2009 年 2 月 3 日 星期二 【晴】

今日返工又早左好多返到去了，是關今日趕得到搭小巴．．．今次係第一次返工搭小巴，所以都冇預計過d時間，原來可以早好多返到去，我落車果陣都只係八點半！

今日終於叫做正正經經咁去做野，因為之前放假都冇咩心機做野，呵呵．．．之後十二點幾收到A仔既SMS，跟住同佢傾電話，佢問左我一個問題，就係．．．用火柴枝砌左"3163"呢個數字（即係好似計蜈機入面D字咁樣)，而家只可以郁動其中兩枝火柴，將呢個四位數變到最大．．．我用左呢個佞飯既時間去諗左好耐，初時諗到"5165"，點知A仔又話可以再大D，咁我再諗到"9164"，點知仲可以大D．．．大家有興趣可以估下，聽日開估！

食完飯我出左去市中心，因為幫個同事拎D野，順手自己行左一陣．．．今日買左本旅遊雜誌，見到裡面有D資料好有興趣，睇完之後真係好想去果度旅遊．．．唔知A仔有冇興趣同我一齊去？！媽媽今日問我四月有冇假期同佢上去上海，去我叔叔屋企玩四日！我都好想呀，好想去旅行輕鬆下，可惜我只有復活節假呢四天，如果係呢四天就冇問題既．．．雖然以前好幾年前已經去過上海呢個地方，但係因為從來都未去過上海呢個故鄉．．．好想去一次見下D親人！

放工後就回家，感覺好好，因為好近，可以好快返到屋企，比起在灣仔走開心得多，哈哈．．．不過今日接左隻比較頭痛既個案，剛才亦都同A仔討論過．．．真係要好好計劃下了！工作跟住陸續咁黎料喇，今日亦都已經係教師會議中亮了相，老師亦認識了我，所以亦都冇咁尷尬了！真係好事．．．黎緊下星期一會參加學校既陸運會，真係開始要感受下係學校既一份子了．．．要加油呀！！！

A仔今晚妁約左佢一個上司食飯，聽佢講都十分愉快．．．真係好事！我最開心的是，見到佢開心，我都會開心．．．希望A仔佢日日都開心啦！

>>February 4, 2009 at 3:12:00 PM GMT+8

2009 年 2 月 3 日 星期二 【晴】

今日返工又早左好多返到去了，是關今日趕得到搭小巴．．．今次係第一次返工搭小巴，所以都冇預計過d時間，原來可以早好多返到去，我落車果陣都只係八點半！

今日終於叫做正正經經咁去做野，因為之前放假都冇咩心機做野，呵呵．．．之後十二點幾收到A仔既SMS，跟住同佢傾電話，佢問左我一個問題，就係．．．用火柴枝砌左"3163"呢個數字（即係好似計蜈機入面D字咁樣)，而家只可以郁動其中兩枝火柴，將呢個四位數變到最大．．．我用左呢個佞飯既時間去諗左好耐，初時諗到"5165"，點知A仔又話可以再大D，咁我再諗到"9164"，點知仲可以大D．．．大家有興趣可以估下，聽日開估！

食完飯我出左去市中心，因為幫個同事拎D野，順手自己行左一陣．．．今日買左本旅遊雜誌，見到裡面有D資料好有興趣，睇完之後真係好想去果度旅遊．．．唔知A仔有冇興趣同我一齊去？！媽媽今日問我四月有冇假期同佢上去上海，去我叔叔屋企玩四日！我都好想呀，好想去旅行輕鬆下，可惜我只有復活節假呢四天，如果係呢四天就冇問題既．．．雖然以前好幾年前已經去過上海呢個地方，但係因為從來都未去過上海呢個故鄉．．．好想去一次見下D親人！

放工後就回家，感覺好好，因為好近，可以好快返到屋企，比起在灣仔走開心得多，哈哈．．．不過今日接左隻比較頭痛既個案，剛才亦都同A仔討論過．．．真係要好好計劃下了！工作跟住陸續咁黎料喇，今日亦都已經係教師會議中亮了相，老師亦認識了我，所以亦都冇咁尷尬了！真係好事．．．黎緊下星期一會參加學校既陸運會，真係開始要感受下係學校既一份子了．．．要加油呀！！！

A仔今晚妁約左佢一個上司食飯，聽佢講都十分愉快．．．真係好事！我最開心的是，見到佢開心，我都會開心．．．希望A仔佢日日都開心啦！

>>February 4, 2009 at 3:11:56 PM GMT+8

2009 年 2 月 2 日 星期一 【晴】

今日心情好好，因為今日係我同A仔拍拖既十周年紀念日．．．唉，不經不覺十年了，就好似昨天既事咁呀！好大感受．．．十年裡面，有喜亦有悲的！但係，我地都可以一一跨過，到而家呢一刻．．．當然，我好期望我地會有更多個十年啦！

今日返灣仔，都冇咩特別既工作做，都係準備下跟住要攪既活動同講座內容咁．．．下午食LUNCH，同左同事一齊出去，順便當食開年飯．．．我地去左一間BAR叫GALAXY度食．．．哈，佢真係一間BAR黎架，不過做埋午市咁解！佢既食物質數都幾OK，係個環境就麻麻地，始終好似成間野都係烏煙瘴氣咁，我食完飯出番去就聞到成身都有煙味了，好慘！今餐係我既TEAM LEADER請客，真係好，有人請食飯，呵呵．．．食完飯返番中心繼續工作！今日竟然都可以收到五封利是，我仲估冇添！哈哈．．．

放工就即時回屯門了，因為好累好累．．．係車都訓著左添！返到屋企，坐左陣就食飯了，是關返到屋企已經七點半了！去親灣仔返工都唔好受，因為要山長水遠咁返屯門，搭架死人962真係好死辛苦！食飯果陣都唔敢食太多野，EVEN媽媽整既送真係好好味．．．

到左十點我出門口了，因為約左A仔去市中心有個小聚！心情十分興奮同開心，因為今日一整天都係期待住呢一刻．．．我地JOIN左後本來想去燉奶佬度食，點知諗諗下都係去左麥記食，哈．．．食完野就行度去法院附近坐左陣，就進行左我既頒獎禮了．．．送左我整左好長時間既禮物比A仔佢．．．唔知佢睇左未呢？佢鍾唔鍾意呢？佢有咩感受呢？．．．好多野好想知呀．．．哈．．．

星期五先可以再見佢了，真係可憐！

>>February 4, 2009 at 3:26:53 AM GMT+8

2009 年 2 月 1 日 星期日 【晴】

今日可以叫做放假後正式返工既第一日，因為星期六果日只係返半日，哈哈．．．今朝唔願起身，因為琴晚訓唔著，成點幾兩點都轉來轉去，好慘！唔知係咪琴日訓得多得滯喇，所以訓唔著啦！今朝成日都好累好眼訓呀！不過，我都早左十五分鐘返到學校，慢慢執下野食下早餐，都唔錯丫！係A仔教我，返工唔好成日都趕頭趕命咁，返到去坐陣食個正早餐先開始工作，確實係一個好開始呀．．．THANKS~ A仔．．．

上午主要都係整番之後見CASE要準備既ADMIN野，而下午我就十二點九出左去了，之後去左市中心行，是關要幫個好姊妹去十蚊店度睇下D野．．．點知，幫佢睇就順便自己睇埋一份，哈，都買到野喎，因為有野要整呀！順手就行埋上去新開果邊間基督教書室行，買左一盒卡仔，打算送比D學生．．．跟住再順便行埋對面間大眾，今次第一次行，都買到野，因為有野要整呀．．．

買齊晒野已經係兩點，真係死，我即刻返番去學校對面買$12碗既魚旦粉外賣拎番房度食，哈哈．．．食完兩點半就開始做野喇．．．我做左一D以前細個果陣好鍾意而且好叻整既野，不過唔知點解而家大個左就好似唔叻唔識整咁．．．雖然好似有點低能，有點沒有用途咁．．．不過，我真係有花心思同心意去整架，呵呵．．．最後用左餘下既時間去整，整到放工都未整好我要整既野．．．本來打算偷半粒鐘走出去銀行，點知最後都係準時走人，放左工先去銀行！之後係市中心果頭搭車走，剛好有259D就上車，GOOD~

返到屋企好累好頭痛呀，可能唔夠訓吧！不過我冇偷懶，繼續整我要整既野．．．在我既努力底下，終於食飯前完成，YEAH~ 妹妹話我低能白痴，媽媽話我整呢整路．．．不過，完全冇打擊我自信，哼！我要加油努力！一定得一定得多勞實會多得．．．YEAH~

今晚終於叫做可以食番個正常少少既晚飯，是關好幾天冇好好咁吃過飯了，真係講緊飯！仲有好多好美味既送添．．．今晚嘗試食飯同送，不過，當然唔會食得多，適可宜止了！食完個胃都仲係有點唔適應呢，又係頂住頂住咁．．．媽媽話正常架喎！唉，我都希望快點好番啦！因為頂住頂住既感覺唔太好囉．．．

聽日要返灣仔中心了，唔太喜歡山長水遠咁出去囉，唉．．．不過冇計！好期待明晚既時光呢．．．快點到就好了！因為．．．好掛住佢囉，同埋，心情好興奮囉．．．十年了，十年時間唔易過，仲要係兩個人一齊過左十年時間！我當然希望可以同佢會有更多個十年啦！唔知佢有咩感受呢？

>>February 2, 2009 at 2:18:23 PM GMT+8

2009 年 1 月 31 日 星期六 【晴】

今日又可以休息下了，今朝訓到十二點先至起身，果時仲剛做緊城市論壇．．．過左陣媽媽回來了，佢買左個有腸既包比我．．．真係太好了，我終於可以食有味既野，哈．．．食完之後，沖左個涼，媽媽就話同我地落街食野，點知妹妹又唔去，所以最後只有我同媽媽，爹地，仲有一班阿太uncle去飲茶茶．．．我去飲茶都唔敢食d咩野，只係食d包，馬拉榚，生菜咁．．．仲有食左少少面囉，因為真係怕太肥了，又食壞個肚就大件事！雖然今日身體情況好似好轉左好多，不過始終都唔敢再亂食野，要就住就住咁食！

去完飲茶，我同爹地媽咪去左海趣行，我買左件衫，因為間舖好似平到要執咁！而家有時見到d舖續d續d咁執笠，其實都幾心痛，因為知道又有一班人失業喇．．．好無奈！唔知經濟幾時可以好番？！返到屋企，又係食藥既時候，食完藥好死眼訓，次次都係咁．．．好辛苦！其實好想訓，不過又唔敢訓，因為怕訓左今晚就唔洗訓架喇！死捱爛捱到食飯．．．食飯果陣胃口都麻麻，可能真係怕左！最後都係食番我呢幾日既朋友仔，白粥！

A仔放工時打過比我，我同佢提起2月3日呢個日子．．．其實，我都唔知應該如何計算好了，應該算是十年吧？！將十年的時間同青春都交托在一段感情上確實唔簡單既事．．．所以，我會好珍惜往後的再多個十年！大家相約了當天見面，不過只係小小既見面，是關佢果日要返夜．．．而佢仍想我多點休息，所以未打算去元朗過夜了！我知A仔係對我好既，佢真係想我休息多點，快點好番，唔好令佢擔心！我知架喇，我會努力！不過．．．大家真係討論到一個話題，就係：點解我去親佢屋企都總係有頭暈身慶有病有痛架呢？唔通，真係風水唔好？我真係唔知．．．呢件事，令我想起，曾經有朋友講過關於家中擺放骨灰的問題．．．朋友話在家中放骨灰會影響家中人既健康！其實，我一向唔係迷信既人，都唔相信什麼風水命理．．．我只知身體健康問題最關鍵既人和事係自己本身！只要我多點留意，增強自己，我就可以有健康！而且，天父神亦有佢既安排，佢亦會係我身邊保守住我的，所以．．．我什麼都不怕！

>>February 1, 2009 at 3:21:38 PM GMT+8

2009 年 1 月 30 日 星期五 【晴】

今日好早返到中心喇，九點半已經到左灣仔，之後就四圍行睇下有咩早餐可以食可以買．．．點知．．．行左五分鐘，最後都係揀左買馬拉榚食！返到中心都係九點八，今日得我同阿mark返咋，所以成日都好free．．．我就好眼訓，是關食左藥，成日都好似遊雲咁，哈！

終於放工，我就係灣仔本來打算覓食，A仔當時都打左比我睇下我病成點．．．佢都建議我都仍然戒口，我都係咁話，因為而家諗起都怕怕了，嘔真係一件好令人想死既一件事！！但係最後我係灣仔行左十五分鐘都係搵唔到粥食，所以都係搭地鐵去九龍灣先．．．去到德福，聽A仔講在麥記對面好似有粥食，點知去到原來係池記！嘩，唔啦，好貴o者，成三十幾蚊碗粥，唔好玩啦！所以，決定行去淘大睇下，橫掂都約左表哥堂細佬妹佢地係果頭等！好在行到過去有間海皇，真係好！最後都係買左外賣白粥同齋腸上左去bowling場度join左表哥先，佢已經係度等緊排緊隊了！

今日好多人去打bowling呀，我地都等左一粒鐘先有得玩！今次好好玩，原來堂細佬都好叻玩架，佢一黎已經黎個全中！嘩，好勁呀！！！而我就．．．哈哈！唔洗講啦．．．不過，最差當然不是我啦，仲有堂妹墊底！我地玩team比賽，雖然細佬好勁，不過最後都係我同表哥呢team勝，哈．．．打完之後我地仲係果度玩埋久違的足球機，哈．．．又係我同表哥呢隊反敗為勝，hehe~ 之後我地就去左sasa，是關．．．我玩到斷甲，好慘囉．．．嗚！要去買指甲鉗呀！買完就回藍田了．．．

回到去藍田，行左陣，再等埋妹妹，就一齊去左細佬屋企．．．點知，我地班細路仲早過班大人到囉．．．都沒問題既！我地有自己玩嘛．．．終於開飯，就係我最慘既時候，因為．．．今餐係叔叔煮，而且係食上海傳統既家常菜．．．上海菜係我其中至愛的菜，有得睇冇得食既感受真係好難受，尤其係我只有白面包食，嗚．．．好可憐！我都好想試叔叔既手勢，亦都好想食上海菜．．．嗚嗚．．．好慘慘呀！食完飯，我地係度睇電視，睇東成西就．．．好爆笑，想起細個果陣係戲院睇呢套戲，果時都係笑到傻左．．．今時今日大個左再睇番，都覺好爆笑．．．雖然係有點低能同無厘頭，不過．．．真係好好笑！最後十一點先肯走！

回程時，A仔打比我話有個好笑既成龍霸王廣告比我睇，叫我返到屋企打比佢！點知，佢聽日要返早午晚三節呀，要訓了，等唔到我，就電郵比我．．．我一返到屋企就即刻開左黎睇，笑到我傻左，哈哈．．．真係好白痴！完全係整衰左波兒首歌呢．．．好慘既波兒！

>>February 1, 2009 at 11:21:38 AM GMT+8

2009 年 1 月 29 日 星期四 【晴】

終於今日比起琴日好了一點，至少冇再嘔了，唉．．．真係感謝神！今日都仲係好暈陀陀咁，而且個胃都仲又痛又頂住咁，可能之前嘔得太勁喇，所以形成呢d既後遺症．．．

今日本來九點幾醒左，但係之後覺好累，於是又繼續訓，直至十一點三，爹地叫醒我，叫我起身食藥．．．唉，又要對於果d好難食既藥，好可憐呀！成日個人都好似雲遊太空咁，好累好累！爹地整左粥比我食，食完就食藥，之後個人都好似遊雲咁．．．不過堅持唔想再訓，因為知道越訓會越累！到左下午，爹地佢落左街買野，跟住就整左通粉比我食．．．呀！我終於有點人生樂趣了，食左好幾餐白粥，終於可以食其他野，仲係要有少少味道既野．．．太好了！食完之後繼續食藥，本來好想訓，不過都堅持唔訓，唯一方法就係上網．．．

夜晚食飯，繼續食我既通粉，不過就有少少菜食，都算好恩惠了．．．唉，明天要去叔叔家食飯，都唔知有咩食得囉，好可憐！明天要繼續返工，放工後約左表哥堂細佬妹去玩bowling，其實我都唔知自己體力能否應付，不過見佢地玩都好開心了．．．而家個胃都仲係頂住頂住咁，好辛苦呢．．．希望快點沒事就好喇！

A仔今日終於去完RETREAT出黎，聽佢講都好累，因為都冇點訓過．．．不過佢都有關心我，琴日都有打過比我，今日返到屋企都有打比我．．．我知佢好忙，去完RETREAT返到屋企仲要做個YEAR PLAN，真係辛苦！所以我都唔敢打擾佢了，知佢好累訓覺了．．．而我都會早點休息，因為明天要返工的了，唔可以再躲貓貓了．．．

>>January 30, 2009 at 1:52:17 PM GMT+8

2009 年 1 月 28 日 星期三 【晴】

唉~ 超級超級可憐呀．．．．琴晚係A仔度，點幾兩點打算訓覺，點知無啦啦個胃好唔舒服，好想嘔，於是乎就走起身想去toilet嘔啦，都去唔切呀，最後係房嘔到一地都係，仲整醒埋A仔．．．唉！A仔佢好好，佢完全冇講什麼，只係用心照顧我，仲幫我抹地．．．真係有幾多男人會肯咁唔怕污糟呢？當刻好感動．．．之後，我由兩點都一直嘔，嘔到今朝八點都仲嘔緊！想死，足足嘔左九次．．．

到左朝早，真係好想返工，是關唔想返新工就無啦啦請假．．．但係，最後都係頂唔順，都係返左屋企！返到屋企，本來想叫屋企同我去醫院，但係媽媽又怕我要被分流等得太耐，都係打左電話去診所去登記！點知姑娘話有成四十個人等候緊，於是媽媽就同姑娘講我好嚴重，希望佢安排我快點！媽媽扶住我由屋企行到去屯門碼頭，足足行左半粒鐘，因為我已經嘔到手軟腳軟了，而且又好暈，好冇力．．．去到都等左成半粒鐘，不過已經好好，因為其他人係要等兩粒幾鐘．．．我去到診所姑娘都嚇左一驚，見我個隸殘到暈低，於是都快手盡量安排我早點見醫生！醫生見到我都講一句：嘩，睇你個樣都知道你好辛苦呢！．．．我心諗，真係多X餘架，一睇都知我死得架啦！醫生都問我呢排有冇食生野，海鮮等，有冇外遊過等，因為怕我係食物中毒．．．不過，醫生話都未知我情況如何，如果嚴重既都可能要入院！我當刻好驚，因為又令我想起先兩年我都試過腸胃炎入院了．．．唉！

睇完醫生，爹地媽咪一齊”的”左我番屋企，我又行左半粒鐘先返到去了，好辛苦！返到去，食左藥，係我最憎食既白色藥水．．．我相信有D朋友都應該細個時食過，每次腸胃有事都必定要食佢．．．簡直係難食到嘔，我真係次次食親佢都即時嘔的，今次都唔例外，食完又嘔過，呀．．．天呀！！

基本上，今日除左係訓，食藥，就係食白粥，都冇其他野做過了．．．只係知道成個人好軟，好暈，個胃好痛，不時抽筋，四肢好痛，因為琴晚"MAU"得太多，成日要"MAU"係廁所嘔嘛．．．唉，想死！一諗起要嘔我真係寧願死囉，真係好辛苦，係十萬個辛苦！

到而家為止，我都唔知原因是什麼？剛才A仔媽咪打過比我，問我係咪我唔舒服，因為琴晚聽到成晚有人出出入入廁所．．．我話左比佢知我腸胃炎，佢就問我關唔關佢個素盤菜事．．．其實，我都唔知，或許我本身腸胃太差，因為以前試過腸胃炎，日後就好容易會再有事，呢個係醫生話架！加上，其實自己都近日食得太多野既，可能食滯左卦；再加上，AUNTIE個盤菜本身既食物都係素，而好多素都係用什麼豆腐豆乾蒟蒻整架嘛，係難消化點．．．所以，都冇話係邊個既問題既．．．唉，總知一句，係自己黑仔啦！新年就黎病，唉．．．好無奈！

>>January 30, 2009 at 5:57:44 AM GMT+8

2009 年 1 月 27 日 星期二 【微雨】

今日終於冇琴日咁寒了，而且仲時不時有一點點的太陽，都感覺好好多，起碼唔洗咁辛苦丫，不過陽光時間不長，都希望可以再有多一點陽光呢，呵呵．．．

今朝成十二點半先起身，是關好累呀，已經勞累左好幾天，自年廿九起，日日都好似好多野做，要去好多地方，要食好多餐飯，要見好多人．．．尤其係琴晚，見左十六個人，真係勁．．．加上琴晚又飲左少少酒，都今朝有點頭痛呀．．．起身之後，爹地煎左榚比我地吃，之後妹妹就約左朋友出去唱k，都傻架，今日唱k都好貴o者？不過．．．各人喜歡啦！而我，兩點半就出門口入左元朗了，去join阿A仔同佢媽咪．．．佢地去左大樹下度，因為A仔媽媽要去拜神，A仔就陪左佢去．．．

入到元朗，我又食野，是關佢地去左茶餐廳，我又吃左飛碟多士同少少炒飯．．．唉，見到個肚仔日漸長大，真係好擔心佢會越來越發大下去囉．．．跟住，同左佢地四圍行左陣街，之後就返左屋企．．．今晚AUNTIE整左個佢自制既素菜盤菜，真係好勁，一般葷既盤菜有既佢都有，當然，係素黎架啦，哈．．．味道都唔錯，不過，我呢幾日真係吃左好多野，個肚真係有點滯，真係唔食得多囉，希望AUNTIE唔好怪我啦！

頭先發生件小事，就係無啦啦AUNTIE打爛左張餐桌，塊玻璃爆左，真係嚇死．．．好在冇受傷！我地就夾手夾腳掃乾淨晒，之後再搬埋落街掉左佢．．．哈，真係好彩今日冇咩人咋，是關掉大型物品唔可以隨處掉的，呵呵．．．

唉，聽日要返工了，真係仲有HOLIDAY MOOD囉．．．好怕聽日唔知醒呀！今晚一定要早點訓呢．．．

>>January 28, 2009 at 1:40:54 PM GMT+8

2009 年 1 月 27 日 星期二 【乍雨乍晴】

天氣仍然好寒，或許因為落雨天陰啦，好似特別寒咁呀．．．今朝一早就起身出發，去左表哥屋企，因為要去食開年飯．．．今餐既開年飯都幾豐富，有好多送，係d飯硬左少少外，其他都幾ok既，哈哈．．．

食完飯，我同表哥，妹妹就出發了，因為我地會去睇戲，仲約埋堂細佬妹去添，我地約左係美孚西鐵站度等．．．兩點七去到屯門了，我地先去市中心行街，其實係有任務在身，是關在美國既表妹託我地幫佢買野，所以都係要為人為到底，幫佢一把啦．．．不過，我地都真係盡左人事喇，真係買唔到了，so sorry~ 跟住，我地就行番過去戲院附近既惠康，入定零食同飲品貨入戲院啦，哈哈．．．買完野仲去左麥記坐，因為堂細佬妹未食野．．．跟住我地就入左去睇戲，我地今次睇"馬利與我"．．．唔，我覺得都幾好睇丫，我可能對於有關動物既戲都好有感覺，好鍾意睇，亦都覺好感動．．．係一個sad ending囉，唉．．．新年真係唔應該睇sad戲，哈！睇完因為太凍又落雨，決定打的返屋企了．．．

返到去都係六點半，所以我地班"細路"就玩下遊戲啦，我地玩左好多野，有七級豬啦，uno啦，啤牌啦，大破產啦．．．好好笑呢．．．真係好開心既開年飯，從來屋企未試過咁多人係度，係十六個人加兩隻狗一隻貓囉，嘩嘩嘩．．．好熱鬧，好多人，好開心呀！我仲飲左少少酒，真係有點醉．．．

>>January 28, 2009 at 5:21:05 AM GMT+8