2008 年 11 月 11 日 星期二 【晴】

今日返左中心一陣後又要出去做野了，唉．．．近排真係想死，日日都有野要出去咁滯，累死我了．．．同左同事出左去旺角勞工處，攪掂後同左同事返左土記果度食野，去左食粥，過程中傾左好多野，好開心，因為可以講左好多心底話．．．好感謝同事佢既體諒同明白．．．好多謝呢個女同事呀！！

下午食土記，繼續忙，都唔知自己忙什麼．．．只係做做做．．．好經辛苦到左放工前半小時，可以有時間上網睇下D工，終於可以一次過寫左兩封信，放工時仲順手寄埋，真係好．．．

放工後直接入左山景去搵A仔，去左佢中心食飯，A仔佢下廚．．．唔錯既，不過係唔夠飽O者，哈．．．跟住好可憐，已經好累好累，但係又收到唔開心既消息，就係A仔可能陪唔到我放假去玩玩，因為佢遲點有個大PROJECT要做囉，唉．．．明白既，呢個時候係工作要緊既．．．算啦，唯有自己去旅行囉，因為，真好係好想離開香港呢個地方．．．第二，就係無啦啦呆等左A仔粒幾鐘先放到工，唉．．．佢比老細捉住左傾野囉，唉．．．最後九點半先走到人，天呀．．．好累呀．．．攪到今日心情好差好差．．．冇晒心機呀！

>>November 13, 2008 at 4:21:38 PM GMT+8

2008 年 11 月 10 日 星期一 【晴】

今日難得返工係唔洗出街架，真係好，不過留係中心同樣忙，都係忙到停唔到．．．好累好累．．．本想好好搵時間睇下D工，但係都係冇咩時間去睇，頂．．．

放工後，約左妹妹去尖沙咀．．．近日妹妹心情唔好呀，我都想陪佢多一點，希望佢開心番啦．．．今日出街竟然冇收獲，哈．．．真係忍得手！不過食飯都好貴了，食左一百蚊呀，去左阿貓地攤食，同左好多貓映相同玩玩，好開心呢．．．不過．．．果度既服務就差了一點了，始終唔夠人手係差點了．．．

我地行街行到十一點幾先至走，所以回到屯門都十二點幾了，好累．．．要訓喇

>>November 13, 2008 at 4:09:12 PM GMT+8

2008 年 11 月 9 日 星期日 【晴】

哈，天氣凍左好多，今日得17度，好凍呀．．．突然凍左真係好唔習慣！我一向都好怕凍，好唔鍾意冬天，唉．．．今日朝早去灣仔做野，可以承機又晏點先起身了，幾好．．．做完野就後就去左灣仔玩具街行左一陣，跟住先至再回土記，返到去就食飯了，哈．．．今日去左買蒸飯食，都係第一次係果度買飯食．．．或許，都唔會再有機會的了，唉．．．試下無妨啦．．．

食完飯，又係好忙，又要出去了，去左旺角勞工處做野．．．開心地唔洗五點已經做完野，所以同同事承機行左陣旺角，哈，買左兩對襪，之後都走人了，返左屯門！

返到屯門都好累，訓左係床度唔想郁．．．好想訓．．．之後，食完飯，都去左山景接A仔放工，今日好凍凍呀，入夜仲凍，好辛苦呢．．．

唔知點解近日個人忙到有點麻木咁，真係只知道好累，好忙．．．但係，根本都唔知自己在做什麼，好似有點灰咁．．．唉．．．可能係最後一個月，而家要HANDOVER工作啦，有點古怪既感覺．．．

>>November 13, 2008 at 4:05:33 PM GMT+8

2008 年 11 月 8 日 星期六 【晴】

唔．．．真係好，終於可以休息多一點了．．．唉！今日精神好了點，太好了．．．今日下午去左堂細佬妹屋企，同左HONEY狗狗玩左好耐，決定下次探佢時要買份禮物比佢．．．之後，同左叔叔一家去左美心飲茶，食左好多野，亦都食左好貴，好似八個人食左五百幾蚊囉，嘩嘩．．．

飲完茶都已經係四點了，我同爹地媽咪之後去左APM行左陣，順手去左吉吉島買野，跟住都回屯門了．．．回到去好累好累呀！但係最後都回左元朗，拎左好多野返去，因為天氣凍了，要添多點衣服呢．．．

今晚A仔佢去飲呀，而家好眼訓了，好想訓，唔想等佢．．．

>>November 13, 2008 at 3:52:33 PM GMT+8

2008 年 11 月 7 日 星期五 【晴】

今日只係返半日，真係好，不過日子都唔易過，因為好忙好忙．．．都唔知點解，日日都係忙忙忙，真係冇停過，唉．．．相信我都係要忙到去LAST DAY都係忙，哈．．．

放工之後，去左荃灣，因為約左A仔去睇貓展，諗住可否執到平野比妹妹貓．．．點知最後都只係買到條頸繩比妹妹同波波，哈．．．跟住，A仔同佢媽媽話出旺角買野，而我．．．唉，激氣，因為琴日醫生開張醫生紙有問題呀，所以要回屯門換過張囉，真係煩．．．

回左屯門，係屋企訓左陣，之後同左屋企人食飯，再去拎番張醫生紙，之後返左屋企就休息了，因為真係好累，成個星期都係唔夠訓，日日都係訓六個鐘度，好累好累．．．所以唯一只有星期六放工後可以好好休息下．．．加上，今晚天氣突變，凍了好多，我又著唔夠衫，所以最終冇返元朗！

今日妹妹終於做左一個決定．．．不過點都好，我想話佢知，我地永遠都會支持佢架．．．虹虹，我愛你，神都愛你．．．你要加油呀！你知道嘛，你是最好的．．．

>>November 13, 2008 at 3:56:31 PM GMT+8

2008 年 11 月 6 日 星期四 【晴】

哈．．．今日射左波．．．但係我並唔係病，我只係去左見工．．．是關星期三寄左信出去後，就收到消息叫我去見工，於是今日就冇返工了．．．

今朝十點半就起左身了，跟住就準備左D野，但係．．．最後都係冇咩心機去準備，哈．．．跟住諗住早點出去，所以十二點半度就出門口了，但係出到去都唔早了，所以快手去左麥記買左個飽，行左一陣，之後去左德福既幼稚園既球場坐底食飽．．．食完我都行去見工既地方了！嘩，行到好熱好遠囉．．．去到成身汗，真係尷尬！見工見左粒幾鐘，因為都要做左份WRITTEN TEST．．．見左個同我APPLY份工既松山機構冇關係既人，哈．．．都好傾既．．．不過，我覺得自己都有機會2ND-IN架．．．但係，心想清楚．．．自己又是否真係喜歡這份工作呢？有點矛盾！

之後返左屯門睇醫生，之後．．．都太累了，都係留在屯門不回元朗了．．．

>>November 13, 2008 at 3:46:14 PM GMT+8

2008 年 11 月 5 日 星期三 【晴】

今日好忙，一朝早就去左勞審處做野，咁就一個朝早．．．好在有個女同事陪我咋，因為佢之後都要follow番我既case，所以佢跟住落黎都要跟我出去，咁又可以有人陪下自己了，哈．．．幾好！呢個女同事唔錯的，都幾好傾，而且好明白我，大家都好o岩key添．．．

今日夜晚又要上training，真係好眼訓同好悶，d野都聽唔明既，哈．．．所以冇心機上堂了．．．放學後就去左買野食，之後就回元朗了．．．剛才上堂時我請左同事食野，唉，算啦，雖然同事對我唔好，不過我都會做好自己本份的，唔會做壞自己既形象！請人食下野，都係幾十蚊，算啦．．．雖則真係請得唔like架喇，哈．．．

放工回到元朗好累了，都訓著左．．．等到A仔回來．．．

>>November 13, 2008 at 3:30:03 PM GMT+8

2008 年 11 月 4 日 星期二 【陰】

今日成日都留係中心做野，不過都係做自己野，呵．．．今朝終於決心整理自己份CV同APPLICATION LETTER，整好後仲打埋信SEND埋EMAIL搵工，點知唔洗一粒鐘就有回應，有其中一份叫我聽日去見工．．．不過，因為我聽日公司有野做，唔方便我請假去見工，所以我都即管問佢可唔可以改星期五，而佢又得喎，於是決定星期五請假去見工啦，呵．．．都冇諗到咁快有回應．．．我都冇話特別有什麼寄望呢份工呀，只係希望當係一個好既開始，當係比自已一個READY既心同WARM UP啦．．．要努力呀！而家都好，星期五先去，都叫做有時間可以溫習同準備下先去丫嘛，唔洗咁趕啦，哈！

一點半先食飯，之後就係度睇關於台灣既事，呵．．．我睇左邊間旅行社既PACKAGE最抵，最後都決定左一間，我諗星期六都可以去BOOK的了．．．跟住都順便睇下花蓮有咩地方好玩，因為早前都買左兩本書，都係時候睇下了．．．越睇個心情就越興奮！哈．．．好想快D去玩玩呀！我要輕鬆一番呀．．．要好好休息後再戰江湖呢．．．

放工了，回了屯門，好趕急咁去準備搵工的事，又要寫信又要整理見工既野，好忙好忙，有點頭暈腦脹．．．辛苦，好似有點暈暈地呢．．．喔．．．有點掛住A仔，有好多野好想同佢講．．．要等到聽晚先可以見到佢了，明晚放工後仲要上TRAINING．．．雖然我就走了，不過我都想再學多點東西的．．．希望大家歡迎我繼續上堂啦．．．

>>November 5, 2008 at 3:00:29 PM GMT+8

2008 年 11 月 3 日 星期一 【陰】

琴晚真係訓得唔好，一來因為夜訓，陪左A仔執野執到1點先至訓，之後半夜A仔因為比蚊蚊針針而醒左，佢幫我查白花油我都唔知呀，呵！後來都醒左一醒．．．所以琴晚唔係訓得太好，今朝個人都好累好累．．．唉！尤其A仔慘慘，今朝要早起，仲要一連捱三日既CAMP，真係肉痛死我呀！希望佢捱得住啦．．．

今日本來要出街站的，本來諗住又可以離開中心一段時間，唔洗成日係度，點知又取消左，唉．．．成日都留左係中心呀！於是今日都好努力去做番D PAPERWORK．．．一次過CLOSE左好多隻CASE呢，哈．．．終於攪掂晒了，可以安心了．．．不過手上仲有點PAPER WORK要交呢．．．今日終於CLAM番上個月的車錢同電話費，真好，呢個時候有點錢可以幫補一下．．．不過想起下個月起已經再冇了，真係有點心酸．．．唉．．．

今日上網都有搵過工，決心聽日要整一整理自己份RESUME同APPLCIATION LETTER先，如果唔係都唔知幾時有時間整同埋幾時先可以開始寄信．．．要努力呀！

>>November 5, 2008 at 2:51:47 PM GMT+8

2008 年 11 月 2 日 星期日 【晴】

今日可以晏一粒鐘起身，真係好，因為呢幾日都唔係訓得太好呢．．．包括琴晚！琴日剛每月來一次探我，就更加累啦．．．唉！今日唔知點解成日都好似好趕咁．．．好似今朝咁，我先返到觀塘，等埋個同事一齊出門口去觀塘勞工處，點知同事又遲左走，加上又落好大雨，所以真係好論盡呀，又趕到死死下呢．．．跟住個會又開到失晒時間預算，足足攪左兩粒幾鐘，唉．．．個工友實在對自己太冇信心了，而且佢份人太驚青，都唔知佢根本有冇能力面對上法庭既壓力．．．

攪掂呢度就同左同事返土記，又係趕，求其買左飯盒就返去食，用最短時間食完，仲要執野，跟住就要出門口入屯門．．．點知出門口前先諗起唔記得印問卷，頂！趕到我地丫．．．最後，成三點三入到屯門，唯有要搭的士去IVE先冇遲到．．．點知去到又搵唔到個聯絡人，等左一陣先入到課室！等左十五分鐘，頂．．．先至話D學生放晒飛機，冇人黎聽講座！唉．．．算啦，我都做過學生，呢D咁既講座點會有人有興趣聽呢？明既．．．之後，同左同事去IVE既CAFE買左個飛碟食，之後，收到上司電話話裕記有欠薪問題，所以我地都走左去山景果頭間裕記都LOOK下，順便派埋卡片放定風先啦．．．

攪掂左，我都再返去屋企附近間裕記再睇下，順便再派埋卡片！之後回家了，好累好累．．．訓到食飯才起身．．．跟住就去左接A仔放工．．．我地好攪笑，走果陣去左OK買一人一枝朱奶飲，呵．．．好好笑！感覺唔錯．．．我估A仔都有用過辦法令我心情輕鬆番既，我好多謝佢咁錫我！

聽日A仔要去CAMP了，一去是三天．．．唉！所以，決定回屯門，因為在此日子中，我好想有人好好陪伴自己，而親人永遠係最好的一些幫自己舒緩心情的東西．．．

>>November 5, 2008 at 2:39:06 PM GMT+8