2008 年 10 月 12 日 星期日 【晴】

嘩~ 今日好累呀，真係忙個不停呢．．．近排真係好多大單野做呀，好多公司都有裁員結業既問題，所以突然之間有好多人黎求助．．．其實，睇住個市同社會經濟差落去，真係唔多安樂！希望個經濟可以快點好番啦！

放工之後返左屯門食飯，好似好耐冇同妹妹一齊食飯了，哈！感覺很好很好．．．

之後去左山景接A仔放工，回到元朗已經夜了，仲去左百佳買野，所以更加夜．．．眼訓呢．．．

>>October 16, 2008 at 3:27:12 PM GMT+8

2008 年 10 月 11 日 星期六 【晴】

嘩，今日訓到十一點先起身，幾正呀！不過有時訓得多都未必係好的，其實最好就係定時定候起身最好！起身後同左媽媽落街飲茶，係，又係飲茶，不過幾好丫，我喜歡飲茶，選擇種類多丫嘛．．．之後，同左妹妹出去旺角行街，係妹妹誠邀我陪佢出去的．．．其實近日出得太多旺角，都唔多想出去，不過見妹妹叫到，好啦，免為其難陪佢出去囉．．．點知，中途人地個男友打黎，唉，我咪最後一條友回家囉．．．不過算啦，人地都要拍拖既，我無謂做電燈膽丫．．．

同妹妹行左兩粒鐘都冇收獲，妹妹都係．．．我地只係H&M度買左對襪咋．．．好似覺得而家出邊街既野真係唔太吸引我，我都係喜歡在日本訂衫回來，哈．．．只係在家睇書就可以了，幾咁方便，又唔洗出去同人迫同爭，幾好丫．．．

回了家，十分肚餓，不過爹地遲遲未回，攪到八點幾先有飯食，好辛苦！是關飲茶真係好快會肚餓的！之後食完飯就一個人回元朗．．．行經2%同QUICKSLIVER，諗住睇下D短褲，點知都冇野O岩．．．真係今日同衫冇緣份了，哈！

回到元朗，傻豬已經訓左，因為佢去完CAMP好累了．．．我都唔嘈佢了，早點休息啦．．．

>>October 12, 2008 at 3:40:33 PM GMT+8

2008 年 10 月 10 日 星期五 【晴】

唉，琴日抖左一日，病情終於好左好多，如果唔係死鬼左喇．．．今日返半日，都叫做好點．．．不過，本來今日放工後的活動卻取消了，原因？唉，真係令人莫名其妙的．．．堂弟今早十一點幾才sms比表哥話佢整親隻手，仲有堂妹學校有活動要參加，所以黎唔到．．．其實，我同表哥都感到奇怪！當然，我地都唔好用奇怪眼光視佢地了，唯一期望於下星期的活動！是關我地將活動延期至下星期舉行！希望真係可以一齊去玩玩啦．．．我十分期待的喔！

鑑於活動取消，心情真係唔多好，有點失落感！尤其知道表哥好責怪自己．．．其實，都唔關佢事既，希望佢唔好太放在心啦，我知佢已經盡了人事了．．．佢永遠都係我心目中最好的表哥！錫晒佢．．．

於是下午回了屯門約了媽媽食lunch，之後一條友回家，媽媽去做gym．．．我趕住回家，是關之前係yahoo度bid左個銀包，今日送貨黎，終於到了，真係安心了．．．

之後就食左藥，訓左陣媽媽就回來，跟住同埋媽媽妹妹join左爹地去食飯．．．今晚十分豐富，爹地好似叫多左野食咁．．．無他既，高興囉，哈！

明天本來要去遊行的，不過無啦啦又話唔洗去喎！好囉，唔洗煩喇．．．可以訓晏點了！

>>October 12, 2008 at 3:33:39 PM GMT+8

2008 年 10 月 9 日 星期四 【晴】

嗚~ 今日最後都係病左，好可憐．．．病死我了！好慘慘．．．最後都係頂唔順要請病假，唉．．．我都知衰仔架喇，明知人手不足都要請假，但係我真係頂唔順了，就黎死咁．．．最後都係放棄！

訓到十點起左身返左屯門睇醫生，頂！返到去十一點都未夠開始等，等到十二點幾先至睇完，傻架！都唔知點解咁多人既，明明我係排第三，點知無啦啦又多一個，又話邊個頂唔順要睇先，又有一個係度嘈話等左好耐，於是乎又比左佢先．．．嘩，原來咁都得架，乜唔係先到先得架咩？傻架！攪到我最後等左成粒幾鐘！

睇完之後同左媽咪出去飲茶，是關姨媽同姨丈返左黎香港！其實，想起都好似唔係好耐冇見咁，呵！佢地都係今年三月先返去美國，都係半年冇見o者．．．之後同左姨媽行左陣旺角，姨媽佢瘋狂咁買野，哈，而我都唔輸蝕，買左個袋比自己，yeah~ 係想左好耐既鬚鬚皮袋，good!

之後返左屯門食飯，食完就去左蝴蝶灣搵A仔，因為佢今晚同同事去果度BBQ，係老細請．．．所以我都落去親下熱鬧啦．．．最後十點幾先走人，同阿婷一齊搭的士返元朗了．．．好累！

剛才同A仔發生小口角，唔開心！我只係想問佢建議，點知佢咁大反應．．．都唔明白男人既心態係點，好唔開心呀！我都係想佢會參與多點係個WEDDING度o耆，點解好似咁難咁既？

>>October 12, 2008 at 3:08:42 PM GMT+8

2008 年 10 月 8 日 星期三 【晴】

嗚．．．今日超病呀，同琴日都冇咩分別，想死咁．．．朝早十萬個唔想返工，但係唔返又唔得，因為中心得我一個人頂檔，唉．．．真係感受到有病唔敢請假既感覺，好辛苦！成日都流鼻水，好想死．．．個頭開始痛到爆，仲感覺到有點發燒添，好唔想病呀．．．都係A仔傳染我啦，真衰．．．不過，佢要去雪山，我寧願病果個係我囉．．．我都唔想擔心佢丫嘛！

今日全日一個人係觀塘中心，都好既，可以抖下又做下野都冇人理．．．之後四點九走人返土記，因為今晚要上TRAINING，頂，都唔知做咩事要上TRAINING上到十二月架，個個星期四都要上囉，即係個個星期四都要開IOT囉，頂！好想死呀！已經返早辛苦架喇，仲要開OT，返到屋企又夜，頂．．．

今日個TRAINING既野都唔吸引我，是關有些東西我都已經知道了．．．早在以前做社工OR時都已經知道了．．．做OR真係唔錯，有時迫到埋黎都要知道同識一D你以前唔會識既野，唔會做既野．．．真係唔多唔少令自己學到唔少野架！不過，做OR太辛苦了，成日要24小時ON CALL，我老了，唔可以再接受呢種生活了．．．而且遲點再有了自己家庭更唔可以接受啦．．．

今日上完COURSE都走人回元朗，好累，要早點訓了．．．冇胃口食野呢．．．

>>October 9, 2008 at 2:39:17 PM GMT+8

2008 年 10 月 7 日 星期二 【晴】

嘩嘩，琴晚其實開始作病架喇，點知今日起身先知死，好辛苦呀，成日流鼻水，打乞痴，鼻水又倒流．．．我就黎死架喇．．．好辛苦呢！返工過程簡直死左咁，行屍走肉咁．．．放左工返到屯門食飯，都同媽媽講中左招，食完飯已經好唔妥，但係又要拎D藥去比A仔喎，於是乎都要起身去山景接佢放工一齊返元朗．．．點知真係太累了，好辛苦，係佢OFFICE度訓著左．．．最後頂唔順了，要同A仔同埋阿婷搭的士返元朗．．．返去後A仔都好緊張我，要我快些沖涼，又要我食藥早點訓．．．多謝佢咁緊張我呀！

>>October 9, 2008 at 2:34:04 PM GMT+8

2008 年 10 月 6 日 星期一 【晴】

嘩，琴朝太眼訓了，因為前晚早極都要成點幾兩點先訓呀，想死，所以琴朝都係拎左兩個鐘CL啦，哈！返到去中心已經十一點了，做多粒幾鐘又話食飯，所以時間好似過得好快！到左下午，又話要返土瓜灣，之後又出左去尖沙咀，幫A仔幫細路講勞法講座．．．唔錯丫，我覺自己都唔錯，哈！算係咁啦，呵！

完左個講座，同左A仔行左陣尖沙咀，見到媽媽係日本買比我果個AGNES B袋終於係香港見到了，嘩，貴成五百幾蚊囉，傻架！跟住，就同左A仔上深圳了．．．係深圳東門行左陣街，食埋野，跟住都去左福田果頭去DUP骨了．．．嘩，真係抵喎，DUP三粒鐘都係$128，幾平！不過個技師就麻麻地了，A仔果個都係囉．．．唉！DUP骨唔多舒服呀．．．真衰！

今朝成十一點先起身，其實我十點度已經醒左，不過過下過下時間又到十一點了！之後我地去左附近一間野食BRUNCH，好抵，只係食左十七蚊已經飽晒．．．不過，睇到佢洗野既過程後，真係唔想食，但係最後都食晒！之後我地再去行街，買左好多野，尤其係A仔買左好多去雪山既糧食．．．好重呀！傻左呢．．．返到元朗好累了，訓左幾個鐘，成十點幾夜晚先再起身食野，哈！

>>October 9, 2008 at 2:30:16 PM GMT+8

2008 年 10 月 4 日 星期六 【乍寒還暖】

嘩～　今朝早好大雨呀，完全係落狗屎！今朝返教會時都冇野既，係開始左崇拜後就黎料喇．．．最慘既係，朋友阿芳今日係佢小登科既大日子，都唔知點攪啦．．．我返完教會，同左屋企人去食印尼野，好好味，不過好飽，又有點熱氣呢，呵！食完就O拿O拿聲過去大會堂觀禮了．．．好彩，冇落雨喇，直至成個禮儀完左都冇落，仲可以出去映左半個鐘相，真係唔錯，實在感謝神呀！我仲係個WEDDING度認番一個舊同事添，係以前童軍果陣既一個YA同事，丘引小妹．．．佢原來去左我朋友間中心做！世界真細小了．．．

完左個觀禮，我地就一大伙兄弟姊妹去左酒樓喇，我都協助佢地執頭執尾咁啦，又幫手度下MC既講辭，唉，都係搵番自己既強項做好點吧！我發現個女MC真係唔掂，佢好騰雞，攪到A仔都唔太易同佢合作！不過幸好，在呢個宴會中可以見番好多A仔既舊同學，而有些我都好熟，所以都有好多野傾．．．聽到ELSA話佢出年十月十八日結婚我都好開心呀，是關我同ELSA同EDDIE係好有緣的．．．話說當年我同A仔相識之地，亦都係ELSA同EDDIE相識結緣之地呢．．．呵！所以特別戥佢地開心啦！仲有，見到好多朋友都已經拖男帶女的，有些仲帶埋個B黎添，真係有點兒．．．其實自己又唔覺老左，反而會覺得點解自己仲好似咁細個咁，人地就已經個個有晒老公老婆仔仔女女呢？係自己大唔透丫，定係咩原因？如果叫我湊小朋友就真係死人多了，呵！我實日日發狂都似．．．

今次個宴會十分正呀，呢間酒樓都唔錯，尤其係個佈置，真係好正，好GRAND既感覺，而且好有時代感，有好多GIMMIC野出現，又坐南瓜車吊出黎，又有一D相既燈片放在兩旁，又有在報紙賣廣告，真係GOOD呀！不過我又唔擺酒既，呢D野我又唔係太 CONCERN啦！因為始終覺得擺酒真係幾辛苦，好似做場SHOW出黎咁囉，呵！唔多鍾意咁大陣象！

完左都已經十點半了，好累好累．．．想起明天仲要返工真係．．．想死呀！

>>October 9, 2008 at 2:04:23 PM GMT+8

2008 年 10 月 3 日 星期五 【晴】

呀！今日終於可以鬆一鬆了，回土記返工，雖然得我一條友，但係都好快咁渡過左！係就係忙d，因為得我一個，不過都幾free下丫，唔錯！

放工後一枝箭回屯門了，因為很是想念屋企和家人！回到屯門，同左媽媽仲有兩名友人去左食野，食完野同左媽媽行左陣屯門碼頭，之後就回家了！中途不斷同媽媽傾計，傾左好多野，好開心！因為難得有個人可以咁樣同我傾計，仲會比反應同feedback我囉，多謝媽媽呀！之後，今晚因為得我同媽媽食飯，妹妹出左街，爹地去左飲，所以我地兩個決定去食日本野，對自己好一點．．．yeah~ 不過，對自己好一點換來的是對自己的肚皮唔夠好了，呵！太飽飽了．．．哈，肥死！我都坦白同媽媽講近日工作好忙，所以成日食野！媽媽都同A仔同一反應，”想食咪食囉”，哈！實在太寵壞我的肚皮了，呵！

飽飽後回家，等不到爹地妹妹回來便訓了，因為太累呢．．．

>>October 9, 2008 at 1:46:35 PM GMT+8

2008 年 10 月 2 日 星期四 【晴】

今日同樣地係忙忙忙．．．真係有點兒想死我感覺，完全係不能夠抖點氣的感覺，很差很差．．．以我而家既狀態，真係好快會爆．．．再唔去充充電，真係遲早會出事！於是，同A仔計劃下星期一晚上深圳DUP DUP骨，輕鬆一下啦．．．如果唔係真係會死人！

放工後約左A仔係旺角買佢要用既雪山用品，我地去左美而廉度食野，幾正呀，兩條友食左百二蚊，抵丫．．．我地係食牛扒，焗青口，同埋吉列帶子架喎，咁既價錢真係抵啦．．．之後同左一個山藝既阿SIR行街，幫A仔手買野．．．呢個阿SIR都份人唔錯，又好好傾，而且大家好夾咀型，所以唔錯的．．．

行完之後我地都返元朗了．．．好累的感覺．．．明天係星期六，HOLIDAY MOOD的感覺已經來臨了．．．唔係好想訓覺添！

>>October 9, 2008 at 1:28:18 PM GMT+8