2005 年 4 月 9 日 星期六 【清涼】

我今日好頭痛~可能因為凌晨五點幾訓,下午一點幾起身掛~

今日去左唐氏深資童軍.....之後back home,訓左陣~

我今日好傷心,好唔開心,有d野我處理得唔好,我對唔住大家,我唔想連累到大家~對唔住~我希望你地原諒我~for Magic Ant~~

今日既我喊得好兇,收唔到制~~好耐都未試過~我都未尋找到原因~我只係知道,有時好心既suggestion or 勸導,識得欣賞既係榮幸,衷心既感謝及接受~唔識得欣賞就會變得多餘,厭煩,多管閒事,唔領情,什至覺得係管束~

見到米雪既日記又隱藏,唔知佢咩事,尋日知道佢開返,我好開心,因為佢俾野大家思考,代表佢仲係關心大家,想大家進步多一點.......但係...佢既心情依家係怎樣?又發左左咩事?

>>April 10, 2005 at 4:00:57 PM GMT+8

2005 年 4 月 8 日 星期五 【酷熱】

今日..第一次<二人三足同步行>既活動..good~Celia好搞笑,死都要我同菁菁講下佢有咩做得唔好~讚佢都唔得~哈哈哈~講左一個,佢都尚算滿意,不過我都明白佢想再做好D JEI~不過有可能回應個方面差少少,如果有人提出問題,幫唔到人解決既話,咁就Satisfy唔到人地所需架勒~不過都有回應都ok既~因為好多人幫手,d會員被服侍周到~不過有d都有情緒問題要christine handle~

菁菁,傻婆~要主動d啦~朋友多都真係幾好.......有難時,好多人都會伸出援手~都明白因michelle真係好疼,好疼,依家搞d咁既野,失去左信任同埋又要佢搞埋d手尾....執返d屎,所以先咁嬲~佢都出到聲要你地做返d野.....handmake,有心既野~有得補救既~

michelle~(米雪最終無講到佢最初既決定,是苦心,至於詳細係咩...俾我stop左~但我估,佢都唔想做到咁絕,佢都想挽救,畢竟,大家以前都係好朋友,大家既感情都好好,唔捨得,唔想失去,但我地都唔好迫佢咁做,佢係為左愛我地先咁~)(開返日記,好開心,都係一d教導我地既野,因為愛,所以都想我地好~~)(親密表現,佢用手背"hi"我隻手呀..我問佢做咩,佢話係親密表現~)(送佢去kowloon bay,timothy,大angel,等她回望,米雪既背影俾我一種感覺,佢好似瀟灑地揮袖而去,可以好絕,再唔係以前易心軟既米雪,突然我個心暗淡左.....)

magic ant既人仔,似乎有d野咁....我...忽略左,唔好意思~大家覺得我變左,因為依家既我無問佢地既想法,無問佢地意見,而自己決定左做一些事情,好似一個job咁俾佢地,大家既階級觀念變得更明顯~其實,我都唔係刻意既,有時,有d野好趕,問佢地,佢地又未必會有suggestion,只係一種形式吧,有時無suggestion,我都會好炆~所以我覺得,不如我自己決定啦~有時,作為一個主席,唔可以太軟,否則咩事都做唔到,大家話唔做就唔做?主席有時都要強一點....有主見一點~或者只係講既時候唔好太硬,同埋形式上面咁問下吧~咁樣大家會好過點~有時,我想做d野,我係想人support,唔係reject我~我只係徵求大家幫手~

五姊弟去唱k~好開心呀......開到聲...yeah~~我地要成日都出去玩架~依家,我考慮跟我大家姐返church~因近排,我發現.....我有愛,係因為主耶穌基督,以聖靈去感動我,讓我重新去面對我既信仰~我既愛,近來因michelle,大家,而變得更強烈~

>>April 11, 2005 at 5:50:55 PM GMT+8

2005 年 4 月 8 日 星期五 【酷熱】

狠心愛我
歌手：梁詠琪 | 作曲：梁詠琪
填詞：陳少琪 | 編曲：洪筠惠

常未令人滿意　原來是我幼稚
明白你一番好意
逼不得已　當我孩子

讓我感受世界冷酷
風雪割傷嘴臉那劇痛程度
然後你全程旁觀　迫我去進步

很感激你為我好

＊狠心推我學跌倒　人才能走路
　如果　一生也被當寶
　安穩卻未看到　事實我不好
　為我好　必先要別離讓我明白到
　誰人能於溫室快樂去蒼老
　留給我眼淚回報　明日成就便更高＊

沒有表示半句憤怒
不再妄想今日你為我留步
明日我無瑕完好　失去你代價高

教訓我最好　傷透我更好

很感激你為我好
狠心推我學跌倒　人才能走路
如果　一生也被當寶
安穩卻未看到　事實我不好
為我好　必先要別離讓我明白到
誰人能於溫室快樂去蒼老
留給我眼淚回報　猶如良藥全為我好

REPEAT＊

讓我感受世界冷酷
願你他日好心好報
期望我重新的再造　日後讓你得到

PS:呢一首歌.....唔止係男女感情,而係都可以表達到朋友之間......成首歌都好有意思~呢首歌讓我想起michelle既苦心教導~我其實以佢為我既榜樣,佢有好多野,值得我地學習~這,只是我既看法,適合我既一個方法,並唔代表人人合適~因為教導都有好多種方法~

>>April 10, 2005 at 4:08:42 PM GMT+8

2005 年 4 月 7 日 星期四 【酷熱】

今day好熱~今日特登著靚d出去,因為今晚約左一班好耐無見既朋友仔聚舊~好開心呀.....我仲推左我契老豆既飯局~咁一大班人難約d架嘛~

今日.好嚴峻~大家都好努力商討對策~見到米雪多多表情,即刻搵平奇解讀~似乎大家都好惆悵~好擔心~家有家規,但個結果已比當初既決定為好~好似丁丁事件咁,佢問我,可否去開會,可否去幫手,我唔批准~個心亦很難受,我地magic ant唔係俾你話走就走,入返就入~有d野要秉公處理,明白既,殺一儆百,現實社會早就被kick out,仲咁好心留你咁耐?~但係,我都希望,家規執行,但係私事上仍有彎轉~時機係要把握,唔好後退勒.....米雪係點,大家心知,佢唔like人地唔面對,唔要後退,一後退,仲衰.....個鑊仲難補~

對呀~總不想米雪轉牛角尖~我地愛米雪,因為佢既愛,佢既付出,但係正正因為咁,無私既愛,好多時候換黎既係傷害~呢個時候想起祥仔,想起主耶穌基督,佢地積極既態度,令我敬佩~好想米雪想起神~我明白,呢次好傷好傷,唔單止係個別事件,而係一連串既野,傷到我唔可以身同感受,換轉係我,都要好多時間去修復一下~米雪好多野都明白,但係每個人都有自己既感受,我都諒解,所以我唔會迫佢~因為解鈴還須繫鈴人~我地擔心都擔心唔到咁多,pinky都叫我唔好太憂心,係,知道,我只想用我既能力,盡可能地陪佢渡過呢段唔開心既日子以及往後既路~

朋友真係拎黎利用?朋友真係拎黎出賣?我唔知.....我只想相信我現在既朋友仔~同樣地,我都希望你地唔好hurt我~但.....總會有底線,因為人係要protect自己,否則,傷既只係自己~蔡生唔係唔o岩,但未免太負面~但係....蔡生既話係值得深思同埋參考.....佢都只係對人有保留jei~防人之心不可無~加上殘酷既社會~被人"扇"你一鑊都唔知咩事,死得不明不白~

有時,真係好人難做,有人會因此而恰你,有人會持著你既好去放肆,有人會因此而太倚賴,有人會因為時間太長而忘記去感恩~~愛你,去幫你,反而害左你.....但係又想你好,都唔知點make decision~好矛盾呀~理性與感性,對與錯,愛與恨,都係一念之間~不過無論點,make左decision,都要堅守,唔好動搖,否則會令件事變得更難搞~~

好多時,好多野,都唔應該去忘記~我地唔好理想當然,要常常反省~檢討自己,呢個檢討未必需要好苛刻咁檢視,而係一個提醒,自己既原則,自己需要做d咩,有d咩自己唔記得左,仲有自己既方法,自己既動力之源,自己所做既野既目的(if not,會偏離軌道,唔記得自己點解要咁做,要去邊,咁就失去原本既意義)~

好開心.今日收到sandy情深既對話,仲有手繩~我會回架~其實同我做朋友好簡單,我只係想知你care我~一封信from sandy,一個charmaine留既言,呢d都係深情,有心,主動行前一步去靠近我,真誠既內心對話,已教我可以毫不保留地愛她們~她們亦咁樣俾左動力我去為她們付出~可能我份人唔會只係俾一個人死死地困住....我會周圍去,接觸唔同既人,可能正正因為咁,就算我受傷,都可以好快治療得好,因為我仲有其他人和事吸引我既注意力,同埋有時我真的太理性了,知道點樣settle自己,我會好快唔記得~有可能.....一錯再錯,明知個朋友唔好,但我又易被人打動,就係咁,可能俾人再傷一次,我就係咁.....蠢~但係我蠢...總會有身邊既人protect我~

今晚我地既gathering有puppy,魚,dolphin,小欣,朱力,王子,牛,我~而apple病左,包包搵唔到~我地其實係透過icq識既~以前icq有咩icq active list架~我地去左巴西燒烤,之後去左cafe......大家都講下近況,好開心....大家都無咩變~d男仔把口都係咁臭....哈哈哈~~王子肥左,阿魚無帶眼鏡,牛塊而越來越大,小欣瘦左~佢地個個都返工,有d失業.....問我...你仲讀緊書呀??......係wor....唔得咩~好似唔妥我咁...我初初識佢地都係repeat中五咋嘛,呵呵~~我就8下大家既感情生活,update下我既資料,其實大家都想知.....仲有呀,佢地又提返起毛巾事件,見一次,提一次呀~~作死.....無聲出啦我~我好醒目咁都有帶相機....大家都有拍低留念~

我成日窒阿牛,佢條友仔招積左....講野個咀歪埋一邊~樣衰~我成日話佢塊面...哈哈~佢地叫佢swim返過causeway bay,佢話唔識swim,我話佢塊面會浮,浮響水面上,又可以呼吸,身體響下面撐下撐下咪得囉~成日窒到佢無聲出,大家都好開心~佢地又話我.....因我住得近,碌返home就得~找死...王子~見返佢地,無生疏之感,好開心,仲相約下星期六出黎~好呀......佢地好好人架~朱力成日見工,有份工都仲要見,唔知做咩..病態~王子係graphic designer~牛同puppy無業遊民~不過牛有進修~加油呀大家,當然有d好深入既野,都無咩講啦~我地有講開阿成...原來佢地覺得阿成唔好,覺得佢古猾同埋奇奇怪怪咁wor~不過個時見佢同我一齊先無出聲~

我成日問小欣有無人追,佢都支支吾吾咁......哼.....我,小欣,puppy都未有著落架~

cyrena呀...今日著得斯文左都唔俾我睇下,仲要走左先send sms話俾我知.....哼~發左佢脾氣,佢都識做,之後返黎搵返我,我地去左飲野,傾左一陣,就走lu~我發脾氣時,同緊1b既同學仔食飯,佢地以為係我男朋友...傻啦~朋友都可以耍花窗~~大家唔好咁膚淺,不過佢地唔信都無計~好彩sarah都信信地~

>>April 9, 2005 at 9:34:39 PM GMT+8

2005 年 4 月 6 日 星期三 【酷熱】

今日去睇左"藉著雨點說愛你"同埋去左5樓cafe傾計~有michelle同埋pinky~

明白~雖然明白有道理,但自己都有感受既,要接受,都係要時間~始終都有野困住~麻煩晒主席~主席要放低自己...處理左大家先~大家加油呀........友情,係要大家一齊努力,咁先係一個team~大家都要做d野補救~我睇輕左個問題.....低估左,一班人,唔同人都有唔同感受,堆埋一齊,就有排搞~好亂,大家都唔冷靜~信任,rules,咁多件事,承諾(自打咀巴),固執.....堆埋一齊,都真係幾難搞,唔搞好,事件變得越嚴重~

如果我有故事,可以用一個故事,黎到擺平大家既情緒就好lu~故事會引發大家,代入角色,緩和[情緒,都有幫助架~故事都幾touching架~故事都可以顫動人心~發人心省~搞掂好內部,就搞至難搞既人~pc,都好易惹人誤會,因佢地會打開心窗說亮話,又會好關心對方~好似教會既弟兄姊妹咁wor~嗯.....男同女....真係要好清楚對方無野先可以有純友誼,否則,好難,因有時可能其中一方有野,但另一方無,有時又角色調轉~因為人都好like別人關心,了解,因而動心~之但係,有可能唔係自己想要既野~唔係適合自己既~

好多野,都唔好太有自信,真係有好多野都估你唔到~好多野都可以發生~

有人都真係唔會變~千祈唔好天真地以為自己可以改變對方,無咩可能既~咁當然都唔可以掛除可能性~唔好掉入"深淵"........蔡生既用詞好貼切~....真係架,江山易改,本性難移~唔係刻意既小圈子,唔搞唔理,都會分開~小小問題,都可以好嚴重~

依家vennie自己瘦左,就成話人地肥~

"藉著雨點說愛你"比"在世界中心呼喚愛"好睇~感動多了.......幸福多了,個小朋友好識think,好可愛,2夫妻既愛情史好浪漫,大家都好為大家~估唔到,大家都係暗戀大家架,睇返佢地個別既情況,好開心,好浪漫呀.....個男仔慶幸個女仔2年都坐佢旁,原來係個女仔唔知用咩橫手,好似用學生會壓力定咩啦,突登坐佢旁架~男仔比賽時俾人陷害,個女仔見到,仲幫佢報仇添呀.....又突登keep住佢支筆,第時有excuse再搵對方出黎......大家都係想打俾對方,但按左幾個字......又收線....哈哈哈~佢地好可愛~大家都好怕羞呢~個女仔想知既野,個男仔又滔滔不絕咁講晒......當大家發現對方為自己做既傻野,真係好開心,好浪漫架~嗯.....好開心呢~又感動,又開心,又搞笑既一部戲~

睇唔到"挪亞方舟"呢~估唔到大angel問我野.....關於佢自己既~莫非佢信任我,佢覺得我成熟?佢近排都有問我一d野.....oh.....

唔知道,michelle對住我,有無講出心底話呢?死勒,我都唔知係唔係....可能被佢耍左太極~oh...我好差呀~咁都分辨唔到~佢地成日話我個樣有野想問........人地都唔係~~仲有呀....今日既我,有咩就講,成日窒人,michelle成日響度笑呀..........cyrena好naughty呀,響home又唔快快手手做好聽日既野先~打俾佢,佢成日都做緊其他野~~細米,魚都病病~

byebye~~test lu....有壓力...呵~

>>April 7, 2005 at 5:05:23 PM GMT+8

2005 年 4 月 5 日 星期二 【炎熱】

Charmaine,我好開心收到你既留言~其實..我係一個好易有動力既人,經你咁有感情的說,咁掏心掏肺,係肺腑之言......我覺得好感動,又成為一個動力,我好想再約你地去食飯~好多謝你~Charmaine,有時,朋友係"志趣相投"先好close,但係,響某d方面,我地既友誼俾一d好微細既野牽引住,就係大家都有共同快樂既回憶同埋大家心裡面都有大家~你主動date我地去食飯,我地係樂意既,有幾多人join咪幾多人囉,一大班人好難就既~少d人,傾既野都會深入d~我都明白,有好多野,你都會唔知,所以你都唔知講咩好~咁我地咪多講一d open d既話題,同埋就算講既,都會explain多d background俾你知先,咁咪ok囉~哈哈哈~~大家互就啦~我俾個我至愛既jack jack你先~

死啦~似乎我都真係太博愛,我俾大家都堆滿晒我既時間~朋友,都係第一位~其實,家人亦成為我既朋友之一~我決定,我要活潑d,open d,主動d,男男女女,都係平等既~呵呵~~有分串,就可以了~最愛結交朋友~不過,我愛付出之餘,都想有少少回報既,咁先有動力~我愛大家,都想大家愛我~

我依家要發爛~我要發爛~我要發爛~我不嬲都無咩EQ,依家仲要創新低呀~我做咩要咁protect你地呀~

就係太protect,你地先無[危機感 ] ~你地千祈唔好覺得我地無左你地任何一個都唔得呀,就算只係我地d senior做,都做到呀~我都希望大家唔好咁think~有咁think,你地就要檢討一下~就係太protect,你地先過份倚賴,你地唔知[珍惜 ],唔珍惜機會去學習~你地有無睇<心花放>,響學校既一個group等於社會既縮影,你地[唔長進 ],得過且過,響呢個競爭激烈既社會,早就被[淘汰 ],俾人打到落花流水~點解四海去sale一個大客,個客唔滿意,而阿水去到,個客咁滿意...正正因為阿水準備充足,做事認真,check晒個客既喜好,不時俾一d意見,肯與社會與時並進,[相反,四海得過且過,凡事馬虎,求求其其,又點會將事情做好,得到別人既賞識? ]

依家,加入左一d新義工,可以俾你地睇到邊d先係真真正正去做野,邊d先係幫到搞緊program既人~係有實際既行動,減低大家既工作,一齊去承擔~咩係support,咩係[team work ]~我想,大家心中有數~有同一期望,同一認真既心,大家合作先愉快~有人唔合作,有人愛理不理,唔係一個support,而係傷害緊大家,影響大家既士氣,大家就唔可以寓工作於娛樂,反而覺得係重擔~~事問,大家做野,得唔到伙伴既支持,你做野仲有動力咩??你自己身處佢地既post,你地係佢,又會點~我無話自己做得好對,我只係想大家做好自己既本份,你地連自己既本份都做唔好,有咩用呀???

你地有無think返你地初初入黎magic ant既期望係咩呀?依家既你地又是否做到?你地入黎又為左d咩呀~學野o丫嘛~你地自己滿意?難道你地唔想做好d?你地要做得好d,回報亦都可能會多d,我唔係百分百話一定會好d,而係比例上,機會率會高d~難道你地唔想升職加薪?只係求求其其做個文員仔,小小既職責就算?人係有野心既,邊個唔想賺多d?人都有無窮既欲望,我就唔信大家真係但求安穩就算~如果係既都好,知足嘛~但唔係咁就有藉口俾自己有惰性嘛?我地唔好講"知足"呢個topic,社會係殘酷既....有能者居之,太過安穩都唔係一件好事,會被人淘汰~香港正正因為太繁榮安定,無左危機感,就算有咩事都唔識應變,只係識得驚,太養尊處優勒,而有惰性,太過有信心而唔識得增值自己,所以,依家香港既地位被人威脅緊,依家香港人先識得驚,去做返d野補救~

一個香港等於一個家庭,好似<心花放>咁,政府等於大佬,有咩事,都係偏坦自己人,香港人自己就係唔知錯,總是話唔好將機會俾外人,唔好引入外勞,但你地自己又唔長進,太過包庇,長遠黎講,會拖垮香港~有時,都真係唔好太過protect你地~個話題拉到好遠,入返正題~

可能大家重視既野唔同,無得好講,但係,我希望大家為自己著想,你響magic ant唔努力唔緊要,我地唔好waste大家時間,你走啦~最緊要你學到我地所教你地既野,唔好話教,只係一d小小既意見,希望大家深思熟慮一下~我地既動機,都係為你地好~我唔care你地,話你地做咩,我做咩要咁激心~我唔需要你地俾面我,我希望你地都懂得尊重自己~面就係人地俾既,架就自己丟既~我俾晒機會啦,唔領情就算,我亦都再無心機,好語重心長咁將同一番說話再講多幾次~你唔好問我,我幾時俾左機會,你唔係想我下下話俾你知,幾時係機會嘛??hey,don't play me~大個勒,唔好下下要人提醒,要自立勒~要自己識得think架勒~唔好太倚賴勒~

如果大家對我呢番說話有任何意見,我歡迎~咁樣大家先有火花,大家先會成長,先會有反思~我所講既野,唔會永遠係對架,因為都有自己主觀思想~一team人,總會有唔同既人,互相補足,但大家都係為大家好,唔會去傷害大家~一支竹易折彎,一束既話就無咁易斷~有好多野,大家肯同心協力去做,有咩做唔唔到?有咩問題解決唔到?你地唔好只有問題提出,就無解決方案,形成好多制肘~咁好多野,做既時候,都一定會有好多問題架啦,有好多野你地預料唔到架wor,你地唔try過解決,唔試過去做又點知得唔得?[無人知道成效如何,但我好肯定咁講,你唔俾心機,唔肯去做,就一定無成效,就一定唔得~]無人一出世就識行路,都要去跌下先識~不過我諗問題唔係出響呢度,而係大家既時間太少,唔肯付出jei~

既然大家期望唔一樣,我又何必強求?我需要既係有一顆熱誠既心,服務大眾~不計較既付出,先可以回饋社會~我諗大家要think一下,大家做義工係為乜~大家認為一個稱職既義工係點~你地又做到幾多~我既要求係高既,如果怕苦既,大可以唔好跟我,去搵一個你志同道合既leader~我有我既要求,我就係不斷咁train up大家~我可以降低,但唔可以去到一個我唔容忍既位,大家一人讓一步,只有我就大家,大家唔讓步,點講得通?就如:香港既教育機制,因為大家既語文水平下降,而又遷就大家既程度,將基準降低,搞到依家d人既語文水平越來越差,都唔知好定壞~一面響度降低水平(讓步中),一面既人又唔肯努力d(唔肯讓步).....都唔知大家想點~

總結一句,大家好自為之,我地只可以幫到咁多,真正要做既都係靠自己~唔好話我地虧待你地~起碼我都有努力過~我對得住自己良心~只係有d野需要改進,因為做得唔多好~大家唔好有excuse俾自己去懶..........大家要珍惜所有~唔好後悔.......

>>April 7, 2005 at 4:09:31 PM GMT+8

2005 年 4 月 4 日 星期一 【微冷】

今日收到菁菁既message好warm~對一個朋友仔既鼓勵同支持,然後對方去言謝,個感覺好好~因為可以幫到佢,成為佢既支持同埋安慰~我好感動呀~

之後想起你地每一個......有時,我覺得自己都真係太愛我既朋友仔勒~你地成為左我既動力,俾我去愛你地~我係一個充滿愛既人......我好慶幸自己充滿愛~響我心見中,朋友仔佔第一位~sandy,我會做返自己,因為我覺得已好足夠,唔需要刻意去做什麼...已經幫到大家好多~我..一出世既角色就係咁~我亦都好樂意咁做~我活著上帝既樣式...甘願服侍大家~其實,中一我返教會,係我一生中第一個轉捩點~依家既我,好受我既信仰影響~活著基督,充滿愛~發揚愛既精神~

我希望大家爽d....直d....想人地做咩咪講囉,唔好要我估得太多~因我都怕估錯~"識左咁耐,你知我點架啦".....大佬呀,人係善變既,有時都真係會估錯架嘛,我又唔係你心裡面條蟲...點知jei~個d咩"你知我性格呀","心照啦",有時都幾難頂~人有時候係要直接d,露骨地表達自己心中所想,想要大家點做等~咁先係溝通嘛~有咩咪講囉,怕咩醜jei~成日"以為","以為"........咪有誤會囉~

所以今日michelle行街,見到遮仔think起我,就打俾我,我就問洗唔洗陪佢~定係佢想一個人行,你知啦..都係問清楚好d~如果想一個人靜,我就唔阻佢....如果唔係我都會出去陪佢~咁我都想有人陪我行街既~我send sms俾佢,問佢,"係想要人陪就出聲,估你唔到架~"......哈哈哈~~唔好口不對心呀....直接d啦~朋友間,直接d,就可以了~唔駛怕醜呀~~做咩近排我open左,爽左咁多呀~不過我都好怕麻煩,成日叫我諗咁多做咩!所以對男仔,我都唔理得咁多,我自己唔好think得太多,自己坦然一點,自然一點就可以啦~yeah.....無左男仔恐懼症勒...不過仍然會小心處理...keep distance~

佢尋日都算俾面我勒,肯同我食飯,原本佢plan左同蔡生煮飯仔之後跑下步架~不枉我等左佢咁耐~呵呵~我都奉行"請客"既原則....人地請咪食囉,駛理佢咁多,況且個個人又唔係好wor,think咁多做咩,自己又無蝕既~呵~好衰呀我~咁當然,我都係對d衰既人,我唔關心既人先會咁做~大家放心~

尋日收到ellen ng隻杯~佢捕我呀....佢話因為尋日買就買多左隻,因佢知我同佢都係雙子座~嗯~開心既.....如果think多d.....似乎有d野咁~咁就慘勒~~

>>April 5, 2005 at 10:39:18 AM GMT+8

2005 年 4 月 3 日 星期日 【炎熱】

嗯~兒童節快樂~今day好full~

上堂由0930-1730~~lunch又要rehearsal~今日又有英文assessment,上上下tax堂去搵下michelle,知道有野發生,我都好緊張,之後阿雅又要join義工,我要同佢講解一下~都無咩上tax添~之後我地又要唱下歌,我又要等埋michelle開完會~今日都好似無咩休息過咁~

assessment感覺比上次差左,阿wen講好多野呀~oh....我好似略為遜色一點~不過算啦~其實我唔想今次比上次down grade~之但係,我考之前同考緊既時候都唔太緊張,都係一件好事~但考既時候,我有d遊雲...不在狀態,可能等得太耐~

rehearsal,唔係好得,搞到我都好炆,唔等佢地講野,我亦都係惡左d,認真左d~佢地好亂,我怕我地d新義工迷惘咋~佢地都要理下melody先得架~melody幾好呀..good~好..好在佢唔會自己退埋一邊,主動~不過好在celia知道錯~咁就ok啦,最緊要知自己做錯d咩,下次改進,先有進步~有受教既心,係好既~因為我今日好full,所以唔容許有人waste我time~準備不足~

同大家唱下歌,唔知who放風唔駛,算啦~因為我個心去左michelle度~所以我都唔太強求~知道魚魚病病地,要take care~可能之前有壓力~依家放鬆左....就病lu~歌歌有好多version呀~good~

有d野,都真係估唔到,我同cyrena前晚先講過呢個topic,估唔到...有好多野唔可能既都可以發生~愛情要黎既時候,真係估你唔到~但係,我無唔開心,反而既係擔心佢地既心情,知道佢地會好煩,知道佢地唔知點面對~打左俾菁菁,想睇下佢點~佢問我,佢無講俾我知,我有無唔開心,我無~之後我問自己,我無唔開心,係因為佢既地位已被代替左?cyrena填補左我悶既時間?定係佢響我心目中已不再重要?嗯~都可能既,因我一有咩事都係搵CYRENA,想起佢先,因我知道佢實得閒,哈哈哈~但係,sandy講得對,就算佢既地位與以前不同,佢響我心中都佔一席位~

我同michelle去choose card,見到一張card,有經文既,睇睇下,係畢業架~我即刻諗起大ryan wor~我仲想think起who畢業,who suitable for this card,but none~可想言之,我愛菁菁既同時,都愛埋大ryan~衷心祝福~相反,我都明白大家既感受,朋友仔係唔同d,pc間亦唔同d~我明白~我希望大家可以快d settle~我想話,有時關係太close,都真係好易受傷,太重視,都會好hurt~希望大家理智一點~

大家記著,當大家一齊遵守呢d rules既時候,目的係咩,都只係想keep大家close d~係,有人做錯左,有人唔尊重大家,但係,關係又係一d咩呢~莫非你地既關係會因為咁而變得差?而變得不信任?朋友間,唔係體諒,接納架咩?我知道佢地可以做好d,可以先著重大家既感受先,因為呢件事都真係影響左好多人,亦都有人無去遵守承諾,但係,有好多事,都係好無奈~希望大家唔好俾死死既rules,困住自己~我亦都希望大家唔好逃避,大家一齊勇敢去面對,無奈既,事情已發生,我地都唔好去再追究誰對誰錯,不如大家一齊睇下,大家將來會點,睇下點樣先可以再去建立一個新既關係~每一次轉變,都係大家既重新開始~大家記得who moved my cheese嘛~

我都好明白,信任係好重要~要再重新建立都唔係一件易事~希望大家領悟到朋友間既"信任,體諒同接納"都係好重要既一環~我想問,你地愛彼此嘛?只要你愛.......就會接受,當然都係hurt既,心痛地接受,朋友間,無urgue,無experience,大家既友誼會好易動搖~就正正因為你地經歷左咁多,你地既友誼更堅固~証明左你地唔係膚淺既友誼~神,有時就係會俾一d考驗大家,大家先會有所成長~我知道大家都需要時間,但係.......我希望唔好太久~我都知道發生太多,大家都唔想再變,想安穩...但係...有d事我地都唔可以阻止,大家要明白人性既弱點~人係自私既~

同米雪講到朋友~有時都好慶幸自己唔係pc~做中間人都唔錯~有時朋友間,關係耐左,都會少左一份細心,大家亦都會認為有好多野係理所當然~其實每人既要求都係好簡單,一個簡單既問候,一張card仔,都已經好滿足~不過有時d人總係會誇大左,太緊張,打亂左陣腳,忽略左其實做少少野就已經好好既了~送左一支花,有人係好開心既呢~都勾起以前開心既回憶,其實,大家都關心大家,大家都愛大家~發生左既開心回憶,已係証明~希望大家一齊繼續創造呢d開心既回憶~

我都明白,唔開心既時候,都想有朋友響自己身邊~有時都真係timing問題,亦有好多外在因素~朋友間,亦有開心同唔開心既經歷,係正常既,唔好鑽牛角尖~~我都有唔開心既時候,我記得大家,上年一齊玩既有winnie,august,hong,葛等.....大家好開心....但係今年,大家各有各忙,有時佢地唔記得左我,唔搵我一齊去玩,我都好唔開心~上年我為大家咁努力,為大家付出左咁多,點解你地唔記得我既?但係....我明白....因為我唔響kca嘛~kca裡面都要努力地建立關係~而呢個唔開心,亦都被好多野掩蓋左~雖然有d唔開心,但我都係咁愛佢地~咁關心佢地,因為朋友係無計既~

我睇得好化架~因為有人唔理我,我會走去第二度,就算度度都唔理我,我自己一個都可以好享受~咁唔開心當然有啦~預期唔開心,不如開心地過~尋找快樂~

我其實好like一大班朋友仔一齊去玩,但係有d人唔夾就唔夾,出左咁多次,大家都係為左我,kate都好似好悶咁,又或者大家裡面,都只係我主動既時候比較多啦~大家呢一班人出到黎都係怪怪,好靜咁......咁就算啦~哈哈哈~我亦懶得去搞lu~我記得個時有august,hong,winnie,葛,kate,charmaine,ching,phyllis,細ryan....可能仲有,經過幾次去玩....都有唔同既人~~雖然大家既狀況都唔太同,不過諗返起以前既回憶,都係開心既~有時我都真係好厭倦做主動既~

>>April 5, 2005 at 9:38:22 AM GMT+8

2005 年 4 月 2 日 星期六 【晴】

去左2日1夜既特能童軍camp,去左大埔既洞梓童軍中心~

無咩特別既camp,不過involve左,受cyrena影響~見佢咁努力既教導,我也唔可以鬆懈了~不過好累,晚會時好想睡~好豬既cyrena漏左mobile響BGCA,好彩,有人執到,而細米仲響油塘,先可以拎得返~都怕被人拎左~我地都無咩sleep,不過仲精神過早sleep既christine同埋dennis~哈哈哈~~呢個camp,見唔到佢呢~其實因為我地多左人,所以都唔夠位食野~麻煩大家,真的不好意思~不過唔知做咩響街外就無咩胃口,一響home就係咁食~可能無錢掛~不過一出camp,因無try MA整既sandwiches,所以一返home就煎午餐肉夾包包~哈哈哈~又食home既salad~好飽~我真係要節制d lu~

卓齡知道我唔俾佢做某d野,佢竟然搵christine避難~真醒~

晚上同左cyrena講好多野~原本出去睇星星,不過礙於無人睇住,我地都係坐返入去~響度講......男女之間,無純友誼既咩?通常一男一女好fd,都會話佢地有野~不過think think下,無好感,都唔會做到fd既~通常有d野?不過大家唔理,唔care jei~又或者大家clear大家既關係就可了~that's why我唔like同男仔太close,又或者因此有與男仔溝通障礙~cyrena misunderstanding左到處留情既meaning~而係男女之間,太close,都係會有野,我唔想俾人地有錯覺~對一個人好,有時都會令人誤會,所以keep distance會好d,我覺得~

而我,好易對人有好感,亦都好易覺得人地對我有好感,imagine得太多~所以都要keep distance~不過我當hong係女仔架勒.....哈哈哈~~雖然我都怕winnie誤會~而大佛都係無咩野既...我都試過同佢出街啦...咁我又真係無咩野,純fd,但唔會太close~咁o岩,有時陪到佢,響msn一齊talk~對august同埋阿葛都係純fd~我心知係咁,對佢地幾個,我會愛佢地,擔心佢地,因為係朋友仔~都唔明白,大家點解會話我同葛~呀......救命~cyrena,kaki,細米,菁菁,michelle,都係咁講~唔係嘛~不過我又知道多d野,雖然對我無咩影響,但係.....對我亦都無咩關係~男仔都係咸濕既~我又覺得正常~哈哈哈~

open diary,好處係人地知我多d,壞處係有d好secret既野唔想公開要lock....lock都係唔想既~不過lock個d都係人地既野~我打得detail,都因想日後回味既時候知發生咩事,之後覺得可以唔駛打得咁detail,如果有d野不便公開既話,因為....如果係自己,若無咩觀念變動,再發生同類既事情,我都有同樣既見解~只要仲係自己,見解都會一樣~所以有d野都係隱含meaning,就算later睇唔明,都可能估到d~

阿棠突然問我d 一,二,三,四,五,六響邊~初時唔明佢講乜,原來講男朋友,我都無,何來有咁多個,佢響邊收風呀...收錯晒~我仲叫佢唔好恰cyrena,唔好介紹太好(反話)既俾cyrena,如simon~亦都唔好介紹simon俾我,因為樣~佢就話我無品~我就話:我認~.....哈哈哈~~從大ryan身上學既~之後佢問:駛唔駛佢introduce一d俾我~.......之後我同cyrena講...都好wor...介紹阿邊個得勒~兩小妮子又處於high high地去discuss~其實都係有一個topic jei~講男仔都係一個幾好既topic~哈哈哈~~因我都nearly唔記得lu~無咩感覺~

我地又響度discuss一下大細ryan同埋東東~哈哈哈~~大ryan既眼神,東東呆呆既,定定既眼神,都好搞野~同細ryan....都由疏既變fd,都係一件好事~佢地既關心,我都好warm既~講下講下,我都幾博愛....yr 2 pc我又愛,magic ant我又愛,michelle我又愛,kca我又愛~哈哈哈~~愛情氾濫~都係一件好事~我好愛我既朋友仔~

>>April 4, 2005 at 5:54:11 PM GMT+8

2005 年 4 月 1 日 星期五 【炎熱】

今日係<攜愛伴同行之新移民兒童共融計劃>既最後一次活動~好開心呀~

好多好好味既food呀,cassie整既糯米滋好好味呀~90gm糯米粉,70gm糖,80ml椰汁同埋80ml芒果汁~撈埋一齊,唔得既,用篩,篩出之後再撈過,入面既夾心,落咩都得~仲有細米既jelly糖,好味~不過d小朋友原來唔多like糯米滋架~不過jelly糖就好受歡迎,仲有酥皮夾腸仔~不過三文治及意粉多得滯同埋唔夠汁~仲有sushi~都多得大家既幫手,仲有專家米雪既指導~其實cassie有d信心就ok勒~我亦都學識用鹽水為chicken wing解凍,因可辟雪味~如果用芝士焗西蘭花會開心d~salad好好味~好多好好味既野,仲有丸類,雖然唔係好考功夫........都俾米雪讚我地~有d人連呢d都think唔到,所以覺得佢地好無用wor~其實小小野,大家都好開心~

今日都ok,係我地個組think up games有d困難,都係用小房,無其他人會易d control~本來有一個小朋友都唔多聽話,之後都係佢帶我地玩同埋仲幫手整埋d plane,都幾好既~不過佢將隻plane放入褲浪入面,真係激死我,我之所以咁嬲,都因為咁,佢仲講埋一d核突野~牛丸都唔多合作,阿斌都係,唔知係咪覺得d games太幼稚~都激到celia無心機~!佢個個小朋友都唔太聽話,佢話佢之前唔係咁~不過都可能因為group內既人,同埋d 男仔都唔好似唔多like佢~都好彩之後d games都係佢地think出黎,由celia從旁協助,引領佢地帶game~

今日結尾講d野既時候,阿魚都唔知講乜,好彩有大王姑娘既協助~其實都應該係阿魚講既~開頭,結尾都係~個evaluation都唔係我想像中咁~算啦~我都無咩要求...我都見michelle不在狀態,唔太投入我地~不過我明白~其實叫佢黎都係大家一齊食下野,開心下,見佢都好開胃,我都開心d~因為佢無胃口嘛~

其間,我都要say sorry!因我都無咩投入響celia個組入面,因我要睇下michelle,又同下佢傾計~

明白到team work,要放低自己,去融入呢個team~好多人都會覺得自己做既野係對既,但係.....對整體來說,對個team又有咩好處呢?一個team,唔係要証明自己既能力,証明自己係對既,而係一齊尋求大家既溝通方式,工作模式,共同既方向~大家一人讓一步~要學懂如何接納,接納別人,接納唔同既意見~俾意見,個動機都係為件事好,而唔係刻意既針對,去ban,咁樣做係幼稚既~大家成年人都唔會咁做,反之唔係問你做咩ban我,而係think about the suggestion,再反思下自己是否真的做錯了,係反思,唔係抗拒,有excuse~如果唔明白,就discuss,覺得仲有好d既就提出,又覺得自己既方案唔錯,又想keep住,就一齊discuss更好既方案,一人讓一步,溝通一下自己既想法~因為一件事都係靠大家唔同既意見,而使之更creative,及令件事做得更好~

好似德仔響情人節會議上覺得唔開心,因為好多野被人ban~我想問,大家既動機係咩?大家係咪刻意針對?唔係呀嘛.....大家都只係給予適當既意見,都係想個場佈置得更好~大家諗野要係成熟d~大體d~我想你地去join<花好月圓>就係咁解...大家要學習與更多唔同既人相處,做野,會學得更多~咁先有更多衝擊同埋進步~可惜....得唔到我預期既效果,早知我自己通知大家,講明我既idea同埋用意~否則大家都唔會唔明點解呢個program同我地magic ant有咩關係~不過我都估唔到大家只係識得問,唔會細想~有好多野,都要自己think,唔好成日靠人地俾information你~要主動學習~

仲有,你付出100%去做既野,所收既未必係正比~亦未必代表件事做得好,做得成功,都唔代表你做得好好~好多野都係客觀既.......通常依家d人都忠言逆耳....唔係外人俾既意見都唔信~係要外人俾既意見先心服口服~呢d係咩既態度??唔成熟囉~唔接納意見囉~俾人話,我覺得要自我反思,虛心學習,既然有人講得,咁當然係有問題存在啦,唔通人地害你咩~

做得好,係應該既,盡己力,都係應該既~正如你study,升到班,係應該既,準時返學係應該既~做咩要為準時返學,升到班而開心呢,而自豪呢?!~~做野,唔好怕瘀,只要將件事做得最好就可以了~無論人地用50%,你要用100%,都唔好因此而自卑,只要係不斷咁進步,慢慢由100%去做,到用90%努力就成功~都已經係好好既了~人當然唔好太易自滿,而係不斷尋求成長,進步~!所謂活到老,學到老!!

見到阿魚終於明白我地既鼓勵,都心感安慰~雖然遲左d~都係個句啦,都係聽人地講,聽多d人既肯定先可~自信心多d,好無?我地唔夠quality,所以你覺得我地講既,都唔夠?俾唔到support?阿倫想打我勒...即代表熟左好多了~

>>April 4, 2005 at 4:36:07 PM GMT+8