2007 年 9 月 17 日 星期一 【晴】

琴晚成晚都唔係好訓得著呀，成晚都係展轉反則咁，唉．．．可能因為琴日日頭訓左兩個鐘，所以就攪到咁樣喇，真係好可憐，成晚都好似個人遊緊雲咁囉，好辛苦．．．直至今朝早七點幾醒左一醒後，好經辛苦自至叫做可以訓番到少少．．．去到十點半，就最後都醒左喇．．．之後就同左媽媽落去飲茶，不過一d都食唔飽．．．往往飲茶都係咁，好似食極都唔飽，或者係會好快就肚餓了，呵！

之後陪媽媽去買野，中途A仔打比我話佢係香港果邊返緊入屯門，所以我就後來去左市中心同佢一齊共進午餐！雖然係一個好短既相聚時間，不過我都好珍惜架，最後送埋佢返工先走啦！返到屋企HEA左兩粒鐘度又出門口了，因為是晚約了個好姊妹吃飯．．．我地去左元朗間台灣麵食，好飽哦，最後連碟”老水”拼盤都食晒，所以PACK起佢拎番去比A仔食啦！食下又傾下計，咁就十點幾了．．．真係太好既時光，仲可以收到份過左期既生日禮物添，真係開心死呀！多謝你呀，涼芬芬．．．

之後一個人行番去A仔家，點知剛好A仔媽咪都不在家呀，所以我唯有在屋企留下等她回來啦，呵，摸門釘好可憐呢！不過好在AUNTIE都好快十分鐘度都返到黎．．．頭先A仔話佢放工前中心發生左大件事呀，好似係Family volience．．．唉，真係麻煩！不過好在唔洗佢跟咋，哈！如果唔係真係唔洗走人囉．．．

>>September 18, 2007 at 3:28:54 PM GMT+8

2007 年 9 月 16 日 星期日 【陰】

今日本來交左鐘九黠起身去跑步，點知最後因為太累，訓到去九點九先識得起身，最後就成十點二先落街去跑，一跑就跑到十點九了，真係吃力．．．呵！因為今日既天氣同空氣仍然好差呢，真係想抖淡氣都幾辛苦下．．．跑完番黎抖左一陣沖埋個涼就同左媽媽落街食lunch．．．我地去左食日本野，我食左個定食，有一碗京蔥吞拿魚飯同一碗烏冬．．．好飽呀！

食完之後，媽媽陪左我去一間叫EW既店鋪買野，我買左兩條排汗快乾褲，諗住FOR去行山同北京著既，其實自己都有一條，不過覺唔係好夠著，所以一次過買左兩條，哈！因為佢OVER$500有折嘛！後來見到一件WIND STOPPER，初時真係有點衝動想買，不過．．．一來D顏色麻麻地，二來．．．我又唔想晒錢，因為大大話話都要成千蚊架，雖然有折，但係都係唔捨得．．．算吧！

之後返到屋企，同過往一樣，總係做完運動總係覺好累，所以訓左覺，一醒時都係因為有個好姊妹打比我來醒一醒，那時已經係六點十五分．．．本來仲想繼續，不過個頭好WING呀，都係唔訓了，今晚訓不著就攪笑了．．．

嘩，琴晚終於”的”起心肝去磅重．．．登，登，登，登．．．93LB.！真係肥了少少，O．．．好像做運動都效用不大，因為做完又食番咁多，唉！而且近排食左好多甜野肥野，呵！點算！要好好節制自己了！

自從去完旅行返來，個房就好似打完仗咁黎，因為妹妹成日都喜歡將東西亂放，買回來既東西到而家都未放好，仲有送比人既手信．．．唉，好激氣！有時都好討厭！好似生存在一個垃圾場咁．．．天呀！所以頭先我已經再忍唔住了，一手一腳執了好多野．．．睇下又可以捱多幾耐，肯定不足兩日又再打回完形的．．．唉！就係因為咁，有時真係唔執好過執囉，執左好快又亂番，XYZ!#%^#($)%)!@．．．．

聽日本來口頭約了個好姊妹，不過暫時仍未約實佢呀，都唔知係咪既．．．因為我好想快D比左份手信佢呀，可以清下我間房既野，呵！希望約得成啦！

>>September 17, 2007 at 2:07:19 PM GMT+8

2007 年 9 月 15 日 星期六 【陰】

今日既天氣都同琴日一樣差差地咁，真係‘古怪！呀，爹地媽咪今日去旅行回來了．．．係呀，佢地兩老琴日出發去了惠州旅行，希望佢地今次旅程愉快啦！

今日訓到十點幾就醒左了，唉，都係好累好眼訓呀，不過唔係好想再訓了，呵！起身之後，繼續陪A仔玩佢部電話，其實都真係好FUNCTION去試同玩既，我都睇住佢玩得好開心呀，成個小朋友咁，哈！不過．．．好可愛囉！我好鍾意佢呢個可愛樣呢，哈！所以琴晚同今朝見佢咁忙碌去玩電話，所以我做女友既都要服侍周到喇，整野食，斟水，洗碗．．．哈！冇所謂啦，應該既．．．平日佢都服侍得我多了，都係到我既時候啦，哈！

到左兩點幾，我地出左去元朗市中心，做左好多好多野呀！！我地先去左搵間賣電話既店鋪整番張保護貼，同埋買左個”安全套”比部電話；之後，去左PEOPLE度交台費，哈，今次應該係A仔最後一次交了；之後我地行番去千色店附近一間壽司店食野，嘩，飽飽呀！沿途A仔都係度玩住部電話，哈！嘗試下佢D功能嘛，同埋睇下點樣運作！食完之後飽飽地，於是我地步行去左元朗公園果頭，同樣地沿途行一路玩住部電話啦，哈！最後，因為A仔今日夜晚要返工，所以我地係水邊圍站就搭丁丁去屯門．．．去到A仔公司附近，因為仲有成四十五分鐘先夠鐘，所以我地又去左M記食雪榚坐左陣，再去萬寧惠康買野．．．哈，行程十分豐富，但係我地一點都唔覺趕忙，真係好優閒既生活，好享受呢！如果經常可以咁就好了．．．

送左A仔返工後我就一個人返屋企了．．．妹妹佢出了街都未返，爹地媽咪剛致電回來話已經到了黃崗，會回來同我地一齊吃飯呢．．．不過而家仲有點飽飽地添，呵，點食飯呢！！

頭先係度整緊星期二送比個好姊妹份生日禮物加手信．．．都期待見面架，因為大家都好耐冇見了，哈！只係先排有次係街撞到，都冇時間好好傾談呢！！希望星期二可以成功約到佢‘啦，因為佢正一大忙人黎架！哈！而星期五就再約左第二個好姊妹了，真係同樣期待呢！

>>September 16, 2007 at 10:19:51 AM GMT+8

2007 年 9 月 14 日 星期五 【陰】

嘩~ 今日d天氣好差，好大煙霞呀，好似冇咩空氣咁既樣咁，好可怕！

今朝早十點就起左身了，o拿o拿聲就十一點零出左門口去A仔度，因為．．．我琴晚特意煲左d粥比A仔食呀，因為佢病左嘛，又喉嚨痛又咳，都係唯有食粥比較o岩佢d啦．．．所以親佢起身冇耐就趕去比佢食粥粥啦，哈！但係A仔話難得今日一日咁長時間既日子，好想同我出去遠少少既地方，拍下拖，行下街街咁．．．所以我好快手去到佢度比佢食左半碗粥，之後就一齊出門口．．．我地決定去赤柱行下．．．由元朗去赤柱都確實幾遠，不過，真係難得既時間啦，我好享受呀！雖然，當中曾經發生左一件小插曲，攪到A仔同人發生口角，我好驚當時佢地真係會大打出手呀！！好在．．．我當時係咁拉住A仔走咋，當時我真係好驚，如果真係打起上黎都唔知點算好呀！不過算啦，其實我都相信A仔係一D唔會亂打交既人黎既，我要相信佢既理智同自我控制能力．．．或許我果刻有一點婦人之仁卦．．．不過今次行程都好豐富，我地行左赤柱廣場，美利樓，海事博物館，同赤柱市場，當然最重要既係行左海灘去浪漫一番啦．．．！

到左夜晚，我地出左去CAUSEWAY BAY，因為約左A仔家姐姐夫同爸爸去食飯，我地去左一間叫南翔小籠包度食，都唔錯，而價錢都一般啦，又唔係太貴既，OK啦．．．當然，又是有人請了，呵！食完之後，好離奇地A仔突然間人血來潮好想買電話，所以我地就成班人陪左佢去ONE2FREE了．．．最後當然入左貨啦，佢買左NOKIA既6110．．．好好玩喎，都幾正，除左可以玩導航外，仲可以有好多野，仲送左個睇電視既服務比A仔添，第日同佢搭車悶悶地時可以係車度睇電視了，哈！買左之後上左去A仔家姐屋企坐，因為A仔同佢姐夫係度研究緊部電話點玩法．．．男人都總喜歡研究同玩電子用品，哈！咁我地女人就梗係陪係佢地身邊陪佢地玩啦，哈！最後，成十一點走人了．．．真係好累呢！

搭車回元朗，足足用了一個小時既時間．．．O．．．想死！返到黎沖完涼，仲有野要做．．．A仔要繼續玩佢部電話，佢要上網UPLOAD番D資料呀，跟住，我地就要寫番一篇文章，因為之前應承左一個朋友幫佢份雜誌寫一個專欄其中一部份！都OK既，得閒寫下野都幾好玩架！寫完都已經係兩點幾了，真係想死．．．要訓了，好眼訓！

>>September 16, 2007 at 10:21:46 AM GMT+8

2007 年 9 月 13 日 星期四 【晴】

今朝7點幾就醒左喇，本來交左鐘8點起身去咱跑步既，點知7點幾果陣無啦啦又喘起來，又咳喎，食完咳藥水噴完喘藥後就好累了，一訓就訓到九點半了．．．之後”的”起心肝起身，最後九點十落左樓去跑步．．．今日既狀態真係好差，令跑左差唔兔四五分鐘，我就要抖一抖喇，條氣真係唔多順．．．可能今日有煙霞啦，d空氣係差少少架喇，加上今朝又喘過黎．．．都係怪自己自從係去泰國之前，都食左好多又凍又甜既野，攪到自己多左kam kam，令到氣管抖唔到氣．．．唉！最後，都係跑左三個細圈，共二十分鐘度時間就放棄了．．．

回到屋企抖左一陣沖左涼就落街食野．．．嘩，人地話運動完一個鐘後來可進食架，如果唔係肥食．．．所以我都唔敢咁快食野．．．不過最後都覺好肚餓，食左成大碗肉燥雞絲飯，好大碗架．．．慘啦，真係跑幾多都冇乜用囉，唉！！之後同左媽媽去買”送”，買完返左屋企send左兩封求職信．．．而家開始有點擔心，好似近呢兩次見工都好似唔係太好表現咁，而且感覺到人地想請自己既機會不大．．．真係好氣餒！今日，有個好姊妹話我知佢機構請人，不過都係做社工既工作．．．係做就業方面既野既．．．不過．．．我都係考慮當中會否apply！因為我心想第一做青見展翅自己唔係好想，二來覺得難得已經走出社工既圈子，唔想又再走番轉頭行番條舊路．．．所以真係仍然考慮當中呀！！

之後，同左媽媽出左去市中心，因為媽媽想換電話．．．最後同媽媽去左one2free度出左部N76．．．真係幾靚，不過．．．我就冇錢錢換喇，哈！同埋自己而家都係鍾意用PLAM機多啦，要再睇睇先．．．反而我轉左去1010台，因為新世界太差了．．．都ok平呀，因為恒生信用卡有discount，可以每個月減收$50，仲唔洗tunnel free，即係每個月唔洗$100就有1500分鐘了，都ok丫！！星期日下午就可以正式開到台了，真係時間o岩o岩好呀，剛好我係16號截數的，呵！其實都幾抵呀，都打算推介A仔轉埋個台去，因為我而家都係八十幾蚊一個月咋，同新世界差唔多錢，但我相信接收一定會好D囉．．．

返到屋企都成六點幾了，幫媽媽SET好埋部電話後飲埋咳藥水就好眼訓了，所以走左去訓覺，一訓訓到八點半，媽媽叫我起身吃飯．．．都冇咩胃口，因為先前係市中心食左個下午茶，雖然唔係好大份量，食完都唔係好飽，不過真係唔係好想食野，冇咩胃口呀！！而且．．．近排肥了，都唔敢上磅呢，呵！都唔知點解先排D朋友見到我話我瘦左？！不過媽媽話我塊面確實係瘦左，所以人地會覺我成個人好似好瘦咁．．．係就係可以呃到人，不過．．．事實並非如此啦，我肥埋晒係一D人地見唔到既地方，都係肥丫嘛，哈！

今日好難得可以同媽媽兩個人食飯行街同睇電視．．．好似好耐冇咁既情景了，呵！（因為妹妹約了朋友出了街，得番我同媽媽在家）．．．真係幾享受架！

A仔今日終於去完CAMP回來了，不過佢話佢既病越來越嚴重了，因為佢去CAMP時唔敢吃藥呀，因為又要帶D住細路，又要行山，會有一定既危險，所以一定要保持清醒呀！唉，聽到佢把聲沙晒，真係心痛死我呀！！所以頭先突然想起，好耐冇整過野比佢食喇，所以就特意頭先整左D野比佢食，咁聽朝可以拎過去比佢吃了．．．見到佢病了，真係又擔心又心痛呀！！佢話佢好想身邊有人照顧佢．．．果一刻聽到真係幾SWEET既，不過．．．我都怕怕佢傳染我，因為我近排身體都唔多好，我唔可以病架，如果唔係過唔到關就為佢是問，哈！講真，講笑o者，我只係想佢可以好好咁休息，如果我係度佢就唔可以好好休息的了，因為佢又要顧住陪我呢！所以做衰人都要做一次了，唯有”獨留男友在家中”啦．．．A仔，乖啦，我聽日會黎睇你架喇，仲有整野比你食．．．乖乖喇！！要快點好番呀，知嘛？

>>September 14, 2007 at 3:44:00 PM GMT+8

2007 年 9 月 12 日 星期三 【晴】

今日十點幾十一點起身喇，琴晚其實好乖好早已經訓了，因為A仔佢病左呀，我琴晚都順便陪佢早點訓啦．．．我成晚都訓得唔係太好，可能成晚都好擔心佢呀，成日都掛住摸下佢有冇發燒，睇下佢病生點．．．唉！後來，佢半夜四點幾起左身，我都醒左一醒睇佢點，好在佢話好番左好多喇，我都安心少少．．．

到左今朝，個人好累呀！不過唔緊要啦，最緊要A仔快點好番就好了，唔洗我擔心佢啦．．．後來我一個人出左去北角，因為今日要去見工呀，山長水遠咁去到鰂魚涌果頭呀，都幾辛苦下，真係周車勞頓了．．．見完工之後就去左M記買D野食，去番CAUSEWAY BAY果頭搭巴士返屋企．．．係車度食完野真係好累，一訓就訓到差唔到多要落車了．．．不過返到屋企都冇打算再訓，反而好有心機係度整理緊旅行D相相．．．到而家都仲好回味呀！而家好期待十月去北京既旅程呀！！唔得，聽日要”的”起心肝去睇多一點北京既資料先．．．

聽朝繼續打算八點起身落街跑步，一定要有恒心呀，加油，黎曉寧．．．因為琴晚都突然訓到半夜喘一喘，條氣唔係好順呀．．．可能呢幾日食得多左凍野同甜野，多左D痰痰，攪到氣管好多痰痰困住，抖唔到氣啦．．．唉，真係要好好保重自己呀，如果唔係過唔到九月尾同十月頭個關就慘慘了．．．我真係好想好想同A仔一齊去經歷一點野呀，所以為左呢個目標，我一定會努力架．．．

A仔今日入左CAMP呀，唔知佢而家點呢？唔知佢病好點未呢？希望佢快點好番啦．．．近日聽到好多人病左，我其中一個好姊妹都病左，佢喉嚨同耳仔發炎，真係慘．．．大家都要好好保重同休息呀！

>>September 13, 2007 at 3:16:28 PM GMT+8

2007 年 9 月 11 日 星期二 【晴】

今日都冇咩特別，只係朝早起身去左跑步，之後返到屋企好累好眼訓，又訓了一會．．．之後十一點幾媽媽就叫醒左我，一齊去左飲茶茶．．．飲茶果陣同左媽媽朋友個孫玩，真係好好笑．．．我發覺而家D小朋友學野真係好快，而且大人每做一個動作或者言詞，都可以影響小朋友既成長，因為往往佢地既學習對象都係大人．．．講真，叫我生個B玩我真係冇咩興趣，一來真係生得出黎就要好大責任，要比最好既野佢，我真係暫時未有咁既能力去照顧個小朋友，因為我連自己都未顧得掂啦．．．

到左下午返到屋企，就係度將泰國既相POST番上網同電腦，都整左我好耐呀！之後，就上左網搵工啦，不過都冇咩心水咁，只係SEND左三份工咋．．．唉．．．

聽日，我會去消委會度見工，係筆試之後既第一次正式面試．．．經過琴日既經驗後，今次真係唔可以再係咁樣衰，一定要準備得十分十分之充足先得呀！！聽日要出北角見工，真係好遠．．．如果工作既地點係呢度都真係要考慮一下喇．．．

五點幾，我就出門口了，因為打算去接A仔放工．．．佢好忙呀！我見佢走黎走去都好似冇停過咁．．．佢話我知佢開始作病呀，而家又流鼻水又喉嚨痛．．．好可憐！本來今晚打算煮D通粉比佢食下，點知佢已經累到冇晒心機，唉．．．最後都係求其食D野食左藥就訓了．．．佢聽日同後日仲要帶CAMP添呀，真係擔心死我喇．．．希望佢今晚食左藥會好少少啦！！

>>September 12, 2007 at 12:43:29 PM GMT+8

2007 年 9 月 10 日 星期一 【晴】

哈，今日訓到成十一點先至起身，本來交左鐘十點半起架，都係起唔到．．．之後我就好乖乖咁係呢度報告番我幾日去泰國既行程，同埋準備左下午去見工既野．．．

今日係去嶺南見工，不過．．．見完之後我覺得機會不大囉．．．算吧，有時D野係你既就係你架喇，無論點強求都唔可能得到！明白的．．．所以，唯有期望於星期四見果份工啦．．．要加油努力呀！！

見完工就返左屋企HEA左一陣，跟住就出去旺角AGAIN，因為今晚要去睇古巨基CONCERT．．．先約左妹妹係旺角吃飯，我地去左池記吃，雖然價錢唔平，不過質數都幾OK，都值得再去試過既．．．食完之後，我地去左IT，因為我今日睇雜誌見到ANNA SUI新出左一個銀包，見到幾靚所以走左去睇下個價錢，都OK喎，所以既然仲未收爹地媽咪同妹妹份生日禮物．．．哈，有目標了，YEAH~

跟住我地去睇CONCERT，一個字，正！成個好似係一個音樂劇咁，舞台畫面很好，好吸引，內容情節亦十分好，而且加上古巨基美妙既歌聲，簡直係絕配！今次既嘉賓好多，其中有方力申同側田，好正，歌聲一流呀！今次真係好抵睇囉，正！完左之後就快手搵車走人，點知又落起雨黎．．．好大果隻．．．好在，爹地落左黎接我地，THX．．．

明早打算去跑步，希望唔好落雨可以跑得成啦．．．

>>September 11, 2007 at 4:56:50 PM GMT+8

2007 年 9 月 9 日 星期日 【晴】

wow．．．今日好忙呀！琴晚最後成三點幾先至訓，因為執野執到好夜呀，不過最後都已經執好晒喇．．．今朝都成十點半盲起左身喇，因為今日打算去A仔度搵佢，順便比埋D手信過佢啦．．．好心急想講好多泰國既趣事比佢知呀！！好多野好想好想同佢分享呢．．．最終都可以達到喇．．．一見到佢，真係開心死呀！大家都好開心呀！佢好好，整定野食等我黎食，真係SWEET到暈左呀！！

陪左佢幾個鐘，之後就陪埋佢返工，佢今日只係返夜，送完佢返工後，我就一個人搭車出旺角，因為今日約左MTO既同事食飯，順便同LUM哥仔慶祝生日．．．LUM哥好鍾意我送比佢份生日禮物呀，哈，希望”鹿頭”永遠長存啦．．．（這個只有我們先可以明白的東西．．．）我地今日去左一間叫CALIFORNIA PIZZA KITCHEN度食，D野食真係唔錯，不過服務員既態度就真係好差囉．．．完全係唔掂果隻．．．食完之後，我地去左一間叫COMMA CAFE度坐同倀甜品，我地叫左好多野食，食到好飽，不過好好味，我仲飲左杯紅棗蜜添！之後十一點幾大家就各散東西了．．．不過，我地相約了下個月再相見呢．．．其實呢班朋友真係幾好架，識到佢地都好開心既．．．

聽日我同妹妹會去睇古巨基既CONCERT呀，不過．．．A仔佢好唔開心，因為佢好想我陪佢多點，但係我近排都實在好忙．．．上星期四至日就去左旅行，今日返黎下午陪左佢幾個鐘，夜晚就出左去食飯．．．聽日下午我就要去見工，之後夜晚就去睇CONCERT，而佢星期四就要入CAMP，我又要去見工．．．大家都好忙忙呀，所以A仔十分之唔開心呢！唔，真係好對佢唔住呢．．．乖啦，應承你之後會陪你多一點的，OK?

>>September 11, 2007 at 4:48:42 PM GMT+8

2007 年 9 月 8 日 星期六 【晴】

曼谷之旅最後一天

嘩，今日好激氣，明明係交左鐘九點起，都唔知點解個鐘冇叫到，我最後無啦啦十一點半醒左先知大件事呀！我同妹妹好快速咁執好野，十二點鐘就落左去CHECK OUT，好在冇OVER個CHK OUT TIME．．．今日連早餐都冇食之餘，就連行程都受影響．．．而家比預定時間少左三個鐘行了．．．．哈！

都唔緊要啦，我地都照去原定地方行，不過就行少好多時間了．．．我地去左一個叫MBK既商場行，類似香港旺中果類啦，我地係果度食左個好SPICY既泰國餐，不過我地係一間CAFE度食架喎，好攪笑．．．不過都OK好食既，係SPICY左少少啦．．．之後三點幾都走人返酒店了，叫BELL BOY幫我地叫埋的士去機場就走人了．．．

真係好彩，我地一上車先至黎陰天同落雨，真係感謝神，我地好感受到神既偉大同恩典，因為呢幾日都好好天氣，只係我地一上車先黎落雨，真係好感恩呀！！去到機場先至有時間再PACK下個O急，嘩，好多野呀，頭先再買左少少野丫嘛．．．入到關喇，終於可以鬆口氣，輕鬆少少去行下．．．呢度都幾多野行，我地最後都係度血拼左一陣，再EXCHANGE埋D錢錢去，因為費時帶番香港先攪啦，係蝕架喇，算啦．．．跟住就六點二十五分入閘．．．O．．．原來我地上機位好遠架，要搭果D接駁巴去，可以係停機坪上行走真係興奮，我地仲係停機坪臨上機前映左幾相，好白痴，實在太興奮了！上到機一陣就吃晚飯，又係SPICIY，不過肚餓就‘咩都要食．．．

返到香港了，係拎行李果度足足等左半粒鐘先有得拎，唉，呆左，最後搭唔到尾班船，唯有搭巴士去市中心再轉的士啦．．．十二點幾一點先返到屋企，好乏力．．．不過，仲要執野呢．．．而家已經執好晒大部分既野．．．明天一早要去A仔度，因為好掛住佢，同埋要比手信佢．．．夜晚就約左MTO同事食飯，同一個同事慶祝生日．．．真係好忙呀！！！

>>September 11, 2007 at 4:48:11 AM GMT+8