2009 年 2 月 13 日 星期五 【乍寒還暖】

今日係情人節，先祝各位情人節快樂！有情人終成扣肉．．．

今日朝早因為為左扮靚，所以遲左出門口，最後打爛左個齋盤，遲左五分鐘到，shxt！成朝都好忙做野，冇停過，因為真係好多野要做，尤其近排狂見case，要整合番d個案既資料，仲有要做recording呢，好煩．．．琴日下午取消左幾隻case既約見，而家攪到我下星期二都要返埋學校，返唔到中心．．．不過都係好事，因為我都唔想成日山長水遠出去灣仔，哈哈．．．

終於放工，A仔係中心留下等我，十分開心！我地先去左食魚旦粉做LUNCH，之後行左去環保處個資源中心度睇，睇完我地就沿住灣仔峽道行好斜既路上去寶雲道，目的地就係去姻緣石！我地竟然係姻緣石度撞番一個已經好多年冇見既人．．．當然，叫得係好多年冇見，即係某程度上我地都冇打算再去聯絡既人，但係點知咁都撞到，真係唔知講咩好？！大家吹左幾句水就算喇，呵呵！跟住我地繼續行，行到落去香港公園，順手行下啦，之前係金鐘返工，都冇點入過黎行過，所以而家順手行下．．．行完之後我地去左pacific place度行great，行完就搭968返元朗了．．．

返到元朗，本來打算去食壽司，點知超多人，最後都係去左食上海野．．．算啦，平平地，又有位，都係一餐啦．．．食完好飽呀，行左去新元中，順手又行左陣，之後就坐A仔車返屋企了．．．

好早返到黎呀，八點幾咋，不過大家都累了．．．A仔琴晚又四點半先訓，我又要返工，所以，都係時候要訓下了．．．係呀，個情人節就係咁過左．．．幸好，都收到一張由A仔送既心意卡仔，都叫做對今年情人節既一丁點可以帶走既回憶．．．回想起上年既情人節，係個唔開心既時間，因為當日小ME佢係屋企暈左，我地果刻好驚，即時送左佢入寵物醫院，仲要留醫．．．所以我地果晚食左一餐好唔開心既晚餐！我仲戈記得係燉奶佬度食既，大家都食龍肉都冇味！唉．．．不過，過去左既野唔好再去諗喇，人係要向前看架嘛，我地而家要為將來而努力才對嘛．．．大家都要加油呀！

>>February 14, 2009 at 2:12:44 PM GMT+8

2009 年 2 月 12 日 星期四 【晴】

今日好充實．．．朝早八點幾收到同事既電話，佢病左，但係今日又要入屯門一間中學講talk，所以最後我幫佢手入左學校，幫下人冇所謂啦！本來我今日whole day都要見case，不過因為下午要出去，所以朝早就一次過見左四個學生，下午既就要取消了．．．

今日超趕，十二點半先至見完case，當刻好爭扎，因為我今日著得好causal，又想返屋企換衫，但係又好多講座既野未準備好，而且又未食飯，加上講座要兩點開始，所以真係超趕．．．最後，決定唔返屋企喇，死就死啦，係causal都冇計！唯有留係學校，好在有帶飯，叮左飯後一路食一路準備d野啦，走來走去咁，又要入去教員室print野咁，好煩．．．不過，最後都可以一點半前走到人，攪掂晒d野．．．

係學校果度去講座間學校都唔近，是關我間學校係置樂果頭，講座果間係山景，睇黎好似好近，但係實質好麻煩，我要行到去市中心，咁就行左十分鐘以上喇，之後再搭兩個站車，架死人505囉，成日要等成十分鐘！不過，好在今日好幸運，一去到就有車黎到喇，good~ 落左車仲要行多五分鐘先去到學校，所以都用左成半粒鐘時間架！去到join左個同事，因為早左去到，所以繼續等．．．入左去人地個拉記度！哈，好耐冇入過拉記了！唔知人人係咪都叫圖書館做拉記架呢？我地以前讀書興咁叫架喎，因為library丫嘛，咪簡稱拉記囉！個拉記都幾新幾靚，而且人地下午班主任時段係由學生做中央廣播的，仲有普通話時段，真係一間band 1學校唔同d．．．

今日講既talk主題係生涯規劃．．．講真，連我自己都未規劃好，就去教學生，真係攪笑呀！當然，我地令學生聽得津津有味架！我份人好得意，唔洗用好長時間去準備d講座內容，因為即使我準備好，我好多時都會爆肚，無啦啦講好多自己既野，係完全吹水怪！所以，完左個講座，同同事傾開計，佢話佢每次講talk都好好緊張，次次都要用成個星期時間去準備！我心諗，洗唔洗呀！好似誇左少少咁．．．我都寸寸地講左一句：嘩，咁好似影得我好懶咁，今日只係用左半粒鐘時間去準備，之後我就係堂度同同學玩遊戲同吹下水，講左好多自己既經驗同想法．．．呢個就係我既style．．．暗地裡唔多覺又寸親人，真係唔好意思！哈．．．其實呢個同事係我既上司，不過，我真係唔太服佢，是關．．．佢真係冇乜料子，哈哈！前線工作又唔掂，管理又唔掂，so．．．唉！我都唔想黎左呢度唔夠一個月就咁樣睇我個上司架，不過．．．真係唔想架！

因為早左完左個講座，所以早左返到屋企，但係好累，所以訓左一陣．．．訓醒就食飯，食飯果陣同A仔傾開明天有什麼好去處時，本來諗住去wild camp架，不過後來唔知點解，A仔又話唔去了．．．算啦，最緊要佢開心！我而家都唔知聽日有什麼做，會去什麼地方！我都唔敢期望什麼了．．．冇期望既時候，可能任何野都可以成為一個驚喜！而家個人大左，唔會再好似細個果陣咁，每到節日都好期望會收到禮物，會有好浪漫既節目安排等．．．而家反而認為，兩個人一齊開心就得喇，老土講句，如果係好關係既，日日都可以係情人節嘛！

所以，明天繼續努力返工，等A仔電話，之後等放工去玩玩，去享受只係我地兩個人既情人節！雖然，夜晚食飯並唔係兩個人既世界，不過．．．算啦，我或許都要習慣，我地日後既生活都永遠會有多一個人係我地中間架喇！

>>February 13, 2009 at 4:02:54 PM GMT+8

2009 年 2 月 11 日 星期三 【晴】

yeah~ 今日返工時間真係好，一朝早見case，由十點見到十二點半，時間過得好快，咁就見左幾隻喇，so good~ 之後下午食左個十四蚊既粟米肉粒飯，超抵食．．．下午就係學校繼續做野，唔洗見case，因為班細路出左去嶺南上堂！到左四點十五分鐘，就要去開會，呢個會開到去五點四，之後我仲要同隻case既父母繼續傾，傾到五點九先至走人．．．

放工後，我行左去華都果頭，去左一間專賣自製甜品材料既店舖，買我要既整曲奇材料，good~ 之後就快手返到去蝴蝶商場，買埋今晚既晚餐．．．因為媽媽又去左旅行了，今晚要"獨食"．．．返到屋企，快手開始整我既曲奇，一路整，整到半路等佢d粉醬雪緊果半粒鐘時間，我就食我既波仔飯，半個鐘後繼續整．．．真係整到手都軟埋，成手都係牛油既香味，哈哈．．．初頭都係用工具整，後來發覺唔多得就索性落手去整，真係開心d同順暢d喎，good~ 終於係九點九我整好晒所有曲奇，yeah~ 我就打比A仔問佢幾時BBQ完，佢今日係蝴蝶灣BBQ，所以我先特登今日整曲奇咋，如果唔係聽晚整就要等到星期六下午先比佢，到時唔好食架喇！所以係用心良苦架．．．之後約左A仔十點九時係屋企留下等，後來佢上埋黎添．．．

希望佢鍾此啦，D曲奇係有點燶，不過我有用心去整架．．．而且有意思架，有心型同人型既曲奇架．．．心型梗係代表愛啦，而果個人仔就係佢喇，個人仔上面用朱古力豆砌左個"A"字架，代表係佢．．．而D曲奇共有14塊，代表2月14日．．．希望好味啦，我自己有試過味架，都．．．應該．．．OK既，哈哈．．．不過，我相嘆難食有限，因為我琴晚放係台上一碟既曲奇，應該都有十塊八塊，本來係比屋企人食，妹妹試左一塊，話燶左少少，而其餘係留比媽媽同爹地，點知爹地一覺唔該全部食晒，媽媽最後一塊都冇食過，真係激氣！爹地可以一次過食晒，證明都唔會好難食啦，呵呵．．．

>>February 13, 2009 at 8:16:17 AM GMT+8

2009 年 2 月 10 日 星期二 【晴】

今日好忙，因為要準備開始連續兩個星期見case既工作．．．是關我要一次過見晒我既main case，共有60隻，之後其餘60隻要再繼續見去搵，我都有點擔心呀，因為已經開始係第二個學期了，都唔知做唔做到達標！所以，真係要加把勁了．．．要努力呀！而家日日都要見case，因為要追番晒d時間，好怕做唔晒d工作．．．但係同時間仲有其他既工作要做．．．真係要死了！

今日都做到不知時日，係咁做到五點二先知道原來係時間收工了．．．之後就係學校一直行，行到去山景，我都係用左半粒鐘時間去行，真係算快！本來想搭車，不過後來諗諗下搭得黎都行左過去囉，不如行啦！當係運動！

join左A仔之後，就一齊入元朗，約左幾個朋友去打邊邊．．．都算平，每人食左八十七蚊，好耐冇試過食咁平既打邊邊了．．．食完好飽，睇黎要做下運動先至得囉．．．

>>February 11, 2009 at 4:02:04 PM GMT+8

2009 年 2 月 9 日 星期一 【晴】

今日要返灣仔，同樣不喜歡返灣仔，因為起身時間同平時一樣，出門口時間亦都一樣，但係就放六點，感覺上好似返多左一粒鐘咁，好痛苦的感覺！哈．．．

今日好努力咁做個case的準備，攪左成個上午！下午買左個肉醬意粉返去食，好抵，加埋杯橙汁都係廿五蚊！灣仔食野真係唔平，今餐係最平既一餐了．．．

下午都係冇咩特別野做，好經辛苦捱到去六點放工！回程果程車訓到傻左，好眼訓．．．返到屋企已經七點八了，是關塞車，真係討厭！不過都訓到冇左知覺，都冇咩所謂了，呵呵！

本來今晚打算去A仔度，不過真係太累了，周車勞頓咁，返到屋企唔想再出門口了！決定明晚才與A仔同朋友仔去打邊邊啦．．．

跟住幾日連日都要見case了，要努力呀！

>>February 10, 2009 at 2:18:16 PM GMT+8

2009 年 2 月 8 日 星期日 【晴】

今日唔係好願起身，是關琴晚食左藥，所以有點兒累．．．今朝好早返到去學校，於是決定食埋個麥記早餐先返去，食完都係八點十一，so good~ 今日學校繼續係陸運會，所以仍然係好靜，仲靜到連水都冇滴，因為d校工冇做野．．．後來，我做野做到十二點就走人，回左屋企，因為返黎食藥同叮飯食，食完之後等到兩點再出門口，去左天水圍運動場，參加佢地個陸運會！

兩點九已經去到會場了，坐足兩粒幾鐘，好可憐！好無聊囉，哈哈．．．完場都已經係五點半了！之後都係天水圍快手返屋企，因為真係好累．．．點知返到屋企，媽媽原來叫左d朋友黎屋企唱k．．．天呀！想抖下都唔得．．．好在，佢地六點半度都走人了！我就可以訓一訓喇．．．

訓到八點幾先食飯，食完飯就係度追珠光寶氣．．．其實之前都冇追開，反而知佢今個星期大結局先至黎追下，呵呵．．．今晚會早點訓，因為好累．．．聽日仲要出去灣仔，真係唔喜歡出去灣仔．．．一來好遠，好周車勞頓；二來，返去都真係冇咩好做，d野都係晒學校，做咩呢？唉．．．

>>February 9, 2009 at 2:09:44 PM GMT+8

2009 年 2 月 7 日 星期六 【晴】

琴晚成晚都咳，仲有點喘添，原因係我又鼻敏感發作了，每次一發作，好多鼻水流，就好容易咳，進而就會喘．．．好討厭！成日天氣一轉，唔理係轉凍定轉熱，我都好容易敏感．．．好辛苦呀！想死．．．A仔琴晚都比我D咳聲同起身既時候嘈醒幾次，真係過意唔去．．．我知佢都好擔心我唔舒服，所以我每次起身佢都會醒一醒，之後問我係咪唔舒服！其實，個口雖則話好過意唔去，不過，個心又真係甜到爆，HEHE~ 好開心呢！因為感受到佢係好緊張我囉．．．

最後今朝十點幾起左身了，其實係比出邊既人聲嘈醒左，而且都唔想再訓，雖則真係唔夠訓，好累，不過．．．算啦！人人起晒身得我自己訓好似唔多好意思咁．．．之後A仔整左早餐我吃，跟住在家流連左幾個鐘，A仔就訓左，而我就上下網咁！A仔四點先起身，我地之後就出左元朗市行，因為A仔要搵地方映證件相，FOR回鄉卡用．．．而家D相舖真係食$架，度度都話什麼回鄉卡既相同一般證件相唔同，所以價錢都唔同．．．我睇黎睇去都唔知有咩唔同？！咁就比人昆多左錢，是關一般既證件相只係$15一打，但係而家所謂既回鄉卡專用的要$30得半打，真係越諗越唔抵呀！跟住我地行左陣，A仔收到電話，知道要趕番屋企做野，所以都送左我上西鐵後都各自回家．．．好唔捨得呢．．．

回家後，好累，訓左陣，八點半先起身食飯．．．食完之後媽媽係度睇番星期正錄既電視，我又無聊睇埋一份．．．哈！之後十一點半都訓了，不過真係咳到死死下，好辛苦！我唔想又病呀！唔想又喘呀！．．．嗚．．．

>>February 9, 2009 at 1:28:51 AM GMT+8

2009 年 2 月 6 日 星期五 【晴】

琴晚個同事臨時叫我代替佢今日出去poly度聽talk，所以我今日就唔洗返中心了，真係好，九點九出到去poly，最後要等到十點三先至可以入場，我就係出邊d凳度坐同食早餐．．．入到去，原來佢呢個talk係一個叫cougaus既組織的畢業禮加talk，成個好似show咁，佔左成日既一半時間，之後一半先至係請嘉賓講talk．．．好在，d嘉賓都好正，我都聽得津津樂道！確實好適合d大學生去聽．．．而對於我呢類已經做了好幾年野既人黎講就．．．哈哈！好似老餅左少少去聽，是關佢地講既都係我地同d細路講既野！

完左個talk，我都係poly度走人了，廢事返中心啦，果刻都未夠一點呢，呵呵．．．之後，我就搭火車去旺角，我行左花園街同旺中，執到好多平野．．．係花園街度買左件廿幾蚊既t-shirt，同一條legging，仲有一條底裙同one piece裙．．．係旺中就買左兩個蝴蝶結，是有用的．．．跟住，就搭左地鐵去荃灣join爹地媽咪，因為佢地今日約左二舅母佢地去芙蓉山度拜公公婆婆．．．我都好耐冇去了，所以都決定去一去．．．拜完山我地落番去荃灣食野，果時已經三點半了，我先食我既lunch！食完就回屯門了．．．

回到去唔夠六點又出門口了，因為今晚要去A仔度食盤菜，係CLUB HOUSE攪的．．．我地去之前去左元朗買花，媽媽話相信元朗平點喎！跟住先至去左A仔度．．．而妹妹就遲左少少先到！個盤菜都OK好食丫，不過係個活動RUYNDOWN麻麻地．．．我地一家好好彩，都抽中左兩件禮物，好似滿載而筲咁．．．後來，都因為夜了，幫爹地媽咪佢地CALL左的士返去．．．

今晚留左係A仔度，本來計劃聽日上大陸行街，不過今日A仔佢自己一個人去左了，而且仲發生左件好唔開心既事，佢比人偷左錢錢呀，好慘！都成三百蚊港紙．．．好激氣！唉．．．點解D大陸人咁衰架，好討厭！真係唔開心！唔通呢個新年一黎就要破財擋災？！而家聽日唔去大陸了，都唔知有咩節目呢？！

>>February 7, 2009 at 4:08:55 PM GMT+8

2009 年 2 月 5 日 星期四 【晴】

今日學校係陸運會，所以成間學校都好靜，好正呀！係有點兒悶，不過難得係可以free既日子囉，哈哈．．．下午只係食左兩個包，反而朝早早餐好豐富咁食左個麥記早餐囉，哈哈．．．

放工之後約左A仔係西鐵站等，我地去左一個神秘地方，只係想．．．買一點東西！可惜，係買唔到的．．．哈哈！我地都好想去東京呀，不過．．．而家D匯水太貴了，所以．．．或許遲點吧！但係，又想起好想去黑龍江呀，是關之前睇雜誌見到介紹，真係好正，好想去睇冰雕同雪呢．．．另方面，又好想去台灣，想去台北同花蓮！不過，都唔知幾時可以成事了，哈哈．．．因為而家都未有大假拎，所以都一定要係PH先可以去，價錢就一定貴了．．．

行完我地就去左惠康買野，跟住都返元朗煮飯仔食了．．．好飽呀！真係飲飽食醉了．．．發現妹仔又肥左了，好可愛！想起之前去阿貓地攤見到隻貓一樣，遲早都係要禁食了，呵呵．．．肥肥妹！

今晚係A仔度訓，好開心！不過，有樣唔開心既事．．．就係．．．我部單車比人拖走左了，聽聞琴日有政府既人黎收單車，而A仔都唔知，係D街坊講先知咋，唉，好可憐呢．．．唔開心呀！唔制呀！又要晒錢買過架單車了．．．嗚！

>>February 6, 2009 at 3:09:13 PM GMT+8

2009 年 2 月 4 日 星期三 【晴】

今日仍然返學校工作，今日好似好多唔係工作範圍既野做咁．．．例如一朝早要去校務處度搵個同事整職員證．．．下午食完個飯又要趕住出去市中心，睇下有邊間餅舖買餅平，跟住就要買餅．．．去到聖安娜，問佢買八打可唔可以送貨，點知佢竟然話太近唔送，要搭車就可以比番車錢咁話．．．真係激氣，所以最後我都係一個人拎住八打餅行番去學校．．．真係想死，行左都有成二十分鐘！好辛苦！因為．．．八打餅都唔輕架！不過，聖安娜而家有優惠，$9.9有3件，嘩，平美心果d好多呢！美心要成五十蚊打架！而家同阿mark去share都係每人$158.5，比預期既平，真係好！辛苦d去拎都值既，哈哈．．．

放工返到屋企，今日得自己一個人，因為媽媽又去澳門了，之後星期五返黎之後又再上賭船．．．唉，真係多節目呀！所以呢三日都係食自己了．．．今晚一個人在家，都有好處，可以好free咁做什麼都得，又可以食乜都得．．．最後，都係煮左個公仔面食就算啦．．．食完就係度上網睇野，真係free呀！

波波貓今晚發現唔見左媽媽，成日都四圍行，好不安咁．．．好可憐呀！明天我可能要返一返屋企餵左佢先可以出街街了．．．

>>February 5, 2009 at 4:08:51 PM GMT+8