2008 年 4 月 26 日 星期六 【陰】

今日返完教會，心情係好左好多．．．因為我知道要信靠主嘛．．．要懂交託！返完教會同左屋企人去和民度食，正！食左好多好野，而果D野係我要戒口既野，哈！例如炸煙肉芝士球，鰻魚，咖哩等．．．我琴晚其實都食左點要戒口的東西，好似冬瓜，豆腐咁，哈！不過，出街食飯真係好難避到架！好煩．．．而家屋企媽媽煮飯都已經好頭痛了，我都唔想令大家難做呢！

跟住，同左妹妹去行街，買左少少野，真係好！反而原本有購買目標的，點知最終都係買唔到，反而買左其他野．．．永遠都係咁架，真係討厭！跟住六點就搭車入元朗，原本今日係同A仔媽媽預祝生日而食飯，點知中間發了點事，真係有點無奈！大家高高興興諗住慶祝，點知．．．唉，算吧！每個人有自己選擇！尤其主角是人地，人地喜歡怎樣就怎樣啦！唔到我地去管！不過，知道A仔家姐出了事，真係令人擔心！希望佢早日康復啦！

>>April 29, 2008 at 11:34:01 AM GMT+8

2008 年 4 月 25 日 星期五 【陰】

今日返工都好holiday mood啦，因為一個星期都係等星期六收工之後放假嘛．．．放工之後返左屯門，不斷打電話比屋企人，希望同佢地去飲茶，點知．．．個個出晒街！好唔開心同激氣！
一個人返左屋企，突然個人好down，煮左個通粉食．．．本來，諗住下午入元朗度做gym，不過後來冇晒心情，好唔想出街．．．其實，近日心情都係唔多好架喇，是關近排總係覺得好多唔如意既事咁．．．唉，不過，要相信神，依靠神，將一切交託比神啦．．．

之後，真係冇咩心機，於是走左去訓覺，訓醒A仔打比我，我真係仲未recover心情呀，所以最終都係冇入元朗！A仔好好，佢本來預備左我去食飯，佢所以一早去定買野，買足兩個鐘，又買左好多野，因為佢怕我心情唔好，會特別揀擇，所以同類型既野就買幾樣唔同的東西，哈！真係辛苦佢了．．．我知佢好錫我，真係好心滿意足吧！心都甜晒．．．

夜晚同左屋企人出街食飯，中途遇到一個A仔的舊同事，真係冇估到會見到佢．．．大家傾左幾句．．．返到屋企都係冇咩心機，所以早早訓覺了．．．聽日要早起返教會呢！

>>April 29, 2008 at 11:22:41 AM GMT+8

2008 年 4 月 24 日 星期四 【陰】

今日係中心都冇咩特別野，不過近日自己都覺對於同事們方面都係嘗試以開放點的態度對待，而且都嘗試更融入於他們圈子當中！當然，某程度上，我仍然感受到某某同事對我仍有不少介蒂或誤解！我相信，是需要時間去處理及行動的．．．我要相信主，祂必定會指引我如何做的！

放工之後，一個人去了佐敦覆診．．．不過今日好趕呀，是關睇完之後要趕番去土瓜灣工俱，參加一個會議！點知如我所計算，真係遲左！去到見到我上司，佢第一句就話：”無啦，咁多大粒係度，想走都走唔到丫，今次要捱晒成埸去喇！”嘩，當刻十分心酸，點解要我開會呢，十分痛苦的感覺．．．後來，因為大家都未食野，所以即使開始了，都走左落街買野返去食左先！食到差唔多八點先至入去開會，哈！都真十分大膽！聽到九點，我上司都叫我走了，佢知我住得遠嘛！咁我就一定十分聽話咁走左啦，呵！佢就要捱到完場！

返到屋企都好累，其實係車都訓到天燻地陰了，哈！返到去，食左兩塊多士，飲埋藥，都好想訓了．．．打左比A仔，其實聽日難得佢又放假，我又唔洗開OT，都好想親機會同佢出去行行，好想去拍下拖，點知．．．唉，算啦，我都明佢近日有好多家中事務要處理，未必可以有時間出去走走．．．！算吧！．．．最衰自己又冇咩意見話想去邊，想點樣．．．真係近日冇咩心情想去諗野，只係覺身心有點疲累，好想出去走走，吸下新鮮空氣，好好減下精神壓力咁．．．有想過去郊外，但係又見天氣唔多好！唉．．．唔知呀！或許．．．都係決定今日下午放工回家先，之後再去佢度，或者去做個GYM同STEAM，自己找方法去舒緩同發洩啦．．．

>>April 26, 2008 at 3:22:28 AM GMT+8

2008 年 4 月 23 日 星期三 【陰】

呢兩日天氣都涼左，真係唔多喜歡，因為都唔知著什麼衫好！短袖又凍，長袖又熱．．．唔著外套又唔得，唉．．．煩！

今日朝早係中心都主要同同事傾案例，準備今晚既會議！過程中都承機同同事打好點關係，都希望表達多點自己，等同事都了解下我認識下我咁．．．過程我都覺得同同事關係好了點，因為大家有說有笑，都唔錯！中午終於食到A仔整既愛心便當．．．好好味！其實份便當係午餐肉炒蛋加西蘭花既日式炒面．．．正！

食完之後下午都係聽電話，見CASE咁．．．好快到五點半開會．．．開完會已經七點半了！本來同同事去食飯既，但係因為佢地決定去食泰國菜，所以．．．最後我都冇去到，因為好多野都唔食得！本來想親機同同事聯誼下架嘛，點知．．．唉！真衰！

>>April 24, 2008 at 2:17:08 PM GMT+8

2008 年 4 月 22 日 星期二 【陰】

今日係中心都係成日看counter，所以都冇咩特別咁．．．今日都好特意做好一點自己，至少唔會再有任何把柄比人話丫嘛！放工之後，坐左同事車入元朗，是關同事想訓練自己既車技術，咁我都唯有背著會有生命危險的機會搭佢車．．．不過後來由於有另一位同事都係入元朗，而佢又好趕時間，最後變左由一個好好技術既同事渣車喇，真係好彩！

入到元朗，我去左新元中間百佳，諗住買點送等埋A仔一起回家煮飯仔．．．點知呢間死人百佳咩都冇架，真係好差，仲話係SUPERSTORE喎．．．真係激氣到爆！最後A仔JOIN埋我之後，大家攪左好耐先至買到野．．．真係麻煩！

返到屋企，A仔佢負責煮野食，唔洗我出手，哈！都唔錯架，好好味！跟住佢仲洗埋碗，仲煮埋我聽日份午餐添，係佢第一份整比我食既愛心便當．．．甜到爆呀！好期待佢日試食呢！

>>April 24, 2008 at 2:10:31 PM GMT+8

2008 年 4 月 21 日 星期一 【晴】

今日公司發生件激氣事．．．唉，都唔知應從何說起了．．．只知道估唔到同事們係咁睇我？問題在於．．．我工作經驗太豐富了，令同事某程度上對我有忌諱！what's up？我都唔想架！無計啦，呢度既人就係咁，小器，自私，冇自信，小家，冇創新，守舊，扮大枝野．．．頂！唯一總結後，認為只有讓同事更認識同了解我啦，我都係做番自己架咋！我唔會因為其他人而要因應佢地而改變！因為係冇呢個需要囉．．．同好姊妹，A仔同媽咪傾過後，舒服左好多，亦都清楚問題所在．．．好左心情少少．．．今日成日本來都唔好心情了．．．唉！

放工後，約左好姊妹愛麗斯行街食飯．．．同呢個好姊妹一齊永遠係最開心既日子，因為同佢無所不談，什麼都可以講，分享，而佢又會比好多意見同建議我，佢都知我唔少秘密架，呵！真係好開心！同佢一齊，無任何壓力，SO GOOD~

係葵芳行，買左件四十蚊既外套，因為早前整爛左一件．．．而家成日出入冷氣地方，我呢類寒友冇件野係身會死的．．．呵！

回到家，先同A仔媽咪傾今日不愉快既事．．．A仔好好，花左好長時間同我傾計，佢都同我分享左好多佢工作上既事，有愉快同不愉快的．．．唉！點都好，大家一齊努力啦．．．我地係可以HANDLE的！

>>April 23, 2008 at 3:26:00 AM GMT+8

2008 年 4 月 20 日 星期日 【晴】

唔~ 今日都唔多舒服呀，成日都係鼻敏感，好死辛苦！！

先兩日係網上度訂左兩件衫，好平，四五十蚊一件，good~ 今日出左去交收，質數都幾好，可以有再交易既空間！跟住順手去左旺角行左一陣，買左少少野，好開心！是關好耐冇去買野了．．．妹妹後來都黎埋，同佢行左聯合，之後回家了．．．

今日真係好累呀！要早點休息！

>>April 23, 2008 at 3:11:49 AM GMT+8

2008 年 4 月 19 日 星期六 【雨】

今日完全係超晏先至起身，因為確實太眼訓太累了．．．訓到成點鐘先起囉，呵！好耐冇試過了．．．起身後同A仔食左點東西，又執下野咁，之後就同A仔一齊搬琴日買既野返我屋企．．．好重呀，如果冇佢都唔知一個人點攪，係走唔到囉！

返到屋企，剛剛爹地同妹妹睇緊Transformer，真係幾好睇，尤其係特技．．．A仔睇到不知幾開心，好似小朋友咁，好可愛！哈！今晚晚餐十分正，媽媽煮左西餐，有我地至愛既牛扒，仲有薯角等．．．今次既牛扒係安格斯小牛排，十分之正！我同A仔食左好多呢！之後食完我就係咁比媽媽睇我地今次廣州之旅既戰利品．．．A仔好好，佢又幫我手整好多野，又執野咁，好乖仔．．．抵錫！

>>April 23, 2008 at 2:45:45 AM GMT+8

2008 年 4 月 18 日 星期五 【颱風】

嘩~ 今朝好早起左身，琴晚又夜訓喎，好辛苦呀！今日十一點九終於到達左廣州，開始我地今日既行程．．．本來今次係諗住兩日一夜既，點知咁o岩又撞正係當地什麼貿易會，好多外國人都黎左呢度做生意，所以當地酒店承機加價，本來一間只係三百蚊一晚既酒店，加到千幾蚊一晚囉，擺明呃外國人既．．．加上，天氣越來越惡劣，七點幾時好似打八號咁喎，連遮都拎唔到呀，所以都最後計劃回香港！

不過好開心呀，今次實在係滿載而歸．．．買左好多結婚用既用品．．．我地兩個60 lt.既背囊都爆晒呀．．．不過好在真係揹左個大背囊去咋，如果唔係都唔知點．．．廣州既野真係超平，真係唔識得形容．．．深圳都要仲比佢貴呢．．．所以好開心，買左好多o岩用既野．．．哈！其實，雖然今次冇得映相，不過真係好感恩．．．雖然天氣惡劣，但係我地買左野，又過程十分愉快，而且好順利添，完全冇阻礙架，所以好感恩．．．或許神真係安排我地下一次去再映時會係一個perfect day呢．．．雖然要等一個月，不過真係十分期待．．．好苦呀，要等咁耐，哈！

返到香港，執野執到我地傻．．．大約計算，真係慳番唔少．．．遲點我都會將買左既野既list放上blog．．．而且要再小心計算一番個budget先．．．

有樣野要高度讚揚A仔的，就係佢對我實在太好了．．．當風雨好大時，佢知道唔可以再用遮了，佢就決定除下佢件CORETEX比我著當雨衣．．．雖然件衫唔合我碼，不過都好甜了，佢就冇野遮掩，係咁比雨臨．．．好心痛的，但係佢又好勇咁，所以．．．覺佢好型哦，哈！亦都好感動呢．．．佢真係好照顧我的，我好感恩呀！我知我將會有個好老公！

>>April 23, 2008 at 3:21:38 AM GMT+8

2008 年 4 月 17 日 星期四 【晴】

嘩~ 今朝仍然係一號風球，不過而家已經轉為三號了．．．就係因為呢個死人風球，令到我今次映婚紗相既旅程幻滅左．．．唉！對方話天氣太差了，所以唔會安排我地去映相，叫我地改期．．．我同A仔夾來夾去，都只有夾到一個月後，即係五月中去映．．．唔制呀，真係好失望，而且唔開心．．．我為左呢次映相，真係準備同做左好多野，點知而家泡湯．．．唉．．．唔開心呀！就係呢個死人浣熊風球，討厭！不過算啦，我知係神既安排黎既，一定會有佢既旨意係度的！要相信神吧！一早交託了的，就要接受任何的結果！

當然，難得拎左假，唔可以浪費，所以決定同A仔去廣州，因為近日做左好多資料搜集，知道廣州有好多結婚用品買，而且係好平架，所以一直都好想去睇睇．．．而且好啦，一於去一次，買一買要既野先．．．始終都要去一次架喇，就當次序同映相倒轉了啦．．．咁樣會開心一點！就咁，我地既兩日一夜廣州行就咁就開始了．．．好野！

>>April 18, 2008 at 3:15:20 PM GMT+8