Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2003 年 8 月 14 日星期四【晴】

今日一早就番左Poly,去pre camp嘛~
之前好驚,因為得我自己一個,無人陪我入黎....
去到library門口,雖然我早到左~但已經有好多人黎左lu
初時見到d人~~只係你眼望我眼.....
好在望左一陣~有個叫BETTY既女仔同我講野
呵呵.....原來佢都係讀CATERING GA~
^^之後又識左TOAST
我地今日都係o係出面玩~好熱呀! ! !不過都ok丫~
識到幾多人......我o個組d人幾好~~
不過都係同Betty熟d~有佢陪住我就唔驚lu
上晝都係玩d認人既遊戲....玩到12點幾就成組人一齊去飲茶
嘩~原來Poly有好多野食ga! !飯堂都有幾個

下晝就番去改組名,整組牌同諗下口號咁....不過好似有d 3級喎一_一"
攪掂哂就學跳營舞.......
雖然我唔識~亂咁黎,但都幾好玩呀! ! !
跟住惡夢就開始喇......"野外定向"
講真Poly話大唔大....但唔算細囉! ! !跑黎跑去
仲要成日去錯D CHECK POINT......不停咁兜
跑左2個我已經接近斷氣>.<" 但有8個喎
暈低咁滯...........最後我地包尾....組媽話依家包尾事少
如果入到CAMP包尾....我地既下場會比食屎更慘......唔係嘛 (心寒.....)
佢地話入CAMP玩D野一定勁過依家好多 (HELP! ! !)
仲話咩男女同房喎,唔好同我講笑喇.......(嚴重後悔)
玩完都成6點喇~講左一陣野就散LU~

走既時候撞到組爸~同佢傾TAKE GE既野~
佢話今個SEM take會好d.....今晚上網睇左
嘩.....真係有70科喎......d科好似好得意咁,不過我淨係要take 1科
所以要小心d揀~~
我想讀APPRECIATION OF THE FOUR GREAT CLASSICAL CHI NOVELS
同文學有關~~o岩哂我啦.....不過滿左喇 ! ! >.<"
咁唯有等下個sem再take啦! ! !

哈哈...原來Betty個time table同我一樣ga! ! !好野~以後可以一齊上堂lu (開心啊^^)

就黎要入camp喇 ! 驚.........唔要鹹野,唔要粗口,唔要俾人玩啊 ! ! !

>>August 15, 2003 at 4:25:55 PM GMT+8

2003 年 8 月 13 日星期三【晴】

今日同小芳去左城門谷游水啊~好多年無去過喇
對上o個次好似係5~6歲時既事.......所以我一d都唔識ga
而小芳都係游左幾次,識少少
買完浮板同埋包包之後,我地就出發喇
去到已經有好多人喇 ! !由於我地唔係好識~同埋我好驚
所以初初只係o係池邊浮下浮下.....無幾耐,我鬆手拉住池邊
有個人o係我身邊游過....我企唔穩......
嘩~浸親呀! ! !好辛苦,我想企又企唔到
好在小芳拉番我上黎......飲左幾啖水~~嚇死我呀
之後好驚呀.....死扯住池邊唔放~小芳就自己用個浮板游左出去
游游下佢竟然唔見左泳衣條帶......搵左好耐都搵唔到
後來佢拉埋我一齊出去搵~我地就手拖手咁o係個池度兜圈
初頭都驚驚地ga.....行左一陣又無咁驚喇
呵呵~~過左一陣我就識用個浮板游喇~~yeah ! !
我地游到6點就走lu...好好玩呀（開心）
不過泳池ｄ水真係好污糟ｇａ....
明明係淡水～但係鹹既....我成日都浸親～飲左好多啖呀
一ˍ一"想死！！

P.S.小芳,希望你同妹妹快Ｄ無事啦！
唔好成日拎人Ｄ野用先得ＧＡ！！

>>August 14, 2003 at 4:08:14 AM GMT+8

2003 年 8 月 11 日星期一【晴】

今朝一早就入Poly交deferred payment既form
聽d同學仔講話搭41A好方便~所以就搭巴士去
點知部巴士無冷氣......仲要鬼咁慢....坐左個幾鐘先到
我同小芳本來已經好支力....再加埋架極品巴士......熱死左X_X"
想暈咁滯.....哈哈~小芳難為你喇

哦~原來41A o係Poly門口落ga~~又真係幾好喎(如果有冷氣既話)
不過我地落唔切呀~所以去到總站先落.......又要行番轉頭(想死>.<)

入到去個Copy Room竟然拆左~我漏印左幾張
所以開始周圍搵影印機.....好在最後都俾我搵到
攪掂哂就去交,結果係..........

之後就同小芳o係Poly canteen食lunch....d野好平好好食啊~~^^
食完我地就起程去奧海城見工
結果就梗係得左啦^^有人幫手果然唔同d既
雖然唔算得係咩好工~不過有好過無啦
但如果要番夜咁就無得睇〝美麗在望〞喇 >.<"
希望快d搵到補習,咁就唔駛咁辛苦啦！！

番到屋企無聊拎左今日買既英文TEXTBOOK黎睇
我見到好多好多Group discussion.....(我既死穴....心寒一ˍ一")
我仲以為過左A-LEVEL就可以擺脫我最討厭既oral添....
睇黎英文堂應該係以discussion為主.....死喇
嗚嗚........點算呀？！

今日睇左小強既日記～知道佢媽媽對佢讀書既野有ｄ微言
我有D唔開心，小強考得咁好咁俾心機....但佢媽媽都好似唔明咁
雖然有時爸爸都會咁對我.....但至少我有媽咪支持
唔唔.....雖然我對個新環境有好多憂慮，不過比起佢我幸福得多
所以我今年要努力ｄ搵＄＄同讀書～
仲要改埋ｄ畏首畏尾既性格！！小強你都要努力呀！！加油^^

>>August 12, 2003 at 11:27:52 AM GMT+8

2003 年 8 月 9 日星期六【晴】

哩幾日都冇寫日記~好忙又好亂....
依家都差唔多攪好lu.....

8月5日　星期二

呵呵,今日約左小芳打羽毛波....
唔知係咪太耐無做運動呢.....打左一陣就好支力喇....一_一"
打完之後我地就上左觀眾席坐
小芳o係度食綠豆粥 (我媽咪整ga~勁好食)
走之前book左聽日壁球場~
跟住落左library借左本搾果汁既書
不過d果汁既配搭好似有d怪怪地咁....

聽日就放榜.....好緊張~妹子放左工之後就出左去搵班friend
呵呵~yeah ! !可以玩電腦
因為聽日都係會考放榜.....所以電台有好多野聽~
我一路聽一路玩~成4點幾先訓啊

8月6日　　星期三

終於到今日喇.....6點幾就起左身......緊張
7點幾妹子番左黎等睇result
8點.....入到去喇! ! !嘩~~一望就見到個A! ! !
勁呀! ! !ARTS A左~ 望上D 英文......FAIL一_一"
計計埋埋都有12分.....算係咁啦!!佢都冇讀過書
佢似乎幾滿意~~

9點喇! ! !到我~~入唔到LOAD得好慢
好緊張好緊張.......等左一陣....HD CATERING MGT.
........估中左,真係俾人掟左入HD >.<"
其實之前諗好左如果唔係degree就唔讀~~
不過我d同學他話哩科好好~~~好難入
媽咪又話無所謂....所以我開始猶豫
由於聽日就要去reg. 我只得一晚時間考慮....

2:00 約左小芳出去打壁球....我第一次打咋
好好玩! ! ! 倦........

8月7日　　星期四

我仲猶豫讀定唔讀.....一早就同媽咪去左銀行
攪reg.fee~~整完之後,小芳陪我去poly
入到去~~我就覺得自己好鐘意....想讀呀
今日去原來只係拎offer letter同學費單
聽日先要reg.攪掂之後,就入左canteen食野
d野又幾平喎....開心~~
食完就出發去莊啟程....我地搭火車去旺角
但完全唔知點去...走埋票務處問人
個哥哥好好人ga~佢拎本街道圖出黎係咁揭
睇左好耐.....佢叫我地搭的士去
哈哈~~佢以為我地係F.5....問我地點解咁遲先去
又唔準備好~~佢真係幾好人
咁我地就去左打的...好快就到喇
入到去攪左一倫.....小芳仲係糾纏o係文學同account之間
最後經過個阿sir既開道~佢都係決定讀番account

8月8日　　星期五

今朝一早起身入poly reg.
攪左個幾鐘....整好哂學生證,報左個camp
拎左一大袋野番屋企.....

小芳落左黎陪我~~我地食下野,傾下偈
潔雯子打黎話去人妖屋企打邊爐
我地6點幾去到~佢地已經買好哂野,o係度打麻雀
我同潔雯子就睇"o歷咕o歷咕"~~好攪笑呀! ! !
睇左一陣我地就入廚房幫手~~我同潔雯子雞手鴨腳
may choi 就一個熟手煮婦摸樣....三兩下就攪掂哂d野
勁呀! ! !

今晚有波睇....佢地好投入,睇到鬼咁興奮
我就覺得有dd悶....我唔識嘛
好在睇完之後有"律政新人王"睇~~佢地勁o係度話譚玉英d戲
哈哈...咁又係幾難頂既.....
人妖拎左我地F.7張畢業相出黎睇! ! !
佢地勁離譜囉~~已經唔記得d同學仔d名
睇完電視我地玩uno~~哈哈...佢地勁無賴呀
係唔係都罰人要牌.....
玩到12點幾就搭車走lu~~
今晚真係好開心啊! ! !

我覺得不羈同人妖都變左
不羈由以前唔出聲變到依家成日開口串人
雖然係咁都總好過唔講野啦～︿︿有時佢都幾攪笑
人妖依家就好識照顧人～同以前好唔同
由一個邪惡既人妖變做一個善良既人妖！
Yeah！！人妖萬歲！！

8月9日　　　星期六

今日潔雯子黎我屋企幫我攪學校ｄ野
所以我要一早起身執房....嘩！間房真係亂到爆
執左成２個幾鐘....一ˍ一"

因為佢幫我再加埋小強個Friend既指導～好快就攪掂
原來連Time Table都出埋喇～我星期三DAYOFF! !好野

整完野，我地就出左荃灣行街同食飯
都冇咩野行既～食完野就走ｌｕ
趕住番去睇新秀....有祖兒呀！！

>>August 10, 2003 at 5:19:57 AM GMT+8

2003 年 8 月 3 日星期日【晴】

　今日出左荃灣～終於拎到回鄉卡喇...(個樣有ｄ衰)
之後去左"摩登粥舖"食lunch....媽咪心情好似好番ｄ
不過我都係唔係幾放心.....唯有o係屋企陪下佢囉
反正我都唔鍾意出街既～無所謂
之後去左街市o個邊陪佢買野煮飯
呵呵....買左個好好味既紫菜餅呀YUMMY! !
因為我要去葵芳還vcd,所以行左一陣就分道揚鑣喇
去到葵芳周圍行......行左一陣就搭車去青衣圖書館～
我約左小芳一齊去book場同借書
我借到３本～yeah !!終於借到雲雲推介o個本《與天使同眠》喇～
不過搵唔到教搾果汁既書啊＞﹏＜"
我地BOOK左聽日打....Yeah! !
之後去左食Tea~~幾好食呀！開心

番到屋企即開ｅ貓睇IVE result.....
Shit !!!! no offer (沉重打擊...一ˍ一")
連IVE都唔要我～咁Jupas o個度睇怕都.....
唔通我真係咁差?!worry....worry....so worry.....
可能我揀得太高啦.....

夜晚睇電視～～yeah! !祖兒個廣告呀！！！
《美麗在望》就快有得睇喇～正！！
好期待好期待好期待..........呵呵
睇完電視就拎今日借既書出黎睇～好似未夠１２點就訓左LU
so tired......

>>August 5, 2003 at 5:42:01 AM GMT+8

2003 年 7 月 31 日星期四【晴】

　我最鐘意既7月又過左喇～８月我要積極ｄ努力ｄ
仲有幾日就放榜.....坦白說好耐之前我已經開始擔心
星期三的結果就決定了日後的路，很嚴重呢！！
我好想好想繼續讀下去....但這個模稜兩可的成績
就像會考那次～很邊緣啊！！我也不敢期望太多

今晚同潔雯子去書展,雖然我好鐘意睇書
不過今年係我第一年去書展咋！！
好多人呀～又封路喎.....我地兜左好耐先入到去
哈哈...真係有好多唔同類既書買喎....開心
不過我都冇咩收穫，因為林詠琛,天航同鄭梓靈ｄ書我都有哂喇
其他作者我又無咩與趣喎
但係我都買左本老夫子同祖兒做Cover既Amy～哈哈....開心
最衰啦～佢又唔送祖兒POSTER俾我地.....得Maggie Q咋
結果俾潔雯子棄置o係會展既女廁入面～好殘忍啊
上到Hall 2仲多人，尤其係商台個Counter....真係插針都插唔入呀
d苦榮同小苦妹公仔靚到爆,好想要呀
不過我無買呀～一來哩排無乜＄＄，二來買到番屋企盞多件垃圾
潔雯子就買左２本幾米.....都唔錯丫
我地行唔哂呀！行到佢閂門我地都唔捨得走
之後就去左一間茶餐廳飲野傾偈

雖然有時我地諗野好唔同～
不過每次同佢傾完偈，都覺得好輕鬆
個人好似會樂觀ｄ^^
佢真係幾似一個大姐姐ｇａ

2003年8月2日星期六

My private diary
enter with the log in name and password

>>August 5, 2003 at 4:09:52 AM GMT+8

2003 年 7 月 30 日星期三【晴】

今朝7:00就起左身~~因為俾老豆講電話把聲嘈醒,
同埋要陪阿妹拎身份證.....(佢18歲喇)
雖然我好早起身,但都要攪到9點幾先出到門口
去到海濱.....竟然發現o個度摺埋左.....(唔係嘛~咁都得?!)
o個陣得10點幾,我地又出左黎.....所以就去左荃灣
做我最鐘意既野....haha~~
1點幾小芳就出左黎搵我,我地今日約左一齊買泳衣
(我要學游水啊~~)我行左一陣就揀到喇
係一件黑色2piece~都ok呀! ! !
但小芳就舉棋不定,行左好幾間都揀唔到
最攪笑既係佢最尾買到既係2件背心而唔係泳衣囉! ! !
無佢乎呀.......好倦呀~行左一陣就番屋企喇

番到屋企訓左一陣,就同阿妹出左去join媽咪食dinner
我地去左葵芳,以前lunch成日去既一間野度食
d quality好似差左喎.....有d失望添
都好似幾耐未去過葵芳喇~~佢又變左少少
多左幾間我唔識既舖頭.....
不過食野依然平.....尤其係d零食~~真係同以前一樣
開心 ^^

>>August 2, 2003 at 12:27:34 PM GMT+8

2003 年 7 月 26 日星期六【晴】

今日同d舊同事出去食飯~
好耐無見喇! !大家都冇乜點變丫
哈哈......淨係多左個人囉! !
Eva個大眼男友~~呵呵....佢地真係好恩愛喎
(有d頂唔順haha........)
不過見佢咁開心都〝鄧〞佢高興既
阿Lo阿漢仲帶左個月餅俾我同Polly添(開心....)
多謝你地呀!

我發覺原來將月餅放入微5爐叮熱黎食.....好正ga！！
試下啦～～Yummy

>>July 30, 2003 at 4:45:49 AM GMT+8

2003 年 7 月 25 日星期五【晴】

可能尋日玩得太勁～今日真係好倦
訓左成日....本來諗住出去拎電話ga~
但我真係郁唔到.......係咁訓

今晚我睇左〝低一點的天空〞都幾好睇呀
好感動～不過肥貓Ｄ對白可唔可以有Ｄ新意ga??

　　　　　　　

　　　　　　　

>>July 27, 2003 at 5:27:29 AM GMT+8

2003 年 7 月 24 日星期四【晴】

MY WONDERFUL BIRTHDAY

今日係小玲既20歲生日~~2字頭lu....好老

24/7 11:30pm 雖然未到12:00,不過菁菁同泰仔已經o係
樓下俾左生日禮物我喇~~開心！！
好靚啊～係今年第一份禮物

10:00am 約左小芳同雲雲去飲茶～我地去左青衣城
〝稻香〞ｄ野都幾好食丫！！不過等左好耐呀>.<
多謝你地呀！小芳你ｄ禮物好盞鬼呀！
我最鐘意部「滑．動了一切」好正呀！！！

11:00am 去Polly屋企～我地一齊整餅呀
好好玩ｇａ！！我地左搓右搓就搓左好多粉團
跟住用模吸ｄ花花，星星～好靚啊
雖然唔係好專業....不過都幾好味ｇａ！！
Polly仲焗左蛋糕俾我添呀～～好好食
我覺得Polly都幾有賢妻良母Feel ga~~（厲害）

4:30pm 番到青衣～約左光仔一齊去機場接潔雯子
我地去到等左一陣潔雯子就出黎喇
之後妙妙同May Choi捧住個蛋糕衝出黎
嘩！！好surprise呀～於是我地就去左麥當勞食
好好食呀！勁！（開心）
潔雯子帶左隻袋鼠俾我呀（cute爆）

7:00pm 番屋企食飯～媽咪整左好多野食啊
妹妹買左好好味既蛋糕俾我
我地一路食飯一路睇〝冰人〞大結局（開心開心）

9:00pm 周旭光拎左兩個蛋糕落我屋企～仍自己整GA
一個係Panda,一個係海豚....好得意ga
佢仲俾左個好好聽既禮物我呀

10:30PM 同潔雯子出旺角～我地諗住唱通宵Ｋ
不過要１點先開始呀！我地去到行左一陣
12:00就有得唱喇！

1:00PM 我地兩個都收到人妖既生日message~
車......都過左喇～你唔好下年先SEND
哈哈～～講笑咋！！多謝你

6:00AM 唱完一晚Ｋ～把聲沙哂
好倦呀！！企都企唔穩