2008 年 6 月 17 日 星期二 【晴】

今天睇了一個好友的blog，聽了一首詩歌，感到很有意思，好想同大家分享．．．

”好好戀愛”

http://www.youtube.com/watch?v=0HRYdPre45k

<好好戀愛>歌詞

孩子：我的天父，可否讓我好好地談戀愛？
孩子：不再流淚，不再傷痛，不再聚合又要分開？
孩子：我的天父，我只想要安穩地找個人來愛，
孩子：請讓我知道，那個人在不在？

天父：我的孩子，難道您忘記了我就是愛？
天父：學懂愛我，學懂愛您自己，您就懂好好戀愛。
天父：我的孩子，何不嘗試安靜的慢慢去等待。
天父：您就會知道，那個人在不在。

天父：您是否願意相信，每時每刻都在我手裡，
孩子：願意相信，
合：沒有事情是太早或是太遲。
天父：願意相信，
孩子：愛我的主，我願意相信，萬事萬物都在禰的手裡 ，
天父：我教您順服，我的旨意。
孩子：請教我順服，禰的旨意。



的確，不論是否正在談戀愛，
也先要學懂愛神、愛自己，
才能好好地戀愛。

>>June 18, 2008 at 5:00:03 AM GMT+8

2008 年 6 月 16 日 星期一 【颱風】

今日天氣十分反常，一時好大雨，一時好平靜．．．就好像我的情緒同心情一樣，反覆無常
！今日是第二天病在床上了，今早起身突然失聲，而且一整晚都不能睡，不知原因為何？是藥物的影響？還是心魔在作怪？亦是想得太多令自己精神了，定是什麼原因？．．．於是決定繼續休息一天！可惜這個休息卻成為了我思考的機會．．．今天我突然想起了很多與他的事情，有開心的，有不愉快的，有我們將來的，有我們現況的．．．很是回味又傷心，十分矛盾的心情！終於鼓起了勇氣，寫了一封長達六頁的信給他，一次過將自己的情感表達出來．．．過程是十分痛苦，但總好過日後連想說的機會也沒有就完蛋了！

邊哭邊寫的感覺，已經不再陌生了．．．我在過程中曾經懷疑過上主，究竟最後祂會給予一個什麼的結果或答覆我呢？而這個答覆及結果又會否是我喜歡的，接受的呢？如主給予我的是我不喜歡的，那麼我又可以怎樣？十萬個問題出現了，令我對神的安排存有懷疑．．．我亦開始對自己，對神失去了信心！我知道這是不正確的，可惜心中不斷爭扎，令我不得不這樣想．．．我回想起前年八月至十二月的情況，令心中更傷更痛！因為是次卻令我的傷痛十分大，跌得十分痛吧！

今天在家十分沉悶，精神及身體上十分疲累，可惜一直都未能入睡，看過醫生亦不知原因為何？醫生只說我失聲是與吃類固醇有關，是它令我聲帶失聲的，是正常的！我的心都定了一點吧！不過氣力總是不夠，精神仍然十分差勁！唔想這樣，好想休息，可是總是未能入睡！是我想得太多？想得過了火？從而令自己情緒混亂？．．．好想平靜下來！後來到了下午，感謝神，祂令我感到平靜了很多，在睡下醒下的情況下睡了一個半小時，心情好像好了很多，平靜了很多！感謝神！今天全天都一個人在家，與波波貓為陪，亦都與電話為伴！中途曾經電腦壞了，又激氣又不知所措！後來好在比我弄好了！曾經過程中很想哭，可能感到好像身邊所有人都失去了，唔見左，個心好痛，好不知所措，覺得好寂寞同孤單．．．

今晚看了”溪畔靜思錄”是日的一節，當中提到我們在禱告時是需要以平靜安靜的心去禱告，否則我們便不能夠聽到神給予我們的聲音．．．而且，我們亦要耐心地等待神的聲音，如我們沒有安靜聆聽神的說話便離開，照自己的想法同意思去做，結果必定不可收拾，亦有機會被迫從頭再來．．．為了不浪費時間，我們應在神的面前完全安靜，我們在等待神祂的回音時自然會得到那種安靜，休息與平安！

感謝神！我再次知道我應平靜及安靜地等待神的答覆，直至得到神的聲音為止，不可以自己的想法一意孤行，否則便會弄巧反拙．．．

今天聽了一首歌，我曾經很喜歡它的內容．．．是莫文慰的”其實我一直想對你說”，很能表達我現時的心聲．．．

有一些話從來沒說 以為不說也懂了
我們都害怕太浮誇 這世界又過於虛假
原諒我嗎 你的話若我沒太多驚訝
總以為激情已昇華 並不是熱情已蒸發

還不想當時也把經營規劃它
真的愛不必刻意吧

其實我一直都想親口對你說
你愛我也不容易吧 但是你並不問代價
抱歉我原來還沒親口感謝你
給我力量不懼怕

好聽的話都聽膩吧 錯覺你不需要它
時間匆匆就像流沙 卻想著來日方長嗎
原諒我嗎 當情話 沒點螢棒的火花
總以為激情已昇華 並不是熱情已蒸發

不想把情緒放淡 那太復雜
因為愛不是表演吧

其實我一直都想親口對你說
你愛我也不容易吧 但是你並不問代價
抱歉我原來還沒親口感謝你
給我力量不懼怕

我笑意裏那些淚水和我的歉意
到底可不可以稍稍去彌補
種種不如你期望的所處
如果我驚覺我愛你並不夠

其實我一直都想親口對你說
你的愛就是獎勵吧 生命裏額外的長假
抱歉我原來還沒親口感謝你
你就是我要的回答

>>June 17, 2008 at 2:13:08 PM GMT+8

2008 年 6 月 15 日 星期日 【溫暖】

今朝起身時個天好黑呀，真係好恐怖！不過，琴晚無啦啦氣喘，都唔知咩事？！只知道係好辛苦．．．．到左今朝，沖完個涼，又喘過．．．唉！天呀！！好想死呀！辛苦死我喇．．．最後都係喘到返唔到工呢，好唔開心！後來繼續訓，訓到十二點先起身．．．其實都唔知點解會無啦啦喘，可能．．．近日喊得多卦，又或者係呢兩日食野關係卦，唔知原因呀！

睇完醫生係屋企就訓，訓到七點起身！之後，”的”起心肝，難得今日有時間好好思考一下，考慮一下自己既事．．．雖然，心情仍然反覆，有時都會無啦啦而喊，不過，我知道已經堅強了很多了，我知道有主佢suport的，我會平靜很多很多去處理事情．．．感謝神，今日我真係心情平靜了很多，而且亦都感謝主給予我聰明智慧去思考自己的事！

過程，真係十分痛苦，無可否認，好像將自己心中的想法同感受從心中挖了出來咁，好的是舒緩了心中的痛苦，唔好的是令自己感受痛苦．．．不過，我相信會是一件好事的多．．．

其實早前買過一本書，叫做”溪畔靜思錄”．．．我都買左本比A仔，希望佢即使唔得閒返教會，都可以在家嘗試靈修．．．不過，可能這本書對佢黎講深了一點，佢都唔太睇得明，其實我自己也是．．．所以近日都冇再睇了！

不過，近呢兩日又再次拎番出黎睇，真係覺得好大感受，唔知點解往往好似神係度比點啟示我咁，近日睇既野，聽既野，都主要係讓我知道神係與我同在，只要我懂得禱告，神必定會幫助我，為我找出解決問題的答案！今次睇的一篇，都是講我地往往疏忽了求告後去找尋神比我地既答覆！而且，只要我地係依著聖經既規定同要求，憑著信心去禱告，遵照主既旨意求，禱告必得到神既應許，奉住耶穌基督的名，在聖靈感動下而求，必會得到充份的回應．．．我覺得，神正在告訴緊我一些事情，不過．．．我暫時都未有答案！究竟係我愚蠢唔明，還是神想考驗我，想考驗我的信心同對神堅定不移的相信同敬畏祂．．．


我準備好的了，不過，最擔心的是．．．當神祂回應我時，我係唔知道或者唔明白，而白白送走了一個啟示．．．唉．．．

突然看回了前天及昨天的文章，真的很深的感受．．．14/6發生事當日那篇，其實是提及只要我們對自己充有信心，自然就可以得到神的幫助，與神相連，得到神給予我們的力量．．．真的感謝神，我開始感受到在祂手中取得一丁點的力量去面對現實及事件．．．另外看回昨天的文章，文章提及，我雖然正受著痛苦，但是這些可能並不是痛苦，而是神給予我的一點磨練，並不是大雨，而是溫柔，仁愛，恩慈和聖靈的其他千種花朵與果實，使我生命得到屬靈裡我豐富．．．雖然我正在沉淪在悲傷中傷痛，令我的心畏縮，但係神卻係要使悲傷深深地豐富我的生命！感謝主，給予是次的考驗，讓我的生命得到豐富．．．或許是次的考驗，正正神是要考驗我同佢之間的信心及堅決吧！所以，要相信主，依靠主，祂必定會給予我們啟示，讓我們知道如何可以令我們的生命更豐富燦爛！

>>June 16, 2008 at 2:56:19 PM GMT+8

2008 年 6 月 14 日 星期六 【綿綿細雨】

唉~ 琴晚其實真係訓得麻麻地，真係喊左好耐都好似唔識得停咁，真係唔知點解唔識停，眼淚不斷咁流落黎．．．當時個腦一遍空白，只係不斷在喊．．．

但係亦都感恩既係，最後可能喊得太累，都可以訓著左覺，感謝神都讓我可以有休息既時候，準備今日崇拜，因為我今日負責讀經既部分．．．今日返教會既過程，唔知點解總係令我情緒波動，不時都無論唱詩歌，祈禱，甚至係牧師講道既內容，都往往令我好有感受．．．不過，今日牧師既講道，確實令我有所反思，令我深深感受到主係與我地同在，只要我地信靠主，主一定會為我地分擔一切，為我地解決問題，佢係會聆聽我地既禱告的．．．亦都幸好，我讀經的部份十分順利，好多弟兄姊妹都讚我讀得好，把聲好動聽．．．真係好感恩！最重要既係可以成為主既器皿，將神既話語向會眾讀出，令他們有所感受！

無可否認，完左崇拜後，我個心平靜了少許，亦都開始知道係時候自己要懂得放下一點東西．．．但係實質是怎樣處理，我自己仍未有決定，現時腦海仍然是一遍空白，沒有什麼想法或決定，只求神可以給予一點啟示我，讓我知道應該如何處理．．．當然，我亦會不時祈禱，希望神給予我聰明智慧，給予我勇氣耐性，給予的冷靜平和的情緒，去面對及解決問題同困難；亦希望天父神可以給予我地一點的恩典，協助我地處理我地既困擾，找出解決問題的方法！當然，我亦希望即使我地曾犯了什麼罪，亦希望天父神可以寬恕我地，可以繼續保守同看顧我地．．．

完左崇拜，同左爹地妹妹去食野，同爹地再慶祝父親節！食完野，我就陪左妹妹去尖沙咀行，其實．．．都沒有什麼心情行了！過程中，不可不否認，自己雖然表面好像沒有什麼，有講有笑似的，但我相信妹妹好清楚知道，我是沒有任何好心情，而且一點都不快樂．．．真係知我者莫若她吧！到了晚上，契哥同佢女友帶埋兩隻狗狗黎我屋企食飯，但係．．．我真係冇咩心情招呼佢地，亦都唔想見人．．．無奈，亦都需要裝作好心情！當然，阿哥亦明顯感受到我同以往有一點不同，我亦沒有再提什麼了．．．雖然，完了崇拜後我係有一點反思，心頭大石曾放下了一點，不過，始終這個”酷刑”一日未了斷，日子亦十分難過．．．我相信自己呢十日返工都應該冇咩心情的了．．．我亦唔想影響自己既工作吧！

今天係父親節，本來琴晚亦好地地同爹地去慶祝的，可惜又發生不愉快事件，一倒雅興．．．我都對爹地唔住了，今日又心情不佳，影響了我的熱情．．．希望爹地原諒啦！

琴晚好早走左上床訓了，因為真係心情極差，好想找個地方躲起來，好想大哭一場！最後選擇了自己的床！後來聽到出邊電視正播著以下的一首歌，令我心情更差了下來．．．

Avril Lavigne - When You're Gone


I always needed time on my own
I never thought I'd need you there when I cried
And the days feel like years when I'm alone
And the bed where you lie
Is made up on your side

When you walk away
I count the steps that you take
Do you see how much I need you right now?

When you're gone
The pieces of my heart are missing you
When you're gone
The face I came to know is missing too
When you're gone
The words I need to hear to always get me through the day
And make it ok
I miss you

I've never felt this way before
Everything that I do
reminds me of you
And the clothes you left
they lay on the floor
And they smell just like you
I love the things that you do

When you walk away
I count the steps that you take

Do you see how much I need you right now?

When you're gone
The pieces of my heart are missing you
When you're gone
The face I came to know is missing too
When you're gone
The words I need to hear to always get me through the day
And make it OK
I miss you

We were made for each other
Out here forever
I know we were
Yeah

All I ever wanted was for you to know
Everything I do I give my heart and soul
I can hardly breathe I need to feel you here with me
Yeah

When you're gone
The pieces of my heart are missing you
When you're gone
The face I came to know is missing too
When you're gone
The words I need to hear will always get me through the day
And make it OK
I miss you

我咁大的感受，就是因為．．．我好掛住佢！

>>June 15, 2008 at 1:55:56 PM GMT+8

2008 年 6 月 13 日 星期五 【溫暖】

今日得我一個人係中心，所以一腳踢．．．放工後去左市中心meet媽咪，去左飲茶同行左陣街，後來妹妹都join左我地．．．之後，我同媽咪妹妹一齊去左深井，因為今晚book左同爹地慶祝父親節，去左一間意大利餐廳度食．．．真係唔錯既水準！可惜，中途發生了事，是我同A仔之間既事．．．天崩地裂既事終於發生了．．．

哭，已經哭了千篇；祈禱亦祈了千篇．．．心中同思緒仍然十分混亂．．．剛才，看了聖經一小篇，由於明天要讀經關係吧！頓然，感受到主一直都係在我身邊，經文一段係咁樣記載：

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我愛耶和華，因為他聽了我的聲音和我的懇求．
他既向我側耳，我一生要求告他．
死亡的繩索纏繞我，陰間的痛苦抓住我．我遭遇患難愁苦．
那時，我便求告耶和華的名，說，耶和華阿，求你救我的靈魂．
耶和華有恩惠，有公義，我們的上帝以憐憫為懷．
耶和華保護愚人，我落到卑微的地步，他救了我．
我的心哪，你要仍歸安樂，因為耶和華用厚恩待你．
主阿，你救我的命，免了死亡，救我的眼，免了流淚，救我的腳，免了跌倒．
我要在耶和華面前行活人之路．
(詩篇：116篇1-9節)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我知道現在，我想什麼，講什麼，分析什麼，思考什麼，再哭什麼都沒用，因為．．．我知道神早已有了安排！要爭取的，都曾經爭取了；要懇求的都早已求過了．．．最後，還是要積極做人，正如經文所說，我要在耶和華面前行走活人的路．．．我相信，主是永遠都會在我身邊，為我打點一切，為我的幸福前景安排，不時都會恩待著我，愛著我，為我安排佢認為最好的東西．．．我現在只會不時祈禱：

”祈求天父神可以給予我冷靜既思維，平靜既心靈，勇敢既心，去面對困難同挑戰，同時亦可有著主所給予既能力，去克服逆境同悲傷；我會用心咁去等待著神祢既差遣及旨意，等待神要為我所安排既東西．．．願意將一切都交到神祢既手中，好讓祢為我安排．．．同時，我亦希望天父可以繼續保守著A仔，令佢得到平安及快樂．．．雖然，我唔知道最後既結果會如何？但係，我亦希望天父神可以給予一個更合適，一個令我們滿意，同埋令大家都感到快樂的結果．．．我以上卑微既祈求，係靠主耶穌基督既名而祈求，誠心所願．．．”

十二天的時間．．．可以說是一個酷刑．．．但為什麼酷刑，往往都喜歡在應該開心的時候出現？突然要再次面對同適應做單身人士，我應如何面對？！．．．”我的心默默無聲，專等候神，我的救恩是從祂而來．．．”

>>June 14, 2008 at 4:12:21 PM GMT+8

2008 年 6 月 12 日 星期四 【溫暖】

WOW~ 而家紅色暴雨呀~ D雨落到好似倒水咁，真係恐怖呀．．．今朝都冇咁大雨的，係一時大一時細咁，好唔穩定．．．今日好眼訓，因為琴晚成點先訓，陪左A仔一陣上網搵佢去交流團既資料．．．我都知佢為左工作都好煩惱了，我琴晚仲發左佢脾氣，我都知衰了，希望佢原諒我啦！

今日因為精神唔夠，所以成日都好似遊魂咁！成日聽電話都覺得好唔耐煩咁，不過，當然我唔會表現到比人知啦，只係心中好躁咁囉，好辛苦呀！加上．．．一個月一次，唉，係情緒差D架喇，所以希望A仔明白同原諒，HEHE~

今日一個人食飯，之後見有時間，所以係房度諗住訓陣，點知我由一點訓到差點唔識醒，一醒果時已經係一點七了，嘩，幾驚呀！成個人彈左起身呀！即時開番個檔口先啦，因為另一位同事遲左出去食飯未返嘛．．．跟住係精神左少少既，不過都係好遊魂咁囉．．．

到左臨放工前半個鐘，又得番自己一個，因為同事早走呀，好悶咁渡過．．．唔知近日既查詢電話都少左呀，冇咩生意咁，所以好多時都幾悶下．．．聽日，本來要返土記既，點知臨時又被調番觀塘．．．已經兩星期冇返過土記了，我有D行政野要返去攪架，真係麻煩，都唔知幾時先可以返去攪了．．．討厭！

放工又係車訓，訓到落車．．．好好訓呀！唔願落車．．．返到屋企，見住天氣越來越差，個心又係度諗：如果聽日又黑雨就好了，哈．．．

明天，我同屋企人會去食飯，為爹地慶祝爹地節．．．我今日特登BOOK左深井一間意大利餐廳，佢係任飲任食的，我都未食過架，只係朋友介紹，一直都好想試，終於有機會了！太好！不過係深井，又好似遠左少少．．．不過．．．冇幾何啦！其實好期待呀．．．希望好食啦！雖然得露天位坐，不過，應該都唔錯的．．．

其實，呢排自己心情都唔係太好，有時都好波動，都唔知點解．．．唔多唔少都因為一個人而令自己情緒唔好，我唔敢唔認！唉．．．這個人，如果唔係係我心目中有一個重要地位既話，我都唔需要因為佢任何既一舉一動，一言一語而咁樣頭痛，咁樣唔開心．．．不過，有時，我都同自己講，我要體諒對方既所有野都可能有其背後原因．．．而且，我亦同自己講，如果神唔喜悅既事，我即使點樣做都冇用，所以倒不如順其自然吧！神自有安排的．．．我近日都經常祈禱，因為我真係好想澄清一些事情，好想神可以比點啟示我，好想神可以比力量我去處理一些事情，亦希望神可以給予我們恩典，可以順利處理我地既婚禮；同時，我亦希望天父神可以眷顧我地，讓我地既關係可以越來越好．．．但願如此吧！

>>June 14, 2008 at 2:27:06 AM GMT+8

2008 年 6 月 11 日 星期三 【溫暖】

今日一朝要出去勞審處，所以又係唔洗早出門口，有多點鬆動時間，真係好！今日個個案好快攪掂左，因為個僱主又冇出現了，所以申索人再次全數得值．．．完左後都係十點，見有時間，所以行左一陣，不過冇收獲，行到十點半度就走人回觀塘．．．今日lunch食魚旦粉，因為都唔想食得太heavy了，真係感覺到自己肥左好多好多．．．

放工了，帶住又累又眼訓既身體走人，搭車又訓唔到，因為太肚餓了．．．食完飯，就準備出發去山景了，要接A仔豬放工．．．點知天氣好差，落左好大雨呀，我地返去都要搭村巴，返到元朗已經十點點幾了，好累好累．．．好在在家已經沖好涼洗好頭先去．．．

A仔佢琴日買左份禮物比我，佢話佢一見到果時已經好鍾意了，佢估我會更加鍾意．．．其實，份禮物係一SET既貓貓磁石公仔，隻隻貓貓都唔同動作的，好可愛架！仲有，A仔知我喜歡GODIVA，所以特意買左枝GODIVA既DARK CHCOLATE既COFFE比我飲，佢話貴STARBUCKS好多架．．．真係開心死，好多謝佢，知佢好錫我．．．錫晒佢呀！！

>>June 13, 2008 at 2:35:26 PM GMT+8

2008 年 6 月 10 日 星期二 【綿綿細雨】

嘩~ 今朝早好大雨呀，仲曾經期望今朝會係黑雨，當然可惜唔係啦．．．特登早左少少出門口架喇，見咁大雨都踩唔到單車，所以諗住早點落去搭村巴啦，點知由七點八等到搭十一先至有車．．．一上車，聽到新聞，講今朝屯門公路撞車，封左一條慢線，所以，去到元朗西鐵站，我都爭扎左一陣，決定轉折點，搭西鐵去美孚再轉地鐵返觀塘．．．最後，可以準時返到觀塘！A仔，A仔媽咪，我妹妹就唔好彩了，塞車塞到傻左，妹妹最後九點九先返到公司．．．而A仔媽咪最後都返唔到工，A仔就係正大欖隧道塞車，睇住隧道口而入唔到去既感覺真係幾差架！

今日中心又係得我一個人，好在又唔太一腳踢，電話都唔多，WALK-IN都係得兩個，都幾閒下架，所以都做左好多自己野．．．不過今日下午突然唔多舒服，原來．．．唉，一個月一次個親戚又來了，早了好幾日黎探我，攪到我都冇準備添，好在有同事幫到我手，哈！臨到收工時收到個好長氣既男仔電話，真係煩到想死，講極都唔斷氣咁，好可憐！放工就走人，上車就係咁訓，好辛苦，訓得唔舒服，但係又好累，隔離個死男人又成日撞埋黎，頂．．．

今日太累了，真係要早點休息了．．．

>>June 11, 2008 at 2:32:10 PM GMT+8

2008 年 6 月 9 日 星期一 【綿綿細雨】

今日返工，好眼訓呀．．．好累好累．．．琴晚訓極都訓唔著，可能因為食得太飽了，琴晚最衰啦，食得太多野了．．．加上日頭飲過茶黎，個腦FANG FANG聲咁，哈．．．媽媽都同我一樣，成晚冇訓咁滯．．．累死我！返到去好似一條死屍咁，唉．．．

到左十一點半，同左個同事出去街站，搵錯左地方，係咁吸廢氣，頂！又熱又焗，想死呀！！好在一點就完左，可以返去食飯，買左碗魚旦粉食算，唔想太HEAVY，但係又唔可以唔食喎，煩死人．．．咁就過左個下午，五點開始又得番自己一個人，FREE，準時就走人回家了．．．回家過程中，媽媽話妹妹六點班機到左香港，於是乎都打比妹妹，好似好掛住佢把聲咁，哈！之後七點幾去左碼頭接佢，嘩，個O急重到丫，不過冇咩手信比我囉．．．失望！妹妹話今次行程一般，比起上次我地去既SHOOPING地點少，不過就去左芭堤雅既珊瑚島，玩左香蕉船同海底漫步，要成四百幾蚊港幣，真豪呀！我果時同A仔去真係唔捨得呢．．．佢今次同朋友去，做左好多平日唔會做既事，包括頭先一D佢心目中高危既活動，食海鮮，行夜市，食街邊食肆．．．真係．．．唔知講咩好？！ANYWAY見佢平安回來都好感恩吧！

之後食完飯，我就去左山景接我既A仔小朋友放工，點知去到，見到佢損手爛腳咁，兩隻腳仲包晒繃帶咁，唔知咩事，後來先知佢原來朝早炒車黎．．．嘩，擔心死我！佢話係今朝打比我後發生事的．．．我當時因為係街站所以冇聽佢電話．．．我心想，如果當刻我聽住佢出事既話，我一定擔心到喊．．．幸好，沒有大礙，相信神有保守住佢．．．不過出奇的是，以過往的A仔，佢一定大發脾氣了，但今次卻出奇地平靜心．．．唔，A仔終於學習到了，亦都明白到了神一定會在我地當中，保守住我地．．．

同A仔一齊返元朗，幫佢洗傷口，真係．．．心都痛晒，肉都痛埋．．．唉！真係傷在佢身，痛在我心了！唔，希望佢快D好番啦．．．

>>June 11, 2008 at 3:39:51 AM GMT+8

2008 年 6 月 8 日 星期日 【微雨】

雖然今日係端午節翌日假，不１今朝十點已經起身了，因為比屋企人嘈醒左呢．．．起身後食了早餐，同屋企人係度睇電視，真係好好笑．．．好似好耐冇咁既組合睇電視了．．．妹妹仲係泰國未返，所以近日家中都靜了少許．．．不過，一個人用晒間房既感覺．．．又真係好正喎！哈．．．

之後，A仔約左我兩點半係蝴蝶灣果頭游水，我係屋企食左今年端午節第一隻”傻”．．．好飽呀！食完之後就出門口，一去到集合地點，誰不知，嘩，十幾個人去玩呀，真高興．．．我地又游水，又玩橡皮艇，又打沙灘排球．．．好好玩．．．咁就玩到五點半了，呵！好好玩，順便又識多左A仔D同事了．．．玩完後，我返左屋企沖洗，後來A仔都黎埋我度沖身，我地攪好後約左朋友去新屯中間酒樓度打邊邊．．．嘩，TOTAL有18個人呀，開左三張台．．．我都係第一次打邊邊開三個爐打．．．之前最多只係開兩個爐咋．．．好似去飲咁，好好玩，好正！D食物都OK喎，唔差丫，價錢都係我預期內，一百蚊左右．．．平日當然會平D啦，加上今日有人生日，請埋個朋友啦！

食完各自回家了，大家都好累．．．幸好回程途中有A仔既新同事艾廸陪我行番屋企，傾左一陣，A仔話我知既野仲多過佢喎．．．哈！咁奇怪？只係十分鐘既路程就可以知咁多野，咁證明佢同新同事未有好好既溝通了，哈！明天要返工了，好辛苦的感覺，因為放了四日假，而家超級HOLIDAY MOOD囉~

>>June 11, 2008 at 3:01:11 AM GMT+8