2005 年 7 月 27 日 星期三 【酷熱】

[一輩子的朋友 ( From網上情 )(from細米日記)]
當我們對一個朋友付出很多感情，最後，大家的關係卻決裂的時候，我們會傷心地告訴自己，以後再也不要對朋友投入那麼多的感情。
　
你愈把他當作知己，你對他的期待也愈高。

你愈付出感情，愈覺得有些事情是理所當然的。

為了利益而反目，那不值得可惜，經不起利益考驗，證明你沒有付出最真摯的感情。

為了一些原則和誤會而反目，那才是叫人難過的。

那麼，不如不要再對新相識的朋友付出感情。

然而，不付出感情，又怎可能交到朋友？

原來，問題不是我們付出太多感情，而是我們不願意坦白。

你以為不用說得那麼清楚，其實，是有必要的。

你以為不能那麼坦白，其實，有些事情無法解決時，坦白是最好的方法。

我以前不會這樣做，然而，為了不再失去我摯愛的朋友，我以後會坦白。

你不知道怎樣拒絕他的提議，不如坦白告訴他，而不是另外找藉口拒絕他。

你不喜歡他對你做的一些事情，不如坦白告訴他。

你不同意他的觀點，大可坦白說出你的看法。

坦白一點，你可能會交少一些朋友，但你會交多一些真正的朋友。

記得一位天使這樣說........

生氣(anger)和危險(danger)只有一字之隔。

美麗的年輕人是天然形成，美麗的老年人才是藝術作品。

舌頭的重量微不足道，但少有人可控制它。

許多朋友進出你的生命，但是只有真正的朋友會在你的心裏留下腳印。

要操控自己，用你的頭；要指揮別人，用你的心。

生氣(anger)和危險(danger)只有一字之隔。

如果別人背叛你一次，那是他的錯；

如果他背叛你二次，那是你的錯。
　
心胸遠大的人談理想；一般的人批評事情；心胸狹小的人道人長短。
　
上帝給每隻小鳥牠的食物，但是他不會把食物丟到牠的巢裏。
　
失去金錢的人，失去很多；

失去朋友的人，失去更多；

失去信心的人，失去所有。

你和我是朋友，你帶來另一位朋友，我們就有三個朋友，我們開始成為一個小組。

就像一個圈圈，沒有開始也沒有結束.....

希望我們是一輩子的朋友...

記得我們是一輩子的好朋友..噢！

不是...是永遠的好朋友....

不管如何請記得你有一個可愛的好朋友....

>>July 28, 2005 at 6:26:51 PM GMT+8

2005 年 7 月 26 日 星期二 【清涼】

蘇氏出街日,有我,細ryan同埋hong~

我地date左1300,mk mtr~我都問左細ryan起唔起到身架啦,佢又話起到,真係o丫~遲左半小時~我就同hong talk下~黎到就buy food~大家都好開心既,好耐無見lu~hong個肚腩真係細左~不過表面上都唔係太明顯~我食左印度野呀,俾佢地講到我份野都可以響home整咁,唔抵,我就話我地唔好出街食,以後我帶飯盒算勒~佢地又話帶埋佢地個份,再講既係上去我home食~真係o丫~

又話個阿差整塊野時,撻左響塊面上~又話呢間比較貴,tst個間平d~~都唔知佢地想點,即係叫我唔好食啦~話俾佢地知我出智慧齒,牙肉痛,佢地就叫我食粥~駛唔駛呀.....佢地都話呀,有病既時候,都成日偷食啦~哼~真係俾佢地激死左~

食完,hong想返home sleep,我唔俾,因我要幫我brother buy教科書,就出左去沙田新城市,之後我就話佢,咁就一早可以date響沙田嘛,駛乜就我~之後行左陣就上左hong's home~哈哈~好耐無上lu~hehehe~~今次我無撩佢細佬勒~哈哈哈~hong成日話唔駛我倆突登去陪,真係呀,我倆都無野做架啦~當你陪我唔得架咩~我地3個人都可以talk下架嘛~細ryan話搵唔到工,就想去學返英文,之後講講下又話去學水球~咦.....無興趣~又話想學跳水,,不過時間過左~我就話我會上生態旅遊導賞員証書課程~不過下年先~我like大自然嘛~哈哈~跟得edmund多,見佢識咁多野,我又想學~將d咁靚既野分享俾大家知~

其實大家朋友仔,無計啦~我地咁大個人,識得分寸勒~你唔好形住我地咁為你先得架~哈哈哈~~駛乜客氣jei~真係o丫~我都無就住你架~話你就話你架勒~睇相既時候,我都係咁笑啦~細ryan話姓蘇講既野都係衰d~哈哈哈哈~~hong細個既時候,都唔似佢既,我覺得佢有少少似馬德鐘呀~同埋佢個頭隨著年齡既增長,越來越長~哈哈哈~佢既額都幾高,好似好飽滿咁,應該好smart架wor~哈哈哈~

大家又睇下tv,睇下佢細佬同埋表弟打機咁~都無咩野呀,唔悶呀~我地都好似無咩點陪佢咁,大家一齊hei之嘛~你唔好成日趕我地走先得架~你唔好嫌棄我地啦~真係o丫~之後細ryan要返home dinner,佢舊曆生日呀,就走先,我就同hong一齊走,因佢去winnie個度睇醫生~原本佢都叫我同細ryan一齊走,不過我唔制,好彩我醒目識問,我地既bus stop隔幾遠~hehe~又有細ryan,呃唔到我既~好彩hong都食到d野....good~不過見到佢vomit,真係辛苦~細ryan既肚仔又痛~佢倆唔知做咩~最健康既係我~呵呵~~

今日打左俾michelle,話俾佢知,我唔返去~呵呵~~晚上打俾佢,佢因supervision就無聽~不過佢有send msg俾我~點知我又收唔到,因同sandy同埋cyrena講我去camp既野,駁左3 line~哈哈~~michelle又打唔到俾我~我知道後都即刻打返俾佢,點知佢正想bath,無著衫,真係3級既view~哈哈哈~唔怪得佢把聲怪怪的~

今日phyllis都有打俾我~唔知係咪今日~都同佢講左我既睇法~我都好開心,佢有咩都會搵下我~哈哈~我問佢cyrena打左俾佢未,佢話無,我就話會打俾cyrena,罵佢~哈哈~phyllis話好~因我知phyllis因alex響london好擔心,有2次bomb~但我有好理性咁話佢,我就覺得唔多好,咁我就叫cyrena打去,因佢soft一d,點知佢打左幾日都無打,真係o丫~呢d有得拖架咩~無架,佢既朋友,佢要係咁都無辦法,要講既都講晒,可以做既,就係佢hurt既時候,陪佢,響佢身邊,聽佢呻~哈哈~~希望佢快d醒悟啦~有時我間接都用左phyllis做例子,順便話埋phyllis,哈哈~~

我依家好努力咁補返d日記~真係辛苦~~哈哈哈~~

唔記得講,阿康整既camp book真係好靚,雖然佢對自己要求高,不過我地覺得好就可以了~佢仲成日問我地有無睇~因佢用左好多心機整嘛~哈哈哈~~果然好表達自己呀~

其實響買書既時候有件小插曲,就係有人打我尖,不過應該係misunderstanding~佢見我唔行,以為我同前面既人一齊~因我見個個人未返,我就費事行上去~佢都係咁講佢唔係想打尖~不過佢之後講咩我都無reply佢~哈哈~之後佢就話今日人多,唔buy住,走左~

我地3個姓蘇既都無野做~我同細ryan就無人請,而hong就唔想搵~細ryan話想租屋住~好呀,可以入去長洲搵kit同學~

cyrena問我8月30日去唔去disneyland,我唔想去,因為無咩興趣,同埋later一定會去,去到又無咩野玩,響赤lap kok個邊又hot wor~真係...又要一拖二~因為今次係唐氏人仔去,社署搞~都係唔好搞我~edmund話,我都幾得意架wor,佢仲話8月尾有幾熱呀~睬佢都傻~無咩interest~機動games我又唔想玩~去左歡樂谷,咩都夠啦~edmund撩我幫佢做義工~哈哈~~

cyrena問左edmund做咩打我~佢話佢無打我,係拍我咋wor~咁都得....好明顯好大力,好痛啦~之後cyrena問點解佢咁做,佢話佢想借機掂下我得唔得wor~哼.....真係呀~咁都得~哈哈~不過平時我地都有咁玩開既,無咩特別~佢對人,都無咩分男女~~照拍可也~

如果我既concept都無咩分男女,我相信會玩得放好多~不過家欣既團友仔都無咩分~阿康同magus都有拍我~哈哈哈~~有時我都無理,因太投入~哈哈哈~~~不過有時都怕自己重~hehehe.......佢地玩高牆,一個人做base,另外2人輔助,俾base既人坐~所以我地係一個人踩左響一個人既shoulder上~都幾係野架~

>>July 28, 2005 at 6:35:06 PM GMT+8

2005 年 7 月 25 日 星期一 【清涼】

阿昇生日快樂~

出camp~我0630就起左身~好快咁梳洗完,0650就可以離開了~我又趕到0715既船~響船上sleep到傻左,因0400先sleep~只係sleep左2個半小時~之後約左阿may將我d衫俾佢,因為真係好重~同埋同佢講左係好臭既~之後我就趕去將軍澳,因我,michelle,細米,要去centre傾野~

其實同佢地好玩到,我都唔想早出camp~好啦~講返我未打完既camp先~之後committee未返,欣欣佢地去左take photo~靜儀,小葉sleep~我就mark低我既野,同埋睇書~之後就走左bbq,真係好熱,燒左幾轉,我都走lu~欣欣上左去bath先~唔夠野食呀~不過都無咩心情燒~同左凱林傾左一陣,大家都想做social work~佢由associate升上去~佢,都有d potential~起碼佢會將佢認為好既野俾佢朋友仔,仲義不容辭咁help佢既同伴~

之後就去左詩歌分享~阿康同埋欣欣既分享好touch我~因阿康既case同winnie好似~佢令我諗起winnie,令我好想喊,所以我都係咁忍淚~而欣欣既分享,都跟我好似~我同佢既人生路都好平坦~亦都有2個轉捩點,其中一個相同既就係識到michelle,佢令我改變左好多,佢令我明白咩係愛,人生既道理~當然,令我最明白愛既係耶穌基督~michelle個種以身作則,為學生既精神,都係我敬佩既~令我更想成為一個社工,以懏為榜樣,同埋我同佢有好多concept都好似既~

而我like"動力信望愛"呢首歌,因為我返教會既年代真係太耐勒,又無返幾年,所以只係識一d好舊既歌~呢一首歌好貼切咁形容我~因為我個人比較積極,好想將愛去宣揚,同埋好相信生命影響生命呢樣野~我份人就係咁,好易受touching,有時見到我身邊既朋友有咩事,我都會好心痛,同埋好想幫佢地,如果幫唔到,都盡量陪佢地,有時,知道佢地既關係唔好,我個心又會痛,好著緊,之後就會做d野~所以,有時我都唔知我做既野對不對,不過我個心就叫我去做~因為我唔想見到佢地因缺乏溝通同埋有誤會而無左一段friendship~唉~有時聽到大家唔開心既野,我都會心寒,其實我係被大家touching中,我好緊張,你地講既同時,我既感受都好大~

之後大家分享~原來大家既屋企都有問題~所以當講到壓力既時候,我真係無咩~因我自知我好幸福~無咩野令我憂愁~反而我會珍惜與大家一起既時間~因我愛大家~我會盡我所能去關心大家,同埋想大家感受到我既愛,再宣揚出去~

講下佢地先~佢地個團好似小人國咁,男男女女大多都唔係好高~哈哈哈~~不過你唔好睇少佢地呀~佢地都好大力架~爬巨人梯,有d男仔靠自己架,alan因為高空工作,好似monkey咁爬,而阿康同埋阿樂都都引體上升咁上,佢地都好細粒,而阿樑因為做gym,都好大力~alan講野好搞笑架~同靜儀係一對,我初時見佢地有相同既手帶~阿康同chris係一對~delia好似比較靜,同埋成熟~小葉好搞笑,笑到有時好似巫婆咁~我有時又窒佢,佢又笑~靜儀把聲好小朋友,之後都ok既~佢都可以好正經咁講野~

唔記得講,我地晚上玩左大長碌,我同小葉玩,佢係好細粒架,有人怕我壓死佢,不過未攬之前又係咁笑,因唔慣~之後都係我出力啦,我聽到欣欣話好快,話見到我好似攬住小葉咁碌~不過小葉應該無我咁大力~之後又玩左一個,用被包住,之後d男仔大力一扯,你就碌出黎,暈暈地,初時我就問自己做咩打直左,哈哈哈~~好搞笑~小葉玩大長碌玩到上左癮~

去到centre,講下啦~都講晒我地要講既野~阿邪都好搞笑,咁大年紀都大唔透咁,講野都仲係眉飛色舞~good呀~佢好似童軍領袖,ivan~哈哈哈~~佢應該受大家歡迎既人~哈哈~~公事上,大家都達成共識~我響有一度,見到我細佬個名,3個字同一個寫法~哈哈哈~~蘇錦漢呀~哈哈~佢幾時變左80歲既老公公?佢做咩唔黎當值呀~哈哈哈~我都將呢件事講左俾大家知,老豆都知~

之後我地一齊lunch~我又講下我去camp既野俾佢地知~佢地都feel到我真係好開心呢~我都講到眉飛色舞呀~之後又講下michelle去歷奇camp既野~哈哈哈~佢話個度係在協青社。佢]有歷奇嘅 low event 和 高空繩網設施！仲有好激嘅游繩和十四樓高空攀石牆！個高空繩網設在天臺十四樓高~真係嚇死人咩~佢都瘀晒呀~

有d野佢講左俾我知~呵呵~~人地唔知嘛,以為係另一個原因~佢話怕佢唔講,我會嬲wor~咁又係呀~哈哈哈~~

之後同左佢返sch~多謝佢既lunch先~原本佢叫我返home sleep~之後我就返左023 sleep~我真係訓著左呀~仲俾sandy take左photo~~真係naughty~sandy打我個時,因我怕無電,叫佢唔好講咁多,之後收線,michelle話我衰呀~係佢就唔會理我wor~哈哈哈~~咁我就係咁既人嘛~有咩就講~之後東東返左黎,我都無理咁多,照sleep,真係好tired,我真係唔願起身呀~其實有時佢地咁o岩問我訓左未,我係聽到,東東入到黎,我都知~又會咁o岩俾我聽到~我好熟睡呀~

之後back home~睇下電視咁~阿may都知我累到唔想食野,叫我食salad~晚上cyrena,細米打俾我傾公事,不過我見無咩野傾,我就收先,因真係好累~sandy都有打黎,佢地都想問我camp係點,不過太累,唔想講,而我今day又講左一次俾michelle,細米聽~之後又打俾細ryan,睇下佢係咪真係date左hong~收左佢地線,就等細ryan返到home,check左badminton場再打俾我,我地又打俾hong,之後firm左之後,唔阻hong佢地打麻雀,我再打細ryan傾多陣,就sleep lu~我同佢講,聽日先一次過將我去camp既野話俾hong同埋佢知~

真係好累~所以拎左michelle diary既password,睇左少少,無reply~想另一日先reply~點知佢轉左,我就再問一次~

仲有呀,我又唔記得cecilia響牛頭角返工,送完sandy同埋michelle上車,我就打俾佢,我以為佢響葵興,就think住一齊返home,同埋俾d野佢,因michelle有野俾佢~電話又無電,所以好快date左之後,就響太子傾左陣,就一齊走~哈哈哈~~不過又因為太累,所以都無講太多野~唔好意思呀~哈哈哈~~知道左cecilia返工有少少唔開心,有d野要就住就住,真係想死~要慎言~嗯嗯~你有咩唔開心都可以跟我講呀~知道嘛~

>>July 28, 2005 at 5:40:20 PM GMT+8

2005 年 7 月 24 日 星期日 【清涼】

阿duck生日快樂~

入camp第二日~講返尋晚宵夜先~我地見到阿sir佢地,佢地都buy左好多野食,欣欣就話唔怪得d歷奇導師有d肉地啦~而佢地既一個團友阿may都係~哈哈~似乎阿may同王sir有路咁bor~咁欣欣,靜儀同埋小葉都想食碗仔翅,但我想食dessert,咁佢地又唔肯buy去個度食,咁我就唯有等佢地買完,我拎佢地既錢去buy,得我一個人去,因佢地一大班人已經去左~好彩既係我響途中見到凱林佢地,叫左佢地一齊去食,哈哈哈~

凱林,彤,patrick,law wing,少芳,magus,子嘉,都係同學仔黎既,佢地好搞笑,好玩得,一有咩dessert黎,佢地即刻搶住每人一口咁try左先,真係warm同埋顛喪~佢地見我只係坐響度笑,都try埋我個樣~我個個係雪凍紫糯米~雪凍係一粒野黎既,最入面既係ice-cream,之後係一層"煙煙un un"既野,最出面係一層芝麻~好好食呀~哈哈哈~~而欣欣都有打俾阿樑,睇下我到未~哈哈~~之後返到去,欣欣走埋黎,話唔好意思呀lingling,掉低左你,之後我就話,彈開呀你,你依家講咩都無用架勒~哈哈哈~~佢呀,又唔理我呀~

之後我地一齊行返去,佢地唔認得路,又話好似唔係咁行,我就話,o岩架勒,行行下,又話唔係,無個d野,我又話o岩架勒,行啦~佢地又停左響度,我見個路牌都係指個邊,不過俾佢地問多幾次,都有d動搖,於是我行快d睇下o岩唔o岩,點知都係o岩架~真係俾佢地激死~一d話無,我就聽到欣欣話好似有~oh.....點解佢地無一個男仔出聲話"等我行快d探下路"既???

之後欣欣,我,小葉都好tired,所以都無過去玩,不過我都有同阿欣傾計,傾到0230到啦~咁就sleep lu~傾計既時候,靜儀都有join~好開心....嗯~因我講返俾欣欣知,我響夜行時think左d咩~

我被太陽整醒左,不過我醒左好幾次都未有alarm clock響~哈哈哈~食早餐,大家今日都著左團衫~我有無話俾大家知我地去左where camp呀~我地去左長洲鮑思高既camp site~響慈幼靜修院附近~我地去左一個歷奇camp~個度真係好靚,我地間房對住個海景~我好陶醉呀,每次入到間房,我都欣賞一下先~嗯...真係好靚~未講添,佢呢度d野都幾好食架~不過少choice左d囉~可能運動量大,每一個session我個肚都咕嚕咕嚕咁....哈哈哈~~

今日既我都係無咩所謂,唔拘謹,主動提出意見同埋講自己野,雖然都係尾幾個講,起碼我都肯講,我都知我太慢~不過唔打緊啦~breakfast之後就玩巨人梯勒~我同欣欣,law wing一組~我地要發出宣言先既,話自己接受呢個挑戰,問大家支唔支持同埋佢地準備好未~我地我同law wing響旁邊,欣欣響中間,我地第一層自己上去先,好搖,因為大家太大力,之後係欣欣俾大脾我倆踩,law wing上先,到我,之後係欣欣,上到第四層,我已經開始驚勒,欣欣響托我上去既時候,因佢已經矮,手又唔夠大捉住碌木,咁佢就飛左出去,我就同佢一齊尖叫,唔記得應該要扶佢返黎,我就同欣欣講唔好意思~

之後law wing上到最高個層,佢都好驚,幫唔到我,我就話唔打緊,我自己上,不過都係唔得,我左大脾差d抽筋,就叫佢地放返我落黎先,之後方sir佢地就拉我少少,幫我上去~我就同欣欣講,我幫唔到佢~好彩law wing都有幫佢,同埋靠belay佢既人~其實響第4層上最高既時候,阿康叫我唔好驚,唔係幾高架咋,我就話你梗係啦,之後佢話佢都畏高,咁我就哦左一聲~上到去真係好驚,我響度嘈,原來個時王sir響下面搖~之後我向後靠,feel到belay,所以有d安全感,無咁驚~

其實企中間個個係好驚既,因上到最上係無野扶架~而又第4層去最高個一級係好大架~凱林上既時候好搞笑,有一野,佢好似響空中跑步咁~哈哈哈~小葉又好得意,佢仲矮過欣欣,又要俾歐爺踩,腳都震埋,佢又要扶住碌木,真係辛苦佢~其實佢好驚架~欣欣俾大脾我地踩,我話俾michelle佢地知,佢地話,唔係嘛~我就話,我無就力架,盡情踩,如果唔係點上~之後欣欣只係講左佢左邊既大脾痛,而我係響佢右邊既~細ryan同hong話欣欣似俾我倆玩多d~哈哈哈~~其實踩大脾中間,無野架,唔係好痛架咋,都受到力架~有肉地墊住嘛~

我比較like我被人low down個野,哈哈~唔知點解,爬梯有野俾我捉住,仲驚過low down~好舒服架,唔駛自己爬~我地3個手拖手落黎架~我地上去既時候,都係手腕扣手腕~落到黎,之後就我地3個圍一個圈,佢地又一齊走過黎,圍住我地,拍住我地,一齊跳and講"支持你,支持你,我地大家支持你"~~玩晒,break既時候,阿康見到我,拍左一拍我,意思係支持,我係得既~嗯.....good~

到分享~有一個男仔無力既,但佢係好高大既,但佢都同佢既隊員講佢既weakness,仲要係男仔,阿sir好欣賞佢,因為佢打開心窗,仲要係weakness~我都好讚賞佢~其實打開心窗,先可以俾到人地知你thinnk咩,先可以更了解你,令關係更close~先打開自己心窗,人地先會再打開自己,先會互相了解~肯表達,先會知各人既長短處,先可以互補不足~之後另一個,個point係唔好自視過高,要靠team work~有一個人就話自己有自視過高,以為自己得,點知原來自己都係驚既,都要靠別人幫~

而我就好多謝大家既支持,大家既鼓勵說話,我係聽到架,仲有呀,有好大既體會係,自己響上面有咩需要一定要出聲,如果唔係,下面既既人點幫你呢~好似我要緊d,拎安全感,咁我就叫,佢地就配合我~所以溝通真係好重要~驚咪出聲囉,唔講點知~人地仲唔知你做咩,有時唔好死頂~所以我都同欣欣講唔好意思,真係幫唔到佢~我隻手損左呀,不過旁邊個條野,都真係好受力,大家都係靠佢上去既~家欣好感動呀,雖然佢每次分享都會係咁,不過佢都估唔到自己係得既,所以都好開心,我就問佢以前做咩唔join我地既歷奇活動~仲叫佢以後join多一點~傻婆,其實每個人都做到,只係睇你做唔做~

我記得我分享既時候,可能欣欣以為我cry,拍左一拍我,我就轉返聲~哈哈~其實阿sir話,佢只係當我地係學員,並無分男女,高矮肥瘦,如果分左,我地體會既野會少左~對呀,我都覺得係,如果我因為怕欣欣細粒過我,咁我上梯既時候,一定感受唔到我地個team既合拍,team work~有時就住就住,發揮得唔好~

lunch之後我地玩水戰~目的係幫我地降溫~欣欣接水彈既時候,因太大衝力,佢接到之後不穩,跌低左~哈哈~~我都唔理咁多,盡情地玩,個個都濕晒,有d人一大桶水車埋黎添呀~有次直情搶左阿sir既水喉玩,仲玩埋阿sir添~哈哈哈~~之後我地分左2組,有一個"bing bong"波,我地要盡快將個波用水灌上黎,個桶係好多洞既~我地分左2組,都不能完成,我記得有一次,無人有手,我就用左個咀,我坎坷呀~好拚命添呀~之後combine埋一齊,完成左,仲快左添~

之後玩高牆,大家都好亂,一堆堆咁~之後都ok既~上既既時候真係唔多安全,又亂,因阿sir focus響時間,我同欣欣就響安全上~仲有呀,佢地講左who係1st,又亂左~不過有樣野我錯左既係,個時,佢地想think more alternatives令d人上高d,我就話上膊,base既起身,再舉高手就可,唔記得可以托腳~我仲好sure咁講話得架勒~嗯~有時都可以think more~不過我個時覺得,太亂勒,唔轉仲好~不過work既,又會keep going~但係佢地真係唔多安全,上面個個未上晒去,大家就叫另一個上,做base既,條腰又唔直,真係好擔心佢地整親~

佢地無咩節奏,唔知係咪我,我數,1,2,3,之後大家又一齊數~欣欣見到佢地有d唔o岩,都會大聲叫,叫佢地唔好踢牆呀咁~有個位空左,佢都即刻補~阿sir讚佢架~佢把聲夠響~我記得尋晚既拋人,佢尖叫,阿sir都話佢高分貝~欣欣話小葉仲勁wor~阿sir話都見我有做d野,我既感覺係,都唔知係唔係既~不信既感覺~我有上去幫手拉人架~呵呵~~我落去既時候,magus拍左一拍我,good~~支持..及感謝~哈哈哈~~不過今次玩第3次既我,都無咩感覺,重安全多一點~不過欣欣話佢地,上去個個都未企穩,就捉佢腳板上去,我個時都fee到差d腳指公抽筋~

patrick好危險~佢話怕踩人肉梯alan,就靠自己上,佢係自己腳板咁踩上去~其實如果佢大力d,就會拉埋上面2個落黎~同埋欣欣話佢上去個個位,係無人同埋無墊架,一跌落黎就真係甘~

之後就黎一次大分享,因第一part既歷奇都完滿結束~唔記得講,當我地玩巨人梯既時候,有另一組響旁邊玩拍波,阿sir讚我地,無被佢地吸引左我地既視線,好專注於自己個一邊~good~有時會望一下,不過好快就望返自己個d團員~good~做belay,隻手都好痛架~我爬木梯既時候,整損左隻手~有d人都係~好多人都瘀晒~欣欣仲成日數俾人知,佢有幾多處係瘀左既~

我既就好短,只係講左,好開心大家都咁投入,自己都咁投入,所以同大家經歷左好多,好開心~靜儀話估唔到欣欣個fd,即係我,咁有power wor~唔知點解佢咁講~可能見到我有d leadership掛~下次問佢~佢尋晚一齊talk既時候仲讚我幾靚添呀~哈哈哈~~因佢話我似佢以前既一個同事,佢又講得個位同事都幾靚~哈哈~michelle話呢d係假話,叫我唔好信~車....hong聽到之後就無聲出~欣欣同細ryan都贊同架~真係o丫........

其實有時我都心不在焉,有時聽唔到佢地講咩~day dreaming~歐爺都好似唔係report咁,似分享多一點~有時佢講野都organise得唔好~有時會覺得佢唔知自己講咩~不過有時佢講野都幾搞笑~原來佢係牧師個仔~之後就到牧師講野,佢講野既時候,committee就出左去buy bbq既food~牧師講野個時,我都好累,無咩留心,不過get到一d野,就係....表達愛,要用行動及言語~其實佢用大長今去講既,講人生~sorry呀,無留心~之後我同欣欣就送左佢一段路,因好多分叉路,佢怕佢lost左~

今次個camp都有好多得著~唔知大家又睇到幾多~仲有一樣既係,成功與否不重要,雖有時不達標,但係要同自己鬥~好多謝家欣帶我去呢個camp,得著左咁多,識到佢地,大家一齊玩得又開心,分享既時候又願意講自己野,氣氛好好~可能大家差唔多年紀,大家都玩得埋~大家都玩得好放~我亦都好多謝大家用行動及言語去支持我~拍一拍...既力量已經好大~我真係好開心,我都心郁郁想返佢地church~不過太遠~同埋都覺得佢地平時都好少交流咁bor~有d都話響呢個camp,又熟左~因平時好少交談既機會~嗯~入camp,真係可以令大家熟好多架~

我係咁話細ryan,都叫佢黎架啦~我不知幾開心,講多幾次,佢初時話無錢~之後就話,咁係欣欣話唔駛佢黎,夠人,又知佢無錢~又話如果佢只係俾$200,羊毛出在羊身上,個$100都係佢地團友出返~點知都係唔夠人~之後細ryan仲講,其實佢俾左$200,佢地唔會蝕得咁多,咁佢地都要俾一定既金額架嘛~好明顯,佢都動搖左,似乎都後悔無去~哈哈哈~

好了~打住咁多先~

>>July 28, 2005 at 4:49:05 PM GMT+8

2005 年 7 月 23 日 星期六 【清涼】

入camp第一日~

首先,我要0830起身,因為date左欣欣0950頌安巴士站等~因去camp前要返崇拜~原來可以唔返架,佢d團友話如果invite到我就去wor,其實我都唔mind既,不過真係太早同埋無錢嘛~佢地都係去中環take ship架啦,同我不知幾近,又要我好遠咁去到馬鞍山,又要由馬鞍山出返中環,個一程bus貴lor...$18.x呀~真係肉痛~因太累,我都響路途上把握時間sleep~佢間教會好細,係幼稚園黎架,我都未try過返咁細既教會~不過,唔多好意思,因我late~~講道好悶呀,無咩得著,開心既係有2首歌我識唱,呵呵~不過有一part要互相握手問好,好尷尬囉,唔係好慣,始終都係新環境,同d人又唔熟,之後佢地介紹d新既人,我都好尷尬架....之前響家姐間church,都有d咁既野,我無寫新人既card呀,亦都無主動起身,多麼尷尬,唔自然既事~

之後等左一陣,悶悶的,欣欣又同小葉talk,好少理我呀~真係o丫,不過算啦,我都咁大個人~不過個個阿康都take care我既,問我肚唔肚餓,個時家欣唔知行左去邊~大家都有問下我叫咩名呀咁~不過都係好少既交流~大家食下野,之後等齊人就行勒,因大家都帶唔夠衫,走左去shopping買必需品~呢個camp,真係好搞笑~佢地仲去左baleno shopping呢,家欣都有收獲~

佢地原來估我點解晒得咁黑~佢問我係咪野basketball,又問我係咪好sporty個d~我就話我去swim,阿康因為係swimming coach,就問我跟咩機構,我就話自己swim既,自學既~晒到咁黑係因為我鐘意同陽光玩遊戲~又知道alan係study kc ive夜校既~小葉好矮,cecilia話好似仲矮過細angel,我仲覺得佢倆好似,咁當然,細angel靚d~

入到camp,見到王sir,講下營地須知,個時大家都出晒汗lu~好熱~之後放好行裝,就集合lu~玩左d ice-breaking既games,有拋波仔,估數字,同埋踩數字~我好投入呀,所以都玩得好開心,見到咩,think到咩就會提出~哈哈哈~~我地個組都好叻呀,好合作,又鬥贏左自己,有時都會win左隔離添~開心既係,我地呢一組都無個人主意者,good~大家都好接受大家既意見,不過有問題既就係,discuss得唔夠快,有時未達到共識就要開始game,不過我地就算輸左都無埋怨邊個,good~唔著重輸贏,good team~

之後dinner,點知無人去拎野,我見到咁既情況,就走左過去拎野先,個時欣欣同緊朋友仔霆峰talking中,之後我就大叫欣欣,佢地先過黎幫手咋~不過呢次之後,我都好似無咩幫手lu,哈哈~~不過大家都好好,大家都無咩介意,會主動執野,主動去洗碗,good~

之後就玩類似糖癡豆既野,叫幾多人一組就group埋,之後就玩信心升降,我同阿樑一組,我有時唔夠力推返佢上去~我就唔夠膽靠後囉,都係未克服到呢樣啦~之後訓響一個網上拋人,佢地拋得好高呀,咁因為大家你眼望我眼既關係,唔夠時間,就得一半人玩左,我當然無玩啦,呵呵~~我都知咁係唔o岩,不過...體諒下我啦~

之後我地夜行,行到去,我條毛巾都濕晒~我係尾3出發,初時都有d驚,聽到有d聲,我就估係我對鞋同埋我支水,我都好留心我條路,就無好似佢地咁,會撞到野~我保持一定既步速~因有好大段路佢都無再俾指示,我有時都會停一停,睇下自己有無行錯~經過toilet,唔見方sir既?無理就走左lu~之後入到墳墓既一段路,我係慄一慄既,亦都響心中講唔好意思~不過佢地既view好靚,對海架,我都停一停望下,而個度有石級,我就好小心,唔似欣欣咁pk左2次,呵呵~我呢d好smart架嘛~無惡意架,唔好嬲~之後就差唔多行到返去,見到佢地,又俾多一次"十"以示鼓勵~我地出發前都有"十"架~我一路上都無望其他野,都真係怕唔知有d咩彈出黎~佢地就周圍望,見到有隻bear,歐爺就以為rubbish bin係方sir~哈哈哈~~

其實,行既時候,佢地叫我地think野,think下future or more~我既future,方向都好清晰,係睇下自己點做架jei~而我有think既問題係,愛係咩野,同埋朋友之道~無他既,think完,都係得一個result,就係做自己認為對既事,因好多事你都唔知對與錯,憑自己良心去做吧,方sir話,有咩做錯左,個良心會提醒你架~所以,我有拋開左,無咩點think,亦都無其他既結論~仲有呀,經過仙人既墓,我都有think,d青少年總會不聽老人言,而成日自己走去闖,到頭來得既result都係與前輩所講既一樣~不過我都明白既,有時自己唔跌過,唔錯過,又點知呢~人生就係由經歷所組成~

又令我think起magic ant,有d無奈,不過咁,我都希望佢地回想起,都會明白,領受到我究竟講緊乜,同埋明白點解我要咁樣做~雖然有時都質疑自己所講既對不對,不過咁,我都係根據自己既經驗,領受,concept,my mind去講,錯左,就算吧~因一件事都有好多面既~

之後由於要接阿康既細佬,阿樂,就一齊出左去食宵夜,打住咁多先~

>>July 28, 2005 at 11:43:40 AM GMT+8

2005 年 7 月 22 日 星期五 【酷熱】

呢排天氣涼左,個冷氣都終於有冷氣~

今日去左聽talk同埋書展~原本要去camp quality做serivces---電波少年,不過因天雨關係而延宕~點知今日天氣好好

bus事件~唉.....我,細ryan,欣欣約左1345響一個巴士站等~我已經1250出左門口,點知等到1325都未有bus,家欣就叫我走,去take mtr,再轉bus,都好快到~欣欣話我呀,問我等左咁耐都唔打俾佢地,又叫我唔好等...哼...人地thinking,都等左咁耐,都應該好快有bus,如果走左,又見到,都唔知點算嘛~~熱死我呀,激死我呀,我都話我唔ike take bus,因唔知等幾耐~途中同cyrena tak phone~打俾michelle,因佢個度收唔到就無再講lu~

talk~好多人late,都遲左半小時開始,換言之,都遲走~頭3位講者都講得幾好~講下一d我都認同既道理~如生命影響生命,準備好自己,學多d野,擴闊視野呀,多d表達自己呀咁~good~~有2個都係姓蘇既,哈哈~我同欣欣都認同個個receiption+mc都唔多得,可能真係做得野,不過outook真係唔多得,頭髮唔乾爽,對眼又細,衣著又唔smart~唉.....對唔住,因我覺得出得黎俾人睇既,outlook都好重要~我見到我響青松既師兄.....估唔到,我之前響觀塘自修室已經見到佢~

之後分group~我地3個都唔同組~似乎個個kennis so都好like細ryan~講咩都望住佢~我同細ryan都響組內成為比較outstanding既人,所以出左去拎左佢地送既書~其實講多d野就可,有人之後講think唔到講咩,有一個人話,當chat就可以,仲問,你平時同朋友講野都會諗左一大輪先架咩?呢段說話,菁菁同我講過~我個時好積極咁think,同埋只係講出我感受only,不過初時個個人唔響度,無聽到我講野之嘛,我不之幾主動講,之後我就問佢,how to do the time management & how the信念support佢地~哈哈~~呢d standard問題~好彩我地呢一group係經驗之談~欣欣講領匯,細ryan講magazine cover~

我聽到欣欣佢地個組講tvb pear/atv world既飛黃騰達~我就問乳酪,唔知呢d係咪真既,同埋搵jack嫂又係咪真係有咁既人呢~~定只係一d tv program only?睇個時都問我sister~不過乳酪叫我唔好think too much~下...都係think下jei~佢仲話我做sales掂,可能我多野講掛~佢俾我既感覺,好似唔多like咁~佢又話好悶,不過我又覺得,你唔投入,就當然悶啦~....之後mc lok就引用返我個個question又講返~另一個人就讚我,good question啦~我心諗,身為michelle既人,我地當然主動啦~欣欣係唔識jei~想講既時候,又miss左~細ryan話idy無出聲~natanlie(死,唔記得點串)都拎到~

tea~之後我地行左去新城市中心食tea~食左小巴黎,越南食品~響talk既時候,我都咕嚕咕嚕~又好想去toilet~家欣響度講,佢見到有人用飲管串起d冰放響杯上面,之後細ryan好surprise~我就話佢,駛乜surprise,佢都係一d搞搞震既人~佢個時搞緊菜,仲將個片菜,放響我碗野中~哈哈~~之後欣欣date左阿川,我就去灣仔lu~~

cecilia~打俾我呀~佢話怕我車途上悶wor.....都唔知邊個打邊個囉~搞笑~之後我地講開buy evercare既card,我話上年個d都未用得晒,佢就叫我每日寫張俾佢wor~我話咁一定破產啦~之後佢話每week,我話好似交功課咁,唔好既,又好似迫咁,唔會同個心去寫架~哈哈哈~之後佢話送左生日熊俾michelle,我就問佢做咩唔買俾細ryan,佢生日嘛~cecilia話我話佢無心wor,我無呀~之後仲叫左佢buy俾我,哈哈~~佢仲buy左俾sandy同埋欣欣呀~多謝我啦~係我叫架~michelle就話too bad,叫cecilia唔好buy俾我wor,我臉皮厚,無計~hoho.....cecilia都唔mind架~

michelle~人地趕住食野,又雞啄唔斷~又講埋d核突野,激死我~講笑,又問cecilia同埋sandy想唔想同我talk,我就同佢地講,無野同佢地講呀,叫佢地唔好阻住我~細ryan就話,人地唔打俾你,就造人地唔打俾你,打俾你,又嫌人地阻住你,真係煩~哈哈哈~對呀....我係呀~今日michelle入左歷奇camp~佢話好好玩,玩完好開心,relax好多~

欣欣....人地唔係笑佢,又以為人地笑佢.....傻既~~心虛

cyrena之陶薰,明明係薰陶~野蠻奶奶既不留名,又會變左曚面俠囉~佢係蘿底橙,同埋賣剩蔗....因大家都唔記得未婚而年紀又大既女性係咩......不過佢話係鑽石王老五,乜佢幾時變左男人~佢病左....真係...不過唔病既中文程度一樣地差~(細米,對呀,佢係老姑婆,佢仲話自己係咩單身貴族?叫佢收啦,哈哈)

被細米激死左,佢同佢阿哥buy書,我問佢知唔知叫咩名,佢話唔知因佢唔識嘛,不過佢阿哥知~真係stubborn,佢唔識,咪問人囉,好過搵左咁耐呀,又唔聽人地講,用自己方法,激死我~又唔理我~唉..問人快得多啦~你照阿哥講既名讀一次咪得囉~唉...有時d野,唔駛自己明架,再唔係,我會俾個電話佢聽~除非佢阿哥都唔知咩書~我係咁同cyrena呻......之後我都算勒,因為細米係固執的人~

書展.....行左差唔多4小時,好多人,無咩收獲,有d書睇中左,不過無錢buy,之前有d都未睇晒,我打算大掃除後拎出黎睇~我都係時候執房勒~大家都好tired~我同cyrena去左delifrance食野~欣欣打黎remind我野,佢擔心我起唔到身,因我要0830起身~

delifrance~細米back home~之後同cyrena talk下,講左好多自己野~有時都問佢有無野1同我講,因好多時候都係我在講~哈哈~我太多野講吧~不過佢同sandy都ok,都無咩野,有時佢地都講俾我知佢地發生左咩事,做左d咩呀咁~good~~佢地唔mind就最好啦~我地食到差唔多12點就走lu~我地share左一個meal,加多一個石板街mouse~yeah~~佢病病地呀~phyllis唔黎因佢date左朋友仔~

>>July 27, 2005 at 4:36:13 PM GMT+8

2005 年 7 月 21 日 星期四 【微冷】

呢2日都返左sch,整義工天地既野,細米今日都有返黎~不過我好得閒咁走黎走去,因為細米整緊~呵呵~真係唔好意思,所以我都會走返去佢身邊,唔好冷落佢~我又同下vennie talk下咁~大家又一齊睇下magazine~呵呵~~悠閒....

菁菁,掛住佢既關係,所以打俾佢,不過佢出左街,知道左佢幾時補考,一定要加油,大家都stand by咁教你,不過你唔問,我地都無計架bor,自己既野應該主動些~朋友之間,唔好計啦,唔好怕麻煩到人呀~你考完既,搵你出街啦,不過我好窮~

joanjoan,之前佢放工想搵我,不過無錢就無出,真係唔好意思呀~

mcdull襟章,yeah,又投得幾個,呵呵呵~~好抵呀~$1 each~不過唔多~~今日出左去將軍澳交收,點知佢仲late過我~哈哈哈~後生仔一名~佢高高咁,又唔知做咩,我又裝個頭埋去睇下係咪個d襟章,之後將d錢放響佢掌心,佢又倒唔到d襟章俾我,咁我就響佢掌心拎勒~個情景好似好得意咁~不過我好似無咩禮貌咁,無咩同佢眼神接觸,交收完就走lu.....呵呵~~太累了....顧唔到咁多~

michelle,今日,同佢走既時候,佢突然間叫我離她遠一點,佢話因為突然想攬住我wor,仲有呀,之前同佢打完壁球個日,去左仙跡岩,坐響我旁,望望下我,突然想錫我wor~佢話都唔知咩原因架,哈哈~~佢話有2個可能性,因為佢無理由變左性取向架,一係我太男人勒.....不過二就唔多記得~哈哈~雖然有時我都俾人一種可以倚賴既感覺.....咁都唔係男人嘛~~雖然我比較大隻,又有少少肉地,幾舒服....聽到佢咁講,我開心既~

benny之手語,佢學左一句形容agnes既~第一個動作係,用手指住anges;第二個係鶣𤂌搯_;第三個係豬咀+用手整豬鼻....得出左一句....我指住agnes,你好豬~呵呵呵~~agnes問我做咩咁醒估到....唔係嘛,我平時俾佢既感覺好蠢架咩~

雪條,好野,因為佢地要hello kitty襟章,就去7-eleven買野,而buy雪條又多幾個,咁我地其他人就有得食勒~開心開心......wall's magum呀,好味呀~如果有double chocolate就好lu~

好多電話,平時就一係無咩電話,一黎就接住黎咁,哈哈哈~~不過我開心既,唔嫌棄,唔好以為我把聲好似覺得好麻煩咁,哈哈~~見你地熟我先咁架咋~

細ryan,sandy 3 line~呵呵~~好耐無傾計,一齊傾下計,開心既,關心一下大家~都傾到差唔多2點~哈哈~大家乖.....人際關係永遠都係好複雜既問題...唔好唔開心~我地會用行動話俾你知....有時,都唔係咁複雜既~

文章,細ryan問我做咩可以有咁多文章,我都想擁有更多,並記得所有,等有用既時候,就拎出黎講俾大家知,因為我好相信,一篇既文章,係可以打動人既心,可以令到每一個人都有所得著,都有所領悟~可能每個人都會有唔同既得著,因為都根據佢地發生緊咩事,又或者唔知邊個point touch到佢~文字既力量係好大,可以發人深省~我覺得好work架~生命影響生命......寫每一篇文章既人,都有佢地各自既經歷,都係好真實既,都係由心發出,所以先咁touch到大家~

winnie po~好開心收到你既sms~個一刻真係好warm~我知道自己幫唔到你d咩,唯有既就係問候一下你~我都好多謝你,多謝你信任我,多謝你將你d野話俾我知,我好樂意跟你分擔與分享~其實我真係好感動.....因為你都重視我~好想喊呀~

無得swim,shit,都唔知想點~黎就黎啦,突然又無,搞到我無得去swim~激死

細angel,今日佢返黎搵阿sir,拎tips,好耐無見,之後佢就去左返工lu~

聯絡機構,今日打左去,其實因為我地又未有同學,佢地機構又未出新既活動資料,咁我估應該係06年啦,都未咁快有得合作既~初步洽談左咋~頭炮係回憶錄嘛~不過佢想我地join班組一點,又話d義工話班組所學既多d,好過outing只係飲飲食食同埋玩~不過可能大家目標唔同~我地又唔係真係想學skills~但係我覺得唔會太開心囉~outing開心d,一齊經歷既,都好一點~

呢期變得較豪邁~哈哈~~因為頭痛及累既關係,好多野都唔想think咁多,直接表達我個一刻既情感,所幸既係,佢地同我都好熟,唔介意既~呵呵....因為我就係咁~

公公生日食飯~呵呵~好飽呀~好大個壽包添呀,中間有咸蛋黃,正~大家都掛住睇電視,哈哈~睇埋野蠻奶奶先走~呵呵......我終於抱到我既細細表弟~hehehe........我地去左超級漁港呀~唔知邊個同我講係稻香既.....我成日都唔知邊個大集團有邊幾間野架~問下sarah就可以勒,佢好勁架,好多野都記得~

>>July 27, 2005 at 4:15:02 AM GMT+8

2005 年 7 月 20 日 星期三 【清涼】

[文章：化作星光的傷痕]
人間如話：化作星光的傷痕
李碧如

偶然扭開電視，看到一個大胖子正在唱「你真偉大」，可能是胖子的「共鳴箱」夠大，那洪亮的歌聲有如天籟，乍聽還以為是三大男高音的巴伐洛蒂呢，原來是電視上的福音節目－－權能時間。

就是那動聽歌聲，吸引我繼續看下去。一曲唱罷，牧師走過來跟歌者閒聊。大胖子說感謝爸媽在他童年時不斷的鼓勵和支持，使他圓了一個又一個夢想。

接著，他又唱了一曲「奇異恩典」。唱得真好，歌者不但聲音洪亮渾厚，更重要的是他唱出詩人描述的境界－－前我失喪，今被尋回，瞎眼今得看見．．．聽聽，直教人有種想哭－－喜極而泣－－的感動。

唱完了，教堂內全體會眾站立起來，掌聲在玻璃幕牆上來回激蕩，忽然就明白了「繞樑三日」是怎樣的境界。

牧師再次走過來跟歌者對談。他向牧師說：「你知道嗎，我是可以調校的。」看見大家滿臉狐疑，他繼續說：「我現在六呎二吋，如果把義肢除去，我便變成五呎八吋了。」

原來歌者有先天殘疾，童年時便接受截肢手術，齊膝切去雙腿，雖然如此，基督徒雙親卻從不視他為殘障兒。是　神透過父母給他愛與希望，進而燃點他的夢想，使他今天不但能夠重新站立，還在傷殘奧運會獲取十四項破紀錄的獎項，並且發展了歌唱的才能。最後，他笑說：「大家不要看見我頭上發光就誤以為是光環，那不過是手術愈後的疤痕反光罷了。」

在滿堂笑聲中，牧師回應說，唔，他的傷痕都化成星光閃耀了。是的，面對人生種種苦難，因有信有望有愛，傷痕，才能化作星光，閃爍在黑夜的長空中。
【基督教週報】

>>July 22, 2005 at 3:04:52 PM GMT+8

2005 年 7 月 19 日 星期二 【清涼】

個冷氣都係好熱,死左去我細佬間房~

pinky~係囉~我地幾時會再見呢~~你成日OT都唔係辦法wor~我覺得你太辛苦咋~好掛住你呀~

今日,成日匿左去我細佬房,訓下,睇下電視~哎....好懶~睇下書.....依家睇既節目有<齊天大聖孫悟空>,<8月15的月光>,<半生緣>,<季節>,<香港直播>~~晚上既係<開心賓館>,<野蠻奶奶>,<危險人物>~

響<香港直播>,個日睇到謝霆峰做訪問,覺得佢大個左,都係一件好事,佢都好似忍淚咁~今日睇洪松蔭,佢既單車生涯都好辛苦,記得個時study psycology,阿sir都話呢個人拋抵左金字塔中最低層既慾望,為左自己理想而努力既~目標清晰,好.........

1800去左swim,shit,真係下次唔好夜晚去,多人多到,我想死~swim都swim唔到,又成日踢到人,踩到人,人地又係咁對我~真係游都游得唔開心呀~破紀錄,好蝕咁swim左800米only就上水~真係令人好炆架.....仲有一個大陸女人,咁我無位埋去,見有一個位,就埋去啦,點知阻到佢,佢同佢d朋友講,講既時候手指指,佢d手指甲又長,篤到我兼挖到我囉,有聲添呀~即刻兇啤住佢,真係好想罵她,講還講,唔駛整到我嘛~...............哼,真係無癮,聽朝一定要去swim~

oh.....今日無人返kc wor~真係...又出現呢d情況~不過無乜錢就唔想出街~聽日返下去,做下公事,幫佢搞義工d野~佢打俾我,我mobile又hang機,真係如果係我都激死左~諒解既~

同阿winnie po keep住contact~今日無咩特別~不過大家姐做左矯視手術,二萬八,響養和做,即跑馬地,搵左張叔銘醫生,佢響網上search到呢個出名架wor~~~佢依家好搞笑,對眼有罩......佢話都好多人做呢個手術~

swim完,返home既時候,見到山崎麵包請人,好啦~之前都有interest,人工唔會高,不過我唔想做一個無生產既人,整日頹廢在家中~michelle話可以留意佢地點經營,好啦好啦,做密探~同埋我要錢囉.......無錢點同你地出街呢~聽日順便睇埋仙跡岩仲請唔請啦~唉......點解無工請我既~我欠什麼呢~就因為我係part time?返學我都想做架wor~~

尋日同左iris響msn talk~覺得成日同佢出去玩多,少交心~尋日都同佢傾左下~哈哈~~下年係最後一年,唔知大家會點呢~~響1b班裡面,除左phyllis同菁菁,我覺得idy,翠怡,iris,sarah,tong,angel,kit,呢d我會比較在意~雖然都係少接觸,不過閒時我都會慰問佢地~~

今日swim既時候竟然俾我見到爸b~佢教水...不過都係吊兒郎當,不盡責,只係叫d仔swim only,佢都好少理~真係.....個d仔係唐氏d仔黎既...應該~我無叫佢,費事啦~

星期一終於見到阿葛~佢條死仔.....真係好耐無見~佢話要上st. john既course~去唔到船河~呀,得閒又有錢既搵下你地drink下啦~尋日我先叫阿hong好返,我就搵佢出黎飲下野~尋日又問iris like唔like去drink,因可以傾下計,平時都只係玩only~呢排突然想同大家傾下計多些~哈哈哈~~似乎大家都可以wor~~哈哈~~等我安排下啦...哈哈~不過....如果可以上阿hong home玩下都幾好wor~好耐無上過lu~~記得個次響佢home打hot pot~~呵呵~~

唔知係咪悶得滯~成日想起大家~唔知做咩就想同大家聚舊~傾下計~好掛住大家~掛住既有winnie po,hong,葛,becky,joanjoan,1b既iris,sarah,kit,tong,angel,idy(個日響青衣城見到佢同乳酪一齊行),翠怡~phyllis都好耐無見lu,菁菁都係~pinky呀~carmen仔~puppy,小欣,王子,牛,朱古力佢地~so man同埋阿萍不過大家各有各忙,所以如果約到,都真係要珍惜一下~~我無打名既.....michelle,cecilia,欣欣,sandy,cyrena,細米,細ryan,我地有見嘛~唔好介意~呵呵~~

你地知嘛,有時好想mark低大家既一d野,好似一d生活習慣咁,因怕自己唔記得,你知嘛,當有人記得你一D野既時候,係會好開心架,所以我都想大家開心,俾你地知道我係記得你地既,你地係備受重視架~不過咁,就算mark低左,要記得既都會記得,唔記得既都會唔記得,盡量啦,所以成日都會擱置我個個念頭~我相信我既關懷,你地係會感受到既.....呵呵呵~~大家體諒我既失魂啦~呵呵~

>>July 21, 2005 at 3:37:06 AM GMT+8

2005 年 7 月 19 日 星期二 【清涼】

[洋蔥浸葡萄酒的驚人效果]
洋蔥是一般家庭普通的食物，用以炸、炒、煲湯都很可口，也可配以生果和蔬菜做沙律，原來用作浸葡萄酒(紅酒)，更可治療很多我常見的病。

筆者回港時一酒商朋友介紹，當時半信半疑，因他是做法酒入口酒的生意，可能是為了推銷他代理的紅酒，但他卻保證真的有這樣的療效，很多人都飲用，所以回到黃金海岸，便開始浸了瓶來試試，也把這個信息帶給大佬JOE，因其太座LILY和他有齊所有的病症，聽後大家不禁哈哈大笑。

心想不用花多少錢，不妨一試，果然不試尤可，一試其功效十分顯著，連老伴也大讚 好野。因不用晚間上廁所，而且發覺浸了洋蔥的紅酒入口更醇，更易入口，像筆者不懂飲酒的也可以飲用，通常筆者未試過就不敢寫出來，今次飲過之後覺得效果甚佳，就將其公開給大家，希望人人健康。

材料：洋蔥2個，紅葡萄酒500毫升，1瓶普通紅葡萄酒酒配三個洋蔥。

制法：
一. 將洋蔥洗淨，去掉表面茶色外皮，切成八等份約半月形；
二. 將洋蔥裝入玻璃瓶內，加入紅葡萄酒，(將剝下來的外皮也一起加入效果更好)；
三. 將玻璃瓶蓋好密封，在陰涼地方放置約2至8日，(筆者覺得一星期最好)；
四. 將玻璃瓶的洋蔥片，用濾網過濾後，洋蔥、酒分開裝入瓶中，放置在冰箱中冷藏。

飲用方法：
一. 每日約一杯(50毫升)，年紀大的人每次20毫升左右；
二. 每日飲一至兩次；
三. 浸過酒的洋蔥片一起食用更好；
四. 不喝酒的人，可用兩倍左右的開水稀釋後飲用或每次倒入電鍋內煮約4至5分鐘，蒸發酒精後飲用。
五. 若然喜歡甜的，可加入一點蜂蜜。

看到這裏大家是否覺得很容易呢？究竟可以治那些病呢？
讓筆者告訴大家，其功效對 膝蓋疼痛、白內障、老人痴呆的效果相當驚人，日本非常流行。

• 高血壓的患者，飲了之後血壓正常且安定，也會降低糖尿值，把血糖下降。
• 最妙對 老花眼 也有很大的改善，飲用之後不用戴眼鏡也可以閱讀一般的周刊、雜誌。
• 每晚都要去幾次廁所的夜晚頻尿症，喝了兩天之後，不可思議的完全恢復正常。
• 每天夜裏醒來，一直到天亮都不能再入睡的，不食安眠藥不能入睡的不眠症，飲用之後也會全消除。
• 眼睛疲勞和模糊不清，喝了之後第二天就沒有問題了。
• 對幾乎無法治療的白尿症，尿會混濁的之後的也變得接近透明。
• 經常肚子會脹，非常痛苦的便秘症，喝了之後第二天便恢復正常排便。
以上這麼多的效，若然你的年齡在中年以上一定適合，花錢不多，有益功效顯著，不妨一試。

>>July 20, 2005 at 3:06:17 PM GMT+8