2008 年 7 月 4 日 星期五 【晴】

今日返工好眼訓呢~ 又係一條友番觀塘，唉！逢星期六一個人係觀塘都總係覺好悶，而且，隔離業餘中心晨早又有堂上，好多細路走來走去，又多家長傾計係度等細路放學，所以成個地方好嘈，好似街市咁．．．要聽個電話都好吃力，好似同出面d人鬥大聲咁，又聽得辛苦．．．好討厭！所以星期六唔鍾意係觀塘．．．

終於放工，先返左屯門，去到市中心落車，同左媽媽去食野，去左元氣食，好似好耐冇食過了，不過，好似覺水準差了，又唔係太多選擇！我都開始不太喜歡食元氣了！以前曾幾何時都同A仔食元氣食得好密，果時仲有埋會員卡架，不過．．．而家真係唔多喜歡吃了！可以的都會選擇其他壽司店吃吧！

之後一個人行街，因為媽媽去左做瑜伽！後來買左d新既內衣，係時候換一換屋企果d又殘又舊的了，哈！其實，我都發覺自己對於內衣好有辟好，好鍾意買靚靚既內衣，但係，我又唔係收藏，都會著上身既，哈！行完一個人回家，返到屋企覺好累好眼訓，最後訓左九個字！訓醒就換衫了，要入元朗！入到元朗，A仔整左野比我食，佢而家廚藝大增了，哈，咁我可以懶懶了，呵！

食完野，我地做左一件大事，就係．．．因為之前拎左d窗簾去洗，所以今晚要勾番d勾同埋掛番上去．．．呢個工程十分龐大，是關．．．我地整晒之後先發現整錯左，頂！所以又要由頭整過晒，嘩！傻左！足足整左個幾鐘囉．．．天呀！手都軟埋．．．不過，而家靚番晒喇！

>>July 6, 2008 at 12:53:34 PM GMT+8

2008 年 7 月 3 日 星期四 【晴】

wow~ 超級眼訓呀．．．因為琴晚又係夜訓吧！是關明日有叔叔來裝我房既冷氣，我要執空個位置比到叔叔裝機丫嘛，真係多野執，執到我丫？妹妹又掛住同男友傾電話唔幫手，激死我喇．．．媽媽佢星期三，七．一，果日買左部冷氣換我間房部冷氣，因為部機明明洗左都唔知點解好死熱囉！好累好眼訓呢今日，好似遊魂咁，今日返工又遲左到呢，真衰．．．

今日係土記，都ok充實，是關今日都幾多walk-in case要做，係朝早忙點同悶點，因為得我同阿姐係度，d同事出晒去做野．．．下午食完個飯，睇左緊電視，個人仲累囉，唉，下午大部份時間都係得我同阿姐係度，好悶呀！不過講真，阿姐又捉住左我同佢傾好多野了，有時，唔聽又唔得，佢問開我一d其他同事既野都唔知點講好，我唔想篤人背脊囉，所以我都好多時好兜晒圈咁講，哈！盡量要win win啦，哈！

放工諗住搭小巴出旺角先，點知架死人車等左二十分鐘，兩架都係滿座，頂！最後走左去另一邊搭另一架小巴出旺角，激死！出到去已經六點一了！明明五點七走人，就攪左我咁耐時間！返到去屋企，好累好累．．．訓左係床度，同波波一齊訓，波波都不知幾咁happy，有我呢個大玩具陪佢訓！跟住快手食完個飯，就執定野準備出發去元朗！

今日辛苦了A仔，因為佢今日放假做左好多野，包括去左量度d窗口既尺寸，跟住再要出去買貓網，再返屋企度下，又再出去買晒返屋企裝．．．真係大工程！而家個屋企好似變左籠屋／公屋feel咁，做左網中人！係有窗口既地方都已經被鐵網重重包圍住了．．．係就係桃突左d，不過，為左貓b都冇辦法啦，當你決定左收養佢，就要為佢既一切著想的了．．．我地決定左16號會去接佢返屋企了，所以今日A仔都去買埋個籠籠比貓b，不過暫養家庭既姐姐話貓b好唔鍾意困住，一入籠就會係咁叫．．．唉，都冇計，要有人全程睇住佢係好困難既事黎，點都有機會入籠籠了．．．貓b真係要好好習慣了！

到目前為止，我地仲未為貓b改好名，曾經諗過想叫"茶茶"，因為佢係"茶"色，不過．．．A仔爹地好似唔多鍾意咁呀．．．頭痛了！

>>July 5, 2008 at 1:40:40 AM GMT+8

2008 年 7 月 2 日 星期三 【晴】

今日好眼訓，是關琴晚夜訓，今朝又早起．．．嘩，好慘！今日係土記返工，都幾充實，OK多野做．．．今日下午有茶飲，因為七．一又有一餐食了．．．係呢度做都幾好，無啦啦又會有餐飯食下，哈！食左好多野呀，今次肥死．．．

放工後要開會，好在大阿姐請我地食TEA，精神為之一陣！食左個我至愛的奶油豬仔包，正！仲有燒雞翼，哈！好飽飽．．．開會開到八點半呀，天呀！超累，好眼訓．．．以凡所知A仔仲慘，佢今日去左西貢PRE-TRIP，佢成七點仲係西貢囉，慘慘．．．返到去就好夜了，累死佢喇．．．唔知佢仲有冇頭痛添呢？

>>July 3, 2008 at 3:20:43 PM GMT+8

2008 年 7 月 1 日 星期二 【晴】

今日天氣同樣十分好，真係感謝神琴晚比我可以好平安平靜咁休息，今日可以有足夠既精神面對工作．．．今日如常工作，一個人在觀塘做野，都係幾悶咁過，好在都有好多電話陪伴住我渡過．．．到左下午，我去左果間"新之食"買我至愛食既茄蛋牛手攪面，正！只係$18咋．．．食完就準備走人，因為今日又要出去尖咀上電腦堂．．．早左少少走人，出到去尖咀去左行美麗華，去左uniqulo行，買左一件小背心．．．跟住就趕去上堂，好在好近，係正諾士佛台果邊！

今日電腦堂教excel，從來我真係一d都唔識用excel．．．不過經過今堂，我認識又多左了，我希望日後有機會可以運用佢多點！哈！有多了點信心用佢了．．．放左學，再去左美麗華行，行左陣muji，諗住難得去開尖咀嘛．．．跟住買左點零食，諗住去搭村巴走人，點知等左成廿分鐘先有車黎，車到左都仲要等多十五分鐘．．．頂！最後成六點三先開車！本來今晚約左A仔去市中心食飯，佢六點三就打黎話六點半走得，唉．．．最後我都要成七點三先去到市中心join到佢，是關我要返一返屋企先，我要放低大袋超重的file呀，因為聽日開始要返土記了，要拎番晒d野返去．．．

我地發現左椰林閣原來係錦華果邊有間cafe，都ok既，我地食左個二人餐，都幾抵食！食完之後，我地開始傾我地既問題．．．我地傾左好多野，都搵左個方法去嘗試解決．．．當然，我好希望大家可以過到關啦．．．我地亦都諗左好耐幫貓b改做咩名好，叫妹頭？妹豬？糖糖？
o者喱？豆豆？．．．呀．．．仲未有結果，哈！要努力諗諗了．．．

食完野，A仔同我返左屋企，執左點野就過佢度．．．因為夜了，所以搭的士，超快，廿分鐘到．．．好耐冇搭過的士去元朗了．．．今晚A仔佢個頭好痛呀，可能近日太夜訓太早起吧，又加上工作忙碌．．．希望佢快點唔好痛啦，擔心佢！

>>July 3, 2008 at 3:13:06 PM GMT+8

2008 年 6 月 30 日 星期一 【晴】

今日既天氣真係好，直頭係又晒又熱呀！已經好耐冇咁既天氣了，都感覺幾舒服丫．．．雖然係熱左少少！

今朝十點幾就起身了，其實琴晚十一點已經訓了，實在好累好眼訓嘛．．．起身後就同左爹地媽咪去食野，去左太興食，我覺麻麻地好食啦，而且都唔平囉，我自己就唔會去呢度食喇！食完之後同佢地行左陣，跟住就出去了，因為今日約左A仔一齊出去荃灣去睇貓B．．．心情好期待呀！感謝神啦，首先係過程中我感到好開心，包括係同A仔相處方面，同埋同貓B相處方面．．．另外，就係感謝神貓B身體沒有什麼問題，醫生叔叔話佢只係擔心身體入同耳仔會有蟲蟲，其他方面應該沒有問題！成個過程我都感到愉快，真係感謝神！相信A仔已經決定收養這隻小可愛了，當然，我都好希望可以做小可愛的媽咪，好好咁照顧佢，直至佢終老．．．如果需要到我的存在，我必定用盡力量吧，但唯一的是．．．我是否有這個榮幸及資格去照顧小可愛呢？現在還是未知未數．．．

明晚會再約A仔去傾我地既問題．．．其實，真係每次都總係感到有一鼓的壓力，因為，始終對於個結果我仍然十分不能估計，我往往都好擔心個結果可能係並非我所願的．．．當然，我要相信神，我知道神會與我地同在，當適當既時候佢就會出手，出現係我地當中，幫助我地渡過難關，帶領我地走到一個幸福適合我地既境地．．．我知道神已經有祂的安排，我地更加唔可以一意孤行，唔等待神既旨意出現，就自把自為，最後可能只會得出一個不良結果．．．但係又好矛盾的是，我好希望事情可以快點得到一個完滿的結果，好想神盡快帶領我地逃離困難，讓我地自此事更懂得相親相愛，珍惜對方，更懂互相尊重，更會信靠主．．．所以，真係好矛盾吧！但係，我同自己講，唔可以心急，要耐心等待神的旨意出現！

”天父神呀，求你給予我聰明智慧，平靜冷靜的心，勇氣，堅強的心，去處理及面對困難；又懇求神可以憐憫我地，賜予我地恩典，協助我地，帶領我地，早日逃離困難，可以達到一個神你所喜悅的境地．．．我地願意將一切都交到你既手中，好讓你為我地安排．．．願上既祈求，係靠主耶穌基督既聖名而求，誠心所願．．．”

>>July 1, 2008 at 2:13:54 PM GMT+8

2008 年 6 月 29 日 星期日 【綿綿細雨】

今日係高考放榜，實質好似與我冇乜關係，係都已經係好十年前的事了，呵！是關今年堂細佬考高考呀，所以我今日同妹妹都特別緊張．．．作為過來人，真係好清楚明白當中的壓力同感受的．．．我一朝早九點半就send了個sms比細佬向佢了解情況，佢又衰，只係講聲英文衰左就算，攪到我鬼咁擔心佢．．．叫佢打比我又唔打，真係丫！好在後來到左下午，佢終於肯打個電話黎．．．佢成績同妹妹果時差不多，哈，都係衰左科，佢就英文，妹妹係中化囉．．．唉！之後有科D，其他就E．．．坦白講，要入U都冇困難d既事了，衰了科英文真難攪架，不過，當然都要比點鼓勵細佬啦，唔可以再比壓力佢架喇，我明白心情會好差的．．．

我都盡量比好多意見同分析佢，但係發覺佢都好多野都唔知，佢學校d老師都唔知點攪的，什麼都唔講比學生知，叫學生點識得報科？例如可以出年補考再combine cert.，IVE第一年可能係dip.而唔係high dip等．．．我同妹妹都會計劃盡量幫佢架喇，始終．．．得一個細佬嘛！我都係過來人，當時我都好好彩有A仔幫我咋，如果唔係都係同樣方寸大亂了．．．

另外，琴晚A仔send左個email比我話約我1/7去探之前講起隻小貓b．．．我估見得隻貓b，應該佢身體健康沒有大問題吧，真係感謝神！二來，可以終於見見佢了，真係好開心興奮呢．．．好期待呀！見相相已經覺佢好可愛了，唔知真"人"如何呢，哈！如果同貓b玩過覺大家都有夾同有緣份既，真係好想收養佢呢．．．唔，同佢改做咩名好呢？要買定d貓貓用品了，要問下人貓b要吃什麼先得．．．哈，而家呢刻種興奮就好似自己就黎做媽媽咁，要為佢準備好一切一切，例如生活所需，要儲定筆錢供書教學咁囉，呵！好緊張呀．．．明天可以見佢了！小可愛，我明天來了．．．．

>>June 30, 2008 at 8:19:15 AM GMT+8

2008 年 6 月 28 日 星期六 【綿綿細雨】

今日懶懶，沒有出到教會，加上，唔太想見人住，所以．．．承機訓晏點啦！但係今日都係充實的一天，因為今日下午同左妹妹去屯門市中心間UA睇戲，我地睇左"NARNIA - PRINCE OF CASPIAN"(魔幻王國 - 卡斯帕王子"．．．其實當佢上畫時已經想睇了，是關上年睇左佢第一套既”獅子．魔衣廚．女巫”，果時仲因為太好睇而買晒佢一套既英文版睇添．．．不過，當然仲未睇晒啦，是關．．．英文丫嘛，哈，睇到半路已經放棄了！

今次呢套PRINCE OF CASPIAN真係特別重宗教意味，其實佢上集都已經集中講"主復活"同"撒旦既引誘"，但係今集更加明顯的講到"主是與我地同在的"，"背叛主的後果"，"撒旦的引誘"，同埋"主的威力是十分強大的"．．．所以今套真係令我有很深刻的感受，睇完有好舒懷的感覺，亦都好同意當中的意思．．．我知道當我地遇到困難時，我地要知道主是永遠會與我地同在的，而且，佢係適當的時候自然會出來幫助我地！如果我地唔相信有主的存在，而且一意孤行的去強行處理事情，最後事情只會失敗或者弄得一團糟！加上，我地身邊不時會滿報了撒旦的引誘，我地必定要堅定自己的信念，自然可以得到成功！而且，唯一只有相信主的人，才可以得到主的愛同住同在！而且，不可以對主存有懷疑，否則我們便去不到一個快樂且安全的境地了．．．而戲裡，正正獅子"阿斯蘭"就是代表了主，"白女巫”就是撒旦了．．．真係好有感受同回饋吧！感謝神！今日可以透過這套戲裡得到更多神的旨意．．．

睇完戲，同妹妹行了一陣市中心，然後回家吃飯！吃飯時又睇了套DVD，是"JUMPER"（越空行者)，係講有一班人佢可以好似隨意門咁，隨時利用心靈傳遞的方式四圍咁去，而有一班叫做游俠，佢地就係要捉呢班心靈傳遞者，怕佢地會做壞事！不過．．．好似內容麻麻地吸引我，快手睇完之後都算了！我一向對於此類的戲都不太大興趣的，呵！

明天要返工了，返多一天又是假期，但是暫時冇節目．．．琴晚同A仔傾了計，談起了佢想收養一隻小貓B．．．我都見過此隻貓B的相相，十分可愛的，而且好可憐！我都曾經想收養她，可惜家中已有一隻老貓波波，相信佢未必可以接受多一隻貓存在，而且分分鐘佢要幫手照顧埋隻貓B添，佢邊有咁好心機丫，唉．．．所以，真係打消了念頭！幸好，A仔表示佢都有興趣收養，我都好希望貓B早日找到個愛錫佢，合適佢既家．．．當然，如果可以日日見住佢既我會更開心囉，哈！唔知，我可否有咁既榮幸呢？

>>June 29, 2008 at 2:44:20 PM GMT+8

2008 年 6 月 27 日 星期五 【微雨】

今日天氣真係唔多好，今朝出門口時落到好似倒水咁，所以我都帶定對涼鞋出去，驚到時濕晒都可以有鞋換！點知出到去土瓜灣又冇咁大雨喎．．．

今日都唔太忙，其實係土記一向都比較少點野做，電話都少一倍啦．．．返工中途，妹妹打比我，話佢今日下午約左朋友去唱k，問我去唔去．．．諗左陣見又冇晒做，算啦，去啦！不過佢地約左三點呀，所以我就一條友過左無聊既兩粒鐘，好難捱，天氣又差，都冇咩地方好行，只係一條友去食左碗車仔面，行左陣家樂商場同尚書房囉．．．

其實初時都幾爭扎，有諗過唔去，是關近排好怕見人！怕見人唔係話因為近日訓得唔好，個樣殘晒；又唔係話要做孤獨精要封閉自己；只係．．．好怕有樣野會發生！點知，今日就正正發生左！就係．．．我好怕d朋友會問：喂，annie，你婚禮既野準備成點呀？．．．唉，真係好怕，因為耐冇見既朋友必定會問呢個問題的！點知，今日其中一個朋友就問左呢個問題．．．我初時都"O"晒咀唔識得答，佢又不斷係咁問我喎，最後我唯有好敷衍咁答左佢就算！真係尷尬非常！所以，近日經烺性閉關，足不出戶，唔約朋友，都係為左呢個原因！

我知，我係冇需要同任何人交代任何原因的，只係．．．我自己好怕面對果種情境o者，係我擔心唔知點應對，好怕人地會問長問短，又好怕自己忍唔住開心．．．唉！所以，我而家都盡量好少同人講我同佢究竟發生緊咩事！even屋企人也不知道！最親的密友亦都唔知，事件只有我知佢知同天父知！所以，有時候都幾大壓力，因為唔可以搵人分享同分擔，都幾辛苦下！但係，我又唔想未有結果就冇晒信心，又唔想要屋企人擔心．．．無可否認在這一刻，我仍然有信心的，我會堅持下去，因為，我相信愛可以戰勝一切的！

今日唔知點解心情總係麻麻，可能．．．每逢假日倍思他啦！近日放假，又會回想起往日同佢開心快樂既日子．．．尤其今日去唱k，唉，更加的是勾起了好多回憶，係快樂既回憶！真係好掛住佢呀！好希望天父神可以給予我地力量去渡過神呢次比我地既考驗！我相信神必定會帶領著我地渡過難關的，只要我地願意信靠主，堅定地依靠神！．．．我地要努力呀！一定要有勇氣面對困難呀!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

勇氣 --- 梁靜茹

終於作了這個決定　別人怎麼說我不理
只要你也一樣的肯定
我願意天涯海角都隨你去　我知道一切不容易
我的心一直溫習說服自己　最怕你忽然說要放棄

愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡　你的真心

如果我的堅強任性　會不小心傷害了你
你能不能溫柔提醒
我雖然心太急　更害怕錯過你

>>June 28, 2008 at 3:52:48 PM GMT+8

2008 年 6 月 26 日 星期四 【乍寒還暖】

今日終於下午開始有番少少太陽，真係好，終於可以見番下陽光了，已經落左雨好多日，真係令人心情都差點啦．．．

近日成日都覺得好累咁，明明夜晚係一覺訓到天光的，但係起身總係黑眼圈大大的，個頭又痛，又好累好眼訓咁．．．不過，近日確實幾累，因為工作都忙．．．唔知點解近日既查詢電話特別多．．．我今日下午又趕，要係觀塘出去西糙盤果邊個西區裁判署做野，仲係要五點出到去開會，要開OT呢，真係．．．疲累到唔識得形容！

今日突然間好掛住一個人，或許．．．因為昨晚發夢見到佢卦，真係好掛住佢！但係點解往往夢境與現實要有一個距離？唔知點解，琴晚發左兩個夢，我總係覺得當中係天父神比我既啟示咁．．．我相信當中係有旨意係度架！唉，真係想時間快點過，因為日子真係好難過呢．．．

明天下午同星期日的假期，同樣係什麼節目也沒有！其實，一來沒有什麼推力去什麼玩，什麼約會，什麼見人．．．唔，可能心情仍不是太輕鬆，我唔喜歡玩或約會自己唔投入，我喜歡投入活動，但係，我相信我現刻係冇呢個投入感囉！等了又等．．．

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
等了又等--陳潔儀


但願栽花可以忘掉傷感
季節變遷了 始終不改我心
但願你未在人生中消失
抹掉眼淚為你再等


時日秒秒細緻像塵
仍為你記錄了在何年何月與日
曾是愛過便叫人興奮
縱讓折磨的心 等了又等


愛著你 掛念你
渴望你前來和我接近
花也哭 花亦笑
似在說 無望也不要緊


我願意 有日會
一覺甦醒這夢會變真
你若有日回來 重生多可愛
盼為我 親這心 深深去吻


但願花朵可以陪伴一生
季節變遷裡 細數天天變更
動物作伴 未能開解痴心
暗地裡又為你再等

>>June 27, 2008 at 2:46:29 PM GMT+8

2008 年 6 月 25 日 星期三 【颱風】

感謝主~ 琴晚雖然心情唔太好，不過主都比我有平安既一晚，感謝主！今日朝早都麻麻地忙，時間好似過得好快咁．．．可能因為今日遲到啦，今朝已經早左出門口，預左一定塞車，點知出到去車站，條龍長到嚇死人，而且班班車都係full架，都唔知點解，出到去又塞車，我最後九點半先返到公司囉．．．可能咁樣時間好似過得快左卦！

今日約左表哥食lunch．．．雖然時間短暫，不過大家都好享受過程，邊食邊傾計．．．咁又屈左表哥一餐，哈！食完飯返去中心，下午都幾忙，今日既電話唔知點解好似多左，聽到有點累呀！放工後繼續一個人回家，同樣在車訓不著．．．唔，心情都不是太好，不過尚算平靜吧！

今晚繼續看”溪畔靜錄”，是日文章是講及神既威力，祂是願意為自己的兒女做任何事，只要我地決不要擔心絕對遵循神的命令會產生什麼後果，決不要害怕當前的洶湧波濤，雖然呢d困難阻撓住我前進，但係神既威力比呢d巨浪還要大；我地要放膽相信祂！放膽跟隨祂！然後我地會知道阻撓我地前進同威脅我生命的力量，其實係在祂命令之下用來建造我地可以自己來往的大道路材料．．．所以，我必須要信靠主，因為祂必定會牽引我走，帶領我走過所有困難同考驗！主是已經為我準備了一條道路，我要對祂對自己都存有信心！

親愛既天父神呀，感謝你．．．係你讓我明白你係會與我地同在，你係會在困難中帶領著我地，你一定會在困難中伸出手去帶領我地逃離困難．．．天父神呀，我願意將一切都交托予你，讓你為我安掛一切，願意信靠你，依靠你完成呢一條滿有障礙的難關同考驗！我知道是次係主對我地兩個既考驗，我地相信，如果我地能成功渡過呢個考驗既話，我地往後必定可以更相親相愛，更會珍惜對方，更會懂得愛，更會愛神，更會依靠神．．．願神祝福我地，憐憫我地，協助我地成功渡過是次既考驗！以上祈求係靠主耶穌基督既名而求，誠心所願．．．”

>>June 26, 2008 at 2:41:45 PM GMT+8