2008 年 1 月 17 日 星期四 【乍雨乍晴】

實在太可怕了，近日既氣溫簡直係一日凍過一日咁，好凍呢。。。朝朝起身睇住個天氣報告做人，睇住D度數係咁趺，都咪話唔驚。。。

今朝起身時個肚十分唔舒服。。。其實近日都已經係成日無啦啦會肚痛咁架喇，明明應該要去廁所，但係又去唔到喎，真係有苦自己知。。。唉！真係頂唔順了，睇醫生都係在所難免的了。。。個肚成日脹脹咁，實晒咁，好辛苦呀！令到個人情緒都唔多好啦，精神又唔好，訓又訓得唔好喎。。。天呀！！

本來，今晚係約左阿哥上去A仔度拆床既，點知A仔話佢拆拆下都已經拆到了，仲慢慢咁掉埋添。。。嘩，真係勁呀！不過都好既，而家可以慳番三百蚊，呵！真係唔好講笑，慳得就慳嘛！夜晚同左A仔同佢媽咪去食壽司，我都唔係食得好多，因為一來唔敢吃得太多，怕個肚頂唔順；二來又怕食太多肥死。。。唉，好丫，而家食少點野啦，可以一舉兩得嘛。。。

而家A仔度拆左床，間房好似空曠左咁，而且訓他他米，好似有點新意思咁，不過好怕唔習慣呢。。。

>>January 19, 2008 at 2:49:11 AM GMT+8

2008 年 1 月 16 日 星期三 【乍雨乍晴】

wow．．．今日同樣地好凍，不過因為今日要formal dressing，所以最後都係著左裙返工，好死凍囉．．．又因為下午有function做，又唔方便著得太多衫，真係凍死我！

今朝同樣冇咩電話，都好hea咁過左，之後下午就有活動做，好忙呀！又要做接待又要做禮物小姐．．．不過，過程都好好，可以識到好多勞工處既職員，都係一件好事．．．嘩，只係今次已經收左十幾二張卡片了，勁呀！完左個活動，剩多左好多為是次活動既到會食物，真係十分浪費，於是我地都拎左返去中心，放工前，成班同事再食個夠，因為實在好浪費！我地邊食邊傾計，過程十分愉快呀！真死，再係咁食落去真係死得人了．．．今晚磅過黎，真係慘不忍睹呢．．．天呀！

放工果陣，去開旺角果頭，於是乎左平日喜歡去的一間戶外行山用品店度睇野，真好，可以執到平野，買左對攀石鞋．．．其實好早前想買，不過成日怕用唔著．．．不過，而家咁抵買都幾好丫．．．開心！仲去左旺中行左陣，買左兩對好靚既絲襪，yeah~

明天要返觀塘了，有點開始唔捨得土記既同事．．．因為佢地都好好玩架！

>>January 17, 2008 at 2:40:35 PM GMT+8

2008 年 1 月 15 日 星期二 【乍雨乍晴】

今日比起琴日仲凍左，所以不得不出動我件長身羽絨．．．十分溫暖呀！返到去土記，完全好唔習慣，不過，都係照樣去做野．．．今日好少電話，我同同事都係呆坐多，見冇咩好做就吹下水講下笑玩下facebook咁，唉．．．一個字，悶！所以得閒都有上下網睇下一d關於結婚既野，希望可以有點資料！

放工後，在公司一個人留到六點，因為今晚在土稼灣度上堂，返山藝．．．今日係第一堂理論堂，好似好多同學仔咁，男女既數字都好平均．．．我就無啦啦被選為我果組其中一個組長．．．唔明白一樣既係，佢所有選峴黎既組長都係女仔黎．．．唔通d阿sir個個都係salt wet佬？好經辛苦捱完呢堂，十點二走人．．．點解係捱？因為今日佢都係show off多，d阿sir不斷講自己有幾咋，又show自己d裝備有幾正同貴，又sell我地去佢公司度買裝備咁．．．所以我十分不洩！

返到屋企已經十一點幾，食左少少野，個胃好似唔多妥咁．．其實一直上堂都有唔妥架喇，但係我上堂前有去m記食野架，都唔知點解而家個胃成日都痛．．．唉！今日要簽一份生死狀，有一部份要我地填寫自己既病歷，佢話如果有哮喘要寫明．．．果刻我有點爭扎寫唔寫好．．．最後，都係冇寫！因為唔想比人label！

明天又係返土記，好眼訓．．．好累．．．聽日仲要有function攪，好煩．．．要見好多大粒人物呢．．．

>>January 16, 2008 at 4:10:09 PM GMT+8

2008 年 1 月 14 日 星期一 【乍雨乍晴】

wow．．．今日好凍呀，比起琴日仲要凍左少少．．．不過都未有比琴日著多左衫！今日如常返工，雖然琴晚都早少少訓，十一點幾度啦，不過都係好辛苦，好眼訓．．．係車度都唔係好訓到，因為附近有條友聽mp3聽到好死大聲，差唔多大聲到全車人都聽到咁，好嘈呀！真係有d衝動想打佢．．．人聽歌佢聽歌，聽到咁死大聲，佢係咪聾架呢？哈！

去到觀塘，去左面包求想買包食，諗左一陣，最後都想比點新意自己，於是乎試左一個蟹柳沙律包．．．又幾ok喎，好開胃！不過太開胃了，好快個肚打鼓呢．．．今朝好死多電話，不過都唔夠琴日多，都好d．．．同同事不斷有講有笑，不時又睇下雜誌咁．．．真係free到丫，自己都覺有點兒過份咁．．．不過，係土記就一定唔可以咁樣了．．．

下午都係去左隔離飯堂吃，又係一餐好豐富既午餐．．．今日已經冇之前食得好狼，因為自知唔可以再係咁落去，所以已經十分忍口，不過，今餐既送實在太豐富同好味了．．．唉，唯有吃少點飯就算！下午都好悶咁過，雖然都有唔少電話，不過氣氛麻麻．．．我明天會全日係土記了，所以唔會好似呢排咁free喇，不過都好，因為聽晚放工後都要係土瓜灣上堂，唔洗我兩邊走來走去啦．．．其實，發覺係觀塘真係冇咩學到，唉，有點心灰．．．不過，算吧，我相信是等待機會出現架o者！

放工我就去左九龍灣，因為約左A仔去IKEA度買書架，之但係A仔要遲點先出到黎，所以我一個人係德福度行．．．好Q耐冇好細心行過呢度，而事實我亦極少好細心咁行呢度．．．今次係一個機會啦，不過A仔好快到，我都冇點所謂行晒，我只係係MARK'S & SPENCER已經行左好耐，又有收獲啦，買左點內衣，因為佢有SALE嘛．．．見就新年囉，都係時候買點新的了！呵，十分開心！最開心就係買內衣．．．哈，人地以為我變態，不過我只係好欣賞內衣的設計！或許，我是否應該讀內衣設計，而非讀社工呢，哈．．．而家都可以考慮下喎！

JOIN左A仔後去左SPAGHETTI度食，好豐富的晚餐呀，好飽好飽，十分好味！之後就去左IKEA．．．唉，當中一波三折的，發生了好多事！不過，最終都可以一一解決到了，真係太好了．．．咪話我自己讚自己，有時候真係唔可以急，要冷靜處理事件，先至可以找出解決方法架嘛，不斷係度罵都冇用架，只係發脾氣仲更加冇用吧．．．好在我當時夠冷靜o者，呵！而家總算係攪掂左一彈野先，仲有大把野要follow up呀！天呀！而家已經開始有點疲於奔命的感覺了．．．真係要堅持下去呀！加油．．．

>>January 15, 2008 at 3:50:05 PM GMT+8

2008 年 1 月 13 日 星期日 【乍雨乍晴】

嘩，今日天氣好凍呀，不過好似冇之前咁凍了，今日都有十四度，都ok既．．．今朝都真係唔係好願起身，好眼訓呀，係眼訓到爆果隻．．．返到公司丁遲左到，o．．．今日唔知點解超多電話囉，今日聽左足足有六十個電話，比平日多成二十幾三十個電話．．．真係人都傻埋．．．

今日下午都係過左隔離canteen食，同樣十分美味．．．今日係食海鮮餐，有蝦有魚有尤魚．．．十分豐富！真係好怕肥死．．．食完飯見有時間，一個人出左去銀行，之後去左萬寧行，買左一盒話可以通便的東西，因為吃完後真係有起息啦，唉．．．近日受到排毒不順暢而好煩惱，個面同身都出晒粒粒，又樣衰又唔開心呀！唉，好討厭呢．．．幾時先可以有轉機？

今日實在太累了，而且，真係唔再敢吃太多野，所以沖完涼吃完少量飯後都冇咩心情了．．．後來，見妹妹吃在泰國買回來既lays薯片時．．．shit，又忍唔住口了，吃了幾塊囉，仲要食左一條繽紛樂，頂！其實d繽紛樂係我買既，因為我係萬寧行時見到佢話買兩包可以參加抽獎抽ipod nano丫嘛，諗住買個希望o者，點知．．．失望！係冇既．．．算啦，我由細至大都冇咩抽獎運的！

實在好累，都唔知係唔夠訓丫，定係事實係眼得唔好，個人周身骨痛咁，d骨頭硬到丫，bilibala咁囉，好可憐！好想去dup骨骨呀！好辛苦呢．．．

>>January 14, 2008 at 2:06:22 PM GMT+8

2008 年 1 月 12 日 星期六 【微冷】

今朝終於可以晏d起身了，最後十一點先起身，good~ 之後同左A仔食早餐，食完早餐就陪佢返屯門了．．．我一個人回家，回到去時又唔係太餓，當然係點幾鐘，於是就”的”起心肝，要執一執個衣櫃了．．．好努力係咁執，最後執左好多衫出黎呀！！執完都已經係三點幾了，之後吃了一個公仔面，好飽呢，跟住就開始執下電腦既野，因為近日個MSN中左毒，所以好想搵下有冇一D解決既方法，係咁上網搵，點知．．．都係冇用既！唉，好煩呀！即係要我係屋企唔開得MSN啦，SHIT！

攪攪下已經六點幾了，A仔就打左比我，佢想叫我一齊去市中心行下街，因為我地約左朋友八點半去屯門NEWAY唱K，但係因為我當時仲整緊D野，所以叫佢索性上黎我度先算．．．之後，爹地同媽咪妹妹陸續返到屋企了，最後，今晚原來佢地打算打邊邊，由於我地都擔心今晚個所謂BUFFET會冇咩野食，所以都打定底，食左野先至去．．．

八點就出門口去唱K了，不過朋友都遲到，最後頭半小時只得我同A仔兩個唱，都幾好丫，好正．．．今次同樣係十分好玩，因為呢班朋友一向都好好玩的，真係笑過不停呀，篌到牙交都軟晒呢，呵．．．之後，就黎十二點都見佢地未有意思走，於是我都決定走人了，因為明天要返九點呢．．．所以A仔就同左我落去搭的士，好快就返到屋企了．．．沖埋涼整好晒都已經差唔多一點了．．．明天又要七點三起身，好可憐呀！

>>January 14, 2008 at 1:56:04 PM GMT+8

2008 年 1 月 11 日 星期五 【晴】

今日既天氣好似冇咁陰天，心情都幾好啦．．．同樣地，今日都係一個人返觀塘，其實呢一個月都係得我一個人逢星期六係觀塘既，都唔錯丫．．．係就係有時會悶左少少，不過都OK既．．．

今日都OK多電話啦，都不時上下網咁．．．冇咩特別做！好經辛苦放工了，約左A仔出去深水步．．．我地先去炳記牛牛食焗飯，好味！之後，我地去左行街，睇下一D行山衣物．．．最後，我大出血，買左五百幾蚊野．．．O．．．不過，遲D都有需要著架喇，都係非買不可的了．．．都好既，我一直都想買，而家終於KO左！之後，我地去左旺角，行左一陣就走人了！仲去左KRISPE KREAM度食，好味，食左個DARK CHOC既DOUNUT同飲左LEMONATE，GOOD~跟住走了，回了元朗，去左睇家私．．．最後，係直銷中心度買左一張油壓床，二千大元，再加三百蚊叫師傅幫我地拆左張舊床同搬埋走去．．．真係好了，終於KO左一樣野．．．不過$$就不斷飛走了，呵．．．

明天終於可以遲點起身，真係每星期都只係期待呢一日！不過，有時真係有點慚愧，又沒有返教會了！真係好爭扎，究竟應同睡魔爭鬥好，還是走到神既面前崇拜呢？

>>January 12, 2008 at 1:45:00 PM GMT+8

2008 年 1 月 10 日 星期四 【微雨】

今朝早得自己一個看counter，真係free到暈~ 因為同事出晒去做野．．．好快就過左一個早上，到左下午，約左edmond表哥仔食飯，哈，因為佢都係觀塘做野，於是乎約下佢食下飯傾下計啦．．．我地去左一間叫千和日本料理食，都係食d定食咁啦，其實琴日已經食過一次定食架喇，都有點兒唔多想食，不過算啦．．．食飯既過程十分之愉快呀，我地傾左好多野．．．表哥，多謝你！好多謝你永遠都支持我，關懷我，愛護我，我係知道的．．．好感動呢．．．放心啦，我會為自己好好的計劃，有你既支持同鼓勵，我一定可以為自己找到出路同定位的．．．傾傾下都不知時日過，成一點八先至走人，哈，返到去遲左十幾分鐘啦．．．

下午初頭都係一個人過，到左三點幾四點，其中一個同事返左黎，咁又繼續我地既工作．．．放工了，今日約左媽媽，姨媽同妹妹出去尖沙咀行街，我好快就到左喇，而媽媽因為大頭蝦，發生左一點事故，所以遲左大到！我初時同媽媽，姨媽行左美麗華果頭，之後妹妹join左我地後，就去左杏花樓度食dinner，都幾好味，不過好少份量細左d，同埋唔係太平囉．．．今餐由姨媽請客，其實都唔多好意思，成日要佢請．．．不過，我同妹妹都好爭扎，因為確實冇咩錢．．．姨媽之前聖誕果陣比左五百蚊cash我買禮物，最後我都洗埋啦，哈，因為果排聖誕要entertain我美國既表弟妹嘛，d錢話咁易洗晒丫．．．

食完飯繼續行，最後今日都冇咩收獲，只係uniqulo度買左一件背心仔，六十蚊，而媽媽買左件童裝既睡衣比我，哈，難得我o岩著喎．．．其實上年我買過一套架喇，見150呢個size我都o岩囉，所以今次見佢有sale都買番套啦．．．

返到屋企已經十一點幾了，好累好累．．．最後成十二點幾先可以訓．．．明天又要七點起身了，好可憐！明天約了A仔，唔知去邊好呢？有點想去深水步買點東西．．．

>>January 12, 2008 at 1:38:09 PM GMT+8

2008 年 1 月 9 日 星期三 【陰】

wow．．．今日好累，因為今日同樣返土記，周車勞頓的．．．返到去，朝早都冇咩特別野，都係係counter聽下電話咁，同同事吹下水咁，因為琴日發生大件事，今日都同左個阿head傾下個事件同對策！下午，同左成大班同事出去食飯，其實夾埋我都係八個o者，唔係真係咁大班，哈！我地去左食日本野，食定食囉，好似係："上壽司"．．．

食完飯返去，因為食得太飽，個人好眼訓，而且冇咩野做，好辛苦！好經辛苦到左三點半，今日公司攪左一個生日會，公司每季都有一次生日會的，為果個季既同事慶祝．．．咁我都因為新同事，所以都被邀請參加，比同事認識下我咁．．．嘩，其實上一餐既野都未點落格架，兩個鐘唔夠又食，真係有點辛苦！不過，眼見面前既佳餚美食，真係忍唔住口，最後，食到好飽好飽咁走．．．返到落去四點幾．．．

捱到五點半，就開始我地今日個職員會議了．．．在會議中大家無所不談，我發現呢度既同事同上面大粒既好唔同，佢地唔會亂擦上邊鞋，係有果句講果句的，而且又唔會推卸責任．．．相信呢一班都會係好同事黎既．．．當然，有時候總有d人係唔係咁容易為人所認同同接受的，社會當中，總有呢類人既存在．．．我而家都唔會話再細路女，話唔鍾意同果類人交往就一點都唔做野，而家反而學習到如何同呢類人相處，搵番自己既定位！最後，開會講左好多野，八點鐘先至完．．．好在，之前食左好多野，所以最後都未到餓到要死既地步走人．．．

本來八點一走人，諗住出去等旺角小巴，點知出門口就見住架車走左．．．shit！之後，等啦，諗住等一陣架o者，因為平日好快有一班車，點知，等左成十分鐘黎左一架啦，係滿座架囉，頂．．．最後好激氣，走左去搭61x，果時已經係八點半了，xyx@#%&&)(%*....最後返到屋企係九點八囉，餓到個人呆晒，好在個胃未開始痛咋，而家好衰，一遲少少食野個胃就會痛，好討厭的！好似果日星期三同A仔去沙田時，食食下飯都可以胃痛的．．．而家發覺身體真係差！睇果D什麼居士寫我既書，大多都話我黎緊呢年個腸胃會好差．．．唉，我唔想呀！好怕架！而家已經開始左喇，真係好應驗！而家已經成日有入冇出的了，就算吃生果飲奶奶食蜂蜜都冇用喎，唉．．．好激氣呀！！

食完個飯，真係十級累呀！都唔知點解咁累！A仔佢今晚約左個朋友仔傾心事，唔知佢地傾成點呢？呵！當然，有D人會覺得，男朋友有心事，唔係應該同女朋友傾架咩？講真，有D野我未必可以幫到佢架嘛，好似工作既問題咁，只有佢既同事先可以同佢有最大既共鳴架嘛，加上有D野可能佢同朋友傾會開心D呢．．．哈！點都好啦，我最希望既係佢可以開開心心．．．

聽日終於返番觀塘，初初返番去土記時都有點覺得唔習慣，因為冇觀塘咁free，不過，而家又有點失落，因為發現左一點野．．．係觀塘，冇錯，呢度係一個世外桃源，但係就什麼都唔知；當然，有d野越遲知或者越知得少係對自己有最多好處啦！另外，在土記比係在觀塘，學習新野既機會較多，因為始終阿頭係果邊，有什麼大型記招，活動，計劃，都會叫新同事嘗試協助．．．反而係觀塘，在處理個案方面就可以學習良多；所以，真係有時有點矛盾．．．哈！不過算啦，每樣事總有好一面同壞一面的，我反而係要在不同環境學習同適應，找到自己的定位！

琴日開會決定我會加入成為工傷小組．．．其實，我而家對處理工傷的知識仍然一頭霧水咁，哈，都唔知點算．．．有點兒擔心呢！不過，都係一個學習既好機會黎既．．．好似同我同期入黎既同事阿魚，佢已經比我多了點機會做一點對外的工作，好似記招，大型勞糾等．．．而我都仲係屈係公司裡做查詢．．．好似比人行得慢了一點咁，有點不太甘心同羨慕人呢．．．其實，我都唔知自己在這個office裡，一個aggressive既同事，能否可以生存得到呢？呢樣野仍需要我去find out一下．．．

>>January 11, 2008 at 2:53:36 AM GMT+8

2008 年 1 月 8 日 星期二 【陰】

今日對腳同手仍然係痛，不過已經冇之前咁極痛了，只係當行得快或者上落樓梯時係會特別痛．．．今日返左土瓜灣返工，不過真係好唔習慣，因為之前返左一排觀塘，一向都free開，一返番去土記就好唔習慣喇，因為有好多大粒成日走來走去．．．不過，係要free都係呢兩個月，之後既時間都係要留係土記架啦．．．所以唔好再心野了．．．呵！

今日日子難過，不過今日既電話好似比起平日土記既數字多，都唔知點解．．．同同事阿魚可能太耐冇見，所以特別多野傾，大家無什麼不談，哈，咁樣先可以過渡到d日子！今朝上面大粒開會，不過冇我地兩個份．．．其實坦白講，今次真係好彩唔想去開會，因為今日開會發生大件事，差點兒六國大封相呀，所以，有時d野都係知少點為妙．．．而家攪到好大件事，d大粒都要處理一系列既問題了！而我，都係當唔知，理少點好過．．．明天繼續返土記，而且下午會參加一個由福利組攪既生日會，為呢一季，即係一至三月生日既同事慶祝生日！我作為新同事，都係要參與其中既．．．都好，咁又可以hea番一至兩粒鐘了，呵！

今日放工之後約左A仔出去沙田，咁我先搭小巴出左去又一城先，咁去得果度都必要行一行啦，於是我去左行H&M，雖然有SALE，不過．．．最後只係買左一條冇特價既裙，個樣有點復古的，呵！之後就再搭火車去沙田join呀A仔，因為佢要去沙田拎番之前係NORTH FACE整果對鞋，真係好，終於整番好了．．．琴日接到電話，A仔搵唔番張單呀，大家都好擔心今日是否拎到．．．好在，佢最後係中心搵得番，好彩．．．有時，真係比佢激死，好大頭蝦的．．．不過，當佢大頭蝦的時候，就會係我出手的時候，哈，因為可以叻番囉，呵！去到沙田，我地行左UNIQULO，我買左兩件特價野，GOOD~ 只係幾十蚊一件的東西！好開心！無啦啦咁今日又入了貨了，呵！真係好．．．本來打算買一D護膚用品，不過後來都係唔買住，星期五先買！

聽日放工後要開會，又要開OT了．．．不過，唔開OT又點會可以儲CL呢，哈．．．而家要努力儲OT，日後先可以放到假，因為我遲D上山藝時，可能去完行山同TRAINING考試之後一定會癱左的，咁就可以休息下了．．．

頭先同左A仔去食OLIVER SUPER SANDWICH．．．好味，今次食左百幾蚊呢．．．好飽好飽．．．不過好ENJOY，同A仔都傾左好多野．．．一個十分好既PROCESS呢．．．THX~

>>January 9, 2008 at 2:35:36 PM GMT+8