2009 年 1 月 25 日 星期日 【晴】

嘩~ 今日係大年初一，在此，祝大家身體健康，心想事成，新年蒙福呀．．．

今朝十一點先起身，之後就同爹地媽咪恭賀喇，食完媽媽煮既年榚後，就出門口了，去姨媽屋企．．．同樣地，年年如事，都係佐敦間麥記度等，哈．．．跟住上左姨媽屋企，恩伯母都係唔認得我，仲以為我只得十四五歲，又話最多多都係比我十八歲．．．開心得我丫，哈．．．我話比佢知我幾多歲，佢點都唔信．．．不過，老人家係咁架喇，記性差左，好易認唔到人架喇．．．我唔怪佢架，我就當係同小朋友相處咁囉，哈．．．拜完年我地就行番去旺角，之後回屯門了．．．

回到去都係好累，係車度已經訓著左架喇，跟住就等A仔黎我屋企啦，佢今日黎拜年丫嘛．．．大家一路食飯一路睇DVD，我地睇戰火逃城．．．都幾正喎，原來係真人真事寫架，真係好感人既事呢．．．

睇完都十點幾了，A仔都走人喇，因為都夜了，我地明天又係要早．．．不過好開心，明天約了表哥，堂弟妹去睇戲，打算去睇馬利與我，好期待呢．．．聽日會有十幾個人黎我屋企食飯，真係好耐冇試過咁既場面了，真係好震撼呢．．．

>>January 26, 2009 at 4:30:33 PM GMT+8

2009 年 1 月 24 日 星期六 【晴】

今朝早起呀，因為返教會．．．今日得我同妹妹兩個返咋，哈，因為爹地媽咪要留在家準備新年既野喎．．．我都好眼訓呀，因為好累好累．．．完左崇拜後，同左妹妹去行街，去左利舞臺度行，行完去左阿貓地攤度食野，同左好多貓貓玩，哈，好多謝佢地，佢地好乖好好玩．．．不過，聽店內既職員講佢地突然唔見左隻貓b，所以我地總動員店內既客人都幫手搵呀，不過最後都搵唔到，都唔知點算喇．．．好擔心貓b有時呢．．．唉！

後來我地再繼續行街，我都買左兩件衫，可以新年著．．．之後返屋企，食完飯就好努力咁執野大掃除了．．．嘩，掉左好多野呀！真係可以拎去賣呀！而家要繼續努呀．．．

就黎新年喇，剛才聽到我屋企出邊海邊既船家係度燒炮仗．．．係呀，佢地年年都會燒架，真係好氣氛架．．．不過唔知點解好似早左半粒鐘燒喎，哈．．．在新一年，我希望人人都個個都福杯滿溢，恩典充盈．．．最緊要係身體健康呀！！

>>January 25, 2009 at 3:21:39 PM GMT+8

2009 年 1 月 23 日 星期五 【乍雨乍晴】

嘩，今日好凍，朝早只有九度，傻架．．．風又特別大喎，好辛苦呀！今日返灣仔，可以遲點起身，真係好呀！返到去根本都冇做過野，個個同事都係HOLIDAY MOOD啦，呵呵．．．

跟住十二點幾時就發生左一件事，我覺得真係神既安排．．．周牧師無啦啦打比我，跟住同我講話我之前BOOK教堂張FORM佢唔見左，想問番我個婚期係幾時．．．真係巧合，我正想明天告訴佢我婚期有變既事，點知佢就打黎話原本個BOOKING已經MISS左．．．你話唔係神既安排咁係乜呢？我就順理成章同牧師講要改期既問題．．．唉，有時真係唔到我去控制一切，因為所有野自有神既安排！！

跟住放工就即刻返屯門了，是關媽媽今日要準備十個人既晚餐，今晚好多親人黎我屋企團年呀，當然又包括A仔啦．．．所以媽媽冇時間去買野，就安排左我同爹地去喇．．．不過我又未食飯，所以就先JOIN左媽媽同姨媽去左飲茶先，之後我再JOIN爹地去百佳買野．．．買完野仲要再去一個AUNTIE屋企度拎塊台板．．．唉，好忙好忙，好似成日都走來走去咁．．．

今日好開心，除左係好多人黎之外，因為A仔仲帶埋貓貓妹仔過來，哈．．．個衰妹初頭真係扮晒乖咁呀，個個都讚佢，唯一一樣衰就係佢兇波波貓，波波都比佢嚇親，驚到震晒．．．真係慘慘！後來兩個大鬥法喇，哈哈．．．個衰妹仔初時都有點生保的，後來一點都唔驚，仲唔想走添，佢老豆，阿A仔走喇，佢仲可以走來走去玩，唔理個老豆，哈．．．好好笑．．．

明天就係今年最後一日了．．．真係希望出年我可以一切順順利利，最緊要既係身體健康呀．．．

>>January 25, 2009 at 3:11:45 PM GMT+8

2009 年 1 月 22 日 星期四 【微冷】

今日返工遲左出門口呀，最後返到去遲左五分鐘．．．返到去先知道原來學生已經放假了，所以今日學校好清靜，數埋我估十個老師都唔夠．．．不過，仍有一d學生返左黎練武啦啦隊，因為遲d學校會有陸運會，聽聞學校都會邀請我去幫助做頒獎嘉賓的，哈哈．．．咁大個女都未做過頒獎嘉賓！

所以今日都覺得好悶，冇咩mood咁，唯一只有holiday mood，哈．．．上午虛渡後，下午最後頂唔住，食完帶既飯後就出去行左陣街，去左市中心行，想睇下d衫，不過最後都冇睇唔o岩，冇買野呀！之後下午仍然虛渡，哈．．．

放工後，約左媽媽去海趣買賀年野，真係衰，去到小巴站見冇人就估到走左架小巴，於是就行去搭k52，點知又等左成十五分鐘先有車．．．真係想死！最後成五點半先上到車，返到去成六點了！跟住就同左媽媽去優之良品度買糖果，買左成兩磅，跟住再去左百佳行，點知買唔到送比人既野，反而去左萬寧度買，哈！買完返屋企了，是晚吃意粉，好好味呀！

今晚，同A仔傾開電話，大家講起四月唔結婚既事．．．其實，當刻個心都有點難受，不過．．．想清楚後，都明白免強是沒有幸福的，倒不如再給大家多點時間吧．．．我要對對方有信心先至得，當然，我都已經好努力去做緊要做的事，而我知對方亦都同我一樣好努力架喇，所以大家都要加油！我地期望今年年尾結婚，我當然都希望唔會爛尾啦．．．

>>January 24, 2009 at 4:00:55 PM GMT+8

2009 年 1 月 22 日 星期四 【晴】

今日返到學校先知道，原來學生已經放假了，所以返到去學校十分清靜，只有數埋唔夠十個既老師返左學，而都有一d學生返左黎學校練習遲d陸運會既啦啦隊．．．

由於真係冇咩人既關係，成日都係好靜，令到我覺得好悶好沉靜！從而令我超級有holiday mood呀！哈哈．．．成日都冇做什麼正經野囉，hehe~

>>January 24, 2009 at 10:15:02 AM GMT+8

2009 年 1 月 21 日 星期三 【晴】

今日正式係從自己屋企出發返學校，所以都預早左時間，諗住要同d車夾一夾先．．．所以八點三過少少就出左門口了．．．我去到屋企留下後面既車站搭車，因為可以有兩個選擇，一係41號小巴，一係k52巴士．．．咁樣可以有咩車上咩車丫嘛！最後，返到去學校只係八點九過少少，good呀！時間o岩o岩好呢~

今日全日嘗試一條友在學校裡工作，初時都有點唔太習慣，因為真係太靜焗了，最後都係忍唔住一邊做野一邊開住歌聽．．．開始plan下緊住d工作了，不過現刻仲有點一頭霧水咁．．．唉！真係要加點努力了！要做好d呀，因為始終唔想比人去將我同阿mark去比較好與壞！跟住，都不斷入番學生既資料入電腦，入到頭都爆埋，唉．．．下午難得出出街，好開心，去睇下有冇靚既cushion買，因為張凳坐我我條腰好累呀！最後買左個melody個fd，即係黑色頭果隻野，我唔知佢叫咩名，只知道佢又唔太貴，而且又夠實同厚，o岩我用．．．都係學校門口出邊間野買咋．．．跟住先再去買飯盒食，好平呀，只係$17食左個茄子肉燥飯了，好開心，我食左成三份二，其實又唔係好餓，不過係唔想晒野．．．

下午繼續虛渡咁，真係一個人既日子幾難過．．．希望之後多點工作做啦，我係唔鍾意靜落黎既人，我要做野做野呀！！！

終於放工，約左好姊妹愛麗斯．．．本來約左佢六點九，所以就慢慢行去搭車，點知佢突然打比我話今日放早，所以好快手趕出去，都已經係六點二．．．出到去葵芳，同好姊妹行街街，買左兩件衫過新年．．．都係平野，因為想慳錢！跟住去左食魚蛋粉，再行埋葵芳個花市，不過都係冇野好睇既．．．跟住見有時間，再去左麥記坐食雪榚同傾計．．．再去埋百佳買野，咁就十點半先走人了，回到屯門都十一點三了．．．好眼訓呢．．．

今日A仔佢放假呀，佢琴晚幫個朋友手整PROPOSAL都整到好夜，我放工時打比佢，佢都累到訓緊覺呢．．．突然間好掛住A仔呢，但係又知佢近日工作忙呀，為左考察團既野都好頭痛，仲有佢地中心人事上問題既野．．．唉．．．都唔敢騷擾佢了，又擔心佢呢，好矛盾！

***************************************************************************************************************************

浪漫世紀 胡杏兒

默言的一天嗎能為我講一堆笑話
睡前的每一吻讓我想一想你吧
為我畫的畫若掛在家中好看嗎
若我想看落霞直到天黑不說話
陪我坐通宵天光不怕累嗎

能全部記起過去每一刻的優美
沿路就和你看清楚以後細味
年和月計起以往每一分一秒全寫進日記
全賴你與我創造浪漫世紀

我有著你任何地方都有力氣
你令我任何事都撐得起
歡喜與悲全部刻骨銘記
挽著我也是你手臂

感激因你未來日子依靠著你
你就似養份與空氣
來日記起再說到下世紀
也依然記得起多得你

能全部記起過去每一刻的優美
沿路就和你看清楚以後細味
年和月計起以往每一分一秒全寫進日記
全賴你與我創造浪漫世紀

我有著你任何地方都有力氣
你令我任何事都撐得起
歡喜與悲全部刻骨銘記
挽著我也是你手臂

感激因你未來日子依靠著你
你就似養份與空氣
來日記起再說到下世紀
也依然記得得起多得你

有你的一個熱吻
令我不需要擔心愛你不需要原因

我有著你任何地方都有力氣
你令我任何事都撐得起
歡喜與悲全部刻骨銘記
挽著我也是你手臂

感激因你未來日子依靠著你
你就似養份與空氣
來日記起再說到下世紀
我依然記得得起都因你

>>January 23, 2009 at 4:09:48 AM GMT+8

2009 年 1 月 20 日 星期二 【晴】

今朝七點十已經出門口了，因為要同A仔一齊出門口．．．佢要早就陪佢早啦，哈哈！嘩，好多野要拎返學校呀，拎到丫．．．好在有A仔係度幫手拎到去屯門西鐵站．．．去到屯門西鐵就同佢地分手了，一個人搭多個站去市中心，之後再行番去學校．．．原來都唔係要太長時間，大約十分鐘度我都行到去了．．．行過東海堂仲買埋個包添！

返到去學校門口都係八點九，於是乎走左去麥記坐左一陣睇報紙，搭十一行再行過去，再打比同事兼同學仔，跟住再一齊入學校！是關佢要將我介紹比門口既阿叔阿姐知，如果唔係D校工會以為我係訪客，哈哈！大家放低左D野後，就以COMMUNITY WALK既名義出左去．．．同事阿MARK帶左我行區行左個圈，仲中途大家去食埋個豐富早餐．．．當然今餐係我請客，因為我在佢身上實在有太多既得著了，係時候要好好報答了，呵呵．．．

之後返學校，開始我地既大清除行動．．．阿MARK執好晒佢既個人物品，騰空番書桌同書櫃位置比我，我就幫佢手係咁執，因為都唔少野呀！我又係度抹抹抹，因為．．．男人又點會得閒去執下台同櫃架，實在有太多垃圾同塵了．．．好恐怖！跟住到左十二點五，我地就過左去小毅進兩班同學課室，同班同學亮下相．．．我都有點兒緊張，因為好怕會有比較下同學難同我融合！不過，我知唔多唔少一定有阿MARK既影子要背負著架喇，我唯有就係要突出自己既形象，令同學仔接受我啦．．．要加油呀！

下午，阿MARK同左兩個同學仔出去食LUNCH，咁我就自己一個啦，其實都要習慣了．．．我先再行多次今早阿MARK帶我行既地方，順手做下銀行既問題，跟住係附近買左野食．．．唉，呢頭食野真係抵，比起灣仔真係平好多囉．．．不過，我估我日後都係會帶飯多架喇，因為想慳錢同儲錢．．．糧左地一排，之前儲既錢都洗得七七八八了，好可憐！所以之後又要努力儲番錢，仲要儲多D添呀．．．過左陣同事帶埋兩個同學仔一齊返，而我又承機認識下呢兩位同學仔．．．講真，百二隻CASE喎，真係做得幾多得幾多啦，都有點擔心架，因為都差不多過一個學期了，仍有六十隻要開，但係完全未開波囉，唉！

下午一邊執野，一邊同兩個同學仔傾計，希望可以同佢地快上建立關係！其實，好想快些開始計劃我既工作，不過又有點HOLIDAY MOOD呢，想起下星期是假期，真係有點想唔諗住，等到年初四返工時先開始計劃，哈．．．

終於放工了，約左A仔同朋友出去銅鑼灣行花市，所以我行經去巴士站時一邊行一邊順手睇下D衫．．．不過睇唔中呀！出到去中環就係咁塞車，好經辛苦先去到灣仔JOIN阿A仔．．．見到佢真係係我最開心既時間！我好喜歡見到佢笑既樣子，我一見佢笑，我成個人都好開心了，哈！我同A仔自己行左陣灣仔同銅鑼灣，跟住先再JOIN兩個朋友一齊行花市．．．我地都冇點買野，只有我最大收獲，就係買左我夢寐以求的毛毛蕉攬枕．．．好抵，只係八十蚊！而再買左副三國啤牌比A仔，佢就買左隻叫叫O咀雞比妹妹貓玩．．．我地行過社民連個COUNTER，都冇咩特別，不過阿婷就幫個同事買左個蕉蕉雙折棍．．．

我地行完花市就分手了，我一個人回家，A仔就再JOIN另一個朋友，今晚幫佢手寫PROPOSAL．．．而我隻蕉蕉就好幸福咁係住A仔既懷抱中，跟佢返到去元朗．．．YEAH~

>>January 22, 2009 at 2:56:41 AM GMT+8

2009 年 1 月 19 日 星期一 【晴】

今日係第二日返工，今日返灣仔中心呀！一朝早約左同事兼同學仔食早餐，佢話當同我洗塵喎，哈．．．我地一早去左食好好味既米線．．．早餐食米線真係第一次，不過又幾好風味喎！早餐過程中大家傾左好多人事上架構既問題同對某些同事既看法問題．．．真係在mark身上了解左好多好多．．．真係感謝神，真係神佢安排mark到我身邊，協助我順利接手這份工作的，我真係好感恩呀！完全係不能夠去形容的心情．．．

之後一齊返中心，仲扮晒話大家係街度撞到，好好笑，怕比人知道我地既關係．．．都係既，尤其唔想比我地個team leader知道我地係識架囉，因為背後係有些少問題的．．．呵呵！朝早team leader佢SL左，所以由我個team既副經理同我做左個簡單既orientation，真係超簡單囉，用左20分鐘講完．．．之後阿mark同左我四圍行認識中心設施同同事，中心真係大，共有三層，真係同事又多，好多野一下要記，真係有點吃不消呢．．．最後悶左一個上午！

下午一點度同左同事出去食飯，去左食魚蛋粉．．．發現灣仔呢區食飯都好貴下，至少都三四十蚊，真係好貴．．．我諗日後都係帶飯多喇，要慳下錢了．．．之後同同事各散東西，我就去左銀行，之後去左買左杯涼茶飲，因為真係好熱氣！返到中心，又悶左一粒鐘有多，跟住我個team leader先至同我講左跟住我既工作內容包括咩野，又係好快講完，之後又係好悶咁過．．．四點左右，阿mark先再同我講番學校既工作，我之前都自己上左學校個網，了解下佢個小毅進情況同埋學校情況．．．後來又經辛苦先到左六點，悶左好長時間！

好期望聽日handover時可以有多點野可以知道啦，不過我相信阿mark一定會過好多料比我既，哈哈！

放工後回屯門了，好肚餓，因為回到去七點半了，在962訓到不知時間，好累，不過覺架車好慢好長時間好辛苦囉．．．食完飯執埋野就去山景接A仔放工，同佢D同事傾左好多好卵野，真係好好笑好開心，笑到牙都軟埋呢．．．

聽朝可以同A仔一齊出門口，好開心呢．．．雖然要早點出門口，咪走去麥記食個豐富早餐囉，個人都精神D既．．．要CHEEER UP呀！今日聽妹妹講，佢公司呢幾日，應該新年前會再裁人，妹妹好擔心呀！希望佢冇事啦，要相信主既安排呀！

>>January 20, 2009 at 4:16:02 PM GMT+8

2009 年 1 月 18 日 星期日 【晴】

今日第一日返工，七點就起身了，之後七點七就出左門口，去到巴士站見到條龍長到嚇死人呀，心諗好在早左少少出門口．．．幸好，之後黎左架吉車，可以載晒排隊既人走，而我都上到車仲有位坐，真係好感恩．．．琴晚其實訓得麻麻，一來妹妹佢夜回，回來時嘈醒左我，二來又有點情緒緊張，所以訓得麻麻地．．．

出到去筲箕灣時只係九點，所以係地鐵站度等個同事等左十五分鐘，我就順便食下包，睇下報紙咁．．．去到開會既場地，嘩，好多人囉，我估有成二百人呀，因為呢度有晒八個單位既同事係度．．．跟住就發生一件好笑事．．．就係，原來我個post既上手同事，就係我既city同學，阿mark！哈哈．．．大家見到時真係好開心，一見如故咁，好似有莫名既興奮咁．．．

其實，我心想真係好感恩，因為原來我上手係同我好熟既人，咁我即使係要問或者想知多d中心既事都可以好順利咁知道．．．我覺得神真係對我不薄．．．回想起今朝，我個鬧鐘響時，我曾經有一下衝動，真係唔願起身架，因為一來真係好累好眼訓，二來真係突然個心好慌，因為好似好多野都估計唔到，好多野都唔知咁，而且亦都preview到跟住既路好唔易行，個心突然好驚，好孤獨咁．．．不過，最後都係起左身決定返工．．．就呢件事，有一件好攪笑既野回應，就係我回家後，媽媽同我講佢琴晚發左個夢，夢中見到我唔肯起身返工，佢就係咁又拉又推咁要我起身返工，最後我遲左兩粒鐘先返到去公司！哈，真係奇怪，我好相信神真係由頭至尾都係與我同在，佢真係好清楚我既一切，亦都每每樣樣事都係同我有關連的，更加既係，神安排左我個舊同學在我當中協助我適應新工作，我真係好感恩好感謝神！

今日個會議真係令我感覺十分好．．．佢一開首就先有幾位同事帶領唱詩歌同祈禱，而過程中亦都帶左好多訊息出來，係令大家感到神真係好眷顧我地，神真係好愛我地咁．．．完左個會又有個祈禱！個感覺真係好似係個大家庭生活咁，而同事之間就有如弟兄姊妹，真係好親密咁．．．真係好開心呀！回想起，以前曾在一間屯門既青少年中心實習，呢間中心都同呢度有同一個特色，就係好注重讓同事既身心靈都得到健全既成長同穩建．．．所以，我都好期待在這裡既工作生活會好愉快！真係好感恩，感謝神安排左我到這裡，成為佢既器皿，去幫助有需要既人，亦都可以認識身邊既同事，可以讓我熟靈既道路有更多既推動．．．

完左個會，就同左同事去飲茶，順手我都同同事互相認識下．．．不過，我開始睇到呢度同事既文化，真係同工x會沒有太大的分別．．．所以，天下烏鴉一樣黑既道理係正確架！算吧啦，有邊度唔會有咁既情況丫，我都預左架喇，唯一既係我要學懂如何在這個環境生存！我相信，神永遠會在我身邊眷顧住我，尤其當我知道有阿mark在我旁邊指點我迷津既時候，我更加知道呢個係神既安排．．．我而家個心其實開始定左少少喇，亦都決志我要努力面對新工作同新挑戰！我知道跟住既路唔會易行，不過，我會努力面對的．．．要努力！跟住就同左阿mark同中心總經理阿姐返左屯門間學校度，順手同校長交代番我地轉移既情況，同埋認識會與我合作既老師！唔知呢，對於呢間學校既感覺都一遍空白，暫時比唔到comment，不過，我知道上手同學校既關係真係唔錯，所以，為左可以讓學校在轉移過程中仍然信任中心同我，同埋我可以有機會有續約機會，我一定要keep住做，仲要比上手更好！所以，唔多唔少有點壓力．．．

約左同學阿mark聽朝食早餐，聽日我會返灣仔中心工作，因為我逢星期二同六都要返灣仔中心工作，其餘時間在學校！其實都天父對我很好了，今日放五點，好早就返到屋企附近，仲有時間可以同媽媽去大家樂黎個下午茶添，幾好丫．．．聽朝阿mark會同我食早餐時講更多人事上的情況比我知，等我都有所準備！所以，真係你話幾好呢，遇著個又熟又好人既舊同學同事，呵呵．．．真係感謝神呀！！！

>>January 19, 2009 at 2:39:41 PM GMT+8

2009 年 1 月 17 日 星期六 【晴】

今日訓到十點幾就起身了，之後就同左A仔一齊食早餐，跟住就一齊出門口，佢返工，我就返屯門了．．．不經不覺好似有幾天冇返過去屯門了，哈！好像有點兒那個咁，係返工前要咁樣盡興發，哈．．．

返到屯門執左少少野，跟住媽媽叫我落街飲茶，都難推了，已經好幾天唔係屋企，冇理由仲要唔陪爹地媽咪啦，哈．．．不過我又答應左A仔會天三點去佢中心度參加佢地個青年論壇，點知最後去到三點半！好在，佢都係舉行左一陣，我都跟得到佢地個情況，我地比左少少意見咁．．．之後，佢地成班人做檢討，A仔都邀請埋我參加，我都比左少少意見咁啦．．．之後仲協助D青年人預備下一次既論壇，最後留到六點幾先走，果時A仔仲同同事傾緊重要事，所以都冇話比佢聽就走了．．．

返到屋企就開始準備下聽日返工既野，例如執下袋啦，要帶既物品啦，個PORTABLE HARDISK啦，不過而家仲未搵聽日既衫呀．．．聽朝要好早出門口，是關要去筲箕灣開會，新同事話係一個傾YEAR PLAN既會，所以先至會去到果邊既青少年中心單位度開會．．．都係好事架，我可以親呢個機會認識下D同事，亦都有需要參與下YEAR PLAN既內容既．．．其實而家個心都有點忐忑呀，亦有點擔心同緊張，因為始終好多野都係唔知道會點，包括工作情況內容，工作環境，工作關係（學校與中心間既情況）．．．因為係學校工作好唔同，始終個關係要好清楚，因為你唔係學校聘請，所以好多時都會比較複雜！我未曾在學校工作過，所以都唔多唔少有點擔心呀！唉，要好好祈禱，希望天父神可以指引我既方向啦，給予我智慧同勇氣去面對新工作同新挑戰啦．．．我PREVIEW到今年我將會係辛苦既一年，一來要好好做好個PROBATION，之外過左PROBATION之後仲要面對九月份會否被續約既問題 ．．．所以今年真係要十分努力了！要決志努力呀！！努力做好呢份工就係我今年既目標！希望天父神可以眷顧保守我啦！！

希望跟住既工作日子都係愉快啦，因為過往實在工作日子不太愉快！最失望既一份工，就係上一份了．．．自問放了努力精神同決心在工作上，而且亦對工作內容十分感興趣，亦在當中有所得著，更期望可以延續這份工作．．．可惜最後卻走到被人裁走既地步，真係好無奈！所以，我真係同自己講，我要努力呢份工作，即使有幾辛苦，有幾艱難渡過，我都一定要堅持下去，一定唔可以輕易放棄自己或被人放棄自己．．．

>>January 18, 2009 at 12:59:26 PM GMT+8