2008 年 3 月 27 日 星期四 【晴】

wow．．．今日係妹妹既生日，無錯，媽媽琴日生日，今日到妹妹喇．．．好奇怪架，我屋企人既生日都係仕連住的，好似媽媽3月27日妹妹3月28日；爹地8月26日我就8月27日囉；哈．．．好多朋友都問我：喂，你爹地媽咪咁大整蠱既，係咪夾定日子先生你地兩個架？講真，我爹地媽咪真係冇特登夾架，真係咁o岩架咋，信不信由你了．．．呵！

今日一早出左去灣仔聽talk，一個早上就咁冇左，真係幾悶下的，而且一次過三文兩語聽晒，因為係一個國際性的研討會吧！完左後，同左同事去食左個好好味且豐富既午餐，大件事了，食多左野，好肥呀．．．跟住返到中心兩點半，咁就過左一個下午！放工即時走人，因為約左媽媽，妹妹同A仔食晚飯，去食日本野，同妹妹慶祝生日．．．今餐同椒豐富，又係食左好多野呀．．．慘慘了，肥死了．．．要努力減減呀！

>>March 28, 2008 at 3:33:07 PM GMT+8

2008 年 3 月 26 日 星期三 【雨】

今日係媽媽既生日，在此，我祝佢生日快樂！青春常駐！身體健康！心想事成！哈，好似拜年咁．．．

今日好累呀，朝早一早出左去勞審處做野，攪完十二點，之後就回中心了．．．食完個飯，就咁就過埋果半日去．．．悶悶地咁啦．．．又係上網睇野！希望再搵多點資料！今日終於同個朋友聯絡上，佢話可以免費比個新娘化妝我喎，哈，真係夠朋友．．．錫晒佢！放工後，就要開中心會議，真係好悶，好在我今次負責做紀錄，可以唔洗眼訓！話咁快唔洗七點就完左，真好，即刻走人返屋企了，因為要陪媽媽嘛，妹妹今日又唔返來食飯．．．到左夜晚，妹妹終於帶左個蛋糕返來，我地等爹地返埋黎後，就一齊切蛋糕了，一個好好味的慕絲朱古力蛋糕！好肥呢．．．

>>March 28, 2008 at 3:26:16 PM GMT+8

2008 年 3 月 25 日 星期二 【雨】

wow．．．今朝早起身好大雨呀，真燧討厭，唔多喜歡落雨既天氣，因為好麻煩，都唔知著咩衫好，唔想整到褲腳同鞋仔濕濕呀！今朝好眼訓，因為琴晚又訓唔到了，唔通我要食安眠藥先訓到覺？真係唔想咁．．．

返到公司，真係唔多舒服，硬係覺得空氣好差，好焗咁，而且好似好多細菌咁，真係好病既感覺．．．今日電話唔多，我都冇咩點做野，咁就過左個朝早．．．下午仲上網睇下關於結婚既野，搵定多少少資料先，因為可以作一點比較！而且都暫時firm左個朋友幫手化妝同set頭，不過要搵日去佢屋企度試下妝先得，如果唔係又要出去搵過間公司了．．．

今日上網chk資料，發覺真係好頭痛好煩，好多野要做，好多野要去揀，但係真係花多眼亂，都唔知點揀好？相信都係聽下朋友意見同用家意見，再比較一下先啦．．．好在而家尚有時間去準備同firm，所以都安心一點．．．

放工好快返屋企了，因為好累好累．．．係車度都同A仔傾電話，因為佢都放早！我都同佢傾左好多結婚既事．．．真係希望可以smooth一點啦，好想快d野可以落實呀！不過，最衰而家連教堂果度都未firm實，真係有點擔心同煩惱！希望神可以幫助我地啦，可以讓我地可以預期舉行到婚禮！當然，神要安排既野我地係冇得反對的．．．有點無奈！

聽日係我初次同case上法庭，心情有點緊張，因為好怕過程中會自己handle唔掂！希望天父神可以保守我，讓我成個過程都成功順利啦．．．

>>March 26, 2008 at 2:20:57 PM GMT+8

2008 年 3 月 24 日 星期一 【晴】

我今朝十個唔願起身，好辛苦先起到．．．個人好累之外，仲感到有點兒病病，個頭好痛，鼻又塞，又鼻水倒流，好可憐！好病的感覺．．．真係好累好累．．．

真係什麼都冇咩心機做了．．．不過今日同朋友傾開結婚既事，我都特意向一些結了婚同準備結婚既朋友取下經，問下佢地邊間公司做化妝SET頭，當日拍攝，租衫等．．．可以搵多點資料，唔洗自己盲摸摸，又唔知價錢，可以而家多點預算．．．

眼見朋友們都好樂意幫我手，真係好開心呀！而家發覺朋友在自己一生中真係好重要既人物！我會好好珍惜佢地每一個！每一個朋友都她關心自己，真係好SWEET既感覺！希望可以早日搵多點資料，快點攪好結婚既野，仲有可以多點預算．．．因為真係好頭痛，好多野都好似冇咩頭緒咁，而且又冇咩CONCEPT，有點擔心．．．見A仔又好似冇咩時間去理咁，真係擔心自己一個是否攪得掂．．．而家都係要努力搵多點資料先．．．

>>March 25, 2008 at 3:04:15 PM GMT+8

2008 年 3 月 23 日 星期日 【晴】

哈，琴日返完教會後就同屋企人食野，之後返左屋企拎埋野就出發了，約左A仔同埋個朋友仔去貝澳入CAMP，GOOD~ 真係開心．．．

琴日雖然天氣麻麻，陰陰地天，不過我地入到去夜晚時都幾OK，又不是太凍，只係有少少涼！我地好享受，邊煮牛扒邊飲香檳，哈！仲聽住歌食添．．．好有情調！我地傾左好多計，真係好開心．．．今朝起身，陽光十分好，風和日麗，天氣都有點涼，二十度左右，不過陽光好猛，十分舒服！我地行沙灘，又映相，又嬉水，真係開心．．．之後食埋LUNCH走人了，各自回家！

返到家好累，即時沖涼洗頭，之後食埋個飯就去左A仔度．．．點知，A仔今日好唔舒服，無啦啦皮膚敏感，攪到佢好唔舒服，真係擔心佢．．．希望佢快點好啦．．．

>>March 25, 2008 at 3:00:07 PM GMT+8

2008 年 3 月 21 日 星期五 【雨】

首先，在此恭喜朋友peony同kenny大婚之喜呀！

今日參加左佢地既婚禮，佢地係浸大既大學教堂度行禮，過程十分好，好touching呀！而且感覺好輕鬆的感覺．．．good! 可以既都可以參考下！雖然天氣唔好，但係都冇影響過程同大家既心情，真係好戥佢地開心．．．希望佢地永遠幸福！

之後完左後，我同埋A仔既同事一齊去左尖沙咀行街食野，去左BURGER KING度食，GOOD~ 跟住周圍行過時間，不過都好愉快，又食HAGADIZE添．．．夜晚，去左帝苑酒店食，味道同環境都唔錯，服務都好好，GOOD! 不過相信酒席一點都唔平了，呵！食了很多很多．．．肥死了！

明早要一早起身，因為要返教會．．．仲要執野，聽日去貝澳呀！去WILD CAMP，YEAH~

>>March 25, 2008 at 2:55:06 PM GMT+8

2008 年 3 月 20 日 星期四 【陰】

嘩~ 今日終於可以訓到夠先至起身喇，成十一點先至起，真係好．．．不過，可能平日冇訓得咁多，所以今日起身時好似有點頭痛痛咁，仲有點暈．．．可能訓得多左了，呵！

訓醒後同妹妹睇小丸子，好好睇，好好笑，有點想起童年時既野．．．之後，同左屋企人落街食野，我地去左食日本野，好味，今日對自己大解放，食左好多野，呵！慘了，有排減．．．本來，今日係約左A仔出街既，點知佢又放左我飛機，於是同左屋企人去左市中心行下．．．行到七點幾先至走人，跟住去左聯邦食飯，食完飯就返屋企．．．好頭痛聽日要去飲，都唔知著咩好？行市中心時都好頭痛諗應唔應該買件靚衫去．．．不過睇黎睇去都睇唔O岩心水既，所以最終冇買到衫．．．返到屋企就好頭痛係度親衫了，攪左好耐先出到門口，去到元朗！

>>March 21, 2008 at 4:55:22 PM GMT+8

2008 年 3 月 19 日 星期三 【陰】

嘩~ 今日好凍呀，我又著唔夠衫呢，好可憐！凍到死死下．．．好怕又凍病呢！今日朝早返到中心門口，突然有個衝動，就係好想食個熱既早餐．．．是關我通常朝早都係食包，不過近日都係淨飲麥皮，突然覺好dry咁，於是乎走左去公司對面間大快活買左個早餐吃，係一個奶油豬仔飽餐．．．好肥呢，哈，不過好好味，好脆！本來想食個腿治加麥皮既，不過見又係麥皮就唔多想食了，想轉下口味，放縱下自己啦．．．今朝本來好多人的，不過到左十一點唔夠就淨番我同另一個同事；兩個都好悶，冇咩電話，咁就過左一個朝早．．．

下午又要上orientation了，又係好悶崏課程．．．我訓左半堂呢，哈！真係好累！可能飯氣重嘛！四點零就完左，返到中心見餓，飲左杯麥皮！好經辛苦捱到五點半了，太好，終於開始一連四日既假期！不過，放工又要趕去觀塘，問朋友拎番郭notebook．．．出邊好死凍呀，好慘，係度等個朋友等左陣，好凍好凍．．．拎左野後返左觀塘中心探下同事們，傾左兩句就走人了．．．上到車就係咁訓，好好訓呢．．．醒果陣都差唔多要落車了．．．

返到屋企，今晚食左好多野，因為好好送，已經節制住架喇，但係太美味呢．．．唔得，要積極減肥呀，時間不多了．．．

>>March 20, 2008 at 1:53:13 PM GMT+8

2008 年 3 月 18 日 星期二 【陰】

嘩~ 今日對腳仍然好痛，不過手已經唔多痛了，可能係前晚乖乖既A仔幫我捽過黎啦，哈！今日中心好多同事係度，一朝早大家都好似冇咩心機做野，都係係度講是非咁，哈！之後，電話又唔多咁，所以都好虛渡過．．．到左下午食飯後，好經辛苦捱多兩粒鐘我就走人了，因為今日下午去做BODY CHK．．．三點半度已經出到去了，先係照X光，跟住係抽血．．．痛痛哦！姑娘針針手勢唔好呢，針到我痛痛呢．．．跟住，攪掂都係四點半，梗係唔返中心啦，呵，早左成粒鐘走．．．搭車去到深水步，A仔上左車JOIN左我，哈．．．同左佢入番屯門去商場配CON，好快手，個死人SALES好似唔想做咁，不過我地都算數，因為目的係要配左CON．．．攪掂後行左陣，就返左我屋企了，食埋飯，就同A仔返元朗．．．

唔知點解，個人而家好唔舒服，係咁流鼻水同眼水，唔知係鼻敏感還是係頭先突然好凍，又著唔夠衫，冷到呢？我唔想病病呀！！

>>March 19, 2008 at 3:34:36 PM GMT+8

2008 年 3 月 17 日 星期一 【陰】

wow．．．今日好辛苦呀，因為琴晚試左個新枕頭，但係真係唔多好訓，好似矮左少少咁．．．而家條頸同膊頭好痛呢．．．加上，今日雙腳仍然十分極之痛，所以好慘，成個機械人咁行，好痛苦哦．．．

今朝一個人係中心，因為所有同事出左去做野，我一個人可以話好free，不過其實又好悶，而且又好忙．．．雖然電話唔多，不過我今朝一次過打左三份口供詞，打到我丫．．．想死！之後下午最後兩點先有飯食，因為同事一直未返我都食唔到飯，幾慘呀！食完個飯好趕咁食左十五分鐘又要出番counter做野了，根本完全冇左個lunch囉，好唔fair呀！不過算啦，鬼叫我帶飯！下午大部份同事返左中心，真係好玩好多，好多人傾計，又講笑，真係唔同晒！

聽日決定去做body check，其實係因為我過左試用期，公司安排我去做既，又唔洗錢，梗係去啦，又可以用返工時間去喎，哈！所以決定聽日下午去，之後可以係旺角走人，順手早點走，可以約A仔去同佢配CON．．．佢要配CON，因為遲點映相行禮都係帶架啦！唔知A仔會否有時間陪到我去body chk呢？因為佢聽日放假呀！

今晚決定要早點訓，因為琴晚真係訓得唔多好呀！而且真係個人成身都好痛好累．．．都唔知何時可以完全recover到．．．而且一想到四月頭仲有次去camp，真係好驚好驚．．．

>>March 18, 2008 at 2:44:15 PM GMT+8