2008 年 3 月 7 日 星期五 【微雨】

今日都ok忙架，因為d同事今日都冇點幫手出過counter聽電話，主要都係得我同另一位係觀塘既同事聽，所以真係一腳踢．．．d同事有時都幾衰，明明又唔係忙，但係就死人都唔肯出counter，而我係新人，同事自然會屈我出去．．．不過，我都唔計較既，都係做野o者！

到左十二點，同事就走人了，因為今日公司攪左個三．八婦女節既buffet，不過我冇參加到呀，因為一來去要比錢錢，雖然係六十蚊，不過都夠我食三餐lunch了；二來我唔想食太多野，要減肥嘛！於是乎同事走晒後得番我一個人係中心．．．都好既，呢一粒鐘時間都幾free下．．．

放工後，行左好耐，差唔多成二十分鐘，先至搵到架去荃灣既小巴！因為約左姨媽，媽媽同妹妹去葵芳！是關姨媽黎緊星期三會返美國了，之後都唔起碼要一年後先再見，一定唔可以錯失時間同姨媽好好的見過面架嘛！join左佢地後，我同妹妹去左euro go go食，真係好fat囉，太heavy了，唔得，一定要下定決心，一於忍忍忍．．．之後妹妹走左，得番我同媽媽，姨媽，仲有二舅母行，行行下，姨媽同二舅母都走了，得番我同媽媽行．．．有少少收獲，都係平野，幾十蚊件既衫．．．不過，好似仲未係時候可以著住，都唔知咁快買黎做乜？仲要係背心囉，哈！

同媽媽返到屯門屋企後，立定心去執衫，希望親而家要轉季，順便睇下有咩可以唔要，到時要搬去A仔度時唔洗太多衫．．．我好努力執呀，執左好多出黎係唔要既．．．有D會比表妹，有幾件因為太舊了，所以都捐了去”黃巴士”！執到好死累呀，太多了，之後出左去食飯，食到九點左右，A仔同7講佢都病左，真係好擔心佢．．．近日太多人病了，媽媽，妹妹，自己，而家連A仔都病，真係好擔心，尤其近日流感情況嚴重，真係一定要睇醫生，絕不能忽視！希望各位病左既人可以早日康復啦．．．

聽日好衰咁決定唔返教會，因為真係太累了，好想訓番覺好的．．．而且個人仲病病地，唔太想周車勞頓呢．．．希望神可以明白啦．．．在家亦都可以榮耀神嘛，哈！A仔聽日要出外帶活動，見佢病病真係心痛死．．．希望佢聽日順順利利，D細路聽聽話話啦．．．天氣要好呀！

>>March 8, 2008 at 3:44:31 PM GMT+8

2008 年 3 月 6 日 星期四 【晴】

真係好，今日終於可以訓得晏少少了，可以八點半先至起身，太好了．．．不過琴晚唔舒服，食左藥，所以今朝起身時個人都仲係wing wing地咁．．．今朝出左去葵興勞工署做野，其實都快手攪掂左，十一點半唔夠已經完左，之後我一個人搭mtr出番旺角，之後行左一陣間，就返番土記了．．．返到去十二點半，之後出左去買野食．．．最後想對自己好點，買左幾件壽司，同埋一d串燒食，好飽好豐富，咁就食左三十幾蚊了．．．只係突然好想對自己好一點，唔理肥唔肥了，呵！

今日同A仔終於決定唔去四川映婚紗相了，因為一來覺好貴，二來覺去到人地路不熟，怕比你昆錢；所以，都係決定唔去了，決定去深圳映！其實上睇D深圳攝影公司，都幾OK咁，而且我地都有朋友係深圳映婚紗相，效果都唔錯，所以我地都係決定係深圳映，起碼近近地，有咩事上黎要追究都方便點嘛！而且，而家慳左多少少錢，可以揀D好點服務既公司去映．．．其實，我好期待呢一日既來臨呀！好恨快D到，HEHE~但係連公司都搵呀，星期日先有時間攪，希望早日落實啦，好想快D去映相相呢．．．

今日放工就即刻返屋企了，因為太累了．．．本來經過旺角曾有想過行陣，不過真係冇咩動力呀，最後都係去左搭車返屋企．．．返到屋企冇人，媽媽去左做GYM，得我同波波一齊玩．．．之後媽媽回來，真係好餓，今晚又食左好多野了，慘慘．．．下星期一一定要同同事去做GYM，要KEEP FIT呀！！！

頭先A仔打比我話約我下星期三晚去食飯，去食大餐．．．真係開心呀！佢約我果陣有點令我回味初初拍拖或者未拍拖時，佢約我果時既情形，哈．．．SWEET SWEET~ 期待下星期三食飯既時間呢．．．

>>March 7, 2008 at 1:01:17 PM GMT+8

2008 年 3 月 5 日 星期三 【陰晴不定】

嘩嘩．．．今日超眼訓同累囉，頂！起身果陣仲覺得好似有點病咁，又流鼻水又暈．．．一上到車都唔係好訓到，可能本身病，所以唔係好集中到精神呀！返到去公司，我朝早都係做左好多私人野，哈，不過我都有做公司野架，REPLY左好多個電郵查詢！我今日一點半先至食飯，帶左飯食，不過媽媽比左好大盒我，都食唔晒，而且唔可以食太多，要減減．．．不過，最後都太餓食左三份二有多，哈！

下午二點半又要去上堂，上公司既orientation第二課．．．好悶的內容，因為係講工會同工聯會成立既歷史．．．我最怕就係聽歷史野．．．或許A仔會好喜歡聽，因為佢好喜歡歷史！哈！好辛苦咁捱到五點一放學，落番中心都冇心機做野了．．．之後同個同事一齊去搭小巴出旺角，係旺角度行左陣之後都返屋企了．．．買左一條底裙，係而家好興果D，只係五十蚊攪掂！好似好耐冇購過物了，仲買了三對只係值三蚊一對既襪，真係平到暈．．．

返到屋企已經好餓，又食左好多野，頂！點減丫？所以決定下星期一要跟同事去做GYM，LUNCH時去做，之後再食輕量餐！唔得，要比D積極去做呀！

放工一直都好病，尤其因為上堂時對正個風口，吹足三個鐘，頂！鼻水不斷流，冇停過．．．而家好辛苦，好病！自知已經重感冒了．．．唉．．．唔可以病架！跟住下星期好忙好忙架．．．又要上法庭又要去勞工處又要去CAMP呢．．．唉！天呀！

聽日好在可以遲少少起身，因為十點三先至同個CLIENT去到葵興間勞工處做野，真係好，可以唔洗太早起身．．．YEAH~ 終於有天可以晏點了．．．

>>March 6, 2008 at 3:38:44 PM GMT+8

2008 年 3 月 4 日 星期二 【陰晴不定】

今日比起先兩日冇咁忙了，起碼電話接少了好多，相對地顯得清閒了，真係好．．．可以有機會同空間同同事傾計同分享，哈，仲講埋是非添，真係衰喇．．．呵！

下午我都係食左個包，飲左杯湯，同埋食左串燒賣就算．．．一來想減肥，二來想慳點．．．好經辛苦捱到去放工時間，我留在office，因為未夠鐘上堂．．．因為今晚要考試，所以都順忷溫下習，不過都冇咩心機溫，個人好累好眼訓呢．．．之後，同左個好姊妹傾電話，一直傾到六點九走人為止．．．跟住去左m記買野食，上到去課室先至慢慢食．．．最後七點二十分先至正式開始考試，我唔洗十分鐘就已經做好了，因為一來d試題我已經見過了，哈！係A仔佢之前比我的，仲要有埋答案，呵！跟住就繼續上堂，課堂好悶，好眼訓好累．．．本來好想走，不過因為要同同學仔夾下去CAMP既野，所以點都要捱埋佢．．．

十點四先至走得人，帶住超累既身體走．．．上到巴士就一直訓，當我醒當陣，SHIT！已經過左我要落車個站！唉，唯有下個站落車，再搭番車走人啦．．．頂！返到屋企十一點八了，唉．．．媽媽比左點粥我食，好好味，感覺好溫暖！要訓了！好累好累．．．

>>March 6, 2008 at 3:31:05 PM GMT+8

2008 年 3 月 3 日 星期一 【晴】

wow．．．今日同樣地好忙，朝早係咁聽電話，又接左case喇，真係好多野跟呀，突如其來兩天就已經好多野要做了，真係想死．．．證明已經唔可以再偷懶的了，呵！

下午吃完個飯後就去左銀行處理d 野，真係超多人呀，而且真係多limitations呀，攪到好多野都阻礙住我既進度，shit！下午食飯果陣終於同左其中一間我地打算搵既四川婚紗攝影間公司透過msn傾談，因為而家大陸既公司係興咁樣架，一係msn，一係就QQ，比起香港in好多呢，哈．．．同佢暫時傾左會book佢地間野，因為價錢十分合適，比起之見睇果間平成半，梗係揀佢啦．．．而家只係等佢send份合約過黎就ok喇．．．我地而家都打算緊仲去唔去埋個雪山去，因為本來想慳錢，同埋A仔整親腳唔係咁方便去．．．不過，而家見平左成半錢，唔上雪山又好似好過意唔去咁．．．唉，都係要考慮考慮先．．．心想，慳到幾千蚊都係錢黎架嘛，可以用在其他地方都可以，但去雪山又係一個好好既體驗．．．好煩呀，而且我拎假又唔容易，唉．．．點好？煩死！

之後兩點幾三點，因為今日要協助紅隧工友攪工運，所以出左去成個下午．．．又去紅隧口示威，又去左勞工處遞信，又去左運輸處開會咁，咁就攪左幾粒鐘．．．最後六點幾終於走得人．．．之後JOIN左A仔係旺角，我地食完野後就去行街．．．都買左少少野啦！跟住就返元朗了．．．

>>March 4, 2008 at 3:44:09 PM GMT+8

2008 年 3 月 2 日 星期日 【晴】

今日超超超眼訓呀．．．因為琴晚比隻衰蚊嘈住我訓覺囉，成晚係我耳邊叫，好討厭！好想打死佢，低係又唔黑都死睇唔清楚！最後都係算，冇理佢，大被蓋過頭就算．．．A仔今朝起身發瑤自己比蚊咬左兩口，反之我冇事喎，哈！

今日係土瓜灣都好忙呀，都唔知點解一個朝早就已經有成五個walk-in了，真係忙到快起，我又接左個case了，而且跟住陸續都要約見d人，真係有點兒想死呀，突如其來十分十分忙．．．下午食左個杯面就算，都冇再食其他野，因為想慳錢嘛．．．之後去銀行處理d錢，真係一講到處理錢我就好煩好頭痛了．．．唉！到左下午，同樣好忙，又再次接左好多個walk-in了，頂！因為土記係極少一日裡會接左九個walk-in囉．．．

終於放工了．．．是關今朝返工時發現左琴日同A仔交換左張八達通後唔記得左交換番，於是我放工就去左佢中心搵佢，同佢交換番八達通．．．去到山景，佢同個同事吃飯，我都陪埋佢地一份啦，坐一陣，之後就返屋企了．．．今晚好豐富晚餐，媽媽又整左好多野，食左好多，而家極飽．．．唉，好想減肥，而家想由午餐開始減，可是媽媽實在煮太多好味既野了，真係忍唔到呢．．．下午茶而家冇得食，不過係土記都係會搵餅黎食，其實冇咩分別，呵！雖然，A仔講過，即使我身型如何，佢都係會愛我，不過．．．我自己接受唔到身型一直暴脤落去囉，真係見到個肚腩就想死了．．．SHIT！

今晚會早點訓，因為太眼訓了，基本上近呢兩個星期多都係唔夠訓．．．好辛苦呢．．．要訓了．．．明天下午又要出去工作，因為有班工友要去做工潮．．．

>>March 3, 2008 at 1:41:10 PM GMT+8

2008 年 3 月 1 日 星期六 【晴】

今朝真係有點唔願起身，因為琴晚成兩點先至訓，好想死的感覺，眼訓到丫．．．

不過，今日係值得高興的，因為係A仔第一次跟我返教會．．．我覺得係一件值得開心高興的事呢．．．由一個從來唔會接受基督教的人，到現在會嘗試接觸，亦都希望信靠依靠主．．．我真係好感恩！我知道主在當中係做左唔少既工夫．．．我亦都希望主可以繼續協助A仔走向信靠主既道路，走主喜悅既聖途．．．亦都希望同時主可以給予我力量，繼續協助住A仔走佢信靠主既道路．．．

今日完左崇拜後，帶同A仔同牧師傾左陣計．．．確實好開心，因為牧師都好感受到A仔在開始信主的過程中既感受，亦都同我地分享左好多好多．．．我知道A仔在當中亦有好多感受，佢好希望A仔真係會喜歡教會既生活，願意接受主為佢既神，真正確認到自己既信仰，永遠跟隨信靠主．．．我好願意一直在旁協助佢，成為佢既”天使”．．．

完左崇拜後，我地同爹地妹妹一齊去食野，之後各自去行街，我同A仔去左行D金行，想睇下D龍鳳扼既價錢同樣式．．．真係花多眼亂呀，不過最終都有左大概既概念．．．

之後因為A仔要返工，於是我送左佢返工後我都返屋企了．．．返到去好眼訓，訓到七點九先起身，食左點東西，又再出門口了，去接A仔放工，同佢一齊返元朗．．．

明天開始返土記了，好像有點不慣．．．希望怏點適應！

>>March 2, 2008 at 2:47:37 PM GMT+8

2008 年 2 月 29 日 星期五 【晴】

今日天氣都唔錯，中午時份都幾暖下，真係幾舒服既感覺．．．

今朝一腳踢，十分忙碌，因為得我一條友係觀塘！今日係最後一日係觀塘中心了，餘下日子要返土記，直至九月先再返呢度．．．都有點兒唔捨得呢度既同事架，有講有笑的．．．仲有呢度既美味甜品榚點，呵！不過唔可以再係咁食落去了，肥死．．．今日好多walk-in，一下接了兩個case了，天呀！好忙好忙．．．

放工後，我一個人回家了，返到去同左媽媽妹妹去飲茶，因為想請佢地飲．．．飲完後行左一陣，之後就去左元朗join呀A仔了．．．我地去左百佳買D野，之後就返屋企．．．今晚煮牛扒食，不過我失左手，D牛扒好硬，哈！食完之後，我同A仔就開始傾我地結婚既開支問題．．．真係十分之頭痛！

過程中，我覺得最重要既係．．．我終於將自己一直既心結向A仔打開了．．．其實自己一直都有好多困擾同問題未能解決，但係今晚卻可以同A仔去傾談．．．突然唔知點解自己有咁大既勇氣去同佢講，甚至係面對！我知道A仔初時好嬲我，不過，佢後來都好用心咁去幫助我，希望協助我解決困難！佢真係好好．．．我好感動！最令我感動的是．．．佢話”我既然將會成為你既丈夫，你既一切就係我有必要同你一齊去面對同承擔！”．．．我真係好感動，因為我知佢真係真心去愛我，而且真係令我感覺到．．．我唔需要再質疑任何野了，因為．．．我知道我已經”找到了”！真係好感恩，好感謝主！我一直以來對A仔都存有懷疑同唔信任，我知道自己真係好錯好錯．．．但係，感謝主讓我重新去認識同了解佢，亦都讓我知道我自己係幾咁錯．．．而且，我感受到，平日要我去寬恕一個人已經好難，之但係原來要求人地去寬恕自己既時候個感覺係覺得係仲難．．．最後，我都好幸運地得到主同A仔既寬恕，亦都知道自己係找到了最愛．．．所以，我真係好開心．．．

我會應承A仔，我一定會最好自己的．．．我愛你！

>>March 2, 2008 at 2:39:36 PM GMT+8

2008 年 2 月 28 日 星期四 【颳風】

今日天氣十分飄忽呀，早上清涼，到左下午就暖，之後一放工到左入夜就好凍．．．真係好怕呢d既天氣，令人真係無所識從．．．

今日係中心都好忙下，因為好多電話，我估琴日都聽左成好幾十個電話了，真係有時講到口水都乾埋，加上有d人打黎就好長氣係咁講極都唔明，同埋滿肚埋怨．．．真係好怕收到呢類電話，有時好想收人線，不過我地係唔可以咁做，只有有技巧地希望令對方可以完結個對話，哈！

近日周身骨痛問題越來越嚴重，可能又唔夠訓，而且天氣一時熱一時凍又一時濕，唉．．．好辛苦呀！我好想係我去下次山藝考試既camp前可以鬆一鬆番個肩頸，如果唔係真係有排受，去完個camp返黎一定係死左咁，會超超超痛囉．．．

琴日下午果陣放工前，面包師傅又整左d好新鮮既包出黎，就係椰絲奶油包．．．呢個唔係一個普通既奶油包，佢既奶油係唔同出面果d一般架，師傅話佢地係用左牛油同rum酒去整，所以係特別香甜．．．果然一食就feel到晒，真係正到丫．．．我最後都係忍唔住口，一次過食左兩個包，呵．．．但係真係太好食了．．．肥死喇．．．不過算啦，我返埋聽日觀塘中心，要九月再返黎了，所以有半年時間唔會成日定時定刻有下午茶食，相信應該會好一點的，哈！

今日有點兒黑仔，下午食完飯去左銀行，諗住入錢同埋過數，再要睇下出糧未．．．點知，去到匯豐，我張死人eps死左，用唔到，攪到我要排隊去chk，又排左成大半粒鐘，shit，仲要話係整唔到，可能係磁帶問題，要換卡囉．．．頂！而家都唔知點好了，冇卡用，起碼要到下星期五度先可以收到張新卡囉，但係我仲有大把數係要用張卡整，即係我要玩排隊囉，shit！真係黑到爆！

放工就入左元朗，之後join左A仔同佢媽媽去食晚飯，我地去左食台灣面，不過我都唔係太餓咋，食左唔太多野，而且都怕會肥，哈！一定要忍忍忍．．．．呀！夜晚返到屋企，同左A仔去計結婚既開支問題．．．真係十個頭痛囉，真係越計越驚，越傾越”忟憎”！好煩好煩．．．仲有，因為都計劃六月去四川映婚紗相，於是琴日都要搵下邊一間婚紗攝影公司好，而且要去到四川，人生路不熟，都係要小心去搵好D．．．不過而家都未有消息同結果住．．．但係我地發覺而家D攝影公司服務貴左好多，我記得上年睇果陣同類型既PLAN都係六千幾，而家貴左一倍有多囉，要成萬四呀！好肉痛！但係．．．又好想去！真係價錢同香港映差唔多呀．．．聽朋友講而家好多香港公司收購左四川D攝影公司，因為就係知多香港人去，所以承機抬起個價去．．．SHIT！不過，我地都希望可以去映，因為始終結婚係人生人得一次，好想有個美好既紀念．．．

除左之外，我都近日有好多野煩同諗，唉！我相信A仔好清楚知道我係好多野都考慮當中．．．我知道自己心中仲有點兒野考慮緊，但係，而家仲未有答案！我有太多worries同frustrate了，真係唔知點好，好煩好煩．．．係我自己想得太多？想得太負面？想得太複雜？還是係點呢？？．．．琴日仲比A仔發現我有條白頭髮添，SHIT！真係諗得太多野了，諗頭髮都白埋，唔認老都唔得呀，唉！而且．．．錢都係近日我好煩惱既野之一，真係想．．．xyz*q(q)%erq_gifkb)@(yw(^%)&>.....#%)#r*#

>>March 1, 2008 at 3:00:58 AM GMT+8

2008 年 2 月 27 日 星期三 【晴】

wow．．．今日天氣係早上雖然仍然凍，不過因為有陽光關係，都好似唔係感覺太凍咁．．．近日屋企留下個巴士站因為工程問題而搬左，真係好唔方便，無啦啦要行多左差唔多兩至三分鐘既路先可以到個站，真係衰，有時眼見有巴士要追車時，真係追到我想死呀！已經琴晚唔夠訓了，真係好辛苦，今朝完全唔願起身，真係好乏力既感覺！

今日朝早得我一個係觀塘中心，都可以話係free既，不過真係好忙，電話除左響過不停外，連walk-in都好多，一個朝早已經有三個了，而且仲要係車輪轉咁黎，一個接住一個，完全係冇約定架，所以先至慘，真係氣都咳埋，講一個講到半路又黎左個係度等緊我答佢野．．．真係突然好似好受歡迎咁，不過一點都唔恨！好經辛苦過左個早上，就連水都冇點飲，噓噓都冇去點去，好慘！下午一個人去左食”大家食”，去果度無非都係鍾情於佢既番茄蛋牛面．．．平靚正！不過而家加左價，一加加左成四蚊，頂！以前十四蚊，而家要十八囉．．．不過質數仍然ok！之後一個人去左行街，不過觀塘真係冇咩好行，行去apm又太遠了，唉！行左一陣都返中心了，之後就回土記，因為今日要上orientation！

個orientation共有四節，今日係講工聯會既歷史．．．悶到我丫，係人都知我最怕聽同講歷史，所以我先至揀商科讀，哈．．．不過好經辛苦都捱過左，都叫有得著既．．．跟住仲有三個星期要捱呢！上完堂四點半，返到中心hea到五點半放工！放工後好十五十六，諗緊出左旺角先再返屯門，還是係土瓜灣搭61x先返左屯門市中心再轉小巴返屋企呢？最後，都係選擇左後者，因為怕出左旺角後會走左去行街．．．哈！雖則近日行街都冇咩衝動買野，因為太唔o岩心水了！

返到屋企，今晚媽媽煮左好多好味既野，我又忍唔到口食左好多好多．．．個肚仔．．．哈！唔好提了，總知嚇人啦！聽日開始要食少點野先至得！決定了．．．

>>February 28, 2008 at 2:59:03 PM GMT+8