2003 年 11 月 1 日 星期六 【微冷】

好多日無打日記lu~個板板之前壞左,開唔到,
好在依家好番又有得用...呵呵 ^^
哩排都係好忙~pasta project趕製中.....
英文有indivdual presentation........死～

１０月３１日　　星期五

HAPPY HALLOWEEN～

今日food pro lecture唔駛上，我地成班上左Millennium聽一個有關dairy products既talk
有好多cheese呀！不過真係悶到爆囉！
所以一到lunch我地唔理得佢講完未,成班走鬼哂......haha ^^
難得今日大家都得閒，我地出左去食lunch
目的地係新文華中心附近既ｍ記～開心 ^^
Kenix食左十幾包漿，我地３個當場俾佢嚇窒一ˍ一"

放左學同Kenix去睇sing con.選拔～ｄ人都唱得幾好丫
尤其欣賞一個唱"小天使"既女仔,好得呀! ! ! Kenix係咪有d技癢呢??
睇到5點幾就出發去荃灣,約左Karen食飯啊~
去到先6點幾,仲有個幾鐘.....走左上圖書館搵pasta既書~都係無咩收穫....
去零食物語買左d糖糖同朱古力~應下節嘛

8:00 終於見到Karen喇,我地好似自從F.7放榜之後都無見過lu~
成年幾,大家好似都變左好多咁,佢依家做緊OL,頭髮長左,皮膚白左
總之就靚左好多啦! !
(每次見番d舊同學都覺得佢地好似越黎越靚咁,點解我唔係既?!) >.<"
我地去左小巴黎食野,傾下大家既緊況~好開心呀! !
Karen俾我既感覺依舊親切,又諗番上Geog堂一齊發夢既日子......


11月1日 星期六

今日要番工,都幾開心丫,有好跳躍既雀雀同直髮小恩恩
如果以後都係咁既pattern就好喇! !^^大家明我講咩啦~
"Eason"黎幫襯,梗係俾個大優惠佢啦,係咪好勁呢?!
隻眼唔知做乜紅得好勁......好核突呀! !


11月2日 星期日

眼紅紅

今朝起身隻眼都係咁紅,唔敢帶con,戴番副眼鏡
番到去佢地個個都話我怪~>.<" 做咩喎?!人地以前都係咁ga la~
都唔知幾斯文呀! !
to姐心情唔多好,聽佢地講之前已經有人遇害......
為左唔想成為下一個目標,我已經好小心ga喇....結果都係俾佢串囉! !
今日有2場生日會,俾人呼招左出去幫手
同d小朋友玩下,幫佢地拎下野咁,都幾好玩既
不過真係好支力啊! !哩d野耐唔耐一次就好玩,
如果叫我成日做就........
放工既時候開始唔係咁舒服,隻眼又紅左d....worry worry so worry......
小芳sorry呀! !攪到你買唔到野添~~
睇黎我聽日都要去搵下醫生喇! ! !

p.s.今日聽到雀雀高唱"龍咁威,特種警衛...."嘩~好正呀! !so funny! !
附送品品sexy背影一個 (color姐姐私人珍藏)



o係祖兒concert入面聽左一首好好聽既歌 "雪人"
原唱者係范曉萱~哩首歌歌詞同旋律都好簡單
好動聽好童話

好冷 雪已經積的那麼深
Merry X'mas to you
我深愛的人
好冷 整個冬天在你家門
Are you my snow man?
我痴痴 痴痴的等

雪 一片一片一片一片 拼出你我的緣份
我的愛因你而生 你的手摸出我的心疼
雪 一片一片一片一片 在天空靜靜繽紛
眼看春天就要來了 而我也將 也將不再生存





>>November 2, 2003 at 5:57:13 PM GMT+8

2003 年 10 月 20 日 星期一 【微冷】

好似好耐無打過日記喇.....哩幾日真係忙到癲
不過哩幾日發生左好多好開心既野~好值得記住

10月17日 星期五

今日好多野做呀~有food pro.mid term test
尋晚睇concert,12點幾先番到屋企,結果讀左一個通宵囉~
因為做唔哂d野,所以走左tourism既lecture,10:30先番到去
哈哈...原來成半班都冇上tourism呀! ! !
好在個test都唔係好難咋~yeah! !
之後既lunch break就不停咁rehearsal,一陣有英文assignment 1呀~即係group discussion
雖然有哂稿同練左好多次,但我都係好緊張......講到"疾"哂咁~
我地係第一組~3:00就完左可以放學~
同左Paco去旺角行~見到好多祖兒既concert相呀! !好靚啊

好支力既一日.....



10月18日 星期六

今日要番工,9:00~5:00
哩排太多野做喇,所以個人好支力.....好呆
開始學下做公關既野,所以成日都要出lobby~
好悶呀.....經過左幾日既lobby實習,我覺得我都係唔識合做公關
好悶好悶好悶....我都係鐘意做counter多d! ! !唔想考喇~點算好?!

發覺自己病病地,又咳又鼻塞,仲要加埋喉嚨痛,個lobby又凍....想死~
今晚約左Karen食飯....點知take break o個時潔雯子打俾我~
唔記得約左佢今日添......哈哈~唯有下次再同Karen食飯啦
我個腦都唔知裝咩ga! !

7點幾去到旺角~好想買衫,但真係一件都揀唔落手,係我怪定d衫怪呢?
最後買左件好怪雞既外套.....咩都買唔到,失望......
去左想去好耐既舊式茶餐廳食野
comment係:哩d野試一次就夠....可怕



10月19日 星期日

Show Up Again! ! !

今日可以同小芳一齊番工~開心
不過我地一番到去就俾人分開左喇~一個lobby一個counter
好在下晝又可以一齊做野 ^^,恩恩仲俾我地一齊take break添呀
我整左個超大既牛屎雪糕俾自己,so sweet~
5:00有group meeting,完左之後o係counter hea左一陣就收工lu~
我地o係m記hea到7點就出發去紅館喇! ! yeah~今晚又睇Joey喇! !
整日口邊都掛住~"這晚約了你夠鐘　請Show Up"

我地拎左2個心心光捧,好靚靚啊~
今晚又好似比第一晚唱得好d,好好睇....
佢騎馬o個part真係好grand呀! ! !勁~
到尾o個時,祖兒講起羅文d野,唱"最後一課"同"留給這世上我最愛的人"
佢喊到收唔到聲....仲跪左o係度添呀.....嗚嗚~~攪到我都好想喊添
祖兒真係好靚啊~
完左之後,我地出到去又有好多相賣,哈哈~我又忍唔住買左2套喇
睇怕下個星期又要捱麵包lu.....
好開心^^,不過好支力呀! ! !我同小芳都支力到o係巴士上面訓著左zZZ

Show Up Joey 鑽石面罩，愛斯基摩人Look，騎飛馬出場： - 我的驕傲 - 未知 - 特別嘉賓 - 抱抱 斜膊 Low Cut 燈籠褲長 Boots，坐龍頭出場： - 隆重登場 - Show Up - 出賣 - 啜泣 - 想得太遠 白衫露臍短裙長 Boots，蕩千秋： - 再見我的初戀 - 誰來愛我 - 雪人 - 遇見 - 逃避你 日本裝： - 愛している - Mad About You - 神魂顛倒 - 美麗在望 - 他都不愛我 [吳浩康 合唱] - 技術性擊倒 [鄭希怡 獨唱] 露背黑色晚禮服，鐵絲網頭飾： - 習慣失戀 - 爭氣 - 心淡 Encore Part I，銀白色西裝，小提琴出場： - 冷戰 - 這分鐘更愛你 - 怯 Encore Part II，藍色連身膠衫： - 不容錯失 - 全身暑假 - 四面台 - 留給這世上我最愛的人 - 最後一課 - 痛愛

聽日有I.T. TEST喎~點算呢.......



10月20日 星期一

好支力啊~連I.T tutorial都冇心機上,好想訓覺
I.T.個TEST真係有D廢......阿sir擺明玩野,佢用個"屎塔"圖叫我地想像係電腦
寫番d part出黎.....果然名不虛傳.......
我諗就算我背哂o個6份notes都唔會識囉! !
最勁既係,test完之後佢話今日哩份淨係tick attendence喎~
哈哈....好彩我尋晚太眼訓無讀到咋! !唔係就死蠢喇~
Marketing繼續釣魚.....zzZ

放左學又要上去補習,威威默書又唔合格
我真係想殺左佢然後自殺呀! ! !激死人~~

8:45 上床訓覺 ZZz

10月21日 星期二

今朝6:30起身,因為尋晚太早訓喇
咩功課都未做過,唯有早d起身啦! !
攪掂左food pro,同英文writing.....YEAH! ! !
12:00番學校傾food pro. project~仲諗住過左mid-term會得閒d添
點知d project同assignment排山倒海咁黎......想死~
今日Betty話識左我咁耐,最精神係今日喎~really??早睡早起精神好! !

放左學又係補習,唔知係嘛我太惡呢,威威今日都幾聽話
好快攪掂....至於合唔合格呢就.......











>>October 21, 2003 at 3:08:37 PM GMT+8

2003 年 10 月 10 日 星期五 【微冷】

10月9日 星期四

番12:30,不過又要10:00番去傾project
唔知點解,我地今日好高效率.....都唔駛2個鐘就傾好哂~
哈哈...原來只要俾心機d真係可以快幾倍,
Food pro今日整焗薯~好得意呀.....但唔好食既~
2:30我地幾個即刻過尖咀...
哈哈~其實哩個先係我地極識速做完個project既原因
諗諗下,番左成個幾月學,我地都係第一次出去食lunch咋~
目的地係麥記.....雖然我成日都食,不過同成班同學一齊食開心好多喎~

放學諗住去青衣圖書館拎書....所以搭巴士走
"熬"左個幾鐘,去到竟然無開門~嗚鳴......唔記得今日係星期四添 >.<"

番到屋企支力到爆.....所以即刻訓左
10點幾先開始溫tourism~唉! !聽日要test呀! !
越溫越驚,溫到2點幾又訓過,唔知係咪太緊張呢~
好似之前考文學咁怪夢連編.....
我又聽到有好多人o係度講野,好清楚ga.....驚~>.<"

10月10日 星期五

今日一早番去測touism....測之前真係好驚ga~
不過好在份paper唔係太深.....但我都唔係好識囉! !

P.S. Paco好衰ga~ 人地邊有成日掛住玩喎
我都唔知幾勤力呀! ! !你睇下我唔係番工就番學ga喇~好乖啊! ! !
做咩話人反應慢...係你地反應太快咋~~
打死你! ! !Paco Paco Paco Paco Paco......








>>October 11, 2003 at 11:05:44 AM GMT+8