2007 年 9 月 27 日 星期四 【晴】

wow．．．今日超早六點鍵就起身喇，所以十分之眼訓呀！嗚！朝早個人呆呆滯滯咁，好辛苦呀！．．．終於去到白田了，我地去了一間好傳統既茶餐廳度食早餐，真係幾有情調架，唔錯，十七蚊就有一個好豐富既早餐了，真係好好味呀！之後，我地就去左白田既中心度準備，因為今日會同d展翅仔玩現金流．．．其實我都有一段時間冇瑁過喇，所以初頭我都要warm up番點樣玩呀，哈！過程都幾好，唔錯呀！都好好玩丫．．．最後一點前終於攪掂左．．．

完左之後，我地係白田行番落去深水步；我地行左去西九龍中心對面新開個大廈裡面既明將度食，我地食任食壽司，都係四十幾蚊一個人．．．不過我都係覺呢度既壽司質數麻麻地，同埋計落都唔係十分抵死．．．不過唔緊要啦，最緊要食既過程大家開心丫嘛！哈！

食完之後我同A仔同佢同事分手，我同A仔就行街街．．．我地去左好多地方，做左好多野．．．不過，都總係好似有點黑仔咁，尤其係想去星展銀行整野．．．唉，都總係好似同星展好冇緣份咁，成日都做唔到想要做既野咁，真係討厭死．．．星展真係好CHEAP~ 不過好在最後A仔都可以完成任務！

本來，我地今日打算上大陸既，後來又決定唔去了，決定明早才上去，因為認為唔值得無啦啦洗多百幾蚊去DUP骨就係為左要過夜．．．後來，我收到個call叫我聽日去見工，所以更加明天去唔到大陸了，最後唯有改係星期日去啦．．．所以我地就各回家了，我就回家要好好準備明天既面試．．．雖然睇番份工既工作範圍未必咁好，不過．．．都見左先啦！

聽日要去東頭村咁邊見工．．．我都好似未去過，所以都擔心唔識去呀！唔．．．聽日要早少少起身好好準備同睇清楚個地圖先．．．（雖然打比我果個人已經教左我點搭車，不過都驚驚地．．．）而家都叫做準備左少少野啦，聽朝早點起身再準備一下啦，費時到時見工太樣衰啦．．．

好啦，十分眼訓呀，所以．．．訓了．．．雖然而家得十點半，但係都已經十分極度想訓．．．頭先搭車返屋企時都係車度訓著左了，好累．．．返到屋企都冇胃口吃野，最後係八點幾食左兩塊包包就算了，真係冇咩胃口吃野呀，唔知點解囉．．．

唔，希望聽日見工順利啦．．．

ps，今日要多謝A仔，佢豪左我地好多錢錢呀！錫錫番啦．．．

>>September 28, 2007 at 2:29:48 PM GMT+8

2007 年 9 月 26 日 星期三 【晴】

唔~ 今日既天氣同琴日一樣，都係十分陽光普照的．．．真係好溫暖既感覺呀．．．開始有點秋意之餘都係帶住少少夏天既味道．．．哈，都唔知自己講緊乜呀！

今朝訓到九點幾就醒左，不過琴晚就真係訓得唔多好喇，因為成晚都比”姨媽”騷擾住，唉！中途起身都不知起足幾多次，討厭！近排成日都訓得唔多好，成日朝早七點幾就會自然醒，今日仲衰，六點幾就醒左添！激死！一肚痛個人就辛苦到唔知想點咁，憎死呀！！！

今日好攪笑，陪左A仔返到山景之後，我傻左跟左佢去"DO"丁丁出閘．．．其實平時我係唔會"DO"架，係轉左去第二個站繼續搭車既，不過今日唔知點解傻左，跟住佢去"DO"囉，哈！所以索性都比錢，不如留多一陣啦；最後，跟左A仔同個朋友傾生意．．．我地去左一間泰國餐廳食，仲好有情調咁坐左係露天既茶座度．．．係就係幾熱架，不過勝在有FEEL丫嘛！唔錯既．．．

今朝收到個電話，係叫我下星期去見工既．．．呢份工係我一個姊妹介紹架，所以都想做番好少少個表現；呢份工係我已經放低左好耐冇做過既工作，所以而家要見工都有少少驚驚地架．．．於是我就梗係要搵A仔師傅問問同幫手啦，因為佢係青年就業方面好有經驗架！最後係佢中心度拎左好多資料走．．．呢幾日要好好溫習了，唔可以太樣衰架，因為我既資料已經OUT晒DATE架喇！而且，話晒係朋友介紹，都唔可以令人地難做啦．．．

食完野返到屋企，見累累地．．．其實每個月一次都總係果幾日累到飛起架，都唔知點解既．．．所以返到屋企就訓左一陣了．．．一訓就訓到五點，呵！

聽日要早起身呀，因為要同A仔出去白田幫尸1手帶活動，要七點九去到元朗呀，即係要六點半起身啦，天呀！！之後星期六都要早起，因為我地要去行山．．．本來今日係個朋友手中終於拎左枝炭纖行山杖，點知頭先CHK果時天發現有問題呀，希望聽日可以換得番啦，唉！如果唔係真係好失望呀！！A仔佢好好，佢話送呢枝行山杖比我，都貴架，所以好開心！錫晒佢呀！

星期六可以同A仔去行山，真係好開心！除左係一個佢考驗我既難關外，亦都係同佢好好相處既時間，所以我會好好珍惜的．．．希望天氣可以KEEP住咁好啦，咁我地既行程就可以順利了．．．因為是次既路途十分長，要行足九個鐘，我都擔心呀，因為近日生理關係，怕唔係好夠精神同體力．．．希望可以完成得到啦．．．神呀，希望你給予我地一日好既天氣，同埋可以給予我一個能夠應付當日行程既體力精神我，好讓我可以順利完成難關啦！

>>September 27, 2007 at 3:30:17 PM GMT+8

2007 年 9 月 25 日 星期二 【晴】

嘩~ 完全冇諗過今日既天氣咁好架．．．一朝早七點幾就醒左喇，見到出邊出晒太陽咁，好似好溫暖既感覺咁，所以決定落街點都要跑番個夠本．．．真係好舒服！好似好耐冇見過陽光咁呀！正．．．雖然琴晚都成兩點先至訓，因為一來睇埋個妙手仁心先訓；二來因為琴晚都特意上上網搵下工咁啦，咁又寄左兩封信了．．．琴晚係夜訓，但係而家都成日好準時每日七點幾就會醒左一醒．．．除左因為係波波朝朝都係呢個時間叫醒我之外，都係因為我以往都係呢個時間起身番工卦，所以好似習慣左咁．．．

到左下午，妹妹話叫我陪佢出去市中心，所以我就出左去喇．．．一去就去到五點多．．．之後我就急急腳去元朗搵A仔了．．．我去左元朗後幫AUNTIE手買豆腐整飯食，呵！叻叻，買到正豆腐了．．．

去到A仔家，突然悶悶地，同左A仔一齊玩衛生麻雀，哈，攪笑！我就連勝好多局呀，勁！其實好耐冇打過麻雀，都好玩丫．．．呵！跟住我地食飯，好似都好耐冇食過AUNTIE煮既飯了，因為佢要返工都好忙啦．．．所以今日十分難得的！我地一邊食飯一路睇鬼片，都幾驚下架，不過都好睇既．．．睇完之後我同A仔繼續大戰，當然，又係我勝啦，哈！

一陣，我地會玩電腦版現金流．．．其實都有好耐冇玩過了．．．可能好多朋友都唔知什麼係”金現金流”？！其實如果有睇過”富爸爸．窮爸爸”呢本書就一定會知．．．有機會真係可以睇睇架，都令人幾反醒同反思架！回想起果時我睇呢本書果陣，個人真係有好大既反思，真係想到有好感慨既感受架．．．眼見自己現況如何時，就更加覺得自己真係要好好積極努力了．．．當然，而家都同樣會積極同努力的啦！

唉，今日又係一個月一次果D．．．好討厭！起身時又係十分肚痛囉．．．天呀，點解做女人咁慘架！唉．．．

>>September 26, 2007 at 1:45:27 PM GMT+8

2007 年 9 月 24 日 星期一 【雨】

今日係中秋節，在此祝大家中秋節快樂！人月兩團圓呀！想起上年既今日，曾有個朋友SEND左個SMS比我，佢都係祝我人月兩團圓．．．不過，當時個人就心情好差，個心仲好"UP"下添．．．唉！不過，今年唔會再係咁架喇，哈！一定會人人開開心心既．．．

今日並冇特別節目呀！朝早都成十點先起身，訓左差唔多十個鐘，嘩！真係夠晒囉！之後食埋早餐，我就陪左A仔返工！我地一路玩住電話既導航系統，一路搭車．．．哈，好笑又好玩！真係傻左．．．送到A仔返到山景我就一個人返屋企！後來，我去左屯門碼頭JOIN媽媽，陪左佢地買送，買定今晚做節既野．．．買左好多野，仲買左D好貴既蝦，成八十八蚊斤，即係成五蚊一隻既蝦．．．嘩，好似從未食過咁貴既蝦！正！仲有好好味既湯湯．．．哈，我至愛係飲湯，無論係中或西都喜歡，YEAH~

返到屋企，見媽媽用住部電腦，我未睇漫畫囉！其實識我既人都知我唔係十分愛看漫畫，但係今次呢本好好笑架，係A仔買既，講貓架，所以十分有興趣去睇囉！睇完之後洗埋個頭見肚餓，所以同媽媽又落多次街去左食TEA！好飽呀！我食左成碟炒烏冬，因為太肚餓了！之後再同媽媽買野，順手幫媽媽個朋友手睇住個孫B．．．真係累，照顧一個B既氣力等同去做一場運動，又要抱又要彎腰，又要長氣講野，又要好多好多野．．．呀！辛苦！不過幾好玩既．．．玩就好囉，生就咪攪！後來仲送埋個B返屋企，係佢屋企同佢玩左一陣彈彈波，我走果陣佢仲喊晒好唔捨得添，真係慘，喊到好似”湯”豬仔咁呀！

今晚同屋企人食飯做節，不過見到天氣暫時都冇落雨，都尚有少許氣氛咁．．．雖然月光都係睇唔到架喇，都起碼唔好落雨咁掃興丫嘛，係咪？A仔佢就今晚出左佢家姐度，因為今日剛好係佢家姐正日生日，所以佢地一家順便慶祝佢家姐生日之餘仲可以慶中秋，都幾好丫！而我就唔出去喇，一來都要好好陪下自己家人了，已經冇點同家人一齊食飯架喇，；二來，因為近日貪吃，食左好多甜野同月餅，攪到我近來晚晚係咁咳，我就咳死架喇！真係好辛苦，好多KAM KAM．．．我呢排都差唔多冇一晚係訓得好架！晚晚半夜係咁咳，之後就係朝朝七點幾醒係咁咳．．．死左！我最怕係咳，因為一咳就好易喘．．．不過，SO FAR好在都冇咁樣，可能有做開運動都強左少少．．．反而A仔已經病左差唔多兩星期都未好番呀，佢仲咳緊囉，真係令人擔心呀！我都仲係病左一星期都未有，希望快點好番，星期日才有力氣去行山．．．

今日SEND左個RESUME比個朋友，因為佢機構請人，我都有興趣試一試．．．唉，正如A仔所講，唔可以再係咁揀擇架喇．．．係時候要穩穩定定的了！我都知道，所以，既然今次有熟人介紹，希望真係可以成數大一點！如果成功既話，可以十月去完北京返黎開工，咁就o岩o岩好喇．．．不過而家諗可能ideal左少少，哈！

>>September 25, 2007 at 11:54:20 AM GMT+8

2007 年 9 月 23 日 星期日 【雨】

嘩~ 今日既天氣真係差，橫風橫雨咁．．．唉，一號風球話咁快走左，不過d雨仲係咁落，真係令人心帖情都唔多好呀！

今朝早好早已經醒左，大約七點零鐘度啦，見到出面個天出太陽喎，個心鬼咁開心，諗住訓多一陣，大約八點起身落街跑步．．．點知．．．過左一陣，個天就黑晒，仲越落越大雨添，真係掃興！其實差唔多一個星期冇跑喇，再係咁落去真係唔係好得囉，唉！唔知點解，總係每一次都總係有好多原因或者藉口令自己唔去跑步架，真係衰囉．．．

好啦，就咁就訓到十點，好快手攪掂晒，十二點九就出左門口！因為約左A仔去深火步，諗住去睇下一些outdoor既衫褲咁．．．其實我曾經打算買件cortex加freeze既外套，不過而家仲係暖，所以好難搵到呀！即使搵到，都係唔平都質地唔好囉．．．所以A仔叫我唔好買，用其他方法解決！而且，我地都認為反而買assecessory好d，例如帽呀，手套咁．．．所以最後去左旺角毅成買左一頂防風帽，個樣就好似泳帽咁，好攪笑架！不過．．．凍起上黎醜樣都要架啦！其實而家親有時間，真係好睇定有d咩衫可以著，同埋有咩要帶咁．．．仲有呀，都係時間要好好計劃一下我既行程，同埋，我估都係時候要去訂火車飛了！．．．太多野要做喇．．．

行完街我地一齊返左元朗！本來打算煮野食既，後來都係懶懶地，都係求其買左PIZZA返屋企丁黎食，哈！食完之後，唔知點解我地兩個都好眼訓，不過，A仔仲有興致去睇DVD呀！O．．．想訓呢！

>>September 25, 2007 at 11:23:14 AM GMT+8

2007 年 9 月 22 日 星期六 【雨】

今日好開心，因為一朝早起身就去左A仔中心，幫佢手帶一班人去機場參觀！我地去左機場新開果個客運大樓，果度除左有好多商店外，亦有好多唔同既野玩．．．加上今次去完全唔洗錢，包左一張$50既現金卷，你可以用黎食野又得，購物又得；跟住仲包左入4D影院睇電影；同埋去佢果個什麼星光唔知乜度玩；

我地去到之後就梗係醫左個肚先啦．．．我地用左果$50既Coupon去左burger king度食，一人一個餐，咁就洗晒呢一百蚊了，仲要洗多十三蚊添，哈！跟住，我地就去左睇果個4D．．．well，差左少少囉！內容低b左少少之外，仲好短時間，十五分鐘睇完．．．"O"左！

跟住，因為今次帶左一班展翅仔去玩，所以就當中有一個環節係FOR佢地既TRAINING；我就跟左其中一組去玩CHECKPOINT！我地呢組都叻架喇，可以搵到三個POINT，話晒成個機場都好大架，都搵得幾辛苦！搵晒之後，就係自由活動時間．．．我幾難得先可以再同A仔再聚，一齊去玩玩呀！我地去左果個什麼星光ＸＸ度玩，裡面有好多電影既人物，內容，場景之外，仲有好多同電影有關既遊戲玩．．．都幾攪笑下．．．好好玩，仲影左好多相添．．．跟住就夠鐘喇，都係要走人！

返到屯門解散之後，我同A仔就返左我屋企，同左我屋企人，二舅舅，二舅母，表哥，細嬸，細佬細妹佢地出街食飯．．．嘩，今日一次過收左好多月餅，都唔知點攪．．．所以頭先返到屋企好快手先食左A仔送既兩包美心冰皮，哈！好味！謝謝！而家屋企仲有一整盒榮華，三個美心，同埋一整盒大班官燕冰皮未食囉，唉！開始有點驚驚地．．．

聽日再約了A仔，因為A仔明天在白田工作，下午放假，所以我下午會出去會佢，順便去行下街，睇下野啦．．．好開心今日可以同A仔一齊玩玩呀！雖然大家都係工作中，不過我已經好開心喇．．．哈，唔知點解，而家越來越欣賞A仔，真係發覺佢都係離唔開”用把口”搵食既工，哈！因為佢講野真係好叻，好吸引人！暈左喇．．．

>>September 23, 2007 at 1:29:40 PM GMT+8

2007 年 9 月 21 日 星期五 【晴】

嘩，琴晚唱K唱到五叔點先返．．．不過琴晚不太愉快呀，一來因為唱到半路胃痛，攪到中途要返屋企拎胃藥食；二來因為D人唔係咁好玩，所以．．．我地都玩到四點九都走人了，費時啦，早點返屋企訓覺好過囉．．．返到去A仔好快就訓著左覺，我就死人都沖埋個涼先至訓喇．．．最後我都成五點幾先至訓！

跟住一訓就訓到今日既三點．．．O．．．跟住HEA左一陣，食左少少月餅做”早餐”．．．唉，頭先同A仔有少少argue，係關於北京既事．．．不過經過大家一齊既討論同埋分解誤會後．．．大家而家可以積極面對問題了！我地決定黎緊既星期六去行山！放心，我會做得到的！

>>September 22, 2007 at 12:34:05 PM GMT+8

2007 年 9 月 20 日 星期四 【晴】

哈~ 琴晚一次過臨訓前食左五種味道既美心冰皮月餅呀，呵．．．好好味．．．我覺得最好味既係”芒果脆脆”同”楊枝金露”呀！當然．．．我只係每個食左半個o者，仲係要細size果隻，呵！同左A仔一齊share啦．．．好飽飽呀！不過好滿足！

到左今日，終於可以好好訓一餐飽了，我地成十一點幾先至起身呀！yeah~ A仔都好蜃冇試過訓得咁好了，真係好，佢可以好好休息了．．．見佢近排捱得咁辛苦，真係好心痛佢呀！希望佢好好休息啦，養足精神嘛！之後到左下午，我煮左個愛心午餐比A仔食呀！我煮左愛心牛扒比佢食．．．用左最快既半個鐘時間，煮好晒D扒同煮埋湯過佢，哈！勁！好在都好好味！當然，都係因為D扒係好靚既安格斯牛扒先有咁既好質數啦！呵！

食完之後，因為時間尚早，所以A仔建議我地踩番一轉．．．單車！A仔載住我由元朗踩到去錦田呀！真係辛苦左佢喇．．．累死佢呢！去到錦田之後，比我地之番之前我地曾經食過既一間麵飽店！呢間野並唔係什麼好有名既餅店，亦唔係而家什麼連鎖式既餅店，而係一間好舊好傳統既餅店．．．呢間野我地好幾年前食過一次佢新鮮熱辣出爐既飽飽後，就已經愛上左喇！我地至愛佢既菠蘿包同雞尾包，係超正呀！好味！今次我地除左呢兩樣外，仲試左個墨西哥包．．．都幾OK喎！食完之後，我地就去左惠康買野飲．．．之後，A仔就再踩一轉送我番元朗，送我地搭巴士出葵芳，因為我約左個姊妹食飯！

出到葵芳，我就同好姊妹邊行街邊食飯邊傾計，十分愉快既時間！大家都分享左好多屋企寵物既東西，好開心呀！我地去左A1 BARKERY度食，都OK抵死喎！都係六十幾蚊已經有好多野喇，幾正呀！食完之後行街，我買左條短裙仔，仲有5塊MASK，FOR去北京時用，可以超級地保濕嘛！哈！之後，A仔打比我，佢今晚本來係約左同事唱K，為兩個同事慶祝生日！點知有部份人好玩既人又唔黎，一D唔係玩得既人又黎左，攪到個氣氛好似好怪咁，所以A仔"誠邀"我回元朗陪佢一次．．．好啦，捨命陪君子，一於奉陪啦，冇理由見住男友咁慘既，係嘛？所以今晚就去左唱K了．．．聽日再報告情況啦！

>>September 22, 2007 at 12:27:11 PM GMT+8

2007 年 9 月 19 日 星期三 【晴】

好可憐哦，今日仍然病緊．．．雖然鼻水已經冇琴日流得咁勁，反而突然間開始咳起來，同埋個鼻好塞下囉．．．好慘呢！想起，可能琴晚因為食左大半個美味既水晶梨，所以．．．咳都係在所難免了吧！嗚！

由於琴晚吃左藥，所以琴晚初時十一點幾訓時真係幾好訓架．．．不過無啦啦點幾鐘果時醒左一醒．．．唔知係咪因為琴晚訓得多，所以之後突然醒左？跟住，又係不斷地流鼻水，不斷”伸”，不斷地鼻塞．．．唉！好經辛苦才可以再番落床訓．．．一醒已經係十點了．．．後來媽媽佢叫我同佢一齊落街飲茶！無錯，又係飲茶！．．．其實都ok既，只不過係好多時飲茶都係會好快肚餓．．．

飲完茶之後，陪左媽媽一個朋友去幫佢個孫女買衫仔．．．哈，而家小朋友或者bb既衫仔真係好cute呀，真係好靚好得意呢，我都幫佢揀左條裙仔，個個auntie都話靚呀！呵！跟住就返左屋企．．．過左一陣，媽媽班師奶朋友話要過黎我地度唱歌．．．其實我都冇咩所謂既，你地有你地唱，我有我自己做自己喜歡既野．．．咁佢地唱我咪上網同聽歌囉．．．

後來，我發覺我個msn比人hack左呀！唉，想起應該係琴晚個朋友做既好事．．．佢無啦啦send左一句英文比我，話什麼有個人識我，仲send埋張相比我睇．．．初時一次，我冇理到，問起佢佢又話send錯左比我；好啦，過左一陣又再send多次，我今次再問佢佢又冇答我，咁我就傻仔左開黎睇．．．咁就中左招喇，shit！！！而家個msn個list既人隨時會收到同樣既msg同埋file，真係討厭到爆囉！如果一分鐘後有人比人打死左既，我黑心d希望係果個hacker．．．hehe~

今晚去左A仔度接佢放工，見佢都好忙，走來走去咁．．．都知道佢近排忙到七彩，真係辛苦佢了，成日都返三節，真係可憐！尤其係佢近日病左，想好好休息既時間都沒有．．．係唯一琴日可以放早，一返到屋企一訓就訓到第二朝喇，真係可憐！心痛死我．．．希望佢好好捱過呢一段時間啦，咁就可以好好休息了！

明天約左個好姊妹出來吃飯，順便比手信佢！希望佢會鍾意D手信啦．．．

>>September 20, 2007 at 2:32:55 PM GMT+8

2007 年 9 月 18 日 星期二 【晴】

"唉，好辛苦呀！呢隻藥都唔夠勁！！”．．．呢一句其實係必利痛特強傷風感冒藥廣告內其中一句對白！好能形容我而家既情況，因為．．．我好可憐，我病左呀！！

今朝起身時，已經覺得唔係好妥架喇，個喉嚨好似乾到爆咁，連聲都出唔到呀！好痛好痛．．．而個鼻就好似塞塞地咁，成晚訓覺都覺得個鼻孔裡面又乾又痛，好辛苦呀！後來，飲左少少水，同A仔傾多幾句計，把聲先至叫做開番些少．．．送左A仔上車，我就一個人返屯門了．．．返到屯門西鐵站，一見到鴻福堂，即刻走左埋去，買左一杯熱既雪梨茶飲，飲完之後個喉嚨舒服左少少．．．．返到屋企，嘩，好似死左咁，個鼻就開始黎料喇，係咁無啦啦直流鼻水，不斷流，跟住之後直到而家有一個動作都係未停過既，就係．．．個鼻既鼻水不斷直流落黎，好似漏水咁，而跟住就係咁拎紙巾”伸”鼻，最後個鼻就”伸”到塞晒喇．．．簡直係紙巾不離手呀！好可憐！

回想起自己有咁既情況，都應該係差唔多個幾兩個月前，曾經連續兩日發高燒果次．．．點解無啦啦病？我想又唔可以怪人既！雖然A仔佢都病左，我近日都為左陪佢同睇佢都見過佢好多次，呢個可能都係我被佢傳染到既原因；另外，媽媽佢都病左，又有可能比佢乓染卦；加上自己近日又食左好多垃雜野，攪到身體都差左少少啦．．．其實，好多人成日以為喉嚨痛係先發的病徵，但係喉嚨既成因其實係因為傷風感冒引起鼻水倒後流，而果D鼻水內既細菌就從而感染到喉嚨，令到喉嚨發炎．．．所以，好多時好多人以為自己因為近排食得太多熱氣野，令自己喉嚨發炎，之後就傷風感冒．．．其實個次序係錯誤架！哈！

今日訓左好多呀，返到屋企十一點幾食左藥之後就訓，一訓就訓到兩點．．．起左身食左兩塊包包咁大把，再到左三點幾再食藥，之後又訓過喇．．．嘩，訓到個人而家都有點WING WING到呀！呵！頭先五點幾比一個打錯既電話嘈醒，仲係要一個鬼婆黎，我訓到”蒙蒙鬆鬆”咁，差點連英文都唔識得講呀！好在比佢知左佢打錯電話O者，呵！

唉，本來根據我既計畫，今日係應該去跑步的，不過．．．真係有心冇力了！希望今日食多幾次藥後會好少少啦，咁我聽朝就可以落街跑步了．．．其實真係要好好強健身體呀！不過，我都算係咁，A仔都大大話話病左一個星期，我都係而家先至病到，真係好叻架喇，唔係即時比佢傳染到，哈！

頭先又打左兩封信．．．其實身邊既好姊妹們真係好好，今日又有個好姊妹打比我話我知某某機構請人．．．真係好感恩身邊有咁多關心自己既朋友．．．感謝神呀！近日好似都冇咩消息咁，又冇工見之餘，之前見過果D都冇晒聲氣．．．算吧，有時D野可遇不可求的，好工亦是！！

>>September 19, 2007 at 11:50:42 AM GMT+8