2007 年 9 月 7 日 星期五 【晴】

曼谷之旅第三日．．．

哈．．．今日超超累．．．因為一朝早七點半起身喇，之後就整裝出發去左翟道翟假日市場．．．呢個市場係逢星期六日先至開門架，所以諗住早少少去，一來唔洗同人迫，二來可以有多點時間去行丫嘛．．．

呢度真係好多野睇，買同行．．．不過，因為佢真係太大喇，而家地圖又顯示得唔係太清楚，所以我地相信仲有好多地方我地係冇行度到冇睇到架．．．而且，呢度有樣野唔好，就係冇冷氣，成個地方都係冇架，連D店舖都冇架，所以又晒又熱，都幾死下．．．不過算啦，我地都行左好多地方，買左好多平野呀，真係比出邊平呀．．．之後，我地LUNCH係一間泰國餐廳度食，嘩，好正，真係好味，本書冇介紹錯架．．．而且真係幾平下，我地兩個人叫左三碟野加兩杯飲品，都係七十幾蚊．．．幾OK丫！不過，泰國既野食都始終有點SPICY，我同妹妹有時都唔係咁頂得順架咋！之後食完野繼續行多一陣，我地行到去一度係專買寵物同用品既街，嘩，真係大開眼界，大在係．．．我見到同波波同種既貓，不過我從來都冇見過D貓會熱到好似D狗咁申晒利"HEA HEA"聲咁架，真係好慘．．．鬼咩，呢度係冇冷氣架，仲要五隻貓仔係同一個籠度，幾可憐呀！唉．．．又係一個人間慘劇！

行完呢度之後，真係相信流左唔少汗水，又可以承機減肥了，呵！之後我地去左行街，由於今日我地用左空鐵既ONE DAY PASS，就梗係要用盡佢啦，唔好浪費．．．所以我地搭左好多個地方行街．．．其中我地去左一個叫THAILAND CREATIVE & DESIGN CENTRE．．．呢個地方合晒妹妹心水，有好多竹展覽睇，不過我都覺好正！之後，我地仲係呢度附近一間吃雪榚既店舖吃雪榚火鍋添．．．又平又正．．．香港如果在HAGENDAZ吃都要好兩百蚊，而且仲要預訂．．．但係呢度大件夾抵食，只係HK$35左右，正！真係而家都回味中呀！！

到左夜晚，我地去左一個夜市行．．．呢度又名舒服版翟道翟，真係好少少既．．．我地係呢度既平民露天酒吧吃晚飯，都幾好FEEL，佢好特別既係，定時定候會係天幕度噴水花落黎，目的係幫人降溫，好特別．．．不過，佢呢度既食品就平，飲品就較貴．．．但係環境都唔錯，幾好既．．．

行完呢度我地返左酒店附近，去左7仔買杯面比爹地同A仔食．．．之後好快咁返左酒店，因為今日流左好多汗，極之想沖涼，好臭臭囉．．．攪好晒D野之後，我同妹妹落左酒店既LOUNGE度飲野同食甜品．．．好貴囉，今餐我請呀，兩個人食左成百幾蚊．．．．只係一件STRAWBERRY CHEESE CAKE同一個PEAR TART．．．不過算啦，冇幾何啦．．．

今晚要好努力PACK野喇，而家個O急好似已經不升負荷了，點好？！好期待明晚回港，好想即刻打比A仔呀！！同佢講好多好多今次既趣事同經歷！！

>>September 11, 2007 at 4:31:39 AM GMT+8

2007 年 9 月 6 日 星期四 【晴】

曼谷之旅第二日

嘩，今日好累呀，原來交左鬧鐘，都遲左十分鐘先至起身囉．．．真係好，今日天氣好好，我出發前睇過天氣報告話泰國有雷雨，但係而家都幾好陽光，所以真係好感謝神呀！！

今朝我六點半無啦啦醒左一醒呀，之後都唔係好訓得番喇，今朝食左個好豐富既BUFFET早餐呀，真係食左好多野呀，可能琴晚冇點食野啦．．．真係好多野食，真係正到暈．．．你想到既都會有囉．．．呵！

今日我地去左好多地方．．．除左SHOPPING外，我地都去左亞洲最大既一個水族館，我地睇左同玩左好多野呀，有玻璃船玩添呀，同埋4D電影睇呀！正！之後，我地放晚去左行一個夜市，個地方係類似香港既女人街咁啦，擺明係遊客區囉．．．不過，呢度附近都有好多酒吧，都幾紅燈區下，好多靚女係酒吧門口”DULL"客架，好多鬼佬都會去果度玩既．．．係呢度買野，下下都要講化價，真係冇咩癮，好討厭講價．．．所以，為左唔好比人昆，都係留返聽日去假日MARKET買平野好過喇．．．起碼D野會比較明碼實價D．．．

頭先我食左一個杯面，係合味道架，不過我頭先先知道原來我買錯左面食．．．香港大家都知深綠色係雞肉味，紅色係蝦味．．．我就買左一個綠色一個紅色，我頭先開左個紅色食．．．原來係冬陰公味黎架，比個顏色呃左添．．．我就真係陰公喇，辣到我傻左．．．好辛苦咁食左半個咋！不過，我都打算買番兩三個比爹地同A仔食，因為佢地喜歡呢！剛才，我地去左STARBUCKS飲野，呢度既價錢比香港平少少咁啦，而家味道都唔錯呀！正．．．不過就好似冇香港咁多配套咁，例‘如雜誌少．．．

今日我買左好多野呀，個O急好似開始有D唔係好應付到咁呀，已經FULL左2/3喇．．．都唔知點好了！聽日仲有野買啦，去假日市場喎，一定入好多貨喇．．．

唉，今日仍然掛住A仔呀，所以成日SEND好多SMS比佢．．．今次既電話費我都唔敢睇了！

>>September 11, 2007 at 4:16:16 AM GMT+8

2007 年 9 月 5 日 星期三 【晴】

係時候要好好咁同大家分享一下我呢個四日三夜泰國之旅既行程了．．．

今日係第一日．．．

o．．．今日除左用粗口xyhz@#%．．．去形容外，都唔知應該黠去講好了．．．原來我地一直擺左個大烏龍，原來曼谷係有兩間holiday inn hotel架囉，而我地一直以為我地係book左近chitlom果間，但係事實上係我地原來係book左近surasak果間囉，唉．．．當然問題就在這裡，呢兩個地方都相差好幾個空鐵站的，而且我地一直都冇了解過surasak附近地方既野，所以當我地知道時真係十分之徬徨同失望．．．我地初初去到，真係幾驚架，因為去到見到surasak呢個地方都好似幾偏僻下，車又唔多，人又唔多，店舖更加唔洗講．．．唉，都唔知今次既mistake係邊個既問題．．．算啦，都發生左囉！

就係咁，我地既行程有所影響喇，除左心情之外，就連因地點有變而覺得好乏力，因為由空鐵站行番酒店都要好十幾分鐘架，而且人生路不熟，都幾打醒十二分精神架．．．不過，最後我地都唔理喇，照我地原定既行程而行，最多就係浪費左d時間去搭車啦．．．今日我地去左chitlom一帶行街，都幾多野睇，而且係買左好多手信比人，冇買比自己喎．．．

所以，今晚都好早，八點就返到酒店喇，連晚飯都冇食呀，只係我地搭車前去左一間酒店既barkery買包食，當時佢大特價，買左好多個包都係唔洗二十蚊．．．不過，返到酒店都冇咩胃口吃了，即使而家係餓到頭暈眼花．．．

希望明日順利啦，因行程十分之pack呀！

ps，今日收到A仔既電話，真係好開心．．．雖然電話費好貴呀，不過．．．都值得架！好掛住佢呢．．．

>>September 11, 2007 at 3:59:33 AM GMT+8

2007 年 9 月 4 日 星期二 【陰】

hehe~ 今朝做曳曳，冇做到琴日set既計劃，即係落街跑步．．．點解？唔係又懶精上身呀，而係．．．因為琴晚十一回點出左去同左A仔同埋D朋友去左唱K呀，一唱就唱到零晨五點了．．．哈，所以今朝點會起得到身呢，呵．．．琴晚真係玩得好開心，其實我都未試過唱通宵K架，原來唱成六個鐘K都幾HIGH下架，我仲難得把聲都冇沙冇失喎，哈，因為我真係用”單田”唱架．．．反而好似越唱越開把聲，呵．．．一講起唱歌就好開心，因為真係好鍾意唱歌．．．．

今日最後都成十二點起身，仲係要A仔打比我先識得起，呵．．．之後就係屋企做左一陣運動，再執下野咁，到左四點時再落左街食野，返番屋企HEA左一陣之後五點就去左跑步．．．今日可能精神狀態唔係太好，只係跑左二十分鐘就冇咩氣喇，真係好辛苦，條氣好唔順暢．．．唔通因為琴晚唱K唱得太勁，攪到條氣唔多順？跑完步之後都幾累下，對腳都開始有點軟軟的．．．明日仲要捱一整日呢，點算好？而且仲要唔夠訓呢，聽朝四點幾要起身了，真係好可憐！！

今晚去左市中心JOIN媽媽，我陪媽媽買左少少野之後就番左碼頭買粥回家吃，好正，好耐冇試過吃粥了，大排檔既粥一直保持好水準呢．．．明天要出發了，但是A仔今天講曼谷間文華酒店發生了火警，仲話果間酒店既洒水系統原來係壞架，所以火警既結果十分嚴重．．．A仔十分著緊我是次既旅程呀，其實我都有點擔心起來喇，唉．．．不過，我認為自己做足了準備，如真的要發生什麼事的，都係神的安排吧．．．所以．．．隨心吧，只有將一切都交予神吧，神自會安排一切最好的給我們．．．

而之後四天既行程，我會過後回來時再同大家分享．．．希望是次既旅程愉快順利啦．．．

>>September 5, 2007 at 1:37:43 PM GMT+8

2007 年 9 月 3 日 星期一 【綿綿細雨】

今朝成十一點先至起身，真係好喇，完全地有充足既睡眠呀！今日曳曳，冇聽A仔話去做運動．．．真係衰喇，懶精上身呀！要A仔烤氣添．．．>O<．．．對唔住呀！！！唔得，要好好的鞭策自己了．．．A仔，我仍然需要你的支持同鞭策呀，麻煩你了．．．我願意接受你的挑戰的，只要係我知道你仍然係支持著我，鞭策著我．．．我一定會努力同成功的．．．先多謝你呀！一言為定啦，OK？

下午送左A仔返工後，就跟左媽媽出去美孚同二舅母飲茶，之後，我自己一個人返左屋企，媽媽就去左做GYM喇．．．我返到屋企後就開始執拾我去泰國既行裝，嘩，好多野要執，好似好重咁．．．我都已經盡量再執得輕便D架喇，而家已經好左好多．．．跟住我就做左一陣運動，因為今朝已經冇聽話去CLUB HOUSE做GYM喇，好曳呀，所以就要乖乖地係屋企做運動了．．．

今日從媽媽口中知道左一個關於妹妹既消息．．．呵！在此恭喜妹妹啦，希望佢真係可以找到個對佢好，又錫佢，對佢又真心既男仔．．．加油呀！！祝福你呀．．．

本來聽朝計劃再去跑步的，不過而家見到出邊落緊雨，都唔知聽朝既計劃會否因此而泡湯．．．希望明早會是好天氣啦，一係就等我跑完先落啦，好嘛？雖然琴日跑完步後而家雙腳都好似累累地咁，可能係不習慣一時去做太激運動卦！希望跟住落黎做多D會習慣多一D啦．．．不過我都要堅持呀，因為．．．我好希望達到自己同A仔既目標同願望！除此以外，我知道A仔咁用心去鞭策我，都係希望我既身體可以一路咁好落去，唔洗要佢成日都擔心我！所以，我一定會努力呀！．．．當然．．．就係要通過到九月尾同十月頭既難關啦！我要證明我係得架．．．．我會努力的，是一定會努力．．．而家最重要既係先要練好條氣呀，因為我氣管唔好，所以呢樣係首要既事．．．一定要成功的！聽日希望嘗試再跑長少少既時間啦．．．上次跑左三十分鐘，今次希望可以四十五分鐘啦！加油呀，黎曉寧．．．A仔，我唔會再令你擔心同勞氣架喇，應承你丫！

>>September 4, 2007 at 1:58:09 PM GMT+8

2007 年 9 月 2 日 星期日 【綿綿細雨】

哈哈~ 今日係開學日，在此祝堂弟堂妹今年有個愉快既學年啦．．．

今日我好叻叻，一朝早八點唔夠就起左身喇，之後就整裝待發準備出去跑步．．．我由八點五跑到八點十，好累好晒好熱呀．．．跑果陣仲有d"麻甩佬"望住晒呀，好似前世冇見過女人咁囉，好討厭！跑完步之後係公園做左一陣運動就返屋企沖個靚涼，正呀！跟住十一點度就跟左媽媽落去吃早餐．．．因為近日個肚成日都痛，可能近日腸胃問題又來了，成日都肚子痛，所以今日都唔敢吃咁多，加上沖完涼後都食左少少餅，同埋運動後唔可以食太多，如果唔係一定肥死，呵．．．所以最後只係食左一碗麥皮同一塊包．．．

到左下午，同左媽媽去市中心，我地食lunch同埋做左好多野，哈，真係好充實既兩個小時囉．．．之後五點，媽媽要去做gym了，只淨下我一條友渡過餘下既一小時等A仔放工．．．終於等到佢喇，我地一齊搭西鐵出去太子，因為今日要幫個朋友同蘋果日報做訪問．．．出到去就開始訪問了，氣氛十分之好，有講有笑的．．．後來仲留下來同佢地開會，商討一下他們打算編制的一本雜誌．．．

完左之後，好經辛苦終於有飯吃了，我同A仔去了吃吉野家．．．唔知係咪太肚餓既關係，一口氣吃了很多，而且覺得很好吃，呵！吃完之後都已經很夜了，所以我地便一起回A仔家．．．

明天不打算做運動，因為太累了，而家雙腳都好似有點軟呢．．．

>>September 4, 2007 at 1:52:03 PM GMT+8

2007 年 9 月 1 日 星期六 【晴】

嘩~ 今日訓到成十一點先醒呀！其實我七點三早已醒左，仲請左波波食埋早餐添呀！之後做左少少運動，不過之後又訓番．．．琴晚成晚都訓得唔多好，因為成晚都鼻敏感，個鼻好塞呀，真係慘．．．我都開始有點擔心自己既身體係咪可以應付得到去北京既情況呀！不過．．．我同自己講，我要親而家既時間好好咁鍛鍊自己既身體呀，我一定要成功架，一定要再好既體魄先至得呀！！真係要積極同比心機去運動了．．．加油呀！

今日打左電話問過住上海既叔叔，佢講左好多意見比我，我都同A仔商量過喇，都係決定照去北京，唔理什麼外在因素也好，我地要既係經歷人生，係要體驗人生，所以從來都冇諗過係要什麼好的東西，我地預晒所有壞的東西，例如比人打劫，比人騷擾，住，食的都會不好，所有環境生活質數都沒有質數可言．．．就係這一點的堅持，我地決定非去不去了．．．要努力呀！我要努力去強健體魄同努力準備，包括資料同心理上的準備．．．

突如其來要準備同A仔一同經歷一些好特別的事，心情真係好難形客，有點又驚又喜吧！亦有一點擔心啦．．．當然，有一個女仔朋友都可以一個人做到的東西，為什麼我地兩個人就做不到呢？所以，要有信心才可以哦．．．

今日已開始執拾去泰國的東西，因為跟著幾天都可能沒有太多時間去執拾了．．．尤其是妹妹，她星期三晚裹要去上堂呢，當日要十二點才回到家，但星期四是要零晨四時便出發了，哦，那麼的可憐呢！！不過，去玩就什麼都不怕不計較的了，哈．．．今日我都再寄了兩封信，希望可以早日搵到份工啦．．．不過，而家要成十月尾先至可以開到工，都唔知就算有人請我都唔知到時人地肯唔肯等我喇，唉！但係我又好想去體驗人生，所以．．．真係好矛盾，好難去選擇！不過，而家都決定了十月尾去北京了，既然決定了就不要再猶豫了，對嘛？

聽日好特別，因為我同A仔會受蘋果日報訪問．．．哈，咁大個女第一次比報紙訪問咋．．．其實今次係幫一個朋友手先至做呢個訪問既．．．我覺得都OK丫，當然唔係為出名出位啦，而係真係希望幫到個朋友手丫嘛．．．所以心情都有少少又驚又喜咁啦，呵，好似好好玩咁呀！！都幾．．．期待架！HEHE~

>>September 2, 2007 at 1:48:19 PM GMT+8

2007 年 8 月 31 日 星期五 【晴】

今日訓到好晏先至起身呀，都訓到成十二點呀，呵呵．．．起身之後A仔就整左野比我食，真係甜死．．．食完之後我地係度睇下電視上下網咁．．．

由於今日A仔佢約左佢家姐下午出去睇戲，所以佢好好咁陪左我一個上午，跟住就一齊去西鐵站各散東西．．．

之後，我去左市中心拎去泰國既PACKAGE，唉，終於有我拎喇，而家安樂晒．．．不過真係有點激氣，妹妹從頭到尾都好似冇做過任何野囉，要我一個人去攪晒．．．佢而家真係連去邊都唔係好知．．．真係激死！不過算啦，妹妹都忙到傻左．．．而且，哈，近日有個狂蜂係咁嗡住佢，佢都煩到死呀！！哈．．．不過唔知係心煩定心甜喇．．．呵呵．．．．

琴日拎完野之後都返左屋企喇，返到去都係冇咩好做，睇住媽媽同朋友係度玩MSN，真係無聊．．．我梗孚係講佢地啦，哈．．．之後到左夜晚就出左去同屋企人食飯，食到飽飽呀！返到屋企仲食左一個成八十蚊一個既白桃O者喱添，好貴，不過好好味．．．．

頭先再同A仔講起好多去北京的資料，因為我去拎PACKAGE時順便問埋一D關於京九鐵既資料呀．．．呀，真係好想可以去得成囉．．．聽日我打算問一問我從上海來的叔叔，唔知佢會否識一D朋友係北京，可以介紹一D好既旅舍比我地，因為A仔話上網聽D網友講北京果度既旅店好多都係黑店黎架，嘩．．．我都驚驚地呢．．．所以如果叔叔有好介紹，或者再唔係我地都諗過改變地方，去上海玩，或者可以投靠叔叔或者佢D朋友都唔區呀，哈．．．

>>September 2, 2007 at 4:27:23 AM GMT+8

2007 年 8 月 30 日 星期四 【晴】

今日好叻叻，因為終於”的”起心肝去做運動．．．當然，全靠有A仔啦，如果冇佢陪我，推動我，支持我，我條懶根一定叫我唔去做運動，哈．．．

今日係A仔個CLUB HOUSE度做左一個鐘GYM，做左好多器械，有單車機，跑步機，仲有一部新出既搖擺機，呵，都幾好玩的，EXACTLY係OTO果隻咁既樣，好震震呢，不過好玩，下次都會再去玩．．．做完GYM個人好累好想訓咁，哈．．．唔知點解！所以都懶懶地，要A仔整野比我食呢，哈，做左大帝！

食完野我地係度睇電視，打機，一齊打爆左機，不過當然係CHEAT左先至咁叻叻啦．．．

唉，我地兩個真係好想好想十月可以去到北京，嘗試搭京九鐵，嘗試兩條友揹住個背囊去流浪呀！我地想用最少既錢可以做到最大既效果．．．所謂最大既效果當然並非係要好豪華既享受，反而係我地預左三餐不溫飽，可能有機會四處留宿果隻．．．我地想要既係一種好特別既體驗．．．真係好想試！不過，A仔唔知到時拎唔拎到假，而我？我最多到時如果真係有人請，都係話十月尾先至可以開到工囉．．．哈！好似睇落我地好貪玩咁，之但係其實我地都係想有個人生珍貴既體驗O者．．．所以真係好希望可以做到呀！！

今日本來以為係一日幾唔順利既一日，點解？因為一朝早已經發生左好多事，令我覺得今日會係好黑仔既一日；例如出左門口先知道帶漏左野啦，去到旅行社先知道份PACKAGE仲未有得拎啦，之前訂左副超本來話29號有得拎，我今日去到佢竟然話佢分店唔記得左送份貨過來囉，要下星期先至有．．．唉，今朝真係激死我！點知好在見到A仔之後，我覺得好似D衰運走左咁，呵．．．真係唔知真定假喇，咁神奇咩？

>>August 31, 2007 at 3:25:17 PM GMT+8

2007 年 8 月 29 日 星期三 【晴】

哈~ 今朝簡直唔願起身呀，可能琴日行街行得太多，而家雙腳都好似有點軟軟地咁，哈．．．．真係好累，本來我地交左鬧鐘十點起，都最後我地賴床賴到十一點三先起身，哈．．．真係好眼訓好累呢．．．A仔就辛苦了，今日都要返工，不過佢聽日同後日又可以放假了，真係開心死．．．

今朝送完A仔返工後就番左屯門，同左媽媽去飲茶．．．因為佢今日有個朋友生日同佢慶祝咁話．．．我都唔理啦，有茶飲就梗去啦．．．飲完茶就返左屋企HEA喇，今日都冇咩好做，本來想搵下工既，不過都冇咩o岩心水，之後就好眼訓訓著左喇．．．

妹妹今日終於返黎喇，一個星期冇見佢，佢好似．．．肥左少少咁，哈．．．好事黎既，佢都係比較瘦，肥少少對身體都好點啦！不過佢就慘d，聽日同後日都要返工呢，工幹真係辛苦，抖都冇得抖下又要開工了，唉！頭先睇過妹妹映返黎既相，揚州真係幾靚，佢地住果間酒店都好鬼靚呀，d服務又好呢，真係開心死．．．仲有，原來妹妹話揚州真係有揚州炒飯，唔係香港人作出黎架，哈，佢都食左唔少架．．．佢話不過好味過香港果D啦．．．

頭先A仔話佢打算十月中拎十日大假，佢好想去北京旅行，一齊試下京九鐵．．．其實我都好想去呀，因為我都好想同佢經歷一D我地從未經歷過既體驗，我相信呢D經驗你可以增進我地之間既感情架！不過．．．十月既事我都唔知呀，到時又唔知搵到工未，又唔知到時點，除非我而家唔搵工住啦，哈！真係好矛盾呢．．．都唔知點好！我知道A仔係好想去架，因為佢都同我有同一樣既想法呀！真係好希望係我地結婚之前可以再經歷多少少唔同既野，當然我希望係經歷一D開心同好既事啦，唔好既野就．．．唔好喇，我再受唔起架喇！當然，去北京探險都未必一定會有好既結果出黎架，不過．．．唔試下唔去冒下險又點知會點呢？所以．．．有時候，人生真係充滿住矛盾同選擇，我都唔知點好？去冒險，又可能會有唔好結果．．．唔去冒，可能日後幾年後更加會有唔好既結果．．．真係好難選擇囉．．．唉！唔通，真係要將一切交託比神先得？

>>August 30, 2007 at 2:47:56 PM GMT+8