2008 年 6 月 24 日 星期二 【驟雨】

今朝仍然八號風球呀，直至而家為止都仲係三號，今次呢個風球，阿風神兄，真係同個名一樣咁勁！朝早唔洗返工，不過一直都唔係訓得太好，展轉反則咁，好經辛苦十點幾起了身，係度睇電視．．．到左十二點就同左屋企人落街食飯，食完飯就順手出去尖沙咀，因為今日要出去上堂，學office 2007！覺得呢個office 2007都好幾正咁，今堂學左word，好似多左好多功能咁，如果有機會都想裝番個2007版試下．．．

完左個堂之後，今日約左A仔出黎，其實主要係傾我地既事．．．我地去左美麗華裡邊既諾士佛台既一間叫修士吧度食野，果度主要係間BAR，但係都有野食．．．我地都唔太肚餓，所以都係叫左個PIZZA同一個煙鴨胸，仲有一人一杯FRUIT PUNCH同MINT PUNCH．．．初時大家食野都幾開心的，有傾有講有笑．．．後來食到咁上下，大家都開始傾今日既話題．．．我地傾左一點關於我地性格上的問題！其實．．．都感謝神，可以讓我地過程中都好平靜咁去傾，而且大家都能夠將自己既心中想法同期望講出．．．當然，是否做到，大家都仍需要思考一下！其實，我好感謝A仔，因為我知道對於佢黎講，佢都已經鼓了好大既勇氣同我去講佢心中既想法，因為，佢一向都好少將心中既想法同我講的．．．而且，我見佢從來都好少可以咁好脾氣的，所以，我都好感謝佢對我既忍耐．．．反而，我情緒都真係唔太好，我已經不時提醒自己要堅強，要勇敢．．．但係，可能始終事件是切身關係的，所以好難控制自己的情緒，每當講到一點感到很傷心或者失落的事時，都總係忍不住眼淚．．．希望佢僧體諒我啦，我都想勇敢地面對同克服問題的．．．

講真，要繼續等，繼續傾．．．呢個過程真係十分難去接受，因為真係好痛苦，好辛苦！我有一定的壓力，因為．．．我只想說，我好愛他，我唔想失去他，我好想永遠同自己所愛既人一起！我冇諗過要放棄！唯一擔心的是．．．最後他決定去放棄一切，包括我！直到我地今日分開前，我感謝佢讓我知道更多更多真正的他．．．我亦希望下星期三的面見，大家會可２傾談到更多，了解到更多，解決到更多．．．

由今天起，我要同自己講，我要勇敢堅強地面對一切，唔可以再輕易掉眼淚．．．我懇求天父神可以給予我勇氣去面對同克服困難，亦希望天父神可以眷顧我地，讓我地可以找出解決問題的方法，協助我地渡過難關！雖然，我知道愛是可以戰勝一切，但是，我知道有些時候一些技術性的問題，即使大家相愛都可能沒法解決得到，而只有避迫放棄！但係現刻，我從來沒想過要放棄，我選擇去面對佢，我希望我地可以早日找到結果！當然，我仍然希望可以同自己相愛的人一生一世在一起，這是我唯一所願的．．．希望天父神成全．．．

>>June 25, 2008 at 2:42:42 PM GMT+8

2008 年 6 月 23 日 星期一 【驟雨】

電話終於來臨．．．對方比我的感覺係．．．一臉輕鬆似的！

我感覺到佢好似想通了一點東西！或者佢終於知道自己需要的是什麼？又或者是．．．佢一早已經可以將一些從來放不低的事有勇氣地放下了？．．．

我唔知道背後究竟是什麼？我只知道．．．我明天將要面對一個難關，是天父神賜予我地既一個考驗．．．我唔知道明天將會如何？或許，我都應該好似對方咁，輕鬆咁去面對？還是要作好準備的去面對？雖然，我知道我一定要對明天的考驗存有信心，因為這是天父神要求我的，我要聽從祂的旨意！但係．．．我而家心中十分混亂，亦都充滿困惑，這些感覺不知從何而來？！正正或許就是對方的一臉輕鬆，令我反之有更大的感覺．．．我知我不應該對對方，甚至對神，對自己都存有懷疑．．．

”天父神呀，求你可以給予我信心，平靜的心情，聰明與智慧，勇氣，去面對聽日既考驗，又希望天父神可以讓我地可以找到一個大家都想要的結果！雖然，我唔知道對方想要的結果是什麼？但係，我只知道，我自己仍然堅持一份的愛．．．我仍然相信，愛，是可以戰勝一切！感謝天父神對我的愛，讓我可以有力量，有愛，去面對明天的考驗！．．．我願意將一切都交到神既手中，好讓你為我地安排！以上既祈求，係靠主耶穌基督既聖名而祈求，誠心所願！”

>>June 24, 2008 at 2:31:51 PM GMT+8

2008 年 6 月 23 日 星期一 【寒冷】

今日既天氣真係變幻無常．．．朝早出門口時，今日出去勞審處做野，當時仲係陽光猛烈的，當我做完野出番黎時，十一點九左右，一上車，就睇住個天變黑，越來越多黑雲，係落車前五分鐘仲落起滂沱大雨添，好似倒水咁，好恐怖！落車時十分論盡，返到去十二點四，坐左十分鐘，再出去同同事食飯，竟然係陽光普照．．．都唔知講咩好！再過多兩個鐘，三號風球就掛起了．．．心想，如果明早八號就好了，可以訓多陣丫嘛！

今日工作忙碌，朝早出左去，下午就係中心聽電話，又係得番我一個人，好忙好忙．．．點解成日都係咁？都幾辛苦下！終於放工，搭車回家．．．近日發現自己有個好怪既習慣！平日放工我一上車都一定乎乎入睡的，但係近日，個心總係好唔安樂咁，想訓又訓唔著，覺得個心好亂，但係個腦又咩都諗唔到，一遍空白咁．．．而唯一既寄託就係．．．玩電話裡面既game直到落車為止．．．但係每每返到家都感到十分頭痛，唉．．．好痛苦的感覺．．．可以何時唔再受這個痛苦？

今晚成晚都好似個心不斷在跳，呼吸有困難咁．．．我相信唔係病，而係．．．係度等待緊一點事出現，係一個電話．．．心想，佢會記得呢個承諾嘛？佢會搵我嗎？佢又會講什麼？佢既態度會點？明天會點安排？．．．好多好多既問題出現了．．．當然，最大的一個問題就係．．．佢究竟而家想什麼？呢個係我連日黎唯一一個問題想知道的！而我自己卻曾經問清楚自己想怎樣．．．我好簡單，只係問左自己一個問題！當我知道了答案後，我就知道自己的目標是什麼，我知道我應該如何了．．．唯一，我相信的是：愛，是可以戰勝一切的，尤其係有神既愛，祂愛我們，我們自然可以解決好多我地面對既困難同問題．．．

今日再次看”溪畔靜思錄”，是日文章比較難明白，不過我大概了解是雖然神已經為我地一早安排了很多很多，不過，當我地向神祈求的時候，只要我地心裡不要懷疑，聽從神的話，事情必定可以成功！而且，重複性地禱告，也最後會令禱告失去了鋒利的力量！也許，我近日的禱告都是離不開同一個主題，神是告訴我的禱告失去了鋒利了．．．我心中很是擔心！不知所措吧！

”天父神呀，我明白到你想告訴我，不要多番重複自己的禱告外，亦要對神你，對自己有信心，不要存有懷疑．．．我要聽從你的話語而行，因為所有東西你都早已有安排，我要對神對自己有堅定的心，神自然會協助我渡過難關！感謝神！我祈求天父神可以答應我的祈求，應許我的祈求．．．以上祈求係靠主耶穌基督之名而祈求，誠心所願．．．”

而家唯有在等候．．．心中很是不安．．．十萬個不安．．．

>>June 24, 2008 at 2:04:06 PM GMT+8

2008 年 6 月 22 日 星期日 【晴】

今日總係感到身心疲累的，身，當然是因為工作關係啦，剛剛開完會返家，回到家十多點才有時間吃飯，日子真係不易過．．．心，當然是近日的問題影響了我吧，情緒一向都不是太好，今日尤其是有點不安，可能日子越近，心情越緊張同擔心吧．．．加上，之前錄親隻手個傷口一直未好，有可能需要去睇睇醫生了．．．個傷口好像越來越紅腫咁，又痕又痛．．．好慘！

今日其實工作並非十分忙碌，只是如以往一樣吧！只係放工後仲要去開會，仲要去到灣仔，所以梗係覺好辛苦啦，而且冇飯食既感覺好差，加上塞左好耐車先至去到灣仔，足足坐在個幾鐘囉，係觀塘去灣仔！唉．．．好疲累的感覺．．．

回到家，吃個飯，終於可以安心的坐坐．．．再次看了”溪畔靜思錄”，是日文章提到，當主要求我地走過障礙時，我地要充滿信心，帶著歡樂走過去，應該對神祂目不轉睛的；即使我地估量個考驗有多大，有多高都沒用，因為我地根本冇可能制服到佢！嘗試去探測危險反而會比危險壓倒，在困難前躊躇反給大浪有了淹沒我的機會！

所以，當我們害怕面對困難，即管比信心面對佢，因為神決不會放棄我地不顧；只要信靠神祂，就會知道有神常同在．．．所以，當今次我面對考驗時，我要有信心去面對同克服佢，因為我知道神不會放棄我而不顧．．．神必定會與我同在的！神一定會幫助我解決同面對困難的，我要信靠祂，將一切都交托予祂手中．．．安靜地等候祂的答案同應許．．．

仲有一日時間．．．日子真係越來越近了，心情難以形容！唔知，似遠或近的他在想什麼呢？

>>June 23, 2008 at 3:05:34 PM GMT+8

2008 年 6 月 21 日 星期六 【晴】

今日整日都要家渡過．．．難道，我開始要學習獨處，學習沒有了他的生活？當然，我希望我的生活中，生命中，仍然會有他的存在！我要與他努力一同建立屬於我們的生活同生命．．．

好慘！之前幾日錄親隻手，而家個傷口越來越紅腫，好痛好痕，好擔心有好大塊疤痕呀！！好似查極藥膏都冇用咁，個面好似開始”唉唉”地咁，唔知想點，好擔心呀！唔想做刀疤妹呀！咁會冇人要架．．．

在家沒有特別，朝早十多點就起身了，因為妹妹的男友上了來，又買了早餐給我同妹妹吃．．．見妹妹的男友對她這樣好，咁錫佢，我不但戥妹妹開心，亦都羨慕死佢！在此祝福佢地開心快樂！食完個痴人幸福的早餐，我都一直留在家中，用下電腦，執下野咁，咁就一整個下午，都沒有點食過東西，只係吃了幾粒燒賣．．．下午磅了一磅，嘩，我比一星期前又輕了，而家只得92.4磅．．．難道每次都要這樣有煩惱才可以減到肥嘛？或是因為今天勞動得太厲害消耗太多能量？還是近日真的沒胃口吃少了才瘦？．．．因為一星期足足輕了4磅．．．

波波貓今日仍然好乖，陪伴我左右！不過，我發現她可能病了，好像有點兒不想動咁，成日訓，又提唔起勁，琴晚仲有嘔吐過添，頭先摸佢個頭覺佢好似熱熱地咁，真係擔心佢有點發燒．．．明天要再了解下佢情況如何，真係擔心死了！

今日心情同昨天差不多，時起時落咁，不過，大部份時間都是平靜的，真的感謝神！我相信當中佢作了很多功夫的，感謝祂！今日一整天在家，都少了祈禱，不過，我知道，我要繼續安靜地等待神的旨意同啟示，我知神必定會應許我的祈求的．．．我要耐心等待神的答覆！

今天睇”溪畔靜思錄”，是日文章是．．．”愛能遮掩一切過錯．你們要追求愛．”(哥林多前書十四章1節)．．．當我們有煩惱時，只要把心中的難處告訴神，祂必定會幫助我們，給予我們力量，助我們忘卻一切悲傷煩惱，亦都會為我們安排更好的出路及道路．．．感謝神！

>>June 22, 2008 at 2:53:39 PM GMT+8

2008 年 6 月 20 日 星期五 【晴】

今天既天氣真係好到不得了，太陽伯伯不斷照住我地，真係熱到丫．．．首次酷熱天氣警告咁就出現了！

今日星期六返半日，放工後都漫無目的咁出左去旺角，但係，並冇行街，見咁多人又熱，最後選擇回家！回家之前好想對自己好一點，安慰下自己，所以去左Mrs. Fields度買左d曲奇請自己食．．．回家途中，感到孤單寂寞，是關今日家人無人，得番自己一個！返到去煮左個面食，聽下歌上下網咁．．．其實，早係車程回家中，我曾經默禱，希望神可以給予我一些啟示，讓我知道神是否應許我的請求！誰不知，回到家中，奇妙的事情出現了，我相信真係神對我的啟示！

雖然，我不是百份百肯定，不過，我對神同自己有信心的，我相信神真的應許了我的請求！我不可以對神存有懷疑的！即使我真係誤會左，我知道神都會用其他方法或途徑再比啟示我的！我要相信神！之後，心情感到輕鬆平靜，真係近日以來心情最輕鬆的時候了！我真的願意將一切交到神手中，好讓佢為我安排！當然，我相信自己既幸福同將來，都需要靠自己的爭取，如果連自己都唔作一點工作的話，即使神怎樣幫助我都沒用了！

突然傷風又好像嚴重了，不斷打乞嚏流鼻水，唔知咩事！．．．今晚妹妹帶了新男友仔來吃飯，我沒有同佢有交流呀，因為，一來怕講多錯多，二來我都未ready心情去見人住．．．雖然心情係輕鬆了，不過始終有事情未處理好，心中總係有點不自然同不自在的！真係好想快些好好處理事情！我常常都祈禱，向天父神說，我願意面對祂對我地呢次既考驗，亦都有信心當我地成功通過考驗後，必定可以更愛對方，更珍惜對方，更了解神的大愛，可以將神既愛繼續延伸開去．．．我真係但願如此，因為我相信，愛係可以戰勝一切，因為有神愛我地，愛必定可以解決任何困難同障礙！

感謝神！真係十分感謝神！我知道神係好愛我地的，佢係一定會幫助我地渡過難關的，即使是次的考驗是祂給予，但祂總會協助我地成功渡過的！但願神可再給予多點聰明智慧我，讓我知道如何處理及面對我地是次既事情，亦都希望神可以賜予我地恩典，讓我地可以自事情後更懂得什麼是愛．．．

>>June 21, 2008 at 3:45:53 PM GMT+8

2008 年 6 月 19 日 星期四 【微雨】

今日都幾忙下，可算係幾充實既一天．．．真係沒有什麼空閒時間去諗下自己既事，一路都係工作完又工作，見case完又見case．．．好疲累吧！

當我放工之時，開始靜了一來，突然有很多感覺湧現了出來．．．當然係唔好的感覺吧！真係唔知點解，心情突變低落，真係唔明白！即時心中不斷默禱，希望神可以幫助我平靜心情，憐憫我賜予我恩典！突然又想起了一首歌，這首歌並非很多人認識，因為係一個國內新晉女歌手唱的，係A仔十分喜愛的一個歌星．．．我地之前曾經討論過佢呢首歌，我亦表示歌詞內容很能夠表達我地之前分手時既情景同感受，我都曾講笑地說，希望唔好再次要我再感受歌詞內容的情景，因為真係唔好受，點知．．．它又再次來臨了．．．

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

還愛你 – 景甜

打開收音機　　聽到你消息
思念的距離變近
還是不相信　　已變成過去
陌生的臉藏著沉寂

情人變成敵人　　彼此相互憎恨
是什麼什麼　　改變了我們
是你的無情義　　還是我要逃避
也許從來就　　沒有過道理

* 還愛你　　一直愛你　　是你不了解的秘密
　說好忘記　　沒辦法忘記　　
　只好回憶　　痛到來不及

　還愛你　　一直愛你　　眼睜睜看愛情遠離
　無能為力　　再次把你抱起
　就算全世界都哭泣　　依然還愛你 *

午後陽光裡　　依偎你懷裡
聽你說永遠不分離
溫暖的氣息　　戀人的甜蜜
溫柔溶化著壞脾氣

愛情的離去　　它不留一絲痕跡
所有幸福　　是夢一場而已
到如今再提起　　快樂都沒力氣
激動的靈魂　　沒有再回去

重複*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

雖然心情差了，但回家後亦都不時祈禱，亦都希望神可以透過”溪畔靜思錄”將祂的話語同旨意告訴我．．．感謝神！我睇完之後真係平靜了很多很多．．．

是日的文章談到，在我地面對懷疑同困難時，身邊總有好多人給予我地意見，或者強迫我地立即決定，我地都不可以被他們干擾，要自己單獨與神獨處，必須安靜自己的心，在盼望中等待神；神會在我地安靜的時候，才能向我地啟示祂的愛，光和生命能通過我地暢流，神在安靜中能藉著我地發揮力量．．．神自然會為我地作出決定，亦會以祂隱密的曉諭，清清楚楚把祂的指示啟迪！只要我地有問題及方向不定向神提出，自然可以從神既微笑的光照或拒絕的陰雲中得到指示！

感謝神！我知道我現刻係要安靜地等候神既旨意同應許，唔好心急為處理而處理事情，要等待神既隱密曉諭同指示．．．希望神如果真的答應我的應許時，可以透過微笑的光照讓我知道神的應許．．．

>>June 20, 2008 at 12:08:46 PM GMT+8

2008 年 6 月 18 日 星期三 【微雨】

是日心情都是一般，因為朝早在觀塘，下午在土瓜灣，感到有點疲累．．．

放工後，去了旺角做FACIAL，做完已經九點了！行經西洋菜街，有好多賣藝的人，其實一個檔口係擺放左一點基督教書藉係度比人取閱，當然我都走左去睇．．．最後傾左陣就拎走左一本幫助自己靈修的書．．．其實我是希望送給一個我所關心，我所愛的人，希望可以協助佢日後靈修之用！突然間在搭車回程之時，我心中有一個想法．．．我終於知道，我琴日比滾水錄親手，其實係天父神佢要懲罰我．．．！

首先係我地知道BOOK唔到教堂後，我曾懷疑過神一次，是否佢唔喜悅我同A仔一齊？唔喜悅我地結婚？那麼佢為什麼又當初將我地再拉在一起？跟住，就發生了是次的冷靜期．．．到了琴日，因為我前天曾經再次懷疑過神，對神失去了信心，我擔心神會比一個我唔喜悅的結果我．．．我知道錯了，我唔應該對神存有懷疑，失去信心！

”親愛既天父神呀！我知道我之前既一切都係錯，而天父神你懲罰我其實亦都令我明白，我知道我唔應該對祢存有懷疑，失去信心的．．．希望天父神祢可以寬恕我，讓我可以有勇氣面對是次既難關，亦都給予我地信心同堅定，對抗神祢比我地既考驗！以上既祈求係靠主耶穌基督而祈求，誠心所願．．．”

今日再次睇”溪畔靜思錄”，是日的文章是講及如果我們要取得勝利，先要得到神既磨練的忍受，最後神都會為我地留了一個特別位置！而我們今天最珍視的東西，都是用眼淚同苦痛去換取番黎的．．．感謝神！我知道我必先要經過神祢既考驗才可以得到真正既幸福！所以，我知道現刻既眼淚同痛苦並唔係什麼，最重要既係，我相信神所給予我既結果會係我最真正的幸福！

>>June 22, 2008 at 2:57:44 PM GMT+8

2008 年 6 月 17 日 星期二 【綿綿細雨】

本來今日係好黑仔的，一朝早起身已經失左聲，好慘，跟住想飲熱水個熱水壺又冇晒水，仲要後來比d熱水錄到隻手，而家紅左一大塊，好慘呀！今日隻手超痛痛呢．．．可憐的我！

成日係中心都冇乜點答電話，是關真係唔係好出到聲！感恩在同事都好關心我既情況，亦都好體諒我，真係多謝佢地．．．今日真係感謝神，雖然唔小心錄到手，不過而家已經好了少少，冇咁腫了，相信查多幾次藥膏會再好一點的了，嗚！

之前睇左一個朋友的blog，佢推介了兩首詩歌，我聽完之後感覺好舒服！好似”好好戀愛”呢首歌咁，令我感覺到神既愛，同埋神既偉大．．．因為，我們愛，因為神先愛我們！我好希望可以與我所愛既人永遠相愛，就好似神愛我地一樣，係永遠長久的愛！而”天使在左右”，亦令我感到在失望悲傷中，仍然要珍重身邊人，唔可以輕易放棄！

呢兩首歌，我都好希望送比我宧愛既人，真係希望佢會留心當中的歌詞．．．

”親愛既天父神呀，我好希望你可以憐憫我地，給予我地恩典，讓我地可以努力一齊渡過呢個神，祢，比我地既考驗！我好希望透過呢次既考驗，可以讓我地更認識同了解對方，亦都可以更珍惜對方，更愛對方．．．希望天父神可以憐憫我地！亦都希望天父神可以給予我地勇氣同力量，去克服神比我地既考驗，可以讓我地更有信心同堅定去信靠主，繼續行主所喜悅及賜予的道路！我地願意將一切都交上，求神為我地安排所合適的．．．誠心所願！”

>>June 18, 2008 at 2:15:58 PM GMT+8

2008 年 6 月 17 日 星期二 【晴】

仲有另一首詩歌想同大家分享，係關心妍唱既，”天使在左右”．．．
我好希望我所愛的人可以留心內容．．．

http://www.youtube.com/watch?v=qziyNx08XKQ&feature=related

”天使在左右”

或許你努力過後仍然失望
或許你困倦了在徘徊想東想西
難道你要天色常藍陰天也很可愛
你要拍掌人生終必再滿色彩

或許你渴望過被別人肯定
或許你發現愛在陸沉鬥爭在加添
其實你要珍重旁人一生必有恩賜
你要記得你價值不少

*天使常在左右打開心願望這宇宙
請你再奮鬥忘記背後努力面對以後

天使常在左右被愛是個理由
不想去放棄才叫有自由有愛為你守候
去緊握每張手 （去關心身邊所有）

>>June 18, 2008 at 1:44:38 PM GMT+8