好恐怖呀！佢話係福建既特產喎．．．我聽到都起晒雞皮了．．．點可以接受到將d老鼠放入口度食呢？真係做唔到！o．．．．十點鐘A仔終於到左香港了，真係好呀，終於到步了．．．我估佢一定買左好多野了，聽佢講佢買左好多食物呀！WOW．．．而家出邊落雨呀，都唔知佢點行了．．．真係辛苦喇．．．希望佢今晚返到屋企好好休息啦，期待明晚見到佢啦呀．．．因為實在好掛住佢呢！！！！

>>August 25, 2007 at 2:09:43 PM GMT+8

2007 年 8 月 23 日 星期四 【晴】

今日好累呀，因為琴晚半夜喘起上黎，之後就訓唔番喇，好慘呀！咁就過左一晚，好眼訓．．．

朝早帶左個團，都係小朋友，不過諗起比起琴日果班真係乖好多．．．琴日果班有部分係南亞既小朋友，呢類既小朋竹友特別曳架，因為佢地屋企成班兄弟姊妹，父母邊理到咁多丫，佢地都係天生天養架喇，任意戈妄絫咁啦，唉．．．

帶完團好開心呀，因為DIC既同事幫我同另一位同事Trista做farewell呀，真係開心．．．佢地叫左pizza同kfc食，成班人有講有笑一齊食野，真係冇點試過，因為我地中心係冇lunch hour閂門架，所以同事食飯都係各自食架，從來好少一齊食既，所以成班人一齊食既機會係極少架！食完野好飽呀，我地就係度映相，我同Trista好似做左佈景人物咁，哈！

到左下午，同個同事做埋個appraisal，哈，係要我走之前都要我做埋呢份野，用左三日就攪掂左喇，真快！同事都好合作好快就簽左名喇，唔洗煩．．．之後，今日tvb黎左我地中心拍野，又煩左我地一大餐．．．到左五點我就走了，因為今日有野做．．．

今晚我去左消委會度做written test，我真係大懵呀，我一直以為自己今日去做既test個post係consumer protection officer，點知原來我攪錯左，原來係assistant complaints officer囉．．．佢都傻架，比一條中文一條英文我地做，比左兩粒半鐘我地做．．．我唔洗七點已經差唔多做完，不過我初時唔敢做咁快走人呀，後來七點我見到有個男仔交左份野走左，所以我都快手做完就七點一走左人喇．．．其實，都唔係好難做，洗唔洗比咁多時間呀，傻架！做完之後十分麻煩，因為佢係北角渣華道果頭，所以十分不就腳，要行番去mtr行足十分鐘，跟住再搭mtr去causeway bay再轉巴士返屋企，番到黎都成九點喇，唉．．．不過可能今日食到好飽，所以不是太肚餓，我都係上左巴士食左包同一細＝包蝦條，哈！好耐冇食過蝦條了．．．

今日美麗躡打左比我話d酒店同機票已經firm左喇，而家要我星期日之前交錢，但係妹妹今朝一早佢已經上左飛機出左trip喇，佢去揚州．．．其實，揚州呢個地方，我只係知佢係南京果頭，同埋以前中學時讀過一課中文課文係講呢個地方，仲有係．．．炒飯囉，哈！呀，講番交錢先，妹妹又唔係度，咁咪要我比埋佢果份先？o．．．好可憐呀！妹妹要成三十號先返黎呀，唉，算啦，都係要交架．．．

今日A仔打左電話比我呀，好開心呢！我都好坦白話佢知我好掛住佢呀！HEHE~ 我都知佢好開心聽到我咁講呀！希望快D到聽日佢就可以返黎香港了，願主祝福佢地最後一日既行程繼續順利平安啦．．．

>>August 24, 2007 at 1:48:56 PM GMT+8

2007 年 8 月 22 日 星期三 【乍寒還暖】

今日返工繼續好hea，不過朝早本來有團要帶，但係因為佢唔夠二十人呀，所以唔洗帶啦．．．到左下午果團，雖然係同一個情況少過二十人，不過我見佢係新來港既小朋友，所以都幫佢帶啦，下不違例架喇！

今日美麗華果度無啦啦打比我，話不原來我book果個package係要加多三百蚊附加費架，嘩，睇番清楚原來真係．．．後來電話來來往往，最後決定早一日出發，可以唔洗比附加費嘛！不過，而家美麗華果邊都仲未reply我情況如何呀，所以我聽日要打去再問下先，因為果邊既人好似好求其咁，都幾擔心下呀！

頭先有個朋友再借多幾本書比我，真係好，又可以奐少少reference喇，而家多d書可以知多d野，仲有原來我本書都唔係咁齊全架咋，好在有其他書睇下o者．．．今日都曾經試過plan下個行程，不過，好似好難攪咁．．．睇黎都係等遲少少先算喇．．．

妹妹今日好忙碌，因為佢一朝早就去左整回鄉證，好在整到一張臨時既通行證咋，如果唔係就十分麻煩了．．．佢好忙碌咁執野，見到佢可以有機會出trip學野，都好為佢開心架，希望佢努力啦．．．跟住有一個星期見唔到妹妹了，佢連我同爹地既生日都陪唔到我地，哈！唔緊要啦，最緊要係學到野丫嘛！祝福佢順利同愉快啦．．．

>>August 23, 2007 at 2:50:29 PM GMT+8

2007 年 8 月 21 日 星期二 【乍寒還暖】

哈~ 今日起身果陣超累超周身骨痛呢．．．琴晚其實都開始有點痛痛地架喇，點知今朝起身就真係死左咁，完全唔想起身呀！而家好似超夜超開始痛添呀！尤其係隻右手同pat pat果兩舊肌肉，真係好痛囉，唉．．．

今日下午同左妹妹出去旺角銀行中心，諗住去book泰國既package，最後我地係美麗華book左個package，我地會9月頭出發喇．．．不過，今日好似發生好多事咁，中途妹妹個上司打比佢話後日要佢同另一個同事臨時臨急上去大陸間廠度做野，但係妹妹叫媽媽幫手chk下佢本回鄉證，o，過左期呀！唉，而家十分麻煩，妹妹佢要聽日一朝早去中旅社度整特別快證，好似整住張”行街紙”比佢先咁．．．好在佢公司話佢無論如何要整好去，所以既cost由公司負責．．．唉，而家都好麻煩，唔知聽日點攪喇．．．有時真係比妹妹份人激死，成日做野都係咁架，見到佢都真係好擔心同好心煩呀！唉．．．明知佢咁既性格做野真係死得人，但係，又唔通又唔幫佢咩，唉！煩死喇．．．

之後，我同妹妹都繼續行旺角，因為要買份生日禮物比爹地，爹地今個星期日生日喇，而我就下星期一啦，哈．．．最後買左個袋比爹地，係porter既international版，好貴呀！！不過，算啦，都冇幾何既，哈！最緊要爹地開心！今晚就會送比佢，今日仲send左個攪晒gag既msg比佢，哈，希望佢get到個meaning啦！

頭先收到A仔既電話，好開心呀！雖然佢只係講左兩句咁大把，只係報下平安咁，不過都好開心呢！希望佢地既旅程繼續順利平安啦．．．祝福佢！

返多三日工就完全結束了，心情都冇咩特別，不過，都開心有點擔心情況喇，都唔知幾時先搵到工，我都唔想糧地咁長時間，因為始終都屋企唔係完全唔等錢用嘛．．．唉！希望可以早日有好工就好喇．．．

>>August 22, 2007 at 2:34:44 PM GMT+8

2007 年 8 月 20 日 星期一 【陰】

嘩~ 今日都幾累下，朝早同下午都有團要帶呀！不過．．．其實都習慣左喇，都帶唔多幾次啦，咪頂埋佢囉，係咪？今日又係度執拾細軟，嘩，好重呢！不過應該執晒架喇，冇野要再拎．．．應該係啦．．．其實以前我可能會拎好多關於公司既特別野走，例如佢出既物品，教材．．．希望做個reference．．．不過，算啦，都唔想拎咁多野，而且屋企都要搵地方擺一排時間啦，唔想浪費左d野．．．

今日放工好趕，因為約左妹妹，堂細佬細妹八點打羽毛波嘛．．．嘩，因為堂弟堂妹佢黎左香港唔係好耐，而且又住係天水圍，好擔心佢地唔識過黎屯門呀，所以攪到好混亂．．．不過，好在八點一我地都去到打波既場地開始打．．．哈，好好笑，今次係我地第一次咁既組合去打波，過程中大家都發覺係我同細佬既球投比較好少少，而妹妹同堂妹就．．．ｏ．．．．所以，不時我同細佬都好似有心將個波打比對方，希望可以承機大家猜下波，切磋下球投咁．．．真係好好玩．．．不過都幾累下，因為今日都帶左兩個團，企左好耐下．．．但係，打完波之後，我平日既膊頭舊患好似突然冇左咁，唔再bi li ba lar，又唔痛喎，而且出左一身汗果種感覺真係幾好架．．．可能果一刻d筋骨鬆左啦．．．不過我相信聽日一朝早起身果陣就知味道喇，呵！

打完波，媽媽帶左我地幾個去食日本野，哈，大家都好肚餓，所以食左好多野，媽媽就大出血了．．．打完波就一定肚餓架喇，冇計計喎．．．呵！食完野，我地就送左堂細佬妹去搭車．．．個兩個正一係小鬼，叫佢地返到屋企打比我地，又唔打，真係激死．．．不過明白既，呢個年齡既小朋友都係要扮下大個架喇，佢要話比d大人知佢都大到一d野既．．．尤其係我細佬，十八歲人啦，我都要對佢有信心自得．．．

嘩，返到屋企好累，本來都已經唔想再郁，媽媽就開番之前錄左既電視節目睇，我又睇埋一份，睇睇下已綞十一點幾，跟住先至去沖涼．．．好累，連沖涼都冇咩力．．．哈，可能太耐冇打過波了，頭先食飯果陣都仲有點手震既感覺，可能用力過度了．．．哈，唔認老都唔得啦．．．唔得呀，一定要keep住做運動，一來keep fit，二來要令身體健康一點呀！

今日A仔冇打比我呀，唔知佢而家點呢？我都上過網睇過而家佢當地既天氣情況．．．風就冇喇，不過就下下都話有雷雨．．．十分恐怖！希望佢地成個團都平平安安，順順利利咁啦．．．願主保守佢地啦．．．

>>August 22, 2007 at 3:22:57 AM GMT+8