2008 年 10 月 1 日 星期三 【晴】

今日又要返工了．．．好累呀，今朝係車訓足一程呀，真係樣衰到丫，呵！不過冇計，真係累到爆！感謝神呀，有位坐可以好好休息同訓覺．．．返到中心又要開始工作！今日忙到不停，想死我感覺，又係喘不過氣來咁既情況！好辛苦辛苦．．．好似覺得忙到個口不斷係度講野，氣又抖唔到過來，心不斷跳跳跳，精神又有點崩潰的．．．好辛苦呀！要爆喇．．．好多野做，D野好似飛到埋黎咁，好似永無休止！而且，係完全估計唔到的工作，一時電話栩多到一個接一個，WALK-IN又一個黎完又一個，件件都係煩CASE．．．呀！天呀．．．想死！

本來諗住今日LUNCH約表哥食飯可以輕鬆下，傾下計咁，點知又比佢放飛機．．．唉！唔開心呀！最後，同左同事去左玉蓮台下邊間餐廳食，想起之前去都係同A仔好耐之前去過了，都好幾年前既事喇，哈！今日好在吃左個正飯，食左個砵仔鱆魚雞粒蒸飯，真係好GOOD呀．．．之後，去左同同事去華潤買野，再去左日本城買左隻杯．．．是關今朝發現中心冇熱水，又唔知情下將D麥皮整左入杯．．．本來諗住落左凍水後放入MICRORAVE度叮熱佢，點知就出事了，原來個真空杯外邊既膠係唔耐熱的，最後熱熔左．．．唉，仲攪到好臭既膠味添．．．冇計，唯有掉左佢啦，下午就去日本城買番隻真空杯，只係廿九蚊，抵！

下午繼續好忙，要見CASE，見完感覺好乏力咁，真係好疲憊的感覺呀．．．頂！於是放工行經7仔，走左去買燒賣食去獎勵自己！唉，又食了．．．之後返左屯門，食媽媽飯，太好味了，有咖喱呢，開心！開懷地吃了很多．．．再上磅一磅．．．頂！九十七了！O．．．SHIT！

今晚A仔去左整牙仔，佢已經痛了一段時間，希望佢快點好番啦，如果唔係去雪山就麻煩了！今晚決定留在屯門，因為太累了，決定要早點訓．．．

哈，明天又去旺角了，因為陪A仔去買雪山用品．．．近呢個星期狂去旺角，傻左喇．．．哈！

>>October 2, 2008 at 1:24:31 PM GMT+8

2008 年 9 月 30 日 星期二 【晴】

哈！今日終於有日假放下喇，真係好，可以好好休息一下同RELAX下．．．要遠離工作呀！今朝訓到十點九起身了，而A仔豬就訓到十一點幾，呵！我起身係度執野，執左D書架既書呀，好多野要執．．．執執下都冇心機執了，呵！因為想休息！十二點幾，A仔話出街了，於是我同A仔決定大家一齊悉心打扮一番，兩個一齊型仔型女咁出街，YEAH~ 正呀！A仔型到丫，成個MEN IN BLACK咁囉，哈！我就化左個SMOKY EYES啦，YEAH~．．．

我地先去左係元朗食壽司，食飽飽後就去左千色度行街街，食埋雪榚添呀，好開心！之後就出發去旺角行．．．是關今日要同A仔去睇上雪山既用品呀，仲要同A仔拎眼鏡同拎早前買比A仔家姐份生日禮物．．．今日好多野做呀，行來行去，走來走去．．．行到我無啦啦都無晒心機咁，其實突然有點沉悶的感覺．．．A仔，對不起呀，突然令你擔心我，唔知我做乜事添．．．其實我近排都係咁，心情情緒時起起落咁，可能壓力大卦，有時連脾氣都怪怪咁．．．希望A仔見諒啦．．．不過A仔都好好呀，佢真係好體諒同錫我架，我都好想講我都好錫佢架．．．

行完街，我地去左朋友屋企，是關朋友星期日結婚了，我地要幫佢整段片．．．先排已經幫佢整好左，不過又話要改，所以又去左佢度整．．．．一整就整到十點半，飯都未食囉．．．後來就同埋朋友落去食飯，食完都十一點半了，回到元朗已經十二點幾．．．頂！好在琴晚都訓得多少少，可以唔洗太慘．．．

>>October 2, 2008 at 1:40:26 PM GMT+8

2008 年 9 月 29 日 星期一 【晴】

今日同樣係好忙好忙，成日都係好似冇停過咁，好累呀！我就黎要爆架喇，好大壓力，好辛苦咁．．．成日覺得身邊既同事唔幫手咁，好想死呀！做死人咩．．．頂！好煩好忙好累好多野做好大壓力．．．可以同邊個講呀？真係累到想死的感覺．．．周身骨痛，超級頭痛，肩頸膊痛．．．頂！

好在，有個老公仔係身邊愛錫住我，如果唔係真係要爆喇！佢近日真係好錫我呀，成日送野比我，又同我去食好野，好開心呀！所以，近日成日用食野去舒緩心情，又食好野，又食雪榚，哈！確實係好開心，真係舒服左好多，不過，就肥肥囉．．．唉！

今晚放左工後回左家，因為都好似好耐冇返屯門了．．．同左媽媽食飯，好開心！好喜歡吃媽媽的菜．．．GOOD~ 之後再去山景接A仔放工，一齊返了元朗！

太好了，明天終於可以放一日假，可以訓晏點了．．．要好好珍惜呀！

>>October 2, 2008 at 1:00:18 PM GMT+8

2008 年 9 月 28 日 星期日 【晴】

今日好累呀，是關琴日都夜呀，唔係好夠訓啦．．．累呀累！

今日好忙，D電話查詢多到嘔．．．近日有身心疲倦的感覺！好在下午可以返一返土記，叫做抖一抖，走一走咁．．．返去土記食國慶茶聚，哈！又係可以大吃一餐了，不過又要肥肥了！近日成日都因為壓力大，好想搵方法舒緩！而唯一一個方法，就係食自己鍾意食既野．．．近日真係係咁食．．．好肥呀！

放工後，去左旺角行，因為今晚約左A仔帶班細路上紫藤參觀！完左個活動，同A仔行左陣旺角就走人回元朗了．．．好累呀！好在坐68X都好快，都好舒適！可以抖下啦！

>>October 2, 2008 at 12:49:15 PM GMT+8

2008 年 9 月 28 日 星期日 【晴】

今日好累呀，是關琴日都夜呀，唔係好夠訓啦．．．累呀累！

今日好忙，D電話查詢多到嘔．．．近日有身心疲倦的感覺！好在下午可以返一返土記，叫做抖一抖，走一走咁．．．返去土記食國慶茶聚，哈！又係可以大吃一餐了，不過又要肥肥了！近日成日都因為壓力大，好想搵方法舒緩！而唯一一個方法，就係食自己鍾意食既野．．．近日真係係咁食．．．好肥呀！

放工後，去左旺角行，因為今晚約左A仔帶班細路上紫藤參觀！完左個活動，同A仔行左陣旺角就走人回元朗了．．．好累呀！好在坐68X都好快，都好舒適！可以抖下啦！

>>October 2, 2008 at 12:48:41 PM GMT+8

2008 年 9 月 27 日 星期六 【晴】

嘩~ 今日要返工哦．．．好耐冇試過要星期日返工了．．．今朝訓到十點九就起身，之後就係度用電腦，咁上下時間就出發去旺角！今日要企街做會務宣傳呀，好辛苦！又熱又累又多人，真係叫到聲都沙埋呀！今日超多人黎問勞法問題！起碼十個呀，同上星期我上司講既三四個有好大分別喎．．．或者因為我係主動去派勞法小冊子比人，仲叫人有問題問我啦．．．因為我知我上司佢只係一碌木企係度等運到囉！我份人就唔忍受得咁喇，做野梗係要做到最好啦！

做完野成個人散左，已經腳仔企到軟晒，但係因為仲要等A仔出黎旺角JOIN我，所以又要行多成粒幾鐘等佢．．．我係聯合行左成粒鐘，之後仲行埋始創．．．累到要死呀！真係腳仔發軟了！足足四粒鐘冇坐過呀！所以一見到A仔就話要搵地方坐低食野．．．我地去左始創果間小魚滋味食．．．都係第一次食．．．WELL~ 好似麻麻地咁囉！可能唯一係個魚湯比較正！食完之後我地去行街街，同A仔去左購置佢下個月中去雪山既用品！其實D用品真係好貴呀，而家分分鐘仲要洗多幾千蚊呀！真係肉痛死！不過．．．呢D機會唔係成日有，我都好想A仔可以把握呢D機會去增廣見聞，佢見識一下架嘛．．．我一定會支持佢架！

>>October 2, 2008 at 11:33:39 AM GMT+8

2008 年 9 月 26 日 星期五 【晴】

好眼訓呀今日，是關琴晚同媽媽傾計傾夜左，成點先訓囉．．．好累！今日好在返工事務不多不繁重，好快等到收工了，呵！即時走人回屯門，因為約左媽媽去飲茶，我請啦，又係做乖女既時候嘛，媽媽又送個咁靚既袋比我喎！

之後同左媽媽飲茶傾左好多野，好開心，仲行左陣街，睇O岩左一條裙，打算買佢黎去參加朋友阿芳下星期既婚禮呀！不過，我可能下星期日佢結婚果日要返工囉，因為要攪遊行．．．xyz!#@#@%$_q#^p%．．．而家未知如何呀！跟住，A仔六點幾黎到我家幫我整電腦，因為死左機．．．佢好叻叻，連媽媽都讚佢．．．好在有呢個未來好老公咋！今日呢個未來好老公好抵讚，又幫我整電腦，又請我屋企人出去食飯，都食左成六百蚊，仲要請埋妹妹個男友架，而且仲送左條裙比我，哈，就係我下午見到果一條囉，YEAH~ 要錫到佢暈呀！愛死佢．．．跟住，佢仲要幫我手拎左D東西返元朗呢，真係好重架，佢聽朝仲要返早，所以，要錫死佢．．．

>>September 28, 2008 at 3:24:13 AM GMT+8

2008 年 9 月 25 日 星期四 【綿綿細雨】

哈，今日天氣真係冇乜見落雨了，真係好，仲見到有太陽添，不過都係帶定把遮安全點吧！羨慕呀．．．梁FUN明天出發了，是次又係去台灣，去墾丁呀，仲有同小玉會合見見面．．．好幸福呀！我都好想去旅行！想起，已經一個年頭冇出國旅行了，有點兒氣餒感呀！不過，冇辦法，是關拎唔到假嘛，唉．．．唔得呀，要好好計劃明年的旅行計劃呀，要對自己好一點．．．

今日放工約左A仔去拍拍拖啦，想起都已經有一段時間冇好好拍拖了，呵！今日A仔係觀塘等我放工，之後上左佢觀塘舊家坐了會探下UNCLE，之後我地去左九龍灣行下德福．．．本來打算係IKEA食飯，點知又太多人，又冇野好食，於是決定去朗豪坊啦．．．出到去，嘩，傻架，周圍都係人，想搵食真係好難！即使想去頂層的貴價餐廳食都冇份呀，要等成十幾張台囉，仲要留電話，有先CALL我地喎，頂！最後，氣憤地走回FOOD COURT，食左DELIFRANCE．．．其實都冇話唔開心既，因為最重要係過程同邊個食O者，其實咸魚白菜也好好味架！

今晚媽媽終於從大阪回來了，哈，真係好掛住媽媽架．．．終於見到佢喇，波波貓都掛左佢幾日架，呢幾日佢都茶飯不思呢．．．幾咁可憐！媽媽好好，買左個AGNES B既袋比我，咁Ｏ岩大家真係有心靈相通，我今日係德福行街時都同A仔見到同一個袋，而且A仔仲話呢個袋款Ｏ岩我，不過我地見到果個係黑色，媽媽買既係墨綠色．．．哈，真係有心靈相通了，所以好開心呀！連A仔都覺好Q囉，哈！媽媽話大阪冇咩買，不過勝在風景優美．．．不過下次會再計劃去日本時，會係去東京，同埋係同我地一家人去囉．．．好呀，我都好期待有咁既一日呢．．．

>>September 28, 2008 at 3:17:29 AM GMT+8

2008 年 9 月 24 日 星期三 【微雨】

今日天氣唔差呀，出門口時都冇落雨，於是可以係元朗屋企踩單車出去啦．．．返到中心好肚餓呀，其實今早六點幾時已經個肚餓到叫架喇，於是返到出去觀塘都買左個包包食先得．．．

下午同左同事去”新之食”度食，即係果個”大家食”集團果個核突佬開果間囉．．．其實都咪話，佢既野係大眾化，同埋夠平！想食平野就係好既選擇！食完去左APM個吉吉島超市買野，點知最後都係買左兩包咖哩醬咁大把，哈！仲有係A-1買包包囉．．．

放工好快手返屋企，因為計計下有好多野要做．．．一返到入屋，就出左去走廊將先兩日拎左落黎既花盆放番原位．．．但係實質我都唔記得個”原位”是怎樣的了，求其放番去先算！跟住再要洗衫晾衫，煮飯，整電腦．．．嘩，多野做到丫．．．好在先兩日買左今日整既野食咋，今晚食冷面，我都花左粒幾鐘去整野食，有冷面，有煙三文魚，有煎煙鴨胸，有生菜．．．一人一碟咁架，個個食到咀舔舔的．．．呵！我都覺幾好呀！

不過今晚真係好累好累．．．做左好多野！發覺做女人真係好辛苦，又要工作，又要兼顧家庭．．．想起都驚驚地了．．．

>>September 28, 2008 at 3:23:00 AM GMT+8

2008 年 9 月 23 日 星期二 【驟雨】

唉~ 個風真係唔爭氣了，今早六點半就走左人，轉掛左三號風球，所以又要趕起身返工，想訓多一陣都唔得，真係有點失望．．．

返工過程十分狼狽，又大風又大雨咁，真係唔好受．．．加上聽人講屯門公路又撞車了，所以塞車，最後我等左二十分鐘先至有車黎，仲要係超迫，我企足一粒鐘先出到去，最後亦都遲左到二十分鐘！頂！為近十天打爛左個齋盤，因為近十天都冇遲過到了！

中午好在天氣好了很多，起碼冇好大雨，亦都落左風球，lunch仍然食琴晚爹地整既意粉，好good！不過食完之後又胃食，於是走出去買左麥記新出果個朱加力批again，哈．．．都幾好味丫，不過真係貴左少少囉！同埋d朱加力醬少左d囉．．．真係試一兩次夠了！

放工約左A仔，即時返左元朗，我地食完飯後就開工了，開什麼工？咪就係幫個朋友，阿芳，整佢既結婚剪片囉．．．嘩，整死人喇，真係中間好多問題！睇黎今晚冇兩點唔洗訓喇．．．嗚！

>>September 28, 2008 at 3:00:59 AM GMT+8