2007 年 5 月 14 日 星期一 【晴】

今日為左可以煮餐飯比A仔食，我特登改左返工時間，由返九至六變左做九至五，希望可以早一粒鐘返到屋企準備同整理．．．

今日係中心已經係十分之疲累，好多野做呀，簡直係想死．．．五點我就走人喇，之後搭車好累就咁訓著左，好累好累．．．返到屋企休息左一陣就開始煮野，好在琴日放工果陣特登去買定D野，如果唔係今日一定趕死我．．．不過最後我都趕餐死，因為我要煮埋屋企人果份丫嘛．．．但係都好在煮既野都OK好食，唔係想像中太差．．．不過媽媽多得我唔少，因為佢都要執手尾，HEHE．．．

不過妹妹話我好似個樣好殘好青咁，我都有D驚驚地唔知咩事呀．．．可能累卦，希望冇野啦．．．

之後我就拎住呢個美味既飯盒去接A仔放工，唔，希望佢鍾意食啦．．．我比左好多心機落去架！我聽日又會整野比佢食，我會整咖喱．．．係我第一次咋，希望整得好啦．．．

今日大老細無啦啦話下星期論我地成班同事去食飯．．．其實呢D咁既政治飯局我都唔太喜歡去，不過唔去又唔得，因為呢餐分明係會背脊骨落架啦，哈．．．．不過，有人請食飯，而我呢D喱仔，有得食都去架啦，唉．．．

>>May 15, 2007 at 3:28:15 PM GMT+8

2007 年 5 月 13 日 星期日 【晴】

今日黎左個精神復康既同學仔黎實習，呢個同學比我想像中仲顯得好，佢好勤力，好有禮貌，只係做野急進d，同太多野講．．．哈！佢今日已經係咁捉住D同事傾計，我當然唔另外啦．．．

今日朝早同下午都要帶TOUR，真係幾累下．．．因為琴日已經企足一日，今日又要企，真係好怕對腳越來越粗呀，成日咁企發真係幾係野架．．．而且仲要成日著高跟鞋呢，真係好辛苦呀．．．

哈，今日同A仔講好，我今個星期又會整飯比佢食．．．所以，聽日我決定放早一粒鐘，之後聽日可以早點返到屋企整飯過佢食，聽晚接佢放工時可以拎比佢星期三食．．．YEAH~ 跟住星期三再整咖喱比佢食，今次係第一次整，希望好味啦．．．　

>>May 14, 2007 at 1:44:54 PM GMT+8

2007 年 5 月 12 日 星期六 【晴】

今日係母親節，在此祝各位母親節快樂！尤其係我自己既母親啦．．．

雖然今日係母親節，但係都要返工呢，而且仲有大型活動要攪．．．一朝十點鐘返到中心，好快手咁食左半個包，跟住就開始做清潔女工既工作．．．就係係度抹野．．．因為今日下午有一型活動，有大粒會黎，所以我都要抹埋一份啦，真係好可憐，手都軟埋，真係連新年自己屋企大掃除都冇咁落力呀！哈．．．

到左下午，趕黎趕去咁都係為左個活動，真係好累呀，企左一整日，真係好可憐！仲要今日傻仔左，著左對高跟鞋呢，唉．．．完左活動之後仲要同班義工開會呢，咁就過左一日喇，最後都成六點三先至放工．．．

放工之後好快手咁走左去大班買蛋糕比媽媽啦，哈，今次買左個好特別既蛋糕，係一個藍梅窩夫批，好靚呢！今日上車又是訓覺，因為真係好眼訓呀，好累好累．．．返到屋企就食飯，食完一陣爹地就急不及待咁拎左個蛋糕出黎，嘩，真係之前d野都未落格就食，今次肥死囉，睇黎我有排減喇．．．呀，將就D啦，肥D唔緊要嘛？唉．．．

而家見到自己肥左好多既樣都有點驚．．．真係唔可以再繼續落去架喇．．．天呀！

>>May 13, 2007 at 2:08:47 PM GMT+8

2007 年 5 月 11 日 星期五 【晴】

今日放假呀，不過係佢家姐屋企都唔係訓得咁好，因為兩個人訓一張細床真係好辛苦既一件事呀！

今朝十一點幾起身之後就係度HEA左一陣，本來打算玩Wii，點知整黎整去都玩唔到既，唉，放棄了！等到佢姐夫同家姐都返齊屋企時，點知原本話去飲茶又話唔去，攪到我地都好無癮呀，所以最後我同A仔兩個自己出左街喇．．．之後我地搭MTR去左觀塘，因為A仔要返舊屋企拎番D野．．．A仔帶左我行左一陣已經變左既觀塘同牛頭角，我見到A仔成日講起以前細個係呢個地方長大既事件．．．其實，我知道佢係一個十分念舊既人黎既，雖然有好多人和事我都唔知道同唔清楚，不過聽落又幾有意思既．．．雖則成日話人係要向前看，但係有時懷緬一下以前既回憶都係一件好開心既事黎既．．．

之後我地去左牛頭角一間齌店食野，嘩，都唔平囉，兩個人食左成七十蚊，但係只係食左一個細既齌同一點點心咋．．．之後，我地上左去A仔舊居，同佢爸爸傾左一陣計我地又走左了．．．之後我地出左太子同旺角行街．．．嘩，今日真係行左好多地方．．．之後我地本來想去食沙爹王架，點知多人都丫．．．唉，算啦，下次都係平日去好過，我地之後去左一間歷史好耐既餐廳，我相信好多長輩都聽過架喇，就係”美而廉”餐廳喇．．．嘩，真係好抵食呀，我地食左個二人餐，有湯有多士有沙律有鐵板西冷有紅豆冰．．．都係一百二十蚊有找囉．．．正！好飽呀，我都食唔晒呢．．．之後又行左一陣就走人了．．．返到屋企對腳超累呢．．．好在明天返十點．．．

明天係母親節，但係都要返工，真係可憐．．．在此，預祝媽媽母親節快樂啦！

>>May 12, 2007 at 4:34:40 PM GMT+8

2007 年 5 月 10 日 星期四 【晴】

今日好累呀，因為朝早帶一團，下午又帶一團，真係人都癲．．．不過好在最窩心既係．．．哈，A仔今日黎左我中心度接我放工囉，hehe．．．真係十分之sweet呀！

之後，我地好似毫無目的咁去左搭mtr，之後無啦啦去左筲箕灣，A仔鬼鬼馬馬咁帶左我去石澳玩．．．雖然有點突然，不過又幾SWEET架，可以同佢去左行上石澳郊遊區既涼亭度睇星星同螢火蟲，真係好開心呢．．．A仔，多謝你呢個特備節目呀！

之後我地行番去海灘行左一陣就走人喇，出番去筲箕灣之後，我地約左一個朋友食糖水，哈，佢介紹間野又真係幾好食喎，我十分欣賞果碗南瓜露呢，真係好多南瓜肉呀，好容下囉，正呀！食完之後，我地又好SWEET咁搭電車落番去炮台山去A仔家姐屋企，我地今晚會係佢家姐屋企過夜呢．．．真係開心．．．唔知聽日我地又去邊度玩好呢？

>>May 12, 2007 at 4:24:07 PM GMT+8

2007 年 5 月 9 日 星期三 【晴】

今日返工都係忙忙啦，不過星期二晚同A仔傾完之後，今日我既工作態度有點兒變了，哈．．．我而家最重要既係要令自己安安份份，安安樂樂，開開心心咁去過埋下面既日子．．．賴皮既日子開始了．．．

今日照樣做我既工作，都冇咩特別．．．不過可能因為老細唔係度既關係，個人輕鬆一點既．．．唔理啦，話之佢囉．．．做左要做既野就算啦！

放工之後個人好頭痛，可能因為唔夠訓啦，超累呀！放工果時同左個好姊妹傾電話，唉，真係為佢心煩喇，佢有好多令佢心煩既事呀．．．希望神可以協助佢啦！

返到屋企好快食完飯，之後就好早就去訓喇，因為聽日又是返工天．．．不過，明晚有特備節目，所以十分之開心呢．．．

>>May 12, 2007 at 4:14:51 PM GMT+8

2007 年 5 月 8 日 星期二 【晴】

今日都訓到成十二點先起身．．．不過，琴晚真係唔係訓得咁好，可能喊完之後個人仲容易頭痛左．．．不過都係自己衰，無啦啦唔諗咁多咪冇事囉，唉．．．

今日成日都留左係A仔屋企，冇出到街呀，只係留左係屋企無無聊聊咁囉．．．後來四點幾又訓左一陣晏覺．．．五點我就同左A仔一齊出門口，佢就返工，我就出去旺角，因為今晚約左兩個朋友仔出黎食飯．．．我地去左一間cafe度食，朋友真係介紹冇錯，呢間野幾好食呀，下次都可以帶d朋友仔去食下喇．．．我地傾左好多野，由六點幾傾到十點先至走人．．．哈，大家分開左之後，我一個人去左旺中度行左一陣，比我買左兩件衫．．．不過，買左返黎先至覺唔係好o岩心水，所以比左一件媽媽啦．．．

唔，聽日要返工了，真係有點兒累呢．．．要早點訓了．．．

>>May 12, 2007 at 4:07:53 PM GMT+8

2007 年 5 月 7 日 星期一 【晴】

wow...今日實在係忙忙地，因為有好多野都要跟呀，而且仲要幫個同事手執圖書館既野，嘩，真係執到我好累好累呀．．．

哈，今日放工之後就好急咁返左屋企，不過返屋企過程，同左個好姊妹傾電話．．．知道佢近日好多煩野，希望佢可以好好咁處理好去啦．．．今日A仔去左蝴蝶灣度燒野食攪活動，所以佢完左個活動之後佢就上左我屋企度HEA左一陣，之後我同左佢一齊返元朗．．．

係返去元朗既旅程中，我同A仔分享左好多我做呢份工既唔開心同激氣事．．．唉，我從來都好少係A仔面前講或者提我係工作上唔開心同激氣事，因為我一來唔想佢擔心我，二來我一直都認為自己會有能力可以解決得到，我唔想成日都要比人再感覺我係一個冇用既人．．．點知最後我今日都不斷同A仔"伸"左好多好多，我一路喊住同佢傾左好多野．．．其實，A仔都好激氣架，我知道佢一來係激氣我工作上既不如意事，二來佢都激氣點解我唔開心，要將所有野都擺到咁重要，而同時將自己擺到咁低．．．其實，我都唔知呀，我只係一心想做番一d成績出黎，唔想比果度既人睇死我o者！唉．．．最後，攪到A仔都將佢以前工作上既不如意都同我分享左好多，令佢都唔開心埋一份．．．後來，大家有一點少少既口角，不過．．．好快就冇事．．．

我都知道A仔佢只係關心我，擔心我，唔想我成日為D小事而令自己心煩唔開心咁．．．我收到架喇，我知道我跟住落黎應該點做架喇，A仔，你放心啦．．．我大個架喇．．．

唉，今晚令到大家都唔開心，其實我都有少少責任．．．明天，A仔佢只係返夜晚一節，所以日頭大家本來可以輕鬆下去玩下，點知而家大家都咁唔開心，我都唔知點好了．．．唉，都係我衰，攪到氣氛衰晒喇！好激氣呀！

>>May 12, 2007 at 4:04:10 PM GMT+8

2007 年 5 月 6 日 星期日 【晴】

wow．．．今日好累啦，因為琴晚都成兩點先至訓呀，可憐，好眼訓呢，又係一上車就訓著左喇，完全係唔想落車果隻囉，唉．．．好辛苦先至可以落到車，拖住咁返到公司．．．

返到公司，好辛苦咁捱過d日子啦，總係成日覺得好多野都係好事多磨咁既，真係老土同激氣囉．．．

總知而家係越來越心淡同冇心機做野啦，唉．．．灰晒！

今日係公司食lunch果陣，同左美國既表妹傾左好耐msn，哈，都幾特別既時間，因為除左以前做ase之外，而家都好少有機會可以同一個差自己成十年既妹妹仔傾咁多野喇．．．不過過程十分開心同sweet啦，因為大家無什麼不談．．．亦都同時係一個好機會好好練習下我d英文．．．

下午帶完tour之後，成個人好似累到痴左線呀！唉，跟住更加冇晒心機做野．．．

放工之後又係拖住咁返屋企，唉，睇黎今晚都係要早點訓覺了．．．

各位早抖吧！

>>May 7, 2007 at 12:58:31 PM GMT+8

2007 年 5 月 5 日 星期六 【晴】

續...

今日返教會，牧師同我地分享左一遍文章，確實令我有一點的感受．．．在此同大家分享下啦

「人生到底在追求什麼？」

有一個美國商人坐在墨西哥海邊一個小漁村的碼頭上，
看著一個墨西哥漁夫划著一艘小船靠岸。
小船上有好幾尾大黃鰭鮪魚，
這個美國商人對墨西哥漁夫能抓這麼高檔的魚恭維了一番，
還問要多少時間才能抓這麼多？
墨西哥漁夫說，才一會兒功夫就抓到了。
美國人再問，你為什麼不待久一點,好多抓一些魚？
墨西哥漁夫覺得不為然：這些魚已經足夠我一家人生活所需啦！
美國人又問：那麼你一天剩下那麼多時間都在幹什麼？
墨西哥漁夫解釋：我呀？我每天睡到自然醒，出海抓幾條魚，
回來後跟孩子們玩一玩，再跟老婆睡個午覺，黃昏時晃到村子裡喝點小酒，
跟哥兒們玩玩吉他，我的日子可過得充滿又忙碌呢！

美國人不以為然，幫他出主意，
他逆：我是美國哈佛大學企管碩士，我倒是可以幫你忙！
你應該每天花多一些時間去抓魚，到時候你就有錢去買條大一點的船。
自然你就可以抓更多的魚，可買更多的漁船。
然後你就可以擁有一個漁船隊。
到時候你就不必把魚賣給魚販子，而是直接賣給加工廠。
然後你可以自己開一家罐頭工廠。
如此你就可以控制整個生產、加工處理和行銷。
然後你可以離開這個小漁村，搬到墨西哥城，再搬到洛杉磯，最後到紐約。
在那裡經營你不斷擴充的企業。

墨西哥漁夫問：這又花多少時間呢？
美國人回答：十五到二十年。
然後呢？
美國人大笑著說：然後你就可以在家當皇帝啦！
時機一到，你就可以宣佈股票上市，
把你的公司股份賣給投資大眾。
到時候你就發啦！你可以幾億幾億地賺！

然後呢？
美國人說：到那個時候你就可以退休啦！
你可以搬到海邊的小漁村去住。
每天睡到自然醒，出海隨便抓幾條魚，
跟孩子們玩一玩，再跟老婆睡個午覺，
黃昏時，晃到村子裡喝點小酒，
跟哥兒們玩玩吉他囉！
墨西哥漁夫疑惑的說：我現在不就是這樣了嗎？

～～～～～～～～～～～～～～～～～～～～～～～～～～～～～～～～～～～～～～～～～
其實，確實有時候我地會為左眼前的好處，例如什麼榮譽，地位，金錢．．．而蒙蔽了自己真正想要或者需要的東西．．．

所以，我地不但要好好找到自己想要的，所需要的，以及目標，繼續依著這些因素及依靠著神而行，我地既一生必可得到”救贖”及”幸福”！因為神正是希望我們能夠如此行我們的人生吧！

>>May 7, 2007 at 4:36:01 AM GMT+8