2008 年 7 月 24 日 星期四 【晴】

WOW。。。今日熱死，一朝早出左去中環，是關今日要去做啦啦隊。。。我地機構有兩個人參加立叉會功能界別選舉，今朝去報名，需要我地呢班青年人幫手去吶喊助威。。。好熱呀，又晒，辛苦死！完左仲要趕返土記，因為初時話唔夠人手，有急CASE要同事出晒去，得番我一個係土記！點知返到去門口，先再有同事話我知要我去觀塘當值。。。唉，好奔波的感覺！

食完個飯去左觀塘，留左兩粒鐘後，又要走人了，因為今晚要去勞工子弟學校度做野，今晚會有個立法會選舉的誓師大會，明顯係一個SHOW囉，唉！好奔波呀，係觀塘又走返去土記，留左一陣咁多又走人出發。。。

去到勞校，足足做左野三粒鐘，又要企左三粒鐘，真係累到丫。。。想死之餘好想打人去發洩！呀。。。好辛苦好累呀。。。幸好今晚九點就完場，即時走人了，連野都冇幫手執呀，哈！太累了，而且又遠喎。。。今晚完左入元朗呀，因為再唔見A仔就要等多一個星期架喇。。。都幾好，同埋個住元朗既同事一齊返元朗，所以唔洗太悶！大家有傾有講咁，幾開心呀！大家又認識對方多了。。。

入到元朗都只伙十點鬆點，時間真係好！唔太夜嘛。。。今晚要好好珍惜同A仔既時間了。。。想起明天要返早，真係。。。

>>July 26, 2008 at 4:38:23 PM GMT+8

2008 年 7 月 23 日 星期三 【晴】

wow~ 好累好累呀。。。今日成日都係中心做野，真係人都癲呀！直踩到七點九先至放工！有點身心疲累的感覺呀！唉。。。帶住又痛既胃，又累既身軀回家！幸好媽媽送上熱飯同湯，感覺溫暖呢！

好累，需要早訓了。。。明天又要整日出外工作，感覺太差了。。。好累好累。。。點解成個星期都係咁開OT呢？？？辛苦！想起明日後再唔可以見到A仔了，佢星期六就要出發去湖南了，又係一星期見唔到佢了。。。慘慘！加上佢仲病緊，擔心死我了。。。

>>July 26, 2008 at 2:10:29 AM GMT+8

2008 年 7 月 22 日 星期二 【晴】

今朝起身時好辛苦，好似作病咁，而且．．．琴晚真係訓得唔好，於是乎取了半日補假，要好好休息！A仔佢病得嚴重左了，真係好擔心佢呀！都唔知點去湖南呢．．．唉！點解次次都係咁既，佢上次去交流團時又係病左，係咪佢有旅行前擔心後群症？哈！

今日心情仍然麻麻．．．一來個奀皮豬MUI MUI．．．真係煩死人！我比佢又咬左好幾次，隻手同腳已經損晒囉！而且，返到去中心，又話今日下午臨時拉呼，要我四點幾同同事一齊出街站，幫黃國健落街拉票．．．嘩，又熱又晒，想死囉．．．企左兩粒幾鐘，想死！

但係，係出發前，又發生左件小插曲！我地部門大阿姐無啦啦話召見我，其實我都心知不妙的，只不過冇諗過係如此大既問題o者．．．唉！真係煩！公司有d所謂"老油條"係度，真係一定唔會有好日子過．．．d人實在係切切底底既小人，人地既一言一行都可以成為佢地去篤人背脊，擦老闆鞋，踩低人地既機會！真係好乞人憎囉．．．我同阿姐傾時，我真係好想話，點解d同事咁鍾意係阿姐面前講同事既不是，而唔會正面同個同事去傾自己既想法同感受？咁呢個去篤人背脊既同事又係咩目的呢？我係好坦白既人，如果你有咩唔妥我既，咪同我講囉，洗乜咁鬼祟丫！我最憎呢類人！呢度既人真係好討厭！話呢度既人幼稚真係無錯！d人永遠只係呢個所謂"大家庭"裡生活，永遠唔知出邊既世界係點，亦都只係會係度鬼打鬼．．．一副小家既樣子！好x討厭囉．．．唉！

當然，我都知道過程中我都總有一些問題，所以先令人”誤會”卦！但係自問，我已經做左點事去令人唔好誤會自己，對自己多點溝通！之但係d人總係要在做小動作，好似有心避開我，迴避同我交流交談咁囉．．．所以，即使阿姐冇講係邊個在背後從中作梗，我都估計得到係邊個係度攪事！當然，我係阿姐面前就會話我唔會好想去尋求係邊個講我，但係，我其實心中好清楚究竟係發生緊咩事！

唉，真係開始有點動搖．．．我究竟是否應該繼續係呢度工作呢？而呢度又可否給予我前景同前途呢？我繼續留係度又會否比呢度既人玩死？就係因為我唔能夠所謂融入佢地？唉．．．好多問題，好矛盾呀！而家好煩惱呢．．．又唔想同A仔講，是關．．．我都自己未有答案！好煩呀！！唔開心呀！！！！！！！！

>>July 23, 2008 at 2:53:33 PM GMT+8

2008 年 7 月 21 日 星期一 【晴】

今日如常返工，工作沒有什麼特別！只係．．．常常總係感到，有些同事往往係有心避開我，唔會主動同我交流或者交談！而這些同事，都係一些年資十分高的”老油條”．．．或者，佢始終對我都有介蒂，好怕我會影響到佢既飯碗．．．唉，有時，好似被忽略了，冷落了咁．．．其實，唔好受的！曾經諗過：算吧，我都係打算在這裡過埋下半個人生！之但係．．．我又是否甘心咁樣渡過埋我既下半生？我既人生目標同衝勁去左邊度？好似而家個人冇晒道火咁既？我好擔心，好我驚呀！唉．．．心情真係唔多好！

放工後，約左人！今次既約會真係好好，好輕鬆同好好感覺．．．其實，可以大笑一餐都唔錯丫！實在．．．太大的壓力了！之後完成左約會，我JOIN左A仔．．．我去左山景M記JOIN佢同D同事．．．之後一齊返元朗！嘩，返到元朗，覺得間房好似邊左狗竇咁，係比妹妹呢個小魔怪攪到咁！真係．．．呢個女曳到爆囉，比佢咬到我死死下．．．成晚都好勞氣咁鬧佢囉，最後頂唔順，放左佢入籠了！真係怕左佢．．．

>>July 23, 2008 at 2:41:54 PM GMT+8

2008 年 7 月 20 日 星期日 【晴】

唉~ 今日係公司都唔太想做野咁，其實事實上都唔係好多野要做．．．朝早捱完之後食飯，終於試左上次係大陸買果個方便飯．．．只係整d熱水落去等9分鐘就食得！不過．．．好似冇咩味咁！我呢個係什麼什錦味，但係真係比較淡左少少囉！仲有個咖喱味可以試，遲d再試埋去先！同事對於我呢個方便飯都十分有興趣呀，佢地覺好得意，我都覺幾攪笑的，哈！

下午又係虛渡，見左一粒鐘多d既case後，都唔太想做野，冇咩心機呀！可能今日知道A仔佢病左啦，佢喉嚨發炎呀，已經睇左醫生，醫生話佢好在早左去睇，如果唔係實會發燒感冒架喇．．．我好擔心佢呀！先前佢已經因為食左好多辣野攪到個肚仔唔舒服了，而家又病左，唉．．．佢今個星期六就要出發去湖南交流團了，一去就係七日！我都擔心佢呀，因為去到大陸，好容易水肚不服的，而且當地食物同水又未必O岩佢，所以．．．唉，都唔擔心得太多啦，唯有提醒佢多點休息同小心身體！而家唔好再捱病了！

本來今晚諗住過去睇下A仔同貓貓MUI MUI，不過又怕同A仔交叉感染！唉！其實好掛住佢兩仔爺呀，我想同個女玩呀！又掛住個女既爹地，而家佢又病左添呢，特別掛住佢！但係見佢又累到死死下咁，可能D藥勁啦，眼訓到爆，我都唔敢嘈住佢了！希望佢早日康復啦！

今日天氣好熱呀！睇天氣報告好似連續呢個星期都係好熱呀，真係諗起都怕怕呀！！

>>July 21, 2008 at 2:22:51 PM GMT+8

2008 年 7 月 19 日 星期六 【晴】

WOW~ 今日好辛苦呀，天氣超超超熱囉．．．今朝早同A仔一朝七點幾起身，之後踩單車出去，嘩，想死，D汗好似唔洗錢咁流出黎，攪到成身又臭又濕囉！頂！之後，我地去左大家樂食早餐，跟住佢就返工，我就返左屋企．．．返到屋企，我好眼訓呀，就訓左粒幾鐘，十一點半再起身，即時再沖多個涼，跟住十二點四又再出門口，因為今日要去彩虹邨做活動呀！

出門口唔洗一陣又熱到出晒汗囉，想死呀，唔知想點咁．．．天氣好悶熱咁，難為我今日仲要做嘉年華！嘩，雖然個BROOF有帆布頂，不過都好熱好焗，D紫外線都唔會低囉，坐係度都出汗，何況我係要做野，又要不斷講野，真係痰到起晒咁，好辛苦！開始感到有些喉嚨痛囉．．．想死呀！出晒汗，完全接受唔到自己個身又臭又濕囉．．．今日成日都係咁，好討厭！D巴士好似冇開冷氣咁囉，好熱熱呀．．．

六點半攪掂完左即時走人了．．．返到屯門都係七點零，所以去左同爹地妹妹食飯！食到好飽呀，跟住就返屋企．．．回家後即時打比A仔了解貓MUI MUI既情況．．．A仔話佢好曳曳，亦都再次SEARCH晒間房既環境，相信佢已經可以好了解了，哈！一定唔會迷路，呵！玩具又比佢整爛晒，睇黎又要買過了．．．唔理喇，每舍黎親探佢既哥哥姐姐都要買份禮物比我個女呀，咁落去唁掂呀，哈！當收費囉，哈！

不過，真係睇住MUI MUI，真係好開心呀！令我回想起波波細個果時既情境．．．哈，十分可愛的！死啦，而家出邊有閃電呀，擔心MUI頭會驚驚添．．．不過我估爹地會好好睇住妹頭的．．．突然好掛住妹妹添．．．

>>July 20, 2008 at 2:25:09 PM GMT+8

2008 年 7 月 18 日 星期五 【晴】

今日好眼訓呀！好累既感覺．．．係公司捱左一個早上，終於可以放工！放工就搭車去元朗了，因為今日A仔去左接貓B返黎了．．．我急不及待咁去睇下啦．．．返到元朗屋企，見到A仔訓左，而貓貓就好可愛咁坐左係A仔個背囊上邊，眼仔碌碌咁望住我，對我又冇咩介心同懷疑喎，或者佢認得我卦，哈！之後，我同佢玩左一陣，即時就熟番晒啦，BB係咁架啦，有得玩有得食就話知你係邊個！

之後我抱左佢上床玩，佢即時周圍去SEARCH，佢適應力好強，好快可以了解晒成個環境，而且亦都好大膽，已經識得係地下跳上床了．．．哈！後來，我好經辛苦令到佢訓覺，我又好累，所以一齊訓著左．．．到左六點左右，A仔醒左，跟住佢笑左出黎，佢見到我地兩個都訓左係度，佢就講：哈，三仔乸一齊訓覺！．．．我都覺好好笑！之後又不斷同貓貓玩，呀，我地終於幫佢改左個名，叫做MUI MUI(妹妹)．．．幾CUTE丫！

我地食飯果陣，佢好乖係我地張床度訓，好可愛！之後繼續同佢玩，八點幾果陣發現佢身上有蝨呀，所以我同A仔即時走落街買FRONTLINE比佢，因為唔想佢有蟲蟲呀！好貴囉，一盒$165得3枝．．．xyz!)$u*%)q_$%．．．真係肉赤死！不過冇計！之後滴左d FRONTLINE後，因為係毒藥黎，所以24小時都不能夠掂佢，唯有將佢放入籠籠了．．．佢不斷就係度BB叫，真係好肉赤呀！但係又唔可以帶佢出黎掂佢，好矛盾！

佢好曳曳呀，為左想走出黎，係咁叫，係咁抓，我地就搵D玩具TUM佢啦，點知兩件玩具都比佢整爛左囉，只係第一次玩咋，真係曳曳呀！之後仲將D貓沙同餅餅整到周圍都係，又一腳踩落水兜，腳仔濕晒之餘，連張被被都濕埋，激死人了！睇黎，呢個小朋友都係唔適合困籠籠了！都好既，其實貓係一D要自由既動物，我喜歡貓就係咁既原因，佢地好我行我素的！好有自己的風格同性格．．．唔似D狗咁，為左討好人就會做一D違背自己既事情．．．所以我好欣賞貓的．．．亦都好喜歡佢地既特性！

我相信今晚有排受了，妹妹一定叫到拆天的了．．．天呀！

>>July 20, 2008 at 2:16:24 PM GMT+8

2008 年 7 月 17 日 星期四 【晴】

今日返工時間好似好易過咁，因為朝早十二點就出左去街站，係街度企左兩粒幾鐘，攪到兩點半收工，嘩，傻架，又晒又熱，真係想死，只係企係度唔郁，都已經一身汗了，好辛苦呢！仲好過去做運動呀！哈．．．當減肥囉！之後返到中心三點，再出去買野返中心食，食到四點再繼續做野！爽呀！

今日我地中心攪左單大野．．．如果大家聽日睇報紙應該會睇到．．．就係維特健靈單新聞！係我地今朝收到有工友既電話求助，下午我地就即刻幫佢地聯繫，仲攪埋記招．．．相信呢單野都會幾轟動的！所以下午又走黎走去攪下記招既事，時間又過得好快好快．．．放工都五點八走人了，因為今日約左六點半要做FACIAL！

約左媽媽係旺角等，之後六點JOIN左再一齊去左M記食野．．．因為我三點幾先食飯，所以都唔係太餓，但係都食左個DARK CHOCOLATE既CAKE，好正，不過好甜，一定肥死了！今晚決定唔再會食野！食完就去左做FACIAL了．．．今日做到好夜，成十一點先攪掂，真係有點想死！不過，做完個人好似FRESH番少少．．．唉，年紀越大，就真係要KEEP住了，如果唔係好易老的！

點知同媽媽搭車返屋企，又係車度見到爹地，所以一齊返屋企，好攪笑．．．返到去都好累好累了．．．但．．．明天仲要返工呢，有點乏力咁！

>>July 20, 2008 at 2:05:28 PM GMT+8

2008 年 7 月 16 日 星期三 【晴】

今日好眼訓同好累．．．唔知點解！可能琴晚夜訓卦！今日著住對高跟鞋企到出去南昌站，真係死得人了！好累好累！早上工作都唔太忙，下午食左個兩送飯，開始有點唔妥，個肚好痛，我估可能d送太油膩了．．．諗番起，食瓜果陣見到個底有好多油！頂！攪到我肚痛去左幾次廁所！

下午出左旺角做野，係勞工處開會，開左兩個鐘，想死，好累好累．．．之後走果陣已經係五點八！好在，本來想約今日去做facial，初時仲諗住今日可以早點走人，仲可以早點攪掂，點知．．．哈！跟住一個人去左行街，先去左寵物街行，想睇下個水樽比貓b，我買左個好靚架，個款同琴晚買既差不多樣，不過細成個碼，而且顏色好靚，係粉紅色的，good~ 不過唔平，成六十蚊！其實一分錢一分貨啦，波波果個都成五十五蚊架！靚d可以耐用一d丫嘛，值既！之後，去左行朗豪坊，是關要去ORBIS入貨了，洗面用品用晒吧！又要花錢了，真係慘！一出糧份糧已經冇左一大半了！天呀！行了一陣七點搭車走人回家了！

頭先同A仔傾電話，從佢口中得知佢家中的狗仔近日行為有點問題，唔知係佢自己將會有新小朋友（貓B)來臨家中，所以心情好不安，令佢唔肯食野同落街街丫？定係什麼原因呢？其實，唔好諗得太多同太灰先啦，事情未必係咁WORST既．．．凡事都是向好的方面諗嘛！而且，多點祈禱啦，神自會在適當既時候作出合適的安排！佢已經心中有數的了．．．要相信祂呢！即使神的安排是我們不願意的安排，祂都必定有祂的旨意在當中，我地要明白祂每一個決定同安排，都是祂認為對我們是最好的．．．

今晚繼續靈修，已經靈修了四天，與A仔各自各修行．．．我知佢都有用心去認真靈修既，哈！希望真係可以透過過程，幫助我地可以心靈同步，同行．．．

>>July 17, 2008 at 3:10:19 PM GMT+8

2008 年 7 月 15 日 星期二 【晴】

今日係中心工作都不是十分忙既，其實．．．只係自己叫自己唔好太大壓力o者，哈！輕鬆點去面對會開心一點．．．不過，中心某某同事的惡行，確實成了我地近日的煩惱．．．真係頭痛！而家越來越唔喜歡呢個同事！不過算啦，佢遲早會得到懲罰的！

放工後，好快手入左元朗，點知A仔仲未放工，於是一個人係新元中行街．．．行到去2%，見到有三折，真係平．．．都睇中左兩件衫，不過．．．冇我SIZE囉，真係衰！算吧，即係同兩件衫冇緣吧！哈！當慳番D錢．．．之後JOIN左A仔去左食壽司，好似　Ｄ質數差左少少咁，不過係見平先食，兩個人都係食左唔洗九十蚊，勁抵！食完之後，我地就去左睇貓B既用品，走左幾轉，終於叫做買晒D野啦．．．不過我可能聽日再睇睇D水樽，今日買果個好似大左少少！

唉，其實，始終我唔係太同意將貓B困在籠中，因為真係會好可憐的！想起那時波波都係兩個幾三個月大，我地唔係屋企時同夜晚訓覺時，佢都要比我地困係廁所入邊的，不過，廁所點都叫大過一個籠吧！要困籠真係好慘慘呢．．．我相信貓B冇人望住佢，佢都可以好懂得照顧自己！唉．．．其實，唔放入籠都OK丫，波波果時咪又係咁，一個人係廁所，都OK架．．．點解要咁困住貓B喎．．．房都已經做晒貓網啦，根本危險度已經減輕了好多好多．．．點解仲要困住？其實只要屋企有人得閒望一望都已經ok啦！我明白，始終貓b仲細，可以既話有人高度照顧係好d，不過．．．真係難架喎！就算係一個人b，個阿媽都冇可能24小時睇到個b實一實啦，何況係貓？佢會自己走來走去的嘛．．．不過，真係唔想見到貓b咁冇陰公困籠呀！唉，唯有等佢再大個d先啦，無辦法！

>>July 17, 2008 at 2:53:23 PM GMT+8