2008 年 12 月 18 日 星期四 【晴】

wow~ 今朝七點三就起身了，好似之前返工咁，哈．．．好辛苦，琴晚都訓得唔太好，成晚都鼻塞而且仲有點喘．．．唉！好激氣！

一朝出左去沙田，食埋早餐之後就去開倉．．．唔知係咪飲左檸水，所以之後個胃同腸係咁"那"住痛，好似抽筋咁．．．好辛苦呀！好驚好似先兩年果時腸抽筋咁要入急症室！行完都買唔到野，我只係買左頂帽，A仔就左件恤衫同褲，都唔錯！之後，我地就出左去銅鑼灣，去探A仔家姐同BB．．．澄澄又大個左喇，表情仲多多添，好CUTE．．．不過就曳曳，唔肯食奶奶，所以而家半個月都唔係重左好多！真係要努力了．．．

探完BB我地去左行工展會．．．比我想像中人多，而且多係師奶，個個拉住車推住筴咁，點同人爭？不過有些東西又真係平既．．．我見有D人一次過買左八枝生油囉！我諗飲飲唔切呀，哈！我地就買左好多食物，都係零食居多，哈！肥死了．．．冇樣有益的，HEHE~

之後行完再行多陣IKEA，買左兩個紙盒．．．頂，返到去試高得滿，最尾要勞煩A仔幫我CUT咁D．．．辛苦佢喇，要錫番佢呢．．．之後我地今晚食左意大利雲吞，係之前買落架喇，今次我下廚整比佢食．．．哈，真係美女廚房，食左至講．．．好在最後都係煮得熟既，YEAH~ 都好味丫，不過就好飽，因為佢都唔少份量的，我估夠三個人食囉！

真係好，聽日A仔又放假，佢可以抖下了．．．我都知佢近日工作忙碌，都好累了．．．

>>December 20, 2008 at 2:48:29 PM GMT+8

2008 年 12 月 17 日 星期三 【晴】

今日日頭都留在家，因為媽媽去左澳門．．．後來媽媽都五點幾回到家了，佢又買左好多吃得既手信回來！之後，我都出門口了，約左個好姊妹出去葵芳食飯．．．好開心，每次同呢個姊妹都會有傾不盡既話題，又會一齊去行街買野，好開心！今日又買左兩件衫了，good~

買完野行完街就回元朗．．．今日仲買左份for我同A仔十周年相識紀念的東西．．．希望A仔會喜歡啦！雖然並唔係什麼特別既野，不過我都會用盡心思去送份最好的禮物比佢．．．

回到元朗，氣管唔多妥，開始有點喘．．．好辛苦呢．．．希望唔好轉壞就好了！明早要一朝早起身，因為聽日同A仔又會出去MOUNTAIN HARDWARE度開倉再睇睇有咩正野執！聽聞應該會放D新野出黎喎．．．好期待呢．．．

>>December 20, 2008 at 2:39:52 PM GMT+8

2008 年 12 月 16 日 星期二 【晴】

hehe~ 今日成日都好乖乖，一個人留左係屋企．．．本來今朝十點醒左，不過後來又訓番，一訓就已經十一點幾了，唉．．．起身之後都係睇下電視玩下電腦咁啦．．．後來A仔打電話比我，簡直係沉悶中的一點曙光呀！感謝．．．不過大家只係傾左一陣咋，嗚．．．因為佢趕住去CAMP呢．．．希望佢順利平安啦．．．而媽媽今朝一早都出左門口去左澳門了，真係羨慕！

中午時份好多謝舊同事，秀雯，好在有佢同我傾MSN傾左大半粒鐘，咁我既時間又可以花多一點了，哈！跟住下午都好努力去諗如何同A仔慶祝我地既相識十周年．．．但係而家都仲未諗到，有點失望．．．而且都想盡力量想送份禮物比佢做個紀念，但係．．．哈，仲未諗到送什麼，激氣！好頭痛呢，真係好想送一份有紀念價值既野比佢作為我地相識十周年作紀念！真係要請教下D朋友先至得．．．

下午五點，我一條友落左街，去左買今晚既送．．．已經有一段時間冇下過廚了，是關我好幸福，好多時都有媽媽在身邊，而且亦會一個好的未來老公，佢地不時都唔洗我親手下廚，哈，就可以張開口就有得食了．．．真係好感謝佢地．．．我要錫晒你地呀！

今日收到醫院打黎既電話，話妹妹個BODY CHK會早D比佢．．．初時，我都有點擔心！是否妹妹既問題嚴重，所以醫生建議早點見妹妹？其實．．．我一直都相信妹妹可以吉人天相的，因為，我知我地有神在我地身邊眷顧住我地嘛．．．妹妹，你要加油！你一定可以戰勝的，我地永遠支持你架．．．

>>December 17, 2008 at 2:32:14 PM GMT+8

2008 年 12 月 15 日 星期一 【晴】

今日約左個舊同事，秀雯，係葵興果頭食飯，是關佢今日去左葵興勞工處度開會，所以就佢係果頭食飯啦．．．好鬼早就食我地個lunch喇，好似係12點囉．．．我都係第一次係葵興果頭食飯咋，佢都係一樣．．．我地係葵興廣場地下一間食西餐既地方食，呢間好似係一間由基督徒開既舖頭，因為佢個餐牌最底位置會寫左每個月既特別金句係度．．．其實都幾正！佢食物既質數都唔錯，唯獨係．．．份量好似少左少少，哈．．．定係．．．我地兩個大食呢？食完都係12點9，於是乎我陪佢搭地鐵去到美孚就分手喇．．．真係好開心同秀雯佢食飯呀！佢係我係工x會做左一年感覺最真誠可以視為朋友既同事．．．好感恩可以識到呢個朋友！

食完飯之後我都回屯門了，回去中途經過荃灣，於是順手行一陣，比我買到件平野，只係$40，good~ 跟住返到去屯門等左陣，同左媽媽再落樓，又食野喇，果時係三點，我只係食左個吐司．．．不過已經十分飽了，哈！食完同左媽媽行街，媽媽話而家海趣坊有個什麼儲印花既行動，儲滿可以換$50既coupon．．．於是陪左媽媽係海趣坊度購物，購完就回家了．．．

剛才係華潤堂度買左一pack三杯既中藥，話可以止咳．．．我都買左試下，因為真係到而家足足成個月都未好番既咳同氣喘問題都真係好纏繞住我了．．．希望飲下真係可以止到咳啦！都只係十蚊o者．．．

返到屋企好無聊咁過左，同左波波貓玩左陣，之後就係度一路睇電視喇，呵．．．而家真係有時好無聊，唔知做咩好．．．明天媽媽會同佢d朋友去澳門旅行．．．所以屋企又淨番我一個了，真係好可憐！

>>December 16, 2008 at 2:00:45 PM GMT+8

2008 年 12 月 14 日 星期日 【晴】

先感謝神啦，終於得到答案喇．．．好感恩，我知道自己的決定是沒錯的了．．．我地一定會努力，好好去穩固我地既將來同感情！

今日陪A仔訓到十一點幾先至起身呀，都知道佢近日好累，所以都唔敢嘈醒佢，等佢訓多陣休息多一點啦．．．起身之後，A仔整左個豐富牛奶早餐比我吃，之後就一齊HEA左一陣，三點幾先再出門口，出去旺角行街街．．．

我地去左實惠睇衣櫃，因為好想換左屋企果個，因為個門開始壞了，成日拉唔到呢，好討厭！但係又未睇得o岩，睇黎要捱到一排喇．．．跟住我地去左五月花度食，嘩，好飽呀，係飽到想嘔果隻．．．哈，真係好似有點節墮咁囉．．．

食得太飽了，所以之後再去行左陣街街，去左朗豪坊行，買左d野食，又去左orbis買野，跟住就走人回屯門了．．．

今日下午收到循道衛理中心打黎話會有2nd in offer比我，不過因為個總幹事出左trip，所以要遲兩星期度先安排interview比我．．．哈，佢仲話可能會有part time介紹比我做住先喎，真好笑啦．．．不過，都感謝神，安排左個2nd in機會比我．．．

>>December 15, 2008 at 3:29:55 PM GMT+8

2008 年 12 月 13 日 星期六 【晴】

今朝早起返教會，不過真係唔想起身，是關琴晚訓得唔好，成晚係度發夢，攪到好辛苦呀！不過最後爭扎左一陣都返決定返教會．．．

琴晚發左個幾恐怖既夢，我自己認為都令自己有咁深感受既一個夢．．．之前同A仔講開一個人在死之前會想起什麼呢？哈，就正正發生d咁既夢境．．．有時d野真係好奇怪！或許神就係透過夢境去比啟示我，讓我知道佢既旨意是什麼．．．不過，可能我比較蠢，始終唔太明白，又或者係唔敢自己妄下判斷！所以．．．我都唔唔知兗自己是否已經得到神比我既答案是什麼，哈．．．都係自己估架咋！或許真係確認左自己真係唔太熟靈了，同神始終唔太溝通得到，真慚愧！

崇拜完左同左屋企人去食飯，去左食泰國野，好正，又回想起好多之前去泰國旅行既趣事．．．講起，媽媽又話想再去多次泰國．．．哈！其實，真係好愛泰國，就黎泰國是我家架喇．．．哈！之後，本來去左k2想拎褲，因為上星期買左條褲，佢本來話一星期有得拎，點知佢一直都冇打比我，於是我咪走去問佢囉，點知仍然都係未有喎，要下星期先至有．．．傻架，人地唔洗著咩？討厭！跟住，都同左屋企人返屯門．．．

我就在三聖落左車，因為去左市中心搵A仔，佢地中心今日攪嘉年華，剛好我去到時佢地就散BAND，咁又需要人手拎D好大件既汽球裝飾行返中心，所以我就幫手做左享途步兵了．．．嘩，真係好累，因為D野真係幾重下，又大件呢，拎死人．．．返到中心真係累到唔識郁，難為A仔今日成日冇坐過呢．．．之後，我同A仔去左市中心，本來打算係市中心食飯，後來決定買一D印尼既食品返元朗，由A仔親手下廚整餐印尼餐比我食．．．都幾好丫，哈！

之後，因為A仔佢飲左酒呀，而家已經醉左訓了，呵．．．幸好佢明天放假，佢終於可以抖抖了．．．　　　　　

>>December 14, 2008 at 3:37:37 PM GMT+8

2008 年 12 月 12 日 星期五 【晴】

今日訓到幾晏先起身，是關琴晚發生左d事，令自己成晚都訓得唔多好，成晚都不斷在祈禱，好想得到一個啟示甚至係一個答案．．．但係，到而家為止我仍未得到神比我既答案！

起身之後hea左陣，跟住就同左媽媽落街食lunch．．．其實呢個所謂既lunch都已經係一個食tea既時間囉，哈．．．果時已經係兩點半有多了才吃我的早餐+午餐，哈．．．咁又可以食少一餐了，good~ 今朝磅一磅，發覺輕左少少，哈．．．原來一個人傷心起黎可以有咁大既影響！一夜間可以輕左兩磅囉，呵！

食完野之後，媽媽要去做yoga，所以一條友去左蝴蝶商場，順便去左配con同埋去左美心買左幾件凍餅比屋企人食．．．有時食下d甜野確實可以令一個人開心d架．．．一條友返到屋企，就係咁fung機，狂聽concert既dvd，聽完mika再聽stefani之後再聽埋Arvil．．．聽到連媽媽打左七次電話返黎我都唔知，嚇親媽媽添，媽媽以為我係屋企發生咩事囉，呵．．．一路聽，我就一路係度執野同上網搵工．．．近排真係冇咩工呀，真係冇咩心機可言！執左個衣櫃同鞋櫃，又掉左好多野了，呵．．．個櫃而家越來越清了．．．

執完晒野，個人好累呀！都好既，順手當係做運動！而家計劃緊朝早落街跑步，不過，真係好怕一樣野．．．上年都有試過朝早落街跑步呢個行動，但係朝朝落親去都會比d死男人聊我，d阿伯又眼金金咁望住我，真係好討厭好乞人憎．．．所以真係唔多想朝早落去！但係唔朝早落去又唔知咩時候去好，所以好爭扎！

夜晚同左屋企人去食飯，食得好飽，真係死得，好肥呀！見到個小宇宙我就好驚了！唉．．．而家仲未有答案，真係唔知點好．．．好矛盾！

>>December 13, 2008 at 4:44:18 PM GMT+8

2008 年 12 月 11 日 星期四 【晴】

其實在自己家住都有樣好，就係．．．唔洗怕自己訓到不知時間，哈！因為媽媽朝早自自然就會走入我房，跟住就會開左部電腦，晨早就係度玩msn，哈．．．一係就會大叫：”你起身未呀？落唔落樓食早餐呀？”．．．所以，咁樣實會可以定時定后識得起身．．．呵！

今朝同左媽媽去食個brunch，即係早餐+lunch，去左太興度食左個飯．．．之後去行左陣，買左兩條one-piece裙！點知返到屋企一試，其中一條唔太o岩身，所以決定拎番去換！之後去換完就跟左媽媽出市中心，因為媽媽去做yoga，咁我唯有在市中心流連啦．．．行左去華都果頭，發覺自己好耐冇行過果頭喇，原來真係變左好多好多．．．哈！好似大鄉里咁囉！行左一陣就走左去euro go go度嘆左個tea，食左件cake同飲左杯朱古力鮮奶．．．都幾正架！我指係個感覺好正，好閒情既感覺，呵！

等到媽媽完左call我喇，之後再行左陣，去買埋波波既貓糧就回家了．．．

唔知點解，今日個人個頭好痛好尺，成日都好似唔精神咁，而且又周身骨痛．．．可能琴晚訓得唔好卦，成晚又鼻塞同有少少喘了．．．好討厭呢．．．我真係唔想再係咁．．．

星期四果日同A仔個山藝教練朋友講起，佢農曆新年會去四川一個叫四姑娘既雪山，享受雪地露營同攀冰既樂趣．．．A仔都叫我去，其實我都好想去，因為真係好想見下真雪，同埋享受下雪地露營既感覺．．．但係最令我擔心既，都係自己既身體是否可以捱得住．．．我諗我都係時候要好好鍛鍊好個身體了，要做運動，要快D甩到氣喘問題呀．．．要決心！

>>December 12, 2008 at 1:13:57 PM GMT+8

2008 年 12 月 10 日 星期三 【晴】

嘩嘩．．．今朝六點十起身了，其實係比預期的遲左起身呢，因為太眼訓了，呵呵．．．最後，都有個朋友遲左到．．．八點三先去到大埔，之後一齊去左食早餐，去左一間有茶飲既茶餐廳，好攪笑．．．不過D點心唔多又唔太好味．．．食完之後就坐朋友車去左開倉果度，果度係沙田第一城東邊，近石門果頭．．．嘩，間野都唔大間，好熱好多人呀．．．我地係呢度流辛左成粒幾鐘．．．哈！最後，我買左一件羽絨，原價千五，而家$460，一件WINDSTOPPER過頭笠既衫，原價五百，而家$250！仲有一件背心，只係$50！A仔就買左一件羽絨$630，一件WINDSTOPPER過頭笠，同我果件一樣的，係情侶裝，一件長袖恤衫$100，一件CORDI既風褸$340，仲有其他野．．．我地兩個夾埋都係買左$2400，超抵．．．如果原價買的話，應該要成$5000囉．．．所以好開心呀！

之後坐朋友車返屯門，食埋個泰式午飯，跟住A仔就返工了，我就回屯門．．．本來好眼訓好想訓，但係又鼻塞到爆，都訓唔到，唉．．．好辛苦呢．．．

突然，好掛住A仔添，呵．．．

>>December 11, 2008 at 10:10:57 AM GMT+8

2008 年 12 月 9 日 星期二 【晴】

哈，今日訓到十一點幾先起身，因為琴晚真係訓得唔好，成晚鼻塞同喘，好死呀！都唔知點解？之後就換衫回左屯門，因為有點野要做．．．而媽媽今日跟左朋友去左深圳灣行街，哈，都唔知有咩好去，同埋成班師奶，我真係唔跟去呀！哈．．．

一個人返左屯門，做左要做既事後，去左買腸粉食，回到家一個人都唔錯．．．本來想訓陣，但最後都冇．．．到左五點十再出門口，因為約左A仔一齊返元朗．．．點知六點四去到西鐵站等極都唔見佢，原來佢仲未走得呀，最後等佢等到六點十先上車．．．一個人在站平台等，都好悶，不過，我冇嬲，因為我知道佢都係做野O者，即使我打比佢時佢用好差既語氣同我講野．．．

之後，我地同左A仔媽媽去食壽司，A仔媽媽仍然齋戒中，所以食壽司都要揀過先食得．．．之後我地返左屋企，可能早返，時間好似好多咁，所以做左好多野．．．今晚要早點訓喇，因為聽朝要六點幾起身，一朝早去大埔呀．．．因為聽日MOUNTAIN HARDWARE開倉呢！呢個BRAND只有玩行山既人先至識架，因為呢個係專賣行山用品的名牌子，件件野都幾百幾千的．．．今次開倉希望可以執到平靚正既野啦．．．

>>December 11, 2008 at 10:02:20 AM GMT+8