2008 年 5 月 18 日 星期日 【乍寒還暖】

唔~ 今日d天氣開始差了，成日都落雨，而且天氣又凍左，完全係日溫差係好多，距離成七八度咁，真係好可怕．．．個地球好似隨時死咁囉！

今日好累呀，完全唔願返工．．．今日好樣衰，因為今朝早唔知醒，成八點九先至起左身，於是無奈地打比上司，請左兩個鐘OT囉．．．亦都由於咁O岩唔夠人手呀，所以我趕到死死下返去，最後十點五返到去觀塘，勁趕！

今日都冇咩野咁，都係聽下查詢電話咁，冇咩特別！

好經辛苦等到放工，之後就O拿O拿聲返屋企了，因為實在太累太累．．．返到屋企，食完飯後，本來想早點訓，但係最後都係十一點半計劃訓．．．本來好想打比A仔，但係眼訓醒左想打電話的心，哈！都係訓了．．．

>>May 22, 2008 at 2:41:41 PM GMT+8

2008 年 5 月 17 日 星期六 【暴雨】

哈~ 呢2日既婚紗相旅程終於完成了．．．今次十分愉快，亦都十分順利呀，我地都好感恩呢．．．我地琴日一早十點上到去，跟住見到已經有好多人係度化妝同換衫了，我地都被安排先揀當日既衫，我就揀左一件前短後長的婚紗，同埋一條淡黃色既長尾晚裝；而A仔就揀左一件白色同一件黑色既禮服．．．之後我地就化妝了！我個化妝師真係掂，佢好有心機幫我呀，相比其他新娘，我真係幸運，揀左個化妝部既主管，所以無論係SET頭或者化妝佢都整戈特別好同有心機．．．跟住攪掂晒我地就出發了．．．

足足搭左兩粒鐘車先去到我地既目的地，廣州既百萬葵園！嘩，咁大個女第一次見咁多太陽花，仲要朵朵都好大朵，同埋生得好高架！我著左對四寸高跟鞋都仲要企係D箱上面映相呀，真係好高．．．映完葵花，我地仲映左其他景，好似湖景咁，我地就上左一隻船仔上面，真係好驚架，跌落水就死喇！仲有去其他花園，例如薰衣草園等．．．咁就一整日了！再抬番兩粒鐘車返去婚紗店！

返到去皇崗間婚紗店，佢地同我地講聽日會送多個外景比我地，係去一個叫仙湖既地方．．．無所謂啦，我地都喜歡映外景的．．．無既，人地可以叫我地晒多點相O者．．．我地就好快落妝換衫，約好第二日既時間就去左對面酒店CHK IN．．．點知去到又話皇室冇同我地BOOK房．．．我地認為酒店有心玩野，想屈我地要貴房，所以先至咁講．．．當然我地唔會屈服，我地係咁叫對方打去皇室問下澄清下，我地擾攘左一陣後，酒店又話比住間有人BOOK左既房我地先．．．所以我地更加肯定係酒店玩野的．．．我地SETTLE左後就走左去食飯喇，果刻已經係九點．．．我地去左食　”真功夫”．．．有去過大陸既人都會知呢間野的，全中國都有既專門食蒸飯既店．．．都唔錯，又好味又平．．．我會再去食的！食完野我地就去左對面一間超大既超市行，同樣地A仔又係滿載而歸的，每次行超市都係咁架，哈！

到了今日，我地九點去到，係樓下KFC買早餐上去食，邊化妝邊食吧！哈，今次我地先映室景，我地因為今日有兩個造型，一個係日式，一個係宮廷式．．．其實我自己都麻麻地，因為好似太正經了！映完室景我地就再轉造型，準備出去文錦渡附近的仙湖了．．．去到仙湖，發生了一個小插曲！落左車攝影師先發現自己留左部相機係車度．．．O．．．初時都擔心會唔會映唔成呢？點知都好感恩呀，等左二十分鐘度就可以映了，好好彩呀！映完後，我地就出番公園門口轉妝，同埋等架車返黎接我地去第二個景點，就係溪涌既沙灘，近住大小梅沙果頭的．．．我地等左成粒鐘，果度有D人都嘈起來，投訴公司安排不善．．．不過我地就無咩所謂，我地用得人服務就要信得過人丫嘛，橫掂有時間，都冇咩既．．．

終於有車了，坐左四十五分鐘度去到沙灘．．．因為累得太緊要，係車都訓左！去到沙灘有點點雨呀，都好擔心映唔成，加上，攝影師又烏龍了，唔見左相機的一個零件．．．唉，當刻真係好擔心．．．幸好，等左一會兒，助手拎番零件比攝影師，而且雨又冇了，十分感恩呀！可以好開心咁係沙灘映相，同埋玩水水．．．十分開心呢．．．玩到濕晒呀！之後就返去皇崗了．．．

返到去換番晒衫落埋妝，跟住就揀度身訂造的婚紗，揀左一件純白色的LOW CUT加錢做埋拖尾，一米加一百蚊，都OK丫．．．再BOOK埋黎緊星期六揀相．．．哈，今次既相我地覺得大部分都好靚呀，擔心到時揀得太多呢，會失左預算．．．因為佢個PACKAGE只包100張相咋，到時一定頭痛死了．．．

攪掂晒就去左食飯，我地又去左”真功夫”食，呵！十分好味！跟住回香港了，返到黎已經十一點幾了．．．明天仲要返工，真係感到乏力．．．

>>May 20, 2008 at 1:41:04 PM GMT+8

2008 年 5 月 15 日 星期四 【晴】

今日返左土記，因為要出去做街站．．．今朝返到中心，等到十點就出發了．．今日既目的地係觀塘．．．真係好多人流，做即場解答都有十一個了，都十分好的效果吧！完左之後兩點去左食飯，食完就返土記了．．．放左工，出左去旺角，快手搵有冇對換人仔既地方．．．靈機一動，想起係聯合有一間，於是乎走左去唱錢，真係好！之後，因為仲未收到皇室打比我地既電話，未通知聽日幾點上到去，所以我都經開金都，所以走左去問問．．．真係奔波了．．．有十個累！

攪掂後回自己家，返到去執晒野食埋飯就去A仔度．．．我帶左好多野，揹左個大背囊呢．．．好在有A仔黎西鐵站接我咋．．．回到元朗，繼續同A仔執野，聽日十點要上到去呀，所以八點九先出門口都得．．．真係好，終於有日可以遲過七點先起身了．．．

好期待呢兩日映相旅程呀．．．希望天氣好啦，是關睇天氣報告話會多雲同落雨呀．．．

>>May 20, 2008 at 11:52:49 AM GMT+8

2008 年 5 月 13 日 星期二 【晴】

首先，真係想好好感恩一番．．．近日，四川地震一事卻成為左報紙上大事追查的話題，當然，我近日都不時追查著有關的情況及死傷人數，真係令人感到傷心．．．但係，當中亦令我同A仔感恩的是．．．原本今個年頭我地曾經計劃於這個時段去四川上雪山及映結婚相，但最後卻因某些原因取消了．．．現在知道神的恩典在當中，保守著我地，令我地最後沒有去到四川．．．所以，真係極之感恩．．．故此，我地今日都已捐左一些錢比紅十字會，雖然錢不是多，但希望可以幫得到少少力啦．．．

就四川呢件事，其實，我相信中國人是時候要好好團結起來了，唔可以再係各家自掃門前雪吧！有時見到報導，知道D人走得就走，一係就只懂得怨天尤人，坐係度咩都唔做，只係度喊，嘈．．．點解唔可以積極點，動起手來，一起去做一點東西，唔見得更好嘛？眼見另有一些人，真係一些很有心的人，自知自己生命沒有危險，就努力去救人，真係好感動．．．如果中國多幾個呢類人，一定景況好唔同吧！能出錢的就出錢，出力的就出力吧！不好說：”唔關我的事！”．．．我昨天曾經聽過一個長輩說：”呢個咁既天災，累人累物，累我D股票遲遲都收唔到錢，真係衰格！”．．．當刻，我好憤怒，點解呢類人只向錢看？前面有成萬人的命就已經沒有了，佢仍可說人阻住佢發達？哈，真係唔知可以點講呢類人好了．．．呢類只懂發死人財的人，一定有佢既結果！相信神一定會懲罰這些人的．．．
我相信，中國要崛起，最重要的是改變人的質數．．．我唔相信一個北京奧運，就可以永遠改變D人搭車買麥記去廁所會排隊，唔會再係街隨處吐痰MOU低．．．因為，呢個就係中國人既根本質數，加上中國一向沒有公民教育，人民就係冇什麼公民意識．．．中國真係要好好崛起，我相信真係要多加努力吧！我盼望一百幾十年後可以有新的景地出現吧！

今日放工後，約左A仔去旺角食飯，我地去左一間叫五月花既食，係食任食日本台灣野，大約$150一個人，六點至六點半內入坐，仲係$139．．．抵！都好多野食，而且質數唔錯，我地決定第日再去食過．．．之後去左行街，今日既時間好好洗，因為早左出去食飯，所以多左時間同A仔見面，好開心．．．即使今日係公司發生左點不愉快既事，都算吧！總知問心無愧便可以了．．．對嘛？A仔說得對，離開了公司，就不要再想公司的事．．．

>>May 14, 2008 at 3:42:00 PM GMT+8

2008 年 5 月 12 日 星期一 【晴】

唔~ 琴晚好慘，足足喘左一晚，唔知咩事，無啦啦係咁喘，半夜都起左幾次身，又飲過水，又坐過，都係唔掂，最後都要嘖藥．．．我已經唔想再嘖咁多了，因為始終唔多唔少都會有副作用吧，我背脊d粒粒都係拜d藥所賜了．．．好想快些解決粒粒問題，但又決定了唔再睇中醫，因為好似冇咩效咁，加上又要戒晒所有有營養既食物，個人都容易病左，所以而家唔睇中醫，都唔知d粒粒可以點攪？唉．．．煩！仲有，氣喘問題．．．好想斷尾架，曾經想過真係可以睇中醫攪得掂．．．不過．．．真係好矛盾！

琴晚喘，今日成個人精神都好差，渾渾鱷鱷咁．．．好累好累．．．

頭先食完飯就去左A仔中心度比番D野佢，不過佢太忙了，坐左不夠一分鐘，佢就叫我走先．．．唔多唔少有點失望．．．不過明白的，佢要工作嘛！

>>May 13, 2008 at 2:11:12 PM GMT+8

2008 年 5 月 11 日 星期日 【晴】

嘩嘩~ 今日好晒呀~．．．其實琴日同今日都去左camp，我同A仔仲有幾個山藝教練去左塔門度玩．．．呢個地方係我第一次去咋，感覺真係正，好靚，風景不但美，而且環境怡人呀，交通都幾方便既，而且又有士多，有咩可以補給．．．哈，有機會我都會再去呢．．．

朝早七點幾起身後，食完早餐，我地就係塔門離開，搭船過填徑．．．因為A仔要去學一D攀石既技巧，尤其係SET繩方面既野．．．難得有個教練係度，一定要向佢偷師呢．．．呢個教練好好人架，佢星期六晚都教左我地好多繩結，我都學左唔少野．．．真好！

完左之後，我地就係西貢走了．．．點知MISS左幾班車．．．真係想死！返到屋企已經五點幾了，好累！而且發覺晒黑左．．．頂！下星期仲要映相，點死？！

>>May 12, 2008 at 2:02:11 PM GMT+8

2008 年 5 月 9 日 星期五 【暴雨】

今日慘慘，病了．．．發燒而且喉嚨痛．．．嗚！好辛苦呀！

中午去左睇中醫，佢話我感冒嚴重了，可能我吹親下．．．講真，我開始發覺呢個中醫唔係好幫到我了，A仔都講得o岩，睇左咁耐都好似病仲多左，錢又係咁洗，但係都好似冇好轉咁，而且樣樣有營養既野又唔食得，咁身體又點會好呢？唉．．．我都開始有點動搖，唔知仲睇唔睇佢好．．．但係，媽媽又話中醫係要長時間的，一時三刻係唔會醫得好！係架，我係d心急既人，而家咁拖住，我都好多時好唔耐煩，個個星期要去覆診，錢係咁飛出去，真係唔少錢架，真係窮到爆！唉．．．要好好考慮下了．．．

返到屋企食左藥就係咁訓，波波貓陪住我訓，訓到七點起左身．．．之後同A仔傾左陣，聽日要帶咩野去塔門．．．我知A仔為我好，唔想我辛苦，又怕我到時埋怨多多，煩親佢，所以不斷問我係咪OK去到，叫我唔好免強．．．其實我都OK去到既，至於埋怨我都好少會高調地埋怨既，咁當然有時伸下都會有啦，係嘛？正常事黎O者．．．

夜晚同屋企人食飯，我同妹妹夾份請媽媽食飯．．．不過過程唔開心，因為爹地又係度挑釁人嘈交．．．真係好討厭，佢次次都總係咁．．．好煩！有時對住佢真係好難忍受．．．佢果D臭脾氣，郁下就發火，係咁拉住人嘈唔放果隻，好死煩．．．憎到爆呀！算，今日見係同媽媽慶祝先唔同佢嘈咋！

返到屋企，快手開始執野．．．聽日唔返教會了，打算早上去飲茶！不過相信一定超多人了．．．好期待明天去塔門，因為未去過呀！一定要帶相機去呢．．．

>>May 10, 2008 at 4:54:47 PM GMT+8

2008 年 5 月 8 日 星期四 【晴】

嘩，近日既天氣真係熱到爆，日日都話三十度，好似己經係夏天咁呀！好晒添呀！搭車果陣成程車一粒鐘都比太陽晒住，好痛好唔舒服呀！好想買枝防晒FOR朝早搽手腳囉，太辛苦了，好怕晒傷或者晒黑！

今日同樣係超超超級眼訓囉，想死的感覺．．．不過，好在今朝得我一個，同事們出晒去做野，而且又有好姊妹同我傾MSN，心情好之外，時間亦過得好快．．．當然，我係有做野架，有聽電話架，係好忙果隻，冇停過的．．．因為今日唔知做乜好多電話囉，聽死人．．．我今日有帶飯，不過今日帶左個新飯壺呀，媽媽買左個HELLO KITTY飯壺比我，雖然我一向對呢隻公仔冇好感，不過都覺粉紅色都幾靚丫，而且，又真係幾KEEP到WARM呀，足足五粒鐘都幾OK下！GOOD~ 食完飯同樣出左去萬寧行，本來想買防晒，點知見十幾人排隊，所以放棄左！

下午時間好似好難過咁，因為下午反而電話唔太密，而且同事係度，唔太方便上咁多網呀！本來，聽日同事係有活動，係去遊車河加燒野食，但係，我真係冇錢呀，佢地話要每人夾起碼三百蚊，而且我又唔可以亂食野，加上近日爆晒痱滋，好辛苦呀，都係唔好喇，所以都推左了！加上，聽日都要同媽咪慶祝母親節呢．．．

放工約左A仔，因為今日要去佢家姐度扡下佢家姐．．．佢家姐有了BB，但唔太穩定，已經在家休息了差唔多兩星期了．．．希望天父神可以保守佢同個BB都平平安安啦~ 見A仔家姐，祖安，佢都精神唔太差既，只係成日想嘔咁．．．令我感到除左生仔辛苦外，亦都感覺到媽媽偉大！跟住去左食飯，過程中有點事情令我對某些人有另一種看法，當然，係一些唔太好感的感覺！唔，或許我媽媽係一個好愛錫我地既人，對我地係無微不致的，多番照顧的．．．所以，才產生了與對方有著很大的對比！！或許．．．我唔明白對方的想法卦，又或許佢有難言之忍啦！點都好，我對於作為一個媽媽，始終覺得無論如何佢都會比自己既子女最好的東西，因為子女就係佢既一切，即使以前什麼原因而生他們，但作為媽媽一定會唯護子女，愛錫子女，照顧子女，將最好的給他們的，亦會盡能力幫助子女渡過難關．．．即使有些事情媽媽的能力是有限，或者因為有其他外在因素影響，而未能夠協助子女解決問題！但我相信，作為媽媽點都會為子女找出最好的方法，或者盡自己所有的能力去協助子女處理問題或渡過難關的．．．我亦相信，日後我當了媽媽的話，我亦會如此．．．

這件事後，唔知點解突然令我感到很害怕，有點兒卻步，亦很想逃避．．．．．！！！唔知如何面對自己的將來先好．．．

>>May 10, 2008 at 4:46:04 PM GMT+8

2008 年 5 月 8 日 星期四 【晴】

嘩，近日既天氣真係熱到爆，日日都話三十度，好似己經係夏天咁呀！好晒添呀！搭車果陣成程車一粒鐘都比太陽晒住，好痛好唔舒服呀！好想買枝防晒FOR朝早搽手腳囉，太辛苦了，好怕晒傷或者晒黑！

今日同樣係超超超級眼訓囉，想死的感覺．．．不過，好在今朝得我一個，同事們出晒去做野，而且又有好姊妹同我傾MSN，心情好之外，時間亦過得好快．．．當然，我係有做野架，有聽電話架，係好忙果隻，冇停過的．．．因為今日唔知做乜好多電話囉，聽死人．．．我今日有帶飯，不過今日帶左個新飯壺呀，媽媽買左個HELLO KITTY飯壺比我，雖然我一向對呢隻公仔冇好感，不過都覺粉紅色都幾靚丫，而且，又真係幾KEEP到WARM呀，足足五粒鐘都幾OK下！GOOD~ 食完飯同樣出左去萬寧行，本來想買防晒，點知見十幾人排隊，所以放棄左！

下午時間好似好難過咁，因為下午反而電話唔太密，而且同事係度，唔太方便上咁多網呀！本來，聽日同事係有活動，係去遊車河加燒野食，但係，我真係冇錢呀，佢地話要每人夾起碼三百蚊，而且我又唔可以亂食野，加上近日爆晒痱滋，好辛苦呀，都係唔好喇，所以都推左了！加上，聽日都要同媽咪慶祝母親節呢．．．

放工約左A仔，因為今日要去佢家姐度扡下佢家姐．．．佢家姐有了BB，但唔太穩定，已經在家休息了差唔多兩星期了．．．希望天父神可以保守佢同個BB都平平安安啦~ 見A仔家姐，祖安，佢都精神唔太差既，只係成日想嘔咁．．．令我感到除左生仔辛苦外，亦都感覺到媽媽偉大！跟住去左食飯，過程中有點事情令我對某些人有另一種看法，當然，係一些唔太好感的感覺！唔，或許我媽媽係一個好愛錫我地既人，對我地係無微不致的，多番照顧的．．．所以，才產生了與對方有著很大的對比！！或許．．．我唔明白對方的想法卦，又或許佢有難言之忍啦！點都好，我對於作為一個媽媽，始終覺得無論如何佢都會比自己既子女最好的東西，因為子女就係佢既一切，即使以前什麼原因而生他們，但作為媽媽一定會唯護子女，愛錫子女，將最好的給他們的．．．即使有些東西媽媽的能力是有限，或者有其他外在因素影響，但作為媽媽點都會找出最好的方法或者盡自己能力去協助子女處理問題或渡過難關的．．．我亦相信，日後我當了媽媽的話，我亦會如此．．．

這件事後，唔知點解突然令我感到很害怕，有點兒卻步，亦很想逃避．．．．．！！！唔知如何面對自己的將來先好．．．

>>May 10, 2008 at 4:42:08 PM GMT+8

2008 年 5 月 7 日 星期三 【晴】

今日返工極度眼訓，因為琴晚太夜了，唉．．．有十個累呀！！！

返工成日放蚊，好慘！真係冇咩心機同心情．．．但係電話就好多！今日仲要開OT呀，冇九點唔好諗住有得走呀！成日都有點想死的感覺，好乏力呀！好似遊魂野鬼咁，哈！

到左食飯，同樣係飯堂食，都係食快餐，覺得好唔抵好貴同埋唔好食，心情更差．．．D野好似好唔新咁囉．．．唔開心！後來，食完野出左去行左陣，買左對拖鞋，心情好了一點！對拖鞋用黎戶外用的，都係時間買番對好少少的了！之前果度著到我丫，對腳損晒囉，頂！初時想心思思係元朗QUICKSILVER度買對OUTLET既拖鞋，都咪話，平極都六十蚊，真係得個貪靚同名牌．．．唔知呀，或許一分錢真係一分貨既．．．但係最後都冇買到！好似好晒咁，咁貴去CAMP？唔好喇卦！

放工，同左同事一齊去左灣仔，是關今日我地要去其他工會到探訪，大家交流下咁．．．咁就攪左兩粒半鐘了．．．連飯也冇時間食！只係我之前好快咁吞左五粒章魚小丸子同一杯鮮炸奇異果汁！GOOD~ 好眼訓呀！本來同事話完左去食飯，我都累到唔想去了，即時返歸！係巴士係咁訓，訓到落車！近日成日一返到屋企訓落床，即時就會訓著了，係車都係咁．．．可能真係太累了，已經係長時間唔夠訓既狀態．．．真係心力交碎呀！

>>May 10, 2008 at 4:23:48 PM GMT+8