2005 年 4 月 18 日 星期一 【酷熱】

呢篇係4月19日既第2篇日記~今日收到michelle晒俾我既相,好開心,多謝晒~

今日早左放costing,似乎可以從新開始,因為依家係planning & decision making既lecture~我要加油~有時都係佢將d野複雜化jei~

難得我起唔到身上taxation,但都返去上DDA,哈哈哈~依家michelle實行on diet,所以大家都買野返去023 lunch~好熱鬧~哈哈哈~~似乎上次photo sticker既相晒左返黎,唔知我有無份既呢?但係有我架bor....cecilia未去training之前有好多project,做到大家殘晒,真辛苦,幸好..有一個project delay到5月尾~good~讓cecilia鬆一口氣~sandy突登落黎食蝦片,呵~家欣就走堂返home study e-commerce~似乎michelle都羨慕我地星期四去swim~不過.....佢都係like跑步多d~

難得023得返我同michelle~佢同我講....始終都未接受到菁菁,無動力去挽救,只想順其自然~因為從前好疼好疼,依家係好失望,好傷心,好hurt,無左信任~好似一個玻璃球,打破左咁~就算修補左,都有裂縫~人與人之間,唔好拎黎比較,就算係類似既事,只要加入左私人情感,對待既方法都會唔同~但我開心既係,起碼,佢會擔心,唔會不聞不問,就算只係因為禮貌而去講野,起碼都無做得咁絕~只係,活響矛盾之間,個心唔接受,但都仲愛既~縱使以前做左好多好多既野....但有時候,小小既野,就會破壞~但係,始終都係有感情,唔係一時三刻可以放低.....

好似你一直都係一個好人,但因一次貪念而俾人捉左,咁一生既名聲,咩都無晒~只係小小既一件事~最起碼,佢肯講佢既心聲~我覺得有希望既~有時,佢向我地求救,表達佢唔知想點,其實,佢心一早有一個定論,只係想我地俾一個support~佢明知我地一定勸佢唔好咁絕架~點解佢仲要問我地?唉....要從新再黎過,又係好難既,因為佢地既關係既開始,都係佢主動先既....同埋,都仲有條刺~菁菁幾時上我home,大家一齊暢談一番呢~我地都好耐無talk lu~~

講返我若即若離~其實都因為我會被新奇,刺激既野吸引,咁樣我會放低一d野,用時間去理解~~所以,我成日話自己唔會長時間地stay響一個人身邊(雖然依家有cyrena,但有時我都唔理佢架),當然,好好好朋友同知己,我點都會返返黎既~哈哈~因我好奇完,理解完,就會返黎~同埋我唔悶得架,鐘意同好多人玩,要有新鮮感,所以我要周圍走~所以,同我拍拖,都唔可以困住我,可以既話,最好當然同埋我d fd一齊玩啦~做我既朋友仔,雖然你唔可以要求我無咩事都響你身邊stay24小時,但係,你一有咩事,我都願意stay既,直到無咩事lu~

唔知做咩,我又think,究竟對於我既感情生活,我需要d咩~我好簡單.....只想要呢一段關係有"體諒,愛護,忍耐,真誠,坦白,理智"就可以了,因為我知道,無人係完美既,每個人都有唔同既性格,仲有,就係江山易改本性難移,有d野,點都改唔到,又何必勉強,不如大家一人讓一步,達成共識?只要好簡單咁有"信望愛",就好好了~有愛.....乜都解決到~有咩事,大家互助互勉,互相儆醒,唔好互相指責,裡面咪包含愛同埋理智囉~雖然係好簡單,但就係最難做,因為都幾空泛~但係,大家一齊努力,一定可以長久~有時大家既defination唔同,就要達成共識勒....有時會寧願,不如你講俾我知,點做仲好啦~哈哈哈~~咁又係既....有時我都係咁~豪爽起來~

其實好多關係,都係我所講咁既jei~所以我會問,咁拍拖黎做咩,做朋友都一樣jei?只係多左親密接觸?總會有佢響你身邊,好似家人咁?仲有,你一定會care佢既感受先?以佢為先?你知我幾博愛架啦~有時我都視情人為朋友 & 對待情人如同朋友~有時,都幾混淆~呢個問題,我都問過菁菁,佢都answer左我~依家,我又再問過~~其實我有好多野問架~好奇嘛~

依家我將日記由10篇一頁,依家改左做20篇一頁~因為我既日記就黎多過50 pages lu,即50*10=500,around 500篇lu~近排我有好多野發表,日日都有打呢~

>>April 19, 2005 at 4:39:21 PM GMT+8

2005 年 4 月 18 日 星期一 【酷熱】

今日拎左阿may炸既印尼蝦片返023~大家都食得好滋味~

尋日我病左,又想用d時間整理下我既野,所以我無返sch,thx for concern~估唔到牛奶都打黎問候下我同我細佬~我細佬年輕力壯,無野既~聽pinky講,牛奶勁讚我細佬掂.....pinky怕佢要train我細佬呀~
同pinky響023傾計,回憶起我同carmen仔,都係咁成為好朋友仔,感覺好好~

其實睇完celia既日記,佢覺得我難捉摸,若即若離~令到我自己都留意我呢一點~因為呢一樣野,我都唔係第一次聽,係大家就我jei~我亦都記得我既目標,3秒.....可惜有時唔注意又發作,我都知江山易改本性難移,但我都要做得好d......否則會令其他人無所適從~所以我決定....每一朝早,重整自己,祈禱後先出門口or先為一天的開始...就咁話啦~

我問cyrena,做咩我咁難捉摸,都交到咁多朋友?係因為.....初相識既時候,我係唔會表露得太多架~所以絕對唔影響我有幾多朋友~又因為我多朋友,而我既時間又唔多,所以有d朋友又都唔係成日見,咁佢地就對我呢個缺點無太大既感覺~因為咁難得見面,通常都會對佢地好d~哈哈哈~~而同我較熟既朋友,知道左,習慣左,所以體諒到我~不過咁....同我越熟,我就越放肆,不過咁,雖然好朋友仔,or 知己都要表露最真個面,..但係....都要考慮及尊重別人既感受~當然.....公事上,我就未必俾面~我會分開公與私.......

cyrena話我有時尺度不一,響相類似既case上,可能有較輕or較重既對待~咁又係既....咁樣外人睇黎會覺得唔公平~雖然我係有原因既.....但係有時都要畫一~響一件事上面,我唔止睇佢點樣做,仲會睇埋佢個心,如果佢知錯既,我會話得少d~因為佢知道自己錯咩,咁應承左我下次唔再犯,就可以了~但係.....咁都會有偏心...因為判斷一個人係點,係好主觀既,而睇佢點樣做,係客觀既....作為一個主席,咁樣似乎不太妥當~

我發覺我亦都無去堅持...佢地"哦"多幾句,聽多d佢地既感受,我又心軟,真係婦人之仁~於是我就作出讓步....唉....所以,大家會覺得我一時一樣~有時,都唔知點樣去作出一個取捨,不過,我覺得我日後都唔應該太快作出一個決定,要三思,同埋決定左,就去做...否則,一係一早同大家discuss左先,唔好自己下判斷住,問左大家意見,咁就好d~如果佢地唔出聲,就先指聲明,之後所作出既分配,大家無得怨~因為係大家無爭取機會先~.......有時響公事上,都體諒到大家,但係,我應該先公正嚴明地講出佢地做得不妥當既地方,之後先再用懷柔政策,安撫一下,溝通一下,說明一下why咁講~唔好加插任何自己既感情,情緒~之但係,有好多野,都要係flexible咁處理..但都唔好加任何主觀情感~

唉~呢d就係男女之間既分別~男仔以理性行先,女仔以感性行先~有時,身為局外人,我總會做到好理性,好冷靜咁....但係一介入,就會不經意地加左自己既好意,情緒~其實有時婦人之仁,都會害左人~

我自己都係一個想點就點,有咩想發表就講,有時都太過直率,唔理他人感受,自我中心行先既一個人~所以,有好多野,都會睇我心情黎做.....所以大家會感到若即若離,好難捉摸~因為大家唔會知道我幾時開心,幾時唔開心.....呢一刻我可能好唔開心,但下一秒,我話咁快就無事,你見到我響短時間內又黑面,之後下一秒又對你好好...你都咪話唔驚,以為我傻左,都唔知我想點,無所適從~因為...呢d叫情緒化~要醫治....就得成日提醒自己....同埋要冷靜,要提高EQ,不過亦都會因此而抑壓左,所以定時也要宣洩一下~防止自己顛左~

哈哈哈~~我要訓練EQ~今年既新目標~每日記住一起身就要重整自己~yeah~12點sleep,0700 wake up~做個健康快樂人~

>>April 19, 2005 at 4:39:10 PM GMT+8

2005 年 4 月 17 日 星期日 【酷熱】

玩左一個quiz

You scored as Sailor Jupiter. You\'re just awesome. Powerful lightning attacks, strong-willed, and a great morale booster. You are very good at cooking and like the colour green. Sailor Mercury 75% Sailor Jupiter 75% Sailor Pluto 67% Sailor Mars 58% Sailor Saturn 58% Sailor Chibi Moon 50% Sailor Moon 50% Sailor Neptune 42% Sailor Uranus. 33% Sailor Venus 33% Which Sailor Moon character are you? created with QuizFarm.com

大家認為準嘛?都ok wor~不過我最喜歡唔係green color bor~我差d同phyllis一樣,因我差少少就係Sailor Mercury,不過響相同percentage既情況下,俾左決定性既問題.....我就係Sailor Jupiter~其實我同phyllis其他既percentage都唔同既~呵呵~唔知今次cyrena做完,又會否同我一樣~因次次quiz完.大家既result都係差唔多~

>>April 18, 2005 at 11:09:40 AM GMT+8

2005 年 4 月 16 日 星期六 【陰】

行山之日~我地由鹿頸(咩咩船灣)-->鳳坑--->烏蛟騰-->新娘潭,行左4-5小時左右,大約都有2-3km~有emily,sandy,菁菁,大ryan,michelle,angel,benny,timothy,我,我細佬,phyllis,葛,爸爸,勇,文文豬,基民,xx(唔知叫咩名),之後牛奶中途加入~今日天氣唔多晒,仲有d風,都幾好~

總括黎講我都估唔到行呢d路,否則我都唔會帶細佬,加上michelle嘛~咁當然michelle行呢d路ok啦,但危險嘛~之後michelle話阿勇可能唔記得左~sandy同emily既衣著都唔合適,phyllis都好辛苦呀,我一路咁行上去,都係好辛苦...似乎大家都受騙了~不過都係一個好既體驗黎既,我細佬都完成到,我覺得好呀~emily都話佢無咩扭計,算係咁架勒~不過大家都體會到我平時既辛苦,做家姐教細佬既痛苦~哈哈哈~~~

不過我都覺得佢幾好~雖然講野都唔太有禮貌,又唔小心,又貪吃,又多野講.....我都好滿意架勒~不過我都突登帶佢出黎見識一下,又俾d哥哥姐姐整治一下,佢問野時,又有好多人同佢解答下咁~不過michelle話佢幾可愛~.....我罵佢個時,問我做咩咁惡~~oh....要架~不過我見大家都疼佢既.....都幾照顧佢,唔該晒你地呀....雖然我係有心俾你地照顧既~呵呵呵~~michelle成日都話,童言無忌,講既野係最真黎串下佢想串既人~~大家唔需要對佢客氣.....我唔會心痛既~阿葛問我駛唔駛要軍訓既電話添呀~仲話think到生日送咩俾我,就係耳塞~哈哈哈~

佢捉住菁菁隻手話係肥美既腿~哈哈哈~~有時phyllis都好頂佢唔順,不過咁,對佢,最好唔好理佢,佢就會乖,因為太迫佢,仲反叛~一路上,菁菁同細佬都成日一齊....因為大家係好朋友嘛,大家都係bb~菁菁仲同大ryan講,我呢個家姐幾好~哈哈哈~ok啦~~你地唔嫌我帶d麻煩俾你地就可以了~不過佢真係食得太多勒......~~其實細佬都好疼我既,佢都ok聽話既.....雖然佢都有脾氣,佢俾面你,聽你講,都算係咁~

似乎pinky與阿葛又一話題~我隻腳抽筋呀......可能上得太多stairs,唔該晒阿勇幫我揹背囊,葛既按摩膏,牛奶既葡萄適,菁菁幫我按,大家既關心~之後,我地野餐既地點唔太好.....算啦~之後走....又miss左尾班車,唉....唔太順利呀,今日~途中,又唔見左阿葛同牛奶......擔心呢~都明白,無得救架勒~對你好既咪接受囉,唔好既就唔好理~~拎得起,放得低~我,phyllis,細佬,timothy一架車,好彩大家都能湊夠錢....否則...都唔知點算~timothy都算同我道左歉,都ok既~不過要光明正大咁叫我,唔好閃閃縮縮~

細佬因為食得太飽而想嘔,又響途中去toilet~哈哈哈~~大家都叫佢唔好痾響路中心~途中,佢地又巧遇一個人,擾攘左好耐.....都唔知2班人就係咁好無奈咁look at them~其實,大家都有d不滿既~哈哈~不過算啦~大家都以為係郊遊,所以大家都買左好多野食,好多snack~哈哈~菁菁都整左薯仔雞翼俾michelle,不過michelle唔記得食~順住個勢問下,似乎無咩好轉~oh......都唔知要做咩好.....不過keep住啦,唔好放棄~放棄就咩都無~

個地方又真係幾靚既,氣氛都ok既~係中間有條路辛苦d同埋無安排到一個位野餐~阿葛既鵝肝醬都ok.....不過我唔會突登買~哈哈~~細佬叫牛奶做白頭佬叔叔~叫爸爸做肥哥哥~哈哈哈~佢又帶左牛奶既頭盔~又用左阿勇既行山杖~都擔心,整爛左都唔知點算~

我同sandy,emily都date左逢星期三,六去swim~預埋cyrena~大家經過左一個冬天都肥左~michelle就實行on diet plan,又帶飯,又做gym~我都會join去做gym~yeah~~帶飯就think下先~i like swimming most~

>>April 18, 2005 at 5:30:37 PM GMT+8

2005 年 4 月 15 日 星期五 【雷雨】

唐氏活動第二炮~可能地方大,有d混亂,不過過程尚算順利,都ok既~不過記緊吸取今次教訓,下次做得更好,就可以了~似乎阿燕惠都幾難搞,真係要請教一下christine先~俊禮都真係幾少爺仔脾氣,話佢2句,佢唔likey就唔睬你,仲要"tum"返佢,真係攞苦黎辛~秉琦都係咁鐘意走黎走去,不夠專注力~phyllis都幾有skills與會員相處,good~辛苦晒大家~仲有,可能大家用反問既形式同會員相處可能更好,不過會較花時間,因用腦去think answer,同埋有可能佢地唔答~我見christine都係咁同佢地講野,咁樣互動些,都ok既~

celia,傻婆話自己做得比上次差,因為自己都有發緊夢,希望佢下次做得好一點~不過,唔需要太自責,知道去改就可以了~仲有,佢會澄清一d事,都係一個好既表現,good,咁大家都會clear一點~no misunderstanding~知道celia唔開心,都打去慰問一下,都問左一d下年既情況~佢食左ice-cream都放低左一些~傾下,又明白左唔同siutuation既想法,good,organiser與參加者,詢問意見者與被詢問意見者~至於下年,似乎如果只係純helper,唔會好似今年咁咁訓身,大家都ok,因大家都較專注於學業上~我都明白既,安慰既係,大家辛苦左咁耐,都覺得係值得既,好好既一個經驗,不過又唔想再黎一次,好似會考咁,過左就算~做左咁耐planner,都想做下參加者.....唔駛同咁多腦~明白,休息下都係好既~

睇左celia日記,我都唔知原來我熄左celia既一團火---衝勁~因我淡淡既回應,其實當時亦都有野搞到我咁~真係唔好意思~仲有,佢唔知點同我相處,好難捉摸...哈哈哈~~因當佢見大家既關係好少少...想同我親近,個一刻我又唔太理佢.....周而復始咁.....仲有呀,好難響我口中賺到個"好"字,好難達到我既standard~其實我有讚佢架,佢唔信我咋?仲有呀,佢呷醋呀,問我做咩唔俾多d意見佢,但響阿魚既活動上就有好多意見wor....唔係嘛~~有咁既事?咁我講多d野~我既standard??要睇下當時既環境架bor...因為有d情況係可以體諒架嘛~咁當然,我既standard都只係一個既jei~當有錯漏,識得執生就可以了~所有野,處理得當,就可以了~因為好難做到perfect~總係有野漏既....同埋有好多因素影響~哈哈~我覺得,依家無左工作關係,我會同佢地相處得開心d~我會打下俾celia,同佢講返我睇完佢既日記既感受先~

timothy,俾佢激死~因為要陪michelle,想早走,響program中早走,仲要想唔evaluation~當然唔得啦~因我覺得個reason唔得,同埋我相信michelle既體諒~佢都知我地有program啦~同埋michelle唔like人地唔認真工作~未開始program已同佢糾纏左一陣,俾佢激死左,原本唔多舒服既我,都精神為之一振~成個人醒晒~之後佢話搞掂,ok,檢討後4點走~但完左program,又同我講因私人理由要走(我俾佢吹到啤一聲,我好嬲,搵埋菁菁一齊handle,佢講得私人理由,我係唔會問,但我質疑,唉,唔好好似小朋友咁,為左要走,就不惜想盡辦法,搵理由而走,係人都知咩事),好彩大angel較成熟,都叫佢講返個reason,而大ANGEL都應承左michelle evalaution先走,同埋都知道檢討後先走~

嬲到我~~點樣做野架?初頭都講左啦,之後又係咁?係佢要求要入黎,睇下,幫下手,依家咁算點?我仲俾唔俾佢幫手好?仲有呀,佢走個時仲講左句"你已經盡左你既責任,做得好好,sorry".........我都唔知點回應,佢只係講聲sorry就ok.....不用try to "tum" 返我 or讚我~真係激到我~成熟d啦,timothy~唉~

捐血,遲左好耐都無去捐血lu~原本3月13日要去架~叫左cyrena同細米陪我~yeah~cyrena問我做咩要捐血~初時因為想知血型,而細米就因為好奇~又問我做咩堅持要定期都捐......嗯...有時間,無野做,又可能因為我認真掛,又或者我想幫人,我仲plan左,later要成分捐血,咁樣會effective d~不過時間一定較長~其實我都無妯想why我堅持要捐......哈哈~莫非cyrena想肯定我幫助人既心?哈哈~唔知呀~因為細米都唔會定期去~

眼鏡,上左荷里活中心,大家又一齊try下,我就睇中左3副,佢倆既意見都贊同既~呵呵~3副都唔同style~hehe~~嗯......心思思~一副係金絲又型仔既眼鏡,一副係粗框透明紫方形眼鏡,一副係好似大 ryan個副咁,無左下面既一半,但係粗框既~呵呵~~我地一路try,一路都好開心,因有時都幾傻仔樣呀~細米都幾搞笑呀~好開心......hehe~~

michelle~打鑼咁搵我,因為知道我被人激親~但係因為我太累,又病病地,又捐左血,所以訓左~我無咩事既~哈哈~~michelle仲恐嚇我,佢話,你下次再試下失蹤3小時.........oh~唔敢~知道你關心我~

wenwen~well,well,let me try to use english replying your message~please forgive my poor english~i have been waited for ur msg a long time~thx for ur msg~i won't do the same stupid thing in the following exam!!!! I won't try to answer all the question,don't worry~i won;t give another chance to let u laugh at me again~hoho~thx for using ur valuable time to read my diary~also, i have seen ur diary too, don't care the diary is long or not.as different people have different style and characteristic~yeah~

今日一早去左飲茶,一家人,同埋阿may and 婆婆~之後同左2個家姐去左parkn shop掃貨~見時間差唔多,就費事返home,所以我早到左~原本約1115,我就1055到左~好開心.....一齊drink~同左celia分享...講左cyrena既搞笑野佢知,又講下我唔敢玩機動game,因唔要頭暈同埋離心力,我try左一次就夠~celia估唔到我係咁~又分享下我去左歡樂谷係點呀...心情呀~仲有呀..cyrena唔知聽who講,穿過路牌下既唔知第幾個人,就會死,所以佢係會兜過~哈哈哈~但係我地都睇過news講有人突然響路牌下暴斃~我地見cyrena同菁菁講得好投入,我地就睇下佢會唔會兜走,點知....佢真係兜走~笑到我地呀........cyrena有好多奇怪野,亦都係佢可愛既地方~話佢迷信又唔係......

捐血時,佢地講開cyrena,cyrena係固執既人.....一成不變.....我就用返我地好耐之前新興既word----忟塞~~哈哈哈~好似係ida既輝輝講起~phyllis睇醫生....因佢又嘔又痾.....雖然唔太嚴重,因為唔密~

>>April 18, 2005 at 7:50:32 AM GMT+8

2005 年 4 月 14 日 星期四 【微冷】

今日考taxation~感覺都ok,哈哈哈,唔理lu,總之合格啦,(雖然合格唔係我既理想分數)以自己既logic將佢地放入account,哈哈~我估我property tax ok掛~哈哈哈~我只係用一個早上既時間~不過考試就唔可以咁,因一個人既短暫記憶有限~仲有一科響下星期三,e-commerce,都唔知考咩,哈哈~

michelle對租左our shop既睇法&肥左之睇法~我個shop出租lu,6月呀,大家幾時快d黎食啦,我地又影下相啦~哈哈~我地一家人都要去take下photo~呵呵~留為紀念~michelle認為我daddy,mummy應該享受下,都辛苦咁多年勒,最好搬去住一d好既地方,因為依家我地住個度太雜,居住環境又唔多好,影響成長呀~仲有呀,佢地退休,教導下個仔,可能連阿may都唔要(阿may都預左要走,搵定後路,不過我知佢實唔捨得,因為佢黎到我地呢度肥左呀),咁又係既~不過我阿媽都仲係想做,不過我老豆唔俾....因mummy開,daddy又要help~咁依家mummy叫二家姐同舅父合資....叫二家姐做老闆娘,學做生意,又唔想舅父成日推車仔,又走鬼(佢係小販嘛),咁mummy又會去幫下手~哈哈~雖然好似好好咁,不過我地都要清埋一d債務既~都唔係無後顧之憂架~

二家姐都係掛名既~不過我同大家姐都叫佢think deeply,我地提出左好多意見,suggestion,問題,不過估唔到佢恰下恰下,都think唔到咁detail~希望佢努力d,同埋錢呢d野,真係要均爭d好,唔好無所謂,咩都要clear~向自己interest發展~亦都有好多人事關係~希望佢小心d,不過我地幾個都一定會幫佢,同佢分擔既~我近排太放肆,肥左,michelle叫我唔打緊,swim返多d啦~係....我都會為自己努力~

今日cyrena累到我被大細ryan及菁菁審問,細ryan被污辱~大ryan恰我~事緣係我同cyrena sms緊,佢問我係咪同michelle一齊針灸,咁我就笑,因為我唔駛針灸,都只係陪下michelle既jei~佢地就問我做咩陰陰咀咁笑,又問係咪男仔黎既,問咩事,咪同佢地講囉~cyrena叫大家唔好成日以為佢係男仔wor~哈哈哈~有時行行下街都會笑,因為純粹係think起開心既事,不論男女都有份,大家唔好多心~而細ryan就響mtr,因為太多人,有個男人響佢背面,仲貼緊佢,直情係touch到,佢講個時真係七情上面,好似想cry咁,又形容得好detail,真係好嘔心,搞到我一時都唔知講咩好,哈哈~~不過細ryan似乎都幾受同性歡迎,唔止一次~oh....都唔止既,異性方面都受歡迎.....不過......小心d啦~乖,唔好喊....我真係好想咁樣同佢講...哈哈~

大ryan呀,恰我呀,又踩我鞋~Z,我向家欣同sandy求救,good~~家欣一野就幫我搞掂佢.....之後我向菁菁投訴,佢好無鬼用呀,幫唔到我........下次都係搵返sandy同家欣~細michelle同cyrena話都唔知點解只係見佢恰我,唔恰佢地....可能我好恰啦......你知佢架啦....以前既佢,見到我無咩出聲,都係佢主動撩我talk既,可能就係咁...慣左~不過我終於有一次反擊到,yeah~~佢話我飽歷滄桑先令眼鏡甩色,之後我都話佢,佢無左半邊框,都同我一樣ja ma~呵呵呵~不過我依家都變得唔好恰......會"哼"佢~表示對佢既不滿~

今日無咩同michelle講野添~因我又late返sch,今日yr1 pc霸左佢黎talk~都好既,溝通多d~一有工作,就無咁多時間交流~工作同關係又唔同既~

今日back home之後,除左睇tv外,仲draw聽日service既遊戲物資~好彩有細佬幫手,否則手斷~聽日prepre左去捐血,做功課同埋搞埋開會既野~test完,都無時間take rest,不過呢個test week,自己既心態唔多好.....我希望考試會好一點~為我既將來著想~

cyrena去左街街,好悶,打俾佢,因可能考完唔甘心stay響home~佢都有叫我出去一齊sing k~不過no money,又唔想出去,想睇tv嘛~有吳卓羲呀~我細佬......懶叻,(學警雄心)人地提腿90度角企,佢話好易wor....真係俾佢激死~佢真係太天真.....不過我依家細佬正值於反叛期,男仔又naughty d,接受左,都易d同佢相處~俾多左耐性....佢同我地一家人一樣,都係一刻既jei,話完佢,等佢冷靜一下,發完脾氣就會聽&做~佢呀,成日做d挑釁既行為,佢自己都講"我係激你ja ma"...因為你叫佢做d咩,佢偏唔做,佢又知自己做緊咩架wor~知佢激我,我先唔會上當~我多數係懶得理佢,其實你好惡咁望住佢,好認真咁,都係聽聽話話既.....起碼都聽教既~

有一日與家欣,細ryan,cecilia take mtr時.......細ryan問我幾時換左部remote佢,俾佢激死~我無錢換電話,我依家想要nokia~唔記得家欣move左去油塘添~細ryan,家欣響油麻地轉車,cecilia,就話響油麻地落,家欣就話佢做咩唔響佐敦落,因為我突登陪佢既~不過我話就算無cecilia,我都係要back home既,之後佢地話我做咩幫佢講好說話(其實我都係講出事實jei).....佢倆又竊竊私語..話幫我wor~哈哈~佢地幾隻野.....cecilia亦都發揮miss既本性,得閒又教下生字~哈哈哈~

我依家係全家最高個個~yeah~不過我講一樣俾大家知.....[我唔係響醫院出世架 ],我係響彌敦道既接生婆度接生架~不過我就係第一個俾老豆睇住出世既......不過....估唔到呀....我叫佢地對我好d....因為我出生時時候太卑微勒~嗚嗚嗚...........個陣1983年,都仲有呢d野架咩?我聽完之後都幾激動~我亦都覺得代表我既一生同佢地唔同既地方,因我小時候都唔係同佢地住~係呢幾年先搬返黎~

>>April 16, 2005 at 5:14:50 PM GMT+8

2005 年 4 月 13 日 星期三 【微冷】

米雪,四月十四日快樂~願你將所有唔開心既事.......都唔好記得咁清楚~我亦希望每年都可以跟你渡過~~

今日,因怕落雨,原本飲完茶再去赤柱之後上cafe~依家就下午drink tea,之後去睇挪亞方舟,再去take photo sticker,之後上cafe~

好tired呢,點知我遲到左,不過佢地都話我好快~呵呵~佢地似乎都想提我帶camera,不過我好醒咁帶左~michelle整左紅豆餡(用pinky糯米滋用剩既)及咸牛肉薯仔既酥俾我地食~好好味呀~不過我無咩胃口~pinky一早被mummy吵醒去搞個post,之後上左michelle home整,pinky就係咁響度碌酥皮~而agnes,benny,大angel及timothy一早去左搵michelle,benny整左藍莓cheese cake,似乎各方面都得到好評,但亦都俾人暗寸,做呢d就咁叻...似乎有d skill都係可以睇書既就做唔到~佢仲串agnes既tirumisu添呀~agnes就有自知之名,都話俾michelle睇下架咋~傻婆~

大家都一齊talk下咁~好搞笑,東東上左angel home呀.....佢grandma好得意,話阿東都幾好,不過矮左d.......你呀(指angel).....哈哈哈~~原本大家都愕然,阿東仲矮???哈哈哈~東東就被形容好似去左小人國咁,咩樓底矮呀,chair又矮,佢一坐,隻腳頂左上table~哈哈哈~~東東亦都好識做咁,添飯,過門都係客wor~唔講我都唔知~象徵式都要咁wor~搞笑,又講起細ryan,michelle起勢咁話佢會被老婆恰,依家佢就恰大家(講笑),惡晒咁.....michelle仲話如果個女仔對佢唔好,唔會俾面地話佢~而pinky就覺得細ryan係一覺得對,就會閃電結婚個d咁~~呵呵~~唔知佢會點勒~都希望佢唔俾michelle講,咁慘~

之後又講開大家既貫藉,ida同angel都係南海,相認勒佢地~大ryan係潮州人呢.....oh...好惡的~大家都覺得佢既性格符合呀~哈哈~~菁菁就同阿葛一樣,福建,有人話會搵個度既女仔黎娶,但就唔會搵個d男仔嫁wor~呵呵~~又講開阿葛...咩呢個男仔,配一個唔好既女仔,就累鬥累~呵呵~而大佛既仔女就會響佢肚腩上play~哈哈哈~好得意~而cecilia就好惡咁啦,叫佢老公唔好咁,唔好咁~~我就問勒,如果到左我地呢一代所生既仔女貫藉會否變左hong kong,佢同菁菁都話唔會,因為我地用原居民黎計......所以....唔會變既,只係跟左老豆既jei.....呵呵~

好似又講開家欣,對阿村~咩有發脾氣呀....講中左家欣...搞到佢打主席~俾佢地笑爆咀~阿村嬲佢用michelle既wallet,唔用佢送架,仲叫佢俾返錢添呀~oh~~之後起行,因大家都好飽,無咩點食野,有細ryan,家欣,cecilia,sandy,葛,大佛,angel,東,大ryan,ida,菁菁,我,pinky同michelle~去左青衣成稻香~之後大家起行去九龍塘,想未夠鐘去行下~michelle有戰利品,les sport sac既袋~女人錢都真係幾易賺~又講開angel成日買野,大ryan叫東東制止,我就話女人就係成日要買野架勒嘛~大ryan又成日串我,我依家都毫不客氣咁駁返佢~佢個死人頭呀.......我見到佢就"jip"佢~找死~

大家都分散咁行,我都好耐無黎又一城lu~菁菁又問我,做咩我咁就佢,成日聽佢講.....我話唔知呀..佢叫我去邊就去邊~不過睇下咩呢,有d野,我又無咩所謂~菁菁起碼好過某人,雖然我同佢一齊做野,大家都會固執,但菁菁起碼成熟d.....識得think,唔會激死我~我仲話,佢會恰返cyrena,sandy呢一類就得我既人~呵呵~~之後去see film...菁菁同大ryan怕我悶,想調位,不過我有sandy嘛~

挪亞方舟呢套都真係好紀錄片,佢地話似響tv睇既咁,哈哈~菁菁仲釣魚釣得好明顯,真想叫大ryan快d俾shoulder佢~原來sandy都有架~不過我唔知,我初時都幾tired,係講以前d人都去左個個雪山搵evidence(方舟)既一d information~都仲未講袁文輝上去~之後講佢上去個個過程,都幾驚險,因為一有高山症,好易死人,佢地上一次上山,響另一邊就有人被人抬返條屍落黎~禱告既力量真係好大,佢地呢一套片真係可以傳福音呀,因佢地prove到好多野,搵到挪亞方舟,響各地都可從岩石中prove到地球真係有一次大洪水~而呢d都係由好多不同professional既人去prove既~又講滅世既野,似乎滅世就黎臨,因為聖經話當人子再黎既時候會好似個次滅世咁,黎之前仲有預兆,就係人要攻打人,國要攻打國,仲有好多災難降臨....當佢地講緊呢d野時,都用返呢一段時間響地球上發生既事放在一起,一d provement~

之後大家去左tst既update mall take photo sticker~angel,家欣,pinky同michelle都好開心咁畫,畫同埋畫~aggel仲好好咁幫東東加左隻蝴蝶結添,大家都真係多得佢唔少~哈哈~~呀.....大佛響茶樓成日講埋d衰野,我都忍唔住話佢...太多勒~仲有呀,因我octopus no money....要buy ticket,佢地好衰呀,話唔等我呀~~嗚嗚.....michelle就不斷叫我增值,不過我no money..係咁架勒~好彩菁菁有走過黎陪我~

之後大家響HMV等,michelle入左去睇上野~我地都有入去,菁菁問我做咩怪怪的,唔出聲.其實又無咩特別~無咩野講掛~菁菁睇headphone,我走左去聽"哈爾移動城堡"既sound track,細ryan就走過黎叫我buy~哈哈~thinking~我地上去時,漏左pinky響HMV呀,因佢聽緊classic music~好慘呀~hehe~不過pinky同我講左究竟佢,葛響023發生咩事...哈哈~~傻婆~好開心佢同我講..哈哈~呢間cafe都幾好,任飲任食,好過halloween個間,唔好食,又少~只係d drink無咩特色~d野都幾好味~不過時間好似短左d...話咁快就過左~不過個度d人都好好,佢地話都可以stay~

我地分左3批人送野俾michelle~michelle好開心呢~佢cut cake既時候都拍video~好彩有細米既camera<因我個部都真係無電~哈哈~用叉電都真係麻煩d~有多一舊就好lu~個度又有石仔,大家都響上面寫野~ceci問我做咩又帶甩色眼鏡~咩呀....我不嬲都有架啦~ida...行過,倒潟左d drinks~oh~cyrena整既糯米滋ok wor~用x糖呀~賣相雖然not ok....不過好好~good~~好味~cyrena終於成功勒~我相信佢有進步既空間~yeah~佢一定好開心,因為証明到佢既實力勒~不過我又將佢"薯仔沙律"既定義提出,問michelle~因cyrena既薯仔唔係一粒粒,而係好似薯蓉咁~我地唔會認為係薯仔沙律,而係一d..醬~哈哈哈~~算啦~係cyrena既特色~特別一點~仲有呀,佢今日個腦有d問題...問brian點串,問左3次in a short time~

今日有24人,michelle,蔡生,大細ryan,pinky,菁菁,emily,家欣,ida,angel,東東,cecilia,sandy,爸爸,fanny,suki,細brian,sharon,Julia,我,phyllis,cyrena,細米,大佛~michelle好開心咁bor~yeah~之後各散,大佛陪我行返home~cyrena話我今日靜左,係咩?可能累掛~今日cyrena對眼大左,帶con都幾好~good~我都想帶,不過太tired,有黑眼圈,眼袋~蔡生好累咁,有sleep左呀~

>>April 18, 2005 at 5:28:30 AM GMT+8

2005 年 4 月 12 日 星期二 【乍雨乍晴】

今日都活在咆哮中~

似乎米雪既肚肚有d問題bor,成日痛既~要身體檢查~pinky話佢2年前都有d野~今日無人陪佢lunch呢~唉~尋日佢打俾johnny,所以都有影響心情~仲有佢daddy既事而cry~又唔舒服~仲有同事既問題~雖然同d yr1 pc talk完都好d,因見佢地心態上都有好轉,但都係唔開心既~其實,她都憂心出年會否有人幫手,又憂心大家畢左業會少左關心佢~朋友仔,一離開個圈子,都會少左接觸~仲有呀,pc都係佢知心既fd,因有好多野佢都會同pc講....亦都係佢最用心去處理既一群~因為pc好重關係嘛,佢地之間都好close既~.....我依家明白lu,之前都唔多明~哈哈~~亦師亦友~

咆哮事件一,今日,考DDA,佢既一條long question係matching,搞到我以為係必answer,所以我4條long question都做晒~激死我......不過好彩最後一題唔多識answer,唔蝕,但係matching個條無寫上answer book上,唔知有無問題呢~唉......估唔到咁多defination~早知,睇晒佢啦~估佢唔到出matching~!不過合格既~都識draw圖~yeah~學阿wen話齋,拎100分都係得10分,拎70分就拎7分....100分同70分就差好遠,但10分同7分都唔差太多,10分仲要用好多時間去溫先得到.....又唔係幫補好多...所以...無咩所謂啦~阿wen話會黎留言,因為呢一件瘀野~我仲要問阿wen...有B1呢條架咩...我先知~唉~

咆哮事件二~因為米雪聽阿勇話,唔去踏單車,改去行山,野餐~我就問.....點解佢叫就肯唔去,我地就唔聽??我呷醋呀~我發脾四呀~大ryan都話想問why~而細ryan就響度旁述~大家都叫佢唔好ride,我地都係見佢會自己ride先算咋~michelle話因為佢俾d仔圍住晒,好惡咁,佢唯有話好....呵呵~同埋ride bicycle無得chat嘛~咁又係,佢又想野餐嘛~

咆哮事件三~我問阿葛sunday去or not~我問既時候,佢話唔知~大ryan都聽到~之後michelle問,佢話好.....哼...算點呀~激死我~細ryan就話.....唔同人問就有唔同結果~其他人就cool down我~我記得pinky好似走過黎~

今日唔知做咩...傻左.....發神經~不顧儀態~仲有一件,因我講錯野,菁菁好用力咁陷我,之後pinky話,唔怪得之我d褲成日穿窿啦,我投訴,我都係得一條褲係咁咋wor,pinky講大話......佢就響度笑...傻既~大ryan就話我不嬲都係咁o拿o查~眼鏡又甩色,褲又爛~哼哼哼.....找死~

今日pinky整左糯米滋,都ok wor~係硬左少少jei~努力呀~紅豆餡都係佢自己整,good~今個week用左好多錢~好窮呀...唔得,我一定要搵part time~咁又係既,timing不對,就算俾佢知你有做野都無咩用,因為一係無得食,一係太夜都未必食,今次都係算啦,真係成功先show啦~人地同pinky講都唔得.....不過佢都同我講左sorry,陷到我痛嘛.....其實都無咩野既~你都唔想講jei~

今日都係好凍~哈哈哈~~我收到news,就係我舖頭租得出勒~所以......6月我地既生意就完lu~而我mummy想我二家姐同舅父合資做小小既打冷shop,不過大家姐唔贊成~mummy想我二家姐就老闆娘,學做生意~嗯.......似乎家中會有一點轉變~daddy同mummy都會stay響home~阿may又唔知會點呢~不過佢地係時候休息下勒~點都好啦.......我都覺得無乜問題,不過怕mummy悶~老豆就一早想退休啦~

hehehe~~記得有一日,有人入黎問key skills,個男仔一直look at pinky.....個眼神仲有d野咁~我同細米都留意到,呵呵~~醒目既細米,都get到我講咩~傻既cyrena當然get唔到~不過佢惡既性格終於都被眾人見到......其實...平時都係佢恰我勒~暫時響IVE都只係同michelle,菁菁,sandy,phyllis,細米,cyrena,pinky熟d~因為呢幾個人都係我有意欲主動打電話同埋訴說我既事既~想起winnie同阿hong~

王子佢地都估唔到阿成可以咁賤~有一日,收到一個唔知who既電話,佢話因為我個no.響佢個list,想打返黎睇下係who,佢話自己係成仔....我都有d奇怪同質疑~

今日alex響023低b呀~以為佢好似條蟲咁可愛,嘔心死~佢塊面同個口依然咁大~呵呵~~

我突然想到~我做咩會退縮,雖然真係俾佢講中,有d心虛,你都知我份人幾咁真....有好多野都好坦白,但其實.....我地入一個學會做咩???咪就係學野囉~仲有呀,我地magic ant既宗旨除左學program planing,仲有點樣同人合作&相處,咩係team work呀,仲有既係響義工服務中,達到"共融"及"以生命影響生命"既精神~你地入到magic ant,唔係only做義工架~如果仲係咁think,就真係大錯特錯~所以,我覺得,其實我基本上可以理直氣壯咁回應~我做咩會俾人地大返轉頭,我都傻傻地~因為呢個point真係好好~其實,我冷靜d都真係可以回應到........米雪講得對,唔冷靜又點回應呢~唔想去做,做唔到,唔去學,留響magic ant做咩~只係做義工,唔需要留響magic ant,可以走~我唔會留~

>>April 13, 2005 at 5:26:06 PM GMT+8

2005 年 4 月 11 日 星期一 【颳風】

今日約左magic ant既人仔唱<世上只有>俾米雪........我地約左1230,不過米雪要1330先得閒,因期間mock interview既人仔黎睇帶同埋michelle俾返d意見俾佢地~餓死我個d蟻仔lu....真係唔好意思~因為cassie同celia都好好咁唔駛返學都返黎~而daisy雖然黎唔到,都同我講左唔好意思~我覺得已經係好好~因為有d人......唔黎唱都算,因為連對住mummy都唔會講呢d野,但係簽card都......算罷啦~邊d人有心,無心,大家都識睇既~都好開心,見到阿倫好踴躍咁...仲主動話打俾丁丁,雖然得佢一個男仔,都肯黎,我見到佢咁已經好開心~michelle仲話佢,做咩聽唔到佢把聲wor~阿瑩又搞michelle條蟲,仲話要拎佢走~哈哈哈~~~

我地既禮物要星期四先送~michelle問我地做咩咁人齊,以為有咩野搵佢傾,其實唔係既~~hahaha~亦都好多謝senior既support~阿魚既爽快答應~其實響呢件事上,無問大家既意見,都真係唔太好意思,不過我都唔可以講祝賀說話,又唔可以唱生日歌....總之100日先celebrate得~希望大家見諒....好彩打返俾大家道歉一番,大家都原諒我既粗心大意~多謝大家既體諒,因為個排都忙於另外一d事,而疏忽左大家....sorry~有時我都好想顧及大家感受先,但係.....有時真係會waste好多時間,有時大家又唔出聲,所以有時我覺得,講衰d,"問",都係一種形式,等大家個心舒服d,都話晒起碼尊重過大家~不過....有d野,我決定左要做,就要做,可以讓一步既係......how to do only,同埋solve左大家所想出既問題~因為...有時有d野應該堅持,就算眾人反對,因為多人反對既decision都未必係好既~有時主席就係要有d主見~

就好似,有時test,問過大家既答案都一致,就以為係對,其實都有可能係錯既~所以,有時其實用voting都未必係好既~我記得有一件事...有人俾左意見,不過唔聽,點知.....俾果果人講中....但個個result就係由voting得出,之後大家就要承受返個result~呢件事教訓我地....唔好不聽老人言,同埋voting都未必一定係好既~

之後去tea,大家都好hungry,tea完,細米,cyrena返黎上堂先,而我同phyllis上左去314,不過佢好快就走lu,去搵alex嘛~我就只係溫左少少就去左023~點知佢地talking~!我好凍呀..仲著短衫短褲..點知凍左咁多~think住借阿葛既袖黎驅寒~點知佢無帶,因佢件褸既袖可以除既......shit~~我地今日有歷奇無限course既頒cert,睇相同埋填問卷活動~1830開始,1930完結~之後返home~都無咩心情study~但好早sleep~~11點幾就sleep左lu~

唔知我地唱首歌俾michelle,佢有咩feeling呢~我只知佢都好似一路聽一路講野...唔俾自己停落黎,究竟係咩事呢~多謝阿魚既關心,我無事架勒~有d野唔講得既~因都怕影響大家.....個次wincy事件,打開黎講都唔太好,就算講左,又有好多野要follow~有時有d野,私底下explain,解決完就算~費事有咁多事端,跟住我又有野要follow,事件follow都ok,最怕大家既feeling~雖然有時候,都想將事件公開,等大家有所警惕,唔好犯~不過,有時都未曾一定要將個件事公開既...用其他野代替都ok既~因為有時都真係唔係發生響自己身上,都唔會太在意~所以有時好心咁勸告下大家,大家都未必一定上心~因為好多時,d人都好少聽老人言,其他人(老人言)既經驗之談,往往都會被講中~

我都係架,有時michelle講既野都唔太信,點知事後..我先知佢既suggestion都係有用既~好多example都可以証明,否則我都唔會講得出呢句話~

>>April 13, 2005 at 3:47:41 PM GMT+8

2005 年 4 月 10 日 星期日 【清涼】

好熱~由學校行返去,出晒汗,細ryan問我,做咩我仲熱過佢~哈哈哈~佢係火人嘛~今日無咩點sleep過,因為溫costing,考得ok,一定合格~我希望test完既costing堂上,我會更專心,唔好懶散,因為我覺得,其實都唔係好難~我要快d溫tax,因為...星期四去玩呀~~yeah~

今日好失儀地響023喊左,好無用呀~因為connie,因為我覺得響處理呢件事上做得唔好~我唔應該一開波就咁講....可能先導出問題,再問佢如何,會好一點,問佢會否做返好d~同埋佢講既野,真係好hurt我~不過佢覺得自己做得好好,佢肯付出時間去做義工,已係好好~只係因有事而開唔到幾次會,去唔到2次活動罷了,做咩大家要咁對佢?~佢做義工既時候都唔開心,因佢都察覺大家都唔多喜歡佢~經過一次電話,知道佢口直心快,大家唔問就唔會主動explain,佢"包咬頸",成日唔記得野,成日唔知醒~好心提左佢出黎做野唔好咁....我都希望佢出到黎做野,都知自己個位應該去到邊度~

有時良心當狗吠~只係俾少少意見佢,佢認為我話佢~點解D人唔接受意見?問佢多少少野,佢話我好煩~我同佢講返,有一次開會喊左,佢話我做咩用眼淚撻人,我只係想話俾佢知,我對住佢地有幾唔開心,整喊我既,並唔只係佢,係大家~我講每一句野,佢都頂撞我,每一句我都好HURT,做咩D人可以咁講野,每一句都為自己辯護緊~佢曾一度想收我線,因大家好唔冷靜,佢仲話都未試過同一個朋友urgue~響我既角度,好朋友,係應該urgue過,係應該經歷過,可能就因為佢多一事不如少一事,唔講唔講既性格啦~同埋我都驚訝,佢視我係朋友~

之後大家都冷靜左,佢都認左佢講野態度唔好,都知佢做野唔上心,做得唔夠好~之後,我覺得好多了,起碼佢明白...知錯,我都希望佢日後做好d~如果佢肯做返好d,繼續幫手有咩問題?佢嬲,佢惡,都因為覺得我迫佢走咁,不過我一直都無講過,只係見佢身體又唔好,活動時又心不在焉,wing下wing下咁,不如休息多d,反正我地都有咁多義工~即係咁,我唔開心,搵我d朋友talk係正常,佢都搵佢朋友響後面幫手應對我啦~都無人想件事搞大~佢好敏感,佢好小朋友,好似佢與我作對緊咁~不過佢成日問我之後駛唔駛幫,我再問返佢,佢肯做返好d,我地歡迎架~我估佢想我親口叫佢幫,而唔係佢自己make decision~

每人都會有自己既尺度去評核自己做得有幾好~但係,客觀來說,有好多人都有normal standard既~佢認為自己已做得好好了~有時佢講到自己o岩晒咁,我都唔知可以講咩~因為就算我點explain,佢都接受唔到~呢一類人,我好難應付~太強詞奪理~佢未出黎呢個社會被磨鍊過......所以態度先咁既jei~同埋佢都唔開心既...好似放棄佢咁~不過佢都表明左下年唔再幫手~

每一次衝擊,都係一次既挑戰~有d人響我人生中,都只係過客,令自己變得更成熟,提醒自己有咩做錯左~但係都唔好做得咁絕,凡事留一線,日後好相見~

係,每人都有犯錯既時候,但係每一次犯錯，都係一個進步；每一次跌倒，都係自己振作既時候；有野處理唔到，或一些衝擊，就係一個挑戰~所以,我無事,我視今次為一個挑戰,我要學習去與呢類人相處,同埋第時做社工既時候,應該點handle呢類人~所以,我無事~我要發奮,唔可以軟弱~積極面對,先對自己有幫助,衝破左障礙,成功感會更大~我逞強,我好勝,我一定要衝破,次次都被呢類人打挎.點得架,成日俾佢地搞到我毫無招架之力,點做社工呀~咁樣幫唔到人架~

cyrena話:不過好似主席呢,就要取平衡,唔可以事事關係行先, 所以我覺得你做得唔錯ga la~第一次嘛~而且你睇到有咩唔妥,就會立即去補救~~....多謝cyrena~michelle都話,呢d事件係好難handle架,唔好咁自責~....係既,知道~

樣樣野都要考慮大家感受,真係好辛苦~明白michelle之苦處,pc好著重關係,所以成日都要佢出手補救,而補救關係既野,真係好辛苦,用好多心機,用好多時間,又要follow,唔怪得次michelle成日話可以當case添啦~每發生一件事,就有唔同人,唔同既感受去處理~

我要好好地紀錄呢一年發生既錯誤,作日後既提醒~呢件事,好嬲,好無奈,好自責~多謝你地既關心...成班人仔圍住我....成班pc呀~一齊輔導下我咁~雖然怪怪的,企晒響度,哈哈~有sandy,欣欣,pinky,angel,菁菁,cyrena,細米,michelle,仲有大細ryan,東東講d開心既野,引我笑~叫pinky去上堂,佢話,望住你好d~~哈哈哈~傻婆~michelle,唔辛苦,呢d野應該係我做,做醜人?我唔覺得係,同埋無咩野~信我~有時我都怕因我處理得唔好,連累左大家,連累左michelle既名聲~不過,think think下,人地點講我都control唔到,大佛話michelle有盔甲護身,唔會咁易中招~不需太擔心~

video事件,有得商量~形式可以變,我想達到目的就可以了~唱歌事件….講左唔好意思~多謝你地既體諒~daisy,你真係好體諒我,同埋讓我知道,其實都有問大家既想法既~~celia,魚,瑩,cassie,多謝你地既關心~倫,多謝你既無所謂~有時"無所謂"可以無咁多requirement~都係另一種既體諒~見到,就算得佢一個男仔,都唔會話唔黎,仲主動問丁丁~好開心,見到佢咁~男人左~

>>April 11, 2005 at 6:35:05 PM GMT+8