2007 年 12 月 26 日 星期三 【晴】

wow．．．今日朝早好唔願起身囉，但係都係要起．．．今朝起身時好凍呀！A仔就好啦，今日只係返夜晚一節，我起身時佢仲係轉緊身，訓到呼呼聲咁，好羨慕呢．．．

返到公司，原來今日又冇咩人手，所以得我一個看COUNTER，好累．．．口水都乾埋呢，又聽電話，又要打上次開會個MINUTES，又要ENTERTAIN果D既WALK IN人．．．好忙好忙．．．開始有點抖不過氣來咁喇．．．到左LUNCH，走左去工俱果邊，終於買左星期六去OCEAN PARK既飛了，好抵，只係$171，原價係$208囉，平左廿幾蚊囉，正！條數可以用黎搭巴士上大樹灣啦，呵！GOOD~ 跟住，突然好想食麥記．．．好似好耐冇食過，所以走左去麥記！但係，入到去望黎望去都唔知食什麼好！真係冇IDEA囉！最後無奈地揀左魚柳包餐加粟米！食左SHAKE SHAKE薯條既法式蔥香，味道麻麻！

下午照樣好忙于咁過，一路聽電話一路做文件野．．．聽朝要九點出去跟兩個CASE，之後十一點就要走人，因為下午要去DISNEY開會，要十二點返到中心係中心出發囉．．．其實都唔知去果度攪乜既，只知道係去DISNEY咁大把囉 ，仲要比人扣OT鐘之餘仲要遲過平日放工一粒鐘零十二分鐘囉，好唔抵呀，我寧願唔去了，好浪費時間呢！

明晚約左表哥表妹表弟同妹妹食晚飯，唔知去邊食呢？等表哥既CONFIRM囉．．．聽日係DISNEY出番去都要時間架，可能要佢地等我了，呵！

嘩，呢兩日好似冇放過假咁，好累好累．．．一來唔夠訓，二來成日都好似走來走去咁，冇停過囉，有點好似好實既感覺，呵，唔識解什麼係實．．．只有咁既感覺．．．明天一日返工，夜晚仲要食飯，星期六朝早同樣返工，下午就去OCEAN PARK，好PACK囉，好似完全冇抖過咁．．．講真，唔後生了，哈，仲係好似小朋友咁走來走去．．．不過冇辦法啦，表妹表弟幾年先返黎一次，都係要陪下佢地既．．．其實，我都好ENJOY架！我唔想再比人話我地係TEAM A 同TEAM B了，我唔係有心ISOLATE架，只係．．．我分身不下咋，原諒我啦！

>>December 27, 2007 at 1:36:05 PM GMT+8

2007 年 12 月 25 日 星期二 【晴】

今日係boxing day，但係都未有時間拆禮呀，因為今日好忙！今日十一點先起身，不過仍然係十分眼訓同累架，因為始終前晚冇點訓，而家就算點訓都好難補得番．．．今朝起身後就好努力咁係度執房，因為今日會有人黎我屋企度，所以就好辛苦係咁執，加上，而家返工後，成日都冇咩時間執下房，個房七國咁亂呀！！執左好耐之後都已經一點多，同左爹地妹妹落街食野，食到好飽．．．之後，就出街了，因為約左表哥表妹表弟去元朗古蹟遊，今次係A仔帶隊呀，佢負責帶我地成班人遊覽元朗名勝．．．十分多謝佢既帶領，係VERY GOOD的！

我地行左好多地方，希望佢地都喜歡呢D地方啦．．．我地之後仲去左錦田市中心果度食菠蘿包同雞尾包添，GOOD呀！新鮮熱辣的．．．之後我地就返番去屯門了．．．大家都好累了，因為都行左好多地方．．．跟住，佢地耳油未盡，繼續去左屯門碼頭果邊行街，而我就同A仔返左屋企放低D野先．．．加上，A仔隻腳今日因為行得太多而痛起來，我都十分擔心佢既情況呀！！心痛死我了．．．嗚！見佢痛，但係又唔知點好，好矛盾！又唔敢問多一句，怕佢會覺得煩呢．．．唉！希望佢快D完全康復就好了．．．

夜晚出左去食飯，十分之豐富既晚餐．．．食完之後，行左陣街，跟住就各自離開．．．而家相約了表哥表妹表弟星期五晚再食飯，之後星期六去OCEAN PARK玩．．．最衰我要返工，如果唔係可以早點出發JOIN佢地了．．．

>>December 26, 2007 at 3:40:47 PM GMT+8

2007 年 12 月 24 日 星期一 【陰】

今日係聖誕節，在此，祝各位聖誕快樂！新年蒙福！

今朝一早九點就起身了，不過．．．琴晚基本上係完全訓唔到覺架，因為班人真係嘈到．．．我好記得佢地係朝早六點幾時曾經好大聲咁話：不如出去飲早茶囉！我當時心想．．．你真係飲得落囉，難委我成晚都訓唔到，今朝仲要一早起身返教會，你地就可以玩完一輪就繼續訓！哼．．．

不過算吧，返教會係我自己一心情願的，而且，今日呢個咁普天同慶的日子，我更加要返到教會去與其他教友一起慶祝吧！今日都好多人返到教堂崇拜，連平日極少出現的人都會出現，所以，聖誕節確實係一個可以連繫番各位教友既好日子呀！哈！就連藝人梁ｘ忠都有返黎，佢同我講，佢近排好忙，忙於拍”事必關己”，哈！不過今日都好難得可以係呢度見到佢吧！希望佢繼續努力吧！

崇拜完左後，我同屋企人去左和民食野．．．味道幾好，冇失水準，比起別府仲要好呢，不但係質數同價錢．．．今餐係我同妹妹請我，所以都好願意去試唔同既食物，試下新口味嘛！good~ 最喜愛試食野架喇．．．不過眼見自己的肚腩仔．．．shit！唉，點好呢！

跟住，A仔佢打比我，點知部電話好似突然潛左水咁，沙沙聲．．．原來佢部電話死左，於是攪到無啦啦佢要出黎銅鑼灣度搵我，順便去專門店度整機．．．過程中十分麻煩，又有D不愉快既事情發生．．．真係討厭！一部電話整一整就咁多麻煩野，哼！攪到A仔初時好唔開心呀！跟住，本來打算約A仔個家姐一齊食飯既，不過由於我同A仔都好眼訓好累呀，鬼咩，琴晚大家都冇點訓，其實佢已經比我好，起碼訓左五粒鐘，而我？我估一粒鐘左右度．．．最後都係放左佢地飛機返屋企．．．

返到屋企，A仔好努力為部電話補救！其實，係就係整番好部野，不過入邊D野全部冇晒囉，所以software呀，資料呀咁．．．好慘慘呢！不過好在，最後A仔都可以整番一半既野！而家見佢開心番少少都好D，哈！聽日，一班親友又會黎我屋企食飯，美國回來既細舅舅細舅母表妹表弟都會黎到．．．而家計劃聽日可能同佢地去睇戲，不過未知是否安排到．．．都期待明天來臨的．．．不過，而家最緊要既係．．．訓足覺先講！訓醒先算啦！呵！

>>December 25, 2007 at 2:38:37 PM GMT+8

2007 年 12 月 23 日 星期日 【陰】

今日係平安夜，不過天氣就麻麻地了，又凍又天陰．．．心情都麻麻地．．．今日返工完全地係holiday mood啦，呵！雖然土記果邊得我同我上司兩個人，不過．．．都ok啦，我一個人坐counter，so far都可以應付到既，只係有時候真係唔知點做時先問佢囉．．．

今日我兩點先至食飯，因為食飯前有個煩case出現，攪到我遲左食．．．不過都唔緊要既，因為朝早都食左個幾豐富既早餐，有包包同麥皮，呵！咁見兩點幾，於是去左大快活買下午茶吃啦，good，可以慳番少少嘛，因為先排真係係食方面洗左好多好多．．．冇計，d同事係喜歡食，咁唔同佢地去又好似唔多好咁，好矛盾！

放工前一段時間，真係難過，不過幾想快d收工．．．點知，係我放工前十五分鐘，收到個好長氣既電話，最後．．．都係傾到五點八先收到聲．．．放工後就快手返屯門了，因為今晚回家吃飯，吃西餐呢！不過只係得我同爹地媽咪吃，妹妹出左街同朋友去玩．．．而我？食完飯就出發去A仔屋企了，因為今晚約左班朋友去A仔度玩．．．我去到果時十點半，覺好累好眼訓，於是想訓一陣等朋友到左先起身，點知，最後都係同左A仔係度玩同傾計，冇訓到，O．．．

d朋友最後陸續咁黎，我地今晚玩好多野，又玩棋類，又睇DVD，睇左”導火線”同”盲山”．．．不錯的電影吧，尤其係”盲山”，highly recommend．．．不過，我最後都係頂唔順，三點半了，是半夜三點半，明天仲要返教會，都係訓好了．．．有佢地繼續吧！

>>December 25, 2007 at 1:38:21 PM GMT+8

2007 年 12 月 22 日 星期六 【陰】

今朝訓到十一點先至起身，不過琴晚就唔係訓得咁好，所以起身時都周身骨痛．．．之後食完早餐，就同左A仔去睇跌打．．．今次佢好似比之前痛左D，真係好擔心呀！見住佢好痛既樣，我真係十分之心痛，我心痛到想喊出黎．．．真係好可憐哦．．．

之後，我地四圍行，佢仲送左今年既聖誕禮物比我．．．係一架單車！真係好，可以之後唔洗成日由佢屋企行出去元朗西鐵站．．．因為都咪話，咁樣行都幾辛苦下架，次次行成二十分鐘有多，都好累下！尤其係烈日當空既時候係最慘的．．．之後，好開心咁試部單車，真係唔錯！仲裝埋個籃上去，方便我放野落去．．．好開心呢！

跟住，我去左屯門市中心JOIN屋企人，因為屋企要買電視呀，部機壞左，所以一次過買左一部LCD電視，仲有一SET既HI-FI，5.1喇叭的，仲送左一部160GB既HARDDISK錄影機添．．．咁就萬幾二萬蚊了．．．赤赤地，因為我都有份比錢的．．．跟住，同左妹妹去睇衫，又有收獲，買左兩件特價野，GOOD~ 跟住就我一個人返左屋企，屋企人去左酒樓先．．．

食飯果陣食到半路，發生事故，同爹地嘈起黎．．．唉，攪到我食到半路發脾氣走左．．．媽咪同妹妹都好擔心我，係咁叫我返去．．．真係好唔憤氣呢！做乜要我對番佢低聲下氣，明明係佢唔尊重我先既．．．唉，最後都係返左去，一肚氣咁食左好少野落肚．．．唔開心呀！

之後，就走左去A仔屋企搵佢了！而家個肚都餓餓地，因為都冇咩食野落肚．．．要醫下個肚先！

>>December 23, 2007 at 2:09:12 PM GMT+8

2007 年 12 月 21 日 星期五 【晴】

今日得我一個人係觀塘中心留守住，因為全部同事都有野要返番去土瓜灣做野，所以上司唯有要我一個返觀塘吧！都好既，我可以學習下一個人在counter聽電話同處理walk in．．．今朝既電話都幾多，都有半頁紙多（大約十個度啦），而walk in就有一個case，都唔太麻煩去處理．．．幾好丫，都幾free．．．一個人都唔係我想像中心咁悶o者，可以上下網睇下書，都ok呀！

一點就放工，放工見有點肚餓，於是去左m記買左個漢堡包食，之後就搭車去元朗，因為今日要陪A仔去睇隻腳．．．去到後，A仔好好，整野比我食，食完之後同左佢睇DVD，係一套好舊既劇集”流氓皇帝”，鄭少秋做的，當中有好多好好笑既GAG位，真係好笑．．．但係，佢原本都並唔係一套笑片黎囉，哈！之後，覺得好眼訓呀，就訓覺啦，一訓訓到六點幾，於是就出左去行左陣街，之後去食飯，同左A仔媽咪食飯當做節，去左一間叫”元朗鄉村小飯店”度食，都幾OK！食完，就同左A仔行街街，跟住返屋企！

我地決定再繼續睇多幾集”流氓皇帝”，因為太好笑了，哈．．．要笑笑RELAX一下嘛．．．

>>December 22, 2007 at 2:24:56 PM GMT+8

2007 年 12 月 20 日 星期四 【陰】

唉，呢幾日既天氣都唔多好，令到個人又唔願起身，個心情都唔多好咁．．．討厭！今朝唔知醒囉，最後又遲到了，真係衰！點知返到去，同事都同我一樣唔知醒遲到囉，哈！鬼咩，佢琴晚仲遲走過我，食完飯仲去食糖水，傻架！

今日都好充實，因為積極做野，之但係做既唔係正常做既工作，而係因為今晚公司攪party，我只係幫手包禮物！我今晚去唔到丫嘛，要做節，所以．．．都幫下手出番少少力咁啦．．．所以好努力係咁包，想起上次同A仔一次好努力包禮物果次，呵，傻左咁．．．

到左下午，同左同事去左觀塘工聯會個飯堂吃飯．．．D送幾好食喎，又價錢OK，二十幾蚊一餐．．．食完後再繼續包禮物．．．又聽下電話咁．．．．咁就過左個下午了！

之後，一條友去左行APM，因為時間太早了，要七點半係黃大仙食飯囉．．．去左MUJI行，買左條頸巾比爹地，因為應承左佢買！仲有買左件衫比A仔，因為佢之前果件縮左水，於是買番件比佢啦．．．希望佢鍾意．．．唔好再縮水了！

今晚食飯好多人，而且D送都好味道！過程十分好！A仔既表現亦十分好，我比佢一百分，所以係值得讚許，抵錫．．．．愛死你呀A仔！雖然今晚係明義上做冬，實質亦係同美國返來的細舅舅，舅母，表弟妹洗塵，亦係同表妹慶祝埋生日．．．好多目的．．．不過，同表妹表弟好似冇咩兩句，始終有代溝咁．．．同細舅舅都有傾計，不過都係講笑多！而同其他人都交流甚少，例如姨丈細舅母咁．．．呵！唔緊要啦，二十六號會再見的．．．而家相約左表弟妹二十六號同二十九號出去玩，暫定會去廸廸尼同OCEAN PARK玩．．．嘩，好期特呀！

>>December 22, 2007 at 3:36:50 AM GMT+8

2007 年 12 月 19 日 星期三 【陰】

哈~ 今日返左去土瓜灣返工，因為今朝冇人手，於是要我返番土瓜灣．．．不過只係得我一條友係中心．．．只係朝早既時間o者！今朝電話不算多，幸好觀塘同事都努力聽電話，以致我都唔洗接咁多啦．．．今朝成日係counter坐，都幾悶下．．．一坐坐到一點幾，已經餓到飛起，但係又冇同事返，又唔敢打比同事，怕佢地未做完工作未走得返黎頂更．．．唉．．．幸好，有個同事一點幾時打比我，叫我可以叫看更睇睇先，我出去買個飯返黎吃．．．嘩，真係好，可以出去買個飯吃！一路吃，有個同事返左黎，不過佢今日係放緊大假架，不過佢都好好，幫我頂住，叫我入房食飯．．．咁我先至可以抖一抖咋．．．

到左下午，我都一時出下去聽下電話，一時又無聊下咁．．．因為個人真係好眼訓好累．．．好似近日都十分疲於奔命咁！終於五點半，今晚要開會呢，同事決定開會後出去一齊食飯．．．咁我都決定加入啦，費是同事又覺得唔參加佢地既活動！個會一開就開到九點，真係人都癲，又悶又眼訓又餓．．．雖則我係紀錄果個，理應要好精神，之但係真係頂唔蒲！後來叫左個同事幫手繼續寫埋落去，呵！

開完會，成班同事搭的士過左去九龍城食泰國野．．．嘩，好味好good~ 可能太肚餓了！好似未食過咁正既泰國菜咁，真係冇介紹錯呀！食到真係好飽好飽．．．不過，就有點先肉痛，因為食左每人百幾蚊囉．．．嘩嘩嘩！就係未出糧先肉痛呀！不過又食得好開心既．．．同呢班同事都冇咩既，又玩得又寸得又癲得又做到野．．．唔錯既！係有某d人比較性格態度麻煩左少少咁啦，不過相信都難我唔到既．．．講真，做左野咁多年啦，都應該要學識點同唔同既人相處架喇．．．

近日A仔中心真係發生好多麻煩野，我都覺得佢既同事真係十分之麻煩！真係．．．唔知講咩好了，哈！不過，我相信A仔有能力可以overcome同handle既．．．加油！支持你的．．．

食完個飯返到屋企都已經係十二點有多，shit．．．好辛苦囉．．．

>>December 22, 2007 at 2:56:47 AM GMT+8

2007 年 12 月 18 日 星期二 【陰】

今日繼續返觀塘，但係今日朝早係屋企唔知醒，攪到晏左！最後．．．遲到囉，遲左成十五分鐘呀，激氣！返到去，我都唔好意思，要同事開門同set好晒d野．．．hehe~ 所以，我就決定今日成日幫同事手入晒d未入既stat.去．．．都咪話，都好多下架！真係睇到眼都蒙埋架！

好經辛苦到了lunch time．．．我地去左食沙爹王．．．我地三個人食，但係叫左超多野：一人一份飯，再加三個小食．．．真係食到傻左，好飽好飽．．．頂上心口果隻．．．都唔知點解叫咁多野食，真係好貴，食左六十幾蚊囉．．．shit！真係食”七”咁食．．．不過算啦，冇幾何咁同同事去食野，上次係深圳都已經冇去gather，d同事都已經有少少埋怨我冇去同佢地玩了！所以都決定下次有活動或者gathering都必要出席吧！因為呢度既同事都幾mind呢d野架！

下午我就繼續入stat，入到傻左．．．好辛苦，最後都係入唔晒手頭份野．．．冇計！過程中，同同事傾左好多野，發覺d同事都好funny，只係有時比較執著或者唔識得同某d同事相處，對某些同事有誤解咁．．．講真，多一個人既地方就一定有是非．．．正如今日A仔同我講佢中心既情況一樣．．．是非必定有，但是乎自己點樣去選擇同面對吧！處之泰然，我相信係一個最理想同最合適既方法囉！你越在乎，你越比事件或某些人牽住自己走．．．一點都不值得吧！有時候，一些小人總會受到應得既後果或者懲罰的，所以，做人最緊要既係：”問心無愧”同”光明磊落”吧！

今晚約左個好姊妹食飯，大家都好有心互送禮物比對方！好多謝佢一份好貼心同窩心的禮物！我地行街街都睇左好多野，又入了貨了！呢幾日真係大出血了．．．快D出糧就好了！日子真係難過呢．．．返到屋企，都已經十一點幾了．．．好眼訓呢！同A仔今日又分享左好多佢工作上既不愉快．．．希望佢記住，只要”問心無愧”同”光明磊落”，什麼都不用怕！我永遠都會支持你的！！加油呀！

>>December 20, 2007 at 3:36:02 AM GMT+8

2007 年 12 月 17 日 星期一 【晴】

哈~ 今日繼續係元朗出發返觀塘．．．真係攪笑，落車前收到個朋友既電話，跟住就一路傾住行返中心．．．途中比我撞到個同事，佢就笑我一朝早就同人煲粥，係咪諗住整早餐過佢食．．．哈！

今日係中心都好悶咁渡過，是關同事都係冇點比機會我去聽下電話．．．今日只係係咁易聽左兩個電話．．．雖然聽既時間都比較長，因為d人比較長氣！（唔知點解係我聽果兩個電話特別長d架）．．．好快到左lunch時間，我加埋另外三個同事去左椰林閣食．．．係好食既，不過好似貴左少少，一餐要三四十蚊！唉．．．越窮越見鬼咁呀！

好經辛苦捱埋個下午，放工喇，約左妹妹出街，去左尖沙咀．．．我今次嘗試搭巴士1A出去尖咀碼頭．．．因為平過地鐵少少，而且加上有時間，因為都要等妹妹嘛！出到去，我好快手去左city super，因為要買聖誕禮物比人嘛！嘩，果度好似超市咁，d人多到丫．．．買野仲好似唔洗錢咁架，一個人一買就十份幾咁，好似上倉咁．．．唔知係咪市道好左，d人捨得左買聖誕禮物比人卦！講真，city super既野唔平架，點都最平一百蚊左右一份野，所以d人真係豪呀！當然，我都買左好多份禮物，一份比媽媽，一份比爹地，一份比個好姊妹，一份係比表弟的．．．仲買左一對靚靚絲襪比自己添．．．好重皮呀！wow．．．

之後行完city super仲join埋妹妹後，陪妹妹係呢度行多陣，又係買禮物比人．．．我地行完呢度就去左食野．．．我地去左食雲南小鍋米線．．．good！好味！不過，我之前因為餓得太勁，胃痛起黎，一痛就痛到不能再食野了．．．好可憐！見到美味食物都食唔落吧！後來，我地去左新太陽度行，買左份聖誕禮物比妹妹．．．我係agnes b @ sport度買左一條頸錬比妹妹，係一個閃電型的黑鐵錬，都幾靚架！佢好開心呀！！之後，我地繼續行街，我就最後係a.y.k度買左一條裙同一件衫，而件衫就妹妹送比我做聖誕禮物．．．開心呢！跟住，我地兩個都大包細包咁返屋企了．．．返到去，好累好累．．．

>>December 20, 2007 at 3:00:04 AM GMT+8