2008 年 7 月 14 日 星期一 【綿綿細雨】

wow~ 今朝起身見到太陽，真係充滿感恩的感覺！好似好耐冇見過咁靚既太陽了．．．不過始終好眼訓，因為琴晚同A仔傾電話傾到夜左，但係我又好享受個過程，因為大家真係傾左好多野，好開心呀！可以讓大家既感情又再跨進了一步了，真係好感恩呀！！眼訓D，辛苦D都值得架．．．

今朝A仔打左電話比我問我情況，我好開心呀！因為佢好耐冇做過呢類咁關心我既行為了，哈！其實，我知佢係習慣以行為去表達的人，佢好少有口去關心人的，不過．．．呢兩日得到佢既關心，我真係覺得自己好幸福呀！我知道．．．我找到了！我真的找到了！感謝神！

今日係公司，食左藥後，都唔知做乜，好似仲辛苦左咁．．．個胃成日都嘰嘰咕咕咁，而且連個肚都痛埋，仲不時想嘔咁，但係又嘔唔出喎．．．好想死呀！捱到下午，食左個飯，再食多次藥後，好似又好左少少咁，不過個胃都總係陰陰痛咁．．．唉！連帶埋個肚都痛埋，成日好似想去BU BU咁，但係又去唔到喎，好辛苦呀！！！救命！

公司今日發生左大件事呀！真係頭痛死人．．．往往有某某同事在生事的，令中心全體同事要負擔佢既過錯，真係唔知講咩好！佢咁落去，只係自掘墳墓！唔理佢喇，我而家唔可以比自己太大壓力的，係醫生叫我輕鬆D的，唔係又好易又胃痛架喇．．．A仔都好緊張我，知我放工後都唔係太舒服，親自己食飯有空閒時間時都打個電話比我睇下我點．．．呵，好開心呀！錫晒佢呀！真係好幸福的感覺，多謝你，A仔．．．你令我挽回失去以久的感覺！

今晚突然聽了很多詩歌，個感覺好好．．．好舒服！琴晚開始左靈修，睇左第一篇講”愛”的文章！我知道神在永遠與我地同在，而且神既愛係不計較，不斷付出，是為我地而犧牲的．．．所以，我知道，愛，絕對不是你期望要得到什麼，而是你預期付出什麼？．．．我已經準備好了，唔知佢準備好了未呢？好想同佢一齊走進同行同步的境地．．．

>>July 15, 2008 at 1:54:39 PM GMT+8

2008 年 7 月 14 日 星期一 【綿綿細雨】

wow~ 今朝起身見刑太陽，真係充滿感恩的感覺！好似好耐冇見過咁靚既太陽了．．．不過始終好眼訓，因為琴晚同A仔傾電話傾到夜左，但係我又好享受個過程，因為大家真係傾左好多野，好開心呀！可以讓大家既感情又再跨進了一步了，真係好感恩呀！！眼訓D，辛苦D都值得架．．．

今朝A仔打左電話比我問我情況，我好開心呀！因為佢好耐冇做過呢類咁關心我既行為了，哈！其實，我知佢係習慣以行為去表達的人，佢好少有口去關心人的，不過．．．呢兩日得到佢既關心，我真係覺得自己好幸福呀！我知道．．．我找到了！我真的找到了！感謝神！

今日係公司，食左藥後，都唔知做乜，好似仲辛苦左咁．．．個胃成日都嘰嘰咕咕咁，而且連個肚都痛埋，仲不時想嘔咁，但係又嘔唔出喎．．．好想死呀！捱到下午，食左個飯，再食多次藥後，好似又好左少少咁，不過個胃都總係陰陰痛咁．．．唉！連帶埋個肚都痛埋，成日好似想去BU BU咁，但係又去唔到喎，好辛苦呀！！！救命！

公司今日發生左大件事呀！真係頭痛死人．．．往往有某某同事在生事的，令中心全體同事要負擔佢既過錯，真係唔知講咩好！佢咁落去，只係自掘墳墓！唔理佢喇，我而家唔可以比自己太大壓力的，係醫生叫我輕鬆D的，唔係又好易又胃痛架喇．．．A仔都好緊張我，知我放工後都唔係太舒服，親自己食飯有空閒時間時都打個電話比我睇下我點．．．呵，好開心呀！錫晒佢呀！真係好幸福的感覺，多謝你，A仔．．．你令我挽回失去以久的感覺！

今晚突然聽了很多詩歌，個感覺好好．．．好舒服！琴晚開始左靈修，睇左第一篇講”愛”的文章！我知道神在永遠與我地同在，而且神既愛係不計較，不斷付出，是為我地而犧牲的．．．所以，我知道，愛，絕對不是你期望要得到什麼，而是你預期付出什麼？．．．我已經準備好了，唔知佢準備好了未呢？好想同佢一齊走進同行同步的境地．．．

>>July 15, 2008 at 1:49:52 PM GMT+8

2008 年 7 月 13 日 星期日 【綿綿細雨】

今日慘慘，琴晚半夜又胃痛了，唉，想點？今日最後都係冇返到工，個頭又痛，個胃仲痛．．．天呀！！好辛苦！

今日係家裡訓到十二點才起身，個頭同胃都唔多妥，好慘！後來同媽媽去左食LUNCH，食完已經冇醫生睇了，要捱到下午先有，所以回家訓了陣，五六點再去睇醫生．．．醫生話我胃痛有兩個可能，一係可能之前食類固醇藥食得太多，令個胃傷左，所以容易因為胃酸多而痛；二來可能因為生洞或工作壓力太大，令胃酸分秘多左而胃痛；至於是否嚴重問題，醫生話需要睇下情況是否持續．．．我初時都好擔心是否什麼胃抽筋，潰瘍等．．．好在醫生話未到咁嚴重情況！我都安心一點．．．

好多謝A仔，佢好關心我呀，我好開心，好甜呢，HEHE~ 錫晒你~ 我知我令佢擔心同掛心添，我會聽話多休息，食野小心D．．．YES SIR!．．．

今日我同A仔開始進行我地九個星期的戀愛靈旅，即係戀愛靈修．．．我地一定要加油，比心機努力做好個靈修佢．．．真係好希望可以透過呢個靈修旅程，幫助我地個心靈可以更一致，可以更同行，以後更會懂得相親相愛．．．其實，真係好感謝神，我覺得近日我地既關係同惑情都好左好多，好感謝神當中幫助我地．．．我地願意將一切都交到你的手中，而且亦願意一生都信靠暮你．．．阿們！

>>July 14, 2008 at 1:31:36 PM GMT+8

2008 年 7 月 12 日 星期六 【乍寒還暖】

嘩~ 今日眼訓，因為琴晚夜訓囉，哈！今朝同A仔都唔願起身呢，hehe~ 所以約遲左個朋友半個鐘先至去小巴站集合．．．今日又上深圳，去筍崗買文具！我地先去左萬象城果頭，本來想睇果個i-mark展，不過落好大雨，睇唔到，人地收晒檔呀！所以我地去左食味千啦．．．而家味千貴左好多，好似開始冇以前咁抵食了．．．

跟住再去左書城，本來想買郵票，點知又話冇咁多張，真係麻煩！所以索性打的去筍崗了！去到筍崗文具批發中心，真係花多眼亂，有好多文具同玩具呀！最後行左好耐好耐，先至一次過買到我地想要既野，十分十分重．．．好在我有黎咋，如果唔係辛苦死佢地兩個，多我一個人都叫做可以分擔一下丫，加上，A仔既腳患又黎了，真係擔心死我呀！見佢邊行邊腳仔痛，我既心又痛了，好肉痛呀！肉赤死我！我寧願痛果個係我呢！我起碼唔洗好似佢咁成日要帶TRIP丫嘛！唉．．．

跟住我地去左科學館站果邊間深圳購書中心行，睇左好多書，我同A仔特登去睇D貓貓既書，希望了解多點如何養小貓貓．．．好期待呀，佢下星期六會黎架喇，唔知到時會點呢？睇完書，我地去左吉吉島．．．我又衰啦，無啦啦胃痛呀，都唔知咩事？！係肚餓定係咩事？我知A仔佢擔心我呀．．．對唔住，要你掛心同擔心我！我會聽你話好好休息同食野！之後，我地再去行超市，又買左野入左貨，哈！好開心．．．

我地差唔多係尾班人過落馬州關呀，我都係第一次咁夜咋，未試過．．．我地坐尾班車小巴返元朗，不過返到去都係十一點二，我最後返到屯門都係十一點九度，都幾快既！不過就辛苦左佢地，要幫我將D物資拎返去元朗了．．．而家個胃都仲有少少痛．．．唉，都唔知想點呀！

今晚同A仔傾電話，我覺得感覺好好，因為將自己心底既話坦白同對方講，個感覺好舒服！而且，我知A仔都同樣感覺好的．．．我好希望大家KEEP住呢個咁好既關係，大家可以坦坦白白咁相處，恩恩愛愛咁一生．．．

>>July 14, 2008 at 1:24:33 PM GMT+8

2008 年 7 月 11 日 星期五 【乍寒還暖】

琴晚因為同左A仔仲有三個朋友仔去左深圳，所以冇寫日記了．．．我地琴晚上左去之後，先去左食野，我地去左一間食湘菜既餐廳，即係湖南野．．．嘩，好辣呀．．．真係咁大個女第一次，辣到跳舞！我已經唔係點食架喇，因為自己知自己事，唔敢食呀，一定頂唔順的．．．A仔就好勁，食左好多．．．不過，佢都後來唔係好頂得住，因為實在太辣辣了．．．之後去左行街，街左陣就去左瑪雅城dup骨．．．

唉，一入到去，本來打算換衫架喇，點知有個服務員走左入黎，話同我地一齊黎個男仔叫我地搵個人出去，果個男仔當然係A仔啦，所以我就走左出去睇下咩事．．．A仔講佢唔見左部電話呀，唉，我地四圍搵，又叫人地幫手搵，又落埋我地坐黎時架專車搵．．．當然，最後都係搵唔到！A仔佢好唔開心呀！唉，我見佢咁我都唔開心埋一份，好心痛呢．．．一來肉痛部電話，二來當然係心痛佢唔開心多點啦！無計，最後都係算數，本來想過回香港，不過既然又黎左，星期六又要拎相，於是乎繼續留係度．．．

第二日同左朋友食完野之後，我同A仔即時走左去拎相同婚紗，諗住快手拎完野就返香港同佢買番部電話丫嘛！點知．．．婚紗店攪左一烏龍．．．唉，什麼事唔想再講，總知就一肚氣啦，總知就係咩都拎唔到，只係拎到件婚紗．．．頂！好激氣！真係希望下次八月頭再去時可到晒啦，我唔想又失望一次又一次．．．真係激死我喇！

最後，四點幾就返到元朗，之後再同A仔去左屯門市中心睇電話！好順利咁買左部喇，佢都係鍾情於唔見左果部．．．證明佢念舊同專一丫嘛，哈！雖然．．．呢兩日真係發生好多唔開心既事，不過．．．我覺得反而呢兩日我同佢既關係同感情好左！唔知，佢覺唔覺得呢？

之後，我地兩個返左我屋企同左我屋企人食飯，食完飯我地就返元朗了，因為明天要同佢，仲有一個朋友上去深圳AGAIN．．．我地今次係去深圳既筍崗，去買文具，因為佢地七月尾會去湖南扶貧，買禮物比山區既小朋友．．．所以我都去幫手一份啦！

>>July 14, 2008 at 12:15:16 PM GMT+8

2008 年 7 月 9 日 星期三 【溫暖】

嘩，今朝起身見到個天，黑到丫．．．心想，無黑色都有紅色暴雨喇卦，點知？哈，都只係黃色？！我覺得天文台太差囉，個天落到狗屎咁，都係黃色．．．見到街上D小朋友（小學生）好狼狽咁返學真係擔心佢地呀！而家D中學生已經放暑假了，只係小學仲要返．．．天文台有乜理由唔掛紅色，等佢地唔洗返丫嘛！唉！我地D大人返工都覺要死啦，間晒水咁，我今朝出一出門口都已經成個人濕左一半喇．．．上到車超凍，尤其係對腳囉，凍死呀！因為抹極都濕濕咁囉．．．

今日遲大到呀．．．屯門公路塞車，之後出到旺角搭小巴，佢中途係何文田又壞左陣車，頂！已經係今個月第二次遲大到了．．．唉！好討厭！土瓜灣實在太唔方便了，要轉車一上一落咁都不知浪費幾多寶貴時間！

今朝好攪笑，唔知係咪天仔關係，我地全個大廈既電話死晒，我地仲鬼死咁開心咁諗住可以成朝唔洗聽熱線．．．點知，係十點九果陣已經好番了，又要繼續聽熱線．．．近日電話好多，唔知點解，真係呢兩三日特別多，先排都唔多的！而且，發現近日越來越奇離人士，我都認為好多都可能有精神問題的．．．我地而家手上接到的個案唔少都證實是有精神問題的人士！香港真係越來越多人有精神問題了！真係擔心他朝有日自己都變成有精神問題呀！哈！

今日唔知點解中心一遍死寂咁，可能有一半同事都病左啦，而且近日真係多左好多奇離人同電話，同事想心靈休息一會都唔可以，好容易受呢D奇離人和事所影響到．．．相信，係時候要鼓勵同激勵下D同事了，如果唔係會死得仲快．．．好易collaspe架咋！加上近日天氣差，日日都落雨，好似話仲要落到下星期三囉，嘩，真係心情即時一沉！不過，今日放工果陣見左成粒幾鐘太陽呀，真係好感恩，感謝神呀！即時令我心情好了很多呢．．．其實，我都好驚，因為近日發瑤自己壓力大左，成日覺好忙好忙，完全忙到想死咁，d野好似做極都唔完咁，無窮無盡的．．．所以先至又有番胃痛咋嘛！唉．．．

放工即時回家，好想一個人輕鬆下！剛好媽媽落了街陪妹妹去覆診，我又可以一個人係度執下野，上下網，抖下輕鬆下咁．．．今晚早點訓了，因為明晚會放工後上深圳同朋友去dup骨骨，之後星期六再去拎婚紗同相相．．．唔知件婚紗同相整成點呢？好期待呀！！

>>July 10, 2008 at 2:08:53 PM GMT+8

2008 年 7 月 8 日 星期二 【乍寒還暖】

今日天氣都唔好，又落雨了．．．朝早起身見到有雨，心情都唔多好！朝早係中心都好忙，下午一個人食飯，去左隔離新開果間上海面店度買外賣．．．真係好味喎，我叫左個菠菜餃子擔擔面，好好味呢．．．不過都唔平，要$29．．．所以試左下次未必再試喇！

食完飯就出去尖咀上電腦堂．．．今日好悶，故powerpoint．．．基本上都識用，所以．．．真係悶到要死！個頭又痛，而且無啦啦又胃痛．．．唔知想點？本來，今日係約左A仔架，不過後來都係頂唔順，都係冇去到．．．我知A仔佢今日都好忙呢，因為佢工作上有好多麻煩事！希望佢懂得交托啦，多點祈禱，將事情交予神吧！真係希望神可以保守看顧佢呢，賜予佢健康既身體同精神去應付繁忙既工作．．．

回到家，真係好累好頭痛，訓左陣食飯，食完飯都想早點訓．．．點知媽媽同妹妹又唔識趣，在我訓覺中大大聲聲傾計，最後？我無奈地要與佢地傾埋一齊先可以有機會讓自己累到訓．．．

>>July 10, 2008 at 1:57:08 PM GMT+8

2008 年 7 月 7 日 星期一 【颱風】

今日真係好，可以八點先至起身，足足比平日訓多左成粒鐘呢，所以今朝起身都精神，加上琴晚十一點幾已經訓覺了，所以．．．真係感謝神！今朝出門口時冇雨架，點知一出到去屯門西鐵站果頭搭263，一上車去到屯門公路，d雨就開始黎料喇．．．十分恐怖，好似倒水咁呀！出到去城隧仲塞車添，攪到我幾心急呀！最後成十點五先上到去．．．點知個工友都遲左到，佢足足成十點九先到囉，我都感覺唔太好，要個主任，佢個老細，同埋我，足足幾個人等佢一個，黎果陣仲要之之遊遊咁喎，真係幾激氣的．．．

今日係勞工處開會真係恐怖，個工友同老細係度不斷嘈交，好似想打人咁，連調解主任都發火攪佢地唔掂呀！真係講得o岩架，當一個人發緊火時，你越同佢講：”你冷靜d啦．．．”通常咁都係會物極必反的．．．d人會覺得”咩呀，我都不知幾咁冷靜，我有咩唔冷靜呀？”之後就會越來越大聲講野，越來越激動．．．所以，呢d都係做調解同談判時既技巧．．．真係好想讀呢科，不過．．．而家都未係時候讀，一來冇錢，而且都想等出年份工穩定左先至讀書．．．

今朝係沙田做完野之後，去左行左陣沙田．．．我最後係突破度留連左好長時間，睇左好耐書．．．真係好感恩，睇左好多宗教既書藉，亦都買左幾本書添．．．其中有本係我想買比A仔睇的．．．希望透過呢本書，我地可以學懂如何讓我地既心靈同行，建立更親密既心靈！好期待同佢一齊開始進行呢個”戀愛靈旅”呀！

>>July 8, 2008 at 1:40:26 PM GMT+8

2008 年 7 月 6 日 星期日 【颱風】

今日天氣好差呀，好大的雨呢．．．十分令人心情差吧，之前難得的晴天咁快就冇左喇，而家又要面對麻煩的雨天了．．．不過，我地要明白，世上萬事萬物都是由天父所主宰的，所以，我地要接受所有由神所帶來的一切一切．．．

今日係中心都好忙，充實到暈，同事個個出晒去做野，得番我一個人係度，係咁見case同walk-in，人都傻呀！好累，完全係連環炮咁，累死我！終於見晒d人可以休息下時，一靜左落黎，個人就開始胃痛了．．．已經久違了的胃痛！過往胃痛，我一直都冇find out個原因，而今次，我曾經懷疑過係因為今日早左半個鐘食飯，可能因為肚餓，不過，我諗諗下唔會係，反而可能因為太大壓力了．．．一直放工返屋企既車程直至返到屋企都好痛，好辛苦呀！食左藥都係唔得．．．返到屋企，休息左一段時間先至好左少少．．．幸好，明天唔洗早起，可以訓多少少，因為十點三先至要去到沙田勞工處開會，可以大大話話訓多一個鐘架．．．今晚一於早點訓啦，要爭取時間休息休息．．．

A仔今日都同我一樣好忙呀，佢忙到連飯都冇時間食呢．．．真係肉痛死我了！真係好怕餓壞佢呢！佢就係一個工作狂黎架喇，有時真係好擔心佢咁樣就捱病架！唉．．．希望天父神可以保守眷顧住佢啦，讓佢都可以有個健康的身體去應付佢既工作．．．

>>July 8, 2008 at 1:02:52 PM GMT+8

2008 年 7 月 5 日 星期六 【乍寒還暖】

wow~ 今日無啦啦天氣突變，由朝早出門口時有太陽，突然間落起大雨黎，真係恐怖！難為A仔今日中心仲要攪嘉年華呀，攪到佢地幾論盡呀！

今朝返左教會，已經有一少段時間冇返過去．．．但係都相當感恩，感謝神係呢段時間中，主係一直都與我同在，一直都在保守住我，眷顧住我，尤其係在我同A仔之間的問題當中，主佢真係曾經出手幫助我地，為我地不時安排佢所喜悅的事．．．感謝神！今日崇拜既主題係．．．”智慧之子”．．．

牧師在講道中曾經講過一個故事：係外國有一本雜誌，佢攪左個”最佳男士選舉”，有一日雜誌社收到一封信，信中有一位男士表示自己應該係”最佳男士”之選，因為佢不吸煙，不飲酒，不會外出看電影，而每個星期都希望到教堂崇拜，對太太忠貞，亦不會望其他女人一眼；而且呢位男士亦強調一樣野，就係佢仲有一個月就會離開監獄既生活了．．．由始可見，這個男人其實佢所有認為”對”，認為”理所當然”的事，只係因為環境所迫而致，而並非他真正的來自內心的行為表現．．．套用現實社會，有很多人往往都係自以為”是”，經常以為自己所做的所說的一切都係”對”的，亦會強迫身邊的人可以他的”正確”路向而行．．．但實質，這些人又是否知道，他們以為”對”的事情，又是否神所喜悅的？又是否神認為是”對”的？．．．他們忘記左，我們的智慧是來自上帝的，如果我地強行將一些不是神所認為”對”的事而認為”對”的話，正正是在背叛神，亦都是不能信靠主是有其大能，為我們安排一切．．．

感謝神！這一節的崇拜令我有很深感受．．．！

完了之後同屋企人去了別府食，真係十分豐富，食到好飽飽呀！之後去左行SOGO一陣，都發覺冇咩好行呢！跟住都返屋企了．．．回到屋企好累，所以小睡片刻！訓醒又食．．．哈！肥死了．．．唔可以再係咁了，琴晚已經被A仔要我食好多野，已經肥左，今日又食．．．唔可以再係咁了，要節食呀！！

>>July 6, 2008 at 1:15:10 PM GMT+8