Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2003 年 9 月 5 日星期五【暴雨】

月餅月餅.......有好多月餅啊! ! !

今日放假，唔駛番工同番學～懶得出去，o係屋企玩電腦
Download左Twins隻新碟,麻麻地，不過"亂世佳人"同"朋友的愛"都幾好聽
之後發竟然俾我搵到2首祖兒既新歌,"出賣"同"歌姬"好好聽啊^^

下晝同媽咪落左青衣城行~嘩! !有月餅promotion,真係咩月餅都有喎
最勁梗係家燕姐o個隻啦,諗起佢個廣告都唔想賣一_一"
我地個個都好鐘意食月餅ga,已經食左3盒喇
媽咪今日見到都想買,"冰燒月"好似好好食咁喎
但係如果依家買,我地一定會發哂癲係咁食.....未到中秋已經食哂
你知啦!月餅好肥ga.....我尋日先食左個冰皮咋....再食實肥死啦
所以我極力阻止佢.....叫佢中秋o個日先好買~

之後行左過長發,去超級市場掃貨~Yeah! ! Yes係祖兒cover呀~即買啦! !
番到屋企.....秋華阿姨送左盒月餅俾我地! !好特別ga! !我之前都未食過哩d
都幾好食喎! !哈哈....實肥死喇! ! ＞ˍ＜"

孫燕姿的《害怕》一首很動聽的作品

忘　我沒有很努力要自己去遺忘
那些和日記一起收藏的過往
孤單在思緒之中變得很漫長

想　我沒有很刻意讓自己不去想
那些和照片一起靜止的模樣
我學著堅強　堅強到不用學著不想　學著遺忘

＊還是害怕夜深人靜時總想起你
　還是害怕不經意的聽見你的消息
　然而當愛已經沉澱得太清晰
　當擁有已經是失去　就勇敢的放棄

　還是會害怕一個人時就很難忘記
　還是害怕突然寧願當初沒有決定
　然而當愛最後的出口是分離
　我會這麼相信　走下去＊

忘　我沒有很努力要自己去遺忘　遺忘

>>September 9, 2003 at 12:21:27 PM GMT+8

2003 年 9 月 4 日星期四【雷雨】

今日有早堂....8:30呀! ! !由於我整野超級慢
所以要5點幾起身~好支力呀! ! !哩堂係lecture,同上次好唔同
今次到上完堂個lecture都坐唔滿,哈哈...希望我以後都起到身
唔好走堂啦! !Tourism,可能我無乜興趣啦,有d悶......
之後就到Food production,Kivera又出現喇
佢一入到黎就一倫嘴咁講左一大堆野,訓話o個d
好鬼惡....好在佢唔係教我咋! !我覺得哩科好得意
唔錯 ! ! (如果阿sir講野可以流暢d就更好喇)
食完lunch就到英文,其實我好驚ga...因為之後揭過本textbook
佢好似係以oral為主咁.....哈哈~你地知我d oral幾掂先得ga
好在個professer係中國人,咁都好d
一開始就係要用英文答3個問題黎介紹自己
有一條問why you choose catering??點知差唔多全班人既答案都係.....
" I don't know why i will sit here"原來大家都係因為成績唔好
無啦啦俾人掟左入黎.....有人擺２１都入左
4:30放學，我走左去搵locker....shit! !我個locker o係最底.....＞ˍ＜"
之後又去左ｃｃ print notes,差唔多６點先走
一出門口就見到祖兒張concert poster....咦？！加左場．．．１９號呀
今朝only買左頭場咋！
去尖沙咀行街街，順便去埋通利睇下有冇飛賣
去到$80同$250都賣哂，$380得番17行
最後唯有買$150啦！！第32行呀......不過算啦，有得睇都ｏｋ︿︿
好開心啊～極期待16同19號! ! !

今晚約左潔雯子出去食宵夜....我地坐左o係樓下個公園仔傾偈
傾到2點幾，我突然諗起今日Yinson講o個個W CORE女廁鬼故
我講俾潔雯子聽，講完之後望下四周圍一個人都冇一ˍ一"
我地好驚....所以就走左喇！！哈哈.....好低能呀!
自己講鬼故嚇親自己.....

>>September 6, 2003 at 1:34:42 PM GMT+8

2003 年 9 月 3 日星期三【微雨】

　　今日要番學，番12:30~5:30
第一堂係Food production,o係Lab上......所謂既Lab,
其實係"millennium"入面一個廚房~呵呵.....
我地入到去首先一人著一件袍~實驗室o個種白袍
好靚呀! ! !咦?!原來教我地既係Tony and Sara,唔係Dr.Kivera呀! !
佢地2個一d都唔惡,仲好好人添^^
今堂係教Food hygiene....Tong話我地今個sem唔整野食
要清楚哂廚房d野先~之後佢就拎左d材料出黎
咦~~原來我地無得整,但佢會整俾我地睇ga! !
今堂就整左Swiss Roll....嘩! !佢真係好犀利啊
唔駛15分鐘真整好左~哈哈.....之後就梗係俾我地試食啦! !
好好食呀! ! !^^ 我覺得哩科好好玩 ! !如果有得落手整就更加好啦! !

跟住就到Tourism Industries,今堂係一個鐘既tutorial,好快就過左lu~

之後就有2個鐘既break~我,Manni,Kenix,Betty一齊去左舊can
做番頭先上堂既worksheet......由於我地都無讀家政,
對於o個d cooking既專有名詞(仲要用英文喎)可以話係一竅不通
哈哈....求其啦! !睇怕都要搵番本英文版既家政書睇下先得喇~
攪掂之後就上CC print notes....哈哈~原來o個度print notes唔駛$$ga
不過就慢到嘔囉.....我地print左一份,但就用左10幾分鐘
死喇~仲有5分鐘就上堂,我同Betty用最快既速度趕去
點知我地又上又落,問左勁多人都搵唔到個classroom....
哈...原來個classroom就o係平台,根本就唔駛上同落
死蠢呀>.<攪左一倫終於到(斷氣喇)不過都係遲左
好在Miss無話我地咋~

挨到5:30~Yeah! ! !放學喇~
我地即刻飛去CC,繼續Print notes~
仲有好多呀.....點知試左好多部都唔得,又鬼咁多人喎
搵左好耐終於搵到喇~ 但print完都8:00喇......
支力到死呀 !! >_<"

>>September 5, 2003 at 12:13:49 PM GMT+8

2003 年 9 月 2 日星期二【陰】

今日dayoff~唔駛番學.....所以又可以番partime喇
我番12:30,小芳番12:00....差半個鐘~所以今日可以一齊番工^^
番到去坐左一陣就開始做野喇
都係做back-up,初初都仲係雞手鴨腳,成日整錯野
做做下就好好多喇~好在哩間野幾靜,就算lunchtime都唔係太多人
哈哈......又識左幾個人~開心^^
因為有人唔做~所以有幾個locker空左,只要背到7大規條就可以有得用
呵呵.....背野梗係無問題啦! ! !yeah~真係好呀,做左2日就有locker
雖然成日做錯野俾人話,不過做野就係咁ga啦~
遲d熟左就ok~d同事都幾好......所以做得好開心^^
今日收6:00,小芳收5:00....佢無野做所以等埋我
之後佢去番學~我就番屋企lu......第一日番學,要俾心機啊! ! !
聽日我都要番喇! !仲有food production.....係Dr.Kivera呀
(一個傳聞會嬲到掟煲既鬼佬......)一_一" 驚.......
好在係lecture咋.....^^要努力啊! ! !

>>September 3, 2003 at 11:38:32 AM GMT+8

2003 年 9 月 1 日星期一【驟雨】

〝杜鵑〞襲港，停課一天

今日番2:25~3:25,一個鐘.....無聊到爆
雖然番下晝，但因為約左小芳食早餐
所以都要早起身.......zzZ
10:00　行過去青衣碼頭，佢話o個邊間"仙桃居"d吐司好食喎
所以今朝咪專登過去食囉！！
雖然好遠～不過ｄ野真係幾好食（特別推介：抹茶吐司）
食食下睇到電視，咦.....「教統局宣佈所有學校停課」（雙眼發光）
Yeah! ! !好野～係咪ｇａ??
食完之後，小芳番工.....我入左地利店....
Yeah! ! !(眼前一亮) TVB周刊係祖兒做封面呀！即買
出到去見到Jessica,佢話番Poly上堂喎.....
我番左屋企，ｄ同學個個都唔知要唔要番
有人打番去問如果係３號就要番....
原來電視所講既〝學校〞係唔包括大學ｇａ!
睇黎我開心得太早......
Jessica打俾我，佢話番到去見到個同學話今日停課
佢番緊青衣....Yeah! !真係唔駛番^^

於是開始玩電腦，download下歌仔咁
突如其來既假期真係好呀～

哩幾日成日都睇到孫燕姿個新碟廣告
個background music係〝天黑黑〞有種窩心既感覺
孫燕姿既作品有佢自己既味道，唔係一聽就會鐘意
屬於越聽越好聽，百聽不厭o個種
多數歌詞都好有意思.....聽多幾次又會明白多ｄ
我覺得佢好特別

我最鐘意係《我不難過》《我要的幸福》

>>September 2, 2003 at 10:40:32 AM GMT+8

2003 年 8 月 31 日星期日【晴】

開學日~係一個新開始......唔同既學校,唔同既朋友
唔同既上課模式

今日番10:30,我地約左9:20.....番到去好似10:00咋
不過我地要搵課室嘛~哈哈.....蕩失路啊
撞撞下就到喇! !原來第一堂係IT,o係電腦室上
個阿sir好攪笑ga~上左差唔多2個鐘,就要去開學禮
入到去個hall....咦~點解淨係得個好大既營幕播校長講野既....
悶到爆囉.....原來校長唔會黎,只係現場直播佢講野
駛唔駛咁誇呀?!玩現場直播......聽左一半
開始有人走,之後就越來越多人走....咁o個時係lunch時間
我地都走啦...車! !原來唔係一定要去ga.....攪到lunch得番半個鐘
下晝都係上IT....不過係lecture,可能係第一堂,d人黎齊哂
所以唔夠位坐，有人要坐樓梯～不過professer話下一堂一定夠位
因為ｄ人會走堂，可能得番一半人都唔定.....唔係嘛....希望我唔會啦
之後上marketing,都係lecture....我地搵左好耐都唔知o係邊
去到已經無哂位喇.....而哩個professer所講既同ＩＴ o個個一樣
下堂一定夠位喎......

4:30就上完lu~
有得番學真係好開心啊～起碼每日都知道自己要做ｄ乜
生活有規律ｄ，個人都安定ｄ
不過上堂係用全英文ｇａ.......我ｄ英文真係.....
所以好辛苦啊！！唯有俾心機ｄ啦
嗚嗚.......科科都要買書......破產>.<"

>>September 2, 2003 at 10:04:24 AM GMT+8

2003 年 8 月 27 日星期三【晴】

8月28日　　星期四

今日好開心呀！呵呵～因為阿姨黎左
嘩！真係好耐無見喇，我諗都有３－４年
哈哈.....佢地成家一齊黎香港玩，上次見榮榮同威威佢地仲好細
依家一個10歲一個12歲lu......好老呀我～
２個都係肥仔，威威同佢老豆成個餅印咁.....眼大大好cute
阿姨後生左靚左.....我仲發覺佢同媽咪好似樣，果然係兩姊妹
仲有表哥個囡囡子恩～勁得意呀....得３歲幾咋，成日都要人抱
佢地兩隻野一見到我房部電腦就發哂癲，爭住玩
都唔理我既......過份呀！！（話哂我都係表姐喎）
咁我就同子恩玩囉！佢真係cute到爆呀！！好鐘意佢
下晝我地10個人一齊落新星飲茶，好熱鬧啊^^
最衰佢地要番去爺爺o個邊食飯啦
所以６點幾就走左喇.....好在新屋下個月入伙
到時又可以番去同佢地玩喇^^

阿姨byebye~唔捨得你呀！！

8月29日　　星期五

今日係HTM Induction Day,要９點鐘番到Poly
我同Betty約左８點o係青衣呀.....好眼訓ｚｚｚ
今日分左３個Sessions
Session 1 係一個類似簡介會既野.....全英文
講o個個係我地個系最ｔｏｐ既～不過佢係韓國人
ｄ音好怪，又講得快喎.....人地已經好眼訓ｇａ啦！！
所以我無咩心機聽佢講囉～可況我都聽唔明！！

Session 2就分科去課室，有個Professer同我地講下學校ｄ野
整下班務,仲選埋class rep.感覺好似班主任咁
HD Catering有５１個人，分左２班....不過大部份堂都會一齊上
我就覺得同以前無咩分別喇～唔錯！！
入Camp o個時，佢地話成個Catering得一個男仔喎
假既，淨係今日都有５～６個啦，仲要全部都係HD ga
今日又識左幾個女仔，佢地都幾好丫

跟住就到Lunch喇，我同Betty去左舊can.
雖然佢地個個都話新can.好ｄ，提起舊can.仲有ｄ嫌棄咁
但我就鐘意舊can多ｄ喇～地方大ｄ，又無咁多人喎....好舒服呀

食完野都２點幾喇～就到Session 3
今次我地要去 "millennium"度身做制服
一套係廚房衫，一套係waitress衫.....
而"millennium"呢，其實係Poly入面一間專用黎俾Catering學生實習既餐廳
好靚ｇａ～咁就用左$900幾.....遲ｄ仲要買一套刀～
好Pro呀！！我地仲俾左$30入Dining Society.....張member card好靚GA
不過我都唔知入黎做乜

３點幾就走得lu.....本來係４點幾先放，我仲約左個friend 5點
諗住一齊行無印買下文具～依家早左咁多....又唔知去邊好
我走左入Library行.....o個度有幾層，好大ｇａ～
仲有好多電腦添呀！！我o係o個度上左一陣網
然後就開始周圍搵小說喇！搵左幾層都冇.....問人先知原來o係GROUND FLOOR
哈哈....我借左本亦舒啊^^

４點幾就起程去尖咀.....嗚嗚～我o係Poly蕩失路呀
兜左好耐都搵唔到個出口＞ˍ＜"
好在最尾都趕到.....遲左少少
去到無印.....都冇咩好買既，結果淨係買左一set營光筆咋
9月1就要上堂喇～我ｄ筆都唔知飛哂去邊
要快ｄ買番哂ｄ文具先得喇

講真丫～初初入左Catering真係好驚ga~
咩都唔知.....又唔識人喎
但入完CAMP同番左幾次學校之後，識到Ｄ朋友仔
又知左好多關於Catering既野～諗諗下
其實都冇咩好驚o者！煮野食都幾好玩呀
好在之前我揀左要讀咋^^我會努力GA.....

聽日就要開始番Partime喇～ｄ人我全部都唔識
但我唔驚lu.....仲有ｄ期待添呀！我諗一定好好玩
要俾心機ｄ做野^^

>>August 29, 2003 at 1:09:12 PM GMT+8

2003 年 8 月 23 日星期六【晴】

MY O CAMP
8月20日星期三

今日係去O camp既日子.....
一早就約Betty一齊番Poly
今次我地無搭火車,試下o係佐孰落車行過去~~
哦....原來我行過ga,F.7o個次去Poly Open Day我地成班同學都係咁行~
好懷念啊 ! !去到7仔...得幾個人黎左咋,其他人遲大到....又見多幾個新朋友仔
齊人之後去番上次o個度跳下舞同派營TEE....
跟住一齊出去食lunch同去百住掃貨
2點幾就上車出發~~佢地竟然包左架"城巴"喎~
入到去都3點幾lu....玩左一陣game就食dinner
7:30就成班人行去草地o個邊玩camp fire~跳左好耐舞呀! ! !
玩完之後熱到成身濕哂~~最後仲選左dancing king and queen~~
佢地又真係跳得幾好睇喎

跳完就即刻番去準備武器玩"水戰"
佢地用左好多膠袋同樽入滿哂水
哈哈...點知玩左一陣就俾營地o個d人"叉"....
梗係啦! ! !整到人地d地方濕哂,仲成地都係膠袋添呀! ! !
雖然只係玩左一陣....但我中左招呀! ! !成條褲濕哂! !仲要係牛喎(想死....)

沖完涼本來諗住訓ga....但佢地又過哂男仔房玩喎~~
我俾組爸拉左過去聽鬼故.....不過佢地似講笑話多d囉
結果攪到3點幾先有得訓....ZZZ支力死呀! ! !

8月21日星期四

今日都係玩下d Mass Game咁啦~有個遊戲叫"西瓜太郎"
每組有半個西瓜,組爸一手插落去將成舊肉整左出黎
要我地食哂佢 (好核突)
然後用個空左既西瓜笠落其中一個人既頭度,著住個尿片,
鬥快跑一個圈~~咁都俾佢地諗到.....(好殘忍呀! ! !)
7:30 Treasure Hunt我最驚既game終於黎喇...
基本上哩個係我地班freshmen齋俾d OC玩
佢地d遊戲超級變態.....但你無得唔玩....真係好過份ga
我地仲要猛咁話好玩,玩得好開心咁
真係好慘ga.....
1.有男女相間....用咀傳糖,(哩個都唔知玩左幾多次)
2.o即d唔同既野o係塊尿片度,個d製成品唔係似屎就係似嘔野
要我地食哂佢
3.一個人含住啖jolly sandy,然後噴落另一個人個口度,
噴到最後o個個要有一啖o係個口入面
4.打隻蛋o係個頭度,加埋d麵粉.....用黎gel頭
仲有好多好多變態野......好在我地o個組d男仔好好
可以頂既佢地都幫我地頂哂~~不過真係好核突....有人玩到嘔添呀
唉......雖然話玩o者,但咁樣會唔會過份左少少呢
好似俾$$人地玩自己咁..........

番到房個個都支力到死左.....但佢地話今晚係最後一晚~
所以想玩通頂唔訓喎....我好想訓ga~~但佢地個個都過哂去玩....
咁我唯有跟住啦! ! !玩到4點我頂唔住喇~拉左阿man陪我入房訓
我地訓到8點幾先醒呀....勁辛苦

8月22日星期五

今日係最後一日,我地要走喇 ! ! !yeah~
今朝我地分番自己個科聽下D YEAR 2講番關於CATERING既野
唔唔~聽佢講完又好似幾好玩咁! ! !我諗我會鐘意哩科既^^

經過一倫比賽,我地o個組由包尾變左第2喎~好野! !唔駛罰
食完飯~玩完大懲罰之後就走lu!
我終於明白點解組媽話輸左仲慘過食屎喇.......好慘啊~~

番到Poly,我地就寫番到自己組d人既感受
結果我o個張全部都係文靜,斯文同被動 (仲有好可愛)haha~~
其實我唔係咁ga.....我慢熱o者,識耐左我實嘈死你地
我有盡力去同人講野~~不過有d驚....
好在我o個組d人好好.....man man,阿晶,Edisi
無我想像中咁驚~識到咁多人,好開心^^

P.S. 哈哈.....d人好有明星相~有個組爸好似杜汶澤,有個勁似黃凱芹
仲有成奎安,黃力宏......

>>August 24, 2003 at 5:40:39 AM GMT+8

2003 年 8 月 17 日星期日【晴】

今日因為要買去camp d野~所以好早就同小芳出左去
本來諗住去唱k ga!我地都係遲左少少o者
Greenbox 同Neway都full哂~駛唔駛咁誇呀?! o個時先11點幾
佢話要一點先有,咁我地唯有行住先啦
行左一陣就買左好多野喇~
最後我地決定唔唱~去左飲茶.....o個間野o係街市o個邊
我地都未去過~好似有d怪......
o個度有個貌似「大口青」既阿叔部長~好惡ga佢.....唔知係咪小芳得罪左佢
佢成日o係我地身邊徘徊,仲要係充滿殺氣o個隻
不過d野幾好食~呵呵.....
之後我地去左吉之島行~我見到件tee好靚ga~不過無size囉,鬼咁大件.....>.<
不過o係o個度有重大發現呀! ! !我見到CHIP N' DALE電話繩扭蛋機
想要好耐喇~YEAH ! !終於俾我搵到~我同小芳一人扭左2個
我抽到南瓜同蛋糕,小芳抽到粟米同布甸~CUTE爆呀! ! !
之後又番去新之城o個邊~睇下d tee....不過都睇唔o岩....>.<"

番到屋企即刻坐o係電視前面....等等等
9:30 yeah! ! ! 《美麗在望》嘩~祖兒個豬look真係掂到爆
我同阿爸阿媽笑到碌地~~好正呀! ! !好睇好睇好睇! ! !
其實套戲入面講得好o岩「個樣唔靚唔緊要,最緊要個心靚嘛」
係呀~幾醜既人都會有人鐘意,心地好咪得囉 ! !
淨係識得睇外表,太過敷淺喇 ! !可惜講就易,又有幾多人可以做到??
「應該用心去感受的,為可總想用眼睛去看」
好開心呀~最衰星期三要入camp啦~又無得睇喇! ! ! >.<"

我覺得《Honey!》比起依家o個首更適合做theme song喎~
你地聽下啦~~好好聽ga! ! !

很普通　但望落內容其實不普通
即使間相信美色有用
妝可以化得更濃　可惜我已經夠用
不必靠美色　但自備另類自信

我要紅　能昂然做著自己
我也會紅　平凡人擅用自己的天聰
想得通　捉得準　都很吸引
我信　迷人在這種自信

＊我信我　天生就是眾蜜糖
　外貌普通　卻有人暈了浪
　你叫我　扭扭擰擰不在行
　但是可親性格　教你心安

　我信我　根本就是樽蜜糖
　別具幽香　叫你魂遊魄蕩
　我欠缺包裝　蜜運一樣忙
　魅力出於性格　有趣清爽＊

好東西　大部分造型還是醜東西
假使佳風格氣質有齊
都總會有種美麗　都總會有班戲迷
都總會有種　賣座力並沒代替

我有齊　談情時上述特徵
我也有齊　誰人還著重外表
挑剔的　膚淺的　都即將傷心一世
送我　離場是一種浪費

誰及我　內涵這麼耐看

我信我　天生就是大眾蜜糖
男孩們爭風呷醋　引起碰撞
你叫我　扭扭擰擰不在行
無邪天真　也會教你口乾

你信你　天生亦是大眾蜜糖
平平凡　都可到處引風惹浪
你也會　天天蜜運這樣忙
情人一呼百應　似我這盛況

>>August 18, 2003 at 3:43:39 PM GMT+8

2003 年 8 月 16 日星期六【晴】

哩兩日好得閒呀~終於唔駛出去,可以留o係屋企
不過好無聊.....坐o係度對住部電腦咩都唔做,好快就過左一日
咁樣好似好浪費,不過我諗開左學之後想咁樣hea都幾難喇~
就快要入camp....有好多野要買
本來諗住今日出去ga~~但我懶囉....見個天又陰陰沉沉咁
所以咪唔去囉~聽日先算

尋晚無野做,拎左學校派o個本"新生誌"出黎睇
嘩 !真係好多野睇喎....原來Poly既宿舍係8間U入面最貴ga
住2個sem要$11600幾......咁我即係唔駛諗啦
聽d year 2講，入面好靚ｇａ～有ｋ房同泳池....club house咁
不過就唔係學校入面....就咁望都覺得好遠呀
佢地話要行１５～２０分鐘先到
組爸話佢都係儲左成年＄＄先可以住.....(我就無咩興趣喇)

有一part係講Poly入面有咩食～嘩！！超勁呀
有好多！中西日意......同埋好平囉^^開心

尋日download左兩首歌
"兩個人的幸運" "假如愛有天意"
２首都係電影Theme Song~尤其鐘意"兩個人的幸運"
ｄ詞寫得幾好～好fit "向左走向右走"
琪琪唱得好有感情 (感動.....)

好想睇"大逃殺２"呀！！

>>August 17, 2003 at 12:00:13 PM GMT+8