2008 年 8 月 8 日 星期五 【晴】

今日終於回土瓜灣返工．．．不過，今日開左個會，開完之後令我心情唔多好，成場我都係黑面的，是關又係人事問題！真係好討厭！點解呢度既人總係咁樣，咁多是是非非架呢？都唔知自己是否可以面對同接受得到呀！心情真係唔多好，好似比人屈左一餐咁．．．

放工後，約左妹妹去食野，之後一齊去左大角咀間green box唱k，都有一段時間冇唱過了，今次大放縱地唱，尤其得兩條友唱足三個幾鐘，最後死左，聲都沙埋，哈．．．不過好high好free呢．．．

跟住同妹妹一齊回家同爹地媽咪食飯，食完飯回家了，好累．．．

>>August 12, 2008 at 3:57:56 PM GMT+8

2008 年 8 月 7 日 星期四 【雨】

哈~ 今日天氣好了點, 起碼返工踩到單車! 今日返觀塘中心, 對往某同事成日, 好悶!

好在放工同A仔一齊, 即刻開?心番!

A仔聽日入camp, 我都回家兩天啦~

>>August 10, 2008 at 2:01:47 AM GMT+8

2008 年 8 月 6 日 星期三 【雨】

今日好眼訓呀．．．因為琴晚發現左件PK事，就係．．．琴日無啦啦老細叫我今朝返觀塘中心，咁我先醒起我條KEY留左係屯門呀，所以．．．今朝要六點幾起身返番屯門拎KEY囉，點知．．．唉！白痴仔呀！返到去，好多人係觀塘中心囉，我想唔起近排對面個業餘中心有暑期班，所以好早有人返黎中心開門架喇，所以我根本係唔需要特登返屋企拎KEY囉，頂！白痴仔！

今日真係黑仔，一不離二的．．．之後無啦啦小便出血！我想，我又是尿道炎了，唉！成日都係咁，都唔知點解的！即時下午去睇醫生了．．．唉，要食足五日藥，頂！好討厭！

下午回土瓜灣中心，今日下午公司為七至九月生日既同事攪左個生日會，當然我係主角之一啦，我都有份參與！食到好飽呀，因為食物十分豐富呢！好快就放工了！

放工後，就幫A仔拎舊電出去整，嘩，要等成二十個飛仔呀，等到我丫！仲話聽日七點後先有得拎．．．唔理喇，星期六先拎喇！之後，我就去左行街，行左陣，都冇咩O岩，之後買左個包就回元朗了！返到黎好眼訓呢．．．要訓了！

>>August 7, 2008 at 1:26:36 PM GMT+8

2008 年 8 月 5 日 星期二 【寒冷】

WOW~ 今日果真八號風球，仲係要一掛就掛左一整日！所以，我都一整天唔洗返工，無啦啦多左日假，真係好！可以訓到十二點先起身．．．真係好耐冇訓得咁正了，呵！

訓醒後，我同A仔食左個意式早餐，我地食香草包點橄欖油同黑醋．．．唔錯唔錯，哈！食完之後，我同A仔出左旺角，點知出到去好似一個死寂咁！間間舖都冇開，我地好冇癮呀！原本出去係要幫A仔買物資的，點知咩都冇開，攪到好麻煩！估唔到連NOKIA都冇開囉，我地本來想拎舊電去整架嘛，真係激死人！

行到七點，我地約左A仔爸爸食飯．．．我地去左上海坊到食，都幾OK，唔平唔貴咁啦．．．食完之後再行左陣，我地就回家了！好累好累．．．行左一整日呢．．．今晚要好好休息了！

A仔話明天就係七夕，即係中國情人節呀！哈．．．一向對呢個節日都冇咩知道的，突然提起都對呢個節日有點興趣呢．．．

>>August 7, 2008 at 1:17:43 PM GMT+8

2008 年 8 月 4 日 星期一 【寒冷】

今天繼續返工，但係精神真係麻麻．．．最慘既係，今日仲要上庭，好在個case唔難攪，而且仲成功左，好開心！不過，開心都開心唔過個工友親口多謝我之餘，仲話想寫封信或者寫張卡去感謝我添．．．哈，即使最後佢有冇做到都好，我聽到都好開心了，心都甜晒，證明自己既心機同精神係冇白費丫嘛！

完左之後去左西九龍行左陣，點知都可以買到野喎，哈！之後就回中心了！好經辛苦捱埋個下午，因為真係太眼訓了！放工後，回家自己屋企食飯，好耐冇見過妹妹了！見佢而家心情好了很多，我都好安心！希望佢真係知道，身邊係個個都好愛佢架，尤其係我地至愛既神！食完飯後，我就join左A仔一齊回家！佢中心今日發生大件事，有青年人在中心打架呀，真係．．．唉，想起以前做青少年中心時，呢D咁既野真係三日唔埋兩日就發生，真係想起對以前既工作，有點難捨難離既感覺！真係又愛又恨架！以前見住D細路就會好開心，同佢地HEHE哈哈咁就一日，見住佢地長大，改變，成長．．．真係好開心架！雖然，好多時都會比佢地激親，不過，都會繼續用心去愛佢地，幫佢地．．．不過而家既工作都好有使命感的，都幫到唔少人的！而家幫到好多工友打倒不平事，我都好開心架！

回到家已經好夜了．．．而家係三號風球呀，睇黎聽日掛八號既機會真係好大．．．當然，掛八號都好既，可以訓多D丫嘛！

>>August 7, 2008 at 1:12:16 PM GMT+8

2008 年 8 月 3 日 星期日 【晴】

嘩嘩~ 好多日冇寫日記了．．．都冇心機再寫番呢幾日發生咩事喇，不過，都可以輕輕講講！星期四果日就慘了，病病呀，好辛苦，夜晚返覺已經係好鼻塞，又喘架喇，鼻水不斷流落黎，超級敏感囉，辛苦到爆！後來都係要睇醫生呢！

至於星期五至日，哈，係一個歡樂時間！星期五朝早同下午照樣返工，工作沒有特別，加上已經有晒holiday mood，所以返工成日想快d放工，哈！終於四時三十分放工，就快手走人，哈，今日拎左一粒鐘CL嘛！走人後就上左深圳JOIN我既A仔同朋友TING，JOIN後就一齊去左搭火車去廣州！到左廣州，我地就去左我地預先BOOK左既青年旅舍CHK IN，跟住就係度休息同hea了，所以呢晚好早訓．．．

星期六就豐富了．．．我同A仔都成十點幾先起身，而TING真係勁，六點幾已經出左門口，約左朋友上白雲山喇．．．嘩！我地都認識左TING既朋友，都好NICE同好好傾，個樣乖乖仔咁，我都幾LUM呀，哈！A仔都呷呷地呢，呵！成個星期六我地都係行街，買左好多野，行左好多地方，好開心！不過，我地之前去過既藝景園真係收左皮喇，而家淨番都唔夠以前既三分一，分分鐘好快收埋皮架喇．．．夜晚我地去左飲夜茶，好GOOD呀，只有廣州先有咁既文化架咋！香港係冇夜茶的，呵！

星期日都訓到十一點呀，好累呢．．．跟住CHK OUT，我地就去左天虹區果頭，先食野，再去左購書中心行．．．行完都三點幾了，都去左搭火車返深圳了．．．返到去即時再去福民果頭拎婚紗相．．．唉，今日都仲有野未拎得晒，仲有個音樂盒未有貨喎，要下星期先有囉，真係激氣死呀！次次都係咁．．．不過，見番D相又好開心，覺得好SWEET呢．．．呵！

至於今日，唉．．．好辛苦，琴晚成晚係度喘，唔知點解！最後都係頂唔順，今日冇返工呢！太辛苦．．．直至去睇醫生時都係喘緊，而睇開果個醫生又冇開門，佢放假呀，唯有去睇住另一個先啦．．．返到屋企食左碗粥食左藥就訓，一訓已經係七點了！

>>August 4, 2008 at 11:51:55 AM GMT+8

2008 年 7 月 29 日 星期二 【晴】

今天照樣工作，朝早出左去沙田做野，可以十點三先去到，所以遲左起身，又可以訓多少少．．．不過一朝早又比個衰女叫醒左，係六點幾果陣．．．想死！好似冇訓過咁，是關佢成日係我個頭上面跳來跳去囉．．．哈！

完左份工作，就係沙田食野．．．終於去左間fresheness burger度食．．．之前只係銅鑼灣接過d傳單，已經果刻好想試，點知比我發現有間係沙田既連城廣場喎，梗係要試！其實都唔平，一個包around $20-$30，如果想要set就可以加多$20一個中set或加$26轉大set．．．我最後計計下都發現要中set抵d，因為散叫野飲都要廿幾蚊杯，唔多抵囉．．．最後$46埋單！不過，佢個薯角好好味，又新鮮又正．．．好回味！不過，都係唔太食得晒，所以take away左個薯角！之後行左陣街，係uniquolo度買左d野，因為佢仲有discount！後來再去左行突破，最終買左本聖經比A仔．．．希望佢可以好好運用啦！

走果陣，本來打算行去帝都酒店搭車，點知佢因為奧馬關係，果頭做左運動員既宿舍，所以封晒路．．．我唯有再搵路去前一個站啦，點知搵左幾耐呀！想死！又熱又晒呀！唉．．．最後成兩點八先返到中心！

下午時間好似過得好慢咁．．．．有其中三個同事上左天堂開會，傾大件事！上頭開始發慌了，眼見連續咁多次既工潮發生，眼見人地咁好成績，唔好話唔眼紅人囉！不過最死係，上頭推去我地身上推得一乾二淨，實在太過份！而家攪到好大件事，我地人手都可能有所變動，而家都唔知會點？分分鐘我會比人調走去其他地方幫手囉．．．而八月中又要攪一次大龍鳳喇，我地今次有排忙了．．．唉！

放工快手返元朗，因為今晚約左妹妹去食野，之後係CLUBHOUSE做GYM，點知妹妹多野做，遲左放工，我地成七點九先至食飯．．．食完飯返到屋企已經係八點半了！最後，決定唔做GYM，只係去STEAM下啦．．．好想好好RELAX！妹妹近日都好忙，佢都想對自己好點，呵！完成後果然舒服，我同妹妹仲傾左好多計添，好開心！妹妹黎左探我個女MUI MUI，個衰女都不知幾開心，因為佢又有多件玩具比佢玩喇，哈！

>>July 30, 2008 at 2:30:40 PM GMT+8

2008 年 7 月 27 日 星期日 【晴】

今日天氣相當熱呀！今朝睇報紙話琴日最高有成三十七度喎，好可怕呢．．．唔知A仔果度點呢？天氣是否同樣咁熱？每當收到佢既EMAIL我都特別開心的，而且得知佢平安無事，我都十分感恩呀！希望佢地既旅程可以繼續順利同平安完成啦．．．加油呀！好期待今個星期五同佢見面呢．．．快D到星期五啦．．．

今日放工後返左屋企，同媽媽食左飯，好開心，又有愛心靚湯飲了．．．good~ 之後再返元朗，又係拉住一個
o急去．．．返到元朗又見到個衰女，又係跳跳崩崩的唔停，又成日咬我，我隻手已經損鬼晒了．．．好可憐！我好想有人呵呵呀．．．嗚！

聽日真係好，可以晏少少起身．．．因為今早去沙田勞工處做野．．．又可以承機做完野係沙田行陣了，呵！

>>July 28, 2008 at 3:20:32 PM GMT+8

2008 年 7 月 26 日 星期六 【晴】

今日冇返教會呀，是關起身果陣有點唔舒服，所以最後留左一個人係屋企度抖下．．．起身後諗住開電腦，點知個機死左，整左成粒鐘都唔得，頂！

後來係屋企執野，執左好多野，好累．．．不過間房而家清簡左，好事！之後同左屋企人落街飲茶，果陣已經係三點半了，食到好飽！後來去左配con，因為用晒了，今次嘗試配一對有防UV的，希望試左會好用啦．．．好用就聽日打去confirm要貨先．．．

夜晚係屋企食飯，食完飯發生了小插曲！同左爹地嘈交．．．最衰係佢，人地係度執野，佢就阻住人，仲係度攪我，又整我個頭，差點整爛我副眼鏡，仲整親我隻眼，又無啦啦打左我一下，攪到我幾嬲，我咪向佢發火囉，已經不斷再三警告唔好攪我，點知佢係都要玩，最後玩出個火，我打左佢一下，之後一怒之下拎埋野就出左門口去元朗．．．因為我諗住入元朗住三個星期，今日諗住搬野過去的，佢臨我走之前搭lift都要挑釁我，最後攪到不歡而散．．．好討厭！我好怕係我做緊正經野時就有人黎騷擾我，好憎！不過．．．我知自己打左佢一下都唔o岩，始終係老豆嘛！唉．．．好煩！

我而家好怕佢，成日佢d死人脾氣郁d就會同人嘈交，好討厭！有時唔想同佢嘈，佢又特登去挑釁你．．．我知佢老左喇，而家把火仲勁埋添．．．有時好想避佢，唔想同佢嘈，佢又係咁”了”你，好討厭！最後，都係認衰仔，send左個email比佢同佢say sor打左佢一下．．．唔知最後如何！不過．．．此時此刻好唔想見到佢囉，實在太令人討厭了！

去到元朗，個衰女又煩又曳，又跳又攪住晒，人地心情已經唔好，仲要攪住我．．．最後放左佢入籠．．．好煩！又叫又嘈咁．．．想死呀！

今日天氣十分反常，無啦啦黃昏時落雨，仲話元朗粉嶺有冰雹添，好可怕呢．．．頭先收到a仔既email好開心呀．．．希望可以keep contact就好了．．．

>>July 27, 2008 at 3:53:36 PM GMT+8

2008 年 7 月 25 日 星期五 【晴】

今日得我一條友係觀塘返工，都咪話，都幾FREE架，哈！好經辛苦捱到一點放工，之後約左媽咪同佢D朋友去左長沙灣行街，行下香港紗廠．．．嘩，超多平野囉，平日要買百幾二百蚊既野，而家幾十蚊有交易了，正到爆！我都有入貨，買左兩件衫同一個真皮袋，十分之抵呀！好開心呀！不過就好累．．．之後同左成班人去鴻星飲茶，嘩，好死貴，每個人食左五十幾蚊囉，不過只係飲下午茶咋！不過算啦，冇幾何請媽媽飲茶，都係時候做下乖女了．．．

之後我地繼續行，行多陣就走人了，回家時好累好累．．．之後再同爹地媽咪出去食飯，好飽飽．．．

A仔終於今個下午出發去左湖南了，剛才佢SMS我話佢已經係廣州上左火車去湖南了．．．希望佢旅行愉快同平安啦．．．我會日日都掛住佢架！

>>July 26, 2008 at 4:57:27 PM GMT+8