2008 年 4 月 16 日 星期三 【陰】

眼見天氣開始差了，今日仲一號風球呢．．．唉，雖然擔心，但亦要相信及接受神的旨意吧！今日工作不是忙，都是做一些統計呢，真係有點無聊．．．不過曾與上司傾談，談了很多見解．．．當然，真的希望中心有發展的一日！

放工後，回了家，很累！訓了一會就吃飯了．．．之後，同左堂妹傾了MSN，佢話十二月會與細叔叔，姑姐等從上海回來參加我的婚禮．．．很是感動呢！我知道當時堂妹需要在美國進行實習的，但她亦會特意從美國飛來，真係好感動吧！

>>April 17, 2008 at 4:31:32 PM GMT+8

2008 年 4 月 15 日 星期二 【晴】

今日返工遲到呀，是關琴晚夜返，攪到好夜訓呢．．．今朝好眼訓呀！成日係中心都冇咩特別野做，好悶．．．近日發覺真係冇乜野跟同做，連CASE都冇開過．．．當然唔係我一個既問題！

放工後我去左做FACIAL，本來計算會八點幾九點前會做完，點知失預算，十點前先攪掂！不過做左好多野．．．本來諗住做完去A仔度，不過一來太夜，二來今日有親戚到訪，個人好唔舒服呢．．．所以都係快點返家休息好過．．．

回到家盲訓了，不過今晚同A仔商量好了星期六日如果下雨的決定如何．．．最後，我地決定交由神去安排，我地相信神早已有安排，我地要懂得交託吧！如果神是喜悅我地當天映相，佢一定會給予我地恩典的，對嗎？而且，即使神安排了不好的天氣，我們都會接受，並相信即時必會找到解決方法．．．都是一句，會交託予神了．．．當然，我地十分希望天氣能夠容許我們映相啦．．．

>>April 17, 2008 at 4:28:29 PM GMT+8

2008 年 4 月 14 日 星期一 【晴】

嘩，今日出左一整日庭，真係由九點至五點八．．．成日係入面，連飯都冇時間食，好慘．．．成日只食左個牛角包咁多．．．已經唔識再肚餓了！

完左後，去左旺角，因為今晚約左兩個朋友食飯．．．我地先行左陣，之後去左食越南野，真係幾好介紹！好味！我又破戒了，呵！食了好多唔可以食既野！最重要既係，大家可以好開懷咁傾計，正！之後仲去食埋糖水添．．．GOOD~　雖然今日累左成日，好多野做好忙，不過係一個好開心的時間呢．．．

>>April 17, 2008 at 4:22:52 PM GMT+8

2008 年 4 月 13 日 星期日 【晴】

今日唔係好願起身，因為好累呀！返到去，都係唔特別忙，一般既工作咁．．．準備下明天上庭既野，因為聽日單case比較麻煩．．．

放工就去了銅鑼灣買東西，買了我想要的gride．．．太開心了！因為相信已經係第一眼已經看中了，太好！雖然真係貴，六百幾蚊，買埋條褲仔．．．不過，真係太靚了！

之後趕返屋企，食完個飯就接A仔放工回元朗．．．

明天上庭，可以遲點起身，真係好呢．．．

>>April 17, 2008 at 4:19:41 PM GMT+8

2008 年 4 月 12 日 星期六 【陰】

嘩~ 今日好忙呀．．．本來係要返教會的，不過真係好累好眼訓．．．呵！後來，十點幾起了身，同左媽媽去食早餐，之後就同左媽媽去做我的第一次．．．就係．．．去整水晶甲！

因為星期六要映婚紗相了，想靚靚嘛，錢係唔可以慳的了，呵！藉口！於是乎問左朋友意見，佢介紹左我去一間係屯門新墟果邊既一間樓上舖，果間舖其實係我朋友個學生既媽咪開既，佢地係單親家庭，媽媽獨力支撐屋企．．．打左電話去訂左今日下午一點去．．．心情十分緊張！

上到去，揀左想要既款後，就開始整，一整就兩個半鐘了．．．佢真係好有心機，而且仲收平左我！我成手都係石石同珠珠，都係三百二十蚊．．．如果出邊起碼要收五百蚊囉．．．好開心呀！因為好靚！雖然過程中修甲時出了點意外，唔小心整損左，不過好靚呢！我仲即時同靚靚指甲映相相添！

跟住，同左媽媽妹妹去行市中心，想睇下d gridle．．．點知都係睇唔o岩，睇黎真係要買之前睇中左果件六百幾果件了．．．唉！真係又唔可以慳既錢！難得A仔佢又肯出一半比我，呵，冇咁傷呀！

之後，同妹妹出左去青衣，去左個朋友屋企！佢今日煮飯比我地食呀，佢同佢男友都好好手勢的，煮野十分叻！點解我唔叻架！哈！實在好味，而且可以成為佢今日隻狗仔既玩具，比佢隻狗玩，哈，係無錯，比隻狗玩，唔係我地同佢玩囉！跟住九點走人了．．．

今日整左指甲後十分唔習慣！成日好似有野整住咁，而且好多時都唔識就住，始終由細至大都冇留長過指甲的．．．都唔知點捱，要KEEP住起碼一星期以上先得呀！

>>April 14, 2008 at 7:10:40 AM GMT+8

2008 年 4 月 11 日 星期五 【陰】

嘩，今日好累呢．．．早左十五分鐘放工，跟住O拿O拿聲上左落馬洲，今次係第一次一個人自己上果頭，呵！叻叻．．．係福民站同A仔集合成功，YEAH~ JOIN左後我地就去左映相果頭喇，終於成功試左妝．．．我都覺個化妝師幾好，話晒佢都係化妝部主管喎，而且佢份人都好NICE，態度又好，又好細心，所以唔錯．．．我都決定用佢！而且我今日都揀左三套室內影既衫，因為外景果四套要到時下星期先可以揀．．．我試妝時都映左點相，如果大家有興趣可以去我MSN個BLOG度睇下我D靚相架！

完左果陣五點，所以走左去東門行，想睇下有冇GRIDLE買．．．點知都係睇唔O岩，始終好鍾意上次係EASY SHOP見到果件六百幾蚊果件．．．頂！不過真係太貴了，其實呢D著兩三次既野真係唔洗太貴，但係A仔又話可以公數比一半喎，呵！咪又係我自己比番四份三既錢．．．又有咩分別？所以．．．都係考慮當中，可能要睇下有冇其他平一點的．．．而且星期一想去旺角整水晶甲，是關跟住既時間都冇時間可以去整了．．．跟住個星期都晚晚好忙呢．．．晚晚都有野做，一係做FACIAL，一係約左人，一係要去覆診．．．忙死喇．．．

返到屋企九點半，真係有點累．．．都唔知到時映相可以點捱，因為會更辛苦，更累．．．有點擔心反而既係到時既天氣狀況！呢排既天氣都唔多好呀，希望天父神可以眷顧我地，給予我地好既天氣，讓我地可以拍攝成功順利啦．．．

頭先十一點幾收到個工友既電話，真係好後悔比佢知道左我個手提，頂！佢好煩，其實唔係我歧視或者什麼，只係呢個人我相信係人聽到佢講野都好想打佢．．．佢竟然可以同我講我之前同佢講既野完全唔記得晒喇，因為佢認為佢唔需要去記，又話自己好忙．．．頂，我唔洗返工咩？大家咪一樣忙，頂！我認為呢個人真係太STUBOORN了，影響左自己既客觀觀念．．．唉！好唔開心，令我今晚本來開心既心情破壞晒．．．

幸好，頭先比好姊妹睇D相，佢都話靚，咁都安心點．．．

>>April 12, 2008 at 3:45:06 PM GMT+8

2008 年 4 月 10 日 星期四 【晴】

今日上庭黎呀．．．好累！因為朝早果庭大半庭都係審d印傭case，又要翻譯，d傭傭又煩，唉，攪到最後果單先到我地．．．頂！朝早果庭都未有結果呀，所以個法官要我地下午再開庭審．．．下午約左A仔係旺角食野，真係好趕下，我一攪掂就飛去旺角，用左好少時間吞晒半碟六寶飯，跟住同左A仔上去一個朋友間舖度，因為A仔今日去左mountain hardware個開倉度，佢入左好多貨呀！當然其中佢都買左好多野比我啦，又鞋又衫咁．．．真係錫晒佢呀！足足買左四百蚊野比我，愛死佢了．．．

跟住，我就返勞審處了，A仔佢陪我一齊去，而且仲陪我上庭添，真係好想笑，忍得不知幾辛苦喎！最終都好，件case完左，和解！攪掂後，我同左A仔走，由於當刻係佐敦，所以順便去覆診先至走人啦，因為時間剛剛好，唔洗返中心，呵！GOOD~

跟住各自回家了，我返到屋企就執野，好快手就過去元朗了．．．佢真好，煮定晒野等我去食．．．錫死佢！跟住，同佢傾左陣關於結婚既野，我都好累了，決定十點半要訓覺．．．YEAH~ 因為明天要去試妝，要KEEP好少少個樣先．．．而家個心情有點期待同怪怪的．．．唔知到時會點呢？

>>April 12, 2008 at 3:34:17 PM GMT+8

2008 年 4 月 9 日 星期三 【陰】

今日係公司都係冇咩特別，好經辛苦過左一日，放工喇．．．放工後一個人去左旺角行，因為想買對高跟既華，for映相時著．．．出到去，先行花園街，行左成條，曾經係其中兩間店流連左好長時間，但係都係揀唔o岩心水既鞋．．．之後，再行左去旺中，由第一層行到上最頂，先至搵到一對o岩心水，咁就買左喇．．．係一對白色皮的，前面露腳趾頭，個爭係紅色，有四寸高架．．．不過只係一百蚊，抵呀！

買完之後，本來今日我要做facial既，但係我面上仍有傷痕，所以唔方便做，所以個位讓左比媽媽同妹妹去．．．咁我本來諗住拎對鞋去比媽媽睇，點知佢地又留住我係美容院陪佢地，最後．．．我一個人又累又眼訓又悶囉．．．好可憐！等到佢地十點幾呀！頂！又話食野，點知最後都係返左屋企，好唔開心囉．．．咁就冇左成晚．．．如果我早左走，我可以返屋企訓下睇下電視都唔知幾好呀！．．．哼！聽朝仲要上庭，聽日恰眼訓就死了．．．

>>April 12, 2008 at 3:26:59 PM GMT+8

2008 年 4 月 8 日 星期二 【陰】

今日好可憐，今朝起身時對眼唔知咩事，無啦啦腫起晒，好似隻蛋咁，都唔知咩事，個鼻就係咁流鼻水，仲有不斷倒後流，好辛苦．．．最後，決定取SL．．．訓到十一點起左身，比媽媽叫醒左，叫我出去同大表哥表嫂飲茶．．．算啦，佢地都聽日上廣州了，所以都冇所謂吧！後來出到去，A仔打比我，約左去灣仔買野．．．所以，飲完茶後，出左去灣仔．．．雖然，飲茶過程好開心，因為同樣同佢地交流左好多結婚既心得呀，真係好多謝佢地比左好多IN-SIGHT我呀，我而家清楚左好多，亦都可以慳番好多錢錢添，YEAH~

出左灣仔，同左A仔去買野，亦都MISSION COMPLETED了，GOOD~ 跟住行左陣，就一齊搭西鐵回屋企了．．．回到屯門，一個人去睇醫生，醫生話我今日係超級鼻敏感，令對眼神經性水腫．．．嘩，好恐怖的名稱吧！真係好怕怕．．．

近日有睇天氣報告，見呢個星期大陸既天氣都好差，好擔心下星期唔好天氣呀！唉．．．真係好怕！今日A仔講起佢睇左一個BLOG，講當中人同我地一樣搵左皇室經典映相．．．當中提到去葵花園映相時，要有心理準備，隨時要面對好多蟲蟲，例如有好多蟻上身，有蜜蜂，有毛毛蟲，甚至有四腳蛇．．．XYZPE!)#^_@%(!．．．好恐怖呢！雖然，我唔係太驚蟲蟲，不過都好似幾恐怖下，講到咁WORST！所以，今日同A仔買左點防蟲的SPAY，希望到時有用同有效啦！

>>April 9, 2008 at 12:02:05 PM GMT+8

2008 年 4 月 7 日 星期一 【晴】

今日同樣好眼訓，而且因為今晚要飲，所以花多左時間去裝扮，故此最後遲左十分鐘返到中心，仲要比上司斷正添，SHIT！

今日都冇咩特別野好做，都係聽下電話咁，真係咪話，都好悶下．．．都冇咁多結婚野要睇啦，唉．．．而且都唔想太揚，唔想比同事知住，因為始終係度做左唔係太長時間，比人知結婚，好似好怪咁囉．．．不過，我相信同事都估到下，因為有時都偷睇到我係度睇結婚既網頁，呵！算啦，我都係唔會認住架喇，唔回應係最好方法．．．或者去到六月度啦，我自然會講！

放工後，一個人去左又一城，因為諗住買份結婚禮物比大表哥同表嫂，點知我行左好耐，只係LOG-ON度買左D禮物仔比佢地既仔仔，狗狗RAMBO，HEHE~ 後來，妹妹都到左，我地行左一陣，最後決定係AGNES B SPORT買兩條頸錬比佢地．．．希望佢地鍾意啦！

之後就去黃大仙飲了，今餐都食得幾開心，因為同表哥表嫂傾左好多野，亦都交流左好多準備結婚上既心得，因為佢地之前真係做左好多準備，而且佢地都HIGHLY RECOMMEND我地去廣州買D林沈野，因為真係好死平，而且D野又齊又多野揀．．．我都會決定去廣州買野．．．好想快D同A仔去一趟呢．．．

今晚返到屋企已經十二點了，唉．．．當然，算早架喇，但係我每晚都好多野要做，包括飲沖中藥飲啦，食蜂蜜啦，飲膠原蛋白啦．．．但係，而家仲多左樣野要做，因為妹妹個朋友教左我幾招可以收麒麟臂同收肚既運動，睇黎，而家晚晚食完飯後都超超超忙了．．．

>>April 9, 2008 at 11:53:10 AM GMT+8