2008 年 9 月 12 日 星期五 【晴】

今日心情真係大起大趺．．．而家好唔開心！個心總係覺得自己好似做錯點事．．．有點後悔比左封信佢！今日係中秋迎月的日子，但發生呢件不愉快的事，心中真的很難受．．．原想與至愛的人渡過人月兩團圓的時間，可惜卻做成這個地步，心真的很傷痛好後悔．．．

今日去左青衣IVE講TALK，完左之後就發生左件事，同A仔嗌左場大交．．．而家個心好UP好痛！曾嘗試挽救，但係好似什麼都做唔到．．．亦都衝動地一次過寫左近日既感受寫左封信比佢，仲SEND埋出去添．．．而家仍然未得到回音，感覺有點後悔！下午曾喊了很多遍，亦祈禱了不少次，心中有很多困惑同疑問．．．好想得到一個答案！唔知應該如何是好？當然希望有機會可以與佢一起面對同處理．．．但心中又很怕面對壞結果！完全唔知點解，口同心果句完全唔一樣！口講我不怕放棄！但其實心卻不是願意放棄！．．．十分矛盾無奈！真係心情差到極點，連午飯同晚飯都沒有吃過，心中不斷在流淚，眼眶亦盈著眼淚．．．

唔知佢而家在想什麼？會有什麼感受同想法？有什麼計劃同打算？我什麼都想不到．．．唯一只想的是．．．希望可以同佢好好見面談談．．．

或許，我地近日既生活太苦悶了，係時候比大家一點的衝擊！曾經想過，可以選擇去一個二人世界的旅行，去緩和一下現況．．．或許這個是一個很好的選擇！可惜，我唔知道佢會否想與我一起做這一個行動？

我而家只想說．．．對不起，或許我的真心說話確實是傷害了你！請原諒我！

親愛既天父神呀！當刻，我相信是你給予機會我，去推動我去將自己的感受告訴對方知道！因為係神你讓我知道，我正正就係要以”真我”去面對讓我所愛既人！正正就係要坦坦白白的面對我所愛的人．．．可惜對方仍未有任何回應．．．我好擔心呀！希望天父神可以讓我得到一個回應及啟示吧！亦希望天父神可以幫助我地緩和現況，讓我地可以找出解決問題的方法，給予我地知道”愛”的真正意義及重要性！這次相信是神對我地既考驗．．．我希望神可以幫助我地跨過到是次既考驗！可以達到神心目中和喜悅的結果！我知道神係要讓我地知道，我地既愛係唔可以受少少的風波而受影響，反而要學習堅定不屈的穩定下去．．．我願意將一切都交到神手中，好讓神為我地安排一切！我相信神必定會為我地安排更適合的結果！以上既祈求係靠主耶穌基督既聖名而祈求，誠心所願．．．

>>September 13, 2008 at 3:39:01 PM GMT+8

2008 年 9 月 12 日 星期五 【晴】

今日心情真係大起大趺．．．而家好唔開心！個心總係覺得自己好似做錯點事．．．有點後悔比左封信佢！

今日去左青衣IVE講TALK，完左之後就發生左件事，同A仔嗌左場大交．．．而家個心好UP好痛！曾嘗試挽救，但係好似什麼都做唔到．．．亦都衝動地一次過寫左近日既感受寫左封信比佢，仲SEND埋出去添．．．而家仍然未得到回音，感覺有點後悔！下午曾喊了很多遍，亦祈禱了不少次，心中有很多困惑同疑問．．．好想得到一個答案！唔知應該如何是好？當然希望有機會可以與佢一起面對同處理．．．但心中又很怕面對壞結果！完全唔知點解，口同心果句完全唔一樣！口講我不怕放棄！但其實心卻不是願意放棄！．．．十分矛盾無奈！真係心情差到極點，連午飯同晚飯都沒有吃過，心中不斷在流淚，眼眶亦盈著眼淚．．．

唔知佢而家在想什麼？會有什麼感受同想法？有什麼計劃同打算？我什麼都想不到．．．唯一只想的是．．．希望可以同佢好好見面談談．．．

或許，我地近日既生活太苦悶了，係時候比大家一點的衝擊！曾經想過，可以選擇去一個二人世界的旅行，去緩和一下現況．．．或許這個是一個很好的選擇！可惜，我唔知道佢會否想與我一起做這一個行動？

我而家只想說．．．對不起，或許我的真心說話確實是傷害了你！請原諒我！

親愛既天父神呀！當刻，我相信是你給予機會我，去推動我去將自己的感受告訴對方知道！因為係神你讓我知道，我正正就係要以”真我”去面對讓我所愛既人！正正就係要坦坦白白的面對我所愛的人．．．可惜對方仍未有任何回應．．．我好擔心呀！希望天父神可以讓我得到一個回應及啟示吧！亦希望天父神可以幫助我地緩和現況，讓我地可以找出解決問題的方法，給予我地知道”愛”的真正意義及重要性！這次相信是神對我地既考驗．．．我希望神可以幫助我地跨過到是次既考驗！可以達到神心目中和喜悅的結果！我知道神係要讓我地知道，我地既愛係唔可以受少少的風波而受影響，反而要學習堅定不屈的穩定下去．．．我願意將一切都交到神手中，好讓神為我地安排一切！我相信神必定會為我地安排更適合的結果！以上既祈求係靠主耶穌基督既聖名而祈求，誠心所願．．．

>>September 13, 2008 at 3:35:34 PM GMT+8

2008 年 9 月 11 日 星期四 【晴】

今日係公司好忙，一個朝早的一個小時裡，已經黎左幾個walk in，所以忙到飛起．．．下午食完個飯，我都累到訓著左！

下午就輕鬆點，唔太多電話！不過就見左個case，都幾麻煩下．．．最後遲左少少放工！一放工就搭mtr出去causeway bay去join呀A仔．．．我地係times square度等，行左一陣，睇左agnes b個delicious．．．嘩，好正呀，佢d蛋糕同朱古力十分精美，而且又見番之前係apm見到果對香檳杯了，實在太靚了！不過，要買而家個中秋package先至有囉．．．唉！有得散買就好了，可以用作我地婚禮時用！哈！跟住去左行city super，買左個好好味既格仔餅同埋一枝apple juice飲，正！食完就搭mtr過城市花園酒店，因為今晚會同A仔屋企人食飯慶中秋！

今晚呢餐都好豐富，而且都唔平！我地去左酒店入面間"粵"食，近排佢係ROAD SHOW都賣廣告話有promote，不過都埋單唔平囉！哈！酒店真係酒店．．．食完之後返左去A仔家姐屋企同佢隻狗狗容容慶祝生日！食完蛋糕就順手係佢家姐屋企過埋夜．．．

>>September 13, 2008 at 3:16:48 PM GMT+8

2008 年 9 月 10 日 星期三 【晴】

今日返工d時間都好似幾易過咁, 可能係實在太忙了, 電話多得很呀....聽到人都傻左! 朝早果陣同一個同事講起係雜誌見到agnes b出左月餅, 諗住搵番雜誌睇下, 點知都係搵唔到, 所以最後上左agnes b個網度睇...嘩嘩...佢專賣甜品既店原來有好多產品買架, 越睇越想食, 哈...如果有人請就好了, 不過真係發緊夢! 佢d野都唔算平架, 不過, 以一個brand黎講, 價錢都尚算合理既...但係曾經聽朋友講, agnes b既朱古力唔太好食...其實, 真係想試下...自己買又好似有d浪費咁, 呵~ 等人送又唔知有冇呢個機會! 好矛盾!

今日lunch去左花園餐廳度食, $36一個餐, 唔收加一, 幾good呀! 到左下午, 又有蛋糕食, 因為蛋糕班又教整蛋糕了...不過, 我只吃了一小份, 哈, 怕肥! 放工返到屋企, 見到波波呆呆咁, 原來媽媽話佢今日嘔黎, 可能病病了...唔知點算了...希望冇事啦!

吃完晚飯回元朗...好重呢, 今日拎左部notebook返去, 想A仔幫我整下無線ROTER既野...好在都整到, good~ 以後可以隨時隨地上網了!

>>September 12, 2008 at 4:54:56 AM GMT+8

2008 年 9 月 9 日 星期二 【晴】

今日返工好慘，冇位坐呀！不過好在琴晚都訓多左少少，精神都好少少，所以都尚可接受既．．．好在去到黃大仙果陣就有位坐，不過一坐就想訓，點知突然有一孑刻醒一醒，果時發覺原來已經係我要落車果個站喇，嘩，幾驚呀，即時落車呀！

返到中心，今朝得自己一個人，於是見返到去未夠九點，所以落去再買個包食做早餐，今日突然唔想食麥皮囉．．．今朝都幾無聊，一個人，電話又唔太多，一路係度上網同媽咪傾MSN渡日，哈．．．到左食飯時間，我就出左去一度食十一蚊一碗魚旦粉，嘩，抵食呀，我仲要多碟油菜，夾埋都係十七蚊，抵呀！之後，就行左去隔離舖買左枝豆槳飲，都係五蚊o者，good~ 跟住見到一點度，見有時間，就走左去apm度行下．．．因為諗住睇下買咩禮物比星期日結婚果位朋友！最後行左陣，好在終於有心水知道買咩好！是關今日下午會出去勞審處做野，可以早點走到人，所以放工決定去旺角買禮物！

到左四點就走人出去工作了，做完晒野都係五點咋，good~ 一去到旺角就去左朗豪坊！一去到已經有目標係要去邊了，一入舖頭行左一個圈，最後終於決定買什麼！哈，真係希望份禮物有用途之外，朋友都會喜歡啦！其實之前諗左好耐買咩好！諗過買擺設，但係又唔想好似冇用咁！想買一d好好味既朱古力，但係食左又會冇左；曾經係apm行經過agnes b朱古力既舖頭，見到有一對香檳杯，曾經有衝動想入去問下個價錢．．．不過心想，一定唔會平囉．．．哈！如果可以用呢對杯係我個婚禮度就好了！講真，都係一隻普通既香檳杯，只不過係有agnes b個名係上面．．．所以，真係發緊夢！都唔係喎，諗諗下聽日走去問問都好喎，哈！

走人果時只係五點半度，所以都係走人返屯門放低袋野先，費時又拎黎拎去丫嘛！跟住放低左袋野，媽媽捉住左我食左兩舊冬菇，嘩，good~ 好味！跟住就走人去左山景搵A仔了．．．是關今日A仔話係佢中心煮飯食，所以我都特別去試一試佢既手勢啦，哈！都唔錯呀！有三送食，OK啦．．．食完七點幾走人了，回元朗！

近排，總係有D唔好的感覺．．．好想講，但係．．．又好矛盾！心知咁落去唔係一件好事，但係．．．唔知呀！！！唔知點講好！總知．．．好矛盾！

>>September 10, 2008 at 3:12:45 PM GMT+8

2008 年 9 月 8 日 星期一 【晴】

今日返工都仍然好累呀，因為．．．真係好累！成日無論早定夜都好忙好多野要做咁．．．唉！

下午食完飯之後出左去行街街，行行下就買左好多野食，因為好似覺得公司冇野食，哈！其實係口痕就真！到左四點幾又得番自己一個人係度聽電話，真係有點悶．．．唔鍾意冇人，但係有人時又覺唔夠free，真係矛盾！

放工回了屯門市中心，因為今日約左人去食飯．．．好開心，去左上海婆婆度食，係，終於去到喇，因為次次想去果陣都總係見到成一百幾十人係門口度等緊位囉，難得今次有人可以早去到拎定位，所以真係十分幸運了．．．不過，食物其實未見特別，都係一般既上海野，不過都幾好味既．．．價錢都係一般啦，又唔係十分貴，三個人都係食左百幾二百蚊！之後就去左行街，我係izzue買左件tee同一條窄腳褲，想買好耐架喇，不過一路都睇唔o岩，難得終於買左條喇．．．真係好，人人都有收獲，yeah~

之後就約左A仔係屯門站等一齊返元朗．．．返到去都好累了，所以決定今晚要早點訓！

>>September 10, 2008 at 2:37:31 PM GMT+8

2008 年 9 月 7 日 星期日 【晴】

wow wow~ 今日眼訓訓呀，好累好累。。。是關琴日又係一個月一次既事，所以今日特別累架。。。唉。。。琴晚又訓得唔好，周身骨痛，可能琴日企我耐卦，對腳好似唔係自己咁！總知就係痛苦啦。。。

今日返工好似遊魂咁，到左下午食完飯，我就梗係要睡一睡，先至可以回下氣啦。。。好在都有點效用！不過放工後一上車同樣係咁訓，訓到落車。。。哈！

返到屯門，又訓左陣，因為媽媽遲左煮飯，所以可以訓多一陣。。。八點幾先食飯，唔再敢食飯了，因為真係肥左呀！死未？

之後去左接A仔放工。。。有個好怪而且感覺不太好的現象。。。就係總係覺A仔既同事好古怪，都唔同人講野既，好似怕人地有傳染病咁架喎，痴痴地的。。。真係唔明白！最難為的就係A仔了。。。辛苦佢了，要對住咁既同事！

>>September 9, 2008 at 9:28:47 AM GMT+8

2008 年 9 月 6 日 星期六 【晴】

wow~ 琴晚成晚都feel到A仔冇訓到呀，估到佢琴晚一定又係失眠了．．．真係可憐！佢近日經常都係咁，真係令人擔心呀！都唔知咩事成日都失眠既，尤其係當我夜晚訓訓下feel到佢仲係度玩緊電腦或者睇緊dvd唔訓時，真係好無奈！都唔知應該起身問佢做乜仲唔訓好，定係繼續扮唔知好，怕佢仲覺煩，仲更加訓唔著．．．唉！

今日可以訓到九點幾先至起身，不過其實琴晚成晚都唔係好訓得好，因為成晚feel到A仔冇訓，仲知道佢係度玩電腦，仲睇中左部NOTEBOOK，Eee果部．．．中途佢仲打過電話去問24小時既服務熱線度問過添．．．最後，今日咪走左去買囉，哈！唉，都唔知點儲錢結婚了，無眼睇．．．

今日去左做拉票，我站崗個位好靜，真係悶到嘔．．．又晒又熱喎，想死！已經悶到拍烏蠅架啦，仲要熱到死死下，真係差點中暑，個人熱到真係暈暈地，"牛""牛"地．．．中途去左食飯，去左一間食台灣野既，都叫做可以relax番一粒鐘．．．五點幾完場走人，好在有同事車坐出番去油塘！今日都算係黑仔，去鯉魚門果陣係油塘坐同事車，上車同落車時都撞到隻腳，共兩次！下午企企下發覺隻腳好痛，初時以為企得太耐膝頭痛，點知返到屋企沖涼見到係瘀左兩度囉，頂！好痛！仲有，成個人都好似條咸魚咁，張實晒咁，好辛苦．．．

返到屯門，約埋爹地媽咪去投票！我投左陳偉業呀！因為覺得佢地社民連目標鮮明．．．不過，頭先睇番而家個情況，陳偉業應該成數低d．．．唉，有點失望！希望黃毓民，長毛同陶君行都得啦．．．咁立法會到時真係有戲睇了，呵！我冇選擇投自己機構的候選人，其實係．．．我見唔到佢有做什麼，而且亦都preview唔到佢可以做到什麼．．．我睇既唔係什麼背景，而係功績表現！希望那個人真係可以幫到該區既市民．．．

>>September 7, 2008 at 3:20:43 PM GMT+8

2008 年 9 月 5 日 星期五 【微雨】

今日返工時間十分充足，可以出到土記仲可以去中銀拎錢，加埋買埋個早餐食．．．幾正！買左腸粉食呀，good~ 今日係中心都係虛渡，因為真係十分holiday mood啦！好在後來十二點零鐘，同左部門阿姐，楣姐慶祝生日加埋榮休，又可以有蛋榚食之餘，又可以虛渡下d時間去丫嘛．．．

放工就回屯門，約左媽媽食飯，我地去左食日本野，食左個手打冷烏冬，good呀！之後返左屋企，得番我一個人，因為媽媽去左做gym，妹妹又出左街，所以見眼訓就訓左係波波貓隔離．．．個衰波見到我隻肉臂，於是乎就承機兩隻手都搭上去我隻手臂度，後來仲連個下巴都訓埋落去．．．攪到我要定住個動作幾耐呀，手都痺埋呀，哈．．．不過就好甜囉！好耐波波冇咁樣同我訓了！

訓到四點幾，A仔打比我了，約左五點九係朗屏等，一齊去睇家私！因為要買個鞋櫃同個梳妝台呀！最後行左兩間，最終都買左兩個鞋櫃同一張梳妝台，共三千五百蚊！都幾OK，係薰衣草色的．．．廿一號會送貨黎，要之前準備執好D野去．．．

我可能呢兩日冇見過個女，真係有點掛住佢，見到佢就係咁抱住佢唔放了，哈，係咁同佢玩玩．．．不過就比佢咬到傷痕累累了，嗚！

明天要去幫手做義工去拉票，唉，好痛苦！最怕係又熱又晒呀！仲要企呢．．．好慘呀！！

>>September 6, 2008 at 1:24:48 PM GMT+8

2008 年 9 月 4 日 星期四 【微雨】

琴晚留左係屯門，因為A仔見我病唔想我辛苦走來走去．．．但係其實我喜歡回家，因為回家的感覺很好！一個溫暖的家，可以給我有個好溫暖的感覺！回到家中，不但可以食到媽媽親手煮既飯，仲可以同媽媽一齊睇電視同傾計，無所不談．．．好開心既時光！同妹妹，又可以分享好多工作同愛情上的事情同點滴，多麼的暢快！見到爹地，又可以同佢傾好多關於近期潮流既東西，時事，電影，電視等．．．好好的溝通感覺！所以，喜歡這個家是有原因的！這個家，給予我無限的溫暖同愛！而這一切，都是由神所給予的，所以．．．感謝神！

眼見自己快要去建立一個屬於自己同未來另一半的新家庭，就越來越開始唔捨得這個家！自然就越想親而家仲有能力同機會的時候，要好好珍惜同抱擁這一切．．．我希望直至永遠，都可以永遠擁有同挽緊這一切一切．．．

有一點，我真的好想好想為自己去澄清．．．旁人也許不明白我在說什麼，不過，我相信總有一個人明白．．．

我唔去打電話通知，係因為我認為沒有需要通知．．．沒有需要，是因為根本通知與不通知，對接收通知者亦都唔會認為是有需要的一件事！而接受者沒有需要知道有關消息，是因為消息原本就不會影響接收者的生活！那麼，通知與不通知又有什麼關係呢？當然，有必要通知的就必定會通知吧！我想澄清，我不通知不是我沒有責任感，而是認為沒有需要，或者對方亦會認為是沒有需要的事．．．所以請明白我，我不是要去做一點令你反感的事！亦不是什麼係唔係屋企人的問題．．．

今晚仍然留在屯門，因為A仔今晚不在家訓，我還是回自己家，陪媽媽多一點好吧！常常見媽媽一個人在家，真係有點心痛同內疚；常怪責自己是否陪唔夠媽媽，怪自己是否沒有盡孝對媽媽好？．．．所以，要努力做好自己做女兒的本份！

>>September 5, 2008 at 1:32:11 PM GMT+8