2007 年 2 月 12 日 星期一 【陰】

WOW．．．今朝早好忙，因為要帶一班有中度弱智既小朋友既tour，其實呢班小朋友好得意，佢地都比我想像中聰明醒目，而且都好投入，好莆答我問題．．．好好笑呀，其中一個男仔不停同我講：”黎姑娘，你好靚女呀，你真係好靚女呀！”跟住一個女仔又跟住講：”係呀，黎姑娘真係好靚女呀！”哈，當時我聽到都有點唔好意思，唯有回應佢地佢地都同樣好靚仔靚女啦，哈！另外一個女仔，佢就成日跟住我，又係咁捉住我隻手，真係好熱情，不過佢地可能真係唔係好識得點去衡量自己既力度，所以都會好大力咁捉住我隻手，最後我隻手紅晒囉，佢仲要比老師罵佢，真係慘．．．不過，今日呢個tour雖然要特別長氣用心同多愛心去做，不過真係幾開心架．．．當然唔只因為有人讚我靚女啦，哈！

到左下午lunch，A仔黎左金鐘搵我食飯，我地去左一間食日本料理既地方食野，真係幾好味架！而且又對住個冬季嘉年華，真係幾好view架．．．食完之後我地去左行街街，真係好開心呀，可以拖住手仔很supermarket，哈！之後，A仔仲送埋我上去中心，仲入左黎拎左好多關於durgs既資料走添，不過後來因為我有野要做，所以都招呼唔到佢啦．．．

到左下午，我同同事好努力咁執我地library既書，因為近日我地努力做盤點既工作，真係好煩好辛苦囉，執到傻，而家真係見到書都驚左呀！而且見到好多書又殘又舊又outdate，真係好想掉晒佢呀！我最怕d舊野架喇．．．

今晚同左同事去食團年飯，我地去左causeway bay既CEO唱，哈，真係幾grand，個toliet係埋個房度，而且d野食都唔差丫．．．我而家喉嚨都沙晒，本應我都喉嚨痛同咳，所以都唔係咁開聲，不過我覺都ok既，我至愛係唱歌架喇，所以我真係係咁唱唔停呀，哈．．．真係衰貪玩！而家超累啦，本來打算今晚去A仔度既，不過因為唱完K都太夜了．．．唯有．．．明天情人節才見啦．．．不過好在明天A仔唔洗返工，可以好好咁享受一日既情人節了．．．

>>February 13, 2007 at 3:54:29 PM GMT+8

2007 年 2 月 11 日 星期日 【微冷】

唉~ 今朝真係一肚火呀，今朝幫一個文職同事做appraisal，真係激死我，過程中佢講好多野都令到我好激心，好唔like呀，真係好煩．．．原來做supervisor係咁死激氣架，我真係今日好少係同事面前發火，今次真係第一次，呢個同事令我大跌眼鏡，我完全冇諗過佢會同我講一d咁不負責任，咁唔理上司同下屬關係既說話．．．不過算啦，果d所謂公務員係咁pk架啦，成日睇唔起我地呢d非公務員但係又高級過佢既人．．．好，同自己講唔可以激心，因為真係好唔值．．．

講番d開心野，今晚同左一個朋友食飯，我地去左一間貓貓cafe食，哈，呢個朋友已經有好幾年冇見喇，一見今次就大派紅色炸彈，哈．．．不過，真係好為佢高興既．．．但係最衰係佢結婚果日我要返工去唔到呀，真係可惜．．．好在今日送份禮物比佢佢都好鍾意，同埋仍都覺好見洗，咁就好喇．．．係食飯當中，大家都討論到我同A仔分手同再一齊既事，A仔當然佢十分之尷尬啦，而我．．．確實有點兒衰仔，係到講佢d不是，令佢都唔多唔少好尷尬同唔開心．．．或許人就係咁衰，親有機會發洩不滿既時候，就會食住係咁上，唔會理人既感受．．．唔，希望A仔唔好嬲我啦，我知道佢明白我既，佢點會咁小氣呢，係咪？

唉，睇黎情人節果日A仔都係要返工架喇，真係有點失望同唔開心呀．．．本來拎左假架嘛，而家又要人返工，真係冇癮啦．．．不過冇計，工作要緊既．．．

聽日會同DIC既同事去食團年飯，我地會去NEWAY唱K呢，哈．．．真開心！好似未試過團年飯係去NEWAY囉，YEAH~ 好開心同好期待，因為今次係第一次同D同事去玩，希望可以有個開心愉快既晚上啦，將一切都交托比神啦．．．

>>February 12, 2007 at 3:34:30 PM GMT+8

2007 年 2 月 10 日 星期六 【微冷】

今日好可憐呀，因為琴晚開始感覺到有d唔舒服喇，又流鼻水又咳又喉嚨痛，嗚，好慘呀！琴晚訓之前已經食左好多藥先訓，但係今朝都好似冇咩起息咁，所以今日決定去健康工房買d感冒茶飲．．．好苦苦呀！一個治療要飲三杯呀，而家已經飲左兩杯喇，頭先下午食完lunch之後飲左一杯，唔知係心理作用定係點啦，真係好似好左dd咁，不過個喉嚨仲係好痕，成日係咁咳，咳到就黎死喇．．．但係喉嚨痛問題好似好左少少，可能因為食左好多粒思必樂喉糖卦，好似好左好多咁．．．唔，希望可以快d好番啦．．．

真好，約左個好姊妹星期四下午去尖沙咀行街，好耐冇約過佢喇，真係好掛住佢架，哈！可以行街街買靚野喇，要買新衫過年呀！不過．．．今日睇報紙話年三十晚好似有成二十四度喎，哈，真係好怪呀，今個新年唔通可以著短袖衫？哈！咁樣好似冇咩新年氣氛咁囉．．．不過算啦，人大左都冇咁好似以前細個咁，年年都好期待過新年，為左豆利是，哈！而家人大個左，只係為左想一家人可以齊齊整整咁聚一聚，食下飯，傾下計，玩下咁．．．已經唔同晒心態喇．．．唔通．．．真係老左喇，哈！

聽晚好開心，因為有個好朋友聽日約左我地一班人，因為．．．佢會派帖啦，佢三月結婚呀，真係為佢高興，佢仲係要我夢寐以求既係教堂行禮呀，真係好羨慕．．．另外，我有個朋友仲浪漫，係情人節2月14日係澳洲註冊呀，哈，真係浪漫死人囉．．．其實有時候聽到身邊有朋友結婚，除左為佢地高興外，其實自己都好想好似佢地咁，早日步日教堂，找到自己深愛既人，同佢可一生一世咁守著承諾係埋一齊．．．唔知，幾時呢一日先會發生係我身上呢？我好期待．．．唔通，人老左就好恨嫁？哈！

>>February 11, 2007 at 11:48:03 AM GMT+8

2007 年 2 月 9 日 星期五 【晴】

今日返到屋企後就同妹妹去左市中心行街，我地又去左SHOPPING，哈，藉口就係新年要買新衫．．．但係最後我都只係買左一件衫，但係又買左我至愛買既鞋同內衣，哈！唉！媽媽又話我做乜買鞋，因為之前好經辛苦將鞋既數目減到去四十對，但係近日又買番多幾對鞋，所以而家鞋既數目又可以上升番喇，哈！冇計，買鞋完全係我個人既喜好，我真係好鍾意鞋，開心又買，唔開心又買，晴天又買，落雨都可以買．．．哈！

呢兩日除左個胃唔妥之外，仲好似有少少作感冒咁，有幾聲咳，有鼻水，仲有喉嚨痛添，好可憐．．．希望唔好再病落去啦，因為已經成日病架喇，成日病既感覺好差．．．唉！而且就黎新年喇，仲有大把熱氣野會食，所以更加唔可以病呀！

聽日又要返工了，聽日冇TOUR要帶，可以專心去計劃一下我下星期點樣同個同事做APPRAISAL．．．今次係我第一次做SUPERVISOR同幫人做APPRAISAL，所以唔多唔少都有點HESITATE呀，不過，我都問左A仔，請教左佢，因為佢話晒做左三年SUPERVISOR，知道應該點樣做．．．其實我今次第一次HEAD人，我都唔係咁識得點做好架，所以好多時都要向A仔請教，好在有佢呢個軍師咋，哈！不過我相信做SUPERVISOR對我黎講係一個相當好既經驗黎，我要好好把握同珍惜呀！

>>February 10, 2007 at 3:44:09 PM GMT+8

2007 年 2 月 8 日 星期四 【晴】

今日都算係黑仔了．．．首先今朝早返工塞車，由屯門公路開始塞，塞到去汀九，之後再繼續塞，去到青衣隧道終於順暢番，點知出到去上環又塞過，最終成九點七先至返到去中心，趕到我死，因為今朝十點早有tour要帶．．．好啦，返到去啦，開始帶tour喇，帶到中途又突然間好似先幾日咁個胃同腸”乸”住痛，抽晒根咁，真係好慘，一路帶一路痛，幾經辛苦先至帶完呀！後來，都係項唔順，下午請左sick leave返黎睇醫生啦，唉！醫生話我腸胃炎喎，仲要我抖番兩日先得，好慘！可能之前去澳門時食得太多啦，唉，我呢d真係妹仔肚黎架，唔食得好野同多野架，所以話養我好平架咋，唔洗比d好野同多野我食，哈！

今日約左A仔去玩，真係開心喇，又可以同佢二人世界了，佢製造了一個很浪漫既晚上比我，佢話當係預早慶祝情人節．．．哈，之前去澳門間旋轉餐廳食BUFFET都話係預早慶祝喇喎，而家又預早慶祝，哈，真係好笑．．．當然，其實一對情人好既話，日日都可以係情人節啦，哈！我想起佢曾經講過，如果懂得珍惜每一次一齊既時間，懂得欣賞平凡中既平凡既話，每日都可以係情人節．．．我而家真係完全好感受同領略得到了．．．

>>February 10, 2007 at 3:44:40 PM GMT+8

2007 年 2 月 7 日 星期三 【晴】

今日日子都容易過，朝早落一落中心又HEA一HEA，之後好快又到下午，帶完TOUR之後又留左係中心做野，好快又完左一日喇．．．琴晚訓之前唔小心撞親右手手爭，嘩，當時已經係痛到標眼水，真係好痛，痛左成晚，到左今朝都仍然好痛，到而家為止都仲係好痛．．．好驚撞親D骨呀，唔會有事卦，而家望真D好似有D腫左咁，好痛呢！

頭先放工返到屋企好努力咁裝個新HARDDISK既WINDOW XP，哈，好叻叻呀，自己裝呢！不過而家仲字將舊果部既野過番落部新機度，要問下人點整先得．．．

可能呢兩日太奔波了，所以今日好疲累，成日都係度恰眼訓，放工時一上車就係咁訓，訓到落車，都係十分之眼訓呀！聽日仲要捱呢，有排捱呀，要到下星期三先再有假放喇，真係可憐！好期待下星期三情人節呀，我同佢講左我咩都唔理架喇，要佢安排，我唔要好虛渡咁過呢個情人節架，我要浪漫浪漫，仲要．．．HEHE，收禮物！

>>February 8, 2007 at 3:01:26 PM GMT+8

2007 年 2 月 6 日 星期二 【晴】

yeah~ 去完澳門返來了．．．今次既旅程十分之開心，當然啦，因為可以同A仔去玩玩丫嘛，必定係開心架啦，哈！二來，今次都去左一D之前未去過既地方；例如，”愚人”（漁人）碼頭啦，嘩，去果時超曬超熱呀，我都係咁除衫，哈！不過去到都冇咩好睇，可能早左少少卦，所以有D冷清咁；跟住仲有觀光塔同埋食埋個360度旋轉餐廳BUFFET，YEAH~ 上到五十八樓望番落去都真係幾驚下，尤其係腳下既玻璃都唔知穩唔穩固既，哈！當然，食呢個BUFFET就真係正到爆啦，一來有好多唔同既野食，尤其我至愛既甜品特別正，二來個氣氛又好正，足足兩個鐘先轉左一個大圈，而且個VIEW十分之正啦．．．

除此之外，我都去左兩間賭場參觀，只係參觀o者，我同A仔都係唔賭錢既人黎既，我地去左新開間”永利”，佢都幾正下，有賭場又有商場，仲要對到正葡京擺明對抗，哈，唔怪得之葡京要開間”新葡京”去示下威啦！仲有，我都有去左”金莎”，去到純粹真係呃野飲，哈！不過又幾好服務架，有唔同既野飲比你揀，唔錯！哈，我地真係擺明去呃野飲，又唔玩，連老虎機都冇呢！

今次既旅程真係主要陪A仔買佢至愛既酒，真係好勁，買左好多枝，一早計晒QUOTA睇下可以帶幾多，哈！真係好重呀．．．我地第一晚已經買左好多，後來訓之前又飲左一枝細既，嘩，我飲左三分一度都已經有點醉喇，後來真係超眼訓，好快訓左，兩個都飲到”PAIR PAIR乎"，一訓就訓到第二日十一點幾，哈！我地攪笑到連最後一日臨上船前一粒鐘我地都仲要去埋葡萄酒博物館呃酒飲．．．不過，我地今次試果隻酒真係幾正，好DRY，好甜，連我都飲得到既都唔會太難飲架喇．．．佢係一枝甜既白酒，有成十七度架，都幾勁下，不過真係好易入口，唔錯，所以我地後來都買左幾枝細既，諗住方便D飲！

我都買左好多野食呀，哈，我至愛食野．．．不過好慘，今次去一去玩又肥左好多喇，因為食左好多野，尤其係去澳門就慘，一定狂食野，哈！因為實在有太多好野食了！加上夜晚又食BUFFET呢！不過真係幾ENJOY食BUFFET既過程，A仔話當係預早慶祝住情人節先，哈！諗起都幾浪漫下架！

哈，終於知道左份禮物既答案．．．雖然佢都係冇正面回應個真實答案係咩野，只係答：盲公繩既背後意思”．．．又係要諗．．．不過佢話同我之前估果D差唔多喎．．．真係激氣，又唔講答案喎，係要人估估下．．．唉，真係衰！不過，我知道同好感受得到既係，佢一定係真心咁對我的．．．

>>February 8, 2007 at 2:54:52 PM GMT+8

2007 年 2 月 4 日 星期日 【晴】

今日返工都冇咩特別，只係食lunch時為一個"阿姐"級同事做farewell，因為佢9號走人喇．．．不過呢餐咁既飯真係貴囉，食左每個人成二百幾蚊呀，簡直食左我隻車咁，傻架！食lunch o者，唔洗好似食到去飲咁卦，又東星斑又燒味咁，傻架，我仲要食到中途走左人，因為中心唔夠人手．．．唉，真係十分之唔抵，如果唔係因為呢d咁既政治飯局，我都唔會去呀！

跟住放工之前好開心，收到A仔既電話，佢約我一齊出去旺角，當然十分之開心咁答應左去啦．．．我地行左好多地方，仲去左廟街食煲仔飯同蠔餅，YEAH！好味！之後行左旺角好多地方，仲有行廟街啦，買左好多碟呀，今次有排睇喇．．．行完之後十分之累，加上．．．唉，著左對新鞋仔，仲要冇著襪，咁就出事喇，超過刮腳囉，刮到我行路好似柺柺下咁呀，幾慘呀！好辛苦先至慘到返屋企咋．．．

HEHE~ 聽日同後日就會去澳門玩喇，真係好開心，呢排都十分期待呢一日架喇，終於來臨了，真係好．．．YEAH~ 可以同佢開開心心咁去玩喇，好野．．．算佢啦，當係補番八周年紀念冇同我去玩．．．

>>February 5, 2007 at 2:48:26 PM GMT+8

2007 年 2 月 3 日 星期六 【晴】

哈，今日好乖乖，一朝早起身就返左教會崇拜，yeah~ 崇拜完左之後就同左屋企人去食lunch，我地去左別府度食，嘩，都唔平囉，d野又細碟呢，真係覺得有d唔抵咁，因為今餐係我同妹妹夾份請爹地媽咪食既．．．算啦，都冇幾何既，最緊要係一家人開開心心去食飯嘛！

之後，我同妹妹去左行街街，我地行左好多地方，我都好似有一段時間冇點行過街shopping過喇，不過今日都只係買左一條裙同一樣頭飾咁，都冇點買到心水既野．．．行完之後見肚餓，就走左去time square門口間築地章魚丸度買左十粒食，都幾好味，我就覺得同以前食既無咩分別，可能分別在大粒少少卦，味道真係差唔多咁．．．不過妹妹買左杯抺茶牛奶又真係幾特別既，有少少似奶茶咁，不過就冇咁濃味囉，淡淡地咁，都幾得意！

呢幾日都訓得唔係咁好，琴晚同樣係咁，可能成晚都係度諗緊究竟A仔份禮物既背後意思，真係好頭痛呀，今朝起身時周身骨痛呢，真係頭都爆埋，都唔知個答案係咩．．．哈，真係好想快D知道呢！

聽日返多一日工又可以放番兩日假喇，諗起都幾爽下．．．不過過埋呢兩日之後又要捱六日工喇，跟住先再有假放．．．唉，放得假去玩既都預左要還架喇，哈！

>>February 4, 2007 at 3:11:44 PM GMT+8

2007 年 2 月 2 日 星期五 【晴】

今日係我同A仔既拍拖8周年紀念．．．但係今日並沒有特別既慶祝活動呀，因為佢要帶CAMP，所以我地只係食左個LUNCH．．．不過呢個LUNCH既時間確實令我好懷勉八年前既事．．．首先我地係屯門市中心沿住置樂果邊行番去我以前中學附近，跟住我地去番八年前去過既茶餐廳食LUNCH，我地仲要坐番係果時我地坐果個位，而且係EXACTLY果個位置，哈！估唔到佢仲記得晒呀！真係有點兒感動的．．．跟住，我陪佢由市中心行去青山村果邊既學校，因為佢就係要帶果班人去CAMP．．．之後，本來我係約左個好姊妹，但係因為D時間太趕喇，所以最後都取消左個約會．．．所以我最後都係返左屋企．．．

今日A仔送左一份禮物比我，份禮物並唔係什麼好貴重既野，係可以話一件冇咩價值既東西．．．不過，佢話裡邊既東西背後係有意思．．．佢叫我諗諗．．．但係．．．我真係唔知呀，我最怕要估架喇．．．不過，收到一份要考我智慧既禮物都好特別既！

我估．．．唔通件東西係意味著將我地兩個人連在一起？而再將我地放埋係同一個世界裡邊，而且我地既愛係大家心中最深深處，沒有人可以分開我地？．．．哈，莫非係．．．”在世界中心呼喚愛”？定係佢想講果件東西係代表著我，而佢已經將我放係佢心中最深深處，點樣都拎唔走？．．．嘩，唔知呀，好想快D知道答案，佢話遲D先講我知呀．．．真係好心急想知呀，唔知我估唔估得中呢？

點都好，我會等待答案出現的．．．要耐心等候呀！

>>February 3, 2007 at 2:54:45 PM GMT+8