2008 年 11 月 27 日 星期四 【晴】

今朝真係唔想起身呢，因為好累好累．．．回到中心仍然冇心機做野，只係得閒就出去COUNTER聽下電話，同同事吹下水，自己又執下野咁啦．．．好無聊咁過左一日了．．．

十二點時，同左部門阿姐，媚姐，同埋而家既HR主管，即出年既部門主管飲茶．．．呢個組合真係．．．唔知點形容好！同事見到，真係有點嘩然，亦都有點微言．．．不過，我都走喇，什麼都唔怕，你鍾意講乜都唔關我事了．．．飲茶過程都不太差，初時我都擔心會難過，不過都OK．．．大家講起琴日開會既事．．．講真，成件事對我上司真係好不利！當然，我雖然之前已經比人插到無忽好肉了，但係我都唔會做一D係人背後中傷人既事，因為真係過唔到自己！唔通人地點對自己，自己就要點對番人咩？有時D野都要憑良心架嘛！所以，成個過程，我幫到我上司講既好說話都已經講晒，要幫既都已經幫到出晒面．．．我都盡了力喇！結果係點我都唔可以理會了．．．

今日時間好似過得快咁，放工就走人了，因為都已經唔想再留係呢度喇．．．只係想快點過埋聽日果半日就好了．．．

>>December 11, 2008 at 7:37:51 AM GMT+8

2008 年 11 月 26 日 星期三 【晴】

今日係我最後一次上法庭工作了，感覺．．．不知如何講好，有點情與結啦，哈！今日個個案攪足我一日呀，想死．．．全日留在法庭的感覺其實一點都唔好受，好難過的，尤其係呢類咁煩既個案，要計數計足一日，因為太多人了．．．唉．．．五點三完成左，即時走人回土記，因為今晚有個特別會議要開．．．

講開個會，真係．．．唉．．．雖然我走，大家都唔洗玩番場”大戰”比我架！係個會度，我中心主管同好多同事嘈起上黎，真係．．．一個字”亂”！當時真係唔知點攪．．．我只心想，今次我中心主管一定死硬，佢之後係中心既日子一定唔會好過囉．．．唉！一早都話呢度既人都係老狐狸黎架啦，係佢一直都傻仔唔知，一直都信錯左人O者，唉！講真，有時真係好想話佢知點做人好，但係外於佢係我上司都唔係太方便．．．不過，我都走啦，我覺得作為一個朋友既身份，真係要好好提醒下佢囉．．．

完左個會，同左同事去富臨食飯，食小菜．．．本來打算去食韓燒架，點知我阿頭又話唔食怕熱氣，所以改左．．．點知之後佢又話唔黎，唉，晒左！不過算啦，最緊要係食得開心O者，雖然我知過程中大家都食得好假架喇，而且D人請得我都請得好唔甘心架喇，不過人地做得出既，我又怕咩受丫．．．有D人都仲到呢一刻要比說話我聽添，真係唔明呀！點解D人仲可以做埋D咁小朋友既行為呢？唉．．．

今晚飲左少少啤酒，真係唔太掂呀，哈，走果陣同個女同事，秀雯一齊走，同佢一齊搭小巴去左美孚，之後再搭西鐵．．．後來打左比A仔叫佢係西鐵等埋我，因為我感到有點醉了，我怕自己返唔到屋企呢，呵．．．今晚真係好累好眼訓，好怕聽日起唔到身呢．．．

>>December 11, 2008 at 7:31:45 AM GMT+8

2008 年 11 月 25 日 星期二 【晴】

今天要返工了，感覺不太好，同同事既關係好似越來越遠咁．．．不過算吧，都要走了，怎樣都已經不再重要了．．．

今天都沒有什麼同事在中心，不過我都好衰，冇點再出COUNTER了，因為唔想接左CASE就要TRANS比人好煩．．．都係留在自己位好過，做下自己野啦．．．不過日子十分難過．．．

今日有個消息，就係我中心主管跟CASE時比人打．．．嘩，我聽到都有點驚，想一想，這個個案原本是我跟的，幸好我轉了比佢，要不然遭殃的會係我囉．．．嘩嘩．．．好恐怖！

今日成日都係度影印野，因為聽日有隻CASE要上庭，係最後我一次上庭了．．．當係最後帶走一點回憶吧！

>>December 11, 2008 at 7:20:54 AM GMT+8

2008 年 11 月 24 日 星期一 【晴】

嘩~ 真係要大叫一聲：感謝主呀！

剛才在電視睇到曼谷果頭政變，而家已經成個新機場被封鎖住，被群眾包圍左個機場喇，而家所有飛機都已經停晒．．．我地真係好彩喎，琴晚已經返到黎香港，所以真係十萬個好彩呀！不過講真，係泰國時爹地都send過個sms比我問我泰國果邊有冇事，因為佢睇電視知道呢邊有政變．．．但係當時真係市面好平靜，唔似有咩事會發生喎．．．不過，通常都係暴風雨前夕係會風平浪靜，真係無錯呀！

真係十萬個thanks god囉！

今次既旅程十分愉快呀！真係唔錯！雖然，真係冇去什麼地方觀光，不過，都去左一d之前冇去過既地方行，比起上次行多左好多地方呢．．．今次去主要都係去shopping同食野！不過真攪笑，去泰國竟然會食左不同地方既美食．．．我有食過地道泰國野啦，有食過中國點心同火鍋，又有食過日本野，又有食過西餐，連當地既麥記都有食過添，哈！好好笑．．．當然，比起香港平一半既合味道杯面都成為左我呢排既消夜．．．想起黎，真係食左好多野，哈！又食左好多甜品．．．同媽咪去完，最正既都係可以食好多唔同既野，因為大家都好胃食囉！同妹妹就冇咁正了，因為妹妹佢偏食，唔係樣樣都敢食敢試．．．所以，唔錯呀！

其實我覺得今次間酒店雖然離BTS又真係遠左少少，起碼要行15分鐘，不過，我都覺唔錯，因為沿途都好旺，有好多mall同店鋪，仲有好多攤檔睇野添，其實都唔錯丫．．．附近都有好多bar添，所以特別多外國人，如果可以再揀，都會再試呢間多一次！

琴日其實係A仔既生日，冇我陪佢過既生日唔知點呢？以我所知佢都有不少朋友陪左佢過，好在咋，哈！不過，自己心都不是太好過，因為好似有點負左佢咁，所以今次買左好多正野返黎比佢做手信囉，哈！有食既，有著既，YEAH~

今日原本要返工的，不過都請左事假，因為一來琴晚太夜返了，成十二點呀，好累呢，二來今日有工要見呀，所以承機啦．．．

今日去見果份工，其實係泰國時接到電話的，真係好彩，可以返到黎見．．．不過，自己麻麻地呢份工既內容啦．．．唔，希望早日搵到份O岩心水既工啦．．．明天要返工了，真係好唔想呢，因為好似有點怪怪的，好唔想見到D同事囉．．．

>>December 11, 2008 at 7:17:29 AM GMT+8

2008 年 11 月 19 日 星期三 【晴】

唔~ 聽日就要出發去泰國了，真係十分興奮等待來臨呀！但係今日仲要開會呢，真係有點兒掃興．．．近日越來越冇心機做野，但係卻仍然有野要去跟，真係有點無奈囉．．．

開會過程好痛苦，因為要做年度檢討同來年計劃．．．永遠呢個程序係最令人難受．．．幸好，同事都知道係要快手傾，所以都唔會再令個會議有太多無聊事情發生，盡量主力去攪掂好佢．．．最後可以八點半就KO左個會，太好了．．．

開完會就即時回屯門了，因為都仲要睇下有冇野要執．．．好在之前幾日都已經執左好多！媽媽就攪笑，執來執去的，好似仲未執好咁，哈！唉．．．明天要一朝早五點起身，好痛苦！不過，十分期待呢．．．

>>December 3, 2008 at 11:48:23 AM GMT+8

2008 年 11 月 15 日 星期六 【晴】

今日訓到十點三就起左身了，因為A仔起身我都算了唔再訓起埋身吧．．．起身後都係呆呆的，好似成日都唔醒咁，好累，但係又唔想訓咁多，好矛盾！

跟住玩下電腦咁就到左十二點，連A仔阿媽都出左街後，一個人都係度執下野，執去旅行既野．．．咁就執左一粒鐘．．．之後同左妹妹玩左陣，不過當然唔激烈架啦．．．妹妹係咁叫我放佢出黎，佢想出黎玩玩．．．其實我地放左佢入籠，又幫佢帶左個燈罩，怕佢整到個傷口！見佢鬼咁生猛，肥來肥去，只係個空間細，如果唔係佢應該好似平日咁跳跳崩了．．．而家見佢好似突然覺佢大個女左咁，好似冇之前咁der了，之前佢成日無啦啦會叫媽媽的，講得好清楚的呢，聽到都心都軟晒架，呵．．．不過近日靜左，哈，A仔話過，好似變左第二隻貓咁．．．不過冇咁誇既，只係大個女左咁啦．．．

之後五點幾我都出門口了，拎住個筴真論盡，好死辛苦好死累．．．等506又等左好死耐，唔知咩事，成幾十人排隊等囉．．．最後六點幾先返到屯門屋企！今晚有PIZZA食，媽咪仲煮左D意粉雞翼．．．我唔知係咪呢兩日食得太多野，頭先無啦啦肚痛，而家個肚好似就爆咁．．．好辛苦！睇黎都係食滯左了．．．好辛苦！

今晚A仔要留係中心開通頂呀，好慘．．．好心痛佢呢．．．希望佢可以順利完成啦！

>>November 16, 2008 at 3:24:55 PM GMT+8

2008 年 11 月 15 日 星期六 【晴】

今日訓到十點三就起左身了，因為A仔起身我都算了唔再訓起埋身吧．．．起身後都係呆呆的，好似成日都唔醒咁，好累，但係又唔想訓咁多，好矛盾！

跟住玩下電腦咁就到左十二點，連A仔阿媽都出左街後，一個人都係度執下野，執去旅行既野．．．咁就執左一粒鐘．．．之後同左妹妹玩左陣，不過當然唔激烈架啦．．．妹妹係咁叫我放佢出黎，佢想出黎玩玩．．．其實我地放左佢入籠，又幫佢帶左個燈罩，怕佢整到個傷口！見佢鬼咁生猛，肥來肥去，只係個空間細，如果唔係佢應該好似平日咁跳跳崩了．．．而家見佢好似突然覺佢大個女左咁，好似冇之前咁der了，之前佢成日無啦啦會叫媽媽的，講得好清楚的呢，聽到都心都軟晒架，呵．．．不過近日靜左，哈，A仔話過，好似變左第二隻貓咁．．．不過冇咁誇既，只係大個女左咁啦．．．

之後五點幾我都出門口了，拎住個筴真論盡，好死辛苦好死累．．．等506又等左好死耐，唔知咩事，成幾十人排隊等囉．．．最後六點幾先返到屯門屋企！今晚有PIZZA食，媽咪仲煮左D意粉雞翼．．．我唔知係咪呢兩日食得太多野，頭先無啦啦肚痛，而家個肚好似就爆咁．．．好辛苦！睇黎都係食滯左了．．．好辛苦！

今晚A仔要留係中心開通頂呀，好慘．．．好心痛佢呢．．．希望佢可以順利完成啦！

>>November 16, 2008 at 3:23:24 PM GMT+8

2008 年 11 月 14 日 星期五 【晴】

今日係我個女，妹妹既大日子，因為從此之後佢就大個女了．．．今日佢會去做絕育手術！朝早十點幾已經帶左佢去診所了，之後五點幾先至由爹地，A仔，去接佢返屋企．．．因為我今朝要返工，下午又要去訂PACKAGE，所以全程由妹妹爹地負責！下午A仔接左妹妹返屋企後，A仔見妹妹好似無黎心機咁，都好擔心佢有事．．．不過，我又唔太擔心，因為之前波波都有經驗了，所以都冇咩擔心．．．只要小心D睇住都應該冇咩大礙的了．．．

不過，唯一我今早做了件大意既事，就係比左野妹妹食．．．我醒唔起做手術前唔可以食野，頂！點知就係我攪到妹妹返黎之後嘔左兩次．．．真係過意唔去呢！！不過我知妹妹唔會怪佢呢個大懵既媽媽的！呵！

夜晚，係我地天使社群既周年聚會，我地去左元朗西鐵詞一間燒烤場BBQ，A仔佢因為想睇住妹妹，二來想繼續做佢份700萬既計劃書，所以即使作為主席既身份，都缺乏左個聚會．．．其實都唔緊要啦，都係一個簡單既聚會，要聚既日後都大把機會既．．．最緊要做好正經事先嘛！而聽日，本來我係要返教會，而且仲要參加一個讀經員既聚會，但係，唉，為左睇住妹妹．．．其實，只係A仔緊張過度O者，小朋友要康復其實可以好快，波波果時手術後第二日都已經不知幾咁生猛了，係A仔唔信人之嘛．．．算啦，為左唔想比人話我冇良心，我都要放棄返教會，背信應承左人參加聚會之名，留係屋企睇住妹妹啦．．．其實，作為妹妹既媽咪都要做既．．．明白明白！

BBQ完，A仔好擔心妹妹有事，最後都叫左我同佢媽咪去番診所度投止痛藥，不過，果度既護士話，如果唔見貓貓有特別異樣，例如係咁叫，好唔舒服咁，先至同佢再覆診或者食藥，因為食藥其實唔多唔少都對佢冇咩益．．．所以，最後我地決定都係觀察多佢一晚先算．．．不過，我見妹妹都其實都幾精神丫，而且我同佢講野，佢雖然冇喵我，不過條米米（尾巴）係咁拍下拍下，我知佢係有聽我講野，而且係開心的．．．所以，我知佢好快冇事的．．．但係，有時見佢係度嗆住，好想嘔又嘔唔出時，我都心痛架．．．希望佢快黠好番晒．．．見佢個傷口都靚既，應該好快可以去玩玩了．．．

>>November 16, 2008 at 3:10:44 PM GMT+8

2008 年 11 月 13 日 星期四 【晴】

近日d天氣無啦啦又暖番d，都好，因為唔鍾意凍呢．．．

呢兩日成日都鼻塞，好鬼辛苦，一路返工一路塞住，就黎死喇．．．今日早左出去灣仔食飯，同左同事秀雯去食，因為我地兩點要去到灣仔勞工處做野．．．我地去左新波士頓餐廳食，都ok啦，不過我覺個餐唔值個價錢囉，一個lunch都要五十蚊囉，但係都係普通野，椰林閣都有既野，唔知點解要五十蚊囉．．．不過算啦，講明約好今日同秀雯食大餐，當係同我薦行架嘛，呵！

食完就去左勞工處做野，做完我地仲走左去東海堂買左件蛋糕食．．．呵！真係想增肥了！食完就返左中心！返到去都冇咩心機做野，於是上網搵泰國旅行套餐既資料．．．幸好同事阿魚佢成日去泰國，介紹左好多好正既酒店我，我都開始有點頭緒揀邊間了．．．good~ 好期待去旅行呀．．．雖然，唔可以同A仔去，不過，同媽媽去，仲係自遊行都係第一次囉，相信會係一個開心既旅程！YEAH~

決定明天放工後再去訂PACKAGE．．．正！

今晚見到A仔為左個700萬PROJECT既PROPOSAL真係慘，個人做到呆晒，又成日發脾氣．．．唉！最後仲要因為佢一個同事既人為問題，令到寫計劃書既內容有機會要重新寫過，我都覺得好激氣，好想打一身佢個同事，真係衰，都唔知點做野，攪到A仔做到頭都痛埋．．．好心痛佢呀！睇黎佢星期日要留係中心通頂做埋份野去了，因為星期一要交呢．．．好可憐呀！

>>November 16, 2008 at 2:57:40 PM GMT+8

2008 年 11 月 12 日 星期三 【晴】

今日要係觀塘中心返工呀，真係有點好似臨走前最後一次踏足呢度咁既感覺，哈．．．有點唔捨得果度既同事，因為佢地真係好好人．．．不過，我冇將我就走既事話比佢地知，因為都唔知點講好．．．就有件事自然去到佢地耳口先算啦．．．．

今朝好忙好多電話聽，不過都冇咩心機聽呀，唉．．．越近離開日子越冇心機做野呢．．．到左下午，等埋個同事返黎先一齊食野，真係好，有佢陪我．．．之後下午都係我地兩個係中心了，日子好快過左，四點九就走人回土記了，因為今晚又要上堂．．．好悶好唔想上，眼訓到爆呀．．．但係．．．我都係為左儲OT先返咋，哈．．．放工同左同事一齊走，不過之後覺好肚餓，所以一個人去左食左碗面，好飽先至回元朗．．．

本想今晚早點訓，但係原來係唔得架囉，唉．．．點解呀．．．好累呀！

>>November 13, 2008 at 4:32:04 PM GMT+8