|
2003 年 7 月 21 日 星期一 【晴】
今日自己一個去左旺角行街街～好想買野呀
坐巴士去,熱到隻狗咁.....差d暈低呀！！
１２點幾去到，都無咩人喎（舒服）
入去Dog Dog睇下，ee～ｄ Tee幾靚喎
買左２件（開心）
之後行左過花園街，都冇咩好買
最後行埋大眾就走人lu
行行下電話響.....喂喂......
咦！點解咩聲都無既....試左好多次都係無聲
Shit ！！壞左.....一ˍ一"
番到屋企再試都係唔得～唉！！
咁唯有拎去整啦
所以又出左去灣仔 (好遠呀！又熱喎....想死）
去到siemens總行，鬼咁多人
我見到o個ｄ人１０個有８個都係黎整８００８
（即係我用緊o個部）
而佢地既問題都係同我一樣........好鬼煩呀
哩部電話真係cheap~又易爛又易壞....激死人喇！！
個小姐話要３～４日先得....唔制呀＞．＜
攪掂個電話就去o個條有好多玩具店既街行左一陣
有個玩具店開倉喎～上左去行左一陣
不過都無咩野睇既，番屋企lu ! !
>>July 22, 2003 at 12:18:37 PM GMT+8
2003 年 7 月 19 日 星期六 【晴】
 一號風球唷 ~
今日好開心啊～出左去成日
10:00am就出左門口lu....因為我要睇〝新紮師妹2〞
呵呵~好好睇呀！！笑到碌地.....我覺得楊千嬅好得呀
佢個人成日都笑，見到佢就會好自然咁俾佢感染到
其實做人咩都可以笑一餐都幾開心丫～
當然最得o個個梗係吳彥祖啦！！靚仔到爆！！好掂呀！！
超級勁靚呀！！好鐘意佢
我覺得吳彥祖練習向楊千嬅求婚o個度好感動啊～
仲有首theme song好好聽～叫〝咬唇〞你地有冇聽過呢??
睇完我地就出左荃灣.....去左一間我由細食到大既舖頭食lunch
o個間野好平ｇａ～我地兩個人食左勁多野先２０幾蚊咋！抵
跟住去左剪頭髮....我覺得好似短左好多，整完之後ｄ頭髮都唔直喇
但小芳話好似冇剪過咁！番到屋企我媽咪佢地都係咁講....激死人喇
攪掂個頭，我地去左行商場....
諗住去番上次o個間買多件tee.....但ｄ款都唔靚既>.<
不過最後都買左我上之想要既手抽袋仔 Cute 爆
我又影左貼紙相喇～今次都影得幾好 (開心)
跟住小芳話想去唱ｋ....但今日真係好貴～仲要係happy hour 喎
Neway o個ｄ一個人要成＄７０－＄８０
於是我地上左Big Echo....嘩！勁平囉～＄５０唱左５個鐘
其實都唔係冇歌唱o者！！OK喎
今日好開心啊～多謝你呀小芳！！
陪我玩左成日......呵呵
乜我個樣真係唔同左咩???我又唔覺喎~
小芳你成日見我都咁講既....咁係咪變靚左先??
特別推介 明治扭紋咖啡雪條，有咖啡又有朱古力味
好食到震！！
>>July 21, 2003 at 3:11:24 AM GMT+8
2003 年 7 月 18 日 星期五 【晴】
今日好開心啊～同2個舊同學出去飲野
傾下大家既近況.....仲話遲d約出黎玩添呀^^
大家都冇咩點變呀！！不過我個同學話差ｄ認唔到我喎
係咩～我覺得自己無咩唔同喎
肥左少少o者.......haha
依家想攪ｃａｍｐ～唔知攪唔攪得成呢........
呵呵！！今日終於買左飛喇
聽日有得睇〝新紮師妹２〞喇～Yeah! ! !
好想好想睇呀！！
我終於知道「斷袖分桃」點解喇.....
桃園結義嘛～
>>July 19, 2003 at 1:37:23 PM GMT+8
2003 年 7 月 16 日 星期三 【晴】
今日同媽咪,妹子去換回鄉証,好多人呀.......
我地點幾去到,佢話3點先有得攪～
咁我地就去左飲茶，係上年放榜時去o個間
咁快就過左一年喇....
食完野就周圍逛，去到千色店o個邊.....
有個買零食既地方～呵呵....有收獲
買左Jelly Bean同柚子茶 Yummy....^^
時間差唔多，就去番中旅社排隊整卡
超多人，o個度又細喎......迫到死
好在排左一陣就攪掂～Yeah ! !放左榜之後一於番大陸長住
跟住媽咪話想買榴槤，我地就去左街市行
我見到隻貓仔，好細ｇａ....又瘦喎
好想養呀～但媽咪當然反對啦>.< 貓咪....ByeBye~要保重啊
依家ｄ生果真係好平，我地買左番石榴,榴槤同車厘子
番到屋企，摷番成１０年前買落o個個搾汁機出黎
嘩！！原來雪櫃仲有好多生果
西瓜,檸檬,奇異果同蘋果～超勁！！生果店咁
好健康呀︿︿
今日都係剪唔成頭髮.....好！聽日一定要去
尋日香港發生左兩件大事，松仔同掃把頭唔ｄｏ喇
雖然我唔識政治......但真係有ｄ震驚
講真我不嬲都覺得佢地兩個唔係好掂....
如果唔係都唔會咁多人Ｘ佢地啦
不過今朝睇報紙，講番佢地Ｄ野～又覺得有Ｄ可惜
我都幾欣賞葉劉ＧＡ～佢做人好有原則
佢o個句 「我連自己個髮型都捍衛唔到，點捍衛哩個社會」
勁呀！！有女強人風範
至於阿松就.........我覺得佢係死o係女人手上囉
同埋佢真係無咩政治智慧，結果俾人入到佢....無辦法
而成件事最慘o個個係董建華.....佢好似好徬徨咁
咁老仲要受咁多壓力....可憐
另外一件就係楊受成，JUNO佢地俾人拉左
咩買獎喎～好在祖兒無俾人拉咋！！^^
哈哈....JUNO你都有今日喇！！
衷心希望香港可以快點平靜下來
>>July 17, 2003 at 11:33:11 AM GMT+8
2003 年 7 月 15 日 星期二 【晴】
今日同Eva (小學同學)去左唱Ｋ都好耐無見喇
好似F.2去過街到依家lu....佢都無咩點變
有〝想得太遠〞唱呀！！開心^^
唱完後行左一陣～我買左件好靚既車仔Tee呀
我地仲影左貼紙相添呀！幾靚
唔知幾時又可以再見呢～希望好似你咁講
開學可以o係學校見啦 ! !
>>July 16, 2003 at 12:03:23 PM GMT+8
2003 年 7 月 14 日 星期一 【晴】
我今日自己一個人去左柴灣~~勁遠呀......
基本上我既活動範圍只限於(旺角,荃灣同葵芳)
香港o個邊一年先去o個一兩次,我都未去過咁遠ga！！
去之前我約左個friend食lunch,因為趕得滯所以連地址都無帶
好在Polly即刻上網幫我查咋！(錫哂你)
知唔知點解我要去到咁遠呢???唉！都係我白痴啦
我之前填IVE申請表時填錯左，而我又勁遲先發現喎
所以咪要去番招生處改囉一ˍ一"
都唔知點解既......我去見工又唔記得帶相，填表又填錯喎
(試過好多次喇！！好無用)
就係因為我咁烏龍，所以成日都要去Ｄ勁遠既地方補獲
雖然好煩～但都唔錯丫.....起碼咁令我識去好多地方
而今日既目的地係杏花村
o個度好少樓好少車同好少人 (有ｄ似東涌)
我又唔識行喎.....問左幾個人都話唔知o係邊
咁唯有自己撞下啦，我行左好耐.....行到去一個無人
只有地盤同車廠既地方 (有ｄ唔對路)
後尾問人先知原來我行左相反方向 (我兜左個勁大既圈呀)
熱死人......好在都去到咋～入面好大好靚
攪到我都有ｄ衝動想o係o個度讀添
交完之後，我又唔識走，結果行左好鬼耐先番到去地鐵站
(就快死喇！！＞ˍ＜)
我行左一陣杏花新城先走
o個度好靚ｇａ～勁有童話feel......開心！！
好叻呀我！！又識多一個地方喇^^ (可以多個地方行街)
本來諗住去剪頭髮ｇａ～不過太倦.....番左屋企
我個friend幫我買左隻〝夢幻蛋糕店〞yeah！！
我想要好耐ga lar～唔該哂 ^^
>>July 15, 2003 at 3:43:35 PM GMT+8
2003 年 7 月 12 日 星期六 【晴】
７月１１日
今朝好早就起左身.....諗住砌埋個PIZZLE (爭少少咋^^)
砌砌下Polly打黎,佢話好悶喎
咁我地就傾電話啦，個傻婆不停咁話「好悶呀....好悶呀....」
講講下我地就決定出去行下
我地去左ＳＳＰ買珠仔～我買左穿珠片手鏈Ｄ材料啊（好靚ｇａ）
之後我地就去左西九龍一間食迴轉壽司Buffet既野度食lunch
唔唔.....真係唔係咁好食喎～ｄ壽司整到核核突突都算喇
仲要轉來轉去都係o個幾隻......睇到我反白眼呀
食來食去都係o個ｄ，我地都無咩興趣食落去喇....
所以食左少少就走左（番到屋企我阿妹竟然同我講話可以自己order,
唔係一定要食佢整好o個ｄ .......實在太蠢喇！！)
食完行左一陣就番歸lu～
我搭車去圖書館還書.....今次借左天航既《四百米的終點線》
都幾好睇呀～唔錯唔錯
番到屋企之後，我拎左個Pizzle出黎砌
Yeah！砌完喇！！好野～相起左之後真係好靚呀！！
（但係掛邊度好呢??)
７月１２日
今日媽咪同老豆番左大陸
妹子又要出街～呵呵......所以屋企得番我一個
我也樂得清靜.....我開始做哂我自己想做既野
睇左尋日借番黎o個本書，然後上網玩Ｒ.Ｏ.
初時覺得唔係太好玩～好似好無聊咁
但玩落又幾過癮喎！就係咁我玩左成日郁都冇郁過
再係咁個pat一定大得恐怖.......>.<不過好好玩啊
夜晚，妹子番左青衣～我地一齊去麥記食dinner
食完就去左行supermarket
呵呵.....發現左最新既日式醬油味蝦條 YUMMY! !
而佢就為左個魚（好似叫ｍｏ仔）水槍，迫我買左盒蜜糖星星早餐.......
算啦～哈哈.....生日大哂
佢都幾厲害，聽日先係正日，今日就收到２份大禮物
有個正方形既HELLO KITTY電話繩呀 (CUTE爆! ! !)
我本來諗住今日去買個禮物俾佢ga....
但由於掛住玩ＲＯ，所以無去到
結果封左封利是俾佢囉.........(好似好無誠意添）
７月１３日
 今日係妹子既生日....HAPPY BIRTHDAY呀～
佢一早就出左街lu....而媽咪就要番工
老豆就出左去應酬o個班親戚
Yeah ! !我今日又可以自己一個人o係屋企喇
我今日都係玩左成日ＲＯ.....死啦！！我好似有Ｄ沉迷喇
唔得咁樣ｇａ，我要控制下自己
今日o係ＲＯ度識左個台灣男仔，佢地原來睇唔明廣東話ｇａ
所以同佢講野要好文皺皺，好得意啊
佢好好人ｇａ，俾左ｄ法寶同埋２０萬ｚ我（開心^^)
>>July 15, 2003 at 3:51:46 PM GMT+8
2003 年 7 月 9 日 星期三 【晴】
今日係特別既一日
尋晚掛住砌PIZZLE.....成5點先訓
今朝7點幾起身～因為我地一家人去飲茶啊
雖然我成日都去飲茶,但一家人去就真係少之有少
(對上o個次已經係幾年前既事)
所以好開心啊～早d起身都值得
我地食左好多野呀......
＊特別推介＊（〝新星〞三色水晶包......
有紫(芋頭)黃(奶黃)綠(豆沙)三隻色
好靚ga....而且唔太甜,勁好味！！)
我坐到10:20就走左,因為約左雲雲唱K
我地10:50去到,諗住咁早應該無咩人啦
點知一去到....間舖都未開~~已經排哂長龍
好鬼誇張....o個度又細喎,排左咁多人
好辛苦啊......等到佢開門
我地仲擔心無兩個人既位,好在有咋(開心^^)
今日d野好好食!!!尤其係個甜品(朱古力mosses)
好味到震!!!!我地食得好開心^^
NEWAY咩都好,最衰就係CUT鐘.......
我地唱左唔夠2個鐘就要走喇 (唔捨得>.<")
之後我地去左行街街,雲雲買左件背心
而我就咩都買唔到 (我好肥.....著唔到><)
買完衫就上左〝三聯〞.......嘩嘩!!!!林詠琛出左新書呀
勁想要!!但o係旺角買會平好多,我見遲兩日都要去
所以就忍手無買到~~你要等我呀
跟住行左過吉之島.....哈哈
我好鐘意去o個度ga!!因為有個$10場
好多得意野,可以行好耐....唔買睇下都好開心
行完去左飲野,傾下放榜d野
唉.......有d擔心,千祈唔好掟我入High Deep (我會癲GA!!)
今日見到LAM LAI同佢姐姐個仔仔
好得意GA ...佢仲俾左個飛吻我添呀(CUTE 爆)
番到屋企睇到巴士跌落山o個段新聞
真係好慘啊!!!
d人唔係血流披面就係已經淹淹一息
更有人俾巴士壓住,見到d咁既情景個心真係好唔舒服
好端端坐巴士都可以死咁多人.....人生真係好無常
>>July 15, 2003 at 3:41:09 PM GMT+8
2003 年 7 月 8 日 星期二 【晴】
今日看了一個故事，一個關於《想得太遠》的故事
我很喜歡這首歌～第一次聽已經是
這首歌說的是甚麼，我不太清楚
但今天竟給我看到這首歌背後的故事
這個故事令我更加喜歡這首歌........
希望這個不會是我
《想得太遠》
個故事係關於一個女仔
鍾意左一個已經有女朋友的男仔
於是開始諗同佢有無可能係埋一齊
甚至變成一種幻想...
大慨這算是迷戀
這路程得幾分鐘真是太短
個女仔係知道個男仔有女朋友，只好對佢「迷戀」
但係咁樣「路程真是太短」，唔可以永恆
大慨你都想去後樂園
卻怕孤單一個人兜圈
於是自己就假設個男仔「想去後樂園，卻怕孤單」
即係佢可能會同現任女朋友分手，再同自己一齊
誰人在挑選 如何被挑選
如何教我結識你 怎麼相戀
個女仔知到自己諗得大遠，暗戀又只係一廂情願
呢段係指世界上唔會巧合到「我選你，你又選我」
為何坐到那麼近 卻想得這樣遠
人浪為何會流轉
問自己只係遇到個一個男仔，點解會諗無可能發生的事
可惜「人浪會流轉」，深信始終會輪到自己的
若幸運一點一早找到你
但幸運可否擔保得到你
就望著際遇鋪展我的天與地 願錯仍錯得起
個女仔就諗「若」自己幸運一點，自己就是男仔的現任
「但」命裡無時便是無
只好自己「望著際遇」來「鋪展天與地」
明知無可能都要一試
「錯仍錯得起」，因為未戀愛過
若命運叫我只懂喜歡你
但願亦有幸懂得留住你
個女仔仲諗「若」係命中注定鍾意佢
「但願」自己同佢會長久... 可惜事實還是事實...
如若過去我太在乎相遇別離 請准我預備
從來未吻你 卻已學懂去被忘記
自己「在乎」個男仔同現任的「相遇別離」
並且預備好介入... 又因為咁樣好卑鄙
所以「未吻你」 只好驚俾佢知道而要「學懂去被忘記」
憑什麼可以愛上所愛
我自問日夜等待 結局為何揭不開
究竟自己「憑什麼愛上所愛」，難度係「日夜等待」？
可惜並非如此
等緣份 信緣份
我們只好相信下集定是更精彩
如果「緣份」係註定的，「下集定是更精彩」
自己同個男仔一早已經係戀人一對
大慨你正在回想
與別人剛剛分手剛受過傷
從前伴侶踫不見 你我偏可遇上
人寂寞便愛幻想
個女仔開始幻想個男仔同現任分手
「從前伴侶踫不見 你我偏可遇上」自己以前未拍過拖
但係竟然識到佢，好似「緣份註定」咁... 畢竟一切都是假的
憑什麼可以愛上所愛
我自問日夜等待 結局為何揭不開
等緣份 信緣份
我們只好相信來來回回難避開
如果「緣份」係註定的，「來來回回難避開」
自己係會同個男仔一對
若命運叫我只懂喜歡你
但願亦有幸懂得留住你
如若過去我太在乎相遇別離 請准我預備
仍然未識你 卻已幻想那份驚喜
「仍然未識你 卻已幻想那份驚喜」
自己無可能放低個男仔，就索性早就幻想佢同現任散左
而自己有機會追求呢份戀愛
|
>>July 17, 2003 at 2:37:51 AM GMT+8
2003 年 7 月 7 日 星期一 【晴】
今日去了拿BNO,好遠啊～o係金鐘......
好在帶左部MD去....一路行一路聽歌好開心
拎完之後本來可以番青衣GA
不過我驚o係青衣城見到d唔想見既人
所以我就去葵芳行左一陣
買左我最鐘意既野食(開心)
番到屋企,d麻煩人已經走左lu～Ｙeah！！
今朝o係電視睇到祖兒《想得太遠》個ＭＶ呀！！
勁好睇∩﹏∩不過睇睇下上面整天線......個電視睇唔到啊
到播完先好番........＞.＜激氣呀！！！
我又開始砌另一副PIZZLE喇～
好難啊......
>>July 9, 2003 at 2:26:12 AM GMT+8
|
![]()
結伴創將來 多麼的美
你的路 我的途 再也不分己與彼
你是我將來 不捨不棄
每一明天愛著你
台 北 諸 事 拍 >(oo)<
 
 
 
 
 
 
 
 
 
 
 
 
|
廣告 |
|
|
讀者留言 |
| 路人留言
|
 幾時得閒雲雲食飯啊?
>>November 10, 2008 at 3:38:25 PM GMT+8
halo, baby, pls
>>September 27, 2008 at 4:42:21 PM GMT+8
Slipping through
>>September 22, 2008 at 4:34:09 PM GMT+8
沒事嘛朋友, 隨時可找我啊>3<
>>September 13, 2008 at 4:34:29 PM GMT+8
你結了婚0拉 ?
<br>好意外
>>August 30, 2008 at 6:24:41 PM GMT+8
d 相冇加 soft 效果, 有
>>April 8, 2008 at 3:56:21 PM GMT+8
感謝你的日記為粗心的我記下了一切
>>January 14, 2008 at 2:01:43 AM GMT+8
每次外遊 最快樂的時間 就是一起
>>December 20, 2007 at 1:27:28 AM GMT+8
傻婆, 唔開心又唔搵我, 我的
>>July 8, 2007 at 5:10:14 AM GMT+8
我也很喜歡這首歌呢, 振作加油,
>>May 4, 2007 at 2:19:33 PM GMT+8
我站到街中聽鬧市聲音
<br>我
>>February 25, 2007 at 12:26:11 PM GMT+8
有緣呀, 見相如見人, ha~
>>January 11, 2007 at 3:42:12 PM GMT+8
居然公開我老婆張玉照 >o<
<
>>December 15, 2006 at 3:09:18 PM GMT+8
連不覊都黎BBQ
>>December 12, 2006 at 4:06:23 PM GMT+8
暫時覆實去BBQ既人有: Miu
>>December 11, 2006 at 4:43:25 PM GMT+8
昨晚謝謝你, 能有著你這個朋友,
>>November 1, 2006 at 9:29:41 AM GMT+8
報告報告!
<br>
<br>原
>>October 7, 2006 at 5:54:40 PM GMT+8
個兔仔好慘ar ..>.<
<b
>>September 25, 2006 at 2:49:22 PM GMT+8
你日記中ge斌哥係邊個先?打清楚
>>September 25, 2006 at 12:40:51 PM GMT+8
我也接受不了,
<br>願他安好
>>September 1, 2006 at 3:42:07 PM GMT+8
你又買鞋呀? 有$人啊^O^
<
>>August 18, 2006 at 4:22:20 PM GMT+8
總有我地一齊去佐食久別重逢ge抹
>>August 14, 2006 at 2:37:45 PM GMT+8
唯有等多10日啦, 佢再唔同你考
>>August 12, 2006 at 2:51:45 PM GMT+8
天空海闊任我們闖,
<br>加油
>>July 30, 2006 at 3:33:12 PM GMT+8
同你一齊去邊度都冇所謂la...
>>July 27, 2006 at 12:51:57 PM GMT+8
難熬的日子總會過去的,雨過便會天
>>July 21, 2006 at 7:03:06 AM GMT+8
ha~ 好快就適應到個newr
>>June 11, 2006 at 8:50:49 AM GMT+8
好叻女bor^^
>>June 10, 2006 at 9:12:09 AM GMT+8
underweight??唔得.
>>May 22, 2006 at 2:20:38 PM GMT+8
Always be with u
>>May 13, 2006 at 5:18:47 PM GMT+8
錯別字更正: 係"寶刀"唔係"實
>>May 10, 2006 at 1:24:51 PM GMT+8
傻豬仔....我都好開心ar..
>>May 9, 2006 at 12:42:52 AM GMT+8
Miss ip話好掛住你,問你幾
>>May 6, 2006 at 7:45:34 AM GMT+8
will you join th
>>May 4, 2006 at 5:39:55 PM GMT+8
惡??對你不知幾溫柔....ha
>>April 30, 2006 at 4:08:58 PM GMT+8
熱烈恭賀超級 ger 王誕生!
>>April 20, 2006 at 3:20:45 PM GMT+8
讓明日更加耀眼^3^
>>April 14, 2006 at 4:59:00 PM GMT+8
Mr & Mrs 豬都要加油啊^
>>April 8, 2006 at 5:25:14 PM GMT+8
傻豬仔加油!!!!
>>April 5, 2006 at 9:53:33 PM GMT+8
愛人頂呱呱!
>>March 31, 2006 at 3:36:00 PM GMT+8
"如"豬"如寶","紅粉姻豬"一
>>March 10, 2006 at 2:29:21 PM GMT+8
冇佢ge督促, 我來督促你
<b
>>March 1, 2006 at 10:42:27 AM GMT+8
好 sweet sweet wo
>>February 28, 2006 at 2:44:13 PM GMT+8
me2!
<br>"ＴｈａＮｋ
>>February 27, 2006 at 3:48:47 PM GMT+8
wa.你d金句好正wor....
>>February 23, 2006 at 6:00:44 AM GMT+8
wakaka~你個樣真係好Q,得
>>February 22, 2006 at 4:26:05 PM GMT+8
Stand by you^^
>>February 21, 2006 at 3:23:27 PM GMT+8
咁好笑ge野, 你今日唔爆比我聽
>>February 14, 2006 at 4:35:28 PM GMT+8
晴天陰天孩子天,
<br>小玲天
>>February 11, 2006 at 6:44:42 PM GMT+8
睇唔到d相ge?
<br>
>>February 6, 2006 at 9:14:56 AM GMT+8
|
|
今日自己一個去左旺角行街街～好想買野呀
今日係特別既一日