2005 年 2 月 23 日 星期三 【微冷】

◎葡萄酒情人節(Wine Day)：10月14日

10月14日這一天戀人們輕啜葡萄美酒，慶祝充滿詩意的秋天。通常小倆口會選擇在浪漫且別緻的餐廳裡共進晚餐，然後聊聊彼此對未來的規畫，以及共同的目標等話題。
<待續>

唔鐘意春天,因為濕濕的~最憎~學校每一處地方都係濕既,仲要滴水~今日~哈哈哈~遲左一小時,唔知做咩,其實9點就起左身,不過死都要sleep多一陣~今日michelle問我近排有無返學~有,不過無返上午~點解,佢地話春天霧氣重,就會訓多d~尋日係正月十五,元宵節快樂~尋日都派埋d朱古力,vennie見到,又話要~無預呀~有d失策,計少左一個人,咁葛late,佢就無左lu~哈哈哈~唔好意思~因為我都無預其他人,都好似唔多好意思咁,我就走去買一盒,請大家~大家一齊開開心心嘛~

我都有draw一件衫衫呀~初時唔想draw,因為太多雜物無位放~不過見得閒就整下啦,gigi,phoebe,iris都有黎整呀~哈哈哈~開開心心~~尋日當值,late左,唔係細米打俾我,我都未起身~哈哈哈~尋日都順順利利,都好彩早左evaluation,否則真係執唔切~哈哈哈~~唔該晒大家既合作,我地將d 跨場吊飾,燈籠呀由一樓叫細ryan響下面接,哈哈哈~~方便多~cyrena,celia就響下面開始拆~大家快快手手~我都唔等梯,自己拆埋d心心~我太醒了~睇下有無心做架jei~

今日evaluation,suppose德仔俾返d意見,佢就好小朋友咁叫我講,唔知講咩,俾左d example佢,佢話尋日無落黎睇所以唔知,又話病呀,早走,唉~唔想講就變得越來越多excuse~我對佢好失望~totally~算啦~魚魚想挽救,但係....不過我怕影響了大家~(我指我既說話)

魚,丁,倫,celia,cassie作最後衝刺,因為得8個人,要作最後宣傳,打電話攻擊,同埋增大左個range~由8-12,依家係7-14~大王姑娘都覺得無咩大問題~傻啦,有時d野,情急make左decision先又未通知我,我唔會怪你,只要對件事好,同埋做到我地呢個proposal既目的就可以了~辛苦晒大家~近排天氣不太好,所以希望大家小心身體~

你地要醒覺勒,michelle近排唔理你地勒~你地都係時候要做返d野,就係要好好努力,盡自己能力,將d野做好佢~佢要見到大家既努力~嗯~要商討一下~你要俾d成績佢睇,黎緊bgca既program,義工分享會,大家要好好地做~唔好怯,大家係得既~

尋日完左元宵節活動,都唔想返home~如果michelle響度,大家就會一齊dinner~好想出街,但係...無人出~想出,又唔知去邊~都係尋日jei,因為往年都會出去dinner~大佛同阿葛都有同感~新黎既kenneth,暫代hailey,佢都幾好,都會有讚同埋有意見俾返我地~又會視察下情況,跟進一下咁~

今日,同左大家姐,二家姐傾下計~其實我老豆火氣一大,就會踢床,打門~今次打爛左~佢發洩完,又會掃返地,同埋執返好~老豆事後都想講返,其實佢都唔係想發脾氣,只係在shop又受客人既氣,響home又俾我地激wor~想搞好個家,但係又俾我地拆散wor~又話我大家姐大小姐脾氣,又話佢假仁假義,又叫佢唔好以為俾$3000家用大晒,只係save返就作嫁妝~人,當好大脾氣,往往都會講d野中傷人而不自知~人,唔夠人講既時候,都會轉去第二個topic~不過,人往往當大家火氣未消,都不宜再吵,因為大家都唔理智,唔冷靜,或者當雙方都係固執既人,都真係要停一停~

諗返起我同菁菁~哈哈哈~~大家都係一道氣~過左又無事~大家都想為大家好,大家都唔會想拆個家,咁當然大家都有錯~其實daddy mummy都有d古老思想,根深柢固,但既然都唔會點改,不如大家互就啦~我地成家人都好固執,愛大家都唔會出聲,只會默默的付出~所以,當大家了解daddy mummy既性格,或者說話既技巧上都有下一定功夫~或者,我地都唔好只係想自己點為個家付出,去數算人,而係想一想,對方又為大家付出左d咩,先會懂得感恩,否則只會埋怨~所以,成日都叫大家欣賞其他人既優點,唔好響人地既缺點上轉~咁樣係無益既~

傾傾下,daddy叫左我出去,嚇得我,佢以為渣打寄$30000 cheque俾我,其實只係宣傳技倆~佢寄支票,都唔會咁揚啦~俾晒人睇,唔怕人地拎左咩~其實佢都係關心我jei~我家姐話依家我細佬太差,我就話依家既細路都係咁~其實我細佬聽得明,都識分是非,只不過口硬,要講反話,同我地一樣~細佬都有可愛之處~細路,當然貪玩,依家我睇到唔俾佢打機,都唔係好方法,應該一人讓一步~不過我dad俾佢一至日都打一小時,好似唔多好~星期六,日打就會ok d囉~買電腦俾佢,我都唔阻止,不過唔好買notebook,或者我搵一d好玩,有趣,又有益既野俾佢玩仲好~不過打機,都可以訓練下佢個腦~起碼佢用腦去鑽研秘技,睇下點打低人,又或者我都要學下打機,進入佢世界,以妨佢學左唔好既野~

有時,都真係要動下腦筋,轉下彎~咦,做咩我睇通左咁多,死...即係我又老左~

不過尋日我都無咩理老豆,因為我都睇唔過眼~家姐喊呀~佢好唔開心,不過間屋又細,細佬又唔乖,唔生性~因為daddy唔肯靜下來,平心靜氣咁talk,去互相了解,大家既溝通唔夠~mummy響家姐既心中有一死結~又係一時唔小心既無心話,但傷到我家姐好深~老豆對我二家姐又一死結~可能受唔到佢係les~所以大家要慎言~有時,好心,當狗肺,都真係好hurt~近排,大佛都面對著~expect親人係最親,唔會講d咁hurt既野,偏偏就發生左~有時都真係面對唔到,而好down~

家家有本難唸的經~

我既心好簡單,只係想為家人好,朋友好~緊記個aim~因為好易forget個aim架~唔明?呢度好難explain~你搵我,問我,我同你分享~

依家呢一刻,好簡單,我覺得我自己愛你地,盡我所能,因為蘇佩玲都係得一個~唔係三頭六臂~

咦~欣欣眼腫腫~pc-sandy唔開心~

>>February 24, 2005 at 5:56:00 PM GMT+8

2005 年 2 月 21 日 星期一 【乍雨乍晴】

◎音樂情人節與相片情人節(Music Day & Photo Day)：9月14日

音樂情人節這一天是舉辦大型社交活動、輕歌漫舞的日子，也是將你的心上人介紹給朋友、同事認識的好機會。而單身一族，更可以藉此機會看看活動現場有沒有自己中意的對象。
許多情侶喜歡在這天就著蔚藍晴朗的天空合影，所以9月14日又稱為「相片情人節」。
<待續>

今日都無咩野勒~~今日,阿sir話我belay好安全呀,不過爬就要加把勁~因為我爬唔到~第一次怕高,之後一次我無力~哈哈哈哈~要努力~好差呀~唔識用力呀~我都話我唔like攀石架啦~kimmy好成功咁完成左2條添呀~個個都ok,只係我爬唔到~哈哈哈~miss,fiona都真係嚴d,不過嚴都幾好呀~咁基礎先打得好~

近排唔知做咩,都係無咩上上午既堂~好懶呀~成日訓到中午~又無swim~oh..no~今日係<花好月圓>既第一日,我同cyrena,細米食完lunch就返下去咁~michelle complain我呀,因為少同佢傾計呀~哎呀~所以對我冷淡呀~哎呀~仲有呀,欣欣見到我都啤住我呀,因為我無上堂嘛~今日派左朱古力俾蟻仔,大家都好開心~哈哈~~佢地都係要人"乙水"(tum)既~有d獎勵嘛~cassie俾返粒金莎我,仲hug一hug我添呀~celia就真係好開心~魚魚好餵食~阿倫就俾左佢用左好耐時間去織既如意結,但都未織好,不過我都好開心~wincy就無咩反應,有d down,仲問我駛唔駛幫情人節~唉~阿榮我都有俾架~12個人仔~不過佢地想"閃電傳情"俾cyrena,我呷醋~無我心~哼~

呷醋呀~呷醋呀~我都要人錫既~我都有人tum架~今日同左阿魚傾~無咩野啦~都係cyrena既講法~不過係我睇錯左,get錯左~因為我get左係佢地離開左ma之後都要keep返友誼,而get唔到係靠大家既關係留低~同埋我唔like佢將magic ant同大家分開黎講~都ok啦~我明白了~celia,瑩同魚都係處女座,但係,celia同瑩會冷靜d &聽人講,而阿魚就較固執,好衝動,硬d~所以有celia同阿瑩響佢身邊就好好多~講野,做野都要有禮d~

你地呀,有時d野唔好只係睇表面,之後就有任何判斷,而係聽下就算,或者可以再深入了解多d先,全面d先,先好下判斷,否則對任何一方都唔公平~同埋有誤會,所以溝通好重要~仲有呀,點解magic ant take左情人節做?因為我要大家接觸多d唔同既人,學習同佢地相處,合作,去睇下唔同既人,唔同既意見~而唔係只係響自己一個小圈子,大家應該要有多d 挑戰~只係內部,大家會習慣,而無衝激,就無進步~所以我話呢個機會係難得~另外,因為都係michelle既野,我地都應該出一分力~我希望大家唔好咁短視,唔好只係沉醉於自己圈子內~仲有,點解一樣野,唔係個組負責就只係個一組既事?咁,我諗大家似乎都唔記得我響magic ant講既野~雖然響magic ant內,我都分左大家為3組,但係我都要大家響例會報告同埋睇下有咩意見~但礙於大家都唔會有咩意見,所以都好少做到,只係report,只好響活動差唔多開始,有rehearsal時再問suggestion~

同樣道理,我地對外,人地俾意見我地,都係想個樣野做得好d~大家都係為呢個function好,而唔係針對我地~大家要分清楚~咁當然,俾人ban晒,係會唔開心,但如果你覺得呢樣野係好既,我覺得都可以堅持,咪試下囉~人地意見可以參考,但未必一定要做~希望大家明白~不過德仔都好讓我失望,掛左上去就唔理?咁唔負責任?星期一上跨場吊飾先掛燈籠,會唔會遲同埋waste人地時間?有無諗深入d?分工分得唔好,organise得唔好~唯一好既就係肯講感受,肯做~但係太小朋友~係有心,但唔太想學野,唔真誠囉,有時hei hei下~唔得~有得唔做就唔做~no good~

有時太悲觀唔好~唉~俾魚魚激死~另外,我都唔係成日亂think,只係個一下jei,我都好快無野,想通~我都明白亂think都唔會令件事好d~但你都承認係逃避~同埋逃唔逃避,都係因事件而異~我講既,有唔同事件~~放心,我識think既~就算唔識,我身邊仲有好多人提醒我~依家既我,會接受人地意見~會去細想~而唔係只係only唔合我意就唔理~

今日阿蕾喉實我既朱古力,不過無佢份~呵呵~~only magic ant~

今日rehearsal,我估都ok既~不過大家都需要注意下細節~有d野都未做得足(1.無印proposal,2.提大家帶proposal,3.響rehearsal前應先同新加入既義工eva,ellen,fanny explain一下我地既proposal同埋會做d咩,咁就唔駛rehearsal既中途要停頓,4.響rehearsal前都應該講下rehearsal既流程)~做得好既地方有,有介紹一下啦,每個game完左之後都有一小個evaluation,organise得都幾好)不過我rehearsal左我有份既2個games,我就走,因為要攀石~阿hong叫我快d,因我做佢partner~

我地叫女仔既舉手,阿倫竟然都舉手???oh..no~~德仔唔記得rehearsal返左home,不過之後都返左黎~good~~

攀完食米線~august真係好唔食得辣,dd辣都流晒汗~有發發,葛,hong,august,滔,abe,我,澄~之後散~

yr1 pc佢地上左michelle home hot pot,真開心~

都未講我home既野~聽日打啦~

>>February 23, 2005 at 5:24:49 PM GMT+8

2005 年 2 月 20 日 星期日 【乍雨乍晴】

◎綠色情人節(Green Day)：8月14日

名為綠色情人節，當然和蓊鬱的森林脫不了關係。酷熱難耐的夏日午后，不妨和你的另一半作一趟涼爽而清新的森林之旅，盡情享受戶外大自然，度過健康而愉悅的一天。還在尋覓愛侶的人，可以參加Soju〈韓國綠牌薯酒〉派對，度過喧鬧的室內綠色情人節。 <待續>

今日上0930-1730~但係好凍,好累,唔想起身,就走左上午既堂~返到去,派左元宵節既朱古力俾1b既同學們,仲有wendy~平時都無咩野送俾佢地,小小心意啦~希望大家開開心心~今日都同sarah傾左陣,有時d人都真係怪怪既,同埋都係自私既,唔出奇呀~我都係咁,不過佢似乎做得過份左d~不過算啦,10隻手指都有長短,做好自己,你接受到佢咪keep住做fd囉~最緊要係睇下你想點jei~我地都唔好計較得咁多~因為朋友呢d野,無得計既~不過希望大家畢業左之後都可以得閒出下黎,食下飯~

之後就要佈置,kat既爺爺入院,阿kat等report同埋take care爺爺,所以黎唔到~daisy就要陪家姐,connie唔知,cassie要食類似團年飯既野,整完野就走,德仔就返home hot pot,做完野就走~大家都掛得好順利~我地仲叫左hong同埋august黎幫手~唔該晒~我地d蟻仔都要去識下人~識多d人,做打都方便d~阿葛同埋大佛就唔記得左~算啦~我地都夠人~之後,丁丁,倫,celia,瑩,魚,cyrena,phyllis,august同埋hong就一齊去dinner~去左吉野家~細michelle唔知做咩都係返左home~

今日我都無咩野,大家都係開開心心咁~魚係辣既天使,瑩係唔辣既天使~佢倆餵我地食燒賣~hong同august都有份架~不過sandy響個段時間睇Pc仔,所以錯失機會~我都未俾返錢瑩添~因為得閒要慰勞下大家嘛~大家做得咁辛苦~都幾開心既~不過個incharge唔知做咩~我見咁多人手,就叫佢organise下其他人落去整左d心心先,因為得一條梯,又有咁多人,唔好waste time,waste人力物力~應該盡用~不過overall都ok~大家都處於輕鬆既氣氛中~

嗯~估唔到阿hong追日記都幾貼bor~我聽日要見識august既$4碗麵,我都真係唔太信~佢倆個呀,教我d蟻仔,唔可以俾主席head住呀~教壞晒~hehe,我成日串celia佢矮呀~當celia,phyllis,細米走在一起,我就話差唔多高既先可以溝通到~死仔阿倫....同埋丁丁扮睇佢地唔到~佢地2隻野.......都真係...佻皮~哈哈哈~cyrena話今日大家一齊dinner好開心呀~哈哈~咁又係既~我地都好耐無dinner~雖然magic ant得8個人~但都係好好架勒~不過丁丁唔想食,因為佢地lunch食過d類似既野~食左日本野~大家吹下水咁~都幾好呀~不過搞到好夜呀~10點先食完走人~無得睇西廂情緣同埋甜孫爺爺添~

嗯~pc-sandy既一d睇法~◆〔可能係因為表達語句的差異,如他說：就算你們不是為ＭＡ而留下，或許也可以因為我地的友誼而留下，雖然唔知呢樣野會否係一件好事，但我都想同大家做好耐的朋友．．ＵＭ～係好突然,但其實佢的說話無形中都可以睇到佢係投入蟻仔～因為同意ＣＹＲＥＮＡ的講法～如果我們的睇法係真既～都係一樣好事～因為他講呢Ｄ說話都係唔想仲有蟻仔走姐～""大家唔會為magic ant而留低""這句的確令人很不舒服同會令你覺得唔開心～因為ＭＡ係你由０到現在投入很多心血時間搞出來,也許他諗不到有什麼其他寫法而咁樣寫的～但他咁寫唔代表他唔會為ＭＡ而留下～他只想當有蟻仔因唔投入ＭＡ時，也會因大家的友誼而留下～

而會有蟻仔不投入ＭＡ，也不是你一個人的責任，係大家的責任，唔好太過自責～如果佢地真的唔會因ＭＡ而留下～咁係佢地仲未知道ＭＡ可以俾佢地學到Ｄ乜姐．但唔代表ＭＡ無同無野值得人留下～係佢地未發掘到姐～遲時他們回想想就知架ＬＡ～不要忘記～當初大家都係因為ＭＡ而相識，而ＭＡ聚了一班人仔，當初你係想帶些什麼俾大家架～回想下～你做了未ＡＲ～係同大家一齊做多Ｄ有意義的活動，係想令大家的關係好Ｄ or其他?大家的關係係好梗要架～有ＭＡ呢樣野都係因為你地有呢個心，想一齊做．好多野都係由大家的關係建立起,諗下點樣可以令佢地投入多Ｄ係好事～但咪亂諗野ＡＲ～〕◇

係~知道~我想magic ant既蟻仔可以學到program planning,同埋與唔同人合作,去了解,接受唔同人既意見,想法及做法~想大家唔好因為工作而影響大家既關係,響一個好既關係上,一齊經歷,一同成長~因為我地既理念,生命影響生命~將心俾己~◤義工服務並不是施與受的關係，而是人與人之間透過彼此用心的溝通和分享，結果獲得比付出要多。◢◤就讓我們這群義工，為他們創造發揮機會，成就不同的才能，送上無私的關懷、欣賞及認同。◢

阿瑩都唔係好清楚~不過佢覺得因為阿魚著重左大家既關係上jei~而無去thnk其他方面~因為見咁多人走,丁丁又走,阿倫或會受丁丁既影響而走~但係魚,celia,cassie又fd左咁多~所以咪咁think囉~不過都未真係去問下阿魚~呀~行山樂,無人去~oh~都唔知點交待~聽日就要去中心搵虞姑娘~阿魚要學習面對錯折~成熟一點~唔係唔提就得架勒~

返到home,六國大風相~事緣係我細佬唔記得關水喉,我家姐罵他,罰他抄書,就係咁,佢地吵起上黎~都唔知點講好~聽日再分析呢件事~

>>February 21, 2005 at 6:33:19 PM GMT+8

2005 年 2 月 19 日 星期六 【乍雨乍晴】

◎銀色情人節(Silver Day)：7月14日

銀色情人節，是把你的意中人帶回家給老爸老媽認識，或介紹給其他你所尊敬的長輩的好機會。當然，這一天的全部開銷，都由這些「可愛的長者」買單〈為「安全」起見，你最好先確定長輩對這個節日很熟悉〉。銀色情人節也是愛侶互贈銀製禮品、飾物的日子。<待續>

我睇完阿魚既日記,我睇到一段"p.s~ 突然諗到.....或者...大家唔會為 magic ant 而留低....咁..如果為左我地既友情..... 結果又會係點....?...... 我真係好想...可以同佢地做好耐既朋友....."我既心好唔舒服,好唔開心,好down,好想喊~咁當然我係喊左,打左俾cyrena,cyrena話佢睇到既意思係,唔係我諗得咁負面,本身我地都think住靠大家既關係留底新一批既蟻仔~咁阿魚都係靠大家既關係留響magic ant,反而cyrena講得佢仲多左心留響magic ant添~

我都希望問清楚一點,希望我誤會~我都希望係cyrena既講法~點解我咁激動?點解我會唔舒服?其實我都唔太清楚~咩叫大家唔會為magic ant而留低??magic ant好差咩?magic ant令到你地唔開心?magic ant唔係同你地成為一體架勒咩?你地唔係magic ant既一份子咩?點解要將大家同magic ant分開?係咪我搞得唔好?定係大家覺得magic ant係一個責任,真係好似cyrena咁講,大家唔係為左做野而一齊,唔係為左自己既成長而留低,唔係為左自己,而係因為有大家先留低?我係咪偏激左一邊?

我係其中一個籌備magic ant既一個人,我視magic ant為另一個家~當然,我會因為我鐘意做義工,鐘意響michelle身邊學野而留低,我仲因為有呢個機會去學習,所以我將我原定既plan拋開左,投入左響magic ant既入面~但點解講得咁突兀?唔明點解寫""大家唔會為magic ant而留低""pc-sandy話,都o岩既,從另一面睇,阿魚都擔心無愈會留低,都希望大家因為大家既友情而留低,去為magic ant做一d野~

我睇完個一刻,好down,無晒mood,我有野送俾佢地,都唔知再送唔送好,我為左佢地咁努力,佢地唔識珍惜,我覺得好失望,我仲好想摺埋magic ant,教你地咁多野,train左你地咁耐,唔係諗住拎晒d野就走人?世界上有無咁便宜既事?我突然好明白michelle~因為大家無理由一走了之~但我地又唔想強迫大家留低,咁樣真係無咩意思~唉~不過依家都好左好多,我估阿魚唔係咁既~不過希望阿魚,celia,cassie呢3個人,fd都唔好fd得咁明顯,好似小圈子咁~唔好太陶醉響3人既關係上而忽略左其他人~其實有時fd得滯,我都明,你無話唔俾人加入,但係大家見到咁,都唔想阻住你地,同埋你地都造左一塊無形既牆,令人難以加入~你試下由佢地既角度想,就會明白~

唉~宣洩左d,真係好左好多~希望唔係我所想~

今日一早去左tea,之後返左一返home,sleep左陣,就去左童軍~唔記得今日edmund有program,咁就有simon,棠,我同cyrena~麥太都在~佢個仔都好似唔多投入,同埋遺傳左一副唔好既德性~今日無咩特別,remind佢地既童軍誓詞同埋規律以及講下國旗,國歌,國徽,區旗,區徽咁~不過就唔知大家吸收左幾多~不過simon就照書讀,笑死~佢唔識講故仔~有d唔多重要就飛啦~

之後去左同大家姐做facial~大家姐俾~都係yesterday細妹問我家姐幾時去,家姐順便問埋我~

做完,個感覺ok既~無咩特別,我都唔明點解d人要做facial~不過會o岩d無咩時間,心機自己清理下塊面既人~同埋都幾舒服,敷mask既時候訓左~我無咩錢~自己搞返啦~我都唔明點解我咁多暗瘡呀~佢地話我壓力大,同埋唔夠sleep wor~咁又唔出奇呀~magic ant,都幾擔心架~佢叫我唔好用太油既野洗面~不過佢都唔太知咩護膚品o岩我~不過呢個tina都幾好~佢唔會hard sell佢既護膚品~只係同你talk下,好nice~原來佢係妹既中學同學既家姐~不過佢塊面都唔多滑wor~

不過皮膚呢d野,都無咩可能會變得好好,如果真係咁有效,好多人都爭住做facial lu~佢answer我,話d人覺得做完facial,暗瘡少左,咁咪繼續做law~佢都好似唔識answer我咁~佢同我家姐講,我好少野講,同埋思想較成熟~同埋話大家姐疼我多d~我聽完之後都好開心~不過係因為我生性jei~佢倆就有好多野講wor~不過我有咩想問,我都問晒架勒~幫左我修眉呀,哈哈~~佢話我自己都修得幾好,不過前面就幼左少少~仲有呀,我話左我俾左第一次佢呀~我第一次做facial咋~哈哈~~

我妹話我有時會發開口夢,有時好惡,有時好搞笑,佢以為我同佢講野呀~我家姐就話有壓力既人就會咁wor~莫非我有好大壓力?

今日真係好凍~我無上michelle home,因為我要做facial呀~我初頭都想上,不過見係ua,kca既拜年,就唔多好意思~其實我都係想陪下michelle咋~阿葛打黎問我既時候,我都唔得閒lu~多謝家姐既facial~

>>February 20, 2005 at 4:49:16 PM GMT+8

2005 年 2 月 18 日 星期五 【乍寒還暖】

◎親吻情人節(Kiss Day)：6月14日

這是一個屬於成雙成對戀人的重要節日，在這一天，情侶們不必再害羞，可以大大方方地用親吻表達對對方的愛意。當然，花前月下、燭光晚餐等浪漫氣氛，對一吻定情可是很有幫助的喔！<待續>

佢地magic ant尋日好開心,lunch又去sing k,之後佢地又bbq~真開心~可惜我要上堂,同埋要去攀石~

估唔到我上tax咁準時~0830呀~真神奇~不過都因為俾人嘈醒,之後靠意志,起身,死都唔賴床~

今日好似呆在家中~無野做~

oh~阿ling,有咩想做就去做,否則後悔~因為我成日有一個念頭,想做一樣野,又去think呢樣,個樣,之後又無做~其實我想做咪去做囉,我相信我做既野,唔會違背我良心,同埋,有時d野,都真係唔可以think咁多,熱情一點~hehehe~中國人性格,尷尷尬尬~唔表露真情~例如,想打俾michelle,咪打囉~哈哈哈~咁耐,我都仲未改到~hehe

今日佢地山藝一級~好凍呀~佢地會睇住michelle勒~

byebye

>>February 24, 2005 at 5:54:16 PM GMT+8

2005 年 2 月 16 日 星期三 【暴雨】

◎黃色與玫瑰情人節(Yellow and Rose Day)：5月14日

如果已經到了5月，你的情事還是沒有任何進展，在這一天穿著黃色襯衫或黃色套裝，吃黃色咖哩飯，就是告訴大家「I am still available」的最好暗示。春日融融，將黃色穿在身上，也相當符合季節氣氛。

5月是玫瑰發芽的時節，氣候宜人適合出遊，因此許多情侶都選在這天相偕到戶外踏青，所以5月14日也有「玫瑰情人節」之稱。

在玫瑰日送人紅玫瑰是傾訴愛意；送白玫瑰花表示仍猶豫未決；若送上一束黃玫瑰，就是說再見了。<待續>

想屈edmund添~不過cyrena覺得唔多好,好啦,算啦~

賣左econ書~yeah~我都係唔多識做生意~唔識定價~有可能賺多,有可能賺少~

要快d做好跨場吊飾~

好累~今日sleep左12小時~無返costing既tutor~too bad~

好似無咩野講,有野講都打左~byebye

難得咁短~

>>February 24, 2005 at 5:46:29 PM GMT+8

2005 年 2 月 15 日 星期二 【陰】

◎黑色情人節(Black Day)：4月14日 (=Michelle's birth)

雖然並非天下有情人都能天長地久、甚至曾經擁有，但誰說孤家寡人或曠男怨女就不能過情人節？「黑色情人節」就是屬於單身貴族們的情人日。在前兩個月他們或許既沒收到甜蜜小禮物，也沒人可以送巧克力，但4月14日這天，大家共聚一堂，彼此鼓勵、加油打氣，化悲憤為力量，倒也熱熱鬧鬧十分開懷，藉此消除形單影隻的落寞感。

名為黑色情人節，在這一天，打算過節的人會讓自己生活在百分百的黑色世界裡，穿黑色套裝、黑帽子、黑皮鞋，吃黑豆製成的麵條，喝咖啡也不加奶精，享受黑咖啡的苦澀原味。
<待續>

［清楚知道妳係果種愛在心裏口唔開既人！妳對每個人既感情，大都不會喧之於口，但是只要細心一點留意妳既言行，其實就會知妳好着緊妳身邊每一個人！雖然我唔認識楊sir,不過,從妳字裡行間多少都感受到佢對妳既影響係有幾大!雖然失去了一位良師益友,但係佢依然活在大家心中,仲有佢既信念!不要難過,相信楊sir在歷奇既時候都曾經教曉要點去面對困難,渡過黑暗,如果依然相信,請再一次展現依份信念!哭過後,人會再次成長,拭乾眼淚,掃走身上哀傷既塵土,繼續走向未來.雖然唔係成日搵妳,不過,心與妳常在! ］------(摘自MICHELLE之日記's留言版)

今日,係賣旗既日子~我地約左0730中環mtr等~咁當然都要叫edmund過黎幫我地拎野啦~我0645起身,雖然都係唔夠訓,但係因為係自己起身,所以感覺會好d,今日都係好tired~今日首先俾edmund呃左,好好地一個門口響我地面前,佢唔入,兜左去後面,點知個度無得入,又要行返去前面~好彩cyrena今日醒左~未有得set場,我地就上返石獅子派旗~不過我地幾個做野都幾有默契,其實我地之前未商量好我地邊個做咩,但係一開始,我就負責俾佢地簽名--->因有d用後備旗袋,cyrena同埋edmund搵旗袋呢野野,咁edmund當然都要解答一下大家既問題,oh...又有少少做左leading既角色~

其實應該係edmund既,不過佢都係剛剛去完trip返黎,咩都唔知咁,咁當然我地都有同佢講返余姑娘講俾我地知既野,同埋我地倆個做左d乜咁啦~佢都係尋日既11點幾先返到hk~佢無同佢centre既人講佢去邊,佢話呢d係佢既作風,唔會講俾人知佢去where~不過收到佢既手信都幾開心架~雖然係小小既一份禮物~都幾surprise既~佢話只係我倆有咋wor~哈哈哈~~原來佢去左日本....佢成日揹背囊,行到邊,去到邊,食到邊,無plan,都幾寫意,我叫佢俾d相我地睇呀~不過唔記得佢去左邊個地方~$1700機票都幾抵呀,可以住民宿呀~第時去旅行都可以向佢取經,佢都去左好多地方~

cyrena有interest無plan咁去~其實我都有,唔知我倆可唔可以一齊咁樣既方法去一去呢~一邊打工,一邊生活??都係去體驗下,我唔需要多既時間,一年,半年就可以lu~因為我費事誤左cyrena既人生plan,25歲前結婚,趕住30歲前生仔~我同細mi就唔得勒,我倆都要有事業基礎先,仲有呀,我地都咁大個,好快就25,男友都未有,機會好微,同埋學細mi話齋,結婚呢d野,都係一時間既諗頭,係一個感覺~我同細mi響呢一方面既想法都一致~不過,cyrena既plan唔係唔好,因我都有咁think過,不過就唔好為結婚而結婚,要有長遠既plan,同埋當然2人都要真係有情啦~大家都為大家負責任啦~

從edmund既字裡行間,佢透露左佢married勒~因為我聽到佢有一句"咁貴,我唔會帶佢地去",哈哈哈~算啦,我地唔好深究咁多~映雯成日周圍問其他人結婚未,問edmund既時候,余姑娘同埋總幹事--蘇生都三緘其口~哈哈~~蘇生好醒,余姑娘俾一俾眼神,就get到~蘇生話佢做左4年,真係旺丁旺財,嫁左好多個女,亦都生左好多個孫~哈哈哈~~我地今日有幸見到好多個我地未見過既職員,good~一齊去飲茶,一齊去開檢討會~好多人開會,當中都有人出聲講意見,good~似乎呢個蘇生都做得幾好,可以同佢地打成一片,做野既時候都會認真,顧及大家既感受,同埋懂得分辨which is good idea,which is most important~哈哈哈~good~就咁睇,佢都係一個好既leader~

我初頭都唔知佢係咩人,以為係d咩扮晒野既人咋~我都唔認得佢~我地其實響旅慶時見過~因為我地響旗站坐,佢又黎講下野,教下我地點做呀咁,不過佢都賣得好落力,親力親為~不過佢要我地代佢幫佢既relatives睇住d野呀,好似有點兒那個,雖然我地要幫,但係好似因為蘇生係大粒人,有d關係咁,我就唔太like,可能我份人唔like靠人地啦,唔阻住人地啦~..

最失敗既係,我唔見左蘇生俾我既利是~oh..no~如果留左響張chair度就好核突lu~今日賣旗都好順暢~有個媽媽問野都幾尖銳,咄咄逼人咁~edmund answer唔到佢既guidiance,佢又問~咁我就answer佢,問係咪義工需知,因為旗袋入面有,咁佢就無問題勒~呢個媽媽都幾盡責~同埋佢既suggestion都幾好,問,會唔會assign佢地響where賣,咁大家先唔會堆埋一齊~咁又係wor,無assign架wor~都好靠大家自律,一係就係edmund上去疏散人潮~有d人都唔係賣旗既,響度talk,個旗袋好輕~好唔掂~好似英華女校個d呀~可能唔係自願join,而係被迫,所以馬馬虎虎就算~呢d人好唔得呀~

我叫cyrena出去try下賣旗又唔出~哈哈哈~不過好多人甩底~同埋有d人好懵呀,唔記得去where拎旗袋~不過都有comunication problem~因為我地無真正既deadline,所以不斷有人手加~仲有既係,唔單止我地有溝通問題,參與既機構內部都係~可能放假後,d野都亂d~不過大約我都了解賣旗既運作~good~都有d似我地magic ant assign d人去唔同區賣咁~不過我都唔駛prepare後備既野咁~後備旗袋係for一d突然join既義工,去錯區既義工~如果有人去左非指定地方/旗站交旗袋,個一個旗站既負責人就要同返原本收該選袋既旗站負責人,做野會有效率d~多d溝通嘛~

我地都搞到好晏~4點幾走人,因為要開會,好怕late添,好彩趕得切~cyrena去唔到送阿ka機,咪會好唔開心囉~我地都唔知搞到咁late~0730-1630呀~開會前,好累,sleep a while,欣欣黎搞我,菁菁好驚咁叫佢唔好,因為我好累,會發脾氣,不過我見係欣欣就算啦~佢又唔知咩事~我開會前都同大家講,我都係累,並唔係因為嬲大家,所以無咩表情~不過丁丁既quit~都係我既一個打擊~但我都希望佢照顧佢grandma,陪grandma多d~分擔家人既重擔~我明白既~magic ant得返14人~走左4個~

好快咁開完會~40min~本來仲可以快d,都係德仔~又重蹈覆轍,唔sure既野,又響我個會discuss?waste my time~你地次次都唔同我達成左共識先~你地有無溝通架???個incharge可以咁亂既?訂飯又係,好彩阿kat夠清醒,識得問,幫手睇counter既人之後有無時間lunch,點知大家都有,咁就唔駛煩why tue無飯紙啦~阿kat都有d料到bor~不過德仔似乎太細路,無進步~思路好亂~仲有一次,佢竟然講"掛左上去,就唔理架啦~"咁唔負責任既野都講得出?大家都打左個突~~唔想做就唔好做~唔好搗亂~都唔係黎學野既,只係攝下時間罷~我都有決定lu~

之後back home,睇完tv先sleep~~

>>February 20, 2005 at 5:19:07 PM GMT+8

2005 年 2 月 14 日 星期一 【陰】

◎白色情人節(White Day)：3月14日

西方並沒有所謂「白色情人節」的傳統，在東方，2月14日女孩送男孩禮物表達情意之後，如果對方也有同樣的好感或情意，就會在3月14日回送女孩一份情人禮物，表示彼此心心相印；如果男孩對女孩沒感覺，只要刻意忽略這個日子，便算是委婉的拒絕。

現在情人節由誰主動送禮已經不重要了，只要有一方在2月14日收到異性送的禮物表達愛意，他或她在3月14日「白色情人節」這一天就會選擇是否有所回應；而對已經在一起的愛侶來說，這一天則是回贈對方情人節禮物的日子。
<待續>

今日,又俾我妹吵醒,天未光,佢既alarm就響,我以為係我既,點知禁極都仲響,先知我妹既~之後佢既電話又響lu~我都係無覺好訓,而我又好夜先sleep,因為搞開會既野~我又feel到佢無著拖鞋叫阿may煲水,之後又踩上我張床~我最hate佢既dirty~我就起身,梳洗,好奇特咁,我好早咁返佢上0830~sarah都問我why咁早~我上堂,訓唔到,好專心~我係上tax既~因為我真係好頭痛~

落堂就去搵下michelle,因好耐無見~食左好好味既草餅~大家都爭先恐後咁去到食,遲既人就無lu~哈哈哈~~欣欣問我做咩唔叫埋佢,人地點知wor~先知michelle唔開心~都係angel話俾我知~因為又有一個佢識既人魂歸天國~又一次打擊~唉~所有回憶都係好珍貴既~世界總會發生一些唔好既事,
世界總會發生一些不如意既事,世界總會發生一些令人悲傷既事,但係,世界亦都會發生一些令人開心,世界亦都會發生一些令人安慰,世界亦都會發生一些令人感恩既事~時間可以沖淡一些心痛既感覺,開心既事亦都可以~michelle既身邊,仲有我地,我寧願你響我地面前喊,因為有我地既肩膀讓你哭,有我地響你既身邊,會讓你感到更加有力,令你感到更堅強,令你感到更溫暖呀~我地唔會俾你獨自面對呢個哀痛~仲有上帝~肯定係上帝安排我地響你身邊照顧你~!!衷心既祝福你~愛你!!

世上總有好多我地唔想既事發生~令人生添一點無奈~不過呢d都係我地好好既回憶,同埋人生中既點綴~人有悲歡離合,月有陰晴圓缺~天下無不散之筵席,節哀順變~

之後就去左上堂,同佢地去lunch~仙桃園~好亂呀d單~有一個無落添~之後陪左michelle去photo copy~我同欣欣一齊笑pc-sandy呀~哈哈哈~~咩事.....小事一件jei~哈哈~~我地今日都講起,我要拎我張吹氣摺chair返黎~~哈哈哈~點解佢地咁多人知我有既~哈哈哈~搞笑~之後sandy問我做咩唔叫佢一齊去睇incredibles wor~車,你知道又唔打黎話去~無叫,係因為我地之後去唐氏嘛~

你地未去睇,快d去睇啦~好得意架~幾好笑架~哈哈哈~~個日睇戲,我都見到一d單身人士去睇呀~唔知呀邊個同who過呢~

之後上1430,之後就去左023~今日要去歷奇既briefing同埋上一點點course~今日大家都收到michelle既手信,欣欣拎左黎take photo~哈哈~~陳da話自己個對靚,點知..大家...都....哈哈哈~~青bb的.....欣欣係咁笑佢呀~我地成班人就係咁起鬨~我就think緊點著~因為著響我身上就好似好低b咁~咦~有人送左gift俾emily wor~出事勒~不過michelle送俾emily同sandy既都係青蛙電話繩,好似佢倆呀~哈哈哈~~無得食草餅既人就係度嘈~都話草餅係一個好好既手信黎架啦~多謝michelle~~

有d緊張呀,攀石~我畏高的~好怕離心力~好彩一齊join既一班人,都係識既~good~阿hong話我咁著都ok,不過一見我既坐姿就唔ok wor~哈哈哈~~咁人地累嘛~michelle呀....話我呀,因為我話$40咋,佢就話咁又係,又平,要既布又多d,梗係抵咁wor~哎呀~死野~上完course我就走lu~因為好累~

同埋我要追電視劇,有西廂情緣,甜孫爺爺(差d打錯甜"酸"爺爺)同埋大長今~tvb pearl個d唔睇住勒~好tired~西廂情緣有吳卓羲架~哈哈哈哈~heheheheh~~呀~~唔知幾時有機會見到佢呢~呵呵呵~做左一個師奶~

我真係好累~好累,好累~因為超級唔夠sleep~

>>February 17, 2005 at 5:01:02 PM GMT+8

2005 年 2 月 13 日 星期日 【颳風】

◎華崙亭情人節(Valentine's Day)：2月14日

西元3世紀時，羅馬皇帝為避免已婚男子不願離家當兵，發布了一道禁止結婚的法令，但華崙亭主教依舊違背皇帝旨意，秘密為青年人舉行婚禮。他因此遭到監禁，並於西元273年2月14日死在獄中。後人為了紀念他，將他殉難這天訂為「華侖亭日」，後來便成為世人耳熟能詳的情人節。

在西洋傳統裡年輕人是華崙亭日的主角，他們在這個節日裡鄭重其事地為戀人選擇禮物、鮮花，以表達自己的愛慕之情。痴情的少女則會按古老傳說，在華崙亭日前一晚把月桂樹葉放在枕頭上，盼望自己在夢中同自己的心上人相會。

在美國，華崙亭日不僅是年輕人的節日，親人朋友間也可以互送小禮物，以表達感情、增進友誼。許多商家都特別出售裝飾成心形的巧克力糖、系著緞帶的紅玫瑰，以及鬱金香花束等禮品，而各式各樣的情人卡片更令人眼花撩亂。

對許多亞洲女子而言這一天顯得格外重要，因為儘管文化上較為傳統保守，社會價值觀一般已普遍接受女孩子在這天主動向心儀的對象示好。 <待續>

今日,係過左2年有情人既情人節後,第一個無情人既情人節~不過都有cyrena陪~原本我想去swim,不過,.....由於我既妹,唔知做咩唔去訓,一早又有好多人打黎搵佢,佢仲要用好大聲浪去傾電話,真係想死,由於我太累先無理佢,無起身鬧佢,仲要成日出出入入,又唔close door,我已經起身close左好多次~搞到我訓唔返~8點多,訓唔返就起身搞下日記~由於好似唔多夠sleep,就唔好swim~

我同cyrena去睇incredibles~好睇呀~我有新target,就係jack jack,佢好可愛,可以變好多唔同既野~我幾擔心佢俾超勁先生捉左去,之後做左壞人,認唔返佢既daddy mummy~Dash,好搞笑,佢有摩打腳~最後佢daddy mummy俾佢join sport day,又叫佢快d,又叫佢慢d,只俾佢贏一個馬鼻,笑到我地~Violet係大女,可以做防護網同埋隱形,最初無自信,成日用頭髮遮全,之後就好多了~彈弓小姐??係mummy,佢個身體好柔軟,身體任佢變型,有一次佢做左隻船,dash做摩打...violet就坐左上去~哈哈哈~~mummy終於俾佢d仔女發揮所長,再無限制佢地既超能力~亦好彩frozone無死~e夫人好搞笑,佢個衰樣,不過佢design既戰衣都真係幾update,幾好~佢成日迫佢地重出江湖~

大家都應該學佢地咁樣,發揮自己所長,做到最好~

之後我地去左仙跡岩飲野之後去左唐氏,俾我地知道左,賣旗唔難,收旗袋既仲慘~因為我地要拎好多物資返home,之後又拎返出中環~我就係咁響度嘈~有無搞錯呀,edmund去旅行,留低咁多野俾我地,2個女仔拎~不過cyrena就覺得好似唔重咁~真係大力~我好無奈囉~情人節收到咁多野~naughty既cyrena係之後想出街架~哈哈~不過唔得lu~好彩佢陪我take bus,佢就去mk take van~我地好似返大陸咁~一人一個紅白藍,同埋一個箱~唉~重爆~呀........死人edmund~

有一日,細佬好搞笑,話阿妹唔好成日食,一陣無人要,我就話,駛鬼擔心佢咩,一個去,一個黎~擔心我同大家姐好過啦~舅母都係咁講~哈哈哈哈~~~舅母以為我有拖拍,我無呀~哈哈哈~又話我地兒戲~佢地d大人,覺得我地拍左2,3年,都話我地玩玩下~算啦~有d野,佢地唔會明~妹依家又有一個新既~我有時問佢bf既一d detail,成日都話唔知~都唔知點拍拖~仲話對以前個個仲有feel,人地依家搵返佢,同左人地講唔得閒,之後又想搵返佢,我就話佢,女仔黎架~佢d fd都係咁同佢講~

見到細米既留言,難得難得~

我呢,有一日去去下toilet,諗返起以前細個,響我契媽home既時候,我都會跟佢去拜年~記得有一位哥哥~仲有一d人,唔知大家依家點呢,佢地變成點呢~我有d懷念~我記得個時去到個個哥哥家,總會撩佢去玩,仲有姐姐~我記得有一次佢地仲sleep緊~有一次,唔知做咩,個哥哥同我take bus呀~唔知佢依家點呢~我記得我以前問過我契媽,佢點,佢好似話佢結左婚~哈哈哈~莫非我對呢個哥哥有好感??哈哈~~真係好想知大家既近況~

其實,大年初一,我好想打俾契媽同埋michelle拜年~無奈地,我都係覺得怪怪既~就算要我同我daddy mummy拜年,我都覺得唔好意思~因為有一個感覺,拜年,就好似要逗利是咁,都唔係誠心祝福~我大家姐都係咁~我未拜年就收到舅母既利是,我都走返去同佢拜年,佢就話咪俾左你囉,我就話,咁你俾左我,我都要同你拜返個年架~我唔太like有求於人咁~去搵人著數既感覺~所以,我希望下年,我可以打破心理障礙~搵一日我想去探下我契媽~都有d掛住佢~因為佢年事已高,我要珍惜機會~

諗起佢,都有d想cry~有d野,想做就要去做,一再延誤,會後悔既~仲有呀,佢個女,成日叫我打俾佢,佢仲叫我定時打俾佢,好似三個月一次???不過我都無咁做,因為我又係覺得怪怪的~好似無咩野講咁~哈哈哈~因為佢地成日搵唔到我,先叫我主動打俾佢~如果佢地打去我home,佢地又覺得怪怪的~因為佢地之間發生左d野~哈哈哈~~有好多野,有愛,就唔會怪怪的~不要那麼shy吧~我唔似咁既人呢??不要奇怪,我正是~

最後祝大家情人節快樂~有情人終成眷屬~

cyrena今日係咁數佢見到幾多束花~不過都唔係俾佢既~我就話,我地各買一束,互送咪得囉~

今日第一次著褲仔~yeah~~怪怪的,唔慣~今次家姐見到無出聲,之後返home佢就話我咁著都幾好睇,不過唔好著birken stock會好一點~但,mickey mouse鞋鞋要整一整~不過都ok呀~

>>February 17, 2005 at 4:28:03 PM GMT+8

2005 年 2 月 12 日 星期六 【颳風】

◎日記情人節(Diary Day)：1月14日

在這一天，情侶們會互贈足夠紀錄一整年戀愛情事的日記本，以此象徵兩人將攜手走過未來一年，並留下更多美好回憶。 <待續>

Phyllis,其實係有人睇你日記架~不過我未回應你咁解jei~認真,係一件好事黎架~你就得閒先拉下點解,慢慢發掘個原因,係因為有時有d野,都唔係即時就可以搵到個answer既~會唔會因為你好想做好佢?又或者你就係一個認真既人??嗯.....其實做活動統籌,我覺得對你黎講都係一大挑戰~因為平時既你,好少係發起去玩既人,好少係去主動統籌一個活動既人,呢一個活動係由一個小組既至你自己既朋友中~其實,你可以唔當呢一個係一個post,而係就咁,你營造一個機會俾大家去玩~係去玩啦~所以.....放鬆一點吧~唔識點樣去開topic以及開完topic點go on??就慢慢觀察,去學吧~

其實有時我都係諗到咩就講咩~但係,有時都要自己睇多d野,先會有得同人discuss~所以一個活動統籌都係要out going一點~~去擴闊眼光吧~唔係為MA呢個post,而係為自己,因為呢d知識係你既~其實你唔識做呢個post,想做好d,想做到我既要求,話難唔難,話易唔易架~不如你都自己去揣摩一下自己既mode?用自己既模式去做?又或者,我地可以一齊揣摩~哈哈哈~~打俾我啦,唔好怕我啦~哈哈哈~~如果你熟識我呢個人,你會知我,我一發完脾氣,嘮叨,我咪又會心軟地教你,同你傾返,或者同你一齊去做~我都係個一刻......衝動jei~

好似我阿爸叫我去shop help,初時既感覺一定唔like,但係,過左一陣,我咪又去幫佢~其實可能會俾我話2句,不過之後咪又無事~又或者你唔想成日俾我哦,你咪send msn俾我,等我自己下左啖氣,再打返俾你咪ok囉~哈哈哈~睇完我既日記,有所啟發,咁得意既???我想知,你可以分享你既想法俾我知嘛~你又有咩啟發呢???hey girl, don't be too serious, just talk like a friend, thus, don't scare that you give me wrong answer~can u get it? Perhaps, it's useless as you must think it again and again and answer me~ Therefore, I order you now, answer me immediately~hahaha....just kidding~don't worry~

三秒,三秒~

有一天,我叫左我契老豆,其實佢都係大我2年,我同佢係響教會識既,我相簿都有同佢既相架~同佢take畢業照嘛~佢叫阿四,全名謝宇浩~哈哈哈~佢study完中文大學,響hsbc做緊programmer lu~由於我問佢有關於font既問題,咁就同佢talk起上黎,佢話搵日去食飯,仲請我添,因為佢有工返wor~咁我就問佢,仲有邊個去,會唔會叫埋小吉,佢就話可以,不過唔請佢~當我正想問佢點解既時候,佢就要去接朋友上家玩~~oh~~上次既美國事件,激死左我既佢,莫非想補飛?哈哈哈~~

呀~我話落shop既時候唔食野,因為通常都係凌晨~oh.....好肥~妹又成日去仙跡岩買野飲,咁我又要~有一次飲朱古力雪香+胚芽,胚芽另上,估唔到有獨立包裝~呵呵呵~~~又飲左奶茉點子~yeah~不過頭2日因妹要去買既時候都收左舖lu.......所以我成日催佢快d去buy~佢又識舖入面個個男仔wor~不過佢係識個女仔先既~有一日,我妹無落,我見到佢掉完垃圾,唔知佢做咩行得咁慢,阻住晒,我就超越佢,佢可能等我妹掛~哈哈~~我妹話佢成日講埋d白癡野~outlook都ok既~

咦~細米既新年過得好開心咁wor~成日都有得去玩~我睇左好多相相呀~呢一班朋友仔係咪你既foundation dipolma既同學仔呀???cyrena都係,phyllis又係~我就成日響home,訓,食,睇電視~因為我要去舖頭幫手無得去玩~嗚嗚嗚..........唔制呀~

呀!仲有好多野想打~未打~哈哈哈~~大家等等~努力中~因近排日死響home,好多奇想~

>>February 14, 2005 at 3:41:44 AM GMT+8