2008 年 5 月 28 日 星期三 【晴】

嘩嘩，今朝遲左到，成十點九先至去到．．．最關落大雨，好塞車，即使預早左都係咁，好麻煩！又落晒左雨咁，好討厭！去到唔見個工友，唯有坐係度等佢，坐左陣佢出黎，佢同我講僱主願意支付所有款項，真係好事．．．之後十一點半走人，同工友傾左陣就搭巴士返觀塘了．．．搭左架101號，嘩，坐足一粒鐘．．．好在車程中有A仔陪我傾左陣電話．．．講左好多野，亦都講及妹妹既前景（工作）問題．．．唉，我都覺得妹妹係時候好好計劃自己既前途了，得閒都要同佢傾下．．．

返到觀塘已經十二點半了，所以走左去APM度行，本來想去搵下有冇FANCL，因為有COUPON想換野，但係原來呢度係冇架囉，失望．．．咁大間商場都冇？！所以行左陣就見到有KFC，突然想起唔想去牛頭角果頭食，好厭了，所以買了KFC返中心食．．．返到去，嘩，原來壞左冷氣！O．．．想死．．．行返黎真係熱到我傻左，而家仲要冇冷氣？唔係呀嘛？！不過，唔夠A仔慘，佢中心已經有三個月壞左冷氣，一直老細都唔肯整番，真係．．．唔知講咩好了！公司係有責任為員工提供舒適既工作環境架嘛！職業健康及安全丫嘛！好在，我中心都係局部性壞冷氣，即係有D地方係冇事既，所以我就走左去有冷氣既房度食．．．同個同事邊食邊傾，唔錯！而我地OFFICE就慘了，好似局爐咁，仲要下午有水晶甲班，嘩，D指甲油同天拿水味真係難頂！真係聞得多都HIGH呀，哈！

好經辛苦放工，同同事一齊入元朗開會．．．發覺我地機構元朗綜合服務中心都幾大，設備都多，又新，真係幾吸引！果度既同事知我住屯門，係咁叫我入會．．．嘩，入黎做乜呀？為入而入．．．而且要比$既．．．唔制！開完會同同事去左食飯，我地去左水渠附近既正記度食，係專食打冷野，我之前同A仔家人都去過，幾好食架！我地一行十一個人，叫左共十三個送，八枝啤酒．．．嘩，傻架，食唔晒D野囉，不過發覺同事都幾飲得，八枝啤酒喎．．．即係一人都飲左一枝．．．當然，我都係覺爹地勁，一個人飲一枝紅酒，哈！

食完之後，我約左A仔係千色門口等，因為我冇踩單車，想搭佢順風車啦．．．返到屋企，好攪笑，我地去左YOU TUBE度睇左好多經典廣告．．．有好多係以前細個睇過，同埋細個時成日扮野既廣告！我細個果陣好鍾意扮廣告裡面既內容玩架，同表哥表姐一齊玩好開心的．．．尤其最鍾意捉埋公公同我地玩扮”金輝一百”呢個廣告．．．即係果個”點解枝煙會咁長既？”果個呢．．．哈！好好笑．．．想番起童年時，都幾開心，童年無忌無憂．．．而家？人大左，有唔同身份同角色，要懂得面面俱圓，分是非黑白．．．細個真係想點都得，因為屋企都比好多自由度自己，亦都比左好多栽培自己，就係想自己長大做個好人．．．所以，都真係好感謝父母！爹地媽咪，我愛你地呀！

>>May 31, 2008 at 2:49:04 AM GMT+8

2008 年 5 月 27 日 星期二 【乍寒還暖】

今日放工，本來打算陪A仔去攀登的，但係真係好累，開始病病咁，所以都係放棄了．．．亦原本諗住都過去睇佢攀的，但A仔怕我辛苦，所以都係叫我唔好去，留係屋企抖下！係屋企，食完飯，都想訓了．．．好似好耐冇試過係屋企陪媽媽睇電視了，感覺幾好，好溫暖的感覺．．．

聽日好在可以晏起身，是關聽日要十點半出到西營盤果頭既西區裁判署既勞工處落案，所以可以訓晏少少，可以休息多點了，真係好！不過，交流十分不便，要轉車，而且近日天氣成日落雨，仲要雷暴，好麻煩呢．．．好想快點見到陽光！

>>May 31, 2008 at 2:18:25 AM GMT+8

2008 年 5 月 26 日 星期一 【雨】

今個星期既天氣真差，差唔多日日都有雨落，真係令人煩厭．．．今日本來打算放工後入元朗架，點知真係精神唔多好，好似有點兒想作感冒咁，所以都係留係屋企休息！近日A仔佢入左一間運動攀登既會，可以一個月內係屯門既中心度攀登，當然要比會費啦．．．我自己講真聽佢講都興趣不大了．．．我既技術太差了，都無謂出醜了，呵！

今晚係屋企都係度HEA，因為實在好累．．．食左藥都想訓了．．．

>>May 31, 2008 at 2:10:57 AM GMT+8

2008 年 5 月 25 日 星期日 【乍寒還暖】

唔，今日天氣唔太好，有雷暴同有雨，令人心情又差了．．．今個星期一連都係會落雨的，真係令人心情差透．．．不過真係感恩既係，我地都完成左婚紗照了，可以暫時唔需要擔心天氣問題．．．不過，而家又要開始著緊婚禮既事了，休息了一少段時間，都係時候開始忙吧！首先係下星期返教會要同牧師CONFIRM下我地BOOK教堂既事宜呀，因為盡早FIRM左我地就可先放下一個心頭大石了．．．好想盡早做晒D野呀，哈！

而家計計下其實都唔係仲有太多野要去煩，暫時都重要URGENT既係欠教堂果度，其他都係D"濕星"野．．．不過之後A仔會好忙的了，我都要一個人去負擔吧！唔打緊啦，最重要係個結果係GOOD嘛！放下D工作一段時間，都係時間要好好整理一下，包括D錢錢BUDGET同埋仲有咩要做啦．．．而家親有時係公司得閒要抽時間做下．．．不過近日老細唔知咩事，突然嚴緊左好多呀，都唔知做乜，所以都小心為上了，唔敢有什麼行差踏錯．．．

放工返到屋企，覺好累咁，頭好痛，唔知點解？唔好病呀，要挺住呢．．．食完飯，可能今日早了開飯，所以一連睇了幾套電視劇．．．好似好耐冇咁追電視了，呵！都幾享受吧，享受同媽媽一起討論電視內容的感覺．．．好溫馨呢．．．妹妹又不在家了，又是去了拍拖拖．．．近日妹妹拍拖，真係忙個不停，又要顧及朋友，又要顧及男友，而家人？哈，最後一位吧！唔緊要啦，都明白既．．．最緊要佢同男友開開心心啦！祝福佢地．．．

爹地今晚終於回港了．．．好似好耐冇見佢咁．．．實質因為星期六晚我冇返屋企，星期日返到去時佢已經出左門口了．．．所以整整三天冇見佢，哈！

>>May 26, 2008 at 3:26:58 PM GMT+8

2008 年 5 月 24 日 星期六 【晴】

今日九點已經返到屯門了，所以可想言之我地幾咁早就起左身了．．．返到屯門我都HEA左陣，跟住都頂唔順去了訓覺，訓醒已經係十二點九了，哈！真係好，可以訓多點休息一下．．．今日媽媽佢病得好厲害，所以本來話落街食野都冇去到，唯有我留在家中食媽媽朝早煮的粥，而媽媽就好好咁休息．．．我在家就好努力咁去整部電話，因為要入番晒D電話入去，仲有要入歌仔呢，咁就整左我成個下午，頭都痛埋，因為唔識得運用部電話嘛！都咪話，好多FUNCTION都唔識，真係要慢慢摸索先得！

到左五點幾，媽媽起左身，就陪左佢落街買野，買左今晚食既炒面炒米仲有炸兩，因為媽媽煮左粥嘛，可以一齊食．．．仲去左超市入貨．．．幫手做”駱駝”．．．都係時候做下乖乖女了，呵！因為爹地上了廣州工幹，唯有我做呢隻”駱駝”啦．．．返到去同媽媽六點幾食完野，我又做自己野，媽媽又訓過．．．過左陣，妹妹去完街返來，我同佢一齊睇左隻DVD，叫做BECOMING JANE，內容係講”傲慢與偏見”個作者的．．．好正，值得睇．．．睇完之後又繼續攪部電話，都唔知點解咁多野攪架，煩死，最後十二點先至訓．．．

>>May 26, 2008 at 2:56:01 PM GMT+8

2008 年 5 月 23 日 星期五 【晴】

HEHE~ 今日好開心呀！朝早返左土記，跟住同同事出左街站，去左將軍澳，好快手就攪掂左，十二點半就返番去土記了．．．一路等時間過，終於放工，一點走人，去左九龍塘JOIN阿A仔，我地出發上大陸了．．．

上到去，先去左國貿果邊間沃爾瑪度行，同樣又買左好多野，之後去左KFC度食，食左好耐冇食過既家鄉雞，真係好熱氣，不過好好味，仲好飽添．．．食完之後去左東門，本來想買件”中國加油”既TEE，因為有個朋友早前話係東門見到，點知去到又唔見有，可能賣晒啦．．．真係有點失望呢，因為好想真係做點事支持中國同四川，希望四川既居民要挺住呀！！加油呀！！之後我地就去左福民站果頭，去婚紗店揀相了．．．五點去到，但係等到差唔多五點半先有相睇，是關好多客人同我地一樣都係去揀相，哈！呢間野真係忙，好多客人，生意真係唔錯！冇既，服務好，客人自然多！我都會介紹人去囉．．．

好期待揀相一刻，第一次睇時，真係心中仍然十分回味當刻既情景，都不禁從心中笑了出來，因為真係好甜的感覺．．．邊看邊笑，哈！當然，有些因為係好GAG既相而笑啦．．．原來攝影師共幫我地映左三百三十二張相，而我地倨PACKAGE又只包100張，所以艱鉅既揀相時刻開始了．．．

其實真係好多都好靚，我地第一次去揀時，揀完仲有成二百幾張相，唉，心想，無理由要晒架，因為每張要三十八蚊，而個SALES當然又會不斷SALE我地，又話比什麼優惠，其實價錢一樣，只係送多左野，例如相簿．．．講真，要咁多本相簿有鬼用咩？！所以，決定又再揀過，最後揀到得番一百六十張就收手了，因為真係揀得好辛苦呀！好似為揀而揀咁．．．當然，有點相我都好喜歡的，但係好無奈都要刪走佢了，唉！當然，同時最緊要都要係A仔喜歡的啦！所以而家共要多六十張相，要比多$2280，都係一個可接受的價錢吧！而家成個婚紗攝影我地共用左唔洗一萬蚊，即係九千七百蚊．．．我覺可接受啦，比起在其他地方映已經平好多了，而且又有好多野送，都OK啦．．．好想快點取相，不過要等到七月中先至有．．．唯有等待！

揀完相都已經八點幾了，如我地所料吧！我地跟住去左行超市，又係買左超多野，哈，每次行超市都總會失手的．．．跟住就去左近日熱門地，真功夫食．．．因為都唔係太餓，所以兩個人食一個餐，都夠了！食完就走人，回了元朗．．．回了去都好累，難為了A仔明天仲要返三節，所以我都答應佢陪佢一起早起，跟住一起返屯門啦．．．要做個好既女朋友嘛，哈！

>>May 26, 2008 at 2:46:45 PM GMT+8

2008 年 5 月 22 日 星期四 【晴】

哈~ 今日照樣返工，努力工作都係等放工可以約A仔．．．今日放工同左A仔出街，我地去左旺角行，之後佢帶左我去朗豪坊對面既閏角熟食市場食．．．嘩，果度比我想像中乾淨同多野食，而且D野好平，我會再去食囉，都唔錯丫．．．

食完之後JOIN左A仔爸爸，因為UNCEL想買手機，但係又唔識得買合適既比自己，所以叫左佢個仔幫佢手睇．．．當然，我都唔執輸睇埋一份．．．就係咁就出左事，我最終買左部電話，哈！因為一來部電話都開始壞壞地了，個電又叉唔到，又有時會HANG機呢，所以都係時候要買過部了！而A仔爸爸就買左部同A仔一樣既電話，我就買左HTC TOUCH，白色，都係$2980，係中原買，佢話一次過比唔分期可以平一百蚊，所以就由原本既$3080減到去$2980．．．其實呢部機係佢初初出果時我已經睇中架喇，不過果時又唔想咁快換電話，所以一直冇買．．．而家部舊既都用左成三年半有多了，又壞壞地，所以都係買既時候了，哈！藉口！

買完之後滿載而歸咁走，哈！返到屋企都好忙，因為又要睇下竦電話點用，仲要叉電，點知又開唔到電話，攪左好耐，唉．．．好煩！好在最後都整到．．．呢部機比較麻醉點，要善長地運用有點難度，真係要好好摸索先得喇．．．

聽日好開心，終於可以去睇相同揀相了．．．唔知D相映成點呢？好擔心到時張張都靚，咁就要洗好多$$了．．．但係又好期待呢．．．

>>May 26, 2008 at 2:28:27 PM GMT+8

2008 年 5 月 21 日 星期三 【晴】

今日終於天氣好了點，至少曾經見過下陽光丫．．．今日都好忙碌呀，不過幸好可以遲點起身，是關係元朗出去勞審處可以搭西鐵，時間又可以慳點了．．．出到去好快就完左個CASE了，因為今日個僱主缺席聆訊，法官判左申索人全數得值，真係好！我都戥工友開心呀！完果陣十一點都未夠，於是自己行左一陣，只係一陣咁多就回觀塘了．．．返到去十一點半度！

返到去HEA左陣就夠鐘食飯．．．今日食飯同同事食，傾左好多野，食到不知時日過．．．成一點九先返去，呵！下午繼續工作，四點半就離開觀塘，返去土記開會．．．仲拎住D木糠布甸同埋芝士蛋糕返去，又係觀塘中心個西餅師傅整的．．．自從我返左觀塘後，又係日日準時有下午茶食了，今次想唔肥死都好難吧！好怕肥呀！午飯我都已經好好節制了，但係一見到甜品同面包真係忍唔到口了．．．係我至愛的食物呀！真係好想減肥，係局部性果隻．．．但係好難減，尤其係對麒麟臂，同個小水泡啦．．．唉～

開完會都八點了，返到屋企都九點半了，超累．．．媽咪今日又去左澳門，妹妹又出左街，所以餓到波波傻左，哈！我之後先至食飯，好在媽咪有留定飯比我．．．食完都已經十點幾了，好了乏力吧！

>>May 22, 2008 at 3:59:36 PM GMT+8

2008 年 5 月 20 日 星期二 【晴】

今朝A仔一朝早打比我，即時感到好甜的感覺，唔知點解，只係好想攬住佢咁．．．可惜當刻冇得咁做．．．哈！今日返觀塘，唔知點解總係覺今日好悶咁，尤其係工作方面，事實上都幾忙，但係唔知點解心情好悶咁．．．唔知咩事！

今日接左個好古怪既電話，佢打黎話搵周曉寧．．．我當刻好懷疑，是關我媽咪係姓周架，我唔知呢個人係咪識我阿媽所以叫錯左我？但係媽咪又話唔知乜水？！後來，我轉折地再聯絡上呢個人．．．原來係光叔．．．我果時參加山藝時其中一個阿SIR，佢話我張CERT係佢度，佢話可以寄比我．．．佢叫錯我名係因為我有個TEAMMATE叫周X寧，佢就係睇錯左囉，哈．．．笑死！等我以為係乜水添，幾古怪呀！

放工就先回家，本來A仔話約左同事今日去屯門一間攀SPORT CLIMB既地方玩，但後來取消左了，佢就去左我屋企，一齊食飯睇電視．．．之後九點幾，我同返元朗了．．．返到元朗，大家都好累，不過都睇埋所有有關四川既新聞先訓．．．都已經十二點幾了！

>>May 22, 2008 at 3:09:55 PM GMT+8

2008 年 5 月 19 日 星期一 【颱風】

今日同樣係落雨，落雨真係令人心情差點的．．．今朝早原來A仔打過比我，但係我又可能搭車訓左覺所以聽唔到，到我打番比佢時佢又做野了，真係激氣．．．

今日返土記，因為今日要出街展．．．初時見天氣咁差都未必出啦，點知上司都話出，咁就去啦．．．本來計劃去中環，但係天氣太差了，後來計劃去北角，點知都係唔掂，再車左去粉嶺．．．哈，玩死．．．好在有公司車坐咋！完左街展，我地去左大埔果頭食野，大埔中心一帶真係好多野食呀，我地最後去左食車仔面．．．都好耐冇食喇，唔錯丫．．．都咪話，我都食左成廿七蚊架，因為有好多送送囉，呵！實在太餓了嘛！

之後四點返到土記了，根本唔想做野，於是都係HEA到夠鐘走人囉．．．今日係車程中都比左婚紗相我上司睇，佢都同媽咪同一個反應，就係話唔似我囉，同埋覺好似細路扮大人咁既感覺．．．哈！冇法子喎，我個樣生得好BABY FACE我都唔想架，反而朋友都覺A仔好似年紀好大咁，成日以為佢大我好多．．．呵！

返到屋企，今晚心情唔好，頭先仲同A仔嘈交黎，唉．．．而家好差心情呀！

>>May 22, 2008 at 2:53:10 PM GMT+8