2007 年 7 月 4 日 星期三 【晴】

wow，今日好忙呀！朝早帶tour，跟住１２點完左之後就即刻要食飯，因為１點３再有tour要帶．．．好辛苦呀！攪掂左兩個tour之後就已經３點了，我就要立刻返番上去３０樓，因為今日話要做appraisal丫嘛．．．點知上到去，主任話因為阿姐佢冇時間做喎，所以遲d先再約做過．．．我都冇所謂既，幾時都ok既．．．

不過都同左老細傾左成３粒鐘呀，當中除左做番之前活動既檢討之外，都傾左好多野．．．我發覺呢個老細真係好唔掂囉．．．唉，真係令人失望既一個老細！！我發覺好似我倒番轉頭去supervise佢咁囉，哈！同埋而家發覺自己越來越唔適合做政府工囉，唉！真係好想快d搵到份好工囉．．．希望呢兩個月可以有個好既工係我面前出現啦．．．

放工之後就同左A仔去大角咀果頭，因為今日攀登果度要補堂，不過．．．上左半堂我就走左喇，因為一來發覺個堂好無聊；二來因為今晚我趕收一個EMAIL．．．我聽日會去見工，要見我果間野話要SEND份野比我做，但係要我一個鐘頭內做好，所以今日好趕住返黎呀．．．點知返到黎十點一，都仲未收到份野，直至十點半果個人先打黎話因為有少少MISTAKE所以果刻先SEND比我．．．我好快手唔洗一粒鐘已經做好SEND番比佢喇．．．唔，唔知聽日見工會點架呢？都係早少少攪埋D野訓喇．．．

>>July 7, 2007 at 4:37:02 PM GMT+8

2007 年 7 月 3 日 星期二 【晴】

今日訓到成十一點先至起身，不過A仔話訓得唔多好，因為我成日搶晒佢D被被呀．．．O．．．真係慘了！我都唔想架，SOR SOR呀！之後我陪佢搭車返工，今日天氣又晒又熱呀，要佢踩住部單車真係辛苦了．．．

後來，我終於忍唔住口問佢有關釣墨魚既事，佢話已經CONFIRM左，原來佢打左電話問左我一聲之後先再打比人CONFIRM件事．．．雖然果一刻知道左之後有少少仍然唔開心，因為知道佢放假都陪其他人去玩！其實，諗諗下我都好似未試過同佢去過釣墨魚添，唉，開始有點心UP！仲有，唔知佢帶個女仔去玩，唔知佢D朋友會點諗呢？會唔會以為果個女仔係佢既新女朋友？因為我地班朋友早前都知道我同A仔係分左手，不過我地一齊番之後都冇同佢地講過喇．．．哈！．．．唔理喇，呢D野等佢自己攪掂去，我唔理喇，總知，我未來同佢一齊既日子流流長，我唔信我呢一世都同佢釣唔到一次墨魚？！

返到去屯門後就同媽媽飲茶茶，我地叫左好多野食，因為有好幾個朋友一齊飲．．．其中媽媽個朋友又帶埋個孫女黎，我又承機同BB玩．．．不過，真係好累，而且個B好曳好煩呀，我係度諗，而家D小朋友真係巴閉，D家長錫佢錫到汁，簡直就到出屎呀，鬧都唔鬧一聲，個小朋友係咁易扮下喊一聲，個家長就好似買晒佢怕咁，TUM佢TUM到出晒面．．．唉！而家D人既態度同品格越來越差，都怪唔晒因為其中有一班來自大陸既人，而係根本而家既家長都唔識得點做一個稱職既家長！有時真係幾痛心D小朋友變成咁樣，都唔知日後個社會會變成點了．．．好可惜吧！所以，我自己都唔打算生小朋友喇，係教得好，有時間有心機去教就係囉，唔係就只係連累個社會更變壞架咋，唉！

返到屋企之後，媽媽有朋友來了屋企，打算向佢請教上網做股票買賣既事．．．其實都幾特別既感覺，因為媽媽以前都可以話係一個”電腦白痴”，雖然而家有時都係．．．哈，不過，而家竟然可以去教人喎，真係幾攪笑下！不過都好既，起碼咁樣EMPOWER左媽媽佢，知道自己都有用處！有時都要讚下媽媽架，佢都識好多野架，自己都幾PROUD OF佢架！咁我一個人悶悶地咪係度睇下雜誌，聽下歌咁啦，咁就到左四點半喇！之後，媽媽出左去做GYM，我自己一個在家！本來，今晚係約左個朋友仔出街架，點知佢病左呀，咁就梗係要佢在家好好休息啦，約左下星期先至見面了！都不在一時啦，係咪？所以而家有時間，就上下網搵下工了，因為明天要做APPRAISAL了，我點知人地會續我約定趕我走架？！都係留有一線好D吧！

其實，聽日都唔知會點，而家心情都係麻麻地，輕鬆唔到去對待件事．．．我以前往往都可以”天趺落黎當被COM"架，而家我唔知點解完全做唔到．．．可能，呢度D人根本一點都唔尊重過我既專業啦，成日都覺得社工係廢，可有可無．．．所以，我都預左分分鐘會唔續我約，話覺得原來請個社工返黎係廢！講真，我相信唔係我廢囉，而根本係權力既問題！我冇權力去做任何既野時，佢自然會覺我係廢囉，因為我每做一樣野都要經過佢地所謂既PERMANENT同事或者係上司通過丫嘛，就連簽一份CLAIM錢既FORM，我地CONTRACT STAFF都唔可以簽，當然，你話我係SMALL POTATO簽唔到唔緊要呀，之但係連我個CONTRACT既上司都唔可以簽囉，真係吹脹囉，身為一個中心主任都唔可以簽，咁佢仲可以APPROVE到什麼呢？合約員工真係冇地位可言，我終於明白什麼是”官官相畏”了．．．咁我地呢D CONTRACT STAFF又點會唔廢呢？唉，所以，我都係括出去架喇，只要自己認為問心無愧，已做好自己本份，人地要點睇，點評價，點去安排都控制唔到了！因為在政府工既世界裡，根本冇什麼公平，平等，尊重專業(因為佢地只會認為自己係一個專家)，同工同酬．．．BULL SHIT！成日係公眾面前講什麼公平公開公正，又話什麼會重視人才．．．所有野都係廢話黎架，我而家越來越討厭政府工囉．．．什麼人工高，福利好，職位穩定．．．係就係，不過係PERMANENT果D人囉，而唔係我地呢班完全被欺壓既合約同事囉！

唉，聽日都係做好自己本份就算，我唔會出什麼聲，佢如果話續我約，我都會FIGHT人工會否加囉，如果冇既我都真係要考慮下喇，因為我而家出到去，分分鐘可以搵到份更好人工既工，而且起碼會有人尊重我既專業丫！如果佢唔續既都OK架，起碼唔洗煩，因為我而家都開始左搵工架啦，我唔信自己呢兩個月內搵唔到份好工囉！講真，呢份工都唔係好值得繼續囉，雖然做既工作範圍都幾OK，而且一個星期只係返五日，不過好多人事同工作流程上都好多麻煩野，而且冇人工加都係一個好重要既問題，加上都冇發展機會，一世都係唔會有機會改變！我唔想咁囉．．．其實，有時我都矛盾架，問過身邊既人意見，有D會覺得始終係政府工，因為我身體唔好，做政府工可以O岩我多D喎．．．不過好似佢地從來睇唔到”合約政府員工”既唔好地方，佢地只知道PERMANENT既好；但係有些人會鼓勵我嘗試轉工，因為人工真係唔好，而且相信可以找到一個更好既工作環境！之但係有時又會講呢份工既好，什麼返工時間好，可以有時間進修，而且工作內容唔辛苦等．．．

唉，所以我而家都心煩呀！因為始終我都有個決定，聽日當上司問到我時都唔知點答好，唔通話要考慮下咩，始終都要有個答案比人架！唉．．．煩呀！！要好好考慮下喇．．．睇黎，今晚都係會訓唔著架喇．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

”親愛既天父神呀！究竟我應該點好呢，應該有什麼決定好呢？而家既心情真係好矛盾，好不安呀！希望神你可以比D啟示我，讓我知道我應該如何是好？！亦希望神你可以協助我穩定心情面對明天既過程，我願意將一切都交到神你手中好讓你去為我安排！我以上既祈求係奉靠主耶穌基督既名而求，誠心所願．．．”

>>July 4, 2007 at 10:59:29 AM GMT+8

2007 年 7 月 2 日 星期一 【晴】

嘩~ 今日係放假後第一日返工，真係十分之眼訓同累呀．．．因為琴日行完山，而家雙腳好似唔係自己咁，好累好累．．．鬼叫琴日行完山之後仲要曳曳，話要去行街街呢？攪到自己同A仔都累到要死呀！唉．．．

今日都好忙下呀，因為朝早同下午都有TOUR要帶．．．今日好攪笑，我返到公司，明明記得今日我老細應該係放假架嘛，唔知無啦啦見到佢出現喎，其實已經心知不妙，我估可能發生左D事，所以佢今日要返工．．．但係因為今朝太忙了，所以冇時間去了解．．．後來，我落左中心先知道，原來琴日停電，所以佢地幾個返左工既同事就無啦啦放一點，但係就可以當係打風咁處理，即係可以補番一整日既假期．．．真係HAPPY喇，無啦啦賺左，哈！聽同事講，由開館至今從來都冇試過停電架，所以今次都算係創舉了，哈！老細又講話自己黑仔了，因為從佢黎左之後，中心總係好似發生左好多以前未發生過既事，哈！

忙左一整日，之後都冇咩心情同心機做野，即使係要同我個下屬約時間做APPRASIAL都冇心情約呀，而且我都好忙，都要大家就時間先得．．．睇黎今次又有可能要遲交佢份APPRISAL比HR果邊了，呵！唉．．．

聽日又是放假天，之但係．．．個心情都係麻麻地．．．唔知點解？可能．．．因為星期四要同老細做APPRASIAL，所以好大壓力，好擔心，好唔知點好？真係不可以預計得到既過程呀！其實，都幾痛苦，我完全不能夠好似以往咁輕鬆對待．．．因為，我好MIND人地點睇我，同埋對我有什麼評價．．．如果對方好狠毒咁同你講唔再續我約時，我真係好怕自己會有”無地置容”既感覺呀！唉．．．

定係．．．因為聽到A仔話在我特登放假陪佢果日，佢寧願帶個女同事去釣墨魚，去玩，都唔打算去陪我？唉．．．女人就係咁矛盾！把口就話：”唔緊要啦，你地去玩囉，我OK架”，其實就唔係咁諗．．．講真，有邊個女人喜歡自己既男人同第二D女人去玩唔理自己架？就算對方已經點安排好先陪你後陪其他人，始終都會覺得自己係被忽略既．．．女人就係一個咁喜歡完全地擁有既生物！其實．．．有少少心酸或者呷醏都係正常O者，係咪？．．．唉，要做一個大方既女人，同埋同得一個喜歡同女仔玩既男人一齊，本應就預左係咁，鬼叫自己口咁愛佢？大方就要大方到底，而且就係要對呢個男人有信心嘛！雖然，我知道佢唔會有咩野發生，之不過．．．個心始終有點UP UP地，哈！講真，要做一個大方既女人一D都唔易！我明白有時候女人寧願選擇做一個男人背後大方得體既女人，做好自己本份，都唔會要自己做一個係男人面前小器小家既女人，咁只會令男人更討厭自己！

今日去左接A仔放工，唔知呀，自己心情已經唔多好，見到佢同D同事一路搭車時都有傾有講，我都插唔到咀，因為佢地講既野我都唔清楚，真係有少少好似怪咁，當時真係更加冇心情去講野．．．加上，我特登今晚唔問佢關於佢同女同事去釣墨魚既事，點知．．．佢真係可以提都唔提一聲喎？咁我更加心情差！佢點解唔再同我提下件事既？係咪已經CONFIRM左？唉．．．A仔佢問我做乜今晚唔出聲，我都唔知點答佢好！唉．．．只知道自己心情唔多好．．．但係又唔想佢因為自己而影響佢心情都唔好！唔通同佢講我呷緊醋，嬲緊佢唔同我講番件事咩？．．．事實上我又真係唔想做到咁專制，唔通同左我一齊之後就要”斷六親”咩？我自己都唔想咁啦，我都希望結婚後都可以繼續有自己既朋友同原有既生活啦，之但係我認為人生到左唔同既階段，有左唔同既身份角色後，就唔可以再好似以前咁唔理身邊人既感受，再繼續一意孤行了，反而要成熟一點，懂得去分配，選擇同安排怎樣才是最適合！其實，我明白係需要時間去學習同適應的，所以要把握時間同機會去嘗試去做嘛！不過，我都知唔係一朝一夕可以做到既，所以，最緊要係雙方好好溝通同調節呀！

其實做女人有時真係矛盾！又要錫住個男人，唔想個男人同自己煩埋一份，又唔想佢都唔開心埋一份，又唔想對方知道自己呷鳭乾醋，所以就選擇左自己一個人煩惱，唔開心！但係換來既係更加既唔開心，因為個心其實又好想有人關心自己，明白自己，希望對方會好醒目咁知道你唔開心，會主動去慰問你，同你解釋令你呷醋既事．．．之但係，男人就係一D都唔醒目既生物！唉．．．總知一句，而家個心情好煩悶，但係又說不出口是什麼？！

>>July 4, 2007 at 10:06:43 AM GMT+8

2007 年 7 月 1 日 星期日 【乍寒還暖】

今日好充實呀，因為今日同左幾個朋友一齊去行山．．．我地去左行魔鬼山呀！事源係A仔佢遲D要帶D細路去呢度行山，所以就親今日去定PRE-TRIP先囉，哈！不過都好，我都可以承機行下山，去玩下．．．

其實之前我都同A仔一齊去過魔鬼山架喇，當然已經係好幾年前既事了，所以今次都特別唔同，因為同其他朋友一齊去．．．我地一行四人係觀塘出發，去左沙嗲王食左個LUNCH先至再出發；我地先搭小巴上到去藍田公園，之後再沿住公園行．．．沿途風景真係靚，可以見到藍田同調景嶺一帶既風景，真係發展得好快，越來越多樓宇建築！我最喜歡就係去到炮台山，果度好特別，我地見到好多山洞，本來打算行入去既，不過．．．見到有好多蜘蛛網，所以．．．哈，有機會先啦！我地上到炮台山，嘩，好特別呀，好多好古老既炮台，好正呀！好開心呀！跟住我地繼續行，最後去番油塘．．．落到去油塘就去左間餐廳度食野，食到半路個天落好大雨呀，真係好彩，因為天公對我地真係好，我地成個旅程都係天氣好好，有太陽又有少許風，所以十分之正．．．好在落左山先至黎落雨咋，如果唔係就麻煩了．．．

食完野我地就去左搭MTR去番旺角，我地就各散東西了．．．我同A仔就自己行街，行左好多地方，後來我地行到八點幾九點就走人了，因為明天要返工嘛，不可以太夜了．．．返到屋企，媽媽就煮了個麵我吃，真係好，有媽媽麵吃，哈！

而家開始覺得好累了，明天不知道會否不願起身了，哈！所以．．．今晚都係早點休息好了．．．明天又是忙碌窆開始吧！！

>>July 2, 2007 at 2:53:21 PM GMT+8

2007 年 6 月 30 日 星期六 【乍寒還暖】

今日一朝早起身返了教會，不過因為妹妹佢又遲左，所以我地都遲左到．．．哈，不過正因為我地遲左到，所以可以係返教會既途中見到八一軍隊既降落傘表演既其中一部分．．．YEAH~ 就係見到佢地落住黎個背後噴住紅煙果一幕喇，哈！

完左教會之後，我地都快手返屋企了，因為知道今日又有遊行又有表演又有循遊，所以都唔敢搭巴士，都係搭MTR好D．．．返到屋企就約左媽媽落街食野，我地去左食日本野．．．返到屋企，因為我太眼訓了，所以訓左一粒鐘，後來比A仔既電話叫醒左我．．．A仔佢今日會黎我屋企食飯，因為今日有正野食．．．媽媽佢之前透過朋友訂左D好正既三文魚同安格斯牛扒返來，嘩，正到爆，有好野就梗係預埋A仔份架啦，所以今日佢都過左黎一齊去貿享咁美好既一餐．．．

佢黎到之後，A仔話要再戰我既大富翁，所以我地又開了戰．．．玩到半路，我地就食飯了．．．嘩，今餐十分豐富，有安格斯牛扒，有媽媽自製既羅宋湯，新鮮既三文魚，牛油法包．．．．加埋爹地特登去買既芥末醬，簡直係絕配呀！！好好味．．．食完之後我同A仔再大戰大富翁．．．最後，佢勝了！哈．．．其實係我冇心機再同佢玩落去，所以就．．．比佢勝啦，哈！

之後，我就同A仔返左元朗，返到黎，唔知點解開始有點肚餓了，哈．．．死啦，而家食大左個胃喇，近排呢兩日食得太多太多．．．可能．．．壓力卦？！

>>July 2, 2007 at 3:03:15 PM GMT+8

2007 年 6 月 29 日 星期五 【雨】

天呀．．．今日終於攪掂單大野喇，真係好，個人而家好似突然COLLAPSE左咁，因為近日實在太TIGHT了，忙到飛起之餘，仲成日訓得唔係咁好，成日都半夜醒左呀，唉．．．我都唔敢同A仔同屋企人講添呀，個人真係充滿左壓力，煩惱！不過，仲有大把煩既野跟住黎呀！．．．

今日個活動基本上我覺得過程都好順利，只係．．．出席人數方面太差了．．．我地出了共五百多張飛出去，之但係得五十多人黎．．．都係得一成既回應，其實都真係幾灰架！不過，呢D野真係控制唔到架喎，加上我地活動一開始就黎落超級大雨，真係天公一點都不造美呀！！所以．．．我覺得最重要係已經做左自己本份已經好足夠了，如果老細都仲要怪罪落黎既，我都冇野好講了．．．

而家個人超累啦，簡直係連雙眼都就黎打唔開喇．．．好眼訓好累，尤其係雙腳，我足足八個多小時冇坐過呀，成日都做跑腿，我老細又返黎又話病左發燒，所以佢成日都係係OFFICE度訓覺，冇出過黎咁滯！我就一腳踢啦，唉．．．不過算啦，最重要係我都可以HANDLE得到丫嘛！

下星期四要同老細做APPRAISAL了．．．其實，都有點不知所措．．．雖然，我清楚知道自己既立場就係，如果對方話唔續我既，我都OK啦，因為都預計過自己唔會再係呢度做．．．之但係如果話續我，咁我又點好呢？繼續做住先定點？但係如果唔加人工既我真係冇興趣做囉．．．唉，而且都預左老細一定有好多野要”丙”我架啦．．．不過，我而家都賴皮架喇，樣樣都只會應”哦”，或者”好，你話點咪點囉”．．．哈！算啦，都係唔好諗咁多，隨心所欲就最好了．．．煮到埋黎咪食囉．．．我估自己可能到時最接受唔到既係．．．一D好唔合情理既野比人老屈我有問題囉．．．又或者比人話唔續我，而又講好多唔合理既原因！我真係由初初出黎做野到而家都未曾接觸過D好少少既老細，所以成日都經歷呢D唔開心既回憶．．．有時候真係諗，我幾時先可以遇到個好老細或者係一份好工呢？開始有點厭倦了．．．

>>June 30, 2007 at 3:09:27 PM GMT+8

2007 年 6 月 28 日 星期四 【雨】

唉，今日既天氣都仍然麻麻地，真係令人擔心聽日既情況會係點呀．．．

今日好忙，忙到連飯都冇胃口食．．．完全係去到lunch時，出到去都唔知食咩好，最後買左件三文治，之但係都冇食到，係去到四點幾果時，見到件野放左係度好似好浪費咁，所以先至食左半件咁大把．．．因為真係完全冇胃口食野，忙到飛起．．．

放工之後都仲有好多手尾要跟，超煩呀！約左A仔係聯合度等，嘩，好耐冇行過聯合，好似近排D野靚左好多喎，我指D衫呀，好想好想睇呀，都見到有D都想買．．．不過．．．比A仔阻止了．．．

後來，我地去左果間”第尾牛扒”度食．．．其實，又不外如是O者，又唔見真係咁好食，不過又唔係難食既．．．佢好係好在陪晒大件囉，而且價錢都幾合理．．．塊扒等如我兩隻手板呀，我都係食左三份二度，已經好叻架喇．．．

食到飽飽就去上堂，今日呢堂係LAST喇，不過．．．都幾有感受同幾好玩．．．我同A仔比人擺左上台，真係上左台架，做示範嘛，哈．．．雖然，初時我真係有少許尷尬架，不過，又幾好玩既．．．大家都係玩得之人，自然可以好快就投入到，哈，當做舞台劇囉，我鍾意玩話劇架，哈．．．

放學都已經好夜，十點幾，仲要好慘咁企住返屋企，冇位坐呀，好慘慘．．．返到屋企腳仔都軟晒喇，唉！快快手訓覺了，聽日又要一早，仲要做大型活動呀！！天呀，真係開始擔心了，希望聽日順順利利啦！

>>June 30, 2007 at 2:59:02 PM GMT+8

2007 年 6 月 27 日 星期三 【雨】

今日朝早返工果陣遲大到，因為屯門公路同中上環一帶都有塞車呀，攪到我成九點半先至返到去．．．不過好在有同事都同我一樣遲到o者，唔洗太樣衰．．．

今日好慘，因為每個月一次果d又來臨了，攪到我成日都頭痛到死，之但係又要成日都帶tour，朝早一團下午又一團，真係死左咁，好痛好痛．．．痛到個人都傻左呀！

放工之後，今日放五點，好開心，好似好耐冇試過放五點了．．．就約左A仔係金鐘MTR度等，之後一齊去左又一城行左一陣，仲要埋野添，跟住我地再搭車去鑽石山，因為今晚要去上運動攀登丫嘛，今日要考試呀，其實開頭都有少少擔心，因為我今日既狀態好差，又唔舒服，又冇咩力，所以都幾驚會比阿SIR肥我架．．．

去到之後都見到個場都OK丫，都冇上次果度咁難，不過，我都係爬左兩次咋，因為實在太累太唔舒服了．．．個肚又要圍住條安全帶，但係個肚又好痛，所以最後係痛上加痛囉，唉！好在，咁樣爬左兩次就可以PASS左喇，真係易合格喇，真好！而且果刻個肚實在太痛了，如果再要我爬我真係會死左囉．．．後來同左A仔一齊返元朗，一路痛住咁去．．．

返到屋企我地食宵夜，點知．．．頭先A仔唔小心倒瀉左D湯．．．我知佢好唔開心呀，希望佢可以開心番啦．．．

>>June 30, 2007 at 2:45:21 PM GMT+8

2007 年 6 月 26 日 星期二 【晴】

今朝早同A仔訓到成十一點先至起身，不過我訓醒之後都係周身骨痛，可能因為先兩日要搬野卦，所以琴日開始個人都好累，四肢都好似唔係自己咁，尤其係個膊頭，超級痛囉，雙手都好軟呀．．．唉，慘呀！所以今朝個人都好累好累．．．．

陪左A仔返工去到屯門西鐵站之後，我就去左市中心等媽媽，因為我約左媽媽食LUNCH，之後我就去左剪頭髮．．．我決定轉髮型，就係整番直個頭髮喇．．．其實A仔好早前已經想我整番直把頭髮架喇，因為佢話我都鬈左頭髮好耐喇，佢都幾懷念我之前直頭髮時個樣．．．所以今次聽佢話啦．．．希望佢會喜歡我個新髮型啦，HEHE~

不過整呢個頭我都好辛苦呀，因為要坐足成四粒幾鐘呀，真係坐到腰都直埋，仲好眼訓添呀！後來，整完個頭，媽媽又剛好去左做完GYM，所以約埋一齊返屋企．．．我一路坐車一路”放蚊”呀，好眼訓好累，而且又肚餓添呀！幾可憐呀！所以一返到屋企就搵野食醫肚喇，哈！

聽日又要繼續博殺了，不過今日開始個肚有少少唔舒服呀，可能．．．又係一個月一次果D喇．．．仲等我琴晚同A仔食左雪榚添，所以．．．今次慘慘喇，一定肚痛死我了，O．．．

>>June 27, 2007 at 1:01:48 PM GMT+8

2007 年 6 月 25 日 星期一 【綿綿細雨】

今日都尚算將d工作暫時穩定番少少，而且在義工方面亦暫時可以找到三位朋友幫到手．．．唉，之但係仲欠好幾個人呢！希望聽日會再有好消息啦．．．

A仔今日做左傻豬豬，返工時因為掛住睇書，攪到搭錯左車，最後要步行番去中心，真係可憐．．．又熱又晒，真係辛苦了！傻豬，記住呀，下次唔好再睇住書搭車呀，507同505差一個字咋，好易睇錯的．．．傻豬！你雖然傻．．．之但係．．．我鍾意喎！哈！咁先顯得你可愛既一面嘛！！

呢排D參觀TOUR密麻麻咁黎，差唔多日日都至少有一場，真係帶到我都傻左咁，喉都沙晒，好辛苦！有時候，不停係咁講野都幾辛苦，有時真係之後好唔想講野，只係想用心去聽用腦同手去做．．．或者，有時用耳聽得太多唔想聽到既野時，都只係想用口去發洩，用手去繼續做．．．唉，做人真係好矛盾呀！！仲有，今日老闆同我講因為我既CONTRACT就到期喇(28/8)，所以想約我5/7做APPRASIAL．．．嘩，我心諗，會否早左少少呢？成兩個月前做APPRASIAL?傻架？洗唔洗呀！講真，佢咁急咁都只會有兩個原因，一就係覺得暫時都都仲需要我，所以想早日同我傾，希望盡量挽留人才；一係就覺得我好有問題，好想早少少傾好，最後比多少少時間我去搵定工，唔洗到時太遲我就好麻煩咁．．．唉，都唔知佢係邊一種喇，講真，佢留唔留我我都冇所謂，橫掂我都打算走人架啦，除非．．．佢肯加人工，都或者可以考慮下既．．．所以係咩原因我都唔在乎了，我只會在乎自己是否”問心無愧”架O者．．．

黎緊星期六既大型活動我都唔知最後會係點，我可以做既都會盡力去做架喇，唯一只係希望．．．唔好再有其他麻煩野或者突來的事情發生就好了．．．我真係唔奢望架喇，只係希望順順利利完成，好好睇睇咁，唔好有人COMPLAIN就好喇．．．唉！而家都總係好似有好多野未做好咁，天呀！老闆聽日開始又放假了，去到星期六先返，我都唔知到時點喇，真係有少少”冇眼睇”呀！不過．．．．唯有係盡力啦！

今日放工同左兩個朋友傾電話，一個係義工朋友，知道佢近日有新戀情，都好為佢高興！希望佢幸福快樂啦！好好地對人呀，知嘛！而另一個就係我既好姊妹，我都同佢”伸”左好多工作上不愉快既事，唉！佢都好好，話如果我真係唔夠人手既話，都可以叫佢幫手．．．真係夠姊妹呀，好感動呢！好多謝佢呀！當然啦，如果可以既，我都唔想咁樣麻煩人啦，唉！好無奈呀！

真係好，聽日終於又放假了，可以為近日緊張既情緒同工作暫時放下，停一停，抖一抖．．．哈！聽日打算去剪頭髮，希望一個新既髮型，可以帶比我幸運啦！遲D我將新既髮型POST上去我個MSN SPACE度比大家睇啦，YEAH~ 要期待明天假期既來臨，咁樣個人既心情都可以好D．．．

頭先去左接A仔放工，雖然我真係充滿疲累，而且其實近日心情真係唔多好，之但係當我一見到佢時，我都自然可以將所有疲累感同差既心情暫時放下，因為，有了佢，我知道我可以好幸福！這已經足夠了．．．我要好好咁放下麻煩既工作同差既心情，讓自己好好去享受一下快樂既時間，尤其係同佢一齊既時間同光陰！因為，咁樣已經係一件好幸福既事呢！

>>June 26, 2007 at 3:37:54 PM GMT+8