Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2003 年 9 月 29 日星期一【晴】

9月28日星期日

今日番9:00,好早啊~不過有小芳陪我....無所謂啦^^
由於我唔識早餐d野,所以出到去都唔知做咩.......
好在早餐好簡單,好快就學識lu~
其實今日我要番9個鐘,6點先放工,而小芳就放3點
我地梗係想一齊走啦...所以一到3點,我地2個就迫阿輝收工
咁小芳就可以留低喇~結果梗係奸計得逞啦! ! !
但係到6點佢都未放我地食野>.<"好支力~~
(阿品都好廢喎! !除左大ball ball....你仲識d咩呀?!.....死淫品)
結果攪到6:15先有得take break! !不過都幾好丫
我地做左咁耐,都係第一次一齊take break咋! !開心
6:50收工大吉~
陪小芳去葵芳買鞋....好耐無去過o個度喇
每次去感覺只有一個,就係好懷念,以前中學d野湧番哂出黎! !
唔知係咪太耐無去呢~好似變左好多咁既......
番到屋企已經9點幾喇! !
我份marketing依然係原封不動.....好支力啊~
走左去訓.....都係聽日先算啦! !zzZ

9月29日星期一

今日本來番10:30,上IT,不過今個星期係study week~唔駛上堂
只係番去practice~而我份功課未郁過,所以無番去
諗住淨係番2:30 marketing lecture
成朝o係度趕功課...到左中午,諗起有d重要野要做
於是同潔雯子出左去,至於o個堂lecture呢.........哈哈~
我地入左一間舖度,咦?!竟然播緊祖兒隻碟喎~
我即刻問個老闆o係邊度買啦~佢話"出左好耐啦,$35,正版黎ga! !"
嘩! !玩野咩~人地隻碟聽日先出呀...仲要35蚊喎,擺明就係老翻啦! ! 一_一"

其實我地都唔係行左好耐o者,但2個人都支力到散哂咁~
好辛苦啊......未老先衰?!
完成任務,番到屋企已經7點幾喇~
雖然支力到嘔,但份marketing唔可以再拖喇! !
好努力咁坐低做到11點幾~嘩! !想死呀~我d英文差到爆
完全攪佢唔掂囉........>.<"盡哂力ga喇.....睇完篇野希望我o個組d人唔好怪我啦! !
做完marketing,仲有food production 同英文.....救命呀! ! !

9月30日星期二

今日番2:30,但唔知點解訓唔著,8點就起左身
繼續做埋尋晚未做完既功課....
仲有時間睇埋"戀上你的床",咦~都唔錯喎
番到去見到d同學,佢地個個都話我掛住行街唔番學~
做咩喎.....我有特別任務ga! !haha....我好乖ga~以後都唔會隨便走堂ga喇
放左學即刻行過旺角,祖兒今日出碟呀! !^^
買到喇~開心.....好好聽啊~

>>September 30, 2003 at 12:07:29 PM GMT+8

2003 年 9 月 26 日星期五【晴】

又到辛苦既星期五......因為要番8:30
發覺哩排支力到死,上堂成日釣魚~mid-term迫近....唔掂! !
唔可以再咁落去,所以今朝飲左杯無糖既齋啡......果然掂.....
奇蹟地上tourism無訓著! !不過個腦都係load得唔夠快~所以做唔到note-taking
Billie宣佈~10/10有mid-term test......唉! ! !又多一個! ! !查實上左4個week,
我連佢有幾份notes都唔知,睇怕GPA過唔過到2都成問題......
跟住就係Food prod lecture,Tony照例將份notes由頭到尾讀一次~
有幾多人聽緊呢??佢d音正到無倫~"Digest" haha.....so funny! ! !
過左個break之後,走左無10個都有8個喇~可憐! ! !
lunch break同Winnie去左lib記做功課同睇書.......好勤力呀~佢! !
終於睇完"玫瑰的故事"喇~正! ! !
到英文堂,睇Mr.Hunt個video,成班笑到扒哂地~佢d表情浮誇到極點......hehe

捱完成日,夜晚約左潔雯子,may choi佢地食飯~
講真我好支力,初頭真係有d唔想去,但諗諗下都係想見下佢地
出發去荃灣~人妖唔知做咩唔出聲......開始覺得佢有d難捉摸
唔敢同佢講野...或者佢已經唔係以前o個個人妖喇~
may choi留左長頭髮~唔錯! ! !靚啊~
光仔一樣咁白痴.....哈哈~雖然無咩講野~
但同佢地一齊就會開心起來~^^~感覺好好! !
呵呵~買左cosmo girl呀! !cover girl祖兒,仲有本靚靚既簿! ! !

救命...哩排開會開到暈,marketing星期一要交貸.....仲有排山倒海既test.....>.<"
唔想帶住個殘樣見人,但又有咩辦法?!

>>September 26, 2003 at 5:19:11 PM GMT+8

2003 年 9 月 23 日星期二【晴】

9月21日星期一

今日番10:30~4:30.....上IT堂好好玩呀~又學識好多關於Word既野
真係好神奇呀...lunch之後3個鐘lecture
釣魚釣左3個鐘...無辦法啦~好支力嘛! ! !
上完即刻趕過奧運~我要番工啊......
入到crew room~嘩! !好多人呀! ! !因為今日係mini concert既第一日
佢地番哂去集合.....真係難得
今晚同平時一樣~拍烏蠅.......都唔駛做d咩就已經過左4個鐘
9:30收工lu~~

死啦.....10月開始有TEST喇~IT同Marketing都有~但我咩都唔識
點算呀?! >.<"

9月22日星期二

今日番2:30~3:30,英文堂又有discussion......想死
好在得1 個鐘咋! ! !
放左學有特備節目,哈哈.....今晚到我去concert喇~
5:15番到去,同小芳,滑o都o都,檸檬佢地一齊去
佢地俾左件黑色tee叫我地剪......阿品勁變態
露點露背.......想嘔一_一"阿雀彈跳力十足~(好驚.....)
7:00去到會展~嘩! ! !超多人~犀利! ! !
攪左一倫~特別嘉賓出場...一個講廣東話既麥當勞叔叔一_一"
之後就到祖兒喇~佢整左個薯條頭呀~cute爆! ! !
原來新o個首麥記cm theme song祖兒有份唱ga~佢rap得好勁呀! !正~
今晚有好多嘉賓~e-kid,eo2,sisi,Tiffany,BoBo,范逸臣,仲有Eason呀～
原來佢以前都做過麥記ga~仲著左件麥記制服出黎添呀.....型爆
佢唱歌真係好掂！！
好開心好High~10:30完左～成班同事一齊搭地鐵番屋企︿︿
番到青衣同小芳過左長發食宵夜，腸粉好好食！！
今日真係好開心啊^^

9月24日　　星期三

今日DAYOFF~但要番工.....ha !可以同小芳一齊番
小芳病得好犀利啊～把聲沙哂.......傻婆
咁仲番工～見到都戥佢辛苦呀！！
番左８個鐘，但一ｄ都唔覺得支力.....好開心！

我唔係姓"譚"ga! !ok?!

>>September 24, 2003 at 4:41:31 PM GMT+8

2003 年 9 月 23 日星期二【晴】

哩幾日都好忙...無時間寫日記~等我補番先.......

9月20日星期六

要番poly上preparation course,今日上food production先
我8:00番到去,換左套廚師衫~好pro呀! ! !
換完之後拎住好多野,諗住戴帽o個時......嗚嗚~我個帽跌左落廁所
好在個廁所唔係有料咋....唔係就....一_一"
但係濕哂囉~咁唯有問Betty借住先~thank you....
換好衫就入房聽野,教打領巾~哈哈...我學極都唔識呀~
最後都係靠Winnie幫我攪掂
之後就分2組入廚房整野食~我跟Peter...佢好得意好好人ga! !
我地既任務就係負責整lunch and dinner俾今日黎上堂既同學仔and professor食
lunch既野全部都係生既~唔駛煮
主要係salad,麵包同煙肉......講真唔係好得
此終生野都唔係咁好食,而且佢係buffet形式
我地整野整遲左,d好好味既包包俾人掃哂,得番d睇到都唔想食既salad......
你有冇見話人地生食西蘭花同椰菜花先???我地個個都食唔飽囉~慘
食完之後又番廚房準備dinner.....
我學識起雞脾骨呀~叻唔叻呢??
晚餐就豐富得多喇.....有釀雞脾啦,salad,麵包,煙肉,仲有果撻添呀~
全部都係我地整ga~唔錯丫^^今餐食得好飽~
食完就番去執廚房......跟住放學lu~
今日係8:30~7:30,好支力呀! ! !不過真係好好玩~
原來煮野食一d都唔簡單.....學到好多野啊^^

跟住就周圍問人借恤衫同西褲,仲買左對絲襪添呀! ! !

9月21日星期日

今日都係番8:30,上food service,唔駛入廚房lu
做waitess呀~著得好斯文,白恤衫,黑裙同絲襪,仲有對好靚靚既鞋
10年難得一見....加埋件lab coat~好pro呀! ! !
個professor都係叫Peter,可能好多日都無放過假同唔夠訓
真係支力到嘔......個professor問左我好多次 "你係咪好支力呀?!"(不滿地)
車...咁人地真係好辛苦好眼訓嘛......做咩喎~~
今日真係學左好多野~擺刀叉,摺餐巾,捧野,點樣次過收勁多野,仲有開酒
好多好多~雖然個PROFESSOR串串地,不過佢真係好PRO既~
而lunch同dinner既menu同尋日一模一樣
不過唔知點解今日d野好似好食d同靚好多咁既......哈哈~可能因為唔同人整啦~
食完野就要開始執碟,好重呀! ! !7:00放學~
講真之前真係好唔想番......成11個鐘喎...仲要係星期六日添~~
好支力呀~不過哩2日真係學到好多野囉! !開心^^

>>September 24, 2003 at 4:39:55 PM GMT+8

2003 年 9 月 16 日星期二【晴】

今朝同小芳過左碼頭o個邊食早餐
佢送左隻生日BEAR俾我呀
嘩! !開心啊~^^不過隻BEAR成身都係棒球~
手仔同腳仔就係白色既...好怪一_一"
雖然佢咁騎呢~但我一定會好錫佢GA~整個衫仔俾佢著先

食完就要番工lu~今日都幾好呀.....好清閒~有2個新既男仔黎左
咁我同小芳就要back住佢地,跟一跟...哈哈~其實我地都係新人黎ga~
有個男仔真係有d....激到個個經理青筋爆現
佢梗係俾人剷到飛起...好殘忍呀! !
我將成杯新地飛左落阿恩隻腳
佢竟然笑住話唔緊要~我諗佢梗係俾人激到傻左.....

番到屋企攪埋grant loan form,又要摷sars d野~好在潔雯子幫我咋
如果唔係有排搵~~thank you^^

小芳放左學拎左本milk上黎.....係祖兒做封面ga! ! !開心^^
你真係好好呀~上天一定會保祐你同o都o都ga~仲有品品! !
你地"三角圓舞"呀! ! !haha.........

>>September 19, 2003 at 9:18:15 AM GMT+8

2003 年 9 月 15 日星期一【雨】

今日要傾marketing project，12:00番到poly
我地決定左做纖體中心～整個marketing plan出黎
我今日唔記得做英文功課呀！唯有一路傾一路做啦
所以唔係好留心.....好衰啊！！
傾完之後去報學會，我報左天文學會呀
仲記得pre-camp o個日我同Betty都話想報
今日我地２個真係報左喇～有得睇星星都幾好丫
不過我想報漫畫同文學舍多ｄ，可以免費睇好多書喎＾＾唔錯
唉.....哩幾晚都訓得唔好呀！好支力......
番學個時撞到小芳．佢話個mini concert 22號o個日有祖兒
但to姐編左我23號呀一＿一"唔制呀! ! !

今晚同潔雯子去左荃灣食飯~佢送左件T俾我.....上面有我畫o個d低b畫ga~
好靚好cute~haha.......我地食完野行左一陣
雖然無買到野~不過好開心啊...我好耐無行過街喇^^
行完一齊搭車去潔雯子屋企,佢拎左1~20集"美麗在望"俾我呀!!!yeah~~
跟住又行左過長發食宵夜~好飽啊......肥死.....

今日本來唔係咁開心,放左學好唔想番屋企
所以留左o係學校hea...哈~潔雯子又打黎叫我陪佢行街街喎
出去行下,心情真係好好多^^開心啊~多謝你啊

"人生有個真正朋友的確好極"~

>>September 17, 2003 at 4:12:53 PM GMT+8

2003 年 9 月 13 日星期六【暴雨】

grant-loan份form真係煩死人~
尋晚攪左成晚都唔掂......爆炸喇我! ! !
聽日要交喇~點算呢???
仲有份IT功課....我上堂部電腦係英文,番到屋但變哂中文
我真係搵唔番D Button呀>.<"煩死呀! ! !

今日要番工.....阿品又morning call我喇~連續3日.....想點呀?!
真係咁掛住我......一_一"
12:00~8:00呀~我又試"卙"牛屎雪糕喇...
衰左~個雪糕成個跌左落d朱古力漿度
失敗........俾to姐笑添~今日都好玩丫....
不過我仲係唔係好認得廚房d男仔囉
佢地個個都一樣樣既.....成日玩我>.<"
唔好叫我大學生啦~我都唔係
都唔知邊個話我係.......攪到個個都咁叫我
可惡呀! ! !

>>September 19, 2003 at 9:20:53 AM GMT+8

2003 年 9 月 10 日星期三【晴】

中秋節

今日係中秋節,不過要番學.....尋日番左8個鐘partime
今朝起身支力到死,好在番12:30,唔駛早起
上Food Production~哈哈...整雲吞,我地可以自己落手整呀~
原來Betty係包雲吞高手黎ga.....都幾好食丫,好好玩^^
Tourism就係group discussion,今日多左個新同學
佢星期一先收到學校通知話有位,所以佢無左week 1
其實佢a level成績仲好過我,都唔知點解會no offer既.....
諗諗下我都算好彩^^
2:30放學,妹子入poly搵我,佢話想睇下o個度係點喎
我地去左舊can食tea~開心.....之後就一齊番青衣買月餅

唉......本來今晚可以去屯門訓ga~不過聽日要番工,無得去喇~
睇完"美麗在望"之後,同光仔,妙,潔雯子出去睇"向左走向右走"
哈哈.....因為就我,所以睇11:30,仲以為今日實買唔飛添~
好在光仔特登早去買咋^^
好好睇~好感動同攪笑.....首theme song真係好match d情節呀~
哈哈...但係有人睇完既然話好眼訓囉一_一"

跟住過左長發食宵夜~o係海傍傾偈......好眼訓啊~
我不停o係度諗有咩籍口可以唔駛番工
因為真係好支力呀~~唔係番工就番學....吃不消.....
傾下傾下......6:00喇
番到屋企即訓.....8:00阿品打黎問我可唔可番早d
下.....我話我o岩o岩先訓咋,仲諗住今日唔番
佢即刻話,你就想喇,1點見你.....
shit! ! !咁即係一定要番啦,番到去我狂take錯order
俾人剷>.<"好在後尾可以同小芳一齊做
佢take我back佢,勁呀! !我地好合拍ga~~有效率!!
佢本來放3點,攪攪下變左6:00,我放7:00
佢有企圖地等埋我一齊走,想我陪佢買鞋
無錯! !佢又買喇~奢侈到爆......今次係coverse~
睇怕佢d nike都要長眠喇~有個咁花心既主人好可憐啊~~

今日係"美麗在望"大結局~好期待但又唔捨得
好好睇啊~感動.......卒卒byebye~

就係咁今年中秋又過左lu~4個人睇左套好好睇既戲
傾左好耐偈....收左個老套到爆既月餅....
唔再好似以前咁,一大班人唔知做咩咁hea左一晚
其他人已經識到自己既朋友,今個中秋唔再出現
唔知下年中秋會唔會再見到佢地呢....
又到幾時連今日見到既都唔再出現..........

>>September 13, 2003 at 4:03:25 PM GMT+8

2003 年 9 月 8 日星期一【晴】

9月8日

今日10:30上IT,阿SIR教我地用keyboard去代替mouse
好得意啊~原來好多野唔用mouse都做到ga! ! !
我諗如果唔係佢教我,我哩世都唔會識~~^^
12:30lunch~因為要印note,攪到得番半個鐘食野~4周圍都爆哂一_一"
最後食幾塊cookies就算....都幾好食喎~
好不容易捱到4:30放學,拎住o個本有800幾頁既textbook,
飛奔去佐敦,好支力呀! ! !
無辦法啦!今日要番partime呀~5:30......趕到隻狗咁
最後遲左15mins....哈哈~
去到o個時真係支力到成個人散哂~好在夜晚好靜,無人咁滯
都係企o係度等收到o者! Esther問我想唔想做公關~
佢俾左家庭大使d野我番去睇.....話我可以考喎! !yeah~好野! !
公開套衫好靚ga! !開心^^
10:00收工喇......不過無得睇"美麗在望"喇 >.<
今日好支力但好開心~

9月9日

今朝同o都嫂過碼頭o個邊食早餐,呵呵~最好味既toast
約左Betty12:15,食完仲有一個鐘,因為停電所以無番屋企
o係青衣城行~嘩! !o個間賣日式和果子既舖頭真係好靚啊~
跟住就番學lu....其實今日2點半先有堂,不過要傾英文project d野
所以1:00就番到去,我地決定做"the problem of disease outbreaks in HK for local HTM industries"
一個關於"沙士"既topic....group discussion呀! ! !好大穫.......
2:30上英文,今堂都有group discussion呀~~4個人一個group
講下U同secondary既分別,我有講野ga...正在努力刻復對oral既恐懼! ! !
3:30放學lu~今日好悠閒啊! !

>>September 9, 2003 at 12:06:01 PM GMT+8

2003 年 9 月 6 日星期六【暴雨】

今日要番工啊~有d不安,因為我仲未學哂d野
驚做錯野俾人鬧......小芳又唔番,12:00同妹子d時間差唔多
所以可以一齊番工,有佢陪我搭車,傾下偈,提下我點做
好似無咁驚喇! ! !
番到去,今日都係同平時差唔多,無乜人.....終於學識點打draw喇^^
見到好多之前未見過既同事,多數都係男仔....佢地都幾好人丫~
(小芳口中既檸檬終於出現喇~可惜滑o都o都無番啦! !得番漢堡神偷咋! !)
6:15pm總算無驚無險咁做完6個鐘.....Yeah! ! !收工喇^^
其實做野都幾開心丫~可以搵多d蚊蚊,又唔駛o係屋企悶
依家放左學或者dayoff既日子都會番工
生活好似好充實咁.....唔駛成日o係屋企坐,食,訓.....好好啊! ! !
o係間舖望出去,個天陰陰沉沉咁.....斷斷續續咁落住雨~
感覺好好呀! 哩D天氣好舒服

《亂世佳人》

陶瓷上的睡蓮　提琴下的纏綿
和奇勒基寶接吻　至夠經典
原來又幾十年　情迷舊片　顛倒我媽媽的童年
怎麼我都　被劇情逐秒感染

古老得很性感　妝太舊卻動人
亂世裡擁抱更深
然而就算我夠專一　不夠狠
縱使他跟我很合襯　但我於昨日未誕生

想跟偶像談戀愛　要為萬人迷喝采
可惜我這個世代　很懂吻別很快放開
當天壯烈原來不再　只因我只愛墮入愛海
誰人都可以愛　男孩亦只喜歡接力賽
無論是苦是甜　懷舊亦很自然
和奇勒基寶接吻　才算畫面

情迷木村不變　原來亦想　分享我媽媽的童年
這種美感　五十年沒有改變
古老得很性感　妝太舊卻動人
亂世裡擁抱更深
然而就算我夠專一　不夠狠
縱使他跟我很合襯　但我於昨日未誕生

想跟偶像談戀愛　要為萬人迷喝采
可惜我這個世代　很懂吻別很快放開
誰人都可以愛　男孩亦只喜歡接力賽

想跟偶像談戀愛　要為萬人迷喝采
可惜我這個世代　很懂吻別很快放開
當天壯烈原來不再　只因我只愛墮入愛海
誰人都可以愛　男孩亦只喜歡接力賽

無緣和最喜愛一吻　有幸　有不幸
也許從沒認識當天這撮人　便覺得很吸引

〝Evolution〞內值得一聽再聽的歌~

>>September 7, 2003 at 1:17:56 PM GMT+8